နွေဦးရာသီရဲ့ပထမဆုံးနေ့

Saturday, February 28, 2009


နွေဦးရာသီရဲ့ပထမဆုံးနေ့


ဒါဟာနွေဦးရာသီရဲ့ပထမဆုံးနေ့ဖြစ်တယ်။
ကောင်းကင်ပြင်အရောင်ပြောင်းပုံကအစ..တောင်တန်းကြီးတွေတဖြည်းဖြည်းအ၀ါရောင်
သန်းလာတာအလယ်၊ပန်းပွင့်တွေကဗျာကယာပင့်သက်ရှိုက်လိုက်တာအဆုံး၊အားလုံးဟာသက်
သေတွေချည်းပါပဲ။..အဲဒီနေ့ရက်နဲ့..အလားသဏ္ဍန်တူတဲ့ပစ္စုပ္ပန်တစ်ခုဟာကျွန်မပေါ့..။ခြေမဲ့
လက်မဲ့နဲ့..ရွေးချယ်ခွင့်မရှိတဲ့တောင်တန်းလေးဟာလည်းကျွန်မပါပဲ။..လူတချို့က.ကျွန်မကို
နွေဦးပေါက်ပြီ..ဆိုတဲ့အကြည့်နဲ့ကြည့်ကြည့်သနားသွားကြတာကလွဲရင်..လောကကြီးဟာနေ
လို့ထိုင်လို့ကောင်းပါတယ်။..ခက်တာက..ကျွန်မကလည်းအဲဒီအကြည့်တွေကနေသက်သာပါ
စေတော့ရယ်လို့..လူ..တွေကို..ဆိုက်ကလော့..(cyclops)တွေအဖြစ်ပြောင်းပေးနိုင်တဲ့
တန်ခိုးသတ္တိရှိမနေခဲ့ပြန်ဘူး။ကျွန်မဆီ..တလှည့်ပျံသန်းလာဦးမယ့်ရေခိုးရေငွေ့တွေကို..ကျွန်
မမျှော်လင့်မနေချင်ဘူး။..တကယ်တော့..ကျွန်မဟာကြံ့ခိုင်မှုရှိတဲ့တောင်တန်းလေးသာဖြစ်
တယ်..။အ၀ါရောင်သန်းနေတာကလွဲရင်ပေါ့...။
တစ်ခါတစ်လေတော့လည်း..အနံ့အရသာနဲ့ပြည့်စုံတဲ့သီချင်းတွေကိုလွမ်းဆွတ်မိတာပေါ့.။
ဘယ်လိုဂီတမျိုးကများ..ကျွန်မဆီရွေ့မျောရောက်ရှိလာနိုင်မှာလဲ။ကျွန်မက.တောဘွဲ့၊တောင်
ဘွဲ့တွေကိုမနှစ်သက်ဘူး။အမြဲစိမ်းဂီတတွေကိုလည်းယုံကြည်သက်ဝင်မှုမရှိပြန်ဘူး။ကျွန်မနှစ်လို
တဲ့ဂီတတွေရှိရာကိုလည်းကျွန်မက..ခရီးမထွက်နိုင်ဘူး။တကယ်တော့..ကျွန်မဟာကြံ့ခိုင်မှုရှိ
တဲ့တောင်တန်းလေးသက်သက်ပါပဲ။ရွေးချယ်မှုမရှိတာကလွဲရင်ပေါ့...။
နွေဦးရာသီရဲ့ပထမဆုံးနေ့မို့လားမသိဘူး.။အားလုံးဟာ..ကျွန်မပျင်းစရာကောင်းလောက်
အောင်ကိုဝါတာတာနဲ့..။သာယာမှုလေးတော့မဆိုစလောက်ဖူးပွင့်လာခဲ့ပါရဲ့။ဒါပေမယ့်..ကျွန်မ
နှစ်လိုတဲ့..ရနံ့မျိုးမဟုတ်ပြန်ဘူး...။ငှက်ကလေးတွေသီချင်းဆိုသံကိုလည်းမမြင်ရဘူး..။
Nightingale..ဆိုတဲ့ငှက်ဟာ..ဒဏ္ဍာရီထဲကငှက်တစ်ကောင်များလား..။ဘ၀တွေအဆင့်
ဆင့်ခြားသွားတဲ့..တောင်ကျချောင်းရေလေးလို..ကျွန်မဆီဘယ်တော့မှပြန်စီးမျောလာတော့
မှာမဟုတ်တဲ့..အရောင်စစ်စစ်တွေကိုငံ့လင့်နေမိရင်..ကျွန်မလောက်ရူးသွပ်မိုက်မဲသူရှိပါတော့
မလား...။တကယ်တော့..ကျွန်မဟာကြံ့ခိုင်မှုရှိတဲ့.အ၀ါရောင်တောင်တန်းလေးတစ်ခုသက်
သက်ပါပဲ...။အရာအားလုံးကို..တရားနဲ့ဆင်ခြင်ဖြေသိမ့်တတ်လာတာကလွဲရင်ပေါ့...။
နွေဦးရာသီရဲ့ပထမဆုံးနေ့ကလေးမှာ..ကျွန်မဆီပျံသန်းလာမယ့်.လိပ်ပြာလေးတစ်ကောင်
တလေများရှိမလားလို့လည်း..ကျွန်မ..မမျှော်လင့်ခဲ့ဘူး။နားလည်မှုတွေတနင်တပိုးထမ်းထားရ
တဲ့စပျစ်ခိုင်လေးလိုပဲ..ကျွန်မ..ကောင်းကင်ကို..ရီးလေးခိုနေလိုက်တော့မယ်။တကယ်ဆို...
ကျွန်မဟာ..အ၀ါရောင်မဖြစ်ခဲ့သင့်ဘူး။ဒါပေမယ့်..ဖြစ်ခဲ့ပြီးပြီ..။ဘာတတ်နိုင်မှာမို့လဲ...။ကျွန်
မဟာ..အရွေးချယ်ခံ..တောင်တန်းလေးသက်သက်သာဖြစ်တယ်မဟုတ်လား...။ဘ၀ကိုထိုး
ဇာတ်တင်ခွင့်..မရှိဘူး။ဇာတ်ညွှန်းရေးခွင့်မရှိဘူး..။ကဗျာဖွဲ့ခွင့်မရှိဘူး...။ရထားတဲ့စာမျက်နှာ
တွေကို..ဘုရားသခင်ဆီမှာမျက်ရည်ခံထိုးပြင်ဆင်ခွင့်မရှိဘူး..။တကယ်တော့..ကွန်မဟာ...
ကြံ့ခိုင်တဲ့..အ၀ါရောင်တောင်တန်းလေးဖြစ်ခွင့်ရတာကိုပဲ..ကျေနပ်ရမယ့်သူပါ..။
နွေဦးရာသီရဲ့ပထမဆုံးနေ့ဟာ..ကျွန်မကိုယ်တိုင်ပဲဖြစ်နေပြန်တယ်။ယောက်ယက်ခတ်ရှုပ်
ထွေးနေတတ်တဲ့..အိပ်မက်တွေကို..စနစ်တကျရှင်းလင်းထားသိုရင်း..ကြည်လင်ပြာစင်တဲ့..
ကောင်းကင်ကိုပဲ..ကျွန်မအဖော်ပြုနေရတော့မယ်ထင်ရဲ့..။တစ်ချိန်က..ကျွန်မဟာ..မိုးရွာခဲ့
ဖူးသလား....မုန်တိုင်းထန်ခဲ့ဖူးသလား....နှင်းကျခဲ့ဖူးသလား...တားမြစ်ချက်တွေကိုကျော်
လွန်ပြီး..ရေလွှမ်းမိုးခဲ့ဖူးသလား.......။ကမ်းပါးတစ်ချို့ကိုပျက်ပြိုစေခဲ့ဖူးသလား။ဘာပဲဖြစ်
ဖြစ်...လောလောဆယ်မှာတော့..ကျွန်မဟာ..ကြံ့ခိုင်တဲ့တောင်တန်းလေးသက်သက်ပါပဲ..။
နွေဦးပေါက်နေတာကလွဲရင်ပေါ့..။
ဟိုး...အဝေးမှာ..မကြာခင်...နွေတွေခပ်စိပ်စိပ်ရွာကျလာတော့မယ်..။အလိုမတူပဲ..
ဖြတ်သန်းသွားကြဦးမယ်..။ငြင်းပယ်ခွင့်ကျွန်မမှာမရှိသလို..ရွေးချယ်ခွင့်လည်းမရှိခဲ့ပါဘူး...။
တောင်တန်းလေးတစ်ခုသင့်ဆီရွေ့မျောလာမယ့်နေ့ကိုသင်စောင့်နေခဲ့တယ်ဆိုရင်...သင့်နုပျိုမှု
တွေ..နွေဦးရာသီနဲ့အတူပျောက်ဆုံးသွားလိမ့်မယ်။တကယ်တော့..ကျွန်မဟာ..ကြံ့ခိုင်မှုရှိတဲ့
အ၀ါရောင်တောင်တန်းလေးသက်သက်ပါ..။နွေဦးပေါက်နေခဲ့တာကလွဲရင်ပေါ့..။
တကယ်လို့များ..နွေဦးပေါက်ရာသီ..ပထမဆုံးနေ့ရဲ့..ရနံ့ကို..သင်ရရှိခဲ့မယ်ဆိုလို့ရှိရင်
ညင်ညင်သာသာကလေး..ရှုရှိုက်ကြည့်လိုက်ပါ...။အဲဒီရနံ့ဟာ..အ၀ါရောင်ဖြစ်နေပါလိမ့်မယ်။

မနော်ဟရီ


စောင့်ကြည့်ငှက်

Thursday, February 26, 2009

စောင့်ကြည့်ငှက်

မနေ့က……….
ကမ္ဘာမြေကိုခေါက်တုံ့ခေါက်ပြန်အော်ခေါ်ကြည့်တဲ့အခါ
အပြာရောင်သစ်ရွက်တစ်ရွက်ထိုးစိုက်ဆင်းချလာတယ်
ငါ့အိပ်မက်ဝါတာတာတွေ နဲ့ရောနှော
တစ်တောလုံးတစ်တောင်လုံးအားပါးတရစိမ်းထသွားလိုက်ကြပုံ
ငါ……..ရင်ခုန်လို့မရဘူး...........


ငါ့ကိုတရားဦးလာဟောလှည့်စမ်းပါ
အဲဒီနေရာဟာ နေသာပါတယ် ဆိုတဲ့စကားလုံးမပါစေနဲ့
ပြတင်းဝကလှမ်းကြည့်လို့မှ ကိုယ့်ကောင်းကင်ကိုယ်မမြင်ရတဲ့ည
အဲဒီညကိုငါ..စိတ်မချဘူး


ကြယ်တွေကိုဟစ်အော်ပေါက်ကွဲပြရတာလည်းမောတယ်
နာမည်တွေတသီးတသန့်နဲ့ခန်းနားပြနေတဲ့မြို့ရွာတွေကိုလည်းမုန်းတယ်
ငါ့သီလနဲ့ငါလုံခြုံနေတဲ့အမေ့အိမ်ကလေးလောက်တော့
ဘယ်ဟာမှဖြန့်ကျက်အုပ်မိုးပေးထားနိုင်မှာမဟုတ်ဘူး…


ငါ့ကိုထူးလိုက်စမ်းပါကမ္ဘာမြေရေ..
ငါ့အသံကိုမြင်ကြည့်လိုက်စမ်းပါ
ငါ့ကောင်းကင်ရဲ့အရောင်တွေကိုနားစွင့်လိုက်စမ်းပါ
ငါ့ရှေ့ကအမှောင်ကိုကောင်းချီးပေးလိုက်စမ်းပါ
ငါ့အတောင်တွေကို ရွှေချပစ်လိုက်စမ်းပါ…


ဒီမှာ………
ငါဟာ…ကမ္ဘာကိုစောင့်ကြည့်နေတတ်တဲ့ငှက်တစ်ကောင်ပါ
ပျံသန်းခွင့်ဆိုတာက ကိုယ့်စိတ်သမုဒ္ဒရာထဲမှာကိုယ်တစ်ကိုယ်ရေဖြန့်ခင်းချလို့ရသလို
ကိုယ့်ကိုယ်ပိုင်ရေတွင်းလေးထဲမှာလည်းတစ်ကိုယ်ရေကျဉ်းမြောင်းခွင့်ရနိုင်သေးတာပဲ
ကိုယ့်..စံ..သတ်မှတ်ချက်တွေ နဲ့ အရာရာဟာ ဖီဆန် လွဲသွေ..
ငါ ဘာလို့ သေဆုံးမသွားသေးတာလဲ…………



ခုတော့…….
ကိုနိုင်မွန်အောင်သွင်ရေ..ဟေ့လူ..လို့ခေါ်မယ့်သူလည်းမရှိ
တောချောက်တောင်ခြောက်မှာလည်းမပူရ…
ကိုထိန်ရေ…တစ်ကြောင်းဆွဲပုံတူတွေလည်းမရှိ..
မှန်မကြည့်ချင်မှာလည်းမပူရ
ကိုသက်ဇော်ရေ....ဇာတ်ညွှန်းအစစ်ဆိုတာလည်းမရှိတော့
တင်ဆက်ကပြနေဖို့လည်းမပူရ…
အဲဒီနေရာက………………….အလွမ်းတွေနဲ့ပြာကျနေတဲ့အရပ်ဖြစ်တယ်။


ငါ့ကိုခေါ်ပါ
ငါ့နာမည်မပါတဲ့တေးတစ်ပုဒ်ကိုထမ်းလာခဲ့ပါ
ငါ့အိပ်မက်တွေနဲ့ဝေးရာတောင်တန်းတွေဆီမှာအထီးကျန်
ငါ..မာန် ..ဆိုတာတွေကိုခဏခ၀ါချ လို့
တိတ်တိတ်ကလေး..တွေးနေချင်တယ်
ငါ့နာမည်မပါတဲ့တေးတစ်ပုဒ်နဲ့ပေါ့……….



