လှသန်း (သို့မဟုတ်) လက်မရွံ့ကဗျာဆရာ

Monday, October 24, 2011


လက်မရွံ့ကဗျာ


သူများသီချင်းသံစဉ်တွေကိုစာသားသွပ်ရေဲ့ကော်ပီသီချင်းရေးသမားဘ၀ကိုကျွန်တော်မရွေးချယ်ခဲ့ဘူး။
ပေါတောတောရုပ်ရှင်တွေဗီဒီယိုတွေအတွက်ဇာတ်ညွှန်းရေးတဲ့အလုပ်ကိုကျွန်တော်မရွေးချယ်ခဲ့ဘူး။
သတ်ပုံတောင်သေသေချာချာမသိတဲ့အရေခြုံအယ်ဒီတာဘ၀ကိုကျွန်တော်မရွေးချယ်ခဲ့ဘူး။သတင်းလို့ထင်ရတဲ့ အတိုအစတွေရေးပြီးခြောက်စားမြှောက်စားလုပ်တဲ့အောက်တန်းစား
စာနယ်ဇင်းသမားဘ၀ကိုကျွန်တော်မရွေးချယ်ခဲ့ဘူး။
ဘ၀မှာပင်ပန်းမယ်၊ဆင်းရဲမယ်၊ခက်ခဲမယ်၊ဒုက္ခရောက်မယ်ဆိုတာသိသိနဲ့ ကျွန်တော်ကဗျာဆရာဘ၀ကိုပဲကျေကျေနပ်နပ်ရွေး
ချယ်ခဲ့ပါတယ်။ပတ်ဝန်းကျင်မှာကားပွဲစားလောက်မှ၊ချဲထီရောင်းသူလောက်မှလူအထင်မကြီးတဲ့ကဗျာဆရာဘ၀ကိုပဲ သေသေ
ချာချာရွေးချယ်ခဲ့ပါတယ်။
သက္ကရာဇ် ၂၀၀၀ပြည့်နှစ်တ၀ိုက်မှာ လက်ရေးစာမူတွေပုံနှိပ်စာလုံးဖြစ်လာဖို့ခက်ခဲခဲ့ရပါတယ်။မဂ္ဂဇင်းစာမျက်နှာတွေနဲ့လမ်းခွဲ
ခဲ့ရတယ်။ဝမ်းနည်းစရာတော့မရှိပါဘူး။၁၉၈၂ခုနှစ်ဖေဖော်ဝါရီလကစခဲ့တဲ့ကဗျာခရီးဟာ ၂၀၀၂ခုနှစ်ဖေဖော်ဝါရီလမှာအနှစ်
၂၀ရှိခဲ့ပါပြီ..။
ကျွန်တော့်ရဲ့အနှစ်၂၀ကဗျာခရီးမှာ ကျေးဇူးတင်ရမယ့်သူများစွာရှိပါတယ်။ကျွန်တော့်ကိုလူဖြစ်အောင်မွေးခဲ့ပြီး ကျွန်တော့်ရဲ့
ကဗျာရေးသမားဘ၀ကို ကန့်ကွက်ခြင်းထောက်ခံခြင်းမပြုခဲ့တဲ့ အဖေနဲ့အမေကိုလည်းကျေးဇူးတင်ပါတယ်။ကျွန်တော့်ကိုကဗျာ
ရေးဖြစ်အောင်လှုံ့ဆော်ခဲ့တဲ့ ကမ္ဘာပေါ်က ကဗျာဆရာများနဲ့ ကဗျာများကိုလည်