မီးပြတိုက်အလွန်

Tuesday, March 31, 2009

မီးပြတိုက်အလွန်
အလင်းမဲ့ယိုင်လင်းတန်း
ငါ့ခန္ဓာကိုယ်ကို
ထွင်းဖောက်ဖြတ်သန်းသွားတယ်။
ကြားနေကျအသံတွေရဲ့မြင်ကွင်း
သိပ်မရှင်းလင်းချင်တော့ဘူး ... ။
ပုံမကျပန်းမကျနဲ့သဘာဝကြီးကို
ထုဆစ်ဖို့ ကြိုးစားခဲ့တဲ့
ငါ့ရဲ့အပြစ်သာပ ... ။

အဲဒီသစ်ပင်တွေကို ငါစိုက်ခဲ့တာ မဟုတ်ဘူး
အဲဒီမိုးရေစက်တွေ ငါ့ကြောင့်ရွာတာ မဟုတ်ဘူး
အဲဒီမြူတွေ အုံ့ဆိုင်းပိတ်ဆို့နေတာ ငါ့ကြောင့် မဟုတ်ဘူး
အဲဒီ နေ ပူလောင်ခြောက်သယောင်းစေတာ ငါ့ကြောင့်မဟုတ်ဘူး
ဘာဆိုဘာမှ ပြုပြင်ဖန်တီးဖို့
မစွမ်းခဲ့တဲ့ ငါ... ပါကွယ်။

ကံကြမ္မာ တဲ့
ဓားစာခံသက်သက်ကောင်ပေါ့
ပစ်ပေါက်ခံထားရတဲ့ ဓားချက်တွေ
ပြင်းထန်တဲ့လက်သီးချက်တွေပြည့်နှက်
သွေးပျက်နေတဲ့ကြားထဲက
ကြီးမားနေသေးတဲ့ ခန္တီစ...
ငါ... အံ့သြမနေတော့ပါဘူး ... ။

ရာစုနှစ်တစ်နှစ်ကို
သွေးရိုးသားရိုး ပြုစားချင်ခဲ့သူပါ
စကြ၀ဠာရဲ့အမြင့်ဆုံးလမ်းမှာ
ပျံသန်းရင်းတေးဆို
သံလွင်ခက်ငိုတဲ့ညတွေ
ကုန်ပါစေတော့ ... ။


မနော်ဟရီ
၀၅.၀၆.၁၉၉၆


စိတ်တွေလေတဲ့နေ့

Sunday, March 29, 2009

စိတ်တွေလေတဲ့နေ့

အယောင်ယောင်အမှားမှားနဲ့
အတိတ်တံခါးကိုသွားခေါက်မိတော့
စနစ်တကျသိမ်းဆည်းထားတဲ့အိပ်မက်တို့
တဝုန်းဝုန်းထပျံ…
ငါ့ရင်ခုန်သံတွေမမှန်ချင်တော့………။

တဝေါဝေါထိုးကျနေတဲ့ရေတံခွန်တစ်စင်း
မီးခပ်မျှင်းမျှင်းနဲ့မငြိမ်းနိုင်တဲ့မီးဖိုတစ်ခု
မာကျောကျွတ်ဆတ်ယောင်ဆောင်ထားတဲ့မှိုတက်ပေါင်မုန့်ကတစ်လုံး
မေ့တေ့တေ့ပါပဲဆိုပြီးကြည့်မှန်တွေကိုထိုင်ထိုင်ကြည့်နေတတ်တဲ့ဖဲကြိုးဖြူလေးကတစ်ခု
အနီရောင်နှင်းဆီပန်းခြောက်တွေကိုနှင်းဆိနံ့ရေမွှေးဖြန်းပေးနေတတ်တဲ့
နေရောင်ခြည်လေးကတစ်စ

စာလုံးတွေမှုန်ဝါးသွားသည့်တိုင်မြင်နိုင်နေသေးတဲ့စာရွက်ဝါကြင်ကြင်တချို့နဲ့စာအုပ်
ရယ်သံများနှင့်လတ်ဆတ်ရှင်းသန့်နေခဲ့သောနံနက်ခင်းတစ်ခု
သူတို့တစ်စုတစ်ဝေး ကျင်းပနေသော စကားလုံးမဲ့အလွမ်းပွဲတော်သံ
နားမခံသာပြန်ဘူး………

လှည့်ထွက်ခြေလှမ်းတို့နွမ်းချိယိုင်လှုပ်
တဖြုတ်ဖြူတ်ကြွေကျလာသော မျက်ရည်စက်များအုံ့ခို..
တံခါးကိုအလိုလိုဆွဲပိတ်မိပေမယ့်..အားမထည့်နိုင်ခဲ့တော့…

လူဆိုတာဒီလိုပဲလား
သိပ်အားနည်းနေတဲ့အချိန်မျိုးမှာ
အရာရာဟာ ရောဂါဘယတွေလိုခြုံခိုတိုက်ခိုက်
အစွယ်တဖွေးဖွေးနဲ့ကိုက်တတ်တဲ့သတ္တဝါတွေလို
ငါ့ကိုတစ်ခါတည်းမျိုချပစ်လိုက်ကြပါတော့လားးးးးးး
တစ်ယောက်တည်းအားထည့်အော်ပစ်လိုက်တဲ့အသံ
ကိုယ့်နှလုံးသားကိုပဲပြန်မှန်တယ်
တကယ်ဆို…အဲဒီလိုစိတ်လေနေဖို့မကောင်းဘူး
ဒါပေမယ့်..လူဆိုတာမျိုးကလည်း
လျို့ဝှက်ခန်းကလေးတွေကိုယ်စီနဲ့
လူခြေတိတ်ချိန်ကျ..တစ်ယောက်တည်းဖွင့်ကြည့်နေမိတတ်တာမျိုး
ဘာပဲဖြစ်ဖြစ် တနင်္လာနေ့မနက်ကျရင်တော့
တံခါးချပ်ကအလိုလိုပိတ်..ပစ္စက္ခဆီစိတ်တွေပြန်လည်ဆောင်ကျဉ်း
သီချင်းတစ်ပုဒ်ကိုခပ်တည်တည်ဆို(စာမျက်နှာ-၁၅..ပဲဖြစ်မယ်ထင်တယ်)
အနာဂါတ်ဆိုတာကြီးနဲ့တည့်တည့်ရင်ဆိုင်
ဘယ်မှာစိတ်လေနိုင်တော့မှာတဲ့လဲ။ ။
မနော်ဟရီ

မနေ့က ဖိုးစိန်က ကဗျာရေးပါဆိုတာနဲ့ လေးဖြူရဲ့ စာမျက်နှာ ၁၅ နားထောင်ပြီးခံစားနေတာနဲ့
ဒီကဗျာလေးကိုရေးဖြစ်သွားတယ်။ ဒီနေ့ ချိုသင်းဆီရောက်တော့မှ လားလား ကဗျာခေါင်းစဉ်အစစ်
ကိုတွေ့တော့တာ goat wind day လေ..း)


ကြည်လင်သောရေ.ကြည်လင်သောကဗျာဆရာ

Saturday, March 28, 2009

ကဗျာဆရာဦးကြည်အောင်..၊အမည်ရင်း..ဦးကြည်လင်.ဟာမနေ့က..၂၇.၃.၀၉..မနက်မှာ ကွယ်လွန်သွားခဲ့ပါတယ်။
ကြယ်တွေကောင်းကင်မှာများလာတယ်လို့ပဲတွေးဆမော့ကြည့်ရင်း......ကျွန်မတို့ဖြေသိမ့်ကြရအောင်...။
ဦးကြည်အောင်ရဲ့ကဗျာတွေကို..ကျွန်မချစ်သောကဗျာများ...မှာတင်ထားပါတယ်။..အဲဒီမှာသွားဖတ်နိုင်သလိုပဲ
ပျံ့လွင့်နေသောတေးနှင့်ဧကစာရီ...မှာလည်းသွားဖတ်နိုင်ပါတယ်။


ဈေးဝယ်ထွက်ခြင်း

Friday, March 27, 2009







ဈေးဝယ်ထွက်ခြင်း..ဆိုလို့တခြားမထင်ပါနဲ့။ဟင်းသီးဟင်းရွက်အဝယ်ထွက်တာပါ။မှန်တာပြောရရင်
ဒီရောက်တည်းက..တစ်ခါမှကိုယ့်ဟာကိုဈေးမဝယ်ဖူးပါဘူး..။ပျင်းတာလည်းပါပါတယ်။..း)
အိမ်မှာအမေက..ခရီးမထွက်ခင်တော်တော်များများဝယ်ထည့်ပေးခဲ့တာ.။ခုတော့ကုန်သလောက်ဖြစ်
နေပါပြီ။ဒါတောင်ဒီကြားထဲမှာမောင်လေးက..ဝယ်ဝယ်လာလို့..။ပြီးတဲ့တဲ့သောကြာညကနေတနင်္ဂ
နွေညနေထိလည်းသူများအိမ်သွားနေစားလိုက်သေးတယ်....း)..အကုန်အကျများမှားစိုးလို့...
ဒီမနက်တော့ မရတော့ဘူး။မနက်တိုင်း သားကိုကျောင်းပို့ရင်းစဉ်းစားတာက..အပြန်ကျရင် ဈေးဝယ်
မယ်..ပြီးရင်အိမ်ထဲပဲ..ကွန်ပျူတာရှေ့ပဲပြန်ပြန်ရောက်လာတာပဲ။အမှန်က......သွားဝယ်ရမယ့်ဆိုင်
Frankin....နဲ့အိမ်ကမျက်စောင်းထိုးလောက်မှာရှိတာ...။အဲဒါကိုကိုမရွေ့နိုင်ခဲ့တာလေ....။
ဒိနေ့ဝယ်လာတဲ့ပစ္စည်းတွေက..
ပန်းဂေါ်ဖီအစိမ်း..တစ်ပွင့်
မှို (တစ်ဆယ်သားကျော်လောက်ရှိမယ်ထင်တယ်)
Orange
Seedless Grapes(green)
Pears
ငှက်ပျောသီးတစ်ဖီး
အားလုံးမှ ၁၂.၂၄ဒေါ်လာပဲကျတယ်။အောက်ဈေးနဲ့မတွက်ပဲတက်ဈေးနဲ့ပဲတွက်ပါဦးမယ်။တစ်ဒေါ်လာ
ကို ၈၀၀ နှုန်းနဲ့တွက်ရင်..၉၉၆၀ ပဲကျတယ်။
ကဲ မြန်မာပြည်ကဈေးနဲ့တွက်ရအောင်။
အစေ့မပါတဲ့စပျစ်သီးအစိမ်းတစ်ကီလိုကို ၉၀၀၀ပါ..ကီလိုဝက်စာလောက်ပဲပါတာမို့..၄၅၀၀ထားလိုက်
ပါမယ်။နောက်..ပန်းဂေါ်ဖီစိမ်း..အမြင့်ဆုံးဈေး ၈၀၀ နဲ့တွက်ပါမယ်။နောက်..လိမ္မော်သီး..ဒိလိုမျိုး
ဆို ရန်ကုန်စီးတီးမတ်ထဲမှာ..တစ်လုံး ၁၀၀၀..နှစ်လုံးဆိုတော့...၂၀၀၀..။နောက်ငှက်ပျောသီး...
သီးမွှေးသီးတစ်ဖီးကိုအောက်ထစ်..၁၅၀၀..နောက်..pear..ကတော့ရန်ကုန်မှာမရှိတော့ပန်းသစ်
တော်လိုသဘောထားပြီးတွက်လိုက်မယ်..တစ်လုံးကို ၁၀၀၀...နှစ်လုံး..၂၀၀၀ပေါ့...မှို..ဒီလို
အပွင့်လှလှကြီးတွေဆိုသေချာတယ်..တစ်ဆယ်သား ၁၅၀၀..မှိုနဲ့ကန်စွန်းရွက်ကြော်စားဖို့တော်တော်
အားခဲရတတ်တာ..ဘာမှမဟုတ်ပဲမှိုက..၁၅၀၀..တရုတ်ကန်စွန်းတစ်စည်း.၂၀၀..နှစ်စည်းဆို..၄၀၀
နဲ့တင်..၁၉၀၀ဖြစ်သွားပြီမို့..။ကဲ ..ခုဝယ်လာတာတွေကိုမြန်မာဈေးနဲ့ပေါင်းကြည့်လိုက်ရအောင်...
၄၅၀၀+၈၀၀+၂၀၀၀+၁၅၀၀+၂၀၀၀+၁၅၀၀...ဆိုတော့...ကျွန်မ ဂဏန်းပေါင်းစက်ကပျက်သွား
တယ်..ကိုယ့်ဘာသာကိုယ်ပဲတွက်ကြည့်လိုက်တော့နော်...း)
(ပုံတွေကို GOOGLE ကယူပါတယ်..ကင်မရာအဆင်သင့်မရှိလို့ပါ စပျစ်သီးကကျွန်မစပျစ်သီးကပို
လှပါတယ်..မှတ်ချက်..ကျြွားခြင်းဖြစ်၏..)

ရှေ့မှာတင်ခဲ့တဲ့..သေသပ်ကျနစွာနေကြတ်သွားသောနေ့တစ်နေ့..တွက်ပြောစရာလေးတွေရှိလာလို့ပါ။
ဝေလွင်ဇော်က..ကျွန်မကိုကဗျာစာလုံးပေါင်းလေးမှားနေတာလာပြင်ပေးပါတယ်။သူမှန်ပါတယ်။ကျွန်မက
မှားတာပါ။ကျွန်မ မြန်မာမော်ဒန်ကဗျာများကနေပြန်ကူးယူလာတာမို့စစ်လည်းမစစ်လိုက်မိဘူးဖြစ်နေတာ
မို့ပါ..။လာပြင်ပေးတာကျေးဇူးတင်ပါတယ်။ခုပြန်ပြင်ထားလိုက်ပါပြီ..။
တကယ်ပဲ..ကျွန်မဆယ်တန်းနှစ်မှာဆုံးသွားတဲ့ကျွန်မသူငယ်ချင်း...မင်း..ကိုရေးထားတာပါ။သူဆုံးတော့
သူက..ဆေးကျောင်းတက်ရမယ့်ငါးဘာသာဂုဏ်ထူးရှင်..။သူ့အဖေ..ဆရာဝန်ကြီးနဲ့အတူဆုံးပါတယ်။
ကျန်ခဲ့တဲ့သူတွေအတွက်စဉ်းစားကြည့်ပါဥိး..။သူ့အမေဆိုတာ..ငိုလည်းမငို.....အသံလည်းမထွက်..
အရုပ်တစ်ရုပ်လိုကိုဖြစ်သွားတော့တာ..ကျွန်မတို့သူငယ်ချင်းတွေဖက်ကခံစားမှုဆိုတာက..ဘာဟုတ်
သေးလို့လဲ....ဒိကဗျာလေးကိုခုထိ အန်တီခင်လေး..(ကိုရင်နော်ခင်လေးငယ်ကခင်လေးမဟုတ်..)
ကိုပေးမဖတ်ရသေးပါဘူး။ဘယ်ရောက်နေမှန်းလည်းလည်းမသိပါဘူး။တွေ့ကြုံဆုံကွဲ ဆိုတဲ့လောကကြီး
ထဲမှာ...


သေသပ်ကျနစွာနေကြတ်သွားသောနေ့တစ်နေ့

Thursday, March 26, 2009

သေသပ်ကျနစွာနေကြတ်သွားသောနေ့တစ်နေ့
ခပ်ညံ့ညံ့ရုပ်ရှင်ကားတချို့ထဲက...
နိမိတ်ပြ... ပြကွက်လို
ဖန်ခွက်တစ်လုံး ခွမ်းခနဲ ကျကွဲ...
ဖရိုဖရဲလွင့်စင်ကြေမွမှုဟာ
ကျွန်မကမ္ဘာဖြစ်လို့ ... ။
လျှပ်စစ်ကြိူးတစ်လျှောက်
စီးဆင်းလာတဲ့အသံ
သံသယ၀င်မိခြင်းပထမ
ကျွန်မ...
ယုံကြည်လို့မရခဲ့ဘူးပေါ့ ... ။
သိပ်သေချာခဲ့သတဲ့
ဆွဲအားမဲ့သွားတဲ့ကတ္တရာလမ်းမရဲ့အနက်ထည်
ဘယ်တော့မှပြန်မရနိုင်တဲ့ဆုံးရှုံးမှု
တစ်စုံတစ်ခုမှ မှာကြားမသွားတဲ့သူငယ်ချင်း...
ကျွန်မရင်တွင်းမှာ စစ်တွေခင်းလို့
သူငယ်ချင်းကို ပြန်လုနေမိတယ်
ဘယ်လိုစာတန်နတ်ဆိုးကများ
လှည့်စား... ခြေမွ... ထားခဲ့ကြတာပါလိမ့်။
ပျစ်ပျစ်နှစ်နှစ် ဆဲရေးပစ်လိုက်ဖို့
တံခါးအဖွင့်မှာ...
အဲဒီမိုးတွေက...
ရွာလို့ကောင်းတုန်း...
ပျစ်ချွဲချွဲ...
အဖြူရင့်ရောင်မိုးစက်များ
ဒရဟောသွန်းကျဲရွာချ
နတ်ဆိုးတစ်ပါးအမူးလွန်အန်ချလိုက်သလို
မိစ္ဆာအလိုတွေပါ
ရောနှောပါလာခဲ့တော့တာပေါ့... ။
ကြိုးလျော့ဂစ်တာတစ်လက်ရယ်
အသစ်စက်စက် ခန္ဓာဗေဒစာအုပ်ရယ်
ကဗျာတွေအပေါ်ချစ်တဲ့ အချစ်ရယ်
တစ်ဝက်စီပိုင်ဆိုင်ထားတဲ့အနာဂတ်ရယ်
သားပျောက်တေးနဲ့မိခင်ရယ်...
ကြောက်မက်ဖွယ်ရာ အမှန်တရားရယ်
အလန့်တကြား...
ကျွန်မ ငိုမိတာ... ဆန်းလား... ။
ပဲခူးကောလိပ်အလွန်လေးသံကြိုး
အစိုးမရတဲ့မိုးရယ်
ပန်းတစ်ပွင့်မှမကျန်တဲ့
ပါးလျတာယာအိုရယ်
ဆွဲအားမဲ့အနက်ထည်လမ်းမကြီးရယ်
ပြီးတော့... တာဝန်မဲ့အရက်တစ်ခွက်ရယ်
ငယ်အိပ်မက်တွေအားလုံးလွင့်စင်ကွယ်...
ကျွန်မသူငယ်ချင်းဝိညာဉ်... ငိုရော့မယ်... ။
သေသပ်ကျနစွာ နေကြတ်သောနေ့တစ်နေ့
မိုးသားတိမ်လိပ်တို့ တရိပ်ရိပ်ပြိုကျ
ကျွန်မရဲ့မိုးရေစက်တွေ...
မင်း ရေ...
မိုးစစ်စစ်တွေက ခုမှရွာတာ... ။

မနော်ဟရီ
ရွှေဝတ်မှုန်၊ နိုဝင်ဘာ၊ ၁၉၉၅။


Idea Magazine

Tuesday, March 24, 2009

Idea Magazine ထဲက စာမူတချို့နဲ့ကဗျာတချို့ကိုလစဉ်တင်ပေးသွားမယ့်နေရာလေးပါ။
ဘေးနားက..ကြော်ငြာလင့်ကနေကလစ်နှိပ်ပြီးသွားနိုင်ပါတယ်။အတတ်နိုင်ဆုံးတော့တစ်ခု
ချင်းစီကြိုးစားတင်သွားပါ့မယ်။လောလောဆယ်တော့ဝတ္ထုတိုတွေနဲ့ကဗျာတွေပါပါတယ်။