ငါကိုယ်တိုင်ထိုးစိုက်ပျံဆင်းလာမယ့်နေ့ရက်ကိုစောင့်ကြို
ကမ္ဘာမြေရေ..နင် ငိုမနေနဲ့တော့နော်….။ ။

မနော်ဟရီ


ဒဏ်ရာရစိတ္တဇတေးသွားနှင့်...

Wednesday, February 25, 2009

ဒဏ်ရာရစိတ္တဇတေးသွားနှင့်မိတ်ဆွေတစ်ယောက်ရှိခဲ့ဖူးသည်...
...ဆိုတာ..သုံးယောက်တွဲ ၀တ္ထုလတ်တွေပါ။
မကြာခင်ထွက်ပါတော့မယ်။
ထွက်တဲ့ခါကျရင်...တစ်ယောက်တစ်အုပ်ဝယ်လိုက်ကြပါ..း)လို့မပြောပါဘူး
.....ကျွန်မစာမူကတော့ပါလာတာမို့တင်ပေးမယ်လို့စိတ်ကူးထားပါတယ်။
စာမူကတော်တော်ရှည်တာမို့ ကလဲ့စားခြေခွင့်တော့ကြုံပြီရယ်လို့လည်းကြိတ်
ပြုံးလိုက်ပါသေးတယ်။ ...!_!
ကျေးဇူးပြုပြီး အဲဒီစာအုပ်ထွက်တယ်များကြားရင်လက်တို့ပေးကြပါ....
အမြန်တင်ချင်လို့ပါ။
အဖုံးပန်းချီရော အတွင်းသရုပ်ဖော်ပန်းချီတွေရော..ကိုရေးဆွဲသူကပန်းချီ
ဆရာလေး ခေတ်ဘုန်းမိုး ဖြစ်ပါတယ်။



ဇာတ်ညွှန်းအစစ်

Tuesday, February 24, 2009

ဇာတ်ညွှန်းအစစ်


ရာသီဥတု




ကိုယ်ကိုယ်တိုင်ဖန်ဆင်းခဲ့တဲ့..မြူနှင်းတွေက..ကိုယ့်ကိုပြန်ရစ်သိုင်းထားတဲ့ည..။
ကောင်းကင်တစ်ခုလုံး..ကြယ်လေးတစ်လုံးတစ်လေမှ…ခရီးထွက်တာမမြင်ရဘူး။
ထုံထိုင်းအေးစက်စပြုလာချိန်မှာပဲ..စူးရဲတောက်ပတဲ့ရောင်ခြည်တန်း……။
ကိုယ့်ရင်ကိုဖြတ်သန်းသွားတယ်။
တကယ်တော့..မုန်တိုင်းရဲ့မျက်စိ..ဆိုတာကလည်း..တဒင်္ဂပါပဲ……။

အခင်းအကျင်း



ကိုယ့်ပြတင်းဝမှာ..မာယာကို..ဖဲကြိုးလှလှလေးတွေနဲ့စည်းနှောင်ချထားခဲ့တယ်။
ကိုယ့်ရဲ့ကွန်ပျူတာဖန်သားပြင်ပေါ်မှာတော့..ရေးလက်စ..အသစ်စက်စက်..Game Program
တစ်ခု……..။
ဒိုင်ယာရီခရမ်းရောင်ထဲမှာတော့…အောင်မြင်ခဲ့ပြီးတဲ့.. Game Programတွေနဲ့ရက်စွဲတွေ..။
အံဆွဲထဲမှာတော့..တမင်တကာ..မသိချင်ယောင်ဆောင်ပြီး..ထိုးကြိတ်ဝှက်ထားခဲ့တဲ့…အထိမ်း
အမှတ်အလံဖြူတစ်လက်…….။
ဘာမှမသိလိုက်ခင်မှာပဲ..စားပွဲပေါ်မှာပန်းစိုက်အိုးတစ်အိုးတိုးလာခဲ့ပြီ။
ရီဝေမွှေးမြတဲ့အ၀ါရောင်နှင်းဆီပန်းတွေရဲ့ ရနံ့က..သ၀န်တိုမှုဆန်လွန်းနေတယ်။

ရက်စွဲ





ကံကြမ္မာလှည်းဘီးက..တစ်ပတ်ပြန်လည်လာတဲ့နေ့…။
အဲဒီနေ့မှာပဲ..နက္ခတ်တွေက..ကသောင်းကနင်းနဲ့….။နတ်ဆိုးတစ်စုရဲ့ညီလာခံကလည်း.
.၀ရုန်းသုန်းကားအောင်မြင်လို့…..။
ဧကရာဇ်ပန်းတွေကလည်းဖွေးဖွေးလှုပ်ကြွေနေလိုက်ကြတာ………။
မာယာ..ဆိုတာလည်းရင်ထဲကလာတာပါ…အဖိုးအခပေးရပါတယ်။
သေချာပါတယ်…။ဒီနေ့ဟာ..စေတန်ရဲ့မွေးနေ့တစ်နေ့ဖြစ်လိမ့်မယ်။

ပတ်ဝန်းကျင်



တကိုယ်ရေနှင်းပန်းရနံ့တွေက..အေးစက်စူးရှလှချည့်။
ဆူးတကားကားနဲ့..ဟန်ဆောင်ကောင်းတဲ့နှင်းဆီပွင့်တို့ရေ..ဒီတစ်ခါတော့ဖွေးဖွေးလှုပ်နေတဲ့…..
စပယ်တွေကိုအရှုံးပေးလိုက်ရပါပြီကော…..။
အစိမ်းရင့်ရောင်လေပြင်းတစ်ချက်နဲ့အတူပါလာခဲ့တဲ့…ခပ်သင်းသင်းစပယ်နံ့တွေဟာ….
ကိုယ့်အတွက်တော့သူစိမ်းပြင်ပြင်ပါပဲ…………။
ဘ၀မှာတစ်ခါမှအဖြူရောင်တွေကိုမမြတ်နိုးခဲ့ဖူးပါဘူး….။

သရုပ်ဆောင်ချက်




သတိတရနဲ့စားပွဲပေါ်ကပန်းစိုက်အိုးကလေးကိုအံဆွဲထဲထိုးအထည့်မှာ….အလံဖြူလေးကိုရေ
တွေဖိတ်စင်စိုရွှဲသွားတယ်။
ဒါပေမယ့်..ဂရုမပြုအားပါဘူး။
အီတာလျံပန်းချီကျော်ကြီးနဲ့…ပန်းချီကားတစ်ချပ်လဲလှယ်ဖို့ချိန်းဆိုထားတာ..ပျက်ကွက်လို့မဖြစ်
ဘူးလေ……။
မွန်းတည့်နေဟာ…မြူဆိုင်းနေလျက်က..ရင်ထဲထိပူတယ်။

ဇာတ်ရံ




အလင်းရောင်အောက်မှာပျော်ခဲ့ဖူးတဲ့ရက်တစ်ချို့ရှိတယ်။
ခုတော့လည်းကောင်းကင်တော်ရဲ့..ရာသီဥတုက..မှိုင်းပျပူဝေလို့…….။
အားနည်းတဲ့အလင်းရောင်အောက်မှာ..ခံစားချက်ကအစ..ဘာမှမသဲကွဲဘူး..။
ပြီးဆုံးသွားတဲ့အချိန်ကျတော့မှ…လက်ထဲမှာ..သီကုံးထားခဲ့တဲ့..ခံပွင့်လေးတွေကိုတွေ့ရတယ်။

တစ်ခန်းရပ်




……….ကတ်……..
……………………
……………………….

ညနေခင်း



မီးတောင်တစ်ခုကို..ဘယ်ဘက်အိတ်ကပ်ထဲထည့်ပြီး..လမ်းလျှောက်ထွက်ခဲ့လိုက်တယ်။
ညနေခင်းကို..အလျားလိုက်မျိုချရတာ….မချိမဆန့်ရှိလိုက်တာ………။
ထိုးကြိတ်ကြပ်ညပ်နေအောင်သိပ်ထည့်ခံထားရပြီး..သီချင်းတွေကိုဆွဲထုတ်ပေးနေတဲ့အမည်း
ရောင်သေတ္တာလေးကိုကြည့်ပြီး…..I must envy you…..ဆိုတဲ့ စတေကာလေးကပ်ပေးလိုက်
တယ်။
မကြာခင်မှာအေးစိမ့်မှောင်မဲလာတော့မှာ…..။

အိပ်မက်



စာမျက်နှာပေါ်ကတရစပ်အိပ်မက်တွေကသိပ်အစပ်အဟပ်မတည့်လှဘူး..။
အရသာရှိအောင်တစ်ခုခုလုပ်ရင်ကောင်းမလား….။
ဒီအတိုင်းသိုလှောင်ထားရင်ကောင်းမလား…….။
ခင်ဗျားလည်းကူစဉ်းစားစမ်းပါ……….။

ဇာတ်သိမ်း




ည………ဆယ့်နှစ်နာရီတိတိမှာ…နေ့သစ်တစ်ရက်တိုးလာတယ်။
ဒါ..ဖြစ်စဉ်ပါ….။
ကိုယ့်အလှည့်ကျကာမှ…….ဘ၀ကသန်းခေါင်တည့်နေတာတောင်နေ့သစ်မရနိုင်သေးဘူး..။
ဘယ်တော့များမှ………..။ ။
မနော်ဟရီ
Faces Magazine , 2002

ပုံတွေကို Google Image Search ကရယူပါတယ်။


ပင်လယ်ရေသောက်သုံးသူများ

Sunday, February 22, 2009

ခုတလောကဗျာတွေချည်းတင်တင်နေလို့စိတ်ညစ်နေကြပြီလားမသိဘူး။လူကလည်းစိတ်ညစ်နေ
ရင်ကဗျာခပ်ပြင်းပြင်းတွေလောက်ပဲတိုးတော့တယ်။မဟုတ်လို့ကတော့ဘာမှကို.ဖြေဆေးမရှိ.ဆို
တာမျိုးပဲ။..
ဒီနေ့တော့.သစ်ကောင်းအိမ်..ကိုတောင်းထားတဲ့ကျွန်မရဲ့ကဗျာလေးရောက်လာတယ်။...အဲဒီ
ကဗျာက..ပိတောက်ပွင့်သစ်..ထဲမှာပါသွားတဲ့ကျွန်မ..ကဗျာပါ။ပင်လယ်ရေသောက်သုံးသူများ
တဲ့။လွန်ခဲ့တဲ့၁၃နှစ်ကျော်ကရေးခဲ့တဲ့ကဗျာပါ။၉၅-၉၆ကာလဆီကကျွန်မ..ပိတောက်ပွင့်သစ်ကို
ပို့ထားတဲ့ကဗျာပါ။..ဦးစိမ်းနီတို့အသိမ်းကောင်းပုံက..တိုက်တွေပြောင်း..အယ်ဒီတာတွေသာ
ပြောင်းရော...ကဗျာတွေကပျောက်မသွားဘူး။တော်တော်ကိုအသိမ်းကောင်းတာပါ။၂၀၀၆.က
ပိတောက်ပွင့်သစ်ပြန်လုပ်တော့ကိုတင်သစ်တို့ကိုင်ပါတယ်။ကိုထိန်လင်းလည်းအဲဒီတုန်းကကိုတင်
သစ်တို့နဲ့တတွဲတွဲဆိုတော့ပိတောက်ပွင့်သစ်တွက်စာမူတောင်းတော့လည်းပေးလိုက်သေးတယ်.။
ဦးစိမ်းနီက..ကျွန်မဆီဖုန်းဆက်ပြီးကဗျာတောင်းတယ်။မရရင်အရင်ရှိတာပဲထည့်လိုက်မယ်ဆို
တော့ကျွန်မကကိုထိန်တို့နဲ့ပေးလိုက်တဲ့ကဗျာမှတ်လို့..အင်း..ပေါ့..။ဖြစ်ချင်တော့သူဖုန်းဆက်
တဲ့အချိန်တိုင်းကဖုန်းလိုင်းမမိချိန်၊အလုပ်တွေမတရားများနေချိန်တွေချည်းပဲဆိုတော့..အင်း..
လိုက်မိတာပါ။
နောက်မှ..ကိုဇော်မိုးလွင်(စစ်ကိုင်းဦးအေးလွင်ရဲ့သား..ကဗျာဆရာတစ်ယောက်ပါပဲ။သူ့ကဗျာ
တွေကိုကျွန်မတင်ပေးပါဦးမယ်)က..ကျွန်မဆီဖုန်းဆက်ပြီး..ခင်ဗျားကဘာလုပ်တာလဲ..ရှေး.
ပဝေသနီကကဗျာအဟောင်းကြီးကိုပေးတယ်လို့ပြောတော့မှ..ကျွန်မဒီကဗျာမှန်းသိတော့တာ.။
၂၀၀၆မှာပေးလိုက်တဲ့စာမူကတော့ပသို့ရှိသည်မသိ။ဦးစိမ်းနီအသိမ်းကောင်းကောင်းနဲ့ထပ်သိမ်း.
ထားပြီး..နောက်..၁၃..နှစ်ကျော်မှတစ်ခါထည့်မယ်ဆိုရင်တော့.....း)


