တခန်းတနားမြို့တော်

Monday, September 16, 2013


တခန်းတနားမြို့တော်
တံခါးကိုခေါက်ကြည့်လိုက်တော့ အကြည့်တွေအားလုံး မှောင်ကျသွားတယ်
တိတ်တိတ်ကလေး လှည့်ထွက်ခဲ့လုိုက်တော့ နောက်က ခြေသံတရှပ်ရှပ်နဲ့  ..
ဖြူဖြူစင်စင် လမ်းလေးအတုိုင်း မလျှောက်နိုင်သူတွေကတော့ ကြုံသလိုပျံသန်းသွားကြ
ဗီဇ ဆုိုတာက ဖျောက်လုိုက်လို့ မရပေမယ့် ခဏတော့ ဖုံးထားလုို့ ရတဲ့အရာ …
မကြာခဏ ဖူးပွင့်နိုင်တယ် ဆုိုပေမယ့် အဲဒီသံစဉ်တွေက နှလုံးသား သိပ်ရွေးတယ် ..
မရွယ်ပဲဖြစ်သွားတဲ့ စော်ကဲမင်းတွေတော့ ကြားနာနိုင်လိမ့်မယ် မထင်ဘူး ..
မနော်ဟရီ
၆.၉ .၂၀၁၃


အဲဒီနေ့က ကျွန်မ ခရီးထွက်နေခဲ့တယ်

Monday, September 2, 2013


အဲဒီနေ့က ကျွန်မ ခရီးထွက်နေခဲ့တယ်

နှင်းစက်တွေရဲ့ တဝုန်းဝုန်း အေးစက်တောင်လောင်မှုကို မခံနိုင်တဲ့ အဆုံးမှာ ကျွန်မ ခရီးထွက်ခဲ့မိတယ်လို့ ထင်တာပဲ။ (ခုချိန်မှာ ဘာတစ်ခုမှ မသေချာချင်ဘူး ) မှတ်တမ်း မှတ်ရာတချို့ကို ပြန်ကြည့်တဲ့အခါ ကျွန်မ အဲဒီနေ့ရက်နဲ့ ပတ်သက်ပြီး ဘာကိုမှ မှတ်တမ်းတင်မထားတာ တွေ့ရတယ်။ ဟာလာ ဟင်းလင်း ဖြစ်နေတဲ့ အဲဒီနေ့ ရက်စွဲကို ဇဝေဇဝါကြည့်ပြီး ကျွန်မ ဘာကို ပြန်လည် ဖြည့်စွက်လိုက်ရမှန်း မသိခင်မှာပဲ စာမျက်နှာတစ်ခုလုံး အနီရောင်တွေ ဖုံးအုပ်သွားခဲ့တော့တာပဲ။ ဘာသာပြန်လို့မရ၊ အဓိပ္ဗာယ်ဖော်လုို့မရ၊  ဝေဝါး မှုန်သီနေတဲ့ကြားကပဲ အနီရောင်တွေဟာ မြားအစင်းစင်း အဖြစ်ပြောင်းလဲသွားသလိုလို။ အို .. ပဉ္စလက်တွေက ကြောက်စရာ ကောင်းလုိုက်တာ။ ဒါပေမယ့် ကျွန်မက နာကျင်နေရင်တောင် အော်ဟစ်ပစ်လုိုက်ဖို့ မေ့လျော့ နေခဲ့တတ်တဲ့သူပါ။
အဲဒီနေ့က ကျွန်မ ဘယ်တွေသွားနေခဲ့တာလဲ လို့ လာမေးတဲ့သူတွေကို မြောက်အရပ်လို့ ခပ်တည်တည် ဖြေပစ်လိုက်ဖုို့ ကြိုးစားတော့ ဓူဝံကြယ်က ကျွန်မကို ရယ်တယ်။ တကယ်ဆို ကျွန်မ စိတ်နဲ့ ကျွန်မ လားရာမတူအောင် ထွက်လာခဲ့မိတာ တစ်ခုကလွဲရင် ဘယ်အရပ်ကို ထွက်လာခဲ့မိတယ်ဆိုတာ ကျွန်မကိုယ်တုိုင်လည်း မသိပါဘူး။ ဒါကို သူ ဟားတိုက် မရယ်သင့်ဘူး ထင်တာပဲ။ တကယ်ဆို ကျွန်မက ကောင်းကင်မှာ လွတ်လွတ်ကျွတ်ကျွတ်ကြီး လမ်းပျောက်နေလို့ ကျောက်ချနေခဲ့ရတဲ့ သူ့လို ကြယ်တစ်စင်းမဟုတ်ဘူးလေ။ ဝင်ရိုးစွန်းတွေရဲ့ ညှို့ငင်မှုကို ခံထားရတဲ့ ကြယ်တစ်စင်းလည်း မဟုတ်ခဲ့ဘူး။ ဒါကိုတော့ သူသိသင့်ပါတယ်။ အဲဒါနဲ့ပဲ မေးခွန်းတွေကို ကျွန်မ မဖြေဖြစ်ခဲ့တော့ဘူး။
နံနက်ခင်းတွေ ထူးထူးဆန်းဆန်း ယုံကြည်ချက်မဲ့ ဦးတည်ရာမဲ့ ပွင့်အာနေပုံကိုကြည့်ပြီး ကျွန်မ နောက်ကို ပြန်လှည့်မကြည့်မိတော့ဘူး။ ခရီးစဉ် စခဲ့တဲ့ ခြေလှမ်းတွေက ပိုသွက်လာတယ်။ အဲဒီလို စိတ်နဲ့ မိုင်ပေါင်းများစွာဝေးတဲ့ အရပ်မှာ နေပျော်နေတယ်လို့ ကိုယ့်ကိုယ်ကို ထင်ယောင်ထင်မှား ဖြစ်အောင် ဖျားယောင်း သွေးဆောင် ပစ်လုိုက်မိတယ် ထင်တာပဲ။ စနစ်တကျနဲ့ ပရမ်းပတာ ဖြစ်ကျန်ခဲ့တဲ့ အဲဒီနေ့ရက်ကိုတော့ ကျွန်မက တကယ့်ကို မမှတ်မိတော့ဘူး။ ဒါကြောင့်လည်း ကျွန်မ ဘာဆို ဘာမှ မှတ်တမ်းတင် မထားနုိုင်ခဲ့သလို ပြန်ပြောပြနုိုင်ဖုို့ စွမ်းအားလည်း မရှိခဲ့တာပါ။
ဘယ်သူဟာ ခရမ်းရောင်ဝိုင်အရက်တစ်ခွက်ကို မာရ်နတ်ရဲ့ ကျမ်းတစ်ပိုဒ်နဲ့ မြည်းစမ်း ရဲခဲ့လို့လဲ။ အဲဒီနေ့က တကယ်ပဲ ကျွန်မ အလိုမတူစွာ သွေးအေး ရဲရင့်ချင်ဟန်ဆောင်နေထိုင်ပစ်လိုက်ခဲ့တယ်။ အက္ခရာတွေ တစ်လုံးပြီး တစ်လုံး သူတုို့ကိုယ် သူတုို့အဆုံးစီရင်သွားကြတဲ့အတွက် ကျွန်မ ဘာကိုမှ မှတ်တမ်း မတင်ထားနိုင်ခဲ့တာကလွဲရင် အဲဒီ မာရ်နတ်ကို ကျွန်မ အောင်နုိုင်လုိုက်ခဲ့တာ သေချာပါတယ်။ မှတ်တမ်းမှတ်ရာတွေဟာ ဘဝမှာ ဘယ်လောက် အရေးပါလုို့ တုန်း …။ ဗြုန်းကနဲ ထုိုးစိုက်ပစ်လုိုက်လို့ အကြည့်ဓားတစ်လက် နစ်ဝင်သေဆုံးနေတဲ့ နှလုံးသားအတွက် ဘာသက်သေ သာဓကမှ လိုအပ်မနေခဲ့ပါဘူး။
ခပ်ဝါးဝါး ဖြစ်ကျန်ခဲ့တဲ့ အပြုံးတစ်ဝက်နဲ့အတူ ကျွန်မလှည့်ထွက်ခဲ့တုန်းက ဓားကိုးလက်ကဒ်ဟာ နှလုံးသားမှာ တည့်တည့် စိုက်ဝင်လို့။ အိတ်ကပ်ထဲ ထည့်ဆောင်ထားခဲ့ဖူးတဲ့ courage card ကို အလိုလို အားနာနေမိတာ တစ်ခုကလွဲရင် လမ်းတစ်လျှောက်လုံး အစိမ်းရောင်ပန်းတွေ တဝုန်းဝုန်း ထပွင့်တာကိုလည်း သည်းခံနားလည်လို့ ရခဲ့တာပါပဲ။ ဟည်းထနေတဲ့ တောကြီးမျက်မည်းထဲက ခန်းနား တင့်တယ်မှုအားလုံး .. ကျူးကျော်ဝင်ရောက်လာတဲ့ မစ္ဆိယ အားလုံး  … သွေးရိုးသားရိုး မဆန်တဲ့ လိမ်လည် လှည့်ဖျားမှု အားလုံး၊ လှတပတ ဆင်ယင်ခြယ်သထားတဲ့ မာယာအားလုံး၊ လျှာဖျားလေးနဲ့ ချစ်ပြနေတဲ့ စကားလုံးတွေအားလုံး …  အဲဒီအချိန်က ကျွန်မ ပြုံးမြနေခဲ့ လိမ့်မယ်။ (သေချာတယ်။)
ခေါင်းမော့ အသက်ရှူပစ်လိုက်ဖို့ မေ့လျော့နေမိတဲ့ နေ့ရက်တွေမှာ အသက်ရှူကြပ်နေခဲ့တာ ဘာဆန်းလဲ။ အရောင်တွေ အရိပ်တွေ .. ပြီးတော့ စကားလုံးတွေ မြားတွေ ချိုကျိုး နားရွက်ပဲ့ အမနာပတွေ၊ အလေနတော အကြည့်တွေ .. အုတ်ကြားမြက်ပေါက် ဗျူဟာထိုးစစ်တွေ အသက်မရှူမိတာ မှန်လိုက်တာ။