The Return of the Prophet









The Return of the Prophet

တစ်နေ့က Borders ထဲမှာနာရီတော်တော်များများကိုဖြုန်းပစ်လိုက်တယ်။ Bordersဆိုတာ
စာအုပ်ဆိုင်ပါ။နိုင်ငံတော်တော်များများမှာရှိပုံရပါတယ်။ကျွန်မ မလေးမှာလည်းဝယ်ဖူးတယ်
စင်ကာပူမှာလည်းဝယ်ဖူးတယ်။ဒီရောက်တော့မေးတော့လည်းရှိတယ်ဆိုတာနဲ့Chatswood
က ဆိုင်ကိုသွားခဲ့တယ်။
စာအုပ်တွေကတော့အများကြီးပဲ။Audio book တွေရော..Musicနဲ့.. Moviesတွေရောရနိုင်
ပါတယ်။သွားတုန်းကတော့..ဆရာဇော်မှာတဲ့Postmodernism…စာအုပ်တွေကိုသွားရှာပေး
မယ်ဆိုပြီးသွားတာပါ။ဟိုရောက်တော့..Introduction to Postmodernism.တစ်အုပ်ပဲရှိပြီး
ကျန်တာက အော်ဒါမှာရမယ်ဆိုတာနဲ့တခြားစာအုပ်တွေလျှောက်ကြည့်ဖြစ်ပါတယ်။ကျွန်မ
က Mythologyလည်းစိတ်ဝင်စားသူမို့..တချိန်ကရှိခဲ့ဖူးပြီးနောက်ကျမှTheosophy Library
ကိုလှူလိုက်တ.ဲ့.. Dictionary of Mythology…….စာအုပ်ကိုပြန်ရှာဝယ်ရင်း..Egyptian
Mythology တစ်အုပ်ပါဝယ်လာခဲ့သေးတယ်။Egyptian book of dead နဲ့ Tibetan book
Of dead တွေကိုပါရှာခဲ့သေးတယ်။ကျွန်မမှာပျောက်ကုန်တာတွေတော်တော်များတာမို့ပါ။
အဲလိုကြည့်နေရင်းနဲ့ဘာသွားတွေ့လဲဆိုတော့ကဗျာစာအုပ်စင်မှာ..The Return of the
Prophet ဆိုတဲ့စာအုပ်ကိုသွားတွေ့ပါတယ်။ ချက်ချင်းကောက်ယူကြည့်တော့..ရေးသူက…
Hajjar Gibran တဲ့..။ Khalil Gibran .....ရဲ့မြေးတဲ့။မြေးဆိုပေမယ့်အရင်းတော့မဟုတ်
ပါဘူး။သူကGrand Uncle…လို့ဆိုတာကိုး။
Khalil Gibran ဆိုတာ The Prophet ဆိုတဲ့စာအုပ်ကိုရေးသားခဲ့သူအာရပ်စာဆိုပါ။ ဒါပေ
မယ့်သူကလက်ဘနိစ်အစစ်တော့မဟုတ်ပါဘူး။လက်ဘနိစ်နဲ့အမေရိကန်စပ်ထားတာပါ။
သူ့ကိ်ု ၁၈၈၃ ဇန္နဝါရီ ၆ ရက်မှာမွေးပါတယ်။အသက်..၄၈နှစ်အရွယ်..၁၉၃၁မှာအမေရိကန်
မှာပဲကွယ်လွန်ခဲ့ပါတယ်။အနုပညာသမား၊စာရေးဆရာ၊ကဗျာဆရာ..Khalil Gibran..ဟာ
The Prophetဆိုတဲ့စာအုပ်နဲ့နာမည်ကျော်ပါတယ်။အဲဒီစာအုပ်ဟာသိပ်ရိုးစင်းလှပပြီးသိပ်
ပြေပြစ်တဲ့ဖွဲ့ဆိုမှုတွေကြောင့်တင်နာမည်ကျော်ခဲ့တာမဟုတ်ပါဘူး။အထဲမှာပါဝင်တဲ့ဒဿန
တွေကြောင့်လည်းထင်ရှားပါတယ်။
ကျွန်မ..The Prophetကိုဖတ်တော့၁၉၉၈..ပါ။အဖုံးကအပြာရောင်မှာမှ..လူတစ်ယောက်ပုံ
ဦးခေါင်းနဲ့ပါ။ကျွန်မ..မထွက်လာခင်စာအုပ်တွေရှင်းတော့တောင်မှပိုးတစ်ဝက်စားထားတဲ့စာ
အုပ်လေးကိုတွေ့လိုသေချာပြန်သိမ်းခဲ့ပါသေးတယ်။ခု..အဲဒီအဖုံးပုံကိုအင်တာနက်မှာပြန်
ရှာတော့မတွေ့တော့ဘူး။
ပြန်ရှာရခြင်းအကြောင်းအရင်းက..Hajjar Gibran…အိပ်မက်ထဲမှာလိုလိုအာရုံထဲမှာလိုလို
တွေ့တယ်ဆိုတဲ့သူ့အဖိုးပုံက အဲဒီပုံနဲ့တူတယ်လို့ခံစားရလို့ပါ။ခုနေKhalil Gibranပုံကိုနက်
မှာရှာတော့အဲလိုပုံတစ်ပုံမှမတွေ့ရပြန်ဘူး။ထူးတော့ထူးသလိုပဲ။
ကျွန်မကိုတာရာမင်းဝေနဲ့အတူအဲဒီစာအုပ်ဖတ်ရင်းပြောမိတာက အဲလောက်လှတဲ့စာလုံး
တွေ..ကိုဘာသာပြန်ဖို့သိပ်လွယ်မှာမဟုတ်ဘူး။ပြန်ကြည့်ပါလားလို့..သူ့ကိုပြောတော့သူက
ပြန်ချင်နေတာတဲ့။ဒါပေမယ့်..တစ်ရက်မှာသူစာအုပ်လေးတစ်အုပ်ဝယ်လာတယ်။ဒီမှာကြည့်
စမ်းဆိုလို့ကြည့်လိုက်တော့..ဘသန်း(ဓမ္မိက)ရဲ့စာအုပ်။သေချာကြည့်တော့မှ..လားလား…
The Prophet ကိုဘာသာပြန်ထားတာဖြစ်နေတယ်။..နှုတ်ကောင်းခွန်းမြိန်သုခမိန်..တဲ့…။
အိုး..တကယ့်ကိုလှအောင်ပြန်ထားနိုင်တာကိုတွေ့ရတယ်။အကုန်လုံးတွန့်ဆုတ်သွားစေ
မယ့်ပြန်ဆိုမှုမျိုးလို့ပြောရင်..ကျွန်မလွန်မယ်မထင်ပါဘူး။ဘာသာတစ်ခုကနေတစ်ခုကိုပြန်
ဖို့ဆိုတာက..စာရေးသူရဲ့ဆိုလိုရင်းကိုဘာသာပြန်သူကထိမိစွာသိဖို့လိုတာကိုး..။အဲလိုသိ
ဖို့ဆိုတာက..ဘာသာစကားကျွမ်းကျင်မှုတစ်ခုတည်းနဲ့မရပါဘူး။တစ်ဖက်ကအနုပညာပါ
တာမို့ပြန်ဆိုသူကလည်းအနုပညာ..ပါရပါတယ်။
နှုတ်ကောင်းခွန်းမြိန်သုခမိန်..ဟာဘာသာပြန်ထားတာကလွဲရင်တကယ့်The Prophetအ
စစ်ကိုခံစားရသလိုပါပဲ။
ခုစာအုပ်လေးကတော့ သုခမိန်ပြန်လာပြီ..ပေါ့..။Hajjar ကဒီစာအုပ်ကိုသူကိုယ်တိုင်ရေး
တယ်ဆိုတာထက်သူ့အဖိုးဝိညာဉ်ကသူ့ကိုလာပြောနေသလိုမျိုးရေးထားတာပါ။
Hajjaမှာ..သူ့ထက်တစ်နှစ်ပဲကြီးပြီးသူ့ကိုသိပ်ချစ်တဲ့အစ်ကိုတစ်ယောက်ရှိပါတယ်။တစ်နေ့
မှာအဲဒီအစ်ကိုဟာမတော်တဆသေနတ်မှန်ပြီးသူ့ရှေ့မှာတင်သေဆုံးသွားခဲ့တယ်။အဖေက
တောင်ငိုရှိုက်ခဲ့ပေမယ့် Hajjarကတော့မငိုခဲ့ပါဘူး။မငိုပေမယ့်အဲဒီချိန်ကစလို့သူဟာလူတွေ
နဲ့ကင်းကင်းနေပြီးတိတ်ဆိတ်သွားတော့တယ်။ပြီးတော့ တစ်စထက်တစ်စလည်းဆိုးသွမ်း
လာခဲ့တယ်။
တစ်နေ့သူကားမှောက်တယ်။ပြန်မထနိုင်ခင်မှာအဖိုးကြီးတစ်ယောက်ကိုသူတွေ့တယ်၊မုတ်
ဆိတ်တွေနဲ့တဲ့…ဘယ်သူမှန်းမသိပေမယ့်စိတ်ထဲကတော့ရင်းနှီးနေသလိုပဲ။နောက်…တစ်
ခေါက်သူထပ်တွေ့တာကသူ့မိန်းကလေးသူငယ်ချင်းကိုလုယူသွားတဲ့လူတစ်ယောက်နဲ့ရန်
ဖြစ်ရင်းကထောင်ထဲရောက်သွားချိန်မှာပါ။သူအသိစိတ်နဲ့လူနဲ့ကပ်တစ်လှည့်မကပ်တစ်
လှည့်ဖြစ်နေချိန်မှာရောက်လာတာပါ။အဲဒီအချိန်မှာပဲသူ့အိမ်ကသူ့ကိုပြန်လာခေါ်တာမို့သူ
အိမ်ပြန်လာခဲ့တယ်။
ပြန်ရောက်တော့အမေဖြစ်သူကသူ့ကိုနောက်မကျသေးဘူး၊ပြင်လို့ရသေးတယ်ပြင်လိုက်ပါလား
လို့ပြောပြီးစာအုပ်စင်ကစာအုပ်တစ်အုပ်ကိုသွားယူဖတ်ပြတယ်။အဲဒီစာအုပ်ကိုသူငယ်
ငယ်ကလည်းအမေကဖတ်ဖို့တစ်ခါပေးခဲ့ဖူးပြီးသူနည်းနည်းပဲဖတ်ဖြစ်ခဲ့တာလည်းမှတ်မိနေ
တယ်။ဒီတစ်ခါမှာသူတွေ့လိုက်တာကအဖုံးကလူပဲ။အဲဒီလူဟာသူ့အိပ်မက်လိုလိုအာရုံလို
လိုထဲမှာတွေ့နေကျမုတ်ဆိတ်တွေနဲ့အဖိုးကြီးဖြစ်နေတာပါပဲ။
သူကသူ့အမေကိုချက်ချင်းပဲဒါဘယ်သူလဲလို့မေးတော့..အမေက..ဒါမင်းအဘိုးလေးပဲလို့ဖြေ
ပါတယ်။ဒါကြောင့်သာသူဒီလူကြီးကိုတွေ့စဉ်ကရင်းနှီးနေသလိုခံစားမိတာကိုး။
အဲဒီညမှာပဲသူအဲဒီစာအုပ်ကိုစဖတ်တယ်။ဖတ်ပြီးတော့ငိုတယ်။အဲဒီနောက်မှာသူပြောင်းလဲ
သွားတော့တယ်။ဒီ The Return of the Prophet ကိုရေးတဲ့ထိပေါ့…။
နောက်သူ..အဖိုးအုတ်ဂူရှိရာကိုသွားတယ်။အဖိုးမွေးခဲ့တယ်ဆိုတဲ့..Ottoman,Syria က…
Bsharri ဆိုတဲ့ရွာကလေးကိုလည်းသွားခဲ့တယ်။သူ့အဆိုအရကတော့အရင်ဘဝကအ
ထောက်အထားတွေကိုတွေ့နိုင်ဖို့တဲ့…။
နောက်တစ်နေရာမှာကျတော့တစ်မျိုး..သူ့အစ်ကိုသူနဲ့အတူရှိနေတယ်ဆိုတဲ့ခံစားမှုကိုသူရ
နေပေမယ့်တကယ်ရှိနေတာကသူ့အာရုံမှာမြင်နေကျမုတ်ဆိတ်တွေနဲ့အဖိုးတဲ့..။တစ်မျိုး
တော့တစ်မျိုးပဲလို့တွေးနေတဲာ…။နောက်ဆုံးအခန်းမှာလည်းထည့်ရေးထားတာတစ်ခုက..
I came and died as your brother to call you home ..တဲ့..။နောက်..Homecoming
မှာလည်းသူ Bsharri ကိုသွားတဲ့အကြောင်းရေးတာဖတ်ရတော့ ပထမဆုံးသူပြောခဲ့တဲ့အ
ရင်ဘဝကအထောက်အထားဆိုတာ သူ့အစ်ကိုရဲ့အထောက်အထားကိုပြောတာပဲဖြစ်မယ်
လို့တွေးလိုက်မိပါတော့တယ်။
လူဆိုတာကလည်းအစွဲကဖျောက်လို့ရခဲသား။The Return of the Prophet ဟာတော်
တော်ကောင်းပါတယ်။ဒါပေမယ့်စိတ်ထဲမှာက…ဒီလူဟာ..Khalil Gibran မဟုတ်ဘူးဆိုတာ
ရယ်၊ဒီစာအုပ်ကိုဖတ်နေစဉ်မှာThe Prophetကိုသတိရနေမိတာရယ်ကြောင့်မူလစာအုပ်ကို
မီတယ်လို့မထင်မိပါဘူး။ဒါတောင်မှ သူ့ဟာနဲ့သူကတော့ထိရဲစရာမရှိအောင်လှနေပါသေး
တယ်။
ဒီစာအုပ်မှာ..အဖိုးလုပ်သူရေးခဲ့တဲ့ The Prophet ထဲက.The Promise..ဆိုတဲ့စာမျက်နှာ
ရယ်၊Introduction ရယ်..ခေါင်းစဉ် ၁၇ခုခွဲထားတဲ့အခန်း(၁၇)ခန်းရယ်ပါဝင်ပါတယ်။အဲဒီ
ခေါင်းစဉ်တွေက..
Dawn, Belief, Truth, Grace, Sexuality, Change, Vision, Abundance, Betrayal,
Forgiveness,Courage,Bliss,Love,Homecoming,Awakening,နဲ့..Remembrance..
တို့ပဲဖြစ်ပါတယ်။တစ်ခန်းချင်းစီကစာပိုဒ်တချို့ရယ်…The Prophet ကThe Promiseရယ်ကို
နမူနာဖတ်လို့ရအောင်..ထည့်ပေးလိုက်ပါတယ်။တကယ်လွယ်ကူရိုးစင်းလှပတဲ့အရေးအ
သားတွေဖြစ်လို့လူတိုင်းနားလည်နိုင်မှာရော..အမှန်အတိုင်းဝန်ခံရရင်ကျွန်မမီအောင်ပြန်ပေး
နိုင်လိမ့်မယ်မထင်တာရယ်ကြောင့်ဒီတိုင်းပဲဖော်ပြပေးလိုက်ပါမယ်။

The Promise ( from the final chapter of The Prophet)
Should my voice fade inyour ears,and my love vanish in your memory,then
I will come again.
And with a richer heart, and lips more yielding to the spirit will I speak.
Yea, I shall return with the tide….
If aught I have said is truth, that truth shall reveal itself in a clearer voice, and
in words more kin to your thoughts…..
And if this day is not a fulfillment of your needs and my love, then let it be
a promise till another day……..
Know, therefore, that from the greater silence I shall return…
A little while , a moment of rest upon the wind , and another woman shall
bear me.
Khalil Gibran

DAWN
And it is good that it is so, for no waters are purer than those precious droplets
released in your moments of surrender.

Weep until seeds of joy take root in the womb of your soul!

BELIEF
I learned faith from the doubter ,decency from sinister, compassion from the
cruel, and gratitude from them all.

I am the ever-present song you have yet to sing;nearer to you than your breath.

You may search the world to find me, yet I can only be found within you.

For I am your heart enlightened and your mind enchanted.

TRUTH
Mother Ocean performs her rhythmic dance with the moon, measuring time
ceaselessly. Father mountain knows time as aeons of precipitation carve canyons
into his stubborn resistance.

Truth is paradoxical abyss that you stumble upon , and there it is , smiling at you ,
unadorned and as irrational as love.

DESIRE
Your desire for success is at the core of your failing, for only when you are empty
of desire will success fill you.

Money can neither unchain your heart nor unveil your beauty.

Only your openness can fill your emptiness.

GRACE
My trouble heart beats in hunger for your presence.

Grace speaks in soft colors and caresses your senses with benevolent
whispers.

SEXUALITY
Though you cover your nakedness with morals, you conceal much of
your beauty only to protect the eyes of impure.

For the Creator is also the Destroyer and there are hidden blessings to
be found in every haunt and on every summit along life’s sacred journey.

Your bodies are temples of spirit; when you meet for sexual communion,
bring your heart’s prayer to be seeded in the womb of creation. Let love’s
vision take sensual shape in the fervent pulse.

CHANGE
In this dark hour the burden of love’s loss beats heavy on my heart.

I pray for the rebirth of joy out of yesterday’s pain.

I long to bask in the tranquility of a day renewed by the grace of
forgetfulness.

I beg for the wisdom to abide with integrity and the passion to
celebrate virtue.

But I am disheartened by my failure to live up to even my most
modest expectation.

I wish your mercy could release my weakness that my strength
could walk in your light.

VISION
But my lamp is dim, and I strain to read what is written on the ashen
face of these ungrateful days.

Everything begins and ends as a dream. Your personal saga is but a
daydream before the dawn of your larger self. Yesterday your vision
sought wisdom, but today your wisdom must seek higher vision.

ABUNDANCE
The more I was offered, the more I wanted; the more I was given,
the more I needed.

Prosperity is a fickle friend who can rob you of your virtue. And you
are never so vulnerable as in times when the streams of affluence and
fame overflow your wishing well.

Under the burden of excess, your innocence is too easily crippled with
pride.

BETRAYAL
Behind the mask, he walked proud among the innocent , like a wolf
staling its prey.

With your right hand ,you lift me up, and with your left hand, you strike
me down, yet I know not why.
(note : after reading that sentence, some images are haunting me in my
mind)

To recognize your soul in the heart of your enemy – this is the birth of
true love.

FORGIVENESS
Anger is disintegrated love.

Turn not away from shame, for it is the final veil that conceals your
innate innocence.


Free your demons and console them on your bosom of empathy, lest they
seethe in your recesses and give birth to a curse.

COURAGE
You’ve witnessed the beauty that waits beyond death, and it is good that you
remember this sight.

But the seat of fear is in the sinister shadows of your mind.

The tide of change are forever carrying away your most cherished creation to
make way for the fresh dream being born even now.

BLISS
Bliss come to the grateful heart illuminated with presence.

Until you embrace all that is with gratitude you remain half made in the
masterful hands of the Maker.

Closed doors and erected walls block your happiness and leave you to wait
unhedded in the seasonless world outside the great multiversity of life.

LOVE
Like rain and seed, your love must be born again and again to be free.

Therefore , let your love be free of obligation.

If there’s something you require from another for love’s sake, the you
stand with your head in clouds that obscure love ‘s light.

HOMECOMING
This night in Bahsrri , the mountains of Lebanon sleep in silence.
But not I.

AWAKENING
Let your awakening start within.

Weed out thorns of doubt that have entwined with the tender sprouts of love.

REMEMBRANCE
There’s no end to my source, not limit to my grace. When you drift into sleep ,

I hold you in silent serenity. And when you awaken , it is within my presence
that you dwell.

I live in your heart and you live in mine.
You are my dream and I am your awakening.
Through you, I am dressed in beauty.
Through me, you are beyond what can be
…….

တစ်ခန်းကိုတစ်ပုဒ်စီလို့တွေးပေမယ့် ဘယ်ဟာရွေးရမှန်းမသိတဲ့အခါ သုံးခုလောက်ပါသွား
ပါတယ်။နောက်ဆုံးမှာအဆုံးသပ်ထားပုံကလည်း..Without End…တဲ့..။အဆုံးမရှိသော..
ချစ်ခြင်းမေတ္တာနဲ့အဆုံးမရှိသောအနတ္တတရားတွေကိုရည်ရွယ်လေရော့သလား…မသိပါ..။
(ချစ်သော ..ကေ..ကပြန်ညွှန်းပါဆိုလို့ညွှန်းလိုက်တာပါ..သူ့လိုမကျွမ်းကျင်လေတော့ နည်း
နည်းတော့ဟိုရောက်သည်ရောက်ဖြစ်နေရင်သည်းခံပေးပါလို့..ဒါပထမဆုံးအကြိမ် စာအုပ်
တစ်အုပ်ကိုညွှန်းဖူးတာပါပဲ..)


ကျွန်မချစ်သောကဗျာများ

Friday, March 20, 2009

မတ်လ ၂၁ ရက်နေ့ ကမ္ဘာ့ ကဗျာများနေ့အတွက် ကဗျာတွေကို ကျွန်မချစ်သောကဗျာများ
မှာတင်ထားပါတယ်။
ဝေနော်
မြတ်
ခက်မာ
ဖြူမွန်
မျိုးနေနွယ်
ဝိုင်ချို
မင်းသစ်
မောင်သိန်းဇော်
သုခမိန်လှိုင်
နေမျိုး
ကျော်စွာထက်
ဇော်ဇင်
တာရာမင်းဝေ
နီကိုရဲ
မြမြင့်မိုရ်
ပိုင်စိုးဝေ
နရီ
ခိုင်မြဲကျော်စွာ
မင်းဒီ
ဟိန်းမြတ်ဇော်
ဝင်းမြင့်
ထက်သစ်
နိုင်မွန်အောင်သွင်
..............တို့ရဲ့ကဗျာတွေပါဝင်ပါတယ်။
ဒီမှာ..သွားဖတ်နိုင်ပါတယ်။


ခုတလော...

Thursday, March 19, 2009

ခုတလော..
တွေးဖြစ်နေတာက..
(၁)ကျေးဇူးတရားအကြောင်းနဲ့ဆက်စပ်ပြီးသံသရာမကြောက်တဲ့သူတွေအကြောင်း
(၂)ဝန်တိုမစ္ဆိယစိတ်များတဲ့သူတွေအကြောင်း
(၃)ကိုယ်မစိုက်ပဲလိုက်ရိတ်သိမ်းနေပြီး..ကိုယ်စိုက်ခဲ့တဲ့အသီးကိုယ်ခါးတယ်လို့အော်
နေတဲ့သူတွေအကြောင်း

ရောက်ဖြစ်နေတာက..

facebook..


ဖတ်ဖြစ်နေတာက..
ကဗျာတွေ..( ဆေးအဖြစ်နဲ့စားသုံးနေတာ..)

ရေးဖြစ်နေတာက..

မေးချင်တဲ့မေးခွန်းတွေ..(စုနေတယ် နောက်မှ tag game တစ်ခုအနေနဲ့လုပ်ဦးမယ်။)

နားထောင်ဖြစ်နေတဲ့သီချင်းက
..
မျိုးကျော့မြိုင် ရဲ့ အဝေးကြီး...(သစ်ကောင်းအိမ်ကြားရင်..လွမ်းနေတယ်လို့..စွတ်စွဲဦးမယ်...။)

စားဖြစ်နေတာက......

frozen vegetable
တွေ.(သိပ်သနားစရာကောင်းတာပဲ..
လေ့လာတွေ့ရှိသူတစ်ချို့ကတော့ အဲဒီမှာအဟာရတန်ဖိုးအပြည့်ဆိုပဲ..)

ကြည့်ဖြစ်နေတာက
.............
Master Chef and Iron Chef
(အရသာရှိသောအစီအစဉ်များ.. :D..)
Iron Chef က တစ်ချိန်ကအမိုက်စားလေး Mark Dacascos ကိုကြည့်ချင်တာ
အံ့သြစရာ သူက အဲဒီမှာ CHAIRMAN တဲ့...

ရွတ်နေမိတဲ့ကဗျာ..
........
မျိုးနေနွယ်ရဲ့ တေလေ ဆိုတဲ့ကဗျာနောက်ဆုံးပုဒ်

တေလေ
မိုးဖွဲဖွဲလေးရွာနေတယ်
ငါမငိုချင်တော့ဘူး

မျက်ရည်စက်လက်နဲ့စိတ်က

ကမ်းစပ်နံဘေးမှာနေ့ရွှေ့လိုက်
ညရွှေ့လိုက်

လူက
ရေပြင်ပေါ်ပလုံလို့မြည်ပြီးနစ်သွားတဲ့ခဲတစ်လုံး
နှမြောတယ်
သင်းကွဲငှက်အော်သံများကြားလိုက်ရ
ဘာမှမသာယာဘူး
ကိုယ့်ကိုယ်ကိုလက်ဖျောက်တစ်ချက်တီးပြီးခေါ်ကြည့်လိုက်
ပလက်ဖောင်းပေါ်မှာဆုပ်လည်းစူးစားလည်းရူး
မျက်လုံးစိမ်းတွေကမိုးရွာတိုင်းပွင့်တတ်တဲ့ပန်းတွေလို
ငါ့ရှေ့ကရှုခင်းများ
ငါ့နောက်ကရှုခင်းများ
ငါ့ဘဝရဲ့အနာတရတွေကိုဖျော်သောက်နေတဲ့နေရောင်ခြည်များ
အရာအားလုံးကိုစိတ်ဆိုးလည်းခဏမဖြစ်ချင်တော့ဘူး
အမေ့ကိုသတိရတယ်
မျက်ရည်ကျလာတယ်
သေချာပေါက်
ဒီတစ်ခါမိုးမိရင်ဖျားပြီ..။

မျိုးနေနွယ်


တစ်ခါမှမလုပ်ဖူးပဲ

လုပ်နေတဲ့အလုပ်..........
ကြောင်တစ်ကောင်နဲ့ရန်ဖြစ်ဖြစ်နေရတာ..နာမည်က JC တဲ့..။
(ဆိုးသလားမမေးနဲ့ မျက်နှာပေါက်ကိုက ဂျစ်တစ်တစ်နဲ့.ညီမတော်မွေးထားတဲ့
ကြောင်လေ..ချစ်တော့ချစ်ပါတယ်..ဆိုးတာကတော့တာတေလန်..)

သွားချင်နေတဲ့ခရီး.........
မြန်မာပြည်ပေါ့..(မေးစရာကိုမလိုတာ..)

ဖြစ်ချင်နေတာက
............
Sugar Ray Leonard..(လက်သီးနဲ့ထိုးစရာလူတစ်ယောက်ရှိလို့.လက်အိတ်တော့ပါမှဖြစ်မှာ.)

သတိရနေတာက ............
လူတစ်ယောက်ဆိုသိပ်ကောင်းမှာ..ဖုန်းလေးဖြစ်ဖြစ်ဆက်..အွန်လိုင်းမှာတွေ့
ခုတော့..အများကြီးဖြစ်နေတယ်..လက်ဘက်ရည်ဆိုင်ထိုင်ချင်တယ် နေမျိုးရဲ့
သဘောင်္ကြီးတွေလို..ကျောက်ခဏချပြီး...အန်တီမြဆိုင်မှာထမင်းစားချင်တယ်
ကိုသျှီတို့ရုံးနားမှာလက်ဘက်ရည်ဆိုင်ထိုင်ချင်တယ်..Ginzapanကကော်ဖီ
သောက်ချင်ပြီး Cafe Aroma က Spaghetti စားချင်တယ်။သက်သတ်လွတ်..
ဦးခင်မောင်စိန်ဆီသွားပြီးစာအုပ်ဟောင်းတွေသွားကြည့်ချင်တယ်။လောက
နတ်ကပန်းချီပြပွဲတွေကိုသွားချင်တယ်။ရုံးဘေးနားမှာအထမ်းနဲ့ရောင်းတဲ့ငါး
မပါသော အညာသားမုန့်ဟင်းခါးစားချင်တယ်..။အမှတ်တရ..ကကောက်ညှင်း
ပေါင်းနဲ့အကြော်လည်းပါတယ်။(တော်ပြီလက်ညောင်းတယ်..အများကြီးကျန်
သေးတယ်..)

မုန်းတီးနေတာက ........
ဘာဖြစ်ချင်မှန်းမသိပဲ မိန်းမတစ်ယောက်အောင်မြင်နေတာကိုမကြည့်နိုင်တဲ့
ယောကျာ်းတွေ..

ချစ်နေမိတာက..
သက်မဲ့..................ROSARY ..အနက်လေး..ဂျေရုဆလင်ကလာတာတဲ့
သက်ရှိ..................မပြောင်းမလဲကိုကို..

ကြိတ်ပြီးချီးကျူးနေမိတာက
လူတစ်ယောက်အကြောင်းးကိုမဟုတ်တာအဟုတ်ဖြစ်အောင် ဇာတ်လမ်းလေးဆင်ပြီး
တဖွဲ့တနွဲ့ပြောတတ်တဲ့သူတွေ (မေဆွိသေပြီဆိုတဲ့သတင်းလို..)

ကြိတ်ပြီးအထင်သေးနေမိတာက..
သူများကြောင့်ရတဲ့အောင်မြင်မှုကို ကိုယ့်ကြောင့်လို့ ဘာအကြောင်းပြချက်မှမရှိပဲထင်
သွားတဲ့သူတွေ..(အံ့ရော..)

လိုချင်နေတာက
ငြိမ်းချမ်းဆု ရဲ့ပန်းချီကားသုံးလေးခု..

အလိုလိုကျောချမ်းနေမိတာက
နပမ်းသမားတွေ (သူတို့လောကကြီးထဲကိုရောက်လာပုံက တစ်မျိုးပဲ..)

လုပ်ချင်နေတာက
installation art တစ်ခုခု သို့မဟုတ် performance တစ်ခုခု
( စိတ်ကူးထဲမှာဘယ်လိုကဘယ်လိုခုန်ပေါက်ဝင်လာတဲ့ အိုင်ဒီယာမှန်းမသိဘူး.
အမှာစကား......ကိုထိန်..ဘာမှစိတ်မပူပါနဲ့ ဆန္ဒပြောတာပါ .. :P )

ဆန္ဒမရှိတဲ့နေရာ
G-talk

ှဆန္ဒမရှိတဲ့အလုပ်
စာရေးတာ...(ဘာမှကိုမရေးချင်ဘူး..ရေးလည်းမထွက်ဘူး..)

စွဲလန်းနေမိတဲ့အရာ
တိမ်ဖြူတွေ ... (နန်းညီကတော့ ကြယ်တွေ တဲ့..)