ပင်လယ်ရေသောက်သုံးသူများ

နေ့ရက်တချို့ကို
မျှော်လင့်ချက်တွေပေးပေးပြီး ၀ယ်ယူထားလိုက်တာ
မဟာတံတိုင်းကြီးကတောင် ငေးမောနေခဲ့ရပေါ့....။

လိုအပ်သမျှ ထုတ်ယူသုံးစွဲဖို့
…မျှော်လင့်ချက်...တို့ကို ရယူထားတဲ့
အဲသည်ပင်လယ်ပြင်ကြီးဆီမှာ
ငါ…..အကြွေးတင်ခဲ့ပေါ့....။

တိုးရင်းပေါင်း+ အတိုး
တိုးရင်းပေါင်း+......
စုပုံထပ်ကျလာတဲ့ဆားပွင့်တွေ
အာသာ မပြေနိုင်တော့။

အဆာပြေငါးလေးတကောင်တလေမှ
ယောင်မှားပါမလာတဲ့ ငါ့ခံတွင်းဝထိပ်မှာ
ဘာသတ္တ၀ါစောင့်နေပါလိမ့်......။

ကိုယ်အိမ်ကိုယ်ထမ်းသွားကြတဲ့ ခရုတွေထက်
အိုးမဲ့အိမ်မဲ့ ၀င်ကစွတ်တွေကသာနေတာ
ဘာကြောင့်ပါလဲ.........။

ထူပြောလိုက်တဲ့အန္တရယ် …တွေ… တဲ့
ခက်တာက
လှိုင်းတလုံးတလေကမှ ငါ့ကိုရိုက်ချမသွားခဲ့လေခြင်း......။

ထောက်ထောက်ညှာညှာ မုန်တိုင်းမှာတောင်
ယောင်တောင်တောင်နဲ့
မုန်တိုင်းမျက်စိမှာကျရောက်ခဲ့သတဲ့.....ငါ့နှယ်....။

လေညှင်းပါးပါးကလေး (အသက်ရှုမ၀ရုံ)
ပြီးတော့ နူးညံပုံရတဲ့သဲသောင်ပြင်
အဲသည့် ညနေခင်းတွေမှာ
ငါဟာ….နေ၀င်ချိန်ရှုခင်းတ၀က်
ပင်လယ်ရေတခွက်နဲ့
….နောင်တ…လှေအစီးစီး ကျိုးပျက်ရင်း
ပျင်းစရာကောင်းတဲ့ သီချင်းတပုဒ်ကိုဆိုလို့။ ။

မနော်ဟရီ
၂၀၀၉၊ဖေဖော်ဝါရီ၊ပိတောက်ပွင့်သစ်


.....ချစ်တဲ့ကဗျာ..

Saturday, February 21, 2009

တစ်နေ့က.ကျွန်မဆီကို..PDF..Fileနဲ့လုပ်ထားတဲ့ကဗျာစာအုပ်လေးတစ်အုပ်ရောက်လာတယ်။
တင်မင်းထက်..ရဲ့....ချစ်တဲ့ကဗျာ..ဆိုတဲ့ကဗျာစာအုပ်လေးပါ။ကျွန်မတို့ရာစုသစ်မြစ်ကျဉ်းတွေ
မှာအတူရေးခဲ့ဖူးပြီး..ကျွန်မတင်ခဲ့တဲ့..တစ်မိုးတည်းအောက်မှာ..မှာလည်းပါ..ပါတယ်။ခု သူ့စာ
အုပ်လေးကိုအမှတ်တရအနေနဲ့..ကျွန်မချစ်သောကဗျာများ..ထဲမှာတင်လိုက်ပါတယ်။ဒီနေရာမှာ..
ဖတ်နိုင်ပါပြီ..

ဒါကသူ့စာအုပ်အဖုံးလေးပါ


အပျင်းပြေဆိုပြီးဇော်ကြီးကဗျာကိုဖတ်မိတာ..

Friday, February 20, 2009

အပျင်းပြေဆိုပြီးဇော်ကြီးကဗျာကိုဖတ်မိတာ...

အပျင်းပြေဆိုပြီး
ဘ၀ကိုအရောင်လှလှချယ်ပေးကြည့်တာ
ကာလာသီအိုရီတွေမသိတော့
စိတ်ပျက်စရာပန်းချီကားတစ်ချပ်
ကိုယ့်ကိုရပ်ကြည့်နေတာတွေ့ရတယ်

အပျင်းပြေဆိုပြီး
ခရီးရှည်ကြီးတွေထွက်လာခဲ့မိတာ
မောတော့မှ
ပြန်စရာလမ်းကပျောက်နေခဲ့
ဝင်္ကဘာထဲဝဲလည်လှည့်လို့ပေါ့။

အပျင်းပြေဆိုပြီး..
သီချင်းလေးတစ်ပုဒ်ညည်းမိတာ
မျက်ရည်တွေဖြာကျလာတယ်
နှလုံးသားရဲ့အလွမ်းခန်းတံခါး
အရံအတားမလုံတော့ဘူး။

တကယ်ပါ
နောက်တစ်ခါထပ်မပျင်းမိဖို့
အပျင်းပြေကစားနည်းတစ်ခုရှာကြည့်ရဦးမယ်။ ။
မနော်ဟရီ


ကိုယ့်ကိုယ်ကိုဒါဏ်ရာရကြောင်တစ်ကောင်ရဲ့နာမကျန်းမှုမျိုးနဲ့ချောင်တစ်ချောင်မှာခွေခေါက်နေချင်စိတ်
တွေများနေတာကြာပြီ။စိတ်ရောလူရောမကျန်းမာဘူးဆိုပြီး၊လိုင်းပေါ်လည်းမတက်ဖြစ်ဘူး။တက်မိတာနဲ့
တစ်ပြိုင်နက်တည်းလူလည်းစိတ်ကပိုညစ်ရတာများတယ်။ဒါနဲ့..စာတွေပဲလိုက်ဖတ်နေလိုက်တာ၊တော်
တော်တော့အဆင်ပြေသား။နေရထိုင်ရလည်းကောင်းတယ်။စာရေးချင်စိတ်ကလည်းမရှိဘူးကိုး။ခပ်တည်
တည်နဲ့အဟောင်းတွေရိုက်ရိုက်တင်နေတာ။ရာသီစာကလည်းလုပ်မစားတတ်လေတော့၊အံကိုက်ပဲ...
ဒီနေ့တော့သစ်ကောင်းအိမ်..ကဗျာတစ်ပုဒ်ကိုဖတ်ပြီး.ကွန်မင့်ရေးမယ်အလုပ်မှာ.စာကြောင်းတစ်ချို့.
ခုန်ပေါက်ထွက်လာတယ်။အပေါ်ကစာကြောင်းတွေပဲ။ဇော်ကြီးကဗျာကိုအားနာသောအားဖြင့်တော့ကိုယ့်
ဟာကိုယ်ကဗျာလို့မတတ်ပါဘူး။သူ့ကဗျာကပိုကောင်းနေတာကိုး။
အပျင်းပြေဆိုပြီးမောင်လွမ်းနီကိုသတိရ..တဲ့..ဖတ်ကြည့်ပါဦး။


ပန်းလှေလမ်းခွဲ

Wednesday, February 18, 2009

ဒါ..ပန်းလှေလမ်းခွဲရဲ့ ..နောက်ဆုံးပို့စ်ပါ

လကွယ်ည
ကံ့ကော်တန်းမှာ၊ဆုံလာခဧ
ပျော်ခဲ့ကြသည်၊မရည်ရွယ်ပဲ
ရင်ထဲစွဲနစ်၊ခင်မင်ဖြစ်ကြ
တဒင်္ဂပင်၊စွဲမှတ်ထင်လည်း
အမြဲတမ်းတ၊သတိရစွာ
ဝေးကွာခြင်းကိုအနိုင်ယူစို့ ။

ဖြူစင်လက်တွဲ၊ခွဲမထွက်ရက်
နှုတ်ဆက်လက်ပြ၊လမ်းခွဲရချိန်
မတည်ငြိမ်စိတ်၊အရိပ်လိုလှန့်
ရပ်တံ့အပြုံး၊နှလုံးပွက်ဆူ
ဘယ်သူကူမလဲ၊သူတို့လည်းလေ
လွမ်းနေမှာလား၊ယုံစားချင်တယ်။

ကံ့ကော်အိပ်မက်၊မက်ခဲ့အတူ
ကြည်ဖြူနေ့များ၊ချန်မထားရက်
လှမ်းထွက်ခြေလှမ်း၊ယောင်ရမ်းနောက်လှည့်
ပြန်ခဲ့လိုက်ချင်၊ရင်ခွင်အေးစက်
အသက်မဲ့စွာ၊လှမ်းခဲ့ပါပြီ
အသိဘ၀ပင်လယ်..ဆီ။

ရာသီလှိုင်းကြမ်း၊စခန်းဘယ်မှာ
သူ..ငါ..ဦးတည်၊ရည်ရွယ်ထားရာ
မတူပါလည်း၊စေညွှန်ရာလမ်း
ကြိုးစားလှမ်းရင်း၊ရင်တွင်းတမ်းတ
သတိရနော်၊အတိတ်ပေါ်က
ပျော်ခဲ့ကြသည့်၊တက္ကသီလာ
မြကျွန်းသာ…ကို..။

ခေါင်းလောင်းသံချို
ရင်မှာငိုချင်
မကြာခင်ပဲ……….။ ။
မနော်ဟရီ


အမေ့မွေးနေ့

မာရသွန်ညများစွာကိုကျော်ဖြတ်
မရပ်မနားသွားနေခဲ့
ကြယ်တာရာများ..ရဲ့..အမေ.။

ရာဇ၀င်များစွာကိုထုဆစ်
ခေတ်များစွာကိုကျော်လွှားလာခဲ့
ခြင်္သေ့..တွေရဲ့..အမေ..။

ကျောက်အုတ်များစွာတည်ဖြစ်
ကဏ္ဍသစ်များစွာဖြစ်စေနိုင်ခဲ့
အုတ်ချပ်..များစွာတို့ရဲ့..အမေ..။

ပန်းများစွာကိုမွှေးပျံ့စေရင်း
ဥယျာဉ်ပန်းခင်းများစွာဖြစ်စေခဲ့
ပန်းများစွာတို့ရဲ့ ..အမေ..။

အိပ်မက်များစွာကိုပေးအပ်
အကန့်အသတ်မဲ့ပျော်ရွှင်စေခဲ့
သက္ကရာဇ်ခြေရာတို့ရဲ့အမေ..။

လှိုင်းကြမ်းညများစွာကိုတင်းခံ
မာန်..ဆိုတာကိုပေးဝေခဲ့
ခရမ်းပြာ..တို့ရဲ့..အမေ..။

ယုံကြည်မှုတွေအပ်နှင်း
ရဲရင့်ခြင်းတွေပေးဝေ
သူရဲကောင်း..တို့ရဲ့..အမေ..။

အမေ..
အမေ..
အမေ..
မြင်နေရလား
ဟိုရှေ့နားမှာ
တရွေ့ရွေ့လာနေတဲ့အချိန်
စိန်ရတု..တဲ့
ထုဆစ်ခဲ့မှုသရုပ်
ဖန်တီးထုတ်လုပ်မရ
ဒီဇင်ဘာ (၁)ရက်
၁၉၉၅ခုနှစ်
အဲဒါ..
အမေ့ရာပြည့်အကြိုမွေးနေ့
စိန်ရတုနေ့လေ.။ ။
မနော်ဟရီ
(၁၉၉၅ ရန်ကုန်တက္ကသိုလ်နှစ်လည်မဂ္ဂဇင်း)


ပန်းလှေစစ်ပွဲ

ရုန်းထွက်လွတ်မြောက်ဖို့မဖြစ်နိုင်တဲ့
တဒင်္ဂလမ်းခွဲ
ထာဝရတည်မြဲသွားတော့မလား။

နစ်မျောသွားခဲ့တဲ့
တက္ကသိုလ်ရဲ့အိပ်မက်ရှည်ထဲ
မူးယစ်ပျော်ဝင်နေဆဲ
မတည်မြဲတဲ့တရား
နာကြားလိုက်ရချိန်မှာ
မယုံကြည်နိုင်စွာ
ခေါင်းခါရင်းငြင်းဆို
အချိန်တွေကိုမုန်းတီး
တားဆီးရပ်တံ့ထားချင်တယ်။

အဲဒီလိုနဲ့
ကုန်ဆုံးခဲ့တဲ့အချိန်တွေနဲ့စစ်ခင်း
စစ်တလင်းမှာ
အခါခါ..ကျရှုံးနေခဲ့ပါတယ်။
မနော်ဟရီ

စကားသ၀ဏ်
ပန်းလှေလမ်းခွဲကဗျာစာအုပ်ထုတ်ဖြစ်ရန်အတွက်
အင်တိုက်အားတိုက်ကူညီပေးခဲ့ကြသော
ရာစုသစ်မြစ်ကျဉ်း ကဗျာအုပ်စုနှင့်
ဒီဇိုင်းကိုယ်မောင်မြင့်တို့အား
မှတ်မှတ်ရရကျေးဇူးတင်………..
မနော်ဟရီ