ခပ်တည်တည်နဲ့ သော့ပျောက်ကြော်ငြာတွေ လိုက်ကပ်ဖို့ ခရီးထွက်နေခဲ့တယ် လို့ ပြောရရင် ကောင်းမလား။ စိတ်ကိုဖွင့်မယ့်သော့တစ်ချောင်း ပျောက်ဆုံးသွားခဲ့လုို့လို့ ပြောဖို့စဉ်းစားရင်း ဘယ်ဘက်ရင်အုံထောင့်က သော့တစ်ချောင်းကို စနိုးစနောင့် ဖြစ်နေခဲ့ရတာဟာလည်း ဟာသ တစ်ခုပါပဲ။ ကိုယ့်ကိုယ်ကို ပြန်ရယ်မောရတာပဲ နည်းနည်း နာကျင်တာပါ။ တကယ်တမ်းကျတော့ သူဟာ သော့တစ်ချောင်းဖြစ်ကြောင်း ကျွန်မက သက်သေသာဓကတွေနဲ့ ရှေ့နေ လိုက်ပေးနိုင်ပေမယ့် ဖွင့်ဖို့ ဘယ်လိုမှ အသုံးမဝင်တော့တဲ့ အကြောင်းကိုတော့ ကျွန်မက လျို့ဝှက်ထားနေမိလိမ့်မယ် ထင်တယ်။ (လိုမှမလိုအပ်ပဲလေ) ခရီးတွေ ရှည်လာတာနဲ့အမျှ သူလည်း ပျောက်ကျခဲ့ဖို့ အလားအလာ သိပ်များတယ်လို့ တိတ်တိတ်ကလေး ကြိတ်မျှော်လင့်ထားမိတာကိုတော့ တစ်နေ့နေ့မှာ ဝန်ခံဖြစ်ပါလိမ့်မယ် ။ လောလောဆယ် မှာတော့ ကျွန်မက စကားလုံးတစ်လုံးမှ မပါတဲ့ ဇာတ်ဝင်ခန်းလို ခြောက်သွေ့တိတ်ဆိတ် .. … .. အဲဒီ အမနာပလောကက ခုထိ မီးမမှိတ်သေးဘူး။
အဲဒီ ဒိုင်ယာရီထဲက မှတ်တမ်းမှတ်ရာမဲ့ ရက်စွဲလေးကတော့ မိုင် ၅၀၀ ကျော်မက ကွာဝေးသွားခဲ့ပြီ ..။ ဒီတော ဒီတောင် ဒီအမှောင်နဲ့က ကျွန်မစုထားတဲ့ နေရောင်လေးနဲ့ မလောက်င နိုင်တော့ဘူး။ သက်ပြင်းတွေကို အသက်တိုဖို့ဆိုတဲ့ ရည်ရွယ်ချက်နဲ့ ကြိုးစားပမ်းစား ချနေမိရင်း .ခရီးဆုံးကို လက်ချိုးတွက်ရေရင်း နင့်နင့်သီးသီး ပျော်ရွှင်တတ်လာခဲ့ပြီ။ ပင်လယ်ကတော့ တစ်နေ့တစ်ခြား ဆားငံနှုန်းမြင့်လာခဲ့ရဲ့ ..။ မုန်တိုင်းတွေကို ကျောသပ်ရင်သပ် နံပါတ်မှတ်ပေးနေရတဲ့ ဘဝမှာ မနေချင်တော့ပါဘူးကွယ် .. ကျွန်မကို လှေကလေး တစ်စင်း မပေးပါနဲ့ .. ခေါင်းချစရာ ဝက်သစ်ချပင်လေး တစ်ပင်ပဲပေးခဲ့ပါ ..။ ခုချိန်မှာ အပြာရောင်တွေကို ငယ်ငယ်ကလို စိတ်ကူးတယဉ်ယဉ်နဲ့ ကောင်းကင်လုပ်ဖို့ မလိုချင်တတ်တော့ပါဘူး။
မေးချင်နေတဲ့ မေးခွန်းတွေက သုံးနာရီစာ မကဘူး။ ရလာမယ့် အဖြေတွေကို ကျွန်မက အမှတ်ပြည့် ပေးနိုင်ဖို့ မသေချာတာနဲ့ပဲ ဘယ်ကံတရားကိုမှ စာမေးပွဲ မစစ်ဖြစ်တော့ဘူး။ မေးခွန်းတွေနဲ့ ပြန့်ကျဲ ရှုပ်ပွနေတဲ့ အဲဒီ အခန်းကိုတော့ သော့မခတ်ပဲ တံခါးဖွင့်ထားခဲ့လိုက်တယ်။ ကျွန်မ ပြန်လှည့်လာတဲ့အခါ အိပ်ယာဝင် ပုံပြင်တွေထဲကလို ရှင်သန်နေထုိုင်နည်း တစ်ခုခု နတ်သမီး တစ်ပါးပါးကများ  တိတ်တိတ်ကလေး လာချထားလေမလား ဆုိုတဲ့ မျှော်လင့်ချက်နဲ့ပေါ့..။ ခရီးကပြင်းလာတာနဲ့အတူ ခြေဆင်းကလည်း မြန်မြန်လာတယ်။ နောက်တစ်ကျော့ ဝင်လာမယ့် ဂီတဟာ ဘာအရောင်ဖြစ်မယ်လုို့ ထင်လဲ …။ ရှင်မှန်းကြည့်လုိုက်စမ်းပါ။
မှောက်ကျသွားတဲ့ ကော်ဖီခွက်တစ်ခွက်မှာတော့ လန်းဆန်းမှုတွေပါသွားခဲ့တယ်။ ကော်ဖီစီးကြောင်းလေး တစ်လျှောက် စိတ်နဲ့ လိုက်သောက်ခဲ့ဖူးတာကို သတိရတော့ အတုန်တုန် အလှုပ်လှုပ်။ တစ်ကိုယ်စာ လှုပ်တဲ့ ငလျင်ဆိုတာ ဒါပဲပေါ့။ ခရီးမိုင်တွေ အများကြီး ပေါက်နေခဲ့ပြီးမှတော့ ကိုယ်လာရာလမ်း မြေပုံကို ဆုတ်ဖြဲ ပစ်ခဲ့လိုက်ရုံနဲ့ အရာအားလုံးကို အလွယ်တကူ မေ့ပျောက်သွားရော တဲ့လား။ သကြားတွေအများကြီးထည့် မသောက်ခဲ့ဖူးတဲ့အတွက် ဘဝက သိပ်တော့ မချိုလှပါဘူး ဆိုတဲ့ စာသား … ကျွန်မ ဘယ်နားမှာ ဖတ်ခဲ့ဖူးပါလိမ့်။ ကျွန်မကတော့ အခါးကို အလိုမတူစွာ စွဲလန်းနေခဲ့ရပြီ ။
တစ်ခါတစ်ခါတော့လည်း အိပ်မက်ဆိုးတွေ မက်ချင်မက်ခဲ့မှာပေါ့။ ဒါပေမယ့် အချိန်တန်ရင်တော့ နံနက်ခင်း အသစ်ကို သာတူညီမျှ ရလိုက်ကြမှာချည်းပါပဲ။ ရောက်လာတဲ့ နံနက်ခင်းတွေက ရိုးသား သစ်လွင် သလောက်၊ လက်ခံလိုက်တဲ့ လူတွေက ရာနှုန်း အနည်းနဲ့အများ လွဲမှားနေခဲ့ကြတာ … ဒါဟာလည်း ကံတရားအရပါလို့ လမ်းလွှဲလိုက်ကြဦးမှာလား ..။ စိုက်ပျိုးခဲ့တဲ့အတိုင်း ရိတ်ရမယ်ဆိုတာ သိခဲ့ပါရဲ့။ ကန္တာရပင်တွေကို ဆူးစူးမယ်မှန်း သိသိကြီးနဲ့ စိုက်ခဲ့မိကြောင်း ကျွန်မ ဝန်ခံချင်ပါတယ်။ ကျွန်မ အဲဒီဆူးတွေရဲ့ ရနံ့ကို ဘဝပေါင်းများစွာ မှတ်မိနေဖို့ လိုတယ်လေ ..။ ဆူးခက်တွေ ပြွန်းနေတဲ့ လမ်းကတော့ နည်းနည်းတော့ ကြမ်းမှာပေါ့။ ဒါပေမယ့် အသားကျသွားခဲ့ရင်တော့ ဆူးတွေလည်း ကျိုးကျန်ခဲ့မယ်လို့ ယုံတယ်။  
တသွင်သွင်စီးနေတဲ့ မြို့ပြရဲ့ လူစီးကြောင်းထဲမှာ သိမှတ်မဲ့စွာ မျောနေတဲ့ ရုပ်ဒြပ်တစ်ခုဟာ အရောင်တင်ဆီ ခပ်ရဲရဲနဲ့ ။ မနေ့က သွန်ပစ်လိုက်တဲ့ အကြွင်းအကျန် စိတ်ကူးအသိုးတွေကို ဘာလို့ မီးရှို့ လက်စဖျောက်မပစ်ရဲကြတာတဲ့လဲ ..။ ပြာမှုန်တွေ လွင့်နေမှဖြင့် အဲဒီအရပ်မှာ မီးခိုးလည်း ရှိနေလိမ့်မယ်။ အသက်ရှူရနည်းနည်း ခက်တာ တစ်ခုကလွဲရင် ကျန်တာအားလုံး ရေလိုက်ငါးလိုက် …။ ငါးမျှားချိတ်မှာ ငြိကျန်ခဲ့တဲ့ ပါးစပ်တွေနဲ့ ရေနောက်လိုက်တဲ့ငါးတွေ အကုန်လုံး မောဟိုက်နေကြတာချည်းပါပဲ။