တောင်းနေမိတဲ့ဆု
ဘာလို့ပြောပြရမှာလဲ..........း)

မေးခွန်းတွေထပ်ပြန်တလဲလဲမေးနေမိတဲ့သူ
ဘုရားသခင် (နားညည်းရှာမှာပဲ..မေးနေတာကိုက အဖြူကဘာလို့ဖြူနေရတာလဲ ဆိုတာမျိုး)

အမှန်အတိုင်းဝန်ခံချင်နေတာက
ဒီပို့စ်က ဆားချက်တာ ...း)


မိတ်ဆွေတစ်ယောက်ရှိခဲ့ဖူးသည် (၂)

Sunday, March 15, 2009

မင်းသားလေးက သတိမပြုမိဟန်နှင့် ဆက်ပြောနေသည်။
ထိုသူတို့သည် လူတစ်ဦးနှင့် တစ်ဦး နှစ်လိုမှုကို `မုန်းတီးခြင်း´ ဟု ခေါ်ပြီး တစ်ဦးနှင့်..
တစ်ဦး ခိုက်ရန်ဖြစ်မှုကို `ချစ်ခြင်း´ ဟု ခေါ်သည်။ ထိုနေရာတွင် ပန်းပွင့်များကို ချက်
ပြုတ်စားသောက်ကြပြီး၊ သားစိမ်းငါးစိမ်းတွေကို သွေးသံရဲရဲနှင့် ခုတ်ထစ်ကာ ဧည့်ခန်း
တွင် အလှဆင်တတ်ကြသည် ... တဲ့။
တခြားတစ်ယောက်ယောက်က လာပြောနေတာ ဆိုလျှင်တော့ ကျွန်မ အော်မိလိမ့်
မည် ထင်သည်။ ခက်တာက၊ထိုစကားကိုပြောနေသူသည်မင်းသားလေး ဖြစ်နေသည်။
မင်းသားလေးကိုတော့ ကျွန်မက ယုံသည်။ သူသည် ယုံကြည်ချင်စရာကောင်းလောက်
အောင်ကို အပြစ်ကင်းသော ကျွန်မ၏မိတ်ဆွေလေးလည်း ဖြစ်သည်လေ ...။
`ပျော်ရင် ငိုကြပြီး စိတ်ညစ်ရင် ရယ်မောတတ်ကြလား ... ´
ကျွန်မလည်း အတွေးပေါက်ပေါက်နှင့် ထိုသို့မေးမိတော့၊မင်းသားလေးက၊ခေါင်းခါသည်။
`သူတို့မှာ ပျော်ရွှင်မှု စိတ်ညစ်ညူးမှု ဆိုတဲ့ ခံစားချက်တွေ မရှိသလို မျက်ရည်နဲ့ ရယ်မောခြင်း
ဆိုတာလည်း မရှိဘူး ...´
သုစရိုက်နှင့် ဒုစရိုက်သည်လည်း လွဲမှားနေနိုင်သည်ပဲ ... ။ ရုတ်တရက်ကြီး ကျွန်မ အသက်ရှူ
ကြပ်လာသလို ခံစားရသဖြင့် ပေါ့ပါးလို ပေါ့ပါးငြား ခေါင်းမော့ ရယ်မောကြည့်လိုက်မိသည်။
`ဟား ... ဟား ...´
မင်းသားလေးက ကျွန်မကို မျက်မှောင်ကြုတ်ကာ ကြည့်လေသည်။ သူ ကျွန်မကို နားလည်နိုင်
ရန် လူလားမြောက်ဖို့တော့ လိုပေလိမ့်မည်။ သို့သော် ကျွန်မ စိတ်ထဲမှာတော့ သူ့ကို လူလားမမြောက်စေချင်သေးပေ။ သူ့ကို သိုးကလေးနှင့် ပျော်မွေ့နေစေချင်သေးသည်။

`ဘာလို့ ရယ်တာလဲ ... ရယ်စရာပါလို့လား ...´
`သြော် ... သူတို့က မှားနေတာလား ... ကျွန်မတို့က မှားနေတာလားလို့ တွေးမိလို့ပါ ...´

ကျွန်မ ကလေးတစ်ယောက်ကို ထပ်ညာလိုက်မိပြန်သည်။ ကျွန်မ စာအုပ်ထဲမှ နောက်ထပ်
အဖြူရောင် စက္ကူတစ်ရွက် ပျောက်ဆုံးသွားရပြန်ပြီ။

`ဒါဟာ ရယ်စရာမှ မဟုတ်တာ ကြေကွဲစရာတစ်ခုပဲ ...´
`ကြေကွဲစရာ ...´
`ဟုတ်တယ် ... ဘယ်သူကမှားလို့ မှားမှန်း မသိတာ၊သိပ်ကြေကွဲစရာကောင်းတဲ့ ဖြစ်ရပ်ပေါ့ ... ´
မင်းသားလေး ပြောတော့လည်း ဟုတ်နေသလိုပင်။ ဒါဆို အမှန်ကို အမှန်မှန်း သိမြင်ခြင်းသည် ရော ကြည်နူးစရာ အဖြစ်အပျက်လား။ ကျွန်မ မသိပါ။ အမှန်အတိုင်း ပြောရလျှင် မသိသေးပါ။
ကျွန်မတို့သည် ကံကြမ္မာ အထပ်ထပ်နှင့် လွဲချော် တိမ်းညွတ်ခဲ့ကြသူများသာ ဖြစ်နေကြသည် လေ။

`အဲဒီ ၁၃၉၀၈ ဂြိုဟ်ကနေ ဘယ်လို ထွက်ခွာလာခဲ့လဲ ...´
`စတင် ၀င်ရောက် ချဉ်းကပ်စဉ်က အတိုင်းပေါ့ ...´
မင်းသားလေးက ထိုစကားကို တည်ငြိမ်စွာ ဆိုသည်။ ထိုအချိန်တွင် သူ့ မျက်နှာနုနုလေးက

တစ်စုံတစ်ရာနှင့် ရှုပ်ထွေးနေဟန် ပေါက်နေသည်။ ကျွန်မ စိတ်ထဲတွင် တစ်မျိုးတစ်မည် ခံစား
လာရသည်။
ကျွန်မ ကျောထဲတွင် စိမ့်ခနဲဖြစ်သွားသည်။ ဆောင်းလေကြောင့်တော့ ဟုတ်ဟန်မတူပါ။ မြောက်
ပြန်လေသည် အလွန်တရာ ကြည်လင်ရှင်းသန့်နေခဲ့ပါသည်။

`ကြည့်စမ်း ... သိုးကလေး အိပ်သွားပြီ ... ´
သူတစ်ယောက်တည်း ရေရွတ်သလို ပြောနေပြန်သည်။
`ကောင်းတော့ ကောင်းပါတယ် ... သူ့ဘ၀မှာက တွေးစရာ သိပ်များများစားစားမှ မရှိတာ၊ မြက်ပင်လေးတွေကလည်း အဆိပ်မရှိဘူး ... ကျွန်တော် ခပ်တိုက်မယ့် ရေကလည်း စိတ်ချရ တယ်၊ သူ့မှာ မြက်ခင်းစိမ်းစိမ်းလေးလည်း ရှိတယ်၊ ကောင်းကင်ပြာကိုလည်း သူပိုင်တယ် တိမ်ဖြူတွေနဲ့လည်း စကားထာဝှက်တမ်း ကစားနိုင်သေးတယ်၊ မြောက်ပြန်လေကိုလည်း သူ မှုစရာမလိုဘူး ... မနက်ဖြန်ကိုလည်း တွေးပူမနေရဘူး၊ ဘယ်လောက်ကောင်းလဲ ... ဒါပေမယ့် လူတိုင်းကတော့ သိုးကလေးတစ်ကောင် ဖြစ်ချင်မှာ မဟုတ်ဘူး ...´
`ဘာလို့လဲ ..´
`ရိုးရှင်းလွန်းလို့ ...´
သိုးတစ်ကောင်ကို ဘယ်တုန်းကမှ မလိုချင်ခဲ့ဖူးသော လူသား သိပ်မပီသချင်သည့် ကျွန်မ သည် သူ့စကားကို ကြားကာမှ စိတ်ထဲမှာ ကျိတ်၍ သိုးကလေးတစ်ကောင် ဖြစ်ချင်စိတ် တဖွားဖွား ပေါ်လာရတော့သည်။ ကြည့်စမ်းပါဦး ... သိုးကလေးတစ်ကောင်ရဲ့ဘ၀ဟာ.... ဘယ်လောက်များ မနာလိုချင်စရာ ကောင်းလိုက်ပါသလဲ ...။ မနက်ဖြန်တွေကို ထမ်းထား စရာမလို။ သိပ်များများစားစား တွေးတောနေစရာ မလိုပါဘဲနှင့် သူသည် ကောင်းကင်ကြီး တစ်ခုလုံးကိုလည်း ပိုင်ဆိုင်နိုင်သေးသည်တဲ့လေ ... ။
ကျွန်မ၏ အတွင်းစိတ်ကို မရိပ်မိရှာသော မင်းသားလေးကတော့ သူ့မိတ်ဆွေမလေးကို
ယုံကြည်စိတ်ရှင်းစွာ ကြည့်နေခဲ့သည်။ ဖြူစင်ငြိမ်းချမ်းလှသော ထိုအကြည့်များကို ရင်ဆိုင်
နိုင်ရန် ကျွန်မတွင် အားအင်များ ပြတ်လပ်ကုန်ခမ်းနေခဲ့ရလေသည်။

အခန်း(၃)

နေ၀င်တော့မည်။
ကျွန်မတို့ နှစ်ယောက်သား ငြိမ်သက်တိတ်ဆိတ်စွာ နေ၀င်ချိန်ကို ငေးကြည့်နေမိကြသည်။





သူက ကျွန်မကို မေး၏။
`နေ၀င်ချိန်တွေကို ကြိုက်လား ...´
ကျွန်မ ခေါင်းညိတ်ပြမိသည် ထင်သ်။
`ခင်ဗျား၊သိလား...လူတွေ သိပ်ဝမ်းနည်းတဲ့အခါ နေ၀င်ဆည်းဆာကိုသိပ်နှစ်သက်တတ်တယ် ...´
ကျွန်မ ဘာမှ ပြန်မပြောမိ။
`ခု ... မင်း ၀မ်းနည်းနေလား ...´
`ရှင်ရော ... ၀မ်းနည်းနေလား ...´
ကျွန်မက သူ့အမေးကို မဖြေဘဲ မေးခွန်းနှင့် တုံ့ပြန်သလို သူကလည်း မဖြေပါ။ နေ၀င်မှာကို
သာ ငေးကြည့်နေသည်။
`နေ၀င်တော့မယ် ...´
`ကျွန်မ သိတယ်လေ ...´
`ဟိုး ... ၁၀၄၃ ကြိမ်မြောက် နေ၀င်ဆည်းဆားတုန်းက ...´

သူ စကားဆက်မည်အထင်နှင့် ကျွန်မ ငံ့လင့်နေမိသော်လည်း မင်းသားလေးက ဘာမှ ဆက်
မပြော ...။ ကျွန်မကပဲ မေးလိုက်သည်။

`ရှင် အရမ်း ၀မ်းနည်းနေခဲ့လား ...´
`ခု ... မင်း ခံစားနေရသလိုပေါ့ ...´

အလို ... ကျွန်မ ခုချိန်မှာ ၀မ်းနည်းမှု တစ်စုံတစ်ရာ ခံစားနေရသည်ဟု သူ့ကို ၀န်ခံချက်မပေး
ရသေးပါ ...။ မှိုင်တွေ ငေးမောနေမိခြင်းလည်း မရှိ ...။ မင်းသားလေးက ကျွန်မ၏ တုံ့ပြန်မှုကို
မစောင့်ဘဲ ဆက်ပြော၏။

`၀မ်းနည်းကြေကွဲမှုကို သက်သာရာရစေဖို့ ဆေးနည်းဆိုတာ ဒီလောကမှာ မရှိသေးဘူး ...
တကယ်တော့လည်း ၀င်သွားတဲ့နေက ကျွန်တော်တို့ဆီက ၀မ်းနည်းကြေကွဲမှုတွေကို သယ်ယူ
သွားနိုင်တာမှ မဟုတ်တာ၊ ဒါပေမယ့် အဲဒီမျှော်လင့်ချက်နဲ့ မဟုတ်ပါဘဲနဲ့ကို လူတွေဟာ
သိပ်ဝမ်းနည်းတဲ့အခါ နေ၀င်ချိန်တွေကို စောင့်ကြည့်နေမိတတ်ကြတယ်´

သူပြောတာ ဟုတ်ကောင်း ဟုတ်နိုင်သော်လည်း ကျွန်မ ဇဝေဇ၀ါဖြစ်နေမိသည်။ ကျွန်မ....
တကယ်ပဲ ၀မ်းနည်းနေခဲ့လား ...။ ကျွန်မ မသိပါ။ နှလုံးသားများက အေးခဲသွားလေရော့
သလား ... ။ သေချာတာကတော့....ကျွန်မ..သူနှင့်အတူ..နေ၀င်ချိန်ကို၊နှစ်လိုစွာ ကြည့်နေ
မိသည်။

`ဒီနေရာကနေ ပျောက်ကွယ်သွားတဲ့ နေရောင်ဟာ တခြားကမ္ဘာမှာ လင်းသွားမှာပဲ.....၊
လောကရဲ့ ဒီမှာဘက်ခြမ်း အမှောင်ကိုတော့ သူ ခဏ ကျောခိုင်း မေ့ဖျောက် ထားရမှာ
သေချာတယ်၊ ဒါမှပဲ သူ ရှေ့ဆက်နိုင်မှာလေ၊ ဒီလိုပဲ ... ကျွန်တော်တို့လည်း နေ့ရက်တွေ
ကို ကျော်ဖြတ်ဖို့ နေ၀င်ချိန်တွေကို မနက်လင်းတာနဲ့ မေ့ဖျောက်ပစ်လိုက်နိုင်ရင် .......
သိပ်ကောင်းမှာပဲ ...´
`မေ့ပျောက်မှုဆိုတာ ... လွယ်လွယ်ကူကူနဲ့ ရနိုင်တဲ့ အရာမှ မဟုတ်တာ ...´
`ဘယ်အရာမဆို အလကားမရဘူးလို့ မင်းပဲ ပြောခဲ့တာလေ၊ ထိုက်တန်တဲ့ အဖိုးအခတော့
ပေးရမှာပေါ့ ... သိပ်ပြီး တန်ဖိုးကြီးရင်လည်း ကြီးနေနိုင်တယ် ...´
ကျွန်မ လေပူတစ်ချက်ကို ခပ်ကြမ်းကြမ်းမှုတ်ထုတ်ပစ်လိုက်ချိန်မှာ နေက ၀င်သွားခဲ့ပြီ။
ကျန်ရှိနေသေးသော လက်ကျန်အလင်းရောင်ကတော့ အားကောင်းစွာ တောက်ပဆဲ ... ။
`နောက်ထပ် နေ၀င်တာကို စောင့်ကြည့်ရအောင် ...´
သူက ကလေးတစ်ယောက်လို တောင်းဆိုသည်။
`အိုး ... ဒီမှာက ၂၄နာရီမှာမှ တစ်ကြိမ်ပဲ နေ၀င်တာ ... ´
မင်းသားလေးက ဘာမှ ပြန်မပြော။ ကျွန်မကပဲ ဆက်ပြောနေမိသည်။
`အဲဒါပဲ ကောင်းပါတယ် နော် ...´
`ဘာလို့ ကောင်းတယ်လို့ ထင်ရတာလဲ ... ၂၃ နာရီ ၅၅ မိနစ် ၄၈ စက္ကန့်လုံး လူတွေက
ကြေကွဲမှုတွေကို အလင်းရောင်အောက်မှာ လုံအောင် ဖုံးဖိထားလို့ ရတာမှ မဟုတ်တာ ...´

မင်းသားလေးက ကျွန်မကို သွက်လက်စွာ ငြင်းဆိုလေသည်။ ကျွန်မမှာတော့ သူ့ကို ပြန်လည်
ပြောဆိုရန် စကားလုံးများ မှေးမှိန်လို့ ...။




ကျွန်မတို့ စကားလုံးတွေ ပျောက်သွားလိုက် ပြန်ပေါ်လာလိုက် အားကောင်းလာလိုက် ပြန်မှိန်
ဖျော့သွားလိုက်နှင့် နောက်တစ်နေ့ နေ၀င်ချိန်ထိတိုင် စကားပြောနေဖြစ်ကြသည်။ အန္တရာယ် များ၏လားရာနှင့် အသီးအပွင့်များအကြောင်း၊ ချောက်ကမ်းပါးများ၏ ချိုမြိန်သော တေးဂီတနှင့် နူးညံ့သောခြေလှမ်းများအကြောင်း၊ အိပ်မက်တိမ်ဆိုင်များ၏ အသုံးဝင်ပုံနှင့် ထိတ်လန့်ကြောက် မက်ဖွယ် ဆာလံကျမ်းနှင့် D ၁၁၁ ဂြိုဟ်ကလေးတစ်ခုအကြောင်း ...။ ရှောလမွန်သီချင်းနှင့် လွတ်မြောက်ရာလမ်းကြောင်းများအကြောင်း ...။

ဒုတိယမြောက်ညနေခင်း၏ နေ၀င်ချိန်ကလည်း လွမ်းဆွတ်ချင်စရာကောင်းလွန်းနေသည်။
ကျွန်မ ဘာကိုလွမ်းဆွတ်နေခဲ့သည်လဲ ... ။ မင်းသားလေးရော တစ်စုံတစ်ရာကို လွမ်းဆွတ်
နေခဲ့သည်လား ...။

`သီချင်းတစ်ပုဒ်လောက် မဆိုချင်ဘူးလား ...´

ရုတ်တရက်မေးလာသောစကားကြောင့် ကျွန်မ သူ့ကို တွေတွေလေး ပြန်ကြည့်မိသည်။
သူ့မေးခွန်းလေးက ရိုးစင်းလွန်းလှပါလျက်နှင့် ကျွန်မအာရုံများ နောက်ကျသွားကြရသည်။
သူက ဆက်ပြော၏။

`နေ၀င်ချိန်မှာ ဆိုရမယ့် သီချင်းတစ်ပုဒ်လောက် မရှိဘူးလား´
`ကျွန်မ ဂီတသံတွေကိုတောင် ခံနိုင်ရည်မရှိတော့တာ အတော်ကြာပြီ ... တစ်ချိန်ကတော့
ကျွန်မဟာ Nightingale ငှက်ကလေးတစ်ကောင်လိုပဲ သီချင်းမဆိုတဲ့နေ့ တစ်နေ့မှ မရှိခဲ့ဘူး
... ခုတော့လည်း ...´

ကျွန်မက လူကြီးသူမတွေ ဟန်လုပ်နေကျအတိုင်း အသံကို တိမ်ဝင်ပစ်လိုက်ကာ စကားစကို
ရပ်ပစ်လိုက်မိသည်။ (တွေ့မြင်နေကျဖြစ်၍ ကိုယ်တိုင်နှစ်လိုသည်ဟု မထင်သော်လည်း ......
မသိစိတ်က အလိုအလျောက် ပုံတူကူးထားသည်ကို ခုမှ သိလိုက်ရတော့သည်။)
`ဆက်ပြောလေ ...´ ဟု မင်းသားလေးက ဆိုသည်။
သူ့အသံက အမိန့်သံ မဆန်သော်လည်း လိုက်နာချင်စရာတော့ အလွန်ကောင်းနေ၏။
`ကျွန်မအသံတွေ သေနေခဲ့ပြီ ...´
သူကတော့ ကျွန်မစကားမဆုံးမီမှာပင် သီချင်းတစ်ပုဒ်ကို... စတင်......သီဆိုတော့သည်။
နောင်အခါ ကမ္ဘာပေါ် ရှိရှိသမျှ သီချင်းတွေထဲတွင် သက်ဝင်ကြေကွဲဖွယ်အကောင်းဆုံး
အသစ်လွင်ဆုံး အလန်းဆန်းဆုံးနှင့် နားထောင်၍ အကောင်းဆုံး သီချင်းတစ်ပုဒ်အဖြစ်
ဒီကမ္ဘာလေထုတွင် ကျန်ရှိခဲ့မည့် သီချင်းလေးလည်း ဖြစ်သည်။ ကလေးတစ်ယောက်၏
နားဝင်ပီယံရှိလှသော အသံလေးနှင့် ပေါင်းစပ်လိုက်သောအခါ ...





ကျွန်မ ထိုသီချင်းလေးထဲတွင် နစ်မျောသွားတော့၏။

နေကား ၀င်သွားခဲ့ပြန်ပြီ ... ။

တဖြည်းဖြည်း ပြန်လည်နှုတ်သိမ်းယူသွားနေသော နေရောင်ခြည်များနှင့်အတူ မင်းသား
လေး၏ နှစ်လိုဖွယ်ဂီတသည်လည်း ပြီးဆုံးသွားခဲ့ပြီ။

`သိပ်ကောင်းတာပဲ´
`သိပ်ကောင်းတယ်ဆိုတာ ဘာကို ပြောတာလဲ ... နောက်ထပ် သူ့ထက်ကောင်းတဲ့ အရာ
တစ်ခု ရှိမလာခင်အထိပဲ ... သူက မှန်ကန်နေမှာလေ ...´
`ဟင့်အင်း ... ကျွန်မအတွက်တော့ ဒါဟာ အကောင်းဆုံးပါ ...´
`စကားကို ကုန်အောင် မပြောရဘူးလို့ ပြောတာ ကြားဖူးတယ်၊ မင်းက ဘာလဲ ... ကလေး
လား ... လူကြီးလား ...´
`တစ်ဝက်စီပေါ့ ...´

ကျွန်မစကားကြောင့် မင်းသားလေးက ခိုးခိုးခစ်ခစ် ရယ်သည်။ သူ့ရယ်သံလေးက သာယာ
နာပျော်ဖွယ်အတိရှိပြီး ချစ်စရာလည်း အလွန်ကောင်းသည်။

`တွေ့ခဲ့ဖူးတဲ့ လူတစ်ပိုင်း မြင်းတစ်ပိုင်း သတ္တ၀ါတွေလိုလား ...´
`အဲဒါက Centaur တွေ ... သူတို့က သိပ်ပြီး စိတ်ကောင်းနှလုံးကောင်း ရှိကြတယ် ...´
`ဘာရယ် ...´
`Centaur တွေ ...´
`အဲဒီပုံလေး ဆွဲတတ်လား ...´
`အင်း ... ဆွဲပေးရမလား ...´
သူ တစ်ချက်မျှ စဉ်းစားပြီးမှ ခေါင်းကို အသာခါ၏။
`နေပါစေ ... သူ့ကို ကျွန်တော် နိုင်အောင် ထိန်းနိုင်မှာ မဟုတ်ဘူး၊ ပြီးတော့ ကျွန်တော့် နေရာလေးက ကျွန်တော့်ထက် ပိုမကြီးဘူး ...´
ထိုအခိုက်အတန့်တွင်ပင် သူ့မျက်နှာလေးက တစ်စုံတစ်ရာသော လွမ်းဆွတ်မှုများ ဖြတ်
ပြေးသွားသည့်နှယ်..အိုး သူ့ကြည့်ရတာတစ်ခါမှသူ့ဂြိုဟ်လေးဆီပြန်ရောက်သေးပုံမပေါ် ... ။
`မှောင်နေပြီ ... ကျွန်တော့်သိုးကလေး အေးနေပြီလား မသိဘူး ...´
`အရင် မိတ်ဆွေကြီး ဆွဲပေးတဲ့ သိုးကလေးရော ...´
`အန္တရာယ်ကင်းတာ မှန်ပေမယ့် ဘယ်လိုသိုးကလေးမှ..သေတ္တာလေးထဲမှာ... ကြာရှည်.. မနေနိုင်ဘူး ...´
`ဒါဆို ... သိုးကလေးကို ...´
`ကျွန်တော် တတ်နိုင်သမျှ ကာကွယ်ပေးရမှာပေါ့ ...´
နေ၀င်သွားခဲ့ပြီဖြစ်သော်လည်း မင်းသားလေးကို မြင်နေရဆဲ ...။ အပြစ်ကင်းစင်လှသော
မင်းသားလေး၏ မျက်နှာကို ကြည့်ရင်း မကြာခင် သူ ကျွန်မဆီက ထွက်သွားတော့မှာကို
ကြိုသိနေသလို ခံစားမိလာသည်။

အိုး ... တကယ်ပဲ ... ကျွန်မ ၀မ်းနည်းနေခဲ့လေသည်။
`နေ၀င်ချိန်ကို ထပ်ကြည့်ရဦးမှာလား ...´
`ကြည့်ဖြစ်တဲ့အခါကျရင်ပေါ့ ...´
`ဒါဆို ... ရှင်သွားတော့မှာလား ...´
`သွားဖြစ်ရင်လည်း သွားဖြစ်ပါလိမ့်မယ် ...´
`ဒီကမ္ဘာမြေကို ပြန်လာဦးမှာလား ...´
`လောကရဲ့လမ်းတွေက..သိပ်ရှုပ်ထွေး.. ရှည်လျားလွန်းတယ်.၊မတော်တဆလည်း..ပြန်ရောက်ချင် ရောက်လာနိုင်တာပဲ၊ မတော်တဆလည်း ပိုဝေးသွားနိုင်သလို...... အမှတ်တမဲ့လည်း

လှည့်ပြန်လာနိုင်သေးတာပဲ၊ အရာအားလုံးဟာ ဖြစ်နိုင်ပြီး ဖြစ်ခွင့်. .လည်း ရှိပါတယ် ...´

ကျွန်မ ကောင်းကင်ကို မော့ကြည့်လိုက်တော့ ကြယ်တစ်ချို့ လင်းလက်နေခဲ့ပြီ။

`ခင်ဗျားလိုပဲ ... ကျွန်တော်လည်း ကြယ်တွေကို ကြည့်နေမိတတ်တယ်၊ ကြယ်တွေအားလုံး ဟာ သံချေးတက်..နေတဲ့ စက်သီးရှိတဲ့..ရေတွင်းလိုပဲ ... ကျွန်တော် သောက်ဖို့ ရေတွေကို ပန်းထုတ်ပေးလိမ့်မယ်၊ ဒါဟာ သိပ်ရယ်စရာ ကောင်းတာပဲ၊ ကြယ်ကလေးတွေ ငါးသန်း လောက်ရှိရင် ခင်ဗျား ခေါင်းလောင်းလေးတွေ ငါးသန်းရမယ်၊ ကျွန်တော်လည်း အေးမြတဲ့ စမ်းရေ သန်းပေါင်းငါးရာ ရပါလိမ့်မယ် ...´

သိပ်ရယ်စရာကောင်းတာပဲ...ဟု ဆိုသော်လည်း သူ၊မရယ်သလို ကျွန်မလည်းမရယ်နိုင်ပါ။
အေးမြတဲ့ စမ်းရေ သန်းပေါင်းငါးရာနှင့် မိတ်ဆွေတစ်ယောက် ညီမျှသည်ဟုတော့ ကျွန်မ
ခံစား၍ ရနေသည်။

`ကျွန်မအတွက်ကတော့ ရယ်တတ်တဲ့ ကြယ်ကလေးတစ်လုံးလောက် တွေ့ရရင်ပဲ ကျေနပ် မှာပါ၊ နေ၀င်ချိန်ကို ၀မ်းနည်းကြေကွဲမှုတွေနဲ့ ထိုင်ကြည့်ဖြစ်ပေမယ့် အမှောင်နဲ့အတူ ထွက် လာတဲ့ ကြယ်ကလေးတွေထဲက ကြယ်ကလေးတစ်လုံးက ကျွန်မကို ရယ်ပြတဲ့အခါ ကျွန်မ စိတ်သက်သာရာ ရပါလိမ့်မယ်၊ အဲဒီထဲမှာမှ ရယ်မောတတ်တဲ့... ကြယ်ကလေးကို ကျွန်မ...... ပြန်ပြုံးပြမှာပေါ့ ... ကြယ်ကလေးကရော ... ကျွန်မအပြုံးကို ရပါ့မလား ...´ `အိုး ... အဲဒီအပြုံးဟာ အချိန်ကာလတွေ အကွာအဝေး ခရီးမိုင်တွေနဲ့ အမြဲကင်းလွတ်နေပါ ..လိမ့်မယ် ...´
မင်းသားလေးကသူ့ရွှေဝါရောင် ဆံပင်များကိုလက်သေးသေးလေးနှင့် သပ်တင်လိုက်သည်။
သူ့ပုံစံက တစ်စုံတစ်ခုသော အဆစ်အချိုးအတွက် ပြင်ဆင်နေသော ခရီးသည်တစ်ယောက်၏
ပြင်ဆင်မှုမျိုးနှင့် ခပ်ဆင်ဆင်တူနေသလိုပင် ... ။ ကျွန်မ မသိအောင် သူ တိတ်တဆိတ် ထွက်ခွာ
သွားမည့်ပုံတော့ မရှိ။ သူက ကျွန်မရှေ့မှာပင် ကျွန်မကို အတိအလင်း ကျောခိုင်းထွက်ခွာသွား
မည့်ပုံ ရှိသည်။ ကျွန်မမှာ သူ့ကို တားဆီးလိုစိတ် မရှိသော်လည်း သူ ထွက်ခွာသွားမှာကိုတော့
မလိုလားမိပြန်ပါ။

`ကြယ်တွေနဲ့အတူ သီချင်းဆိုကြည့်ပါလား ... ကြည့်စမ်း ... ခု သူတို့ သီချင်းဆိုနေကြတယ် ...´

တလက်လက်တောက်ပနေသော ကြယ်များကို ကြည့်ရသည်မှာ မီးတောက်လေးများ ယိမ်းထိုး
ကခုန်နေသည်နှင့် တူသည်။

`သူတို့ကရော ကနေကြလား ...´
`ဒါပေါ့ ... သီချင်းဆိုပြီး ကနေကြတာ... မင်းလည်း ကကြည့်ပါလား ... ကြယ်တွေနဲ့ အတူလေ ...´

ကျွန်မ ကြယ်ကလေးတွေကို ကြည့်ရင်း စိတ်ထဲ ပြန်လည်လန်းဆန်းလာသလို ခံစားလာရသည်။
ကြယ်တို့၏ ဂီတစည်းချက်နရီများက ကျွန်မကို လှုံ့ဆော်နိုင်စွမ်းသည်လား ... ။ တဖြည်းဖြည်း
ကျွန်မနှုတ်ခမ်းတို့ စွတ်စိုလှုပ်ရှားလာခဲ့ကြပြီ ... ။ သတိဝင်လာချိန်၌ ကျွန်မ ကြယ်ကလေးတွေနှင့်
အတူ ပျော်ရွှင်စွာ သီချင်းဆိုရင်း ကခုန်နေမိလေပြီ ... ။




ဂီတသံများက ပိုမိုမြိုင်ဆိုင် မြူးကြွလာသလိုပင် ... ။ ကျွန်မ နှလုံးသားထဲတွင် ပျော်ရွှင်မှုများကပ်ခို
ငြိတွယ်လာခဲ့ပြီ ... ။

`ရှင့်ရဲ့သိုးကလေးရော ကနေလား ...´

ကျွန်မ၏မေးခွန်းကို မင်းသားလေးက မတုံ့ပြန်ပါ ... ။

ကျွန်မ ရုတ်တရက် နှလုံးသားတစ်ခုလုံး ဆောင့်ခုန်တက်သွားသလို ခံစားရပြီး ကတာကို ရပ်ပစ်
လိုက်မိသည်။ မင်းသားလေးကို မတွေ့ရတော့။ သူ ထွက်ခွာသွားခဲ့ပြီ . ။ နှုတ်ဆက်ခြင်းမပါသော ထွက်ခွာသွားမှုများကိုသာ လိုလားနှစ်သက်ပုံရသော ကျွန်မ၏မိတ်ဆွေကလေးသည် ကျွန်မကို
ပျော်ရွှင်မှုတစ်ခု ဆောင်ကြဉ်းပေးရင်းထွက်ခွာသွားခဲ့ပြီ။တိတ်ဆိတ်စွာ ငြိမ်သက်စွာကျွန်မရင်ထဲ ငြိတွယ်ကျန်ရစ်ခဲ့ရင်း ဝေးကွာသွားခဲ့လေပြီ ... ။



ကျွန်မ ရွှင်လန်းစွာ ကခုန်နေခဲ့သည်ကို အခွင့်ကောင်းယူ၍ ထွက်ခွာသွားခဲ့သည်ဟု ကျွန်မသူ့ကို
မစွပ်စွဲလိုပါ။ သူ မထွက်ခွာမိ ကျွန်မကို လွတ်လပ်ပေါ့ပါး ပျော်ရွှင်စေခဲ့သည်ပဲ ...။
ကျွန်မ ကောင်းကင်ကို မော့ကြည့်လိုက်မိသည်။
ရယ်မောနေသော ကြယ်ကလေးတစ်လုံးကို တွေ့လိုက်ရ၏။ သို့သော် ထိုကြယ်ကလေးကို လူတိုင်းတော့ တွေ့မြင်ခွင့် မရနိုင်ပါ။

တစ်စုံတစ်ယောက်ကများ ထိုကြယ်ကလေးကို ကြည့်မြင်ချင်သည်ဟု တောင်းဆိုလာခဲ့ပါလျှင်
ကျွန်မ ပထမဆုံးအနေနှင့် ထိုသူကို နှလုံးသား ဖြူစင်ရှင်းသန့်အောင် ကြိုးစားဖို့ တိုက်တွန်းရ ပေလိမ့်မည်။ နောက်မှ ... အလင်း နှစ်သန်းပေါင်းများစွာ ဝေးကွာသော်လည်း ထိုအကွာအဝေးနှင့် အစဉ်ကင်းလွတ်နေမည့် ရယ်မောနေသည့် ကြယ်ကလေးကို နှလုံးသားနှင့် ကြည့်မြင်ခွင့်ရအောင် ညွှန်ပြပေးပါမည်။
လောလောဆယ်တော့ ကျွန်မ မည်သူ့ကိုမှ ပြသခွင့် မကြုံခဲ့သေးပါ။
တစ်နေ့နေ့မှာတော့ ...