ပန်းလှေလမ်းခွဲ

ပန်းလှေလမ်းခွဲ ၄
ဖွင့်ဟတုန်ခါနေကြတဲ့
နှုတ်ခမ်းပါးတစ်စုံ
ရင်ခုန်နေခဲ့ပါတယ်။
ဘယ်သောအခါမှမခွဲကြဘူးလို့
ရည်စူးမထားခဲ့ကြပေမယ့်လည်း
ခွဲခွာဖို့အရေးလည်း
ကြိုမှတွေးမထားပဲ..
ရင်ထဲမှာ
ကြေကွဲစွာ
သံစဉ်တည်မရတဲ့ဂီတတို့ပေါက်ကွဲ
တုန်ခါ
ဘယာနကတွေနဲ့စစ်ခင်း
သိင်္ဂါရမြစ်တစ်စင်းကို တမ်းတ
အိပ်မက်လှလှဆက်မက်ချင်နေတယ်။

ချစ်သူတို့ရယ်
ဘယ်လိုအင်အားတွေကများ
ငါတို့တွေကိုဝေးသွားစေနိုင်မလဲ
ဘယ်လောက်ပဲဝေးကွာ၊ဝေးကွာ
နီးစပ်နေကြမှာ
ငါတို့ရဲ့ဖြူစင်ဝိညာဉ်
သံယောဇဉ်တွေပဲမဟုတ်လား။

စေလိုက်ကြမလား
ဂျပ်ဆင်လမ်းကြားကပြေးထွက်လာမယ့်
တစ်ရံတစ်ခါဆီက ငါတို့ရဲ့ရယ်မောသံတွေ
“အဓိပတိ ”မြေကိုကျော်
“ စစ်ကိုင်းလမ်း”ပေါ်ဖြတ်
“ ပုဂံလမ်း”ထိမရပ်တန့်
“ သထုံလမ်း”ထိခရီးဆန့်
အမြဲတည်တံ့နေလိမ့်မယ်။

ဖျောက်ဖျက်မရ၊ပြုပြင်မရ
တဒင်္ဂပေမယ့်လည်း
ထာဝရတည်မြဲလှပနေ
ငယ်အိပ်မက်တွေကိုတမ်းတ
သတိရလိုက်တိုင်းသက်ဝင်
ရင်ခွင်ငြိမ်းချမ်းသွားကြပါစေလေ။ ။
မနော်ဟရီ


ပန်းလှေလမ်းခွဲ ၅
“ ဝေးကွာခြင်းက
တို့အတွင်းထဲမှာ.. ”တဲ့
ကိုနေ၀င်းရဲ့သီချင်းတစ်ပုဒ်နားထောင်ရင်း
ပြိုဆင်းလာတဲ့နာကျင်ခြင်းတွေကို
အားတင်းမောင်းထုတ်နေရတယ်။

ခဏခဏမှားယွင်းနေတဲ့
လက်ကွက်တွေကိုဖိကိုင်တီးခတ်ရင်း
“ တချို့တွေ
နေနိုင်လွန်းတယ်”လို့ဆိုညည်းလျက်
“နောက်ဆုံးအိပ်မက် ”တစ်ခု
အဖော်ပြုနေရတယ်။

ရင်ခုန်သံအိပ်မက်ရှည်ထဲ
စွဲနစ်မျောပါ
တကယ်ထင်လာခဲ့မိတာ
မိုးသောက်တော့မယ့်အချိန်
ကျိန်တွယ်ပြောရဲပါတယ်
ငါ..ပြင်းထန်စွာတုန်လှုပ်မိ
သတိမပြုလိုက်မိခင်မှာပဲ
ဒါဏ်ရာတွေနဲ့ပြည့်နှက်
ထွက်သက်ကိုစောင့်စားနေခဲ့ရပြီ။

မတားကြပါနဲ့နော်
အပျော်ဆိုတာတွေဆိတ်သုဉ်း
ပျောက်ဆုံးတော့မယ့်
“ ကံ့ကော်အိပ်မက်”ရဲ့အဆုံးနား
မိုးသောက်မသွားခင်လေး
သွေးအေးအောင်ကုစားနေမိတာ။

ယုံကြည်မှုတွေနဲ့ကုစား
ဝေးကွာသွားခဲ့ကြလည်း
သတိရမြဲသတိရ
ခိုင်မြဲမြဲ ခိုင်မြဲ
တွဲလက်တွေမဖြုတ်စတမ်း
လက်တစ်ကမ်းမှာ
ငါတို့ပြန်ဆုံကြမယ်လို့မျှော်လင့်
ပင့်သက်သံကိုယ်စား
သံစဉ်များစွာဖန်တီး
(လက်ရှိတဒင်္ဂကို)
မေ့ပျောက်ပြီးနေချင်တယ်။ ။
မနော်ဟရီ


ပန်းလှေလမ်းခွဲ ၆

အနာဂါတ်သန္ဓေလောင်းဟာ
ငါတို့ခွဲခွာရမယ့်အကြောင်း
အပ်ကြောင်းထပ်လှမ်းပြောနေတယ်။

သူမွေးဖွားလာတဲ့ခါ
ငါတို့ဟာ
တစ်နေရာစီ
သံစဉ်မညီနိုင်တော့တဲ့ဂီတတွေနဲ့
ကြေကွဲနေကြရမယ်တဲ့
ခြိမ်းခြောက်သေးတယ်။

မနီးမဝေးက
ရှုပ်ထွေးလှတဲ့မြစ်လက်တက်များစွာ
အဲဒါ..ငါတို့လမ်းခွဲပါတဲ့
လှောင်ရယ်နေခဲ့တယ်။

ပျက်ကြွေသွားတဲ့
ငါတို့ရဲ့နုပျိုခြင်းနဲ့
ကံ့ကော်နာရီတွေဟာ
အနာဂါတ်သန္ဓေသားအတွက်
အသက်..ဆိုပဲ
ခပ်ရဲရဲစားသုံးနေတယ်။

သူငယ်ချင်းတို့ရေ
စိမ်ခေါ်နေခဲ့ပြီ
ဘယ်လိုယုံကြည်ချက်တွေနဲ့
ငါတို့အနိုင်ယူခဲ့ကြမလဲ
တည်မြဲသေချာတဲ့လမ်းကတော့
ငါတို့ကိုစောင့်နေခဲ့
မငိုတတ်ဖို့ပဲလိုပါတယ်
ဘယ်သောအခါမှ
မရှုံးကြသလိုမျိုးပေါ့….။ ။
မနော်ဟရီ


ပန်းလှေလမ်းခွဲ ၇

တိတ်ဆိတ်ခြင်းဖြင့်
ပယ်ငြင်းမရ၊တဒင်္ဂလေ
ပန်းလှေလမ်းခွဲ၊တည်မြဲနိဂုံး
အဆုံးသတ်ချိန်၊ကျိန်တွယ်ဆိုရဲ
ဆိုခဲမြဲစေ၊ငါလွမ်းနေမယ်။ ။
မနော်ဟရီ


ပန်းလှေလမ်းခွဲ ၈

တည်ဆောက်နေဆဲအိပ်မက်တွေမှ
စိတ်တိုင်းကျမလှပနိုင်ခင်
ပြင်ဆင်ထားခဲ့သမျှဆုံးရှုံး
အပြုံးတွေဝေးလွင့်ပျောက်ကွယ်
မိုးသောက်တော့မယ်လေ..
ကြယ်တွေညီလာခံပြီးဆုံး
အဝေးဆုံးအရပ်တွေဆီ
ဦးတည်လမ်းခွဲထွက်ခွာကြရ
နောက်တစ်ညဆိုတာ
လှပတဲ့အိပ်မက်တွေ
မက်နိုင်ခြေရှိသေးတယ်လို့
ဘယ်သူကအာမခံနိုင်မှာ မို့လဲ…။

ယုံကြည်လို့မရတဲ့နံနက်ခင်း
အလင်းသစ်တွေကိုစိုးရွံ့ 
ဆွံ့အ သွားတော့မယ့်အိပ်မက်
ပြိုပျက်သွားတာနဲ့အတူတူပါပဲ။
လမ်းခွဲမှာခြေစုံရပ်
ပြတ်သားတတ်မှုတွေပျောက်ဆုံး
အတွေဝေဆုံးအတွေးတွေနဲ့
လေးဖင့်နေခဲ့တဲ့ခြေလှမ်း
ပင်ပန်းနွမ်းနယ်နေခဲ့ပြီ။

ဒါပေမယ့်လေ
ရာသီလှံတံတွေကြားဖြတ်သန်းရင်း
စခန်သင့်
ပြန်ဆုံခွင့်ရကြမယ့်
အနာဂါတ်ရဲ့ညတစ်ည
တောင့်တမျှော်လင့်ကြမယ်နော်..။ ။
မနော်ဟရီ


ပန်းလှေလမ်းခွဲ ၉
ကံ့ကော်အိပ်စက်၊အဆိပ်တက်ည
တ ,သမူးရီ၊ယုံကြည်ရည်စူး
ထူးကဲအသိ၊ခံစားထိသိ
အသိတရား၊ပိုင်းခြားထားလျက်
သတိလက်လွတ်၊တမ်းမွတ်ရှိုက်ငို
အိပ်မက်ပြိုနေ၊နေခြည်ဝင်ရောက်
မိုးသောက်တော့မယ်။

ကံ့ကော်နိုးထ၊နေ့သစ်စပြီ
ယုံကြည်မရ၊တိမ်တစ်စလို
နှစ်လိုအိပ်မက်၊အိပ်စက်နေချင်
ဆိုချင်မလား
“ အတ္တစားသောက်၊တစ်ယောက်သူရူး”
လွန်ကြူးဆိုဆို၊မညိုပဲငို
တိမ်တိုက်ပြိုပြီ၊မှုန်ရီနံနက်
မိုးဖျက်တော့မယ်။

ကံ့ကော်နွမ်းလျက်၊မိုးစက်ထိစို
ငါ..ငိုနေတယ်၊ကယ်တင်လှည့်ပါ
ခါ ခါမြည်ဆို၊မနှစ်လိုဘူး
အရူးလိုပဲ၊လှမ်းဆဲခြေလှမ်း
စစ်ကိုင်းလမ်းထက်၊ရှေ့ဆက်မရ
နွမ်းလျရီဝေ၊မှုန်ဝေအကြည့်
သိသိဝေးကွာ..။

နေရာဒေသ၊ခွဲခွာကြလည်း
သိမ်ဆည်းရင်ခုန်၊ရသစုံညီ
သီလာမြကျွန်း၊ကွန်းခိုခဲ့ရာ
ဒီကမ္ဘာကို..
ဝှက်သိုသိမ်းဆည်း၊ရင်ထဲနွမ်းလျ
တမ်းတညမှာ၊တာရာစုံညီ
ယုံကြည်အိပ်မက်၊ဟန်ဆောင်မက်ရင်း
ရင်တွင်းဖြေသိမ့်ကြမယ်လေ။ ။
မနော်ဟရီ


ပန်းလှေလမ်းခွဲ

Tuesday, February 17, 2009

ပန်းလှေလမ်းခွဲ..ဆိုတဲ့ကဗျာစာအုပ်လေးကိုဂုဏ်ထူးတန်းဒုတိယနှစ်ကျောင်းအပိတ်နွေမှာ
ရေးခဲ့ပါတယ်။ကျောင်းပြန်ဖွင့်တာနဲ့သူငယ်ချင်းတွေကိုအကူအညီတောင်းပြီးစီစဉ်မယ်ဆို..
တော့မဲကျသူက..ဧထက်ပါ။သူပဲပိုက်ဆံလေး လေးထောင်လောက်နဲ့စာအုပ်ကိုစီစဉ်ပေးခဲ့
တာပါ။ကျွန်မကိုလည်း အဲဒီပိုက်ဆံလေးထောင်ဘယ်ကရလဲမေးပါဦး..။အပ်ထည်လက်ခံ
ပြီးထိုးတဲ့တစ်ချောင်းထိုးအကျီ င်္ထိုးခတွေ..အဲဒါနဲ့မလောက်တော့ခပ်တည်တည်နဲ့အကျီ င်္
အဟောင်းတွေတောင်ထုတ်ရောင်းလိုက်သေးတယ်။တစ်လမှမုန့်ဖိုး ၅၀၀ ရတဲ့ခေတ်လေ။
ကိုယ်တွေက..စည်းကမ်းကြီးပြီး..အဖေကလည်းတက္ကသိုလ်ဆရာဆိုတော့ကင်တင်းက
ရောင်းဈေးတွေကအစသိနေတော့ကွက်တိလောက်ပဲပေးတာ။ကားခမပါဘူး။.....
ဒါပေမယ့်ခုနေပြန်စဉ်းစားတော့..အဲလောက်ငွေလေးနဲ့စာအုပ်တစ်ထောင်ကိုအော့ဖ်ဆက်
တင်နိုင်တယ်ဆိုတာစဉ်းစားကြည့်ပါဦး...။ဒီဇိုင်းတွေကိုရော၊ကာဗာရောကိုတော့ကျွန်မတို့
ရဲ့ ဒီဇိုင်နာကြီး ကိုယ်မောင်မြင့်ပဲစီစဉ်ဆွဲပေးပါတယ်။
တော်တော်နေမကောင်းဖြစ်နေပေမယ့်မနေနိုင်တဲ့အတွက်ရော..ရှေ့က.မလွမ်းဘူးလားဆို
တဲ့ပို့စ်နဲ့ကပ်လျက်တင်ချင်တာရောကြောင့်နည်းနည်းချင်းတင်သွားပါတယ်။နေကောင်းရင်
ကောင်းသလိုတင်ပေးသွားပါမယ်
ဒါက ကိုယ်မောင်မြင့်ရဲ့ မျက်နှာဖုံးပါ။ ရှေ့ရော၊နောက်ရောတင်ပေးလိုက်ပါတယ်။