အရောင်တွေမှားခဲ့တဲ့ ပန်းချီကားချပ်ကိုတော့ လွှင့်ပစ်လိုက်ပြီ။ အသစ်ရေးခြယ်လို့ရမယ့် ပန်းချီကားတစ်ချပ် အတွက် ကျွန်မ ဘာလို့ငိုမလဲ။ ခရီးသွားရင်း ပန်းချီဆွဲရတာ သိပ်ပျော်ဖို့ကောင်းတယ် လို့ ကျွန်မ ဒိုင်ယာရီ စာအုပ်လေးရဲ့ ရှေ့မှာ ခပ်ကြီးကြီး ရေးထားလိုက်တယ်။ တစ်ခါတစ်ခါ ကိုယ့်ကိုယ်ကို သတိပေးတဲ့ စာကြောင်းတွေကို နီတိလိုလို စကားပုံလိုလို ဆိုရိုးလိုလို မင်နီနဲ့ ရေးမှတ်ထားရတာ နည်းနည်းတော့ ရှက်စရာကောင်းပါတယ်။ ခက်တာက ကျောပိုးအိတ်တစ်ခုလုံးအပြည့် ဆေးအဖြူရောင်တွေချည်းပဲ ပါလာခဲ့တာပါပဲ။ အထပ်ထပ် ဆွဲနေတဲ့ အဖြူရောင်ပန်းချီကားချပ်အကြောင်းကိုတော့ နောက်မှပဲ ပြောပြတော့မယ်။ လောလောဆယ်တော့ အရောင်ကန်းနေတဲ့သူတွေ မတွေ့ဖို့ ဒီပန်းချီကားတွေကို လုံခြုံတဲ့ အရပ်မှာ သိမ်းထားပေးရဦးမယ်လေ။
အာရုံတွေကို လမ်းလွှဲနေရင်းက ဝတ်ထားတဲ့ တီရှပ်ပေါ်က ပုံလို ရဲရင့်ခဲ့ဖူးသလား တွေးတယ်။ စီးထားတဲ့ ဖိနပ်တံဆိပ်လို ဝေးဝေးပြေးနိုင်ခဲ့ပြီလား မေးတယ်။ (ကိုယ့်ကိုယ်ကို) ။ သုံးစွဲနေတဲ့ လက်ကိုင်ဖုန်း တံဆိပ်လို သူတစ်လူ ငါတစ်မင်းတွေတော့ တွေ့ နေရပြီ။ အဖြေမရတဲ့တူတူ သီချင်း တစ်ပုဒ်ကို၊ စိတ်ပါလက်ပါ ဆုိုခဲ့ဖူးတဲ့ နိုင်ငံတော် သီချင်းတစ်ပုဒ်လို စိတ်လုို လက်ရ ဆိုလိုက်မိတာ နာကျင်မှုတွေ တဖတ်ဖတ်ကွာကျလာခဲ့တယ်။ နဂိုတည်းက သီချင်းမှာ အက်ရာတွေနဲ့ ပြည့်နှက်နေတာကို ကျွန်မ ဘာလို့မသိထားခဲ့တာတဲ့လဲ ။ ဝေးလေ ဝေးလေ အသံတွေ ဝေးလွင့် ပါးလျားသွားလေတဲ့လား။ ခုတော့ အဲလိုမဟုတ်ပဲ အသံတွေက အမှုန်တွေနဲ့အတူ သိပ်သည်း ထူပြောလာခဲ့ …။ ဒေါသတကြီး ဆုတ်ကိုင် ရမ်းခါ ပစ်လိုက်လို့ရတဲ့ထဲ အဲဒီအသံတွေ ပါမနေခဲ့တာကတော့ ဝမ်းနည်းကြေကွဲဖွယ် .ကောင်းလှချည့်။  
ကိုယ့်စိတ်ကိုယ် အရေးပေါ် ပြန်ခေါ်ကြည့်တယ်။ အဆင်မပြေတော့ဘူး။ နံပါတ်လည်းမမှတ်မိတော့ဘူး။ ခေါ်မိတဲ့ နံပါတ်တွေကျ ကိုယ့်စိတ်နဲ့ကိုယ့်ကိုယ် မဟုတ်ပြန်ဘူး။ အရာအားလုံးဟာ ဆက်သွယ်မှုဧရိယာပြင်ပ။ ဘာဆိုဘာမှ မမြင်ရတော့ဘူး။ အရှင်လတ်လတ်ငရဲဟာ ကိုယ့်ဆီမှာတော့  ချိုခါးခါး ကဗျာတစ်ပုဒ် ။ အနှုတ်လက္ခဏာ မပြခင် ခပ်သွက်သွက် မော့သောက်ပစ်လုိုက်ရတယ်။
ပါးလျနွမ်းဖတ်နေတဲ့ ဖိနပ်လေးကိုကောက်ပြီး လျှောက်ပြန်လာတဲ့လမ်းက လာရာလမ်း ဖြစ်နေမှန်း ခရီးဆုံးမှ သိလိုက်ရသူလို ကျွန်မ ပြန်ရောက်လာခဲ့တယ် ထင်တာပဲ။ အဲဒီနေ့က ဘယ်တွေသွားနေခဲ့တာလဲ လို့ မေးလာတဲ့ သူတုိုင်းကို ကျွန်မ ပြုံးပြုံးပြနေရတာလည်း မျက်နှာကြောတွေ ညောင်းညာကိုက်ခဲလာတဲ့ထိ။ ကျွန်မဆီမှာက အဖြေမရှိဘူးလေ။ ရာသီဥတုကို အပြစ်ဖုို့ရလောက်တဲ့ထိလည်း ကျွန်မ သွေးမကြောင်ချင်ဘူး။ ဒိုင်ယာရီထဲမှာ အနီရောင်တွေဖုံးပြီး ပျောက်ဆုံးနေတဲ့ နေ့ရက်လေး တစ်ရက် ရှိနေတယ်။ အဲဒီစာမျက်နှာကို ကျွန်မက ဘာမှမှတ်တမ်းတင်မထားလုို့  ကျော်ကျော်သွားလည်း လူတွေက ပြန်ပြန်လှည့်လာမေးကြတယ်။ ဘာမှရှိမနေတဲ့ စာမျက်နှာအကြောင်း ကျွန်မမှာ ပြောစရာစကားမှမရှိပဲ။ တကယ်မဖြစ်ခဲ့တဲ့ အဖြစ်အပျက်တွေကို ဇာတ်လမ်းဆင်ရေးထည့်လုိုက်လုို့ရပေမယ့် ကျွန်မ မလုပ်ဖြစ်ခဲ့ဘူး။ ကံအကြောင်း မလှစွာပါပဲ။ လက်ထဲမှာကလည်း အနီရောင်မင်တွေပဲ ရှိနေခဲ့တယ်။ ကျောပိုးအိတ် တစ်လုံးနဲ့ အပြည့်ထည့်ထားတဲ့ အဖြူရောင်ပန်းချီဆေးတွေကိုတော့ ဒီစာမျက်နှာအတွက် ကျွန်မ ဘယ်သောအခါမှ သုံးဖြစ်လိမ့်မယ် မထင်ဘူး။
တကယ်တမ်းကျတော့ ပိုပိုမိုမို ထည့်ယူလာခဲ့တဲ့ အရောင်တွေက အမှောင်ထဲကျ ဘာမှ သိပ်အသုံးမဝင်ဘူး။ ခါးကျိုးမတတ် ယိမ်းနွဲ့ပေးနေရတဲ့ ဖယောင်းတိုင် မီးတောက်တွေကိုတော့ ထန်လွန်းတဲ့လေက ကျိန်စာ ဖြေပေးလိုက်ပြီ။ မနီဖြစ်တော့တာ ကြာနေပြီဖြစ်တဲ့ ကြက်ခြေခတ်တွေက ဖြူရော်ရော်နဲ့ ပျော့တွဲ ပြုတ်ကျလာတယ်။ ဘယ်လုိုဖြစ်လို့ အဲဒီ အရိပ်တွေက အမှောင်ထဲထိ လာပြီးယိမ်းက နေရတာတဲ့လဲ..။   ဒီည . ပြဇာတ်နားတယ်။ … ကဒ် ..။
ဘာတွေနဲ့ ကြေကွဲပြလိုက်ရမှန်းမသိတဲ့ ညနေခင်းက အတော့ကို ထုံပေပေ နိုင်လွန်းတယ်။ ရှော့ထ် ရိုက်ကြည့်ဖို့စဉ်းစားမိတော့မှ ဗို့အားမပြည့်တာကို သွားသတိရတယ်။ မနေ့က တစ်ညလုံး charging ဖြည့်မထားမိတဲ့ နှလုံးသားက ဘာမှ သိပ်အလုပ်လုပ်ချင်တော့ဘူး။ စိတ်ကူး စိတ်သန်းလေးရပြီး လူလည်း လန်းဆန်းလာတဲ့တစ်နေ့ကျ စကားလုံးတချို့ကို ပြန်လည်ကယ်တင်ဖို့ မင်အနက်ရောင်တွေကို လဲလှယ်ရယူဖုို့ ကျွန်မ ခရီးထပ်ထွက်ဖြစ်လိမ့်မယ်။ သိပ်တော့ မသေချာသေးပါဘူး။ ဒါပေမယ့် ကျွန်မအိပ်မက်တွေ လွင့်မျောထွက်ခွာသွားတဲ့ လမ်းတွေဆီကိုတော့ ကျွန်မ စိတ်မှတ်နဲ့ လိုက်ကြည့်ထားနေမိတယ်။ လောလောဆယ်မှာတော့ ခရီးထွက်တုိုင်း ထားပစ်ခဲ့တတ်လို့ သူ့ခြေထောက်သူ ရှာနေတဲ့ မြေပုံတစ်ချပ်ရယ် လမ်းတွေကို စိတ်မှတ်နဲ့ လှမ်းမျှော်ရှာဖွေနေတဲ့ လူတစ်ယောက်ရယ် .. ဖိတ်စင် မှောက်ကျနေတဲ့ စိတ်တွေကို ကယောင်ကတမ်း ပြန်လည်ခူးဆွတ်နေကြလေရဲ့။
မနော်ဟရီ
၂၀၊ဇွန်၊၂၀၁၃