နိဂုံး

........တကယ်ပါ ...
...ဝေးကွာနေသောကျွန်မတို့ မိတ်ဆွေနှစ်ဦးအတွက် နောက်ထပ် ဘာမှ လိုအပ်မနေခဲ့တော့ပါ။

မနော်ဟရီ


မိတ်ဆွေတစ်ယောက်ရှိခဲ့ဖူးသည်..

Saturday, March 14, 2009

မိတ်ဆွေတစ်ယောက်ရှိခဲ့ဖူးသည်

နိဒါန်း
ဤ၀တ္ထုကို ရေးသားရန် ကျွန်မ အချိန်အများကြီး တုံ့ဆိုင်း တွေဝေခဲ့ရသည်။ ကျွန်မနှင့်
မင်းသားလေး၏တွေ့ဆုံမှုကို လူတချို့ မယုံကြည်နီုင်မှာကို ကျွန်မ လျစ်လျူရှုနိုင်သော်လည်း
မင်းသားလေးကို မယုံသင်္ကာဖြစ်မှာ မျိုးကိုတော့ ကျွန်မလက်ခံနိုင်မှာမဟုတ်သောကြောင့်
ဖြစ်သည်။
သို့သော် မင်းသားလေး ဤကမ္ဘာမြေပေါ်သို့ပြန်လာခဲ့ကြောင်း သူ့မိတ်ဆွေဟောင်းကြီး
ထံသတင်းပေးပို့ရန် အခွင့်မသာ ပျက်ကွက်ခဲ့သည့်အတွက်၊ကျွန်မဤ၀တ္ထုလေးကိုရေးဖြစ်သွား
သည်။သူ၏ပထမ မိတ်ဆွေကြီးကဲ့သို့ပင် ဤ၀တ္ထုသည်လည်းကလေးများ အတွက်ရည်ညွှန်း
ရေးသားခြင်းမဟုတ်သဖြင့် ကျွန်မ စိတ်မကောင်းဖြစ်ရပါသည်…ဟုဆိုလျင် မင်းသားလေးက
ကျွန်မကို လူကြီးတစ်ပိုင်းဖြစ်နေသော သတ္တ၀ါတစ်ကောင်နှယ် သနားစဖွယ် ကြည့်ပေလိမ့်ဦး
မည်။ကိစ္စမရှိပါ။မည်သို့ပင်ဆိုစေ မင်းသားလေးသည် ကျွန်မ၏ မိတ်ဆွေစစ်ကလေးသာဖြစ်
သည်။
မိတ်ဆွေတစ်ဦးကိုမေ့ရခြင်းမှာ ၀မ်းနည်းစရာကောင်းလှသည်။လူတိုင်းတွင် မိတ်ဆွေ
စစ် မိတ်ဆွေကောင်း ရှိခဲလှ၏။ကျွန်မသူ့ကိုမေ့ပစ်လိုက်မည်ဆိုပါက..ကိန်းဂဏန်းမှလွဲ၍ မည်
သည့်အရာကိုမှ စိတ်ဝင်စားမှုမရှိသော လူကြီးတွေနှင့် တူသွားလိမ့်မည်။ ကျွန်မသူ့ကိုမမေ့ပါ။
မင်းသားလေးမိတ်ဆွေလိုနေသကဲ့သို့ ကျွန်မလည်းမိတ်ဆွေလိုနေခဲ့ဖူးသည်။ကမ္ဘာပေါ်
တွင် ကျွန်မကဲ့သို့ မိတ်ဆွေငတ်မွတ်နေသူများကို ရည်ညွှန်း၍၊ ကျွန်မ၏မိတ်ဆွေလေးအ
ကြောင်းပြောပြချင်ပါသည်။ မိတ်ဆွေတစ်ယောက်အကြောင်း နူးညံ့စွာဖွဲ့ဆိုရခြင်းသည် ကမ္ဘာ
ပေါ်ရှိ တော်ဝင်သောစကားလုံးတစ်လုံးမှ မပါဝင်ဘဲနှင့်ကို ပြီးပြည့်စုံသလိုခံစားရစေသည် ဟု
ကျွန်မဆိုလျင် သင်ယုံနိုင်ပါမည်လား။
ကျွန်မ မင်းသားလေးကိုတွေ့ခဲ့ရသည်။ သူ့မိတ်ဆွေကြီးမျှော်လင့်ထားသလို အာဖရိက
သဲကန္တာရထဲတွင်မဟုတ်ပါ။ ဤကမ္ဘာလောက၏ မည်သည့်နေရာမဆို B612ကြယ်ကလေး
အောက်တည့်တည့်တွင် တည်ရှိနိုင်ကြောင်းကျွန်မလက်တွေ့သိခဲ့ရပြီ။ မည်သို့ဆိုစေဤ၀တ္ထု
သည် ကျွန်မ၏ မိတ်ဆွေစစ် မင်းသားလေး သို့သာ အတိအကျ ရည်ညွှန်းပါသည်။








အခန်း(၁)
“ ကျေးဇူးပြုပြီး ကျွန်တော့်ကို သိုးပုံလေးတစ်ပုံဆွဲပေးပါ..”
ရုတ်တရက် ထွက်ပေါ်လာသော အသံကြောင့် အလန့်တကြား ထခုန်ဆုတ်လိုက်သော…
ကျွန်မကို သူက နားမလည်နိုင်သလိုမျက်မှောင်လေး ကြုတ်ကာကြည့်၏။သို့သော် ခဏမျှသာ။
ကျွန်မ၏ ထိတ်လန့်သွားမှုကို အရေးမပါသလိုဆက်ပြောပြန်သည်။
“ ကျေးဇူးပြုပြီး ကျွန်တော့်ကို သိုးပုံလေးတစ်ပုံဆွဲပေးပါ..”
ပထမခံစားမှုက ရုတ်တရက်ထွက်ပေါ်လာသော အသံသေးသေးလေးကြောင့် ဟု ဆိုလျှင်
ဒုတိယခံစားမှုက မြင်တွေ့လိုက်ရသောလူသေးသေးလေးကြောင့် ဖြစ်လိမ့်မည်။ ကျွန်မကိုယ်
ကျွန်မ ပင် မယုံကြည်နိုင်သေးပါ။ ကျွန်မမြင်နေရသော လူကလေးကိုတော့ ကျွန်မယုံပါသည်။
သူသည် တကယ်ပဲ ကမ္ဘာမြေဆီပြန်လာခဲ့ပြီလား..။သူ့မိတ်ဆွေဟောင်းကြီးက သူမသေသေး
ဘူး ဟု ယုံကြည်ထားခဲ့တာ မှန်နေခဲ့သည်ပေါ့…။
“ မင်းသားလေး..” ကျွန်မနှုတ်ဖျားမှထွက်သွားသော စကားလုံးကို သူစိတ်မ၀င်စားပါ။ သူ့ကိုခေါ်လိုက်သည်ဟု
လည်းထင်ပုံမရ..။သူ စိတ်ဝင်စားတာက ထုံးစံအတိုင်း သိုးပုံလေးတစ်ပုံရဖို့ပင် ဖြစ်သည်။
ကလေးတစ်ယောက်နှင့် အင်မတန်လိုက်ဖက်သော အပြာနှင့်အနီစပ်ထားသည့် အကျီ င်္ရှည်
ရှည်ကိုဝတ်ဆင်ထားသော်လည်း အကျီ င်္ပုံကတော့ လူကြီးဆန်နေသလိုပင်။ ဒီကိစ္စ ကိုခုနေခါ
မှာသူ့ကိုပြောလိုက်လည်းသူစိတ်ဝင်စားမှာမဟုတ်တာသေချာသည်။ ထို့ကြောင့်….
“ ကဲ..ပေး ပေး..သေတ္တာလေးထဲထည့်ထားတဲ့ သိုးလေးကိုဆွဲပေးရမှာလား..”
သူက ခေါင်းခါသည်။
“ ဟင့်အင်း..လွတ်လွတ်လပ်လပ်နဲ့ ခုန်ပေါက် နေနိုင်ဖို့ သူ့ကိုသေတ္တာလေးထဲ ထည့်မထား
ချင်ပါဘူး…”
သူက ကျွန်မကိုတော့ သူ့မိတ်ဆွေဟောင်းကြီးကို လက်ခံသလိုလက်မခံပါ။ သို့သော်…ကံ
ကောင်းသည်က ကျွန်မက သူ့မိတ်ဆွေဟောင်းကြီးထက်အနည်းငယ်သာနေခြင်းပင်…။
နာရီပေါင်းများစွာမတ်တပ်ရပ်ဒဏ်ပေးခံပြီး ရေးဆွဲခဲ့ဖူးသည့် ပန်းချီပုံတချို့က ကျွန်မဘ၀
တွင်ရှိခဲ့ဖူးသည်လေ။
“ ရော့…”






ကျွန်မဆွဲပေးလိုက်သော သိုးကလေးကိုကြည့်ကာ သူ့မျက်ဝန်းလေးတွေ လင်းတောက်
သွားသည်။ တအံ့တသြလည်းဖြစ်နေပုံရသည်။
“ သိုးကလေးက ကျန်းမာသန်စွမ်းပုံရတယ် နုလည်းနုပျို တယ်နော်..”
“ အင်း..”
“ ဒါလေးတွေက သူစားဖို့မြက်လေးတွေလား..”
“ ဒါပေါ့..”
“သိပ်နည်းတယ်လို့ထင်ရပေမယ့်..သိုးကလေးအတွက်ကလုံလောက်မှာပါ.. ”
“ လုံလောက်မှာပါ…”
ကျွန်မတို့ စကားစပြတ်သွားသည်။ သူက သိုးကလေးပုံကိုစူးစူး စိုက်စိုက်ကြည့်နေပြီး
ကျွန်မကတော့ သူ့ကိုသာခုထိအံ့သြမင်သက်စွာကြည့်နေမိဆဲ..။
“ သူက မြက်နုလေးတွေအပြင် ဘာစားသေးတယ်ထင်လဲ..”
“ အိုး..ကျွန်မ မသိဘူး..”
ကျွန်မ အဖြေကိုကြားတော့ သူရယ်မောသည်။သူ့ရယ်မောသံကလေးကချစ်စရာကောင်း
လွန်းလှသည်။ ကျွန်မကို လှောင်ရယ်နေတာမဟုတ်တာတော့ သေချာကြောင်းအပြည့်အဝ
ခံစားမှုကိုပေးနိုင်သည်။
“ မင်းက ကလေးတွေလိုပဲ မညာတတ်ဘူး သိပ်ကောင်းတာပဲ.”
ထိုအခါကျမှ ကျွန်မလည်း ကလေးတွေလို လိုက်လံရယ်မောမိတော့သည်။ပြီးတော့မှ သတိ
တရမေးမိ၏။
“ မင်းသားလေး..ဘယ်ကလာတာလဲ..”
မေးခွန်းတွေကိုဖြေဆိုဖို့ရှောင်လွှဲ တတ်သောမင်းသားလေးက ကျွန်မကို မေးခွန်းနှင့်တုံ့ပြန်
သည်။
“ ခင်ဗျား..ကျွန်တော့်ကိုဘာလို့..အဲလိုခေါ်တာလဲ.”
“ ရှင့်ရဲ့ ..ကမ္ဘာမြေပေါ်က မိတ်ဆွေ လေယာဉ်မှူးကြီးက အဲလိုခေါ်တယ်လေ..”
သူ..ဘာမှပြန်မပြော။စက္ကန့်တချို့ကြာအောင် သူတိတ်ဆိတ်သွားပြီးမှ….
“ လောကတစ်ခုကနေတစ်ခုကို ခရီးထွက်ရတာသိပ်စိတ်လှုပ်ရှားစရာကောင်းတာပဲ..”
..ဟုဆိုသည်။ဒါလည်းကျွန်မမေးခွန်းကိုဖြေခြင်းမဟုတ်ပါ။ကျွန်မမှာကျတော့လည်း မေးခွန်း
တွေကအလုအယက် နှုတ်ခမ်းဝမှာ တွန်းထိုးထွက်ချင်နေသည်။
“ ပထမ အကြိမ် ဒီကမ္ဘာလောကက မထွက်ခွာခင်တုန်းက မြွေတစ်ကောင်ရဲ့အဆိပ်ကြောင့်
..တစ်ခုခုများ…”
ကျွန်မ စကားမဆုံးမီမှာပင်..သူကခပ်တိုးတိုးပြော၏။
“ လောကမှာမြွေဆိပ်ထက် သိပ်ပြင်းထန်တဲ့အဆိပ်တွေအများကြီးပါ..”
ထိုသို့ပြောပြီး ကျွန်မဆက်မျှော်လင့်နေသေးသော်လည်း၊သူကဆက်မပြော။သူ့အာရုံကသိုးက
လေးထံမှာသာ။
“ မင်းဆွဲပေးတဲ့..သိုးကလေးကလှတယ်…”
သူကသိုးကလေးကို.သူ့ရတနာထဲ၌သူ့ကိုယ်သူမြုပ်နှံ၍ကသိုင်းရှုနေဘိသကဲ့သို့..အာရုံစိုက် ကာကြည့်ရင်း ထပ်ပြောပြန်သည်။
“ သူက အဖြူရောင်နော်..မင်းလိုပဲ..”
သူက ကျွန်မဝတ်ဆင်ထားသော အဖြူရောင်ဝတ်စုံကိုရည်ညွှန်းပုံရသည်။တကယ့် တကယ်
တော့၊ကျွန်မသည် သူမျှော်လင့်သလို အဖြူရောင်မဟုတ်တာ ကျွန်မပဲသိသည်။သို့တိုင်လျက်
တခြားအရောင်များလာရောက်စွန်းပေမှာကိုလည်း..ထိတ်လန့်စိုးရွံ့နေခဲ့သည်..ဟုဆိုလျင်
မင်းသားလေး မည်သို့မှတ်ချက်ချမည်မသိ။
“ မင်းရော..သိုးလေးတစ်ကောင်မလိုချင်ဘူးလား..”
သူက ကျွန်မမျှော်လင့်မထားသောမေးခွန်းကိုမေးလာ၏။
“ သိုးကလေးတစ်ကောင်…” မည်သူမဆိုသိုးတစ်ကောင်ကိုလိုချင်သည်ဟုဆိုပါကထိုသူသည်လူသားပင်ဖြစ်သည်.ဟုလူ
တစ်ယောက်ကဆိုထားခဲ့သည်။ကျွန်မကတော့..သိုးကလေးတစ်ကောင်လိုချင်လားမလိုချင်
လားမသိပေ။ကရိကထများမှာတော့ သေချာသည်ဟူသည့်အတွေးကကျွန်မကိုစိုးမိုးနေသည်။
“ လိုချင်လား….မလိုချင်ဘူးလား..ကျွန်မ..မသိဘူး. ”
ကျွန်မက..စိတ်ထဲရှိသည့်အတိုင်းရိုးသားစွာဖြေမိသော်လည်း..မင်းသားလေးကနှစ်လိုပုံမရချေ.
“ အဲဒီလို..မသေချာ..မရေရာမှုတွေက..သက်ကြီးရွယ်ကြီးတွေနဲ့ပဲဆိုင်တာလေ..”..တဲ့။
စောစောက..မသိတာကိုမသိဘူးဟု.ဝန်ခံခဲ့စဉ်ကတော့ကျွန်မကို..ကလေးတွေလိုပဲမညာတတ်
ဘူးဟု..ဆိုခဲ့သူက..ခုကျပြန်တော့..ဇဝေဇဝါဖြစ်နေမှုကိုလူကြီးသူမတွေနှင့်သာသက်ဆိုင်သည်
ဟုစွပ်စွဲပြန်သည်။အမှန်တကယ်တော့..သူမမှားပါ။ကျွန်မသည်.သူမျှော်လင့်မထားသောလူကြီး
တစ်ပိုင်း..ကလေးတစ်ပိုင်း.သတ္တဝါသာဖြစ်သည်လေ…။
“ အမှန်တကယ်ပြောရရင်တော့…”
ကျွန်မ၏စကားအစမှာပင်…သူ့မျက်ဝန်းထဲယုံကြည်မှုအလင်းတစ်ချို့ပြန်ဖြတ်ပြေးသွားသည်။
ကျွန်မ..ဆက်ပြောမိ၏။
“ ကျွန်မ..သိုးကလေးတစ်ကောင်မလိုချင်ပါဘူး..”
“ ဘာလို့လဲ..”
“ သိုးကလေးက..သိပ်ဖြူစင်လွန်းတယ်”
“ အဲဒီတော့…”
“ အဲဒီတော့..သူ့ဖြူစင်မှုကို..ဂရုစိုက်ဖို့..ကျွန်မသိပ်ပင်ပမ်းမှာပေါ့…ပြီးတော့..”
“ ပြီးတော့..???”
“ ဒီနေရာက..B.၆၁၂ ဂြိုဟ်လေးလိုမဟုတ်ဘူး…”
သူက..မမြင်သာလောက်သော..လျင်မြန်မှုမျိုးနှင့်ခေါင်းကိုဆတ်ကနဲညိတ်လိုက်ကာ..သူ့ဘာ
သာသူရေရွတ်သလို၊ကျွန်မစကားကိုဆက်ပေး၏။(သိပ်တော့မသေချာပါ..)
“ သိပ်ကျယ်ပြောတယ်..သိပ်အန္တရာယ်များတယ်..”
မဆီမဆိုင်..ကျွန်မ..သူ၏ပန်းကလေးကိုရုတ်တရက်သတိရမိသွားသည်။
“ ရှင့်ရဲ့..ပန်းကလေးရော..”
သူ့မျက်နှာလေးတစ်ချက်ငြိမ်သက်သွားသော်လည်း.ထုံးစံအတိုင်းသူဘာမှမဖြေ။သူ့ကြည့်ရတာ
ပန်းကလေးဆီလည်းတစ်ခါမှပြန်ရောက်သေးပုံမပေါ်။
“ ပန်းကလေးကိုချစ်တတ်ဖို့..ခုထိရှင်..အရွယ်မရောက်သေးပါဘူး..”
ထိုစကားကိုလည်းသူကမည်သို့မှမတုံ့ ပြန်ပါ။သူ့ရှေ့က..မြင်နေရသောမြင်ကွင်း..ကွက်ကွက်
ကလေးကိုသာငေးမောကြည့်နေသည်။ထူးဆန်းစွာပင်..ထိုအချိန်ကသူကြည့်နေခဲ့သော
ကောင်းကင်တိမ်ဖြူများနှင့်တောင်တန်းတို့သည်..သိင်္ဂါရ..ရသမြောက်နေခဲ့သည်။





“ ချစ်ခြင်းမေတ္တာအတွက်..ခရီးထွက်လာခဲ့တာပါ..ဒါပေမယ့်..”
ငြိမ်သက်နေရာမှ..ရုတ်တရက်..စကားကိုစ၏။
“ ဒါပေမယ့်..ဘာဖြစ်လဲဟင်..”
“ လမ်းမှားလာခဲ့သလိုပဲ..”
“ ချစ်ခြင်းမေတ္တာဆီကို..သွားတဲ့လမ်းကိုသိလို့လား..”
ကျွန်မကထိုသို့ပြန်မေးလိုက်တော့..သူက..
“ နှလုံးသားနဲ့သွားရတာလို့ပြောမလို့လား..”…ဟုပြန်မေးသည်။
“ အဲလိုတော့မဟုတ်ပါဘူး..သွားတိုင်းမရောက်နိုင်တဲ့လမ်းတွေထဲမှာ..သူလည်းပါတယ်လို့
ပြောမလို့ပါ..”
တကယ့်တကယ်တော့..လောကတွင်“ချစ်ခြင်းမေတ္တာ”..ဟူသောခံစားမှုသည်ကြီးကျယ်မြင့်
မြတ်စွာပျောက်ဆုံးနေခဲ့ပြီးသားဖြစ်သည်။ဒါကို..ကျွန်မ..မင်းသားလေးကို..ပြောမပြချင်ပါ…..။
မသိစေချင်သေးပါ။ထိုအကြောင်းကိုတွေးမိတော့..ကျွန်မ၏မရိုးသားမှုအတွက်ရော..ချစ်ခြင်း
မေတ္တာအတွက်ပါ..ကျွန်မ..မျက်ရည်ဝဲလာရသည်။
မျက်ရည်ကမ္ဘာသည်လွန်စွာလျို့ဝှက်ဆန်းကျယ်လွန်းလှသည်။မင်းသားလေးကတော့ကျွန်မ
စကားကိုလက်ခံချင်ပုံမရပါ။
“ ချစ်ခြင်းမေတ္တာဆိုတာဘာလဲ..”
ဒိသာပါမောက္ခတစ်ဦးကမေးသလိုကျွန်မကိုမေး၏။
“ သင်ယူလို့မရတဲ့အရာတစ်မျိုးပါ..”
သူကခေါင်းကိုအသာခါရမ်းရင်း..ရေရွတ်၏။
“ ဖမ်းယူဆုတ်ကိုင်လို့မရပေမယ့်..သိပ်အင်အားကြီးမားတဲ့အရာတစ်ခုပါ..”
ကျွန်မ..ဘာမှပြန်မပြောမိ။သူနှင့်ကျွန်မ..ချစ်ခြင်းမေတ္တာအကြောင်းအငြင်းမပွားလိုပါ။ထို့အပြင်
အငြင်းပွားမှုမှအစပြုကာ..တစ်စုံတစ်ရာကိုသူရိပ်မိသိရှိသွားမှာကျွန်မစိုးနေမိပြန်သည်။..တို့အ
တွက်ကျွန်မ..လျှောချလိုက်မိ၏။
“ လူကြီးသူမတွေက..ချစ်ခြင်းမေတ္တာကို..အမျိုးမျိုးဖွင့်ဆိုနေကြတယ်..နားလည်ရခက်ပါတယ်
လေ…”
တကယ့်တကယ်ကျ..မင်းသားလေးထံမှ..နားမလည်နိုင်သော..အကြည့်တစ်ခုကိုသာကျွန်မရ
လိုက်သည်။သို့သော်..နားလည်အောင်ဆက်မကြိုးစားသည့်အတွက်..မင်းသားလေးကိုကျွန်မ
ကျေးဇူးတင်မိ၏။အချို့သောအရာများသည်..နားမလည်သည့်အတိုင်းထားခြင်းကပိုကောင်း
သည်..မဟုတ်ပါလား..။
ကလေးတစ်ယောက်၏အတ္ထုပ္ပတ္တိသည်..အဖြူရောင်စာအုပ်တစ်အုပ်ဟုဆိုလျင်..ကျွန်မသည် စာမျက်နှာတချို့ကိုခပ်ကြမ်းကြမ်းရေးမှတ်ထားခံရသောလက်ကျန်အဖြူရောင်စာအုပ်တစ်အုပ် သာဖြစ်သည်။ဒါကို..ကျွန်မ..မင်းသားလေး..ကိုဝန်မခံရသေးခြင်းသည်ပင်လျင်..သူ့ကိုသစ္စာမရှိ
ရာကျနေသည်မဟုတ်ပါလား။မိတ်ဆွေများသည်..တစ်ဦးအပေါ်တစ်ဦးသစ္စာရှိရမည်ဟု..ရှေး ဟောင်းကျမ်းဂန်တချို့ကဖော်ပြထားသည်ကိုဖတ်ရှုခဲ့ရဖူးသည်လေ..။
“ မင်းသားလေး..”
ကျွန်မသူ့ကိုခေါ်တော့..သူကလှည့်ကြည့်၏။ဒီနာမည်သည်သူနှင့်သာ..သက်ဆိုင်သည်ကိုသူခံ
စား၍ရပုံပေါ်သည်။အမှန်တကယ်က..ဒီလောကကို..ဘာလို့ပြန်လာတာလဲ..ဟုမေးရန်ပင်။သို့
သော်..လှည့်ကြည့်လာသော..ကမ္ဘာပေါ်တွင်အသန့်စင်ဆုံးနှင့်..အကြည်လင်ဆုံးသောအကြည့်
ကလေးကိုတွေ့လိုက်ရတော့.ကျွန်မ..မေးခွန်းလေးတွေအငွေ့ပျံသွားရသည်။
“ ကျွန်မတို့..မိတ်ဆွေတွေဖြစ်သွားကြပြီနော်..”
တမင်သက်သက်ကြီး..ပြောင်းလဲပစ်လိုက်သောစကားတစ်ခွန်းးဖြစ်သော်လည်း..ကျွန်မပြော
ချင်သောစကားတစ်ခွန်းဖြစ်သည်ကိုတော့..ကျွန်မလိပ်ပြာလုံစွာဝန်ခံရဲသည်။လူအချို့သည်ထို
သို့သော..ထိုသို့သော..ဖြေသိမ့်မှုများကို..ဖြေဆေးအဖြစ်စားသုံးရင်း..အရောင်ပြောင်းခဲ့ကြရ
သည်ကိုတော့..မည်သူကမှ..ဖွင့်ဟ..ဝန်ခံကြခြင်းမရှိသေးပါ။