ဒါကရှေ့ဖုံး


ဒါကနောက်ဖုံး

ပန်းလှေလမ်းခွဲအဖွင့်
ရွေးချယ်ခွင့်နဲ့မဟုတ်ပဲ
အရွေးချယ်ခံဘ၀တွေနဲ့
မနှစ်လိုမှုတွေကို
အလိုမတူပဲ
လက်ခံသိမ်းဆည်းလိုက်ရတဲ့အခါ
များစွာသောဆန္ဒတွေ
ဖန်တရာထေဆုံးရှုံးမှုတွေအတွက်
ထွက်ပေါက်…
အဲဒါ…
ကျွန်မရဲ့ ပိုင်ဆိုင်မှု အတ္တများပါပဲ
ချစ်သောပန်းလှေတွေရဲ့ အတ္တ နဲ့
ထပ်ထူကျနေခဲ့ပါစေ။ ။
As Always
မနော်ဟရီ
၉၄ ရဲ့အမှတ်တရရက်စွဲများ

ပန်းလှေ
မော့ကြည့်နေဆဲမှာ
တိမ်တစ်စဟာပျောက်ဆုံးသွားခဲ့
နာကျင်ကိုက်ခဲမှုတွေသာ
ရင်မှာကျန်ရစ်
ပြန်မဖြစ်နိုင်တော့တဲ့အိပ်မက်တွေကိုတော့
ကြိုးလျော့ဂစ်တာတစ်လက်လို
ပြန်ညှိဖို့ကြိုးစားနေမိ
သတိတရားလက်လွတ်စွာလေ..။

များလိုက်တဲ့မာယာတွေ
ကမ္ဘာမြေက
ဘာလို့များလက်ခံထားရတာပါလိမ့်
ငြိမ့်ငြိမ့်သာသာစီးမျောနေတဲ့ပန်းလှေတွေ
ပန်းတိုင်ကိုအတူရောက်ကာ
ပျော်နိုင်ကြမှာလို့
ဘာလို့များမိုက်မဲစွာ
လက်ခံထားခဲ့မိတာပါလိမ့်..။

ခရီးရဲ့တစ်ဖက်တစ်ချက်
ဝဲဂယက်တွေ
ကမ်းခြေမြို့တွေ
ပြီးတော့
တိုက်ခိုက်ခံရမှုတွေ
ဒါတွေကိုငါ..
ဘာလို့များ ..မေ့ထားခဲ့မိတာပါလိမ့်။

သတိဝင်လာချိန်မှာ
ပန်းလှေများစွာ
တစ်ချို့ …ကမ်းကပ်ခဲ့ကြ
တစ်ချို့…နစ်မြုပ်ခဲ့ကြ
တစ်ချို့..အတူစီးမျောဆဲ
မျက်ဝန်းအသိထဲ မကြည်လင်စွာ။

ဟင့်အင်း
အဲဒါ…
ပန်းလှေပေါ်ကမိုးရေစက်တွေမဟုတ်ပါဘူး
ကျွန်မရဲ့မျက်ရည်တွေပါပဲ ။ ။
မနော်ဟရီ

ပန်းလှေလမ်းခွဲ ၁
အလွမ်းတွေ
ပင့်သက်ချနေခဲ့ကြ
ခွဲခွာခြင်းရာသီရဲ့အစွန်းနား
နာဖျားနေခဲ့ကြရပြီ.။

ပန်းချီကားတစ်ချပ်
မတ်တပ်ရပ်ငေးရင်း
သံယောဇဉ်တင်းတဲ့နေ့ရက်တွေကို
သတိလက်လွတ်နဲ့
ဖိနှိပ်ရိုက်သွင်းနေခဲ့
ဥပက္ခာရဲ့တွင်းနက်ထဲကိုလေ။

ကြားနေရလား
ခပ်ဝါးဝါးငိုရှိုက်သံတချို့
ဟောဟို့ ..နှလုံးသားကလာနေတာ
အဲဒါ..ငါ့ဘယ်ဘက်ရင်ခွင်မှာလေ။

နာကျင်နေခဲ့တယ်
ကုန်လွယ်လွန်းတဲ့နေ့ရက်တွေကိုအပြစ်ဖို့
ချို့တဲ့နေခဲ့တဲ့ ခံနိုင်ရည်အား
ပိုနည်းသွားတာသေချာလာတဲ့အချိန်မှာ
ငါဟာ..ကွဲကြေနေခဲ့ပါပြီ..။

ယုံကြည်ထားလို့မရတဲ့အနာဂါတ်
မချစ်မြတ်ချင်ပေမယ့်
မျှော်လင့်ချက်တစ်ချို့နဲ့ဦးမော့ရင်း
ကြည်ပြာလွင်ပြင်တွင်းကသက်တံ
ရောင်စဉ်ဖြန့်လာမယ့်နေ့ရက်တွေ
ကောင်းကင်ကိုမော့ကြည့်ခိုက်
ဆုံလိုက်ဦးမလားရယ်ပေါ့။

အသက်ရှင်နေထိုင်သွားကြရ
တစ်ဘ၀စာပါပဲ
ပြန်မရနိုင်တော့တဲ့တိမ်တစ်စအတွက်
မမိုက်မဲလှပေမယ့်
ငိုရှိုက်နေမိခဲ့ရင်း
ချဉ်ခြင်းဖြစ်နေကြရဦးမှာ
ခန္ဓာတည်သရွေ့လေ
ယုံကြည်နေကြမလား။ ။
မနော်ဟရီ

ပန်းလှေလမ်းခွဲ ၂
တိတ်ဆိတ်နေတဲ့နေ့ရက်တံခါး
ငါ့နှလုံးသားထဲမှာ
ဖွင့်ဟတုန်ခါနေခဲ့ပြီ..။

ယုံကြည်လိုက်ချစ်သူတို့ရေ
အရည်ပျော်ကျနေခဲ့ကြတဲ့
ငါ့ရဲ့ခံနိုင်ရည်အားများ
သွက်လက်စွာစီးဆင်းသွားကြ
ဦးတည်ရာအရပ်ဟာ
လေဖိအားနည်းရပ်ဝန်းတစ်ခုပါပဲ။

အမြဲတမ်းမှန်ကန်နေခဲ့သတဲ့
လောကရဲ့ ဓမ္မတာ တဲ့လေ
သူ့ကိုယ်သူသိက္ခာတင်နေလိုက်တာ
မယုံမရှိပါနဲ့
ငါတို့ရဲ့ ဖြူစင်တဲ့
နက်ရှိုင်းတဲ့ ရိုးသားတဲ့
သံယောဇဉ်ရဲ့အား
သူ မကျော်လွှားနိုင်မှာသေချာပါတယ်။

ဟိုနားခပ်နီးနီးက
ဒုန်းစိုင်းပြီးလာနေတာ
ဝေးကွာခြင်း တဲ့လေ
လောကဓမ္မတာရဲ့သားငယ် ဆိုပဲ
ငါတို့လက်တွဲထားကြရအောင်။

နေရောင်တွေကွယ်မသွားခင်လေး
နွေးထွေးဖြူစင်ဆဲလက်တွေခိုင်မြဲ
တည်မြဲနေချင်ခဲ့တာ
ဓမ္မတာကိုကျော်လွန်နိုင်ဖို့လေ
ဖြစ်နိုင်ခြေက နည်းနည်းရယ်။

ကြားနေရလား
ဟားတိုက်သံတချို့ ရိုင်းစိုင်းစွာ
လေဖိအားနည်းရပ်ဝန်းကို
ထိုးခွင်းလာနေတယ်
ဘယ်တော့မှမရှုံးကြမယ့်ပုံမျိုးနဲ့
သံယောဇဉ်ကြိုးတွေခိုင်မြဲ
အနေရဲကြရအောင်။ ။
မနော်ဟရီ

ပန်းလှေလမ်းခွဲ ၃
ခွဲခွာခြင်းနာရီရှည်ထဲမှာ
ရယ်မောပစ်လိုက်နိုင်ဖို့စကားလုံးများ
ကျုပ်..အပြေးအလွှားရှာနေတယ်
ဘယ်လိုအင်အားတွေနဲ့များ
ခွဲခွာသွားရပါ့
ကျုပ်ညတွေ ရှည်လျားစွာ
ကဗျာမဆန်ကြတော့ဘူး။

အရူးအမူးလိုက်လံကပ်ငြိနေတဲ့
အသိတရား
ကြာတော့အားနာလာတယ်
ဘယ်ကမှန်းမသိတဲ့နာကျင်မှုဒါဏ်
ကျုပ်..ဘယ်ထိခံနေရဦးမှာလဲ..။

ပြိုကွဲ..
အိပ်မက်..
မိုးသောက်နံနက်မှာ..ကျုပ်လေ
အပိုင်းအစတွေကိုစုယူ စပ်သီ
ပန်းချီကားတစ်ခုဖန်ဆင်းကြည့်နေတယ်။

ပန်းချီကားထဲကနာရီတစ်လုံးဟာ
တစ်ခုသော ခုနှစ်..လ..ရက်ရဲ့
အချိန်တစ်ခုမှာ
ရပ်တန့်နေပါသတဲ့
ဒီလိုနဲ့
အသက်ဝင်လွန်းလှတဲ့
သက်မဲ့ပန်ချီကားချပ်မှာပဲပျော်ဝင်
နားဝင်မချိုတဲ့
ကျောင်းဆင်းခေါင်းလောင်းထိုးသံကို
ကြိုးမိန့်တစ်ခုလိုနာခံရင်း
ရင်တွင်းဖြစ်လင်္ကာများ
ထားးရစ်ခဲ့ရပြီ။ ။
မနော်ဟရီ


ကဲ..မလွမ်းဘူးလား..???

Sunday, February 15, 2009

မနေ့ကသူငယ်ချင်းတစ်ယောက်က ကျောင်းပုံတွေပို့ပေးလိုက်မယ်တဲ့။ခုတော့မဟုတ်ဘူး.ဆိုပြီး
အွန်လိုင်းမှာပြောသွားတာနဲ့စောင့်နေတာ။မနက်ကျတော့ရောက်နေပြီ..။ရေးထားတဲ့စာကိုလည်း
ကြည့်ဦး...ကဲ..မလွမ်းဘူးလားတဲ့..
မလွမ်းနေပါ့မလား...
အရူးအမူးတမ်းမက်ခဲ့ဖူးတဲ့ကံ့ကော်တင်းကုတ်ကလေးပဲ...။
ဘယ်သူတွေဘယ်လိုဝေးဝေး..ကျွန်မက..၂၀၀၄ကုန်ခါနီးထိကျောင်းထဲမှာတွေ့နေရတတ်တဲ့
သူပါ။UFLမှာကျောင်းတက်နေတာကသပ်သပ်ပါ။ကျွန်မကိုယ်တိုင်ကကိုကျောင်းသူတစ်ယောက်
ကျောင်းတက်သလို လိုင်ဘရီထဲသွားသွားပြီးစာရေးတတ်တာ။..နေ့လည်ထမင်းစားချိန်ကျရင်
အရင်လိုပဲ..ဌာနမှာPhDတက်နေတဲ့သူငယ်ချင်းတွေ၊ဆရာတွေနဲ့ကင်တင်းမှာထိုင်ပြီးထမင်းစား
စကားပြောနဲ့နေခဲ့တာ။နောက်ပိုင်းကျတော့.တောင်ငူဖက်လည်းထိုင်တယ်။အဲဒီဖက်မှာUFLအပြီး
မှာဂျွန်ရယ်..နေလင်းနဲ့ဟေမာန်ရယ်ကဒီပလိုမာတစ်ခုထပ်တက်ကြတာကိုး။မနက်ဆိုရင်သားက
လေးကို..ကိုရင်တာ့ကျောင်း(စာရေးဆရာကိုတာရဲ့ကျောင်းပါ..)ကိုပို့..ကိုယ်ကကျောင်းထဲ
ဆက်လာ..တောင်ငူကိုအရင်ဝင်..စာကြည့်တိုက်ဖွင့်ချိန်ကျမှ..စာကြည့်တိုက်ဖက်သွား...။
တောင်ငူမှာလည်းဒီပလိုမာတန်းတွေကများကြီး..။သူငယ်ချင်းတွေလည်းများသလို အိုမာဆမ်
တို့လည်းရှိတယ်။အိုမာဆမ်ကမြန်မာစာဌာနကဆရာမ..။
နောက်ပိုင်း..အကြောင်းတစ်ခုကြောင့်ကျောင်းထဲဝင်ရတာခက်ခဲသွားမှပဲမသွားဖြစ်တော့တာ..
ဒီနေ့ထိပဲ..။UFLမှာတက်နေတုန်းကလည်းUFL canteenရဲ့ကောင်းမှုနဲ့ကျွန်မတို့အမြဲတမ်း
တောင်ငူတစ်လှည့်၊မြကျွန်းသာတစ်လှည့်ရောက်နေကျပါ။
ခုတော့..မရောက်တာငါးနှစ်လောက်ရှိတော့မယ်။
ခြေရာတွေအများကြီးရှိနေခဲ့တဲ့နေရာတဲ့..ခုတော့လည်း..ကျွန်မရဲ့အလွမ်းတွေကလွဲရင်ဘာကို
မှမတွေ့ ရတော့သလိုပဲ..ကျွန်မလိုလွမ်းမယ့်သူတွေအတွက်..အမှတ်တရတင်ပေးတာပါ။ကူ
လွမ်းဖို့..ပြီးးတော့အတိတ်ခြေရာတွေကိုပြန်ရှာကြည့်ဖို့..။
(ပုံတွေပို့ပေးတဲ့ TMH ကိုကျေးဇူးတင်ပါတယ်။)
သပွတ်ခါးသီးဝိဇ္ဖာများရဲ့ဘုန်းတော်ဘွဲ့ကိုသတိရရင်းအကြိမ်ကြိမ်ဝင်ခဲ့မိတဲ့
ဘွဲ့နှင်းသဘင်


ရာဇ၀င်များစွာကိုစောင့်ကြည့်နေသော သစ်ညိုပင်ကြီး


ဂျပ်ဆင်...


အပန်းဖြေရိပ်သာရှေ့


ငွေစာရင်းဌာနအ၀င်ပေါက်...



ရူပဗေဒငှာနနား...


Valentine Story

Saturday, February 14, 2009

Valentine Day ဆိုတဲ့အသိကမနက်ကွန်ပျူတာဖွင့်တော့မှတစ်ခေါက်ဝင်လာတယ်။မနေ့
ကတစ်နေ့လုံးFriday the 13th ဆိုတာကြီးကခေါင်းထဲဝင်နေတာကိုး။ကျွန်မက..အဲ
ဒီ..၁၃..ဂဏန်းတွေကိုအသေကြောက်တယ်။ကြောက်လောက်အောင်လည်းဘ၀မှာဖြစ်ခဲ့ဖူး
တာကိုး။
Valentine ဆိုတာနဲ့အတူသတိရလိုက်မိတာ..၂၀၀၄ခုနှစ်က Valentine Dayကိုပါ။
အဲဒီတုန်းက..ကျွန်မက..UFL.မှာအင်္ဂလိပ်စာ.Diploma.တက်နေတယ်။အဲဒီနှစ်ကကျွန်မ
တို့အတန်းလေးကတော်တော်တော့ပျော်စရာကောင်းခဲ့ပါတယ်။UFLမှာကဒီတစ်ခုပဲ၊အချိန်ပြည့်
တက်ရတယ်။ကျန်တာတွေကအချိန်ပိုင်းတက်လို့ရတယ်။တစ်နေကုန်တက်ရတာမို့အလုပ်မရှိအ
ကိုင်မရှိမှပဲတက်နိုင်တာလေ။အဲဒီတုန်းကကျွန်မက စာပဲရေးနေတာဆိုတော့အချိန်ပြည့်ကျောင်း
တက်နိုင်တယ်။အတန်းလည်းမှန်သလားမမေးနဲ့။မတက်ဘူးဆိုတဲ့နေ့ကမတက်ချင်လို့.ကိုတစ်
အုပ်စုလုံးလစ်ကြတဲ့နေ့ပဲ။
အဲဒီမှာ.ကျွန်မတို့တွဲတဲ့အုပ်စုလေးတစ်စုရှိတယ်။ကျွန်မရယ်ကြေးကြေးနဲ့ဲ့ဇာဇာယ်teacher
ကြီးဆိုတဲ့တစ်ယောက်ရယ်၊professor Brownလို့ကျွန်မတို့ကနာမည်ပေးထားတဲ့မဟာပ
ညာကျော်လေးရယ်၊HipHipအဆိုတော်လေစိုင်းစိုင်းခမ်းလှိုင်ရယ်၊နေလင်း(အမမေငြိမ်းသား
နဲ့နာမည်တူတဲ့ကျွန်မသားပေါ့)ရယ်၊ဟေမာန်ဆိုတဲ့ချစ်စရာငြိမ်းငြိမ်းချမ်းချမ်းကောင်မလေးရယ်
တစ်ခါတစ်ခါရောက်ရောက်လာတတ်တဲ့ခုဆို.တောဂေါ်လီ.လို့လူသိများတဲ့ ဂျွန် ရယ်၊....
အားလုံးထဲမှာteacherကြီးကအကြီးဆုံး၊ပြီးရင်ကျွန်မ..ပြီးရင်ကြေး..အငယ်ဆုံးကတော့
ProfessorBrownပါ။ဒါပေမယ့်သူ့ပဲအကြီးလိုလုပ်ပြီးတစ်ခါတစ်ခါကြောက်နေကြရတာ..
အရွယ်မတိုင်ခင်အရွယ်လွန်ရောဂါရနေတဲ့သူလို့ကျွန်မတို့ကကွယ်ရာမှာကင်ပွန်းတပ်ပါတယ်။
...ဇာတ်လမ်းစပုံကဒီလိုပါ။
သားတော်မောင်နေလင်းကဟေမာန့်ကိုစိတ်ဝင်စားတယ်။Valentine Dayအမှတ်တရတစ်
ခုခုပေးချင်တယ်..ဆိုပြီးစစ်ကူတောင်းတော့..ကျွန်မက..နှင်းဆီအနီပေးခိုင်းတယ်။တစ်ပွင့်
ပေါ့။ဒါကိုသူကမဟုတ်ဘူး။အဖြူပေးချင်တာတဲ့။အင်း..ဒါလည်းရတယ်ပေါ့။ဒါနဲ့ကျွန်မတို့ပဲ..
လှည်းတန်းဈေးသွား..ပန်းဝယ်..အလှအပအနုအရွလေးတွေဖန်တီးတတ်ပြီးကိုယ်တိုင်လည်း
အဲလိုနေတဲ့ကောင်မလေးမို့လို့တဲ့..သူကဒီတိုင်းကဗျာမဆန်စွာမပေးချင်ဘူးဆိုတာနဲ့..နှင်းဆီ
ကို..wrap လှလှလေး(အသည်းနီနီလေးလား ပန်းရောင်လေးလားမသိဘူးပါတယ်။)နဲ့ထုပ်
ဖဲကြိုးဖြူဖြူလေးတွေဝယ်၊လှအောင်စည်းပေး။
ကျွန်မနဲ့ဒါရိုက်တာကြေး အလုပ်ရှုပ်ကြလေသတည်းပေါ့။ပြီးတော့ကတိလည်းတောင်းခံရသေး
တယ်။တကယ်လို့များကောင်မလေးကတစ်ခုခုမကျေနပ်လို့ပြဿနာရှာခဲ့သည်ရှိသော်..မနော်
နဲ့မကြေးလည်းရတယ်လို့ပြောပါတဲ့...။လူလည်းအမ်ကနဲမဖြစ်သွားရုံတမယ်ပါပဲ။ကျွန်မကအဲ
လိုဇာတ်မျိုးတွေဝင်ကလေ့မရှိဘူး။ဒါပေမယ့်ဒါရိုက်တာလုပ်တဲ့ကြေးက..မနော်ကလည်းဒါလေး
များ..ဆိုတာနဲ့..အင်းအင်း..ပေါ့။
တကယ်ပါပဲ။သူကပန်းသာကိုယ်တွေကိုအကူအညီတောင်းတာကိုး..သူ့ဘာသူဘာတွေထပ်ပြီး
ထည့်ပေးလိုက်တယ်ဆိုတာကိုယ်မသိလိုက်ဘူး။
နောက်နေ့မနက်ကျတော့ဟေမာန်ကလာခေါ်တယ်။
မနော်..တိုင်စရာရှိတယ်..တဲ့..
ကျွန်မကြေးကိုစစ်ကူတောင်းသလိုကြည့်တော့ကြေးကမင်သေသေနဲ့။ဘာမှမသိသလိုစိတ်မ၀င်
စားသလို။ကျွန်မကိုအခန်းပြင်ဆွဲထုတ်သွားပြီး..မနော်..နေလင်းက..ဘာညာနဲ့ပြောပါလေ
ရော..အဲဒါနဲ့တစ်ခါမှသရုပ်ဆောင်သင်တန်းမတက်လိုက်ရပါပဲကိုယ်ကသူ့ကိုညာရတော့တယ်။
..ဟုတ်တယ်.Valentine Dayဆိုတာကသူငယ်ချင်းချင်းလည်းပေးလို့ရတယ်။ကိုယ်တွေ
လည်းရတယ်ပေါ့။အဲဒီတော့မှရိုးသားလှတဲ့ကောင်မလေးက..ဟုတ်လား..ဒါဆိုပြီးတာပဲ..
ဆိုပြီး..ပြီးသွားပေလို့ပဲ။ ဒါပေမယ့် မပြီးပါဘူး။မကြေးရောရလား..တီချာကြီးရောရလား...
တော့လိုက်မေးသေးတာပဲ။အားလုံးကလည်းမင်သေသေနဲ့..။တစ်ခုပဲကောင်မလေးကဘာရလဲ
ဟင်လို့မမေးတာပဲ..မေးများမေးပြီး.ပြပါဥိးဆို..သေပြီဆရာပဲ..။ကောင်မလေးရတာက..
ကိုယ်တို့ဖန်တီးပေးလိုက်တဲ့ပန်းတင်မကဘူးတဲ့.။ညှစ်လိုက်ရင်..I Love You..လို့အော်
တဲ့ဝက်ဝံရုပ်ကလေးလည်းပါသေးတယ်တဲ့လေ။
အဲဒါက..မှတ်မှတ်ရရ.ဖေဖော်ဝါရီ(၁၁)ရက်မှာပါ။ကျေးဇူးရှင်လေးကဒါနဲ့တင်ရပ်သွားလားဆို
တော့မရပ်ပါဘူး။Valentine Dayကျရင်တွေ့ချင်တယ်Dinnerလေးဘာလေးစားဖို့တဲ့..။
ဖြစ်ပုံများ..။
...ဟဲ့..နင့်ဟာကမဖြစ်နိုင်တာဆိုတော့..ဒါရိုက်တာကြေးက အားလုံးပါရင်တော့...
ဖြစ်နိုင်တယ်..ဆိုပြီး..ဇာတ်ညွှန်းတစ်ခုကိုချပေးပါတယ်။အားလုံးပါစားရမယ့်ကိစ္စကြီးဆိုတော့
သဘောတူလက်ခံကြတယ်။ဖြစ်ချင်တော့အဲဒီမှာအဓိကဇာတ်ရုပ်က ကျွန်မ..ဒါရိုက်တာကြေး
တို့တော်ပုံများ..။
..မနော်ကလဲ..အဲဒီနေ့က..မနော်တို့anniversaryနေ့လေ..အဲဒီတွက်ကျွေးမယ်ဆိုပြီး
ခေါ်ပေါ့..မနော်ပဲဖုန်းဆက်ပေး..ရအောင်ခေါ်ပေး...တဲ့..ကျွန်မအတော်ခေါင်းကြီးပါတယ်။
ကျွန်မတို့အုပ်စုတုံးပုံကလည်း အဲဒီကတည်းက ပေါင်းသာနေတာ ဟေမာန်ဘာမှန်းလည်းမ
သိပါဘူး။နောက်မှ..သိရတာ။ကောင်မလေးကတော်တော့်ကိုမြင့်မြင့်မားမားထဲက.။သူ့အတွက်
ကတော့အဲလိုချိန်လာဖို့ဆိုတာခက်ခဲမယ်လို့ကျွန်မသိတယ်။ကျွန်မတို့အဲဒီအရွယ်ဆိုရင်လည်းဒီ
လိုပဲနေမှာလေ။
ဒါပေမယ့်ကောင်မလေးကရအောင်လာရှာတယ်။သကောင့်သားနေလင်းမျက်နှာကပျားရည်အိုး
ထဲမှောက်ထားတာထက်တောင်ချိုသေးတယ်။ဒါရိုက်တာကြေးကလည်းဒါရိုက်တာပီသတယ်။
ကျွန်မတစ်ယောက်တည်းလာတဲ့ကျွန်မရဲ့anniversaryအတွက်တဲ့..လက်ဆောင်တောင်ယူ
လာသေးတယ်။ဇာဇာနဲ့တီချာကြီးကလည်းလက်ဆောင်ကိုယ်စီနဲ့။ကျွန်မမှာရယ်ရမလို၊ငိုရမလို..
စိတ်လည်းမလုံဘူး။ဟေမာန်ကလည်းနှင်းဆီပန်းလှလှကြီးတစ်စည်းယူလာတယ်။(အပြန်ကျ..
အဲဒီနှင်းဆီကိုမောင်နေလင်းမ.သွားလေရဲ့...သူပိုင်တယ်ပေါ့..)စားသောက်တာကလည်းသူ
ကကျွန်မလက်ထဲပိုက်ဆံသုံးသောင်းထည့်ပေးပြီးသား။လိုရင်သာစိုက်ခိုင်းတာ။မစိုက်လိုက်ရဘူး
ထင်တာပါပဲ။ကျွန်မတို့အုပ်စုလည်းတီချာကြီးပြောသလိုငါတို့လည်းကလေးတွေနဲ့ပေါင်းပြီးမကြီး
မငယ်ဇာတ်တွေခင်းနေမိပြီ..ဆိုတာလိုဖြစ်နေတာမို့ရင်တမမပါ။ဒါပေမယ့်တီချာကြီးဆိုတာက
လည်းတခြားလူမှမဟုတ်တာ။ဒါရိုက်တာချိုတူးဇော်တို့နဲ့အတူစတုတ္ထနှစ်မြို့ပြကျောင်းသူကို
ဝင်ရိုက်ခဲ့သူဆိုတော့..ကြေးရဲ့ဇာတ်ညွန်းတွေကိုသူကသေချာမဖတ်ပဲတောင်ပီပြင်နေတဲ့သူ။
ဒါတောင်မှ..ကျွန်မတို့ဟေမာန့်ကားလေးထွက်သွားမှသက်ပြင်းကိုချပြီးစိတ်ကိုလျော့ချလိုက်
လို့ရတော့တယ်။
သို့နှင့်..သို့နှင့်..မောင်နေလင်းနဲ့ဟေမာန်ဧပြီလသုံးရက် သားကလေးမွေးနေ့မှာအဆင်ပြေ
သွားကြလေသည်ပေါ့..။သူတို့အဆင်ပြေတဲ့နေ့ကကျွန်မကကြိုသိနေတယ်ဆိုရင်..အံ့သြကြ
မှာပဲ..။အဲဒီညကအိမ်ကိုသားလေးမွေးနေ့အတွက်မုန့်ဟင်းခါးကူချက်ဖို့ရောက်နေတဲ့တီချာကြီး
လည်းအံ့သြလို့..။ဘာလို့လဲဆိုတော့သူတို့ကညဖက်ဆိုမအိပ်တမ်းဖုန်းပြောကြတယ်။မနက်..
သုံးနာရီလောက်ထိ။ဒါကိုကျွန်မကမောင်နေလင်းပြောထားလို့သိနေတယ်။၂ရက်နေ့ညကလည်း
အိမ်မှာလာကူသလိုနဲ့ဘီယာသောက်ပြီးလာရှုပ်ကြသေးတာကိုး။ညကျဖုန်းပြောမယ်ဆိုတာသိနေ
ပေမယ့်စိတ်ထဲလည်းအမှတ်တမဲ့ပဲ။ကျွန်မကမိုးလင်းခါနီးမှအိပ်မက်မက်တာ။အိပ်မက်ထဲမှာဟေ
မာန်က..မနော်ကိုပြောစရာရှိတယ်သိလား..ဆိုပြီးသိပ်ချစ်ဖို့ကောင်းတဲ့ရှက်ကိုးရှက်ကန်းမျက်
နှာလေးနဲ့...ဘာမှတော့မပြောသွားဘူး..ခပ်လှမ်းလှမ်းမှာတော့နေလင်းကိုတွေ့ရတယ်...
ဒါပဲ..။
မနက်ကျတော့ တီချာကြီးကိုဟင်းချက်ရင်းပြောပြတော့တီချာကြီးကတောင်ဒီနှစ်ကောင်တစ်ခု
ခုထူးခြားနေပြီထင်တယ်တဲ့။ပြောသေးတာ။နောက်နေလင်းရောက်လာတော့မှ..အကုန်လုံး
ဝမ်းသာအားရနဲ့ထအော်ကြတာ။ကျွန်မအိပ်မက်ကိုလည်းပြောရင်းပေါ့။
အဲဒီတုန်းကတော့..သူတို့နဲ့ကျွန်မကမောင်နှမအကြီးဆုံးနဲ့အငယ်ဆုံးအရွယ်တွေဆိုပေမယ့်သူ
တို့ကိုလူကြီးတစ်ယောက်လိုပြောဆိုလုပ်ကိုင်ပေးနေတော့သူတို့ကစပြီးကျွန်မကိုအမေအဖြစ်
မွေးစားကြတာပါ။ကျွန်မက ကိုယ့်ကိုယ်ကိုအဲဒီအရွယ်မရောက်သေးဘူးထင်တာလေ..း)....
professor brown ကစခေါ်တယ်။အမေ..တဲ့။နောက်တော့.နေလင်းနဲ့ဟေမာန်က.သား
ကလေးခေါ်သလို၊စိုင်းစိုင်းခေါ်သလိုစုပြီးခေါ်ပုံက..မာမီ၊မာမားမေမေ..တဲ့။ဂျွန်တစ်ယောက်က
တော့ဒီနေ့ထိတွေ့တဲ့နေရာမှာ..အမေ ခေါ်တုန်း၊မောင်စိုင်းကတော့စိတ်ကူးရရင်ရသလို.မာမီ
လို့ခေါ်တတ်တယ်။
နေလင်းနဲ့ဟေမာန်.အခက်အခဲအနှောက်အယှက်ပေါင်းမြောက်များစွာကိုကြုံခဲ့ရပါတယ်။တကယ့်
ကိုပြန်ပြောချင်စရာမကောင်းတာတွေလည်းပါတာပေါ့။ဒါပေမယ့်ဒီလူတွေရဲ့စိတ်ဓါတ်ရေးရာအား
ပေးမှုတွေနဲ့အားလုံးကိုဖြတ်ကျော်နိုင်ခဲ့ပြီး..၂၀၀၆ဖေဖော်ဝါရီလမှာစေ့စပ်ဖြစ်သွားတယ်။နောက်
တစ်လ မတ်လမှာပဲမင်္ဂလာဆောင်ခဲ့တာမို့..ခုဆိုသူတို့ရဲ့ဘ၀ခရိးသက်တမ်းတောင်မှသုံးနှစ်ပြည့်
တော့မယ်။
ကျွန်မကတော့တစ်ခါတစ်ခါအထိန်းအကွပ်မဲ့သလိုဆိုးချင်တဲ့နေလင်းကိုပဲမှာတာပါ။ဟေမာန့်ကိုစိတ်
ချမ်းသာအောင်ထား၊မထားရင်ငါတို့တွေတစ်သက်လုံးနောင်တရနေရမယ်လို့...။ကြားထဲမှာအ
ခက်အခဲအနှောင့်အယှက်တွေကြုံရတိုင်းဒါရိုက်တာကြေးကရင်တမမ..သူဇာတ်ညွှန်းပေးခဲ့တာ
များမှားပြီလားပေါ့..။
ခုထိတော့..မှန်နေပါတယ်။နောက်နှစ်ပေါင်းများစွာထိလည်းဒီနေ့ရောက်တိုင်းသတိတရနဲ့မှန်ကန်
တဲ့လုပ်ရပ်အဖြစ်သတိရနေချင်ပါသေးတယ်..လို့..မောင်နေလင်းကိုပဲမှာချင်ပါတယ်။
(နေလင်း၊ဟေမာန်၊ကြေး၊ဇာ၊တီချာကြီး၊မောင်စိုင်း၊ငဂျွန်၊နဲ့ပါမောက္ခညို..သို့အမှတ်တရ)


ဝင်းမောင် ၏ ကဗျာများ

Friday, February 13, 2009

ကဗျာဆရာဝင်းမောင် ဆိုရင် သိတဲ့သူတွေသိကြမှာပါ။ ၀င်းမောင် ၊ ၀င်းမြင့်၊ ၀င်းလွင်..
စတဲ့ကဗျာရေးကောင်းသူတွေရောနေရင်လည်းရောနေလိမ့်မယ်။ ၁၉၉၅ - ၉၆ ကာလ
တွေဆီက ကျွန်မသူ့ကဗျာတော်တော်များများကိုဖတ်ခဲ့ရပြီး…ကူးယူသိမ်းဆည်းထားခဲ့
ပါတယ်။အဲဒီကဗျာလေးတွေကို ကျွန်မပြန်မျှဝေချင်လို့ပါ။ ပစ်ထားတာကြာနေသလိုဖြစ်
နေတဲ့ ကျွန်မရဲ့ ကဗျာဘလောခ့်လေးကိုလည်းဖုန်ခါရင်းပေါ့..း)
ကိုဝင်းမောင် ကိုကျွန်မမြင်ဖူးသိဖူးတာလည်း အဲဒီသရဖူကာလများဆီကသိခဲ့တာပါ..။
သရဖူကာလဆိုတာက သရဖူမဂ္ဂဇင်း အရှိန်ကောင်းနေတဲ့အချိန်ကိုပြောတာပါ။ စာပေနဲ့
ပတ်သက်ရင်မှတ်တမ်းမှတ်ရာအဖြစ်ထားရမယ့် သရဖူ မဂ္ဂဇင်းတွေအဲဒီတုန်းကထွက်ခဲ့
ပါတယ်။ အဲဒီတုန်းကတည်းကမြင်ဖူးခဲ့တယ်။
နောက်ပိုင်း စင်္ကြာလုလင် ဆိုပြီး မောင်သစ္စာ(သစ္စာပိုင်စိုး)တို့ ကိုနွယ်ဦးတို့နဲ့ နေလ ဂျာ
နယ်လုပ်တော့တစ်ခါထပ်ဆုံတယ်။အဲဒီမှာတော့ သူက ကဗျာဆရာမဟုတ်ဘူး။ကံကြမ္မာ
ဖတ်သူ။ ဇာတာတွက်သူ..။
နောက်ပိုင်းကျတော့ ကျွန်မလည်းကိုယ့်သောကနဲ့ကိုယ် သူလည်းသူ့ဘ၀နဲ့သူ..မတွေ့
ဖြစ်ကြတော့တာတော်တော့်ကိုကြာတယ်။ကျွန်မခရီးမထွက်ခင်လေးကမှရောက်လာ..
တယ်။ အကြွေးလာဆပ်တာတဲ့။ ဘာကြွေးလဲဆိုတော့ဇာတာကြွေး.။သားကလေးကိုဇာ
တာတွက်ပေးထားတာ။ ကိုယ်ကဖြင့်မေ့တောင်နေပြီ။
ကျွန်မသွားမယ်ဆိုတာသိတော့သူကမွေးနေ့မေးတယ်။နင့်လည်းတစ်ခုတွက်ပေးမယ်တဲ့။
ကျွန်မကမွေးနေ့လည်းပြောလိုက်ရော..သူကရယ်တယ်။ နင့်ဇာတာက နင်တကယ်လို
အပ်ရင်အနားမှာဘာမှမရှိတတ်တဲ့ဇာတာပဲ တဲ့။ ပျော်စရာကြီးနော်..း( ..သူကလုပ်ကြံ
ပြောတာမှမဟုတ်တာ။ဘာတတ်နိုင်မှာလဲ။
အဲဒါနဲ့ ..ဆရာရယ် ဇာတာလည်းဖွဲ့ တာဖွဲ့ ကံကြမ္မာဖတ်တာလည်းဖတ်ပေါ့..ကဗျာလေး
ရေးပေးပါဦး ..ဆိုမှ ကဗျာတစ်ပုဒ်နဲ့ ကျွန်မဇာတာနဲ့အတူရောက်လာတယ်။ နင် အသက်
ကြီးရင်တော့ကောင်းသွားမှာပါတဲ့..။ဘယ်လောက်ကြီးရင်လဲလို့မမေးလိုက်ရဘူး ..း)
သူ့ကဗျာလေးတွေကတော့ တကယ့်ကိုကောင်းတာပါ။
ကဗျာတွေကို ကြမ္မာဖတ်သလိုရေးသွားတဲ့ကဗျာဆရာလို့ ပြောရမလား…???
ဖတ်တဲ့သူကိုယ်တိုင်သာဆုံးဖြတ်ပါတော့လို့…။
( ကိုဝင်းမောင် ..သို့ အမှတ်တရ..)
ဝင်းမောင် ရဲ့ကဗျာများကို ကျွန်မရဲ poems i love ကဒီနေရာမှာ..ဖတ်နိုင်ပါပြီ..။


တစ်နေ့တာ

Wednesday, February 11, 2009

ပြီးခဲ့တဲ့လက..ကင်ဘာရာ(Canberra)ကိုတစ်ရက်ရောက်ခဲ့တယ်။အိမ်ကနေမနက်စောစော
ထွက်သွားကြတာပါ။မောင်လေးကကားမောင်းတယ်။သွားတာကလည်း..အဲဒီမှာ..သူအလုပ်
ကိစ္စရှိတာနဲ့လိုက်သွားကြတာပါ.။လေးနာရီလောက်ကားမောင်းရပါတယ်။..လမ်းမှာမြို့ကလေး
တစ်မြို့ကိုဝင်ဖြစ်တယ်။Goldburnတဲ့။သက်ကြီးရွယ်အိုလေးနဲ့တူတဲ့မြို့ကလေးတစ်မြို့ပါပဲ..။
တိတ်ဆိတ်ငြိမ်သက်လို့။လူသူကလည်းနည်းသေးတယ်။
အဲဒီမှာတွေ့ရတာတစ်ခုကဧရာမသိုးကြီးတစ်ကောင်ရုပ်ထုပါပဲ။သူ့နာမည်က..Big Marino
တဲ့..။ကြည့်ပါဦး...။




Big Marino

အဲဒီထဲမှာ သိုးမွေးထည်တွေနဲ့အမှတ်တရပစ္စည်းတွေရောင်းတာကတစ်ထပ်၊နောက်တစ်ထပ်
ကျတော့အဲဒီဒေသကသိုးမွေးတွေကိုဘယ်လိုရယူတယ်ဆိုတဲ့သမိုင်းတွေပြထားတဲ့နေရာ..။
နောက်တစ်ထပ်ကိုတော့တက်ခွင့်မပေးပါဘူး။ပြုပြင်နေလို့လို့ဆိုပါတယ်။မဟုတ်ရင်အထဲမှာ
သိုးမွေးထုတ်လုပ်ပုံအဆင့်ဆင့်ကိုအရင်ကပြတယ်လို့ပြောပါတယ်။သူတို့အဆိုအရကတော့
အဲဒီဒေသGoldburnကထွက်တဲ့သိုးမွေးဟာတခြားကသိုးမွေးတွေနဲ့မတူဘူးတဲ့။ပိုပြီးဖြူစင်
ပိုပြီးနူးညံ့တယ်တဲ့လေ..။
ကျွန်မတို့Canberra...ရောက်တော့မောင်လေးကသူ့အလုပ်ရှိတဲ့နေရာမှာနေခဲ့ပြီးညီမက
ကားဆက်မောင်းပါတယ်။ဆက်သွားတဲ့နေရာက..Cockington Green Garden.တဲ့။
အထဲမရောက်ခင်အပြင်မှာလည်းက..ကျွန်မကြိုက်တဲ့နှင်းဆီတွေကဝေလို့..။


နှင်းဆီတွေ..




အထဲဝင်တော့ဝင်ဝင်ချင်းအပေါက်ဝမှာ..သူတို့နှစ်ကောင်ကဆီးကြိုလို့..။ဒီနိုင်ငံရဲ့ emblem
ထဲထောင်ပါတဲ့ကောင်တွေလေ။ Australia..ရဲ့ဇာတ်လိုက်ကျော်များးပေါ့။

သားပိုက်ကောင်၊သားကလေးနဲ့..အီမူး(Emu)ငှက်

Emu..ဆိုတာ..Ostrich(ငှက်ကုလားအုတ်)မဟုတ်ပါဘူး။သိတဲ့သူတွေကသိမှာပါ။ကျွန်မ
သာ..အဲဒီနှစ်ကောင်ကိုသိသိကြီးနဲ့တွေ့လိုက်တိုင်းနာမည်မှားခေါ်တတ်တာပါ။
ဆက်ဝင်သွားတော့..အိုး..အိမ်ကလေးတွေကျောင်းကလေးတွေ..သေးသေးလေးတွေ..
ဒါပေမယ့်တစ်ထေရာတည်းပဲ။သေးနေတာတစ်ခုကလွဲရင်အကုန်တူတယ်။ချုံ့ထားတာနဲ့တူတယ်။
ကြည်ကြည့်ပါဦး..။



ဒါကဘုရားကျောင်း



ဒါကဘောလုံးကွင်း..ကန်တောင်ကန်နေကြတယ်..




ဒါကတော့ဘာလဲမသိဘူး၊လှတော့လှတယ်။း)




ဒါက Stonehenge အသေးလေး..အပေါ်စီးကနေကြည့်လို့ရတယ်..း)

အဲဒီနေရာလေးကနှစ်ပိုင်းခွဲထားတာ။ဒါတွေပြီးတော့နောက်တစ်ပိုင်းက..Internatioanl
Display..ကိုတွေ့ရပါတယ်။ကမ္ဘာအရပ်ရပ်ကနာမည်ကျော်အဆောက်အဦနဲ့နေရာတွေပါ။



ဒါကိုတော့မြင်တာနဲ့ ဘောရောဘောဒူ(Borobodur Temple)မှန်းသိကြမှာပါ။
ကျွန်မသိပ်သွားချင်တဲ့နေရာပေါ့။ Indonesia နိုင်ငံမှာပါ။


UKRAINE က Saint Andrew Church



Bargund Stave Church, NORWAY



St.Mark Church , CROATIA


The Capital Building, VENEZUELA



Tenochtitlan Aztec Temple, MEXICO




Triumphal Gateway, SYRIA


Dabotap Pagoda,Seokgatap Pagoda ,KOREA



Treasury Building, Petra, JORDAN



တွေ့ပြီကွ..မြန်မာဘုန်းကြီးကျောင်းဆိုပြီးပြေးရိုက်လိုက်တာ..(camera နဲ့း) )
တွေ့တော်မူတဲ့အတိုင်းပါပဲ..သိပ်မမှားပါဘူး..
Torogon, PHILIPPINES တဲ့..း( ဖြစ်ရပုံများ ..
မြန်မာပြည်ကဘာအထင်ကရမှမတွေ့ခဲ့ရဘူး..
အမှန်ကမြန်မာပြည်က ရွှေတိဂုံ တို့ ဦးပိန်တံတား တို့ သူတို့မသိသေးလို့ဖြစ်ရမယ်
ညံ့လိုက်ကြပုံများ..မပြောချင်ဘူး..း(



Machu, Picchu, PERU


The Trakai Castle, LITHUANIA



Turkey က Summer Palace
(နောက်မှာရေကန်ပါတယ်)


တစ်နေ့တာ

Sunday, February 8, 2009

ပူလွန်းလို့ရာသီဥတုဒါဏ်မခံနိုင်တာနဲ့ကျွန်မခေါင်းမထူနိုင်တာကြာသာပတေးလောက်ကတည်းကပါ။
သောကြာနေ့မှာတော့မာမီ့မွေးနေ့မို့တစ်ခုခုတော့လုပ်မယ်ဆိုပြီးစဉ်းစားတာစဉ်းစားခန်းထဲကမထွက်
ဘူးဆိုတာလိုဖြစ်သွားတယ်။မည်သို့ဖြစ်သွားသည်မသိဆိုတာလိုပါပဲ။တကယ့်ကိုခဏသေသွားသလို
မထနိုင်တာ။နိုးလာတော့မနက်လေးနာရီ..သားကလေးကညဆို..သူ့သူငယ်ချင်းတွေနဲ့ချက်တင်
ဝင်တတ်တော့သူ့ကိုကွန်ပျူတာသုံးပြီးရင်ပိတ်နော်လို့တော့မှာလိုက်နိုင်သေးတာမှတ်မိတယ်။သို့သော်
မနက်ကျတော့ကြည့်တော့သားတော်မောင်ကသူ့ gtalk ကိုပဲအကျအန sign out လုပ်ထား
တာဖြစ်နေတယ်။ဒါနဲ့တစ်ရေးနိုးကြီးကွန်ပျူတာပိတ်ဖို့အထမှာပို့စ်တချို့တက်နေတာနဲ့ရအောင်လည်း
ဖတ်လိုက်သေးတယ်။comment လည်းထားခဲ့လိုက်သေးတယ်။
မနက်ကျတော့တစ်မိသားစုလုံး cruise သွားကြမယ်ဆိုတော့ရာသီဥတုကဖြစ်မယ့်အပူချိန်.၄၃.
ကိုတွေးပြီးဘာလုပ်ရမှန်းမသိဘူး။ဒါပေမယ့်မာမီ့မွေးနေ့အမှတ်တရကိုအစ်မ၀မ်းကွဲတစ်ယောက်က
စီစဉ်ပေးတာမို့သွားမှကိုရမှာလေ။အဲဒါနဲ့အကုန်လုံး Cruise စမယ့် Palm Beach ကိုမနက်..
စောစောရှစ်နာရီခွဲလောက်မှာချီတက်သွားကြတာ။အမှန်ကတစ်နာရီခွဲလောက်မောင်းရမယ့်ခရီးကို
traffic.မရှိတော့တစ်နာရီသာသာလောက်နဲ့ရောက်သွားပါလေရော။လမ်းတစ်လျှောက်မှာလည်း
beach.ပေါင်းမြောက်များစွာကိုတွေ့ရသလိုသွားနေကြတဲ့သူတွေကလည်းတစ်ဖွဲဖွဲ..။အဲဒီ.Palm
Beach.ကနာမည်ကြီးတဲ့..ကမ္ဘာကျော်မင်းသားမင်းသမီးတွေတော်တော်များများအဲဒီကိုပဲလာကြ
တယ်ဆိုလို့Malibu..လိုပေါ့လို့တောင်တွေးမိလိုက်သေးတယ်။အဲဒီလောက်စောတာတောင်၊ကား
ရပ်စရာနေရာမရှိပါဘူး။တော်တော်ဝေးဝေးမှာသွားရပ်ရတယ်။ကောင်းတာတစ်ခုကတော့ပင်လယ်
လေကိုစရှုလိုက်ရတာပါပဲ။တော်တော်နေမကောင်းလို့အသံမထွက်နိုင်တဲ့ကျွန်မနည်းနည်းတော့လန်း
သွားသလိုပဲ။ဒါတောင်အန်ချင်သလိုဖြစ်နေတဲ့အတွက်အချိုတော့ဆောင်ထားလိုက်ရတယ်။
မနက်ဆယ့်တစ်နာရီမှာ..Ferry စထွက်ပါတယ်။လူကတော့သိပ်မများပါဘူး။သူတို့တွေကတော့
နေရောင်ကိုကြိုက်တဲ့သူတွေဆိုတော့အပေါ်ထပ်နေရောင်အောက်မှာနေကြတာများတယ်။နောက်..
ထူးခြားမှုတစ်ခုကတော့အဲလိုနေရာမှာAsianတွေကိုလုံးဝမတွေ့ရတာပါပဲ။Asianဆိုလို့ကိုယ်တွေ
ပဲရှိတယ်။အထဲမှာထိုင်နေတာဆိုလို့လည်းကျွန်မတို့နဲ့အသက်ကြီးတဲ့အဖြူအဖိုးကြီးအဖွားကြိးတွေပဲ
ရှိတယ်။
ပထမဆုံးTongaBeachမှာရပ်တော့လူတော်တော်များများဆင်းသွားကြတယ်။အဲဒီTongaBeach
မရောက်ခင်မှာပင်လယ်ဝကိုဖြတ်တာမို့လှိုင်းကတော်တော်ကြီးပါတယ်။လှိုင်းကြီးတွေကမြင့်တာမဟုတ်
ပဲကြီးပြီးကြောက်စရာကောင်းတာပါ။Ferryလေးဆိုတာလူးနေတာပဲ။ရေတွေလည်းစင်လို့။ဒါကိုသား
ကသဘောတွေကျနေတာ။သူ့ကိုလည်းစိတ်မချတာနဲ့ကိုယ်ကအနိုင်နိုင်ရပ်နေရတဲ့ထဲကသူ့နားမှာပဲနေ
ရတယ်။ရလာဒ်ကတော့ကောင်းပါတယ်။သိသိသာသာကိုနေလို့ကောင်းလာတာပဲ။နောက်ထပ်တစ်နေ
ရာမှာရပ်သေးတယ်။တစ်ချို့တက်လာပြီးတချို့ဆင်းသွားတယ်။ကျွန်မတို့သွားမှာကတော့Bobbin
Head..ဆိုတဲ့နေရာပါ။အဲဒီကိုရောက်တော့မှနေလည်စာစားကြတယ်။အချိန်ကတော့တစ်နာရီပဲရတာ
ပါ။တစ်နာရီတောင်လို့ထင်လိုက်ပေမယ့်တကယ့်တကယ်ကျမှတစ်နာရီပဲလို့တွေးယူရသလိုဖြစ်သွားရ
တယ်။အမှန်ကတော့BobbinHead..မှာလည်းပူပါတယ်။လေပူတွေကလည်းတိုက်လို့။မပူတာက
မြစ်ကြောင်းတစ်လျှောက်စုံဆင်းနေတဲ့အချိန်ပါပဲ။အပူချိန်ကလည်းကြည့်ဦးလေ..။ကျွန်မတို့ကုန်းတွင်း
ဖက်..Bankstown.နဲ့အဲဒီဖက်ကအပူချိန်၁၀ကျော်လောက်ကိုကွာနေတာပါ။မြစ်ကြောင်းထဲမှာဆိုပို
ကွာတာပေါ့။ဒါကြောင့်နေရထိုင်ရသက်သာတာ။တစ်နေကုန်လန်းလာတာညနှစ်နာရီကျော်မှပဲအိပ်ပျော်
အောင်ကြိုးစားရတော့တယ်။
ဒီနေ့မနက်မိုးလင်းတော့နောက်ကျအောင်မအိပ်နိုင်ပါဘူး။ပူတာနဲ့ကိုနိုးလာတော့တာပဲ။ချက်ချင်းပဲမနေ့
ကပျက်စီးလာတဲ့ဆံပင်ကိုလျှော်ပစ်ရတယ်။အပြန်မှာလှိုင်းတစ်ဝုန်းဝုန်းရိုက်တဲ့နားစိုရွှဲလာတဲ့ထိသားက
နေခဲ့တာကိုး။သူနဲ့နေတော့ကိုယ်လည်းဆားငံရေတွေစိုရွှဲကုန်တာမို့ပါ။



ခရီးစဉ်အစ Palm Beach




လှမ်းမြင်နေရတဲ့သမုဒ္ဒရာအ၀




ကမ်းခြေနဲ့ကျောက်တောင်




ဘေးကမ်းခြေရှုခင်း




ရှုခင်းတစ်ခု




ကျွန်မတို့စီးတဲ့Ferry



Bobbin Head ကိုလှမ်းမြင်ရတဲ့အချိန်




နောက်ဆုံးရောက်တဲ့Bobbin Head

ဒီနေ့လည်းကျရော...ဒုံရင်းပါပဲ။ပူတာနဲ့တစ်နေကုန်ခေါင်းမထူနိုင်ပြန်ပါဘူး။ခုတောင်ညဖက်အပူရှိန်ကျတဲ့
အချိန်လေးတင်လိုက်ရတာ။