တနင်္ဂနွေများ

Wednesday, August 28, 2013


ဖိနပ်ကြိုးကို လှတပတ သပ်သပ်ရပ်ရပ် ချည်ရမှာ စိတ်မပါတတ်ပေမယ့် ဒီနေ့တော့ စိတ်လုိုလက်ရပဲ ကြိုးပါတဲ့ ဖိနပ်ကို ရွေးလုိုက်တယ်။ စိတ်ရှည်လက်ရှည် အချိန်ယူ ချည်နှောင်ပြီးသွားတဲ့အချိန်မှာ  အိမ်ရှေ့ ခုံရှည်ပေါ်မှာထုိုင်ပြီး တစ်ချောင်းထိုး ထိုးနေတဲ့ မေမေက ကျွန်မကို လှမ်းကြည့်မေးတယ် ။ ဘယ်သွားမလုို့လဲ .. တဲ့။
“ ဒီနေ့ တနင်္ဂနွေနေ့ လို့ ထင်တာပဲ ”
ဘာမှမဆိုင်တဲ့ အဖြေကိုပေးလုိုက်တဲ့ အတွက်ရော၊ “ထင်တာပဲ” ဆိုတဲ့ စကားအတွက်ရော မေမေတော့ ကျွန်မကို သနားစရာသတ္တဝါတစ်ကောင်လို စက္ကန့် အနည်းငယ်လောက် ငေးကြည့်နေလိမ့်မယ် ဆုိုတာ ကျွန်မ မော့ကြည့်စရာ မလိုပဲ သိနေတယ်။ စင်ကလေးပေါ် တင်ထားတဲ့ နေကာမျက်မှန်ရယ်၊ အိမ်သော့ရယ်၊ ဘောင်းဘီအိတ်ထဲ ထည့်ထားတဲ့ ဖုန်းနဲ့နားကြပ်ရယ် ပါပြီဆုိုရင် ကျွန်မ အပြင်ထွက်လုို့ရပြီပေါ့။
အိမ်တံခါးကို တွန်းဖွင့်လိုက်တယ်ဆုိုရင်ပဲ ကြောင်ကလေး JC က ကျွန်မကို အပြင်သွားပြန်ပြီလား ဆုိုတဲ့ အကြည့်နဲ့ ကြည့်တယ်။ သူကျတော့ အိမ်ထဲမှာပဲ ထွက်ချင်တုိုင်း ထွက်ခွင့်မရှိဘူး ဆုိုတဲ့ မျက်နှာပေးမျိုး နဲ့ ။ အဲဒီ မှုန်တေတေ ဂျစ်ကန်ကန် သူ အလုိုရှိမှ အနားကပ်တတ်တဲ့ ကြောင်ကလေးကိုလည်း ကျွန်မက ချစ်တာပါပဲ။
အိမ်တံစက်မြိတ်ကနေ လှမ်းထွက်လုိုက်တယ်ဆုိုရင်ပဲ တိမ်ဖြူဖြူလေးက ကျွန်မပုခုံးပေါ် ခုန်ချလာတယ်။ စောင့်လုိုက် ရတာလုို့လည်း ရေရွတ်တယ်။ သူ ကျွန်မကို ဘယ်ချိန်တည်းက စောင့်နေခဲ့တာတဲ့လဲ။ ကျွန်မ မမေးလုိုက်မိဘူး။ ဘာလုို့လဲ ဆုိုတော့ ကျွန်မက စောင့်ဆုိုင်းရမှုမှာ နာကျင်မှုတွေ အနည်းနဲ့အများ ရှိတတ်တာကို သိထားလုို့ပဲ။ သူ့နာကျင်မှုကို မသိချင်တာမျိုးတော့မဟုတ်ပါဘူး။ ကျွန်မမှာ အပိုဝန်ထမ်းဖို့ အားမရှိသေးဘူးလေ။
“ ဒီနေ့ ဘာသီချင်းနားထောင်မှာလဲ ” လို့ တိမ်ဖြူလေးက မေးတယ် ။ ကျွန်မက “ နှင်း ” လို့ ခပ်ဖွဲဖွဲကျချင်လာတဲ့ နှင်းငွေ့တွေကို ကြည့်ရင်းပြောတော့ “ နှင်းရေ .. လို့ အော်ဖို့ ရေတွင်းလေးလည်း မရှိဘူး ” တဲ့။ စကားအဆုံးမှာ ကျွန်မတို့ အသက်မပါပဲ ခပ်ဖွဖွ ရယ်လိုက်မိကြတယ်။ တိမ်ဖြူလေးနဲ့ ကျွန်မက အဲလို အပေးအယူတည့်တာပါ။ ကျွန်မရဲ့ ကောင်းကင်ထဲမှာ သူက အမြဲတမ်း ရှိနေတတ်တယ်။ ကျွန်မ အိမ်လေးထဲ အိပ်စက်နားနေရင်လည်း သူက အဝေးကောင်းကင်မှာ ရှိနေတတ်တယ်။ ဒီလိုနေ့မျိုးဆုိုရင်တော့ ကျွန်မကို တံစက်မြိတ်ကလေးကနေ တွဲခို စောင့်စားနေတတ်တယ်။ ကျွန်မ ကမ္ဘာဘက်ခြမ်းမှာ မိုးတိမ်တွေ အုံ့ဆုိုင်း မှုန်မှိုင်းလာရင်တော့ ကျွန်မ တိမ်ဖြူလေးကို နေရောင်တွေရှိတဲ့ဆီ သွားနေချေလုို့ တွန်းတွန်းထုတ်ရတယ်။ ကျွန်မက တိမ်ဖြူလေးကို အရောင်တွေ မစွန်းစေချင်ဘူးလေ။
“ ကောင်းသော နံနက်ခင်းပါ အမျိုးသမီးလေးရေ ..”
စကားပင်အိုကြီးက ကျွန်မကို ခါတိုင်းလိုပဲ နှုတ်ဆက်တယ်။ နောက်မှ တိမ်ဖြူလေးကို မြင်ပြီး ..
“ အို .. တိမ်ဖြူကလေးရောပေါ့ ” လို့ ထပ်ဖြည့်စွက်တယ်။ “ ကောင်းသော တနင်္ဂနွေ နံနက်ခင်းပါ စကားပင်အိုကြီးရယ်”  လို့ ကျွန်မက ပြန်နှုတ်ဆက်တော့ စကားပင်ကြီးက ဇဝေဇဝါ ကျွန်မကို ကြည့်တယ်။
“ ဒီနေ့ တနင်္ဂနွေနေ့လား ” တဲ့။
ကျွန်မလည်း မေမေ့ကို ပြောခဲ့သလိုပဲ “ ထင်တာပါပဲ စကားပင်ကြီးရယ်” လို့ ပြောလုိုက်တော့ စကားပင်ကြီးကတော့ မေမေ့လို မကြည့်ပါဘူး။ အက်အက်ကွဲကွဲအသံကြီးနဲ့ ရယ်တယ်။ ပြီးမှ အဓိပ္ဗာယ် ရှိလွန်းတဲ့ စကားတစ်ခွန်းကို လှမ်းပြောတယ်။
“ တစ်ခါတစ်လေကျတော့လည်း ထင်ယောင်မှားမှုတွေက ကိုယ့်အတွက် ဆေးဖြစ်စေတတ်ပါတယ် ” တဲ့။ နည်းနည်း လှမ်းသွားပြီ ဖြစ်တဲ့အတွက် ကျွန်မ စကားပင်ကြီးကို အဖြေမပေးမိဘူး။ စိတ်ထဲကတော့ အဲဒီဆေးက side effect ရှိလားမသိဘူး လုို့ တွေးနေမိတယ်။ တိမ်ဖြူကလေးကတော့ ပုခုံးပေါ်ကနေ ဖြုတ်ကနဲ ဆင်းသွားပြီး စကားပင်ကြီးကို သွားနောက်လေရဲ့  ။ “ အဲဒီဆေး ကျွန်တော် ယူသွားပြီနော် ” တဲ့။ စကားပင်ကြီးကတော့ ထုံးစံအတုိုင်း ခပ်အက်အက် ရယ်ပြီး ကျန်ခဲ့ရှာတယ်။
ရုတ်တရက် အသက်ရှူသံခပ်ပြင်းပြင်းကြီးကြောင့် ကျွန်မ တစ်ချက် တုံ့ကနဲ ဖြစ်ပြီး လန့်သွားတယ်။ ကျွန်မ လန့်သွားပုံကိုကြည့်ပြီး ခွေးကြီး Duke က တွန့်နေတဲ့ ပါးနားတွေလှုပ်သွားတဲ့ ထိရယ်တယ်။
“ ဒီလောက်ကြီးတဲ့ ခွေးတောင် မမြင်ရအောင် ဘာဖြစ်လာတာလဲ ” တဲ့။
ဟုတ်ပါရဲ့ ။  Duke က တကယ့်ကို ခွေးအကြီးကြီးမျိုး။ အကောင်အကြီးကြီးမှ  သူထိုင်နေရင် ကျွန်မ ပုခုံးနားထိ ရောက်တယ်။ ခန္ဓာကိုယ်ကလည်း အကြီးကြီး။ ကြည့်ရတာ ဒီနေ့သူ့သခင် မပါဘူး။ သူနဲ့သူ့သခင်နဲ့ ထူးခြားမှုက နှစ်ယောက်လုံး ( တစ်ယောက် တစ်ကောင်ပေါ့ ) လမ်းလျှောက်ပျင်းတာပါပဲ။ သူတုို့ သူတုို့ ခြံရှေ့ ပေ ၆၀လောက်ကို သုံးခေါက်လောက် လျှောက်လုိုက်ရင် တော်တော်ပင်ပမ်းနေပြီထင်တဲ့သူမျိုးတွေ။