အခန်း(၂)

`ကျွန်တော့်မှာ မိတ်ဆွေလိုနေတယ် ...´
အမှန်တော့ ထိုအရာသည် အရှားပါးဆုံးသောအရာ ဖြစ်သည်ကို ကျွန်မ သိနေသည်။ ကျွန်မ
မသိတာက သူ့ကို အသိပေးသင့် မပေးသင့်ဆိုတာနှင့် ကျွန်မကိုယ်တိုင်ကရော သူ့အတွက် မိတ်ဆွေကောင်းဖြစ်နိုင် မဖြစ်နိုင် ဆိုတာပင် ... ။ သေချာ ပြန်တွေးကြည့်မယ်ဆိုလျှင် ကျွန်မ
က `မင်းသားလေး´ကို တကယ်ပဲ ရင်ထဲက နှစ်နှစ်ကာကာ ရှိနေတာလား ... သို့တည်းမဟုတ်
အားလုံးက မျှော်လင့်နေသော `မင်းသားလေး´ ဖြစ်နေသည့်အတွက် စိတ်ဝင်စားမိတာလား ... သိပ်မသေချာချင်ပြန် ... ။ ထို့အတွက်လည်း ကျွန်မကိုယ် ကျွန်မ အားမရပါ ... ။ သေချာတာ
ကတော့ ကျွန်မသည် လူကြီးသူမတွေလို ဇဝေဇ၀ါဖြစ်နေတတ်ပြီး ကလေးသူငယ်တွေလို ရိုးသားချင်နေမိခြင်းပင်။

`ကျွန်မ ရှင့်ရဲ့မိတ်ဆွေ ဖြစ်ချင်ပါတယ် ...´

သူက ခေါင်းကို တစ်ချက်ဆတ်၏။ ကျွန်မစကားကို လက်ခံသဘောတူလိုက်တာလား သူ့
ဘာသာသူ လှုပ်ရှားမှုတစ်ခုကို အမှတ်တမဲ့ ပြုမူလိုက်သည်လား .... သိပ်မသေချာ ... ။

`ဒါနဲ့ ရှင် ဘယ်တွေ သွားနေခဲ့လဲ ...´
`နေရာသစ် လောကသစ်တွေဟာ ပထမပိုင်းမှာတော့ စိတ်ဝင်စားစရာ ကောင်းတတ်တယ် ... ´

သူ့ထုံးစံအတိုင်း ကျွန်မ၏ မေးခွန်းကို မဖြေဘဲ ပြောချင်ရာကိုသာ ပြောသည်။ သို့သော် ဆက်စပ်ကြည့်လျှင်တော့ ဒါဟာ အဖြေတစ်ခု ဖြစ်ကောင်း ဖြစ်နိုင်သည်ဟု တွေးနိုင်သည်။
`အခုတော့လည်း အရာအားလုံးဟာ ပျင်းရိစရာကောင်းအောင် ဟောင်းနွမ်းသွားခဲ့ပါပြီ...´ ဟု
ဆက်ပြောပြန်၏။

သူပြောတာ မှန်ပါသည်။ လောက၌ အရာအားလုံးသည် မထိတွေ့ဖူးခင်ကတော့ အသစ်ဖြစ်
နေတတ်ပြီး တွေ့ကြုံပြီးသည်နှင့် ဟောင်းနွမ်းသွားတတ်ကြသည်ချည်း မဟုတ်လား ... ။

`မင်းရဲ့ နေထိုင်ကြီးပြင်းခဲ့ပုံကို ပြောပြပါလား ...´

သူများမေးခွန်းကိုဖြေဆိုရန်.ရှောင်လွှဲတတ်သော်လည်းသူ့မှာတော့..မေးခွန်းတွေ အများအပြား
ရှိနေခဲ့ပုံရသည်။ကျွန်မကို.ထိုသို့မေး၏။ခုချိန်မှာတော့..သူမသိသေးသော..ကျွန်မ၏ နေထိုင်ကြီး
ပြင်းခဲ့ပုံက..သူ့အတွက်.အသစ်ဖြစ်နေသေးသည်လေ။ကျွန်မ..စကားဆုံးလျှင်တော့..သူ.ပျင်းရိငြီး
ငွေ့သွားမှာ သေချာသည်။

`ကျွန်မ လူကြီးသူမတွေကို စိတ်ရှည်သည်းခံရင်း ကြီးပြင်းခဲ့တယ် ...´
`အဲဒီအတွက် ရလာဒ်က ...´
`ခုလို သိုးကလေးတစ်ကောင်လို လှလှပပ ဆွဲပေးနိုင်စေခဲ့တာပေါ့ ... ´

သူ သိုးကလေးထံ အာရုံပြန်ရောက်သွားသည်။

`မင်း သိုးလေးက ချစ်စရာလေး ... ကြည့်စမ်း ... သူ ခု မြက်ကလေးတွေကို စားနေတယ်၊ သူ့
အတွက် ရေတစ်ပုံးလောက်များ လိုမလား မသိဘူး ...´
`ဒါပေါ့ ... ဒါပေါ့ ...´

ကျွန်မက အလျင်စလိုထောက်ခံရင်း ကပျာကယာ စာရွက်ကို လှမ်းယူကာ ရေပုံးလေးတစ်ပုံး ဖြည့်ဆွဲပေးလိုက်သည်။







`မင်း ... ဒီလိုပုံတွေရဖို့ နာရီပေါင်း ဘယ်လောက်များ မတ်တတ်ရပ်ခဲ့ရတာပါလိမ့် ...´
`အဲဒါတွေကို ရေတွက်ထားရင် ကျွန်မ ပင်ပန်းလေးလံနေမှာပေါ့ ... ´
`ကဲကဲ ... ဆက်ပြောပါဦး မင်းရဲ့ နေထိုင်ကြီးပြင်းခဲ့ပုံကို ...´
`တချို့ကလေးတွေလိုပဲ သိပ်ကို ရိုးစင်းလွန်းပါတယ် ...´

ကျွန်မက ထိုသို့ ပြီးလွယ်စီးလွယ် ပြောလိုက်တော့ မင်းသားလေး စိတ်တိုသွားသည်။

`မင်းလည်း လူကြီးသူမတွေလိုပဲ အရာအားလုံးကို ရောထွေးပစ်လိုက်ချင်နေတယ်၊ မတူဘူး ...
လောကမှာ ဘယ်အရာနှစ်ခုမှ မတူနိုင်ဘူး ... တချို့ကလေးတွေရဲ့ ဘ၀မှာ ကြီးပြင်းလာရတာ
မိဘတွေ မပါဘူး၊ မောင်နှမတွေ မပါဘူး ... ပညာရပ်တွေနဲ့ ကင်းဝေးပြီး ချစ်ခြင်းမေတ္တာလည်း
မပါဘူး ... စာနာစိတ်နဲ့ အသိတရားတွေလည်း မပါဘူး... အဲလို လွယ်လွယ်ပြောလို့ ရလို့လား ...´

ကျွန်မ အမှားကို ကျွန်မသိသော်လည်း ကျွန်မ သူ့ကို မှားကြောင်း မ၀န်ခံမိပါ။ ကျွန်မသည်
သူထင်ထားသလို ကလေးတစ်ယောက် မဟုတ်တာ သေချာလာရသည်။

`ကျွန်မမှာ အဲဒီအရာတွေအားလုံး ပါဝင်ပါတယ်၊ လိုက်နာချင်စရာကောင်းတဲ့ စည်းကမ်းတစ်
ချို့နဲ့ သိပ်ပြီး အဆင်ပြေပြေမရှိလှတဲ့ နိတိတချို့နဲ့လည်း ကျွန်မ သဟဇာတ ဖြစ်အောင် ...
...နေခဲ့ဖူးတယ် ...´
`ဘာလဲ ... သဟဇာတဆိုတာ ... ´
`သင့်မြတ်အောင် နေထိုင်တာကို ပြောတာပါ ... ´
`လိုက်လျောညီထွေ နေထိုင်လိုက်ရတာဟာ နှစ်လိုမှုတော့ မဟုတ်ဘူးနော် ...´
`ကျွန်မ သိပါတယ် ... ´
`ကဲ ... ဆက်ပါဦး´
`သင်ယူလို့ မဆုံးတဲ့ သင်ခန်းစာတွေကို သင်ယူခဲ့ရတယ်၊ ဘယ်အရာမှ အလကားမရနိုင် ဘူးဆိုတာကို သိခဲ့ရတယ်၊ ကျွန်မတို့က လောကထဲကို ခြေဗလာ လက်ဗလာနဲ့ ၀င်ခဲ့ကြ ရပေမယ့် အလကား မရနိုင်တဲ့ အရာတွေအတွက် ပေးဆပ်ဖို့ တစ်ချိန်လုံး ပင်ပန်းလေးလံ ခဲ့ကြရတယ်၊ သူများ ပုံစံခွက်တွေကို နှစ်လိုမှု မရှိတဲ့အခါ ကိုယ့်ပုံစံခွက်ထဲ ကိုယ်ဝင်နေရ တာကလည်း ဒုက္ခတစ်မျိုးပါပဲ ...´

သူက ကျွန်မကို ဖြတ်မေးပြန်သည်။

`မင်း အသက်ရှူကြပ်တဲ့အခါ ဘာလုပ်လဲ ...´

သူ့မေးခွန်းကြောင့် ကျွန်မ သဘောကျစွာ ရယ်မိတော့ သူ တအံ့တသြကြည့်သည်။ သူ့
မေးခွန်းမှာ ရယ်စရာမပါ ... ဟု သူ တွေးနေမည်ပေါ့ ... ။

`ကျွန်မ ဘ၀က ခီယူဆန်ဖန်လို ပင်လယ်လေထွက်ရှူဖို့တောင် အခွင့်မရှိခဲ့ပါဘူး ...´

သူ ခီယူဆန်ဖန်ကို သိ မသိ ကျွန်မ မသိပါ။ ကျွန်မကလည်း ရှင်းမပြသလို သူကလည်း
မမေးပါ။ ကျွန်မတို့သည် မမြင်ရသော ကြိုးများ၏ တုပ်နှောင်မှုနှင့် သူ့လိုပင် ပင်လယ်ကြီး
ဆီ သွားခွင့် မသွားနိုင်ခဲ့ကြသေးပါ။

`တချို့လူတွေ သုံးနှုန်းနေတဲ့ ထွက်ပေါက်ဆိုတာ ဘာလဲ ...´

သူ့မေးခွန်းက တည့်တည့်ကြီး ချိုးကွေ့သွားပြန်သည်။ ကျွန်မမှာတော့ ကျွန်မ ရင်ထဲက
မေးခွန်းများကို မျိုသိပ်ရင်း သူ့မေးခွန်းတွေကိုသာ ဖြေနေမိသည်အထိ လွှမ်းမိုးမှု ခံထား
ရသည်ကို ကျေနပ်စွာ တွေ့ရှိလိုက်ရသည်။

`အဲဒါ လူတချို့ရဲ့ အတ္တနဲ့ တစ်ကိုယ်ကောင်းဆန်မှုကို ပေါင်းပြီး ခေါင်းစဉ်လှလှလေး
....တပ်ထားတာပါ ...´

သူက ကျွန်မစကားကြောင့် မျက်လုံးကလေးများ လင်းတောက်သွားရင်းက စကားတစ်ခွန်း
..ကို ဆိုသည်။

`အဲဒါဆိုရင် မင်းရဲ့နေထိုင်ကြီးပြင်းမှုကို ခေါင်းစဉ်လှလှကလေး တပ်ပေးကြည့်ပါလား ...´

ဘုရား ... ဘုရား ... ကျွန်မ ကျိတ်၍ ဘုရားတမိသည်။

သိပ်ပြီးခက်ခဲနက်နဲတဲ့ အလုပ်ဟု ကျွန်မ မပြောလိုသော်လည်း မလွယ်ကူတာတော့
သေချာသည် မဟုတ်လား ... ။ ကျွန်မ စဉ်းစားနေမိသည်။ အချိန်တွေ မည်မျှ ကြာသွား
သည် မသိ။ မင်းသားလေးက.........

`အို ... သိပ်ခက်ခဲရင်လည်း နေပါစေတော့ တွေ့လား ... ကျွန်တော့် သိုးကလေး........
...ရေသောက်နေတယ် ... ´

သူက ကလေးဆန်ဆန် စကားကို လမ်းလွှဲပစ်လိုက်၏။ ကျွန်မကတော့ သူလို ကလေး
တစ်ယောက် မဟုတ်သည့်အတွက် လိပ်ပြာမလုံချင်။

သူကတော့ ဘာမှမဖြစ်သလို စကားကို ဆက်ပြောနေသည်။

သူရောက်ခဲ့သော လောကတစ်ခုအကြောင်း ... ဂြိုဟ်အမှတ် ၁၃၉၀၈ ဟု သူက ဆိုသည်။
ဂဏန်းတွေနှင့် ပတ်သက်လျှင် အလွန်အယူသည်းတတ်သော ကျွန်မ အတွက်ကတော့
ထိုဂြိုဟ်သည် မသတီချင်စရာကောင်းမည်ဟု ထင်မိလိုက်သည်။ ဆက်ပြောတာကို....
...နားထောင်ကြည့်တော့ ထင်သည့်အတိုင်းပင် ...။

`အဲဒီဂြိုဟ်ဟာ တစ်ခုခု လွဲမှားနေပုံပဲ ...´
`ဘယ်လိုများပါလိမ့် ...´
`ဒီသိုးကလေးရဲ့ အရောင်က ...´
`အဖြူရောင်လေ ...´
`သူတို့က အဲဒီအရောင်ကို အနက်ရောင်လို့ ခေါ်တယ် ...´

ဘုရားသခင်

ကျွန်မ နှုတ်ဖျားမှ ခပ်ဖွဖွ ရေရွတ်မိ၏။

(ဆက်ပါဦးမည်..)
ကျွန်မတစ်ယောက်တည်းဆိုဒီလိုတင်နိုင်ဖို့ဘယ်လိုမှမဖြစ်နိုင်ပါဘူး။မိုးနေသာ စာအုပ်ကိုကိုယ် တိုင်ဝယ်ကိုယ်တိုင်ကူရိုက်ပြီးမပို့ ရင်အခြေအနေကတော်တော်စောင့်ရမှာပါ။ဒီကလေးမလည်း လူပေါင်းမှားရှာပါတယ်။ ဘာပဲပြောပြော ညီမလေးမိုးနေကိုအများကြီးကျေးဇူးတင်ပါတယ်။


ဒဏ်ရာလိပ်ပြာအထူးကု(၂)

Friday, March 13, 2009

(၃)
မေမြတ်မိုးဦးက မိန်းကလေးဆိုတော့ သူ့စိတ်ထဲမှာ ရှိနေတာကို သိဖို့ခက်ပါတယ်။ ကျော်စိုးကို
ဝင်လုံးပြီး မေးလို့ရတာလည်း မဟုတ်တော့ တစ်မျိုးကြံရတယ်။ အေးမင်းညီမနဲ့ သူနဲ့က ငယ်ငယ်
ကလေးတည်းက တွဲလာတဲ့ သူငယ်ချင်းဆိုတော့ အေးမင်းညီမဆီကပဲ သူ့အကြောင်း စုံစမ်းဖို့
ဆုံးဖြတ်ရတယ်။ အေးမင်းနဲ့ ကျွန်တော်နဲ့ကလည်း ငယ်သူငယ်ချင်းဆိုတော့ သူ့ညီမနဲ့ကလည်း
မိသားစုလို ခင်ပြီးသားပါ။

`ဟဲ့ ... အေးအေးလင်း၊ နင်တို့အုပ်စု တက္ကသိုလ်တက်တာ ဒုတိယနှစ်ရှိပြီ၊ တစ်ယောက်မှ မစွံ
သေးဘူးလား´
`အံမာ ... ကိုရဲကလည်း သမီးတို့က ပညာသွားရှာတာပဲ၊ ဘွဲ့ရမှ ဒီကိစ္စကို စဉ်းစားမယ်၊ အခု
တော့ Sorry ပဲ´

ဒါမိန်းကလေးတွေ သုံးနေကျ စကားပါ။ အဲဒီလို မိန်းကလေးမျိုးက စောစောစီးစီး အိမ်ထောင်
ကျတာ များတယ်။

`နင့်ကို လိုက်တဲ့သူတွေ ဘာတွေ မရှိဘူးလားဟ´
`ဟွန်း ... မိုးဦးကျသရက်စေ့ကို ယင်ကောင်အုံတဲ့အတိုင်းပဲ၊ ဒါပေမယ့် ယင်ကောင်ဆိုတော့ မောင်းထုတ်ရတာပေါ့´
`ယောက်ျားလေး သူငယ်ချင်းတွေ ဘာတွေရော မရှိဘူးလား´
`ဒါတော့ ရှိတာပေါ့၊ လိုအပ်တဲ့ အကူအညီလေးတွေ တောင်းဖို့ ထားရတယ်လေ´

သူ့အကြောင်း အရင်မေးပြီး သူ စိတ်ပါလာတော့မှ မေမြတ်မိုးဦးအကြောင်း စရတယ်။ တိုက်
ရိုက်ဆိုရင် စကားမထွက်တတ်ဘူး။

`မေမြတ်မိုးရော ရရောပေါ့´
`သူ့မှာလည်း မရှိသေးပါဘူး။ သူကတစ်မျိုး ကိုရဲရ၊ အချစ်နဲ့ပတ်သက်ရင် သူ့မှာ ဆိုက်က
ိုရှိတယ်´
`ဟ... ဘာဆိုက်ကိုလည်းဟ၊ လုပ်စမ်းပါဦး´

အေးအေးလင်းက ခဏစဉ်းစားတယ်။ ပြီးတော့ ကျွန်တော့်ကို ကြည့်တယ်။ ကျွန်တော် စုံစမ်း
တာ သိချင်လို့၊ စကားလမ်းကြောင်းကြုံလို့လို့ပဲ သူ ကောက်ချက် ချဟန် တူပါတယ်။ မေမြတ်မိုး
နဲ့ ကျွန်တော်နဲ့က ဘာအဆက်အသွယ်မှ မရှိတာ။ သူနဲ့တောင် စကားကြာကြာ ပြောဖူးတာ
ဒီတစ်ခါထဲ ရှိတာကိုး။

`သူ့ကို လိုက်တဲ့ ကောင်လေးတွေကို သူက တစ်ခါတစ်လေ အေးအေးဆေးဆေး ဆက်ဆံ
ပါတယ်၊ နောက်ကျတော့လည်း ဘာပြဿနာမှ မရှိဘဲ မခေါ်တော့ မပြောတော့ပြန်ဘူး´
`ကျော်စိုးကို ဘေသလိုရော မဘေဘူးလား´
`အဲဒီလိုတော့ မလုပ်ဘူး အစ်ကိုရ၊ တစ်ခါတစ်လေ ပြန်အော်တာလောက်တော့ ရှိတာပေါ့၊
ရပ်ကွက်ထဲမှာလို သွားလုပ်ရင် သူ ပြဿနာ တက်မှာပေါ့´
`ကျော်စိုးကို သူ ဘာဖြစ်လို့ ဒီလောက် ခါးခါးသီးသီး ဖြစ်နေရတာလဲ၊ ဟိုငတိက ဘာတွေလုပ်လို့လဲ´
`အေးတို့ သိသလောက်တော့ ဘာမှမရှိပါဘူး၊ တစ်ခါတစ်လေ ဘာစကားမှမပြောဘဲ နောက်က လျှောက်လိုက်ချင် လိုက်နေတတ်တာ၊ ပြောတော့လည်း နင့်ကို ငါ အရမ်းချစ်တယ်ဆိုတာပဲ၊ အဲဒီတော့ မေမြတ်က အော်ရော´
`အင်း ... ဒီကောင်ကလည်း ငကြောင်ပဲ၊ နင်တို့ကို အောင်သွယ်တွေ ဘာတွေ လုပ်မခိုင်းဘူးလား´
`အမလေး ... ဒီကိုယ်တော်က မေမြတ်ပါမှ နောက်ကလိုက်တာ၊ အေးတို့ချည်းပဲဆို လှည့်တောင်
ကြည့်တာ မဟုတ်ဘူး´
`နင်တို့ကရော နည်းနည်း တွန်းမပေးဘူးလား´

အေးအေးလင်းက ပြုံးတယ်။ ပြီးတော့ ပခုံးကိုတွန့်တယ်။

`စက်ဘီးနဲ့ မြောင်းထဲကျတုန်းကတော့ ပြောဖူးပါတယ်၊ သနားပါတယ်ဟာ ဘာညာပေါ့၊ သူက တကယ်ဝင်တိုက်တာ ကိုရဲရ၊ အဲဒီတော့ သူက သနားရင် ညည်းကြိုက်လိုက်တဲ့၊ ကျော်စိုးအ
ကြောင်း စကားစပ်မလို့ပြောရင် သူက အရမ်းစိတ်ဆိုးတယ်၊ အဲဒီတော့ အေးတို့လည်း မပြော
တော့ဘူး´

အေးအေးလင်းဆီက တချို့ကိစ္စတွေလည်း သိရပါတယ်´
မေမြတ်မိုးက ရွှေငါးကလေးတွေမွေးတာ ၀ါသနာပါတဲ့အကြောင်း၊ သီချင်းနားထောင်တာ ၀ါသနာပါတဲ့အကြောင်း၊ သရဲအရမ်းကြောက်တတ်ကြောင်း၊ သူငယ်ချင်းတွေကို သြဇာမပေး
တတ်ပေမယ့် သူဖြစ်ချင်သလိုမဖြစ်ရင် စိတ်ကောက်တတ်ကြောင်းတွေပါ။ ကျွန်တော့်အထင်
တော့ သာမန်ပါပဲ။

`သရဲကြောက်တာတော့ မပြောနဲ့ ကိုရဲရေ၊ နေ့ဘက်တောင် သူ သန့်စင်ခန်းသွားရင် သမီးတို့
က သူ့အခန်းနားက စောင့်ပေးရတာ၊ တံခါးလည်း ဘယ်တော့မှ ဂျက်မချဘူး၊ တစ်ခုခုဖြစ်ရင် ပြေးလို့ရအောင်လို့တဲ့ ကြောင်တာ ကြောင်တာ´
`ကျော်စိုးအကြောင်း ညည်းတို့ကို ဘာပြောသေးလဲ´
`သူကတော့ တစ်ခါမှ စမပြောဖူးဘူး ကိုရဲရ၊ အေးတို့ပြောရင်လည်း များလာရင် အော်ရော၊
သူကသာ ချဉ်ဖတ်ကို မုန်းနေတာ၊ သူ့အဖေကတော့ ဒေါ်ဘုမ ချဉ်ဖတ်မှ ဒေါ်ဘုမချဉ်ဖတ်၊
သိပ်ကြိုက်တာ´
`ကိုရဲက ဒီနေ့မှ ဘာစိတ်ကူးပေါက်ပြီး လာမေးနေတာလဲ´
`ဘာရယ် မဟုတ်ပါဘူးဟာ၊ ရပ်ကွက်ထဲမှာ ပြောကြလွန်းလို့ ငါကလည်း ရုံးတက်နေရတာ
ဆိုတော့ မသိလို့ သူတို့ပြောတာ စိတ်ဝင်စားပြီး မေးမိတာပါ၊ ညည်းလည်း တက္ကသိုလ်မှာ
ရည်းစားရအောင် ကြိုးစား၊ တက္ကသိုလ်မှာထားတဲ့ ရည်စားဆိုတာ နီးနီးကပ်ကပ် နေခွင့်ရ
တယ်၊ လွတ်လွတ်လပ်လပ် လေ့လာလို့ရတယ်၊ သူ့အကြောင်းကို၊ အကျင့်ကို အေးအေး
ဆေးဆေး လေ့လာလို့ရတယ်´
`ကိုရဲ မြှောက်ပေးတာနော်၊ အေးမင်းဆူရင် ကိုရဲ ထားခိုင်းလိုက်တာလို့ ပြောလိုက်မှာ´
`ပြောပေါ့၊ ငါက မှန်တာ ပြောတာပဲ´

အေးမင်းညီမ စပ်ဖြဲဖြဲနဲ့ ကျန်ခဲ့တယ်။ သူ့အကြောင်းနဲ့စပြီး သူ့အကြောင်းလေးနဲ့ ဆုံးပေး
လိုက်တော့ မေမြတ်အကြောင်း စုံစမ်းတာ သိပ်မသိသာတော့ဘူးလေ။ ကျွန်တော် သိခဲ့ရတဲ့
အကြောင်းကလည်း ထွေထွေထူးထူးတော့ ဘာမှမရှိပါဘူး။ ဘာဆက်လုပ်ရမလဲ၊ ဘယ်လို
ကြံရမလဲဆိုတာ နည်းလည်းရေးရေးတောင် မပေါ်ဘူး။

နောက်တစ်ပတ်လောက်ကြာတော့ မေမြတ်မိုးဦးတို့အိမ်မှာ နတ်ကနား ပေးတယ်ခင်ဗျ။ တစ်
ရပ်ကွက်လုံးရော၊ အနီးအနားရပ်ကွက်က လူတွေရော အုံးအုံးကို ထနေတာပဲ။ နတ်ကနားက
သုံးရက်ပေးတာ၊ ဦးမိုးဦးကလည်း ပွဲပြီးခါနီးဆို နှစ်ရာတန်တွေ အုပ်လိုက်ကျဲတတ်တော့ ဘာ
ပြောကောင်းမလဲ၊ သုံးရက်စလုံး လူက တိုးမပေါက်ဘူး။

ကျွန်တော်လည်း ဘာရယ်မဟုတ်ပါဘူး။ ကိုယ်နဲ့ပတ်သက်တဲ့ အိမ်ဆိုတော့ သွားကြည့်တာ
ကောင်းမယ်ဆိုပြီး သွားကြည့်တော့ တိုက်တိုက်ဆိုင်ဆိုင်ဗျာ၊ ကျွန်တော် ကြည့်တဲ့အချိန်မှာ
မေမြတ်မိုးဦးက နတ်ချော့တာတဲ့။ အစိမ်းရောင်ဇာဝမ်းဆက်နဲ့၊ အစိမ်းရောင် ပုဝါရင်စည်းနဲ့။
သူ နတ်မ၀င်ပါဘူး။ ဟိုခုန် ဒီကပါ၊ မိန်းကလေးဆိုတော့ ခြေလက်တော့ ဆိုင်းနဲ့အညီ ချိုးတတ်
လှည့်တတ် ပတ်တတ်တာပေါ့လေ။ ပရိသတ်ကလည်း အားပေးလိုက်ကြတာ အရမ်းပဲ။