“ ငါ စဉ်းစားလာတာ၊ စကားပင်ကြီးက ပြောလုိုက်တယ်။ တစ်ခါတစ်ခါ ထင်ယောင်မှားမှုတွေက ဆေး ဖြစ်တတ်ပါတယ် ဆိုလို့   .. ”
Duke က ခေါင်းခါတယ်။ ကျွန်မ ထင်တာက သူ ဒါကို လက်မခံဘူး ထင်နေတာ။ နောက်တော့မှ သိရတာက ၊ သူ လက်မခံတာမဟုတ်ဘူး။
“ ငါ နားမလည်ပါဘူး ” တဲ့။ ပြီးတော့ ဆက်ပြောသေးတယ်။ “ မင်းပဲ စဉ်းစားကြည့်လေ ။ သခင်က ငါ့ကို ညနေစာ အမဲသားကျွေးမယ် ထင်ထားပြီးပျော်နေတယ် တကယ်စားရတော့ ကြက်ဥ နဲ့ ပေါင်မုန့်  .. ငါ့အတွက်ကတော့ အဆင်မပြေလောက်ပါဘူးကွာ ” တဲ့။
ကျွန်မ ရယ်ပဲ ရယ်နေလုိုက်တယ်။ သူ့အတွေးနဲ့သူလည်း မှန်နေမှာပဲ။ စကားပင်ကြီးလည်း သူ့ အတွေးနဲ့သူ ရှိမှာပဲ။ ကျွန်မလည်း ကျွန်မအတွေးနဲ့ ကျွန်မ ရှိမှာပဲ။ တိမ်ဖြူကလေးလည်း အလားတူ ရှိမှာပဲ။ ဘာမှပြန်မပြောဖြစ်ဘူး။ သူ့ခြံဧရိယာ ကျော်သွားတာနဲ့ သူလည်း လှည့်ထွက်သွားတာပါပဲ။ ဒီထက် ပိုလျှောက်ရင် ဘေးထွက်ဆုိုးကျိုး ရှိတယ်လုို့  Duke က သတ်မှတ်ထားပုံရတယ် ။ ခြေတစ်လှမ်းပိုထွက်လေ့ မရှိဘူး။ သိပ်သစ္စာရှိတဲ့ကောင်။
သီချင်းဖွင့်ပြီး နားကြပ်ကို နားမှာတပ်လုိုက်တော့ တိမ်ဖြူလေးက ကြိုးစ တစ်ဘက်ကို လှမ်းဆွဲတယ်။ သူလည်း နားထောင်မယ်ပေါ့။ အစကတော့ တိမ်ဖြူလေးက ကျွန်မ နားကြပ်နဲ့ သီချင်းနားထောင်တာ၊ ဖုန်းပြောတာကို မကြိုက်ဘူး။ နားစည်ထိခိုက်တယ်တဲ့။ ခုတော့ သူတောင် ကျွန်မနဲ့ပေါင်းတာကြာလာလုို့ ပျက်လာတာလား၊ ကျွန်ကို ပြောမရလို့ သူပါ အရွဲ့တုိုက်ပြီး လုိုက်နားထောင်နေတာလား မသိတော့ဘူး။ ဘာပဲ ဖြစ်ဖြစ် သီချင်းတွေ တူတူ နားထောင်ဖို့ အဖော်လေးတော့ ရှိနေသေးတဲ့အတွက် ဘုရားသခင်ကို ကျေးဇူးတင်ရမယ်။ မဟုတ်ရင် သီချင်းလေးတွေ အကြောင်းပြောစရာ အဖော်တောင် မရှိတဲ့ဘဝ။
“ ဆောင်းစဝင်တော့မယ် .. နှင်းငွေ့တွေ သန်းလာပြီ ”
ကျွန်မက တစ်ကိုယ်တည်း ခပ်တိုးတိုးရေရွတ်တော့ တိမ်ကလေးက မင်း သိပ်အေးနေလား တဲ့။ ကျွန်မ အအေး မကြိုက်တာ သူသိတယ်။ တိမ်ဖြူလေးက ကျွန်မကျောပေါ်က hood ကလေးကို ခေါင်းပေါ် အသာဆွဲတင်ပေး လုိုက်တော့ အေးစိမ့်နေတဲ့ နားရွက်လေးတွေ နည်းနည်းနွေးသွားတယ်။ တိမ်ဖြူလေးက ကျွန်မကို ဂရုတစိုက် ရှိသားလုို့ တွေးနေတုန်း ဖြုတ်ဆို ကောင်းကင်ပေါ်ကနေ ထုိုးဆင်းချလာတဲ့ ကတ္တဝါ အဖြူကြိးတစ်ကောင်က ကျွန်မကို ရယ်တယ်။
“ သိပ်အေးနေလား ဒါအစပဲ ရှိသေးတယ် ” တဲ့။
အဲဒီ ကတ္တဝါကြီးက သိပ်လှတာပဲ။ အဝါရောင် အမောက်ကလည်း လွင်လုို့။ “ ကိုယ်က အအေး မကြိုက်ဘူး ကတ္တဝါကြီးရဲ့ ၊ ဘယ်ကြိုက်မလဲ ကိုယ်က နေရောင်တွေ ရှိတဲ့ အပူပိုင်းဇုံက လာတာလေ ” လို့ ပြန်ပြောတော၊့ နေရောင်ခြည်ကို မနာလိုစရာကောင်းလောက်အောင် ရရှိခဲ့သူတွေပေါ့ တဲ့။ သူ့လေသံက ချက်ချင်းပြောင်းသွားတယ်။ စောစောကလို ကျွန်မကို ရယ်သွမ်းသွေးပြီး နောက်တဲ့ လေသံမျိုး မဟုတ်တော့ဘူး။ ကျွန်မက သူ့ကို ကြည်ကြည်လင်လင် နှစ်နှစ်လုိုလို ပြုံးကြည့်တော့ သူ ချက်ချင်း ကျွန်မပုခုံးပေါ် လာနားတယ်။ ဘယ်ဘက် ပုခုံးပေါ်က တိမ်ဖြူလေးကို ကြည့်ပြီး သူ့ကို မနာလုိုလုို့လာနားတာ လုို့လည်း ရယ်ကျဲကျဲ ပြောသေးရဲ့ ။ ကတ္တဝါကြီးရဲ့ အမွေးအတောင်တွေက တိမ်တောင် တိမ်လိပ်အဖြူတွေလို ဆွတ်ဆွတ်ဖြူပြီး လှလိုက်တာ။ တိမ်ဖြူလေးကတော့ အတောင်ပံတွေ တဖျတ်ဖျတ်ခတ်ရုံနဲ့ လိုရာပျံသန်းနုိုင်တဲ့ ကတ္တဝါကြီးကို ငေးလုို့ ။
အရင်ရက်တွေကတော့ ဒီကတ္တဝါကြီးက  ကျွန်မကို သိပ်ပြီး တရင်းတနှီး မရှိလှပါဘူး။ မြက်ခင်းပေါ် သူနားနေတာကို ကျွန်မက ဓာတ်ပုံရိုက်ရင်တောင် ပျံထွက်ပြေးသွားတတ်တာမျိုး။ တစ်ခါမှ သူ့ပုံကောင်းကောင်းရယ်လုို့ မရဖူးပါဘူး။ ခုကျတော့လည်း သူက ကျွန်မ ပုခုံးပေါ်မှာ မခန့်သား .. ဒါပေမယ့် ကျွန်မတို့ကို ဓာတ်ပုံရိုက်ပေးမယ့်လူ တစ်ယောက် တစ်လေမှ လမ်းပေါ်မှာ ရှိမနေခဲ့ပါဘူး။ လမ်းတွေအားလုံး ငြိမ်သက်သွေ့ခြောက်လုို့ ။ ကျွန်မရဲ့ လုပ်ဖော် ကိုင်ဘက် ဓာတ်ပုံဆရာတွေကတော့ နေရောင်အောက်မှာ အလုပ်ရှုပ်နေကြလိမ့်မယ်ထင်တယ်။ ကျွန်မနေရာရဲ့ ရာသီဥတုကတော့ မှိုင်းမှုန်လုို့။ နေရောင်လည်း မထွက်လာနုိုင်သေးဘူး။
ကတ္တဝါကြီးက ကျွန်မကို “ ဧည့်သည်လေးရေ ” လုို့ ခေါ်တယ်။ ပြီးမှ “ မင်း နေရောင်တွေကို လွမ်းဆွတ်နေမှာပဲ” တဲ့။ ကျွန်မ အသံမထွက်ပဲ ခေါင်းငြိမ့်လိုက်တော့ သူကလည်း အမောက်ဝါကြီး တစ်ခါခါနဲ့ ခေါင်းလုိုက်ငြိမ့်တယ်။ “ တစ်ခါ တစ်ခါကျတော့လည်း ပျော်တဲ့နေရာမှမနေရတတ်ပါဘူးကွာ .. ” တဲ့။ သူက သူ့ဘာသာသူ နှစ်သိမ့်တဲ့ စကားလိုလို ကျွန်မကို နှစ်သိမ့်တဲ့ စကားလိုလို နဲ့သူ့ ဘာသာသူ ရေရွတ်ပြီးပြောတယ်။ သူလည်း တစ်နေရာကနေ တစ်နေရာ ရွှေ့ပြောင်းပျံသန်းနေရသူပဲ။ ကျွန်မမှာ သူ့ကို ပြန်ပြောစရာ စကားလုံးတွေ အများကြီး ရှိနေပါလျက်က အေးခဲပြီး ပျော်ကျမလာတဲ့အတွက် ဘာမှပြန်မပြာနို်င်ခဲ့ဘူး။ ကောင်းသောတနင်္ဂနွေနေ့လေးပါ လို့ မဆီမဆိုင် ပြန်ပြောလုိုက်တော့  သူရယ်တယ်။
ကျွန်မ ပုခုံးပေါ်မှာလည်း သူ သိပ်ကြာကြာ မနေနုိုင်ပါဘူး။  ခဏနေကျ အဝေးကို ပျံထွက်သွားတော့တယ်။ သူကတော့ သူကျန်ခဲ့တဲ့ စကားကြွေးကို ရအောင် အဝေးကနေ အော်ဆပ်သွားသေးတယ်။ “ကောင်းသော တနင်္ဂနွေနေ့လေးပါ” တဲ့။ ဘယ်တော့မှ သူနဲ့ ပြန်တွေ့ရမလဲလည်း မသိပါဘူး။ ဒီခံစားမှုမျိုးက တစ်စုံတစ်ယောက်နဲ့ ဒါမှမဟုတ် တစ်စုံတစ်ရာနဲ့ ခွဲခွာရတိုင်း စိမ့်ဝင် တုိုက်ခိုက်လာတတ်တဲ့ ခံစားမှုမျိုးပဲ။ ဒါပေမယ့် ကျွန်မတို့ အဲဒီခံစားမှုကြီးတွေနဲ့ပဲ ဆက်လျှောက်သွားကြရတာပဲ မဟုတ်လား။ ဘဝတွေက ရပ်ပစ်လုိုက်လို့ ရတာမှမဟုတ်ပဲ။ တစ်သက်လုံး ပြန်မတွေ့ကြရတော့တဲ့ အရာတွေ ရှိသလို မကြာခဏ ပြန်တွေ့နေရတာတွေလည်း ဘဝမှာ ရှိခဲ့ကြရဲ့ မဟုတ်လား။ တိမ်ဖြူလေးလည်း မကြာခင် မိုးတွေ မှိုင်းမှုန်လာရင် ကျွန်မဆီကနေ ခဏတော့ ထွက်သွားဦးမှာပါပဲ။ အဲဒီလိုနေ့တွေကျရင် ကျွန်မ လမ်းထွက် လျှောက်ဖြစ်တော့မယ် မထင်ဘူး။
ဆက်လျှောက်လာတော့ မေပယ်ပင်ကြီးက ကျွန်မကို လှမ်းခေါ်တယ်။ လာဦး တဲ့။ ဒီမှာ မင်းစောင့်နေတဲ့ အရွက်နီလေးတွေ ကြွေနေပြီတဲ့။ အို ဟုတ်ပါရဲ့ မေပယ်ပင်ကြီးအောက်မှာ ရွက်ခြောက်တွေ၊ ရွက်ဝါတွေနဲ့ အတူ အနီရောင် အရွက်ကလေးတွေးပါ တွေ့လိုက်ရတယ်။ ကျွန်မက သူ အရွက်တွေ တဖွဲဖွဲကြွေနေတာကို တွေ့ရင် တမေ့တမော ရပ်ကြည့်နေတတ်တာ သူသိတယ်။ တစ်ခါတစ်လေ သူ အရွက်တွေကြွေတာကို ကြည့်ရင်း ကျွန်မက မဆီမဆိုင်  မျက်ရည်တွေ စိုလာတတ်သေးတာ။ တကယ်ဆို ဒါဟာလည်း ခွဲခွာခြင်း တစ်ခုပဲ မဟုတ်လား။ ဒါပေမယ့် မေပယ်ပင်ကြီးကတော့ ကျွန်မကို ပြောတယ်။ ဒါဟာ သဘာဝတရားပဲတဲ့။ လောကဓံပဲ တဲ့။ အသစ်ရောက်လာမယ့် အရာတွေကို ကြိုဆိုကြရဦးမယ် တဲ့။ အသစ်တွေ ရောက်လာဖုို့အတွက် အဟောင်းတွေကဖယ်ပေးရတာကလည်း သဘာဝပဲ တဲ့လား။ ကြည့်အတွက် သစ်ရွက်ကြွေတွေကို ကုန်းကောက်လုိုက်တဲ့အခါ သစ်ရွက်ကြွေတွေပေါ် မျက်ရည်တစ်စက် ကျသွားတယ်။ တိမ်ဖြူလေး မမြင်လုိုက်ဘူးထင်တာပါပဲ။ သစ်ရွက်ကြွေကောက်တာ လုိုတာထက် အချိန်ပိုကြာသွားတဲ့ အခါမှာတော့ တိမ်ဖြူလေးက ပြောတယ်။
“ ရာသီဥတုက အေးနေပြီ မင်း လှုပ်ရှားမှု မရှိပဲ အဲလို ငြိမ်လုိုက်ရင် အအေးပတ်သွားလိမ့်မယ် ” တဲ့။
တိမ်ကလေးကို ကျွန်မ သိပ်ချစ်တာ အဲဒါပါပဲ။ သူကအရာရာကို သိပြီး လုိုက်သတိပေးနေတတ်တယ်။ ကျွန်မနား မရိုးသားတဲ့ မိတ်ဆွေတွေရောက်လာရင်လည်း သူပဲ အရင်ဆုံး သတိပေးတတ်တယ်။ ဘယ်တော့မှလည်း မှားတယ် မရှိဘူး။ အမြဲတမ်း မှားနေတာက ကျွန်မသာပါပဲ။ လူတွေရဲ့ မျက်ဝန်းထဲက ရာသီဥတုတွေကို ကျွန်မက မခန့်မှန်း မချင့်ချိန်တတ်သူလေ။ ကျွန်မ နောက်ကျောက ဓားတွေကိုလည်း တိမ်ဖြူလေးက စိတ်မသက်မသာ ဖြစ်နေတတ်ပြန် တယ်။ တကယ်ဆို ဒါတွေက သူအတန်တန် သတိပေးနေလျက်သားနဲ့ ထပ်မရောက်လာသင့်ဘူးတဲ့။ သိပ်မှန်တာပေါ့။ ဒါပေမယ့် ကျွန်မက ခုထိ အားနည်းစွာ အားနာတတ်နေတုန်း။
သစ်ရွက်ကလေးတွေကို လက်ကကိုင်ပြီး ကျွန်မဆက်လျှောက်လာခဲ့တယ်။ Rex Road ဟိုမှာဘက်ဆီကို ကျော်သွားပြီ ဆုိုရင် ကြားနေကျ ကျီးသံတွေကို ကြားလုိုက်ရတယ်။ ဒီရောက်စက သူတို့အော်တာကို ကလေးတွေ အော်ငိုတဲ့ အသံလုို့ ထင်တာ။ အော်ပုံက ကျွန်မတို့ဆီက ကျီးတွေနဲ့ မှမတူတာ။ သီချင်းနားထောင်နေတဲ့ တိမ်ဖြူလေးတောင်မှ သူ့ အော်သံကြောင့် ဘေးဘီကို လှည့်ကြည့်တယ်။ ကျီးကန်းကြီးကို ရှာနေပုံပဲ။
“ ကြားရတာ အဆင်မပြေလုိုက်တာဟာ။ ခဏလောက် မအော်ပဲ နေရင်ကောင်းမှာပဲ ”
ကျွန်မက ကိုယ့်ကိုယ်ကို ပြောသလုို တီးတိုးရေရွတ်မိတော့ ရုတ်ကနဲ ကျွန်မရှေ့ကို ကျီးတစ်ကောင် ထိုးဆင်းချလာတယ်။ ကျွန်မတောင် လန့်ပြီး ခြေတစ်လှမ်းဆုတ်လိုက်မိရဲ့ ။ သူက ပြောတယ်။
“ ငါက မင်းကို ဘာမှမလုပ်ပါဘူး။ မင်းပဲ ငါ့ကို မအော်ပဲ နေရင်ကောင်းမှာပဲ လုို့ သူတစ်ပါး အခွင့်အရေးကို စွက်ဖက်တာပါ ”  တဲ့။  သူ့လေသံက မကျေနပ်တာ အထင်းသား ။ ဒီတော့လည်း ကျွန်မက အားနာတတ်သူပီပီ
“ မဟုတ်ပါဘူး။ မင်းအော်တဲ့အသံက ငါတုို့ဆီက ကျီးတွေ အော်တာနဲ့မတူလုို့ ” လုို့ ပြန်ပြောလုိုက်မိတယ်။ တကယ်လည်း တူမှမတူပဲ။ သူတုို့ အော်သံက ကလေးတွေ အော်ဟစ် ငိုယိုနေတာနဲ့ တူတယ်။
“ တူမလား ငါက မင်းတို့ဆီက ကျီးတွေနဲ့မှ မတူတာ ၊ ငါက Raven သူတုို့က Crow တွေ .. ”
“ ဒါပေမယ့် ကျီးတွေပဲ မဟုတ်ဘူးလား ”
“ ငါတုို့က တောကျီးကန်းဆိုတော့ ရိုးရိုးသားသားပဲ အော်တတ်တယ်။ မင်းသိတာပဲ ငါတုို့အော်တာ သိပ်ကိုအပြစ်ကင်းတဲ့ ကလေးတွေ အော်ဟစ် ငိုနေသလိုပဲ ။ မင်းတုို့ တုိုင်းပြည်က ကျီးကန်းတွေကတော့ မြို့ကျီးကန်း ဆိုတော့ လှတပတ အာပြတတ်တာပေါ့ ၊ ငါတုို့လို မရိုးသားဘူး ”