မေမြတ်မိုး နတ်ချော့တာ ပြီးတဲ့အထိကြည့်ပြီး ကျွန်တော် ပြန်လာခဲ့တယ်။ အပြန်လမ်းမှာ အကြံ
တစ်ခုရပါတယ်။ ဒါပေမယ့် ကျွန်တော် တော်တော်ကြိးကို စွန့်စားရလိမ့်မယ်။ အိမ်ပြန်ရောက်
တော့ ကျွန်တော့် အကြံအစည်ကို အဘက်ဘက်က ထောင့်စုံအောင် စဉ်းစားရတယ်။
ကျွန်တော် ကြံမိတဲ့ အကြံက တော်တော် ကြောက်စရာကောင်းပါတယ်။ ကြောက်စရာကောင်း
တယ်ဆိုလို့ ကြမ်းကြမ်းတမ်းတမ်းတွေ ပါတာကို ပြောတာမဟုတ်ပါဘူး။

ကျွန်တော့်အကြံက ကျွန်တော်တစ်ယောက်တည်းနဲ့ မပြီးဘူး။ ဘေးလူတွေ ပါရမယ်။ ပါရမယ့် ဘေးလူတွေကလည်း ကျွန်တော် ဘာလုပ်တယ်၊ ဘာကြောင့် လုပ်တယ်ဆိုတာကို သိလို့မရဘူး။
နောက်ဆုံး ကုန်ကုန်ပြောရရင် ကျော်စိုးဆိုတဲ့ ငတိတောင် ပွဲမပြီးခင် သိလို့မရဘူး။ ဒီတော့
စာရွက်တစ်ရွက်နဲ့ ကျွန်တော့် အစီအစဉ်ကို တစ်ခုချင်း အသေးစိတ် ချရေးရတယ်။ ပြီးတော့
ဟိုငတိ ထိုင်တတ်တဲ့ လက်ဖက်ရည်ဆိုင်ကို ထွက်လာခဲ့တယ်။

`ကျွန်တော် အခု ညဘက်မသွားတာ ဆယ့်တစ်ရက်ရှိပြီ အစ်ကို´

ကျွန်တော် ပြုံးမိတယ်။ ဒီငတိက အရက်ဖြတ်တဲ့လူလိုပဲ မသောက်တာ လေးရက်ကြီးတောင် ရှိသွားပြီဆိုတဲ့ပုံစံမျိုး။ သူတော်တော် နေမထိထိုင်မသာ ဖြစ်နေပုံရတယ်။

`အေး ... ကောင်းတယ်၊ မင်း နောက်တစ်ခု ထပ်လျှော့ရဦးမယ်´
`အေး ... မင်း နောက်တစ်ခု ထပ်ဖြုတ်ချရဦးမယ်´
`ဗျာ ... ´
`မဗျာနဲ့၊ မင်း ဂြိုဟ်တုလွှတ်တဲ့ အကြောင်းကို သိသလား´

ငတိ နည်းနည်းကြောင်သွားတယ်။ ပြီးတော့ ခေါင်းကိုကုတ်တယ်။ ဒီလူ ဘာတွေလာပြောနေ
ပါလိမ့် ဆိုတဲ့သဘောနဲ့ ကျွန်တော့်ကို ကြည့်တယ်။ နောက် ခေါင်းကို ခါတယ်။

`အေး ... ဂြိုဟ်တုကို ကမ္ဘာမြေပြင်လွှတ်တော့ အစိတ်အပိုင်းတွေ အကုန်တပ်ပြီး လွှတ်ရတယ်၊ ကမ္ဘာ့လေထုကိုဖြတ်ဖို့ အင်ဂျင်အစိတ်အပိုင်းတွေ အကုန်တပ်ပြီး လွှတ်ရတယ်။ ကမ္ဘာ့လေထု
ကို ကျော်ပြီး သူ့ပတ်လမ်းထဲကို ရောက်ပြီဆိုတာနဲ့ မလိုအပ်တဲ့ အစိတ်အပိုင်းတွေ အားလုံးကို
ဖြုတ်ချရတယ်၊ သူ လိုအပ်တဲ့ အစိတ်အပိုင်းနဲ့ပဲ အာကာသထဲမှာ အလုပ်လုပ်တယ်၊ ဒီတော့
မင်းလည်း ဒုတိယအစိတ်အပိုင်းကို ဖြုတ်ချရတော့မယ်´
`ဘာကို ဖြုတ်ချရမှာလဲ အစ်ကို´
`မင်း အခု မနက်ကြည့်တာရယ်၊ ညနေကြည့်တာရယ်ထဲက တစ်ခု ဖြုတ်ချရမယ်၊ ရွေးတာ
တော့ မင်းဘာသာရွေး´

ငတိ တော်တော် စိတ်ဆိုးသွားပုံရတယ်။ ဒီလူ ကူညီနေတာမှ ဟုတ်ရဲ့လားဆိုတဲ့ အကြည့်နဲ့
ကြည့်တယ်။ ဒီနေရာမှာတော့ ကျွန်တော် ပြတ်သားရပါတယ်။

`မင်း ငါ ပြောတဲ့အတိုင်း မလုပ်နိုင်ဘူးဆိုရင်လည်း ရတယ်၊ မင်း ဘာသာ ဆက်ဒုက္ခခံပေါ့၊
တစ်ရက်တော့ စဉ်းစားဦး၊ မင်းကို ငါပေးတဲ့အကြံက မင်းအတွက် ချည်းပဲဆိုတာတော့ မင်း
သိထား၊ ငါ သွားမယ်´
`ကျွန်တော်က ဘာဖြစ်လို့ အဲဒီလို လုပ်ရတာလဲ အစ်ကို´
`ခုချိန်မှာ မလိုအပ်တော့လို့ဘဲ ပြောနိုင်သေးတယေ်၊ ဒီထက် ငါ ဘာမှ မပြောနိုင်သေးဘူး၊
မလုပ်ချင်လည်း မင်းနဲ့ငါ ပြီးပြီပေါ့၊ မနက်ဖြန် ထပ်တွေ့မယ်´

ကျွန်တော်က ပြတ်ပြတ်သားသားပဲ ထလာခဲ့တယ်။ ငတိကတော့ အူကြောင်ကြောင်နဲ့ ကျန်
ရစ်ခဲ့လေရဲ့။

နောက်နေ့တွေကျတော့ ငတိက တက်တက်ကြွကြွပဲ ဆိုပါတယ်။

`မနက်ဖက် ကြည့်တာကို ဖြုတ်ချမ်ယ အစ်ကို၊ ကျွန်တော်လည်း သတင်းစာ စိတ်ဖြောင့်
ဖြောင့် ပို့ရတာပေါ့၊ ကျွန်တော် အစ်ကို့ကို ယုံပါတယ်´
`အေး ... ဒါဆိုလည်း တို့ လုပ်ငန်းဆက်ကြတာပေါ့၊ တစ်ခုတော့ ရှိတယ်၊ မင်း ငါ့စကားအတိုင်း
ပဲ နေရမယ် ဆိုတာပဲ´
`စိတ်ချအစ်ကို၊ ကျွန်တော် အခု သီချင်းသွားမဆိုတော့ အိမ်ဘေးနားက ကောင်မလေးတွေ
က သူ့ကို သွားမေးကြတယ်တဲ့´

သူ ပထမဦးဆုံးရတဲ့ တုန့်ပြန်မှုအတွက် တော်တော်လည်း ၀မ်းသာနေပုံ ရပါတယ်။

`ဒါပေါ့ကွာ၊ မင်းစွန်က မင်းနဲ့ နီးလာပါပြီ´

ကျွန်တော် ငတိနဲ့ တွေ့ပြီးတော့ ကျိုက္ကဆံဘုရားကို သွားပါတယ်။ ကျိုက္ကဆံဘုရားက
ကျွန်တော့်အိမ် ပြတင်းပေါက်ကကြည့်ရင် စိန်ဖူးတော်ကို လှမ်းမြင်နေရပါတယ်။ မိနစ်
နှစ်ဆယ်လောက် လမ်းလျှောက်ရင် ရောက်ပါတယ်။ သင်္ဃန်းကျွန်းမြို့ရဲ့ တန်ခိုးအကြီး
ဆုံး ဘုရားပေါ့။

ဘုရားဝင်းအ၀မှာ မုခ်တစ်ခု ရှိပါတယ်။ အဲဒီအထိ ဖိနပ်စီးလို့ ရပါတယ်။ ကျိုက္ကဆံဘုရား
က တန်ဆောင်းမရှိပါဘူး။ ဘုရားအ၀င် ဒုတိယမုခ်မှာ ဖိနပ်ချွတ်ပြီး လှေကားငါးထစ်
တက်တာနဲ့ ဘုရားရင်ပြင်ကို တန်းရောက်ပါတယ်။ ပထမမုခ်ဦးနဲ့ ဒုတိယမုခ်ဦးအကြား
မြေကွက်လပ် ပတ်လည်မှာ ဘုရားပွဲဆို ပွဲသွင်းပါတယ်။ ဆိုင်တွေကို ကြပ်ညှပ်လို့။

ကျွန်တော် ဘုရားပေါ်မှာ ခဏနားရင်း ကျွန်တော့်အစီအစဉ်ကို ပြန်စဉ်းစားတယ်။
ပြီးတော့ ကျွန်တော့်ကို ကူညီမယ့် အရေးအကြီးဆုံး ဒုတိယလူကိုရှာဖို့ ဘုရားအောက်
ပွဲခံမြေကွက်လပ်ကို ဆင်းခဲ့တယ်။

အဲဒီမြေကွက်လပ်မှာ ဘုရားဆင်းတုတော်၊ ပန်းဖြူပန်းနီ၊ ထီးဖြူထီးနီ၊ တံခွန်၊ ကုက္ကား၊
ပုလ္လင်၊ နတ်ရုပ်၊ မှန်ရေးပန်းချီနတ်ရုပ် စတာတွေကို ရောင်းပါတယ်။ ၀ယ်သူကတော့
မရှိသလောက်ပါဘဲ။ အဲဒီဆိုင်တွေလွန်တော့ ဗေဒင်ဆိုင်ခန်း လေးငါးခန်းကို တွေ့ရပါတယ်။

ကျွန်တော် ဆိုင်တွေကို တစ်ခုချင်း သေသေချာချာ လေ့လာရပါတယ်။ စတုတ္ထမြောက်ဆိုင်
ကျတော့မှ ကျွန်တော် လိုချင်တာကို သွားတွေ့တယ်။ ဒါပေမယ့် မှတ်ထားပြီး ရှေ့က ဆိုင်
တွေကို ထပ်ကြည့်ရတယ်။ လက္ခဏာဗေဒင်နှင့် အင်္ဂ၀ိဇာ ဆြာမျိုးဆွေသန်းတဲ့။ ပိတ်စအဖြူ
ပေါ်မှာ ရေးထားတဲ့ စာလုံးတွေက ဟောင်းနေပြီ။ လက်ဝါးထောင်ရက်ပုံ ဆွဲထားတာက
လည်း အချိုးမကျဘူး။

ပြီးတော့ ပိတ်အပြာစပေါ်မှာ သူ့ဆီမှာ ဗေဒင်မေးနေတဲ့ ဇာတ်မင်းသားတွေ၊ ရုပ်ရှင်သရုပ်
ဆောင် ဇာတ်ပို့ဇာတ်ရံပုံတွေကို ပပ်ထားတယ်။ ဓာတ်ပုံတွေက တော်တော်လေး ဟောင်း
နေပါပြီ။ ကျွန်တော်က ရပ်ကြည့်နေတာကို အထဲက သူ ရိပ်မိပုံရပါတယ်။ ဂါထာလိုလို
ဘာလိုလို ရွတ်သံကို စတယ်။ နောက်တစ်ယောက်က ဗေဒင်လက္ခဏာနှင့် ဓာတ်ရိုက်
ဓာတ်ဆင် ပါရမီရှင် ဆရာအေးဘကျော်တဲ့။ သူလည်း ဓာတ်ပုံအဟောင်းတွေ ဘာတွေ
ကပ်ထားတာပါပဲ။ အမွှေးတိုင်နံ့တွေလည်း မွှန်လို့။

ဒါနဲ့ ကျွန်တော်လည်း ကျွန်တော် တွေ့ထားတဲ့ ဆိုင်ကိုပဲ ပြန်လှည့်ခဲ့ရတယ်။

သူကတော့ ရိုးရိုးပဲ ရေးထားပါတယ်။ စိတ်ကို စိတ်ဖြင့်သာ ဟောသည်တဲ့။ အောက်မှာ
ဆရာမကြီး ဒေါ်တင်မိုးလွင်တဲ့။ သင်မသိသော သင့်စိတ်ကို သိသောဆိုတဲ့ နာမ၀ိသေန
လေးတော့ ပါတာပေါ့။

ကျွန်တော်က မိန်းကလေးဆရာမပဲ ရချင်တာ။ အခု သူတစ်ယောက်ပဲဆိုတော့ ကျွန်တော်
ရွေးမနေတော့ဘဲ အခန်းထဲကို ၀င်လိုက်တယ်။

အခန်းထဲရောက်တော့ ဆရာမက ပုတီးစိပ်နေတယ်ခင်ဗျ။ ကျွန်တော် ရပ်ကြည့်တော့မှပဲ တမင်စိပ်တာလားတော့ မသိပါဘူး။ သူ့အဓိဌာန်နဲ့သူ စိပ်တာလည်း ဖြစ်နိုင်ပါတယ်။
ကျွန်တော် တိတ်တိတ်ဆိတ်ဆိတ်ပဲ ထိုင်စောင့်နေလိုက်ပါတယ်။

ဆယ်မိနစ်လောက်အထိ ကျွန်တော် စောင့်ရပါတယ်။ ဒါဆိုရင်တော့ ဟန်ပြစိပ်တာ
မဟုတ်တော့ဘူး။ သူ့အဓိဌာန်နဲ့ သူ စိပ်တာ ဖြစ်ပါလိမ့်မယ်။ ဘုရားကို ဦးချပြီး သက်ဆိုင်
ရာ နတ်တွေကို အမျှဝေပါတယ်။ ပြီးတော့ ကျွန်တော့်ဘက်ကို လှည့်တယ်။

ဆရာမရုပ်ရည်က တော်တော်လေးကို မှည့်ပါတယ်။ ဆံပင်အရှည်ကြီးကို သေသေသပ်
သပ် ထုံးထားတယ်။ မိတ်ကပ်ပါးပါး လိမ်းထားပေမယ့် မျက်ခုံး၊ မျက်လုံးတွေက အချိုး
အစား ပြေပြစ်တယ်။ နှာတံပေါ်တယ်။ နှုတ်ခမ်းပါးပါးက ရှည်ရှည်ကလေးရယ်၊ ကိုယ်လုံး
ကိုယ်ပေါက်ကတော့ ကိုယ့်ဆရာတွေ အကြိုက်ပဲ။ ထိုင်နေတာတောင်မှ အချိုးအစား
ကျပါတယ်။

ဆရာမက ကျွန်တော့်ကို ပြုံးပြပါတယ်။ သွားကလေးတွေက ရှည်ရှည်သွယ်သွယ
် ညီပြီးဖွေးနေတာပဲ။ ဆရာမ သွားကလေးတွေက ပစ္စတိုကျည်ဆန်လေးတေါ ညီနေအောင
်စီပြီး ထောင်ထားတဲ့အတိုင်းပဲ။ ပါးချိုင့်ကလည်းပါတော့ ပြုံးလိုက်ရင် တော်တော် အသက်
ဝင်ပါတယ်။ ပြီးတော့ ကျွန်တော့်ကို စေ့စေ့ကြည့်ပြီးတော့ မေးပါတယ်။

`ကဲ ... သား ဘာသိချင်လို့လဲ´

ကျွန်တော်လည်း ရုတ်တရက်ဆိုတော့ ဘာပြန်ပြောရမှန်းမသိ ဖြစ်သွားတယ်။ ခေါင်းတစ်
ချက်ကုတ်ပြီး `အကုန်ပါပဲ´ လို့ ပြောလိုက်တော့ ဆရာမက ထပ်ပြုံးတယ်။

`ဒါဆိုရင် သားမှာ အခုလောလောဆယ်တော့ ဘာအပူအပင်မှ ရှိပုံမရဘူး၊ သားရဲ့ ရှေ့ရေး
ကိုပဲ သိချင်တာ မဟုတ်လား´

ဆရာမက Physiology ကို တော်တော်လေ့လာထားပုံ ပေါ်ပါတယ်။ ဆရာမဟာ ပညာတတ်
တစ်ယောက် ဖြစ်ဖို့လည်း များတယ်။ သူ့အသံက ချိုအေးတယ်။ ပြီးတော့ လူတစ်ယောက်ကို
လွှမ်းမိုးနိုင်တဲ့ သြဇာနဲ့လည်း ပြည့်စုံတယ်။ ကျွန်တော် လိုချင်တဲ့ အချက်တွေနဲ့တော့ ကွက်တိ
ပါပဲ။

ကျွန်တော်ကလည်း ဆရာမကို ပြန်ပြီး တွက်ချက်နေမိတယ်။ ဒီလောက်ချောလှပြီး ကြည့်လို့
ကောင်းတဲ့ ဆရာမဟာ အကြားအမြင် ဟောနေတယ်ဆိုတော့ အပျိုကြီးပဲ ဖြစ်ရမယ်။ သူနဲ့
အရမ်းချစ်ကြတဲ့ သူ့ချစ်သူက သူ့ကို ပစ်သွားတော့ ကိုယ့်စိတ်ကို ကိုယ်မလေရအောင် ထိန်းတဲ့
သဘောနဲ့ ဘုရားတရားဖိလုပ်ရင်း ဒီလိုင်းကို ရောက်လာပုံ ပေါ်ပါတယ်။

`ကဲ ... သားရဲ့ မွေးနေ့ မွေးလ၊ ခုနှစ်နဲ့ နာမည်ပြောပါ´
`၂ ရက် နိုဝင်ဘာ ၁၉၆၆ ပါ၊ ဗုဒဟူးသား၊ နာမည်က ရဲဝင်းပါ´

ဆရာမက နှစ်တစ်ရာ ပြက္ခဒိန်ကို လှန်ကြည့်ပါတယ်။ ဆရာမ လက်ချောင်းကလေးတွေက
လည်း ရှည်ရှည်သွယ်သွယ်ကလေးရယ်။

`သားက မြန်မာပြက္ခဒိန်အရဆိုရင် သီတင်းကျွတ်လပြည့်ကျော် (၄)ရက်နေ့ပဲ၊ ကဲ ... သား
ဘုရားရှိခိုးလိုက်ပါဦး သား´

ခဏခဏ သားအခေါ်ခံရတော့ တစ်မျိုးကြီးပဲဗျ။ ဆရာမက အသက်လေးဆယ်လောက်ပဲ
ရှိဦးမှာပါ။ ကျွန်တော် ဘုရားရှိခိုးပြီးတော့ ဆရာမက အနေအထိုင်ပြင်ပြီး ကျွန်တော့် မျက်နှာ
ကို စေ့စေ့ ခဏငြိမ်ပြီး ကြည့်ပါတယ်။ ပြီးတော့ -

`ဆရာမက သားရဲ့စိတ်ကို အာရုံပြုမယ်၊ သားက ဘုရားကို စိတ်ထဲက အာရုံပြုထားပါ´

ဆရာမက မျက်လုံးကိုမှိတ်ပြီး တရားထိုင်သလို ထိုင်ပါတယ်။ တစ်ခါတစ်ခါ မျက်မှောင်တစ်
ချက် ကျုံ့သွားတယ်။ ကျွန်တော် ဘုရား အာရုံမပြုဘဲ ဆရာကိုပဲ လေ့လာနေမိတယ်။ ဆရာမ
ရဲ့ ရုပ်အင်္ဂါက သန့်ရှင်းတည်ကြည်ပါတယ်။ ကိုယ်ပြောတဲ့စကားကို တစ်ဖက်သား ကောင်း
ကောင်း ယုံလွယ်စေနိုင်တဲ့ ရုပ်လက္ခဏာမျိုးပါ။ ကျွန်တော့် အစီအစဉ်အတွက် ဒါဟာ အရေး
ကြီးပါတယ်။ ကျွန်တော်ကတော့ ကျွန်တော် လိုချင်တာ ကွက်တိရလို့ ၀မ်းသာနေမိတယ်။
ငါးမိနစ်လောက် မျက်စေ့မှိတ်ထား၊ ပြီးတော့မှ ဆရာမက သက်ပြင်းကိုချပြီး မျက်စေ့ဖွင့်
လိုက်ပြီးတော့ ဆရာမက ကျွန်တော့်အတိတ်ကို အရင်ဟောပါတယ်။

မှန်တာတွေ အတော်မှန်ပါတယ်။ တချို့ကိစ္စတွေလည်း လွဲပါတယ်။ ကျန်းမာရေးနဲ့ ပတ်သက်
လို့ ဟောတာတော့ တော်တော်လေးကို မှန်ပါတယ်။ ကျွန်တော့်နှလုံးမှာ ရောဂါရှိတဲ့အကြောင်း။
လေရောဂါနဲ့ အညောင်းမိရောဂါရှိကြောင်း၊ သတိထားသင့်ကြောင်းတွေပါ။

ရှေ့ဖြစ်ဟောတာတော့ ကျွန်တော်လည်း သူဟောတဲ့ဆီကို မရောက်ဖူးသေးတော့ မှန် မမှန်
မသိပါဘူး။ ဒါပေမယ့် တခြားဆရာတွေလို မွေးနှစ်ကျော်ရင် အားလုံးကောင်းပြီလို့တော့
မပြောပါဘူး။ ကျွန်တော့် စီးပွားရေးနဲ့ ဘ၀အောင်မြင်မှုက (၂၉)နှစ်လောက်မှ စမယ်တဲ့။
အခု ကျွန်တော်က (၂၅)နှစ်ဆိုတော့ လေးနှစ်တောင် စောင့်ရဦးမယ်ပေါ့လေ။

ပညာရေးကျတော့ လွဲတယ်ခင်ဗျ။ ကျွန်တော့်ကို ပညာအကျိုး ခံစားရမတဲ့။ ကျွန်တော်
ဘာမှမပြောပါဘူး။ ကျွန်တော်က မေးချင်လို့ မေးတဲ့လူမှ မဟုတ်တာ။ ဒီဆရာမဟာ
ကျွန်တော့် အစီအစဉ်မှာ အရေးအကြီးဆုံး ကူညီသူတစ်ယောက် ဖြစ်နိုင် မဖြစ်နိုင်ဘဲ
သိချင်တာ။ အခုတော့ ကျွန်တော် ဆရာမကို အမှတ်ပြည့်ကို ပေးလိုက်ပါတယ်။

နောက်နေ့ ဟိုငတိ ကျွန်တော့်စကားကို နားထောင်မထောင် မနက်ခင်း ထိုင်နေကျဆိုင်
ကို သွားချောင်းတယ်။ ငတိ မလာဘူး။ နောက်နေ့ ... နောက်နေ့။ ငါးရက်မြောက်နေ့ကျတော့
ကျွန်တော် ငတိကို စိတ်ချသွားပြီ။

ကျွန်တော့် အစီအစဉ်အရ စိတ်ကို စိတ်နဲ့ဟောတဲ့ ကျွန်တော့်ဆရာမ ဒေါ်တင်မိုးလွင်ဆီကို
ဖယောင်းတိုင်နှစ်ထုပ်၊ အမွှေးတိုင်နှစ်ထုပ်၊ လိမ္မော်သီး ငါးလုံးနဲ့ သွားရပါတယ်။ သူ ပုတီးစိပ်
တဲ့အချိန်ကို တမင်မှန်းသွားတာပါ။ ကျွန်တော် အသံမကြားအောင် အသာကြည့်တော့ ဆရာမ
က ထုံးစံအတိုင်း ပုတီးစိပ်နေပါတယ်။ ကျွန်တော် ဘုရားတစ်ပတ်ပတ်၊ ဘုရားရှိခိုးပြီး ခဏထိုင်
ပါတယ်။ ကျွန်တော်က ဒီလိုဘုရားတွေ ဘာတွေရောက်မှ ဘုရားရှိခိုးရမှန်း သိတဲ့ကောင်ပါ။
အိမ်မှာဆိုရင် မေ့နေတာနဲ့ သတိမရတာနဲ့။

ဆရာမ ပုတီးပတ်စေ့ချိန်လောက်မှ ကျွန်တော် ၀င်သွားပြီး လက်ဆောင်တွေ ပေးတော့
ဆရာမ တော်တော်ဝမ်းသာသွာါးပတယ်။ လိမ္မော်သီး ငါးလုံးကို ဘုရားကပ်ပါတယ်။ဆရာမ
နဲ့ အလ္လာပ သလ္လာပ နာရီဝက်လောက် စကားပြောပြီး ဆရာမ ဘယ်လိုဖြစ်လာသလဲ
မေးတော့ -

`ဆရာမလည်း ဒီလိုပဲ ပုတီးစိပ်ရင်းနဲ့ အာရုံရလာတာပဲ၊ ဒီလိုဟောဖိုပ ရည်ရွယ်ချက်မရှိဘူး၊
အဲဒီပုဂ္ဂိုလ်ဟာ ဘယ်သူလဲဆိုတာ ဆရာမလည်း မသိဘူး သားရဲ့´
`ရည်ရွယ်ချက်မရှိဘဲနဲ့ ဘယ်လို ဟောပြောသွားတာလဲ´
`အဲဒီပုဂ္ဂိုလ်က ဒီပညာနဲ့ လူတွေကို ကူညီရမယ်တဲ့၊ ကိုယ်ပဲ သိထားလို့ အကျိုးမရှိဘူးတဲ့၊
ဆရာဝန်တစ်ယောက် ကျောင်းပြီးသွားရင် သူ့ပညာနဲ့ လူတွေကို အကျိုးပြုရသလိုပေါ့´

ဆရာမတင်မိုးလွင်ရဲ့ စကားကို ကျွန်တော် ကျေကျေနပ်နပ်ကို လက်ခံပါတယ်။ ကျွန်တော့်
ကို ဟောပြီးတုန်းကလည်း ဘယ်ရွေ့ဘယ်မျှ မတောင်းပါဘူး။ ကျွန်တော် လှူသမျှကို ဘုရား
ကို တစ်ဝက်ကပ်ပြီး သူက တစ်ဝက်ယူပါတယ်တဲ့။ ကျွန်တော်တို့ စကားကောင်းနေတုန်း
မေးသူနှစ်ဦးလာတာနဲ့ ကျွန်တော် ပြန်လာခဲ့တယ်။

ဒီလိုနဲ့ ကျွန်တော် ကျိုက္ကဆံဘုရားကို တစ်ပတ် သုံးရက်လောက်ရောက်ပြီး ဆရာမနဲ့
ဝင်ဝင်စကားပြောတယ်။ တစ်လလောက်ကြာတော့ ဆရာမနဲ့ ကျွန်တော် တော်တော်
ရင်းနှီးသွားပါပြီ။ သားအစား မင်းနဲ့ငါ ဖြစ်လာတယ်။ ပြောဖြစ်တဲ့ ကိစ္စတွေကတော့ လူမှု
ရေးနဲ့ ဂန္ဓာရီကိစ္စတွေပါ။

`ဆရာမကိုလည်း ကျွန်တော်က ပြန်ဟောရဦးမယ်၊ ဆရာမဟာ အပျိုကြီးဖြစ်ရမယ်၊
ပြီးတော့ လူတစ်ယောက်နဲ့ အကြာကြီး ချစ်ပြီးတော့မှ လမ်းခွဲလိုက်ရတာ ဖြစ်မယ်၊
ဆရာမ အသည်းအကြီးအကျယ် ကွဲခဲ့ရဖူးတယ်´

ဆရာမ အကြီးအကျယ် မျက်လုံးပြုးသွားတယ်။

`အံမယ် ... မင်းက တယ်ဟုတ်ပါလား၊ မင်း ငါ့အကြောင်းကို စုံစမ်းထားသလား´
`မစုံစမ်းပါဘူး။ ဆရာမကို ကြည့်ပြီး ပြောတာပါ၊ ဆရာမမှာသာ ခင်ပွန်းရှိရင် ဒီအလုပ်
ကို လုပ်ခိုင်းပါ့မလား၊ ရွှေပေါ်မြတင် ထားမှာပေါ့၊ ဆရာမ ပုဂ္ဂိုလ်ရဲ့ တာဝန်အရ လုပ်ရ
တယ်ဆိုရင်လည်း အကြိုအပို့တော့လုပ်မှာပေါ့၊ အခုတော့ဆရာမက တစ်ယောက်တည်းရယ်´

ကျွန်တော့်စကားဆုံးတော့ ဆရာမက လက်ခုပ်လက်ဝါးတီးပြီး အားရပါးရ ရယ်ပါတယ်။
`ဟုတ်တယ် .... ဟုတ်တယ်´ လို့လည်း ရယ်ရင်းနဲ့ ပြောတယ်။

`မင်း ဒီဘက်နားမှာ ဆိုင်လာဖွင့်ရင် ငါ အာနန္ဒာဘုရားကို ပြောင်းတော့မယ်´

ကျွန်တော်တို့နှစ်ယောက် ပြိုင်တူရယ်ဖြစ်ကြပြီးမှ ကျွန်တော်က စကားစရတယ်။ ဒီစကား
ကို အခုမှပြောရတာ ဆရာမနဲ့ ရင်းနှီးမှုရမှ ပြောရမယ့် စကားမို့ပါ။

ကျွန်တော်က ကျွန်တော့် အစီအစဉ်ကို ပြောပြတယ်။

ကျွန်တော့်စကားလည်း ဆုံးရော ခုနက ပျော်နေပြုံးနေတဲ့ ဆရာမရဲ့ မျက်နှာဟာ ဒေါသနဲ့
နီရဲနေတာပဲ။

`ဟေ့ ... ဒီမှာ မင်းမို့လို့ ဒီစကားကို ငါ ဆုံးအောင် နားထောင်တယ်လို့ မှတ်ပါ၊ မင်း အခု
ငါ့အခန်းထဲက ထွက်သွား၊ ငါ့ပညာက လူတွေကို လိမ်ဖို့ညာဖို့ ပညာမဟုတ်ဘူးကွ၊ လူတွေ
ကို ကူညီဖို့၊ ဒုက္ခနည်းနိုင်သမျှ နည်းဖို့ ရထားတဲ့ ပညာကွ၊ ငါ တစ်သက်လုံး အဲဒီအလုပ်မျိုး
မလုပ်ဘူး´
`ကျွန်တော် တောင်းပန်ပါတယ် ဆရာမရယ်၊ ဒီကိစ္စက ကျွန်တော့်ကိစ္စလည်း မဟုတ်ပါဘူး။
ကျော်စိုးနဲ့ ကျွန်တော်လည်း ဘာမှမတော်ပါဘူး၊ ကျွန်တော်က သက်သက်ဝင်ကူညီတာပါ၊
ဆရာမပညာကို စော်ကားချင်တဲ့စိတ် ကျွန်တော့်မှာ တစ်စက်မှ မရှိပါဘူး၊ ပြီးတော့ ဒီကိစ္စက
ဆရာမ ကူညီမှ ရမှာပါ၊ ဆရာမက အရေးအကြီးဆုံးပါ၊ ကိုယ်က ချစ်ရက်နဲ့ ပြန်အချစ်မခံရတဲ့
ဒုက္ခကို ဆရာမလည်း ခံစားခဲ့ဖူးတာပဲ၊ ကျွန်တော်တို့ ကူညီလို့ သူတို့ အဆင်ပြေသွားကြရင်
ဆိုတဲ့ စိတ်ကလေးနဲ့ပါ ဆရာမရယ်၊ ဆရာမပညာကို စော်ကားသလိုဖြစ်သွားရင် ကျွန်တော်
ကန်တော့ပါတယ်´

ကျွန်တော် တကယ်ကို ထိုင်ကန်တော့တာပါ။ ဒီတော့မှ ဆရာမ မျက်ဝန်းထဲက ဒေါသရိပ်ဟာ
တဖြည်းဖြည်းနဲ့ လျှော့ကျလာပါတယ်။ ပြီးတော့ ကျွန်တော်လည်း ငြိမ်ပြီးတစ်နေရာတည်းကို ခေါင်းငုံ့ကြည့်နေလိုက်တယ်။ ငါးမိနစ်လောက်ကြာမှ ဆရာမက သက်ပြင်းကိုချတယ်။

`မင်း ငါ့ကို အဲဒီအကြံနဲ့ လာပေါင်းတာလား´
`အမှန်အတိုင်း ၀န်ခံရရင် ဟုတ်ပါတယ် ဆရာမ၊ ဒါပေမယ့် ခင်တာတော့ အခု တကယ်ခင်သွား
တာပါ´

ဆရာမက ခေါင်းတဆတ်ဆတ် ညိတ်တယ်။ ဆရာမမျက်နှာမှာ ဒေါသရိပ်တော့ မရှိတော့ဘူး။
ဒါပေမယ့် အရင်လို ရွှင်ရွှင်ပြပြလည်း မရှိပြန်ဘူး။ ခပ်တည်တည် ဖြစ်သွားတယ်လို့ ပြောရင်
ရမယ်ဆိုမလားဘဲ။ ဒါနဲ့ ကျွန်တော်လည်း ဟိုငတိ ကျော်စိုးခံရပုံတွေကို မရဲတရဲနဲ့ ပြောပြရတယ်။
ဆရာမက ဘာမှဝင်မမေးဘဲ နားထောင်ပါတယ်။ ကျွန်တော့် စကားဆုံးတော့မှ လေသံမှန်မှန်နဲ့ -
`မင်း ပြန်တော့၊ ငါ စဉ်းစားဦးမယ်၊ နောက်အပတ်မှ လာခဲ့´
`ဟုတ်ကဲ့ပါ ဆရာမ´

(၄)
ကိုယ့်ထမင်း ကိုယ်စားပြီး ကြီးတော် နွား အလကား ကျောင်းရတာကမှ တော်သေးတယ်။ ကြီးတော်
က ကိုယ့်အမျိုးမဟုတ်လား။ ကိုယ့်ထက်လည်း အသက်ကြီးတော့ ကုသိုလ်လည်း ရသေးတယ်
မဟုတ်လား။

အခုတော့ ကျွန်တော့်မှာ ကိုယ့်လက်ဖက်ရည် ကိုယ်သောက်ရတဲ့အပြင် ဟိုငတိ ကျော်စိုးနဲ့ထိုင်ရင်
သူ့ဆီက မစားရက်လို့ ကိုယ်က ရှင်းရသေးတယ်။ ပြီးတော့ ဗေဒင်ဖိုးလည်း ကုန်ရသေးတယ်။ အဆူ
အပြောလည်း ခံရ၊ စိတ်ကလေည်း မောရသေးတယ်။ ကိုယ့်ဒုက္ခကိုယ်ရှာတယ်ဆိုတာ ကျွန်တော်ပဲ။

အခုလည်း ဟိုငတိခေါ် လက်ဖက်ရည်တိုက်ရင်း မေးရတယ်။

`ဘာမှ မထူးခြားသေးဘူး အစ်ကို၊ တစ်လလည်း ကျော်လာပြီ၊ အစ်ကိုခိုင်းတဲ့အတိုင်းပဲ ကျွန်တော်
လည်း နေတာပဲ´
`အေး ... အချိန်ကို သိရတယ်ကွ၊ ဘုရားတောင်မှ ကျွတ်ချိန်တန်တဲ့သူကို သူ့အချိန်ရောက်မှ ချွတ်လို့
ရတာ၊ မင်းကံကောင်းရင် ရှေ့အပတ်ထဲမှာ ထူးခြားလာမှာပါ။

အဲဒီအပတ်ထဲမှာပဲ မေမြတ်မိုးဦးတို့အိမ်မှာ အပြောင်းအလဲတွေ ဖြစ်ပါတယ်။ ကောင်မလေးရဲ့
အမေ အိပ်ရာထဲ လဲတယ်။ အခုအကောင်း၊ တော်ကြာဆို မူးတယ် မူးတယ်ဆိုပြီး အိပ်ရာထဲ
လူတွဲပို့ရတယ်။ ညညဆို ကယောင်ကတမ်းတွေ အော်တယ်။ ကျွန်တော့်စိတ်အထင်တော့
မြန်မာနိုင်ငံက အသက်(၅၀)နားနီးတဲ့ မိန်းမကြီးတွေ ဖြစ်လေ့ဖြစ်ထရှိတဲ့ သွေးဆုံးကိုင်တဲ့
သဘောလို့ ထင်တာပါပဲ။

တတ်နိုင်တဲ့သူတွေဆိုတော့ အထူးကုဆေးခန်းတွေ စုံသွားတယ်။ ဗမာဆရာတွေလည်း
စုံသွားတယ်။ ရောဂါက မသက်သာဘူး။ အဲဒီကြားထဲမှာ ဦးမိုးဦးက သစ်ကားလာပြီး သစ်ချရင်း သစ်ချောင်းတစ်ချာင်းက ခုန်ပြီး ခြေဖမိုးကို ပိတယ်။ ဂျိုင်းထောက်တွေ ဘာတွေနဲ့ ဖြစ်သွား
တယ်။ ကျွန်တော့် စီမံကိန်းအရဆိုရင်တော့ ဒီငတိ ကံကောင်းပြီပေါ့။ ကျွန်တော့်မှာ အကုသိုလ်
တောင် အပိုရလိုက်သေးတယ်။

တစ်ပတ်ပြည့်လို့သွားတော့ ဆရာမ ဒေါ်တင်မိုးလွင်က အရင်တုန်းကလို ပျော်ပျော်ရွှင်ရွှင်
နှုတ်ဆက်တာ စကားပြောတာ မရှိတော့ဘူး။ အတော်တည်သွားတယ်။ သူ့ကို အကြံနဲ့ပေါင်း
တယ်ဆိုတာကို အခဲမကြေသေးပုံပါပဲ။ အပျိုကြီးဆိုတော့ ပိုဆိုးတာပေါ့လေ။ အပျိုကြီးတွေက အရှက်လွန်တတ်တယ် မဟုတ်လား။

`မင်း ကူညီပါဆိုတိုင်း ငါက မကူညီနိုင်တာ အမှန်ပဲ၊ ငါ့ပညာကို ငါ တန်ဖိုးထားရမယ်၊ ဒီတော့
မင်းကို နောက်ဆုံး အခွင့်အရေးတစ်ခု ပေးမယ်၊ မင်းပြောတဲ့အစီအစဉ်မှာပါတဲ့ ကောင်လေးတွေ၊ ကောင်မလေးတွေရဲ့ မွေးသက္ကရာဇ်ကို လိုချင်တယ်၊ သူတို့ဟာ ပေါင်းသင့်ပေါင်းထိုက်သူတွေဆို

ရင် ငါ ကူညီမယ်၊ မပေါင်းသင့်တဲ့သူဆိုရင်တော့ ငါ လုံးဝ မကူညီနိုင်ဘူး၊ ဒါပဲ´

ကျွန်တော် တော်တော်လေး စဉ်းစားရကြပ်သွားတယ်။ မိန်းကလေးဆိုတာမျိုးက မွေးသက္ကရာဇ်မပြောနဲ့၊ အသက်သိဖို့တောင် လွယ်တာမဟုတ်ဘူး။

`အဲဒါတော့ နည်းနည်းခက်မယ် ဆရာမ၊ တခြားနည်း မရှိဘူးလား၊ ရှိရင် ...´

ဒေါ်တင်မိုးလွင်က မျက်လုံးကလေးမှိတ်ပြီး ခေါင်းကို ဖြည်းဖြည်းကလေး ခါတယ်။ ပြီးတော့-

`ဒါ ငါ့နောက်ဆုံးစကားပဲ၊ မရရင်တော့ မတတ်နိုင်ဘူး၊ ငါ့ပညာမပါဘဲနဲ့ ဘာအလုပ်ကိုမှ ငါ
မလုပ်နိုင်ဘူး´
`ဆရာမဆီ ရောက်လာရင် သိမှာပဲဟာ´
`ငါက ငါ့ဆီလာမယ့်သူတွေ အကြောင်းကို ငါ့ပညာနဲ့ငါ ကြိုသိထားချင်တာ၊ ကဲ ... ကဲ... မင်း
ပြန်တော့ ငါ ပုတီးစိပ်ရဦးမယ်၊ မင်းက ကြံရည်ဖန်ရည် ကောင်းပါတယ်၊ ရမှာပါ´

နောက်ဆုံးစကားက ကျွန်တော့်ကို ရိလိုက်မှန်း သိပါတယ်။ ဒါပေမယ့် ကျွန်တော် ဘာမှပြော
မနေတော့ဘဲ ဘုရားပေါ်တက်ခဲ့တယ်။ ဘုရားပေါ်မှာ ဟိုငေးဒီငေးနဲ့ ကျွန်တော် ဘာလုပ်ရ
မှန်းမသိဘူး။ ဒီအတိုင်း သွားမေးရအောင်ကလည်း မေမြတ်မိုးဦးနဲ့ ကျွန်တော်က တစ်ခါမှ
စကားပြောဖူးတာ မဟုတ်ဘူး။ ဟိုငတိကတော့ ထားလိုက်တော့။ ချက်ချင်း မေးလို့ရတယ်။

စဉ်းစားရင်းနဲ့ ဖျပ်ခနဲ သတိရတယ်။ ကျွန်တော်က ကိုယ့်စကား ကိုယ်မေ့နေတာကိုး။ ဗေဒင်
မေးရင် ဘယ်သူဖြစ်ဖြစ် မွေးသက္ကရာဇ်တော့ ပေးရတာပဲ။ ဒါနဲ့ အိမ်မပြန်တော့ဘဲ ဘုရားလမ်း
ကနေ ကားစီးပြီး ပန်းဆိုးတန်းလမ်း စာအုပ်အဟောင်းတန်းကို ပြေးရတယ်။ ရောက်တော့
ကိုင်ရိုဂဏန်းဗေဒင် စာအုပ်ကို ရှာဝယ်ပြီး အိမ်ရောက်တော့ သူ့နည်းကို ဖတ်ရ၊ မှတ်ရ၊
လေ့လာရတယ်။ နှစ်ရက်လောက် လေ့ကျင့်ပြီးတော့မှ ကျွန်တော် အေးမင်းညီမကို တွေ့ပါတယ်။ အေးအေးလင်းတင် မဟုတ်ဘူး။ သူ့ သူငယ်ချင်း နှစ်ယောက်ကိုပါ တွေ့တယ်။ မေမြတ်မိုးတော့
မပါဘူး။

ကျွန်တော် သူတို့နဲ့ စကားရောဖောရောလုပ်ပြီးမှ စကားကို စရတယ်။

`နင်တို့ ဗေဒင်ယုံသလား´
`မယုံဘူး၊ ကိုယ့်ကိုယ်ကိုယ်နဲ့ ဘုရားပဲယုံတယ်
အေးအေးလင်း သူငယ်ချင်းတစ်ယောက်က ထလုပ်ရော။

`မဟုတ်သေးဘူးဟ၊ ဗေဒင်လက္ခဏာ အကြားအမြင်ဆိုတာ ငါတို့ ဗုဒ္ဓမပွင့်ခင်ကတည်းက
ရှိခဲ့တဲ့ ပညာတွေဟ၊ ဒါကြောင့် တို့ဘုရား ဖွားတော်မူပြီးတော့ တောထွက်ရင် ဘုရားဖြစ်မယ်၊
မထွက်ရင် စကြာဝတေးမင်းဖြစ်မယ်ဆိုပြီးတော့ဟောတာ အဲဒီပညာနဲ့ ဟောတာပေါ့´

ဒီတော့မှ ကလေးမတွေ နည်းနည်းငြိမ်သွားတယ်။ ဒီနေ့ခေတ် လူငယ်ဆိုတာ တစ်ခုခုကို
ဟိုးအရင်တုန်းကလို မျက်စေ့မှိတ် မယုံကြတော့ဘူးဆိုတာ ကျွန်တော် သိပါတယ်။

`ကိုရဲက ဗေဒင်တတ်လို့လား´

အေးအေးလင်းက မေးတယ်။

`ဗေဒင်တော့ မတတ်ဘူးဟ၊ ကိုင်ရို ဂဏန်းဗေဒင်တော့ ရတယ်၊ နင်တို့ မွေးသက္ကရာဇ်တွေ
ကို ပြော၊ အားလုံးပေါင်းပြီး နောက်ဆုံးရတဲ့ ဂဏန်းကိုကြည့်ပြီး ဟောတာလေ´
`မွေးသက္ကရာဇ် တူနေတဲ့သူကျတော့ရော´

ကျွန်တော့်ကို ချောင်ပိတ်မေးတဲ့ မေးနေတဲ့ ကောင်မလေးက ကျွန်တော်တို့ ရပ်ကွက်က
မဟုတ်ပါဘူး။ သုဝဏ္ဏ ကပါ။ နာမည်က မေမေငြိမ်းတဲ့။ ကျွန်တော်က သူ့ကို နောက်ပြီး
မာမီငြိမ်းလို့ ခေါ်တယ်။

`မွေးရက် မွေးလ ခုနှစ်တူရင် မွေးချိန်နက္ခတ်နဲ့ ခွဲရတယ်၊ လက္ခဏာနဲ့ တွဲရတယ်၊ အဲဒီအထိ
တော့ ဘယ်သူမှ မတူနိုင်ကြဘူးပေါ့ဟာ´

ဒါနဲ့ပဲ ကျွန်တော်တို့အပျော်သဘောနဲ့ ဂဏန်းဗေဒင် ကြည့်ကြတယ်။ အေးအေးလင်းနဲ့
ရီရီမြင့်ကတော့ ကိုယ့်ရပ်ကွက်ထဲကဆိုတော့ သိပ်အရေးမကြီးဘူးပေါ့လေ။ သူတို့အကြောင်း
က သိပြီးသားကိုး။ ရှေ့ဖြစ်ကလေးတွေကိုတော့ ကျွန်တော် ကျက်ထားတာနဲ့ သူတို့ သဘော
ကျမယ့် အကြောင်းကလေးတွေ တွဲဟောရတယ်။

မာမီငြိမ်း အလှည့်ကျတော့ ကျွန်တော် တော်တော်လေး သတိထား ဟောရတယ်။ အိမ်မှာ
ကိုယ်ပြောရင် ယုံတဲ့သူမရှိဘူး။ ကိုယ့်အတွေးအခေါ်နဲ့ အိမ်က သဘောထား အမြဲဆန့်ကျင်
ဘက် ဖြစ်နေတတ်တယ်၊ အကြံအစည် လျှို့ဝှက်တယ်၊ မပြီးခင် မပြောတတ်ဘူး၊ လက်စားချေ
တတ်တယ်၊ မုန်းရင် တစ်သက်လုံးပဲ ဆိုတာမျိုးတွေပေါ့။ သူက တော်တော်မှန်တယ်လို့
ဝန်ခံပါတယ်။ ကျွန်တော်က ကိုင်ရိုထဲက ကျက်ထားတာတွေနဲ့ သူ့အခြေအနေပေါင်းပြီး
ရွှီးတာပါ။

နောက်ဆုံး အေးမင်းကတောင် စိတ်ဝင်စားပြီး လာမေးတယ်။ ကျွန်တော်လည်း ထုံးစံအတိုင်း
ကိုင်ရိုမဟုတ်ဘဲ ကိုင်ရွှီးပေါ့ဗျာ။

အားလုံးပြီးတော့မှ ကျွန်တော် လိုချင်တာကို စရတယ်။

`ဟဲ့ ... နင်တို့ မေမြတ်မိုးဦးရဲ့ မွေးသက္ကရာဇ်ကို မသိဘူးလား၊ ဒီကောင်မလေး အခုတလော
တော်တော့်ကို ကံနိမ့်နေတယ်၊ သူ့ကို တွက်ကြည့်ရအောင်ဟာ´
`မိလင်း သိတယ် ကိုရဲ့၊ တွက်ကြည့်စမ်းပါ´

ကျွန်တော်လည်း ပတ်ဝန်းကျင်က ကြားတာရော၊ ကိုင်ရိုရောနဲ့ ပေါင်းပြီး ကိုင်ရွှီးလုပ်ပါတယ်။
မမှန်ရင် `မဟုတ်ဘူး ကိုရဲရ၊ ဒါက ဒီလို´ ဆိုပြီး အေးအေးလင်းက ရှင်းပြတော့ မေမြတ်အ
ကြောင်းစုံကို ကျွန်တော် ပိုသိခွင့်ရခဲ့ပါတယ်။ ကျွန်တော်ကတော့ တော်တော်ကို ပျော်နေတာ။
ကိုယ့်အကြံ အောင်တာကိုး။

နောက်နေ့မှာ ဆရာမဆီသွားပြီး မွေးသက္ကရာဇ်တွေပေးပြီး တစ်ယောက်စီရဲ့ အကြောင်းကို
ကျွန်တော်သိသမျှ အကုန်ပြောပြရတယ်။ ဆရာမက အသေအချာ Note အတိုတွေနဲ့ မှတ်ပြီးမှ -

`ဒီမွေးသက္ကရာဇ်တွေက အမှန်ပဲနော်´
`ဆရာမဆီ လာမေးတော့ မှန်မမှန် ဆရာမ သိရမှာပဲဟာ´
`သူတို့ကို မင်း တကယ် ခေါ်လာမှာလား´
`လာမှာပါ၊ ကျွန်တော်က ကြံရည်ဖန်ရည် ကောင်းပါတယ်´

ဆရာမက ကျွန်တော့်ကို တစ်ချက်စိုက်ကြည့်ပါတယ်။ သူ့စကားကို သူကောင်းကောင်း မှတ်မိ
ပုံပေါ်ပါတယ်။ ပြီးတော့ ကျွန်တော်တို့ နှစ်ယောက် ပြိုင်တူရယ်လိုက်ကြတယ်။ ဆရာမနဲ့ ကျွန်
တော့်ကြားမှာရှိတဲ့ အဖုအထစ်တွေ ပြေပြီဆိုတဲ့ သဘောပေါ့လေ။

`ဒီအပတ်ထဲတော့ မင်းမလာနဲ့ဦးကွ၊ ငါ သူတို့ မွေးသက္ကရာဇ်တွေနဲ့ အာရုံခံကြည့်ရဦးမယ်၊ မင်း
ကျိန်းသေလည်း မတွက်နဲ့ဦးနော်၊ ငါ ပြောထားတဲ့အတိုင်းပဲ၊ သူတို့နှစ်ယောက်ပေါင်းလို့ ကောင်းကျိုးမမြင်ရင်တော့ ငါ မကူညီဘူး၊ ကံအတိုင်းပဲ´
`ဟုတ်ကဲ့ပါ ဆရာမရယ်´


(၅)
`မင်း ဂြိုဟ်တုက ကမ္ဘာပတ်လမ်းကြောင်းထဲကို ရောက်သွားပြီ၊ နောက်ဆုံးတစ်ခုကိုပါ ဖြုတ်
ချလိုက်တော့ ကျော်စိုး´

ငတိ တော်တော် မျက်နှာပျက်သွားတယ်။ ကျွန်တော့်ကိုလည်း မျက်နှာငယ်လေးနဲ့ ကြည့်တယ်။ `ဒါလေးတစ်ခုတော့ ခွင့်လွှတ်စေချင်တယ်´ ဆိုတဲ့ အကြည့်မျိုး။

`အစ်ကိုရာ ဒီကနေ ထိုင်ကြည့်တာလေးတော့ ...´
`ကျော်စိုး၊ နောက်ဆုံးအဆင့်ကို ရောက်နေပြီ၊ ငါ့စကားကို မင်း ယုံစမ်းပါ၊ ငါ့ စကားနားထောင်
လို့ မင်း ဘယ်တုန်းက ဒုက္ခရောက်ဖူးလို့လဲ´
`ဟုတ်ပါတယ်၊ အစ်ကိုက ဘာတွေလုပ်နေမှန်း မသိတော့ ကျွန်တော် လိုက်သာလုပ်နေရတာ
ဘာတွေမှန်းကို မသိဘူး´

အင်း ... ဒါလည်း ဟုတ်တာပဲ။ ဒီအချိန်ရောက်မှတော့ ဒီကောင့်ကို အသိပေးသင့်ပြီလို့ ကျွန်တော်
ဆုံးဖြတ်ပြီး သူ့ဆီက ဒီအကြောင်းတွေကို ဘယ်သူ့ကိုမှ မပြောပါဘူးဆိုတဲ့ ကတိတောင်းပြီး အားလုံးရှင်းပြလိုက်တယ်။ ငတိ ပါးစပ်ကြီးကိုပြဲလို့။

`အေး ... ဒီအကြောင်းတွေကို မင်းရယ် ငါရယ် ဆရာမရယ်ပဲ သိတယ်၊ စတုတ္ထတစ်ယောက်
သိလို့ကတော့ မင်းဘ၀ ပျက်ပြီသာမှတ်´

ဆရာ ဒေါ်တင်မိုးလွင်ဆီကလည်း Password ရပါပြီ။ သူတို့နှစ်ယောက်ဟာ ပေါင်းသင့်ပေါင်း
ထိုက်တဲ့ သူတွေတဲ့။ အကျိုးစီးပွားလည်း ဖြစ်မတဲ့။ ကျော်စိုးကို အရင်ခေါ်လာခဲ့ဆိုလို့ အရင်
ခေါ်သွားရတယ်။ ဒေါ်တင်မိုးလွင်ကကျော်စိုး ရုပ်လက္ခဏာကို ကြည့်ပြီးသဘောကျပုံရပါတယ်။ စီးပွားရေးကိစ္စကိုလည်း ဟောပေးလိုက်တယ်။

နောက်နေ့မှာပဲ ကျွန်တော့် နောက်ဆုံး အော်ပရေးရှင်းကို စရတယ်။

`ဟဲ့ ... အေးအေးလင်း၊ ငါနဲ့ ကျိုက္ကဆံဘုရားကို ခဏ လိုက်ခဲ့စမ်းပါဟာ´

ကျွန်တော့်စကားကြောင့် အေးအေးလင်း မျက်လုံးပြုးသွားတယ်။ လှဦးနဲ့ chess ထိုးနေတဲ့
အေးမင်းကလည်း ဖျပ်ခနဲလှည့်ကြည့်တယ်။သူ့နှမကိုကျွန်တော်ကဘုရားခေါ်တယ်ဆိုတော့ ...

`Sorry ဟာ၊ ငါ စကားပြော လောသွားလို့၊ ငါ တစ်နေ့က အိမ်မှာ အရမ်းပူတာနဲ့ ကျိုက္ကဆံ
ဘုရား စာသွားဖတ်ရင်း ဆရာမတစ်ယောက်ဆီမှာ အပျင်းပြေ ၀င်မေးတာဟာ၊ သူက
အကြားအမြင်နဲ့ဟောတာ၊ မှန်လိုက်တာဟာ၊ ငါ့အမေက ငါ့အကြောင်း ထိုင်ပြောနေတဲ့
အတိုင်းပဲ´
`ဘယ်က ဆရာမလဲ´
`ဟ ... ဘယ်မှာနေသလဲတော့ ငါလည်း ဘယ်သိမလဲ၊ ဆရာမ တင်မိုးလွင်တဲ့´
`မှန်ရော မှန်လား´
`ငါပြောပြီးပြီပဲ၊ ငါ့အမေက ထိုင်ပြောနေတဲ့ အတိုင်းပါလို့၊ အဲဒါ ငါ ကံအရမ်းနိမ့်နေတယ်တဲ့၊
ငါ့မွေးနံထောင့်မှာ ငါနဲ့ ဆန်ကျင်ဘက်နေ့၊ ဆန့်ကျင်ဘက်လိင်က ဖယောင်းတိုင် နှစ်ဆယ့်ငါး
တိုင်နဲ့ ရေသက်စေ့ ပူဇော်ပေးရမယ်တဲ့၊ နင်က တနင်္ဂနွေသမီး မဟုတ်လား၊ နင် ကူညီစမ်း
ပါဦးဟာ´
`ကိုကြီးအေးမင်းကလည်း တနင်္ဂနွေပဲဟာ´
`ဟ ... ဆန့်ကျင်ဘက်ဆိုတာ ငါက ယောကျာ်လေးဆို မိန်းကလေးမှ ရမှဟ၊ ကူညီပါဟာ´

အေးအေးလင်းက ခဏစဉ်းစားတယ်။ အေးမင်းကိုလည်း လှမ်းကြည့်တယ်။ အဲဒီအချိန်မှာ
ရီရီမြင့်လည်း ရောက်တာတော့ ပိုအဆင်ပြေသွားတယ်။ အေးမင်းကလည်း သူပါလိုက်မယ်
တဲ့။ ကျွန်တော် သူ့အိမ် ခဏခဏ လာတာရယ်၊ အေးအေးလင်းနဲ့ချည်း စကားပြောတာရယ်
ကို ဒီငတိက သိပ်သင်္ကာချင်ပုံ မပေါ်ဘူး။

ဘုရားမွေးနံထောင့်မှာ ကျွန်တော့်ကိစ္စပြီးတော့မှ ဆရာမ ဒေါ်တင်မိုးလွင်ဆီကို ၀င်ရတယ်။ ယတြာချေပြီးကြောင်း ပြောတော့ ကျွန်တော့်ကို လက်ဖွဲ့တစ်ခု ပေးပါတယ်။ ကိုယ်နဲ့မကွာ
ဆောင်ထားရမတဲ့။

ဒီလို အရမ်းမှန်တယ်ဆိုတဲ့ ဆရာမရှေ့ ရောက်တော့ ဘယ်မိန်းကလေးက မမေးဘဲနေမှာလဲ။
ပထမ ရီရီမြင့်က အရင်စမေးတယ်။ ဆရာမက ကျွန်တော့်ကို ဟောတုန်းကလိုပဲ။ အာရုံခံပြီး
ဟောပါတယ်။ မှန်တာမှ ကွက်တိပဲ။ မှန်မှာပေါ့၊ ကျွန်တော်က အကုန်ပြောထားတာကိုး။ ပြီး
တော့ ကျွန်တော် ပြောမထားတဲ့ (မသိတဲ့) ကိစ္စတွေကိုပါ သူ့ပညာနဲ့သူ ဟောတယ်။ ဒါတွေ
လည်း မှန်တာပဲတဲ့။ ရီရီမြင့်ဆို ပါးစပ်ကို ပြဲနေတာပဲ။

ပြီးတော့ အေးအေးလင်း။ မှန်လိုက်တာ ကွက်တိကို တိတိ တိတိနဲ့ကို နေတာပဲ။ ရည်းစား
တစ်ယောက် ထားဖူးတယ်။ ဘာကြောင့် ပြတ်သွားတယ်ဆိုတာကို ဆရာမက ဟောတော့
အေးအေးလင်း ငြိမ်သွားတယ်။ အဲဒါ ကျွန်တော်လည်း မသိဘူး။ အေးမင်းက `ဟုတ်လား´
လို့ ဒေါသနဲ့ မေးတော့ အေးအေးလင်းက ခေါင်းကိုညိတ်တယ်။ ကျွန်တော်က အေးမင်းကို
လက်ကုတ်ရတယ်။

နောက်ဆုံး သိပ်မယုံပါဘူးဆိုတဲ့ အေးမင်းပါ ၀င်မေးတယ်။ ဒီကောင်လည်း ခံရတာ ကျော
ကိုကော့နေတာပဲ။

`အရက် ဘာဖြစ်လို့ သောက်သလဲသား´
`တစ်ခါ နှစ်ခါပါ ဆရာမ´
`မဟုတ်ဘူး၊ ညနေဆို မင်း အမြဲသောက်တယ်၊ မင်းကို စောင့်တဲ့ပုဂ္ဂိုလ်က အဲဒါ မကြိုက်ဘူး´

ဒီတစ်ခါတော့ အေးအေးလင်းက မျက်စောင်းလှမ်းထိုးတယ်။ ကျေပြီပေါ့လေ။ အပြန်လမ်းမှာ
အရမ်းမှန်တာပဲ၊ သိပ်မှန်တာပဲ။ ဒေါ်တင်မိုးလွင် အရမ်းမှန်တာပဲ။ ငါ့ဟိုကိစ္စကို ဘယ်လိုသိ
သလဲ မသိဘူး။ သိပ်မှန်တာပဲ၊ ဒေါ်တင်မိုးလွင်။ ရီရီမြင့်ကလည်း ငါ့အဖေနဲ့အမေ ကွဲတာ
နှစ်က ကွက်တိပဲ၊ ဒေါ်တင်မိုးလွင်။ ချောလည်း ချောတယ်နော်။ သိပ်မှန်တာပဲတွေ နားညည်း
အောင် ကြားရတော့တာပဲ။

သုံးရက်ပဲ စောင့်ရပါတယ်။ အေးအေးလင်းက ကျွန်တော့်အိမ်ကို စက်ဘီးနဲ့ ရောက်လာတယ်။

`ကိုရဲ ကျိုက္ကဆံဘုရားကို လိုက်ခဲ့စမ်းပါ´
`အောင်မာ ... နင်ကများ .. ငါ့ကို´
`ကိုရဲဝင်း မရစ်နဲ့နော်၊ ဆရာမ ဒေါ်တင်မိုးလွင်ဆီ သွားမလို့ဥစ္စာကို´
`ဟ ... နင်တို့ကိစ္စတွေက မပြီးသေးဘူးလား´
`ခု လင်းတို့သွားမှာ မဟုတ်ဘူး၊ မေမြတ်သွားမှာ´

ကျွန်တော် အရမ်းပျော်သွားတာပဲ။ ကိုယ့်ကိုယ်ကိုယ်လည်း တော်တော့်ကို အထင်ကြီးသွား
တယ်။ ကျွန်တော် ဖြစ်စေချင်သလို ဖြစ်လာတာကိုး။

`နင်တို့နေရာလည်း သိနေပြီပဲ၊ သွားကြပေါ့ဟာ၊ လိုက်ပို့ပေးလိုက်ပေါ့´
`ကိုရဲ့ဝင်းပါတော့ ပိုကောင်းတာပေါ့၊ လိုက်ခဲ့ပါ၊ကိုရဲဝင်း ခေါ်တုန်းကကျတော့ လင်းက
လိုက်ရတယ်´
`အေးဟာ ... ဒါဆိုလည်း နေအေးမှသွား၊ အခု ငါမအားသေးဘူး´

အေးအေးလင်း ပြန်သွားတော့ ကျွန်တော့်မှာ ဘယ်လိုကြီး ဖြစ်ကျန်ခဲ့မှန်းကို မသိတာ။
ကျွန်တော့် အောင်မြင်မှုက လျှောက်ပြောလို့လည်း မရတော့ ကိုယ့်ပီတိ ကိုယ်ပဲ စားလိုက်
ရတယ် ဆိုပါတော့။

ဆရာမဆီရောက်တော့ ဆရာမက အာရုံပြုပြီး အတိတ်ကို စပါတယ်။ မှန်တာ ကွက်တိပေါ့။

`သမီးကို မွေးပြီးမှ သမီးတို့အိမ်က စီးပွားပိုတက်တယ်၊ သမီးတို့ မိသားစုကို ပုဂ္ဂိုလ်တစ်ယောက်
တည်းက စောင့်ရှောက်တာကိုး၊ အဲဒီပုဂ္ဂိုလ်က သမီးနဲ့ ပဌာန်းဆက်ရှိတယ်။ သောကြာနာမ်ဖြစ်
တဲ့ သွပ်၊ သံ၊ သစ်၊ အင်္ဂါနံဖြစ်တဲ့ ဆန်၊ ဆီ၊ ဆား၊ စက် စတာတွေနဲ့ အကျိုးပေးမယ်´
`ဟုတ်ကဲ့ ဆရာမ´
`ပြီးတော့ အခုလပိုင်းအတွင်း မိဘကံနိမ့်တယ်၊ ရောဂါဘယ(သို့) အမှတ်တမဲ့ ဒုက္ခရောက်တတ်
တယ်၊ အမိမှာ သည်းခြေ၊ အဖမှာ ခြေဒုက္ခဖြစ်တတ်တယ်´
`ဟုတ်ပါတယ် ဆရာမ၊အဖေက ခြေထောက်ကိုသစ်ပိပါတယ်၊အမေက ကယောင်ကတမ်းတွေ အော်အော်နေတယ်၊ ကယ်ပါဦး ဆရာမရယ်၊ သမီး အဲဒီအတွက် လာတာပါ´

ဒေါ်တင်မိုးလွင်က မျက်စေ့ကို ပြန်မှိတ်ပြီး အသက်ကို ရင်နိမ့်လိုက်မြင့်လိုက် ဖြစ်လာသည့်အထိ
ရှူပါတယ်။ အားလုံးတိတ်ဆိတ်ပြီး ဆရာမကို ငေးနေကြတယ်။ ဒေါ်တင်မိုးလွင်က မျက်စေ့ကို
မဖွင့်ဘဲ-

`သမီး ရှစ်နှစ်အရွယ်က သစ်ပင်ပေါ်က ပြုတ်ကျလို့ ပေါင်နဲ့ တင်ပါးမှာ ကွဲသွားတဲ့ ဒဏ်ရာရတယ်၊
မဟုတ်လား´
`ဟုတ် ... ဟုတ်ပါတယ် ဆရာမ၊ မာလကာသီး တက်ခူးရင်း ဖြစ်တာပါ၊ တင်ပါးလည်း ကွဲသွားပါ
တယ်၊ ငါးချက်ချုပ်ရတယ်´

ဒေါ်တင်မိုးလွင်က ခေါင်းတဆတ်ဆတ်ညိတ်ရင်း မျက်စေ့ကို မှိတ်ထားတုန်းပဲ။ နဖူးမှာ ချွေးတွေ
သီးနေပြီ။ အေးအေးလင်းက ယပ်ခပ်သေးတော့ မခပ်နဲ့လို့ ခပ်ထန်ထန်အသံနဲ့ တားပါတယ်။
ကျွန်တော်လည်း လန့်သွားတယ်။ သူ တင်ပါးပြဲတာ ကျွန်တော် ဘယ်သိပါ့မလဲ။

`သမီး ရှေ့နှစ်မှာ အိမ်ထောင်ကျဖို့ရှိတယ်´
`ရှင် ...´
`အဲဒီ အိမ်ထောင်ဘက်နဲ့ဆို သမီး မြဲမှာ မဟုတ်ဘူး၊ အမျိုးမျိုး စိတ်ရော လူရော ဒုက္ခရောက်မယ်´
`ပြီးတော့ ကလေးရမှ ကွဲမှာ၊ နောက်အိမ်ထောင်လည်း မြင်တယ်၊ မကောင်းဘူး၊ သမီး ဒုက္ခများ
လိမ့်မယ်၊ အဲဒီလူက အင်္ဂါသား၊ ဟုတ်ရဲ့လား´
`ဟုတ်ပါတယ် ဆရာမ၊ အိမ်ကတော့ ပြောထားဖူးပါတယ်´
`မကောင်းဘူးသမီး၊ ရအောင် ရှောင်ပါ´
`သမီး ... သမီး ဘာလုပ်ရမလဲ ဆရာမ´

ဒေါ်တင်မိုးလွင်က အသက်ကို ၀၀ကြီး တစ်ချက်ရှူပြီး မျက်စေ့မဖွင့်သေးဘဲ မျက်မှောင်ကို
ကျုံ့ တယ်။ မေမြတ်မိုးဦး တော်တော်ကြောက်နေပြီ။ မျက်နှာက Kiss me QuicK အရွယ်
လောက်ပဲ ရှိတော့တယ်။ အခန်းကျဉ်းလေးထဲမှာ အိုက်စပ်နေတာရယ်၊ ဖယောင်းတိုင်က
မြည်သံတဖျစ်ဖျစ်ရယ်၊ အမွှေးတိုင်နံ့ရယ်၊ ပြီးတော့ တိတ်ဆိတ်မှု။

`ငါ့သမီးကို လေးငါးနှစ်ကျော် ငယ်ငယ်ကတည်းက နှစ်နှစ်ကာကာ ချစ်လို့ ကြိုးစားနေတဲ့
သူတစ်ယောက် ရှိတယ်။ သမီးက သူ့အပေါ် သွေးထွက်သံယို ဖြစ်အောင်အထိ လုပ်ခဲ့ဖူး
တယ်။ အဲဒါကို သမီးကို စောင့်ရှောက်တဲ့ ပုဂ္ဂိုလ်က မကြိုက်ဘူး၊ သူ့ကိုလည်း အဲဒီပုဂ္ဂိုလ်
ကပဲ စောင့်ရှောက်တာ၊ သမီး သူနဲ့ အိမ်ထောင်ကျရင် မြဲမယ်၊ သူ့ကို ဒုက္ခပေးနေရင်
သမီးလည်း ဒုက္ခတွေ့လိမ့်မယ်`

ထိချက်က ပွဲသိမ်းပါ။

စကားဆုံးပြီး ခဏကြာမှ ဒေါ်တင်မိုးလွင်က မျက်စေ့ဖွင့်တယ်။ ပြီးတော့ မေမြတ်မိုးကို
ကြည့်တယ်။ မေမြတ်မိုး မျက်ရည်ဝဲနေတာ တွေ့ရတော့ ...

`၀မ်းနည်းမနေနဲ့၊ စိတ်မကောင်းလည်း မဖြစ်နဲ့၊ ကြောက်လည်း မကြောက်ပါနဲ့၊ ပုဂ္ဂိုလ်
ပြောတဲ့အတိုင်းသာ လုပ်ပါ၊ အားလုံး အဆင်ပြေသွားပါလိမ့်မယ်´
`ဟုတ်ကဲ့ပါ ဆရာမရယ်၊ သမီး အားကိုးပါတယ်´

ဒေါ်တင်မိုးလွင်က အဖေ၊ အမေနဲ့ မေမြတ်အတွက် ဘုရားပွဲတစ်ပွဲနဲ့ ယတြာ ကိုယ့်ဘာသာ
ချေဖို့ ပေးပါတယ်။

အပြန်လမ်းမှာ သူတို့သုံးယောက် နောက်ကနေ စကားတတွတ်တွတ်နဲ့ ပြောရင်း ပါလာ
ကြတယ်။ ကျွန်တော် နားမထောင်ပါဘူး။ ဘာပြောတာဆိုတာ သိနေတာပဲ။ သူတို့ရှေ့
ခပ်လှမ်းလှမ်းကပဲ လျှောက်လာခဲ့တယ်။

(၆)
`အစ်ကိုပြောတဲ့နေ့က ကျွန်တော် နောက်ကနေလိုက်တော့ အရင်တုန်းကလို မအော်
တော့ဘူး အစ်ကို၊ နင် အဲဒီလိုလိုက်တော့ ရပ်ကွက်ထဲမှာ ငါသိက္ခာကျတာပေါ့တဲ့၊ ဆိုင်
တစ်ဆိုင်မှာ ပြောပါတဲ့၊ အအေးဆိုင် ထိုင်ကြတယ် အစ်ကို၊ ကျွန်တော်ကလည်း အစ်ကို
သင်ပေးထားတဲ့အတိုင်း ချစ်တယ်ဆိုတာကြီးကို မပြောတော့ဘဲ သူ့အိမ်က မိသားစု
အကြောင်းကိုပဲ မေးတယ်၊ သူတို့ တော်တော်ဒုက္ခရောက်နေတယ် အစ်ကို၊ ငှားတဲ့လူ
ကလည်း သစ်ဖိုးငွေတွေ လိမ်ပြေးလို့တဲ့၊ ကျွန်တော်က ငါ ဘာကူညီရမလဲဆိုတော့ ... ´

`ဟေ့ကောင် ... ရေသောက်ဦး´

ငတိက ရှေ့က ရေနွေးခွက်ကို ဂွပ်ခနဲ မော့ချပြီး ဆက်တယ်။

`သူ့သစ်ဆိုင်ကို ကြည့်ပေးနိုင်မလားတဲ့၊ ဒါပေမယ့် လခတော့ ယူရမယ်တဲ့၊ ကျွန်တော်
သွားရမလား အစ်ကို´
`ဟ ... သွားရမှာပေါ့၊ ငါ့မှာ ဒီအဆင့်ရောက်အောင် ကြိုးစားရတာ ဖတ်ဖတ်ကို မောလို့ ခွီးပဲ´
`ကျေးဇူးတင်လိုက်တာ အစ်ကိုရာ၊ ကျွန်တော် ၀မ်းသာလိုက်တာ၊ တကယ်ဆို တကယ် ...
တကယ် ... တကယ်´

ကျွန်တော်တို့ နှစ်ယောက်သား လက်ဖက်ရည်ဆိုင်မှာ ပြောကြတာဆိုရင် ဒီငတိက
ကျွန်တော့်ပခုံးကို ဖက်ပြီး အားရပါးရ နမ်းတော့မယ့်အတိုင်းပဲ။ အခု ဇ၀နမှတ်တိုင်က
ဆိုင်မို့သာ တော်ရော့တယ်။

`အေး ... သူ့အိမ်ရောက်ရင် မေမြတ်ထက် သူ့မိဘတွေကို ပိုဂရုစိုက်၊ လိုအပ်တာလုပ်ပေး၊
ရိုးရိုးပဲနေ၊ ဒါဆို မင်း သတင်းစာကိစ္စဖြုတ်ပြီပေါ့´
`ဟာ... မဖြုတ်ဘူးအစ်ကို၊ ဒီကောင်က (၁၀)နာရီခွဲဆို ပြီးတာပဲ´

ငတိက လက်သီးဆုပ်ပြီး ပြောပါတယ်။ အရမ်းပျော်ရွှင် တက်ကြွနေတဲ့ သူ့အပျော်က
ကျွန်တော့် ရင်ထဲကို ပီတိ အနေနဲ့ ရောက်လာပါတယ်။

`ဟေ့ကောင် ... ဒီအကြောင်းတွေကိုတော့ ဘယ်သူ့မှ မပြောနဲ့နော်´
`ဟာ ... စိတ်ချပါ အစ်ကိုရာ´

နောက်သုံးရက်လောက်ကြာတော့ မေမြတ်တို့အိမ်ရေ့မှာ ဒီကောင့်ကို သစ်တန်တွက်နေတာ
ကို တွေ့လိုတွေ့၊ ကြေးအိုးထုပ်တွေနဲ့ အိမ်ထဲ ခပ်သုတ်သုတ်ဝင်တာ မြင်လိုမြင်၊ မေမြတ်နဲ့
ဈေးအတူသွားတာ ကြုံလိုကြုံနဲ့။ ကျော်စိုးက အရင်တုန်းကလို မဟုတ်ဘဲ သားသားနားနား၊
၀၀ဖြိုးဖြိုးနဲ့ ပိုသွက်လက်နေတယ်။

မေမြတ်အဖိုးကြီးက ခြေဖမိုးကြော ပြတ်သွားလို့ လမ်းကောင်းကောင်းမလျှောက်နိုင်တော့
ဘူး။ အဖွားကြီးကတော့ ဆီးချိုရောဂါဘက်ကို ပြောင်းပြီး အစားရှောင်ရင်း သက်သာနေပါပြီ။

မိုးကုန်လို့ သီတင်းကျွတ်ရင်ပဲ ငတိနဲ့ မေမြတ် လက်ထပ်ကြတယ်။

မင်္ဂလာဆောင်ကို ကျွန်တော့်ကိုရော၊ ဒေါ်တင်မိုးလွင်ကိုပါ ဖိတ်ပါတယ်။ ကျွန်တော်ကတော့
ရိုးရိုးမဏ္ဍပ်က ခုံမှာပေါ့။ ဆရာမကိုတော့ နှစ်ယောက်စလုံးက တလေးတစားနဲ့ လက်တစ်
ဖက်ဆီကတွဲပြီး အိမ်ဦးခန်းကို ခေါ်သွားကြတယ်။

ဆရာမကလူအလစ်မှာကျွန်တော့်ကို နှာခေါင်းရှုံ့ မေးထိုးပြီး စပ်ဖြဲဖြဲနဲ့ ပြောင်သွားပါသေးတယ်။
ကျွန်တော်လည်း သိပ်မရောက်ဖြစ်တော့ဘူး။

သြော် ... ပစ္စတိုကျည်ဆန်ကလေးတွေ ... ပစ္စတိုကျည်ဆန်ကလေးတွေ ... ။

နောက် သုံးနှစ်လောက်ကြာတော့ ဟိုငတိက စွတ်ကြိုးစားလို့ စီးပွားရေးက လေးငါးဆလောက်
တက်လာပါတယ်။ ငတိအမေကိုလည်း မေမြတ်က သူ့အိမ်မှာပဲ ခေါ်ထားပါတယ်။ အားလုံးက
ပျော်စရာကြီးပါ။ ဆရာမ ဒေါ်တင်မိုးလွင်လည်း မသိသူ မရှိလောက်အောင်ကို နာမည်ကြီး
သွားပါတယ်။

တစ်နေ့တော့ မွေးနေ့ဖိတ်စာတစ်ခု ရောက်လာတယ်။ သားသားလေး မောင်ကျော်မြတ်ဦး၏ တစ်နှစ်ပြည့်မွေးနေ့။ လာဖြစ်အောင် လာခဲ့ဆိုတဲ့ စာလည်း ပါတယ်။

ကျွန်တော် ရောက်သွားတော့ မေမြတ်မိုးဦးက ကျွန်တော့်လက်ကို ဆွဲပြီး -

`ကိုရဲတို့က ဆရာမနဲ့ပေါင်းပြီး ကြံကြတာဆို´

ကျွန်တော် မျက်လုံးပြုးသွားတယ်။ ဒါပေမယ့် မေမြတ်က ရယ်ရင်း မောရင်း ပြောတာပါ။

`ပွဲက ပြီးသွားပြီပဲဟာ၊ ပြောမနေပါနဲ့တော့၊ အခု နင် ပျော်နေတယ် မဟုတ်လား၊ ဆိုတော့ ...´

အဲဒီအချိန်မှာ ဧည့်သည်တစ်သိုက် ၀င်လာလို့ အသာလစ်ပြီး အိမ်ပေါ်တက်ရတယ်။
ဟိုငတိကိုတွေ့တော့ ဧည့်ခံနေတာကို အားမနာနိုင်ဘဲ ဂုတ်အတင်းဆွဲပြီး အခန်းထဲ
ခေါ်မေးတော့ -

`ဟုတ်တယ် အစ်ကို၊ ကလေးရပြီဆိုတော့ သူ့ကို ချစ်သေးရဲ့လားဆိုပြီး ခဏခဏ ငို
မေးလို့ ဘယ်လောက်ချစ်ရ ကြောင်း၊ ဘယ်လိုကြိုးစားရကြောင်း ပြောမိတယ် အစ်ကို´
`ခွီးပဲကွာ၊ အေးလေ ... ဒီလိုအချိန်မှာတော့ ပြဿနာမရှိတော့ပါဘူး၊ နောက်မှတ်ထား
လျှို့ဝှက်အပ်တဲ့ကိစ္စကို လျှို့ဝှက်ရတယ်ကွ၊ မပြောရဘူး´
`အစ်ကိုကရော ခုထိ လျှို့ဝှက်တုန်းပဲလား´

ကျွန်တော် ဘာမှမပြောတော့ဘဲ ဒီကောင့်ကို အခန်းထဲက တွန်းထုတ်လိုက်ပြီး ဒေါ်တင်မိုးလွင်အနား သွားထိုင်ပါတယ်။

`သိသွားကြပြီ´

ဆရာမ ဒေါ်တင်မိုးလွင်က အပြုံးနဲ့ ပြောပါတယ်။ ပါးချိုင့်က တော်တော် နက်သွားပါပြီ။

ပစ္စတိုကျည်ဆန်ကလေးတွေရဲ့ တစ်ဖက်တစ်ချက် နှုတ်ခမ်းအစပ်လေးမှာ လေးကြိုး
ကွေးရာကလေးတွေ ရောက်နေပါပြီ။ ပြုံးလိုက်တော့ မျက်ဝန်းထောင့်မှာလည်း
ကျီးခြေရာ ထင်းထင်းကြီး ပေါ်နေပါပြီ။ လွန်ခဲ့တဲ့ လေးငါးနှစ်ကဆိုတော့ ဆရာမလည်း
ငါးဆယ်နား နီးရောပေါ့။ ကျွန်တော်က ခေါင်းညိတ်ရင်း ဖွေးနေဆဲ ပစ္စတို ကျည်ဆန်
ကလေးတွေကို ငေးကြည့်နေမိပါတယ်။

သြော် ... `ပစ္စတို ကျည်ဆန်ကလေးတွေ´ `ပစ္စတိုကျည်ဆန်ကလေးတွေ´။

ဘယ်သူ့ကိုမှ မပစ်ရသေးပါကလား။

နီကိုရဲ
10 Feb: 2005

ဒီလောက် အရပ်ပုတဲ့သူ မသိဘဲ နေပါ့မလား ...
ဟု ပြောခဲ့ဖူးသော ဆရာမကြီး ဒေါ်တင်မိုးလွင်အတွက်
အမှတ်တရ .... နောက်သည်။