သူ့စကားကြောင့် ကျွန်မ မျက်လုံး အဝိုင်းသားနဲ့ နည်းနည်းတွေသွားရတယ်။ သူပြောတာ ဟုတ်မလားမသိဘူး။ ကျွန်မက Raven နဲ့ Crow လည်း စာအုပ်ပေါ်မှာပဲ မြင်ဖူးတာ။ ခွဲမှ မခွဲတတ်ပဲ။ တစ်ခုပဲ။ သူ့ ကြည့်ရတာ ရန်ကုန်က ကျီးကန်းတွေမှာ တွေ့ရတတ်တဲ့ မျက်ကလဲဆန်ပြာ သူခိုး မျက်စိမျိုး သူတုို့ မှာ မရှိဘူး။ လူတွေကို အနည်းငယ် မသင်္ကာရိပ်သန်းတဲ့ အကြည့်နဲ့ ကြည့်တတ်တာကလွဲရင် သူတုို့ကို ကြည့်ရတာ တော်တော်အေးချမ်းတယ်။ ဟိုက ကျီးတွေလို သောက မများဘူး။
“ ဒါကတော့ သူတုို့ခမျာ သောကများရှာတယ်လေ ” လုို့ ကျွန်မက ဘက်လိုက်ပြိး ပြောဖြစ်အောင် ပြောလိုက်သေးတယ်။ ကျွန်မက ကျွန်မတုိုင်းပြည်လေးနဲ့ ပတ်သက်လာရင် ဘာမဆို ဘက်လိုက်ချင်တတ်တဲ့ သူလေ။ တိမ်ဖြူလေးကတော့ ကျွန်မကိုရယ်တယ်။ နင်က နင့်ဆီက ကျီးကန်းကပို အသံသာတယ်လုို့ ဘယ်လိုမှ သာယာနာပျော်ဖွယ် မရှိတဲ့ ကျီးအာသံတောင် အသာပြိုင်ချင်နေတဲ့သူမျိုးတဲ့။ ဘာတတ်နုိုင်မလဲ။ ကိုရွှေတောကျီးကန်း ကတော့ ဒီတိုင်း ပျံမထွက်သွားပါဘူး။ စကားလေး တစ်ခွန်းတော့ ရအောင် ပြောသွားသေးတယ်။
“ ဒီလိုပါပဲ။ လောဘများသူတွေက သောကများကြရတာပါပဲ ” တဲ့။
သူ့ကို ကြည့်လုိုက်တော့ အဝေးကြီးကို ပျံထွက်ပြေးသွားပြီ။ ကလေးတစ်ယောက် အော်ကြီးဟစ်ကျယ် အော်ငိုနေသလို တမင် သံရှည်ဆွဲပြီး အော်သွားသေးတယ်။ သူ့ အသံဝေးသွားတော့ တိမ်ဖြူလေးက ကျွန်မကို ရယ်တယ်။ ငပေါမလေး တဲ့။ သူ့ တုိုင်းပြည်က ကျီးကန်းတွေကပဲ သောကများရသေးတယ် ဆုိုပြီး မခံချင်အောင်ပြောပြီးရယ်တယ်။ ကျွန်မကလည်း ကျွန်မပဲ ဆုိုတာ ကိုယ့်ကိုယ်ကို သိပါတယ်။ ဒါပေမယ့် ဒီတိုင်းတော့ ငြိမ်မနေနိုင်ပါဘူး။ ကျွန်မ  မျက်စောင်းထိုးပြီး တိမ်ကလေးကို ဆဲရေးနေကျအတုိုင်း ခပ်တုိုးတိုး ဆဲရေးလုိုက်တယ် ဆုိုရင်ပဲ တိမ်ကလေးက တဟားဟား ထရယ်တော့တာပါပဲ။ တိမ်ဖြူလေးက ကျွန်မ အဲလိုဆဲရင် သိပ်သဘောကျတာလေ။ ကျွန်မ စိတ်တွေ နုိုးထ သက်ဝင်လာသလုို ခံစားရတယ်လို့ သူယုံကြည်ထားပုံပဲ။
မြက်ခင်းလေးထဲမှာ အစာကောက်နေတဲ့ ibis ကြီးတွေ တိမ်ကလေးရဲ့ ရယ်သံကို ကြားသွားပုံပဲ။ အဝေးကနေ လှမ်းနှုတ်ဆက်တယ်။ ကောင်းသော တနင်္ဂနွေနေ့ပါ တဲ့။ ဟော … ဒါဆို ဒီနေ့ဟာ တနင်္ဂနွေနေ့ ဖြစ်ကြောင်း သေချာလာသလိုပဲပေါ့။ ကောင်းသော တနင်္ဂနွေနေ့ပါ ibis ကြီးရေ လုို့ ကျွန်မလည်း အတိအကျ ပြန်နှုတ်ဆက်လိုက်တယ်။ ibis ကြီးက မင်း ဘုရားကျောင်းမသွားဘူးလား သိုးမည်းမလေးရေ တဲ့  .. ကျွန်မကို နှုတ်သီး ရှည်ကောက်ကောက်ကြီးတွေနဲ့ ကျီစယ်တယ်။ သူ့ ကျီစယ်မှုက ကျွန်မကို တည့်တည့်ကြီး မှန်တော့တာပါပဲ။ သူ အစာကောက်နေတဲ့ မြက်ခင်းလေးဘေးမှာ ဘုရားကျောင်းလေး တစ်ကျောင်းရှိနေတယ်။ အမိုးချွန်ချွန် အဆောက်အဦဝိုင်းဝိုင်း မှန်သားအပြည့် နဲ့ ဘုရားကျောင်းလေးက သိပ်လှတာပဲ။ ဒါပေမယ့် တစ်ခါပဲ ကျွန်မ ရောက်ပြီး နောက်မရောက်ဖြစ်တော့ဘူး။ အထဲမှာ ဆရာ Paul John မှ မရှိပဲ။
အရင်နှစ်ကတော့ ငါလည်း သိုးဖြူလေးပါပဲ ibis ကြီးရာ .. တိမ်ဖြူလေးသိပါတယ် နော် .. လုို့ ibis ကြီးကို ပြန်ပြောရင်း တိမ်ကလေးကိုပါ အဖော်ညှိလိုက်မိတယ်။ တိမ်ဖြူကလေးက သူ အာရုံဦး မနက်တုိုင်းရောက်နေကျပါ လုို့ ထောက်ခံပေးရှာတယ်။ ibis ကြီးကတော့ စိတ်မကောင်းဖြစ်သွားပုံနဲ့  အို God is everywhere ပါလို့ နှစ်သိမ့်တယ်။ ပြီးတာနဲ့ နောက်တနင်္ဂနွေကျ တွေ့သေးတာပေါ့ လုို့ ပြောပြီး သူ့ အဖော်တွေကိုခေါ်လို့ ဆက်လက်ပျံသန်း သွားလေရဲ့။ သူတုို့ ဘယ်ဆီသွားကြမလဲ ကျွန်မတို့ မသိသလို ကျွန်မတို့ ဘယ်ဆီ ဆက်လျှောက်သွားမယ် ဆုိုတာလည်း သူတုို့ စိတ်ဝင်စားမှာ မဟုတ်ပါဘူး။ အားလုံးဟာ ကိုယ့်လမ်းကလေးကိုပဲ ကိုယ်အာရုံစိုက်ပြီး လျှောက်လှမ်းနေကြရတာကိုး။ ibis ကြီးတွေ ပျံသန်းသွားတဲ့ ကောင်းကင်ပြင်ကို ကျွန်မ ရပ်ငေးနေမိတယ်။ ကောင်းကင်ကြီးကတော့ ကျွန်မလိုပဲ ပြာစင်စွာ အထီးကျန်လုို့ ။
“ ဟော .. ရပ်နေပြန်ပြီ။ မအေးဘူးလား ။ မင်း ကြည့်ရတာ လျော့တိလျော့ရဲ ဖြစ်လာပြီ။ မင်း ကော်ဖီသောက်မလား ” တိမ်ကလေးက စိုးရိမ်တကြီး မေးရင်း အကြံပေးတယ်။ သူပြောမှ သတိရတယ်။ Rex နဲ့ Birdwood ထောင့်မှာ ကော်ဖီဆုိုင်လေး တစ်ခုရှိနေတာ။ ကျွန်မ တစ်ခါမှ မထိုင်ဖူးပါဘူး။ ရန်ကုန်က ကော်ဖီဆိုင်တွေ လက်ဘက်ရည်ဆုိုင်တွေလို ပျော်စရာကောင်းမှာမဟုတ်ဘူးလုို့ ထင်သလို အတူထုိုင်ဖို့ အဖော်လည်း တစ်ယောက်မှ ရှိမနေခဲ့ဘူးလေ။ ငါ တစ်ယောက်တည်း မထိုင်ချင်ပါဘူး လုို့ ပြောတော့ တိမ်ဖြူလေးက ငါရှိတယ်လေ တဲ့။ အို . ဟုတ်သားပဲ။ ကျွန်မ တိမ်ဖြူလေးနဲ့ ကော်ဖီဆုိုင် ထုိုင်လုို့ ရတာပဲ။ တိမ်ဖြူလေးကို ကျေးဇူးတင်လုိုက်တာ။ ကော်ဖီဆုိုင်က အပြင်ထုတ်ထားတဲ့ နေရောင်နုနုလေးတွေအောက်က စားပွဲလေးမှာ ကျွန်မတို့ အတူထိုင်လုိုက်ကြတယ်။ ကော်ဖီ နှစ်ခွက်လုို့ ကျွန်မက မှာတော့ ဆုိုင်ရှင်က ကျွန်မတုို့ကိုကျော်ပြီး နောက်ကို လှမ်းကြည့်တယ်။ ဘယ်သူများ ပါသေးလဲ ပေါ့။ ညံ့လိုက်တဲ့ လူကြီးနှယ့်။ ကျွန်မပုခုံးပေါ်က တိမ်ဖြူလေးကို ရှင်မတွေ့ ဘူးတဲ့လား … ။
ကော်ဖီဆုိုင်ကလေးမှာ ထုိုင်ပြီး တိမ်ဖြူလေးနဲ့  ကျွန်မ စကားတွေ တမေ့တမော ထုိုင်ပြောကြတယ်။ အချိန် နာရီတွေကို ရေတွက်ကြတယ်။ နောက်ပြန်လှည့်လို့ မရတဲ့ ကံတရားကို ခပ်ဆဆလေး ဆင်ခြင်ကြည့်ကြတယ်။ မမြင်ရတဲ့ အနာဂါတ်ကိုတော့ ကျွန်မတုို့ ဘာသိဘာသာလုပ်ပြီး ရှောင်လွှဲနေလုိုက်ကြတာ အကောင်းဆုံးပဲ မဟုတ်ဘူးလား။ တိမ်ဖြူလေးက ကျွန်မထက် အများကြီး လက်တွေ့ကျပြီး အရာရာကို ခေါင်းအေးအေး ဖြေရှင်းတတ်တယ်။ တကယ်တမ်း သွေးပူတတ်သူက ကျွန်မပါ။ ဒါပေမယ့် ရေခဲမြစ် တစ်စင်းလို အေးခဲနေတဲ့ ဘဝထဲ အပူစ တစ်စ ဖြတ်ဝင်ပြီဆို သိပ်တော့ မသိသာလှဘူးလုို့ ပြောရင်ရမလား .. ကျွန်မ သွေးပူတာကုို တိမ်ဖြူလေး တစ်စင်းပဲ သိတာပါ။ ဘယ်သူမှ မသိလုိုက်ကြဘူး။ အများအမြင်မှာတော့ ကျွန်မက သွေးအေးသူပေါ့။
ကော်ဖီသောက်ပြီးတယ်ဆုိုရင်ပဲ ကျွန်မ ဖုန်းခေါ်ကြည့်တယ်။ နံပါတ်တွေ တစ်ခုပြီး တစ်ခု။ မိတ်ဆွေ ဆိုတဲ့ သူတွေ တစ်ယောက်ပြီးတစ်ယောက်။ ဘယ်သူမှ ဖုန်းကိုင်မယ့်သူ မရှိဘူး။ ဒါနဲ့ ကျွန်မတို့ ထုိုင်ရာက ထထွက်လာခဲ့ကြပြီး တစ်နေရာပြီး တစ်နေရာ လျှောက်သွားနေလုိုက်တယ်။ ဘယ်သူမှလည်းမတွေ့ ခဲ့ဘူး။ နောက်ဆုံး ကျွန်မတို့ အိမ်ပြန်လာခဲ့ကြတယ်။ အိမ်ထဲမှာလည်း ဘယ်သူမှ ရှိမနေဘူး။ ဒီနေ့ တနင်္ဂနွေဆုိုတော့ အားလုံး အပြင်သွားကြတယ် ထင်ပါရဲ့ ..။ တိမ်ကလေးကတော့ ကျွန်မကို အိမ်ထဲမှာ စိတ်ချလက်ချထားသွားခဲ့ပြီ။ မီးဖိုချောင်ထဲ ဝင်လာတော့ စားပွဲပေါ်မှာ စားစရာတစ်ချို့ တင်ထားတာ တွေ့ရတယ်။ ရာသီဥတုနဲ့ အပြိုင် အေးစက် နေမယ့် ညနေစာကို ကျွန်မ ထားရစ်ခဲ့လုိုက်တယ်။ ကျွန်မမှာက လင်းဒီပလို စားပွဲပေါ်မှာ သူငယ်ချင်း လုို့ ခေါ်လုိုက်ဖုို့ ပန်းအိုးလေး တစ်အိုးတောင် ရှိမနေခဲ့ဘူးမဟုတ်လား။
ဒီလိုနဲ့  ပိတ်ထားခဲ့မိတဲ့ ကျွန်မရဲ့ ညနေခင်းကလေးကို စိတ်မသက်မသာနဲ့ပဲ ချောက်ကနဲ လှမ်းဖွင့်လုိုက်မိတယ်။ ပြတင်းပေါက်တွေ တစ်ပေါက်ပြီး တစ်ပေါက် ..။ အရိပ်တွေ တစ်ခုပြီးတစ်ခု။ ကျွန်မဆီ ဆင်းအန်ကျလာတယ်။ တချို့ အရိပ်တွေက အားဆေးနဲ့ တူပြီး တချို့ အရိပ်တွေက ဘေးထွက်ဆုိုးကျိုးများတဲ့ အသက်ကယ်ဆေးတွေနဲ့ တူတယ်။ တချို့ အရိပ်တွေကတော့ အမှိုက်သက်သက်ပါပဲ။ အမှိုက်တွေကို အသာခပ်ဆယ်ထုတ်ပစ်လုိုက်ပြီး ရေကြည်ကြည်တွေကို အငန်းမရ မော့သောက်လုိုက်မိ ပြန်တယ်။ ပွင့်နေတဲ့ ညနေခင်းကတော့ ကျွန်မကို မနှစ်မျို့သလို ကြည့်နေတုန်း။ ဘာတတ်နုိုင်မလဲကွယ်။ တစ်ရံတစ်ခါဆီကျရင်တော့ ကျွန်မ အမှိုက်တွေမပါတဲ့ ရေကြည်ကြည်တွေချည်း သောက်ခွင့်ရပါလိမ့်မယ် ။ ထင်တယ်။
ကျွန်မ နားထဲမှာတော့ အသံတွေ။ အသံတွေ။ ရုတ်တရက်တော့ ကျီးသာသံတွေပဲ ကြားလုိုက်ရသလို .. ဓမ္မတေးသံပြိုင်တွေ ကြားလုိုက်ရသလို ..။ လက်ဘက်ရည်ဆုိုင်တွေဆီက ပျံ့လွင့်လာတတ်တဲ့ သီချင်းသံတွေကိုပဲ ကြားလုိုက်ရသလို..။ ကျွန်မ မိတ်ဆွေတွေရဲ့ အော်ဟစ် ငြင်းခုန်သံတွေကိုပဲ ကြားလိုက်ရသလိုလို။ နောက်တော့လည်း အရာအားလုံးက တိတ်ဆိတ်လို့။ ကျွန်မ အသက်ရှူသံတောင် ကျွန်မ ပြန်မကြားရတော့ဘူး။ နောက်ဆုံးတော့လည်း ထုံးစံအတုိုင်းပါပဲ။ ကျွန်မ ပြက္ခဒိန်တွေကို စိတ်လိုလက်ရ ဆုတ်ဖြဲပစ်လိုက်တော့ နောက်ထပ် တနင်္ဂနွေတစ်ခု ခပ်လှမ်းလှမ်းမှာ ရပ်နေတာကို တွေ့လုိုက်ရတယ်။ နောက် တနင်္ဂနွေတွေမှာလည်း ကျွန်မ တိမ်ဖြူလေးကို ခေါ်ပြီး လူသူမရှိတဲ့ လမ်းမတွေပေါ် လှမ်းလျှောက်နေမိဦးမလား။ မသေချာဘူး။ တိမ်မဲညိုတွေ မှုန်မှိုင်း အုံ့ဆုိုင်းနေတယ်ဆုိုရင်တော့ ကျွန်မ လမ်းထွက်လျှောက်ဖြစ်လိမ့်မယ် မထင်ဘူး။ မမြင်ရတဲ့ စိတ်ထဲက ရေတွင်းလေးဆီ ငုံ့ကြည့်လုို့ နှင်းရေ လုို့ အော်နေမိလိမ့်မယ်။ နေရောင်တွေ လတ်ဆတ်နေတဲ့ နေ့တွေဆုိုရင်တော့ တိမ်ဖြူလေးနဲ့ အတူ လမ်းတွေကို ဆက်လျှောက်နေမိမှာပေါ့။ စကားပွင့်ကြွေတွေကို ကောက်ရင်း၊ ရွက်ကြွေတွေ ကောက်ရင်း၊ ကတ္တဝါကြီးနဲ့  စကားစမြည်ပြောရင်း ၊ ကျွန်မကို စောင့်နေမယ့် ibis ကြီးကို နှုတ်ဆက်ရင်း ဘယ်တော့မှ မကိုင်တဲ့ ဖုန်းတွေကို ခေါ်ကြည့်ရင်း ၊ ဘယ်သူ မှ မရှိတဲ့ နေရာတွေကို တစ်လမ်းဝင်တစ်လမ်းထွက် လျှောက်ကြည့် နေမိရင်း ……….
ဟော .. ညနေခင်း မြူတွေ သဲသဲလှုပ် ပြိုကျလာပြန်ပြီ။ အဲဒီ တနင်္ဂနွေရောင် မြူငွေ့ တွေနဲ့အတူ ညိုကျ ပျောက်ဆုံးသွားတော့မယ့် တနင်္ဂနွေနေ့လေးက ကျွန်မကို ငေးကြည့်နေတယ် ..။ မကြာခင် ပြန်ဆုံကြမှာပါကွာ လုို့ ခပ်တည်တည်နဲ့ လူတတ်ကြီး လုပ်ပြီး နှစ်သိမ့်မိတော့ တနင်္ဂနွေနေ့လေးက ပြောတယ်။ နောက်တစ်ခါ တွေ့မယ့် တနင်္ဂနွေဟာ ငါဖြစ်လိမ့်မယ်လုို့ မင်းယုံကြည်လုို့ လားတဲ့။ အသေးစား ငလျင်တစ်ခု ဖြတ်သန်းသွားသလို ကျွန်မ အကြီးအကျယ် တုန်လှုပ်သွားတယ်။  ထုံးစံအတုိုင်း ဘယ်သူမှ မသိလုိုက်ဘူး။ ဒါပေမယ့် အဲဒီတနင်္ဂနွေနေ့က စလို့ ကျွန်မ သွေးအေး မာကျောဟန်ဆောင်ထားတဲ့ အကြည့်တွေနဲ့ တနင်္ဂနွေတွေကို မယုံသကာင်္ လိုက်ကြည့်နေမိတော့တယ်။
မနော်ဟရီ
၂၁.၅.၂၀၁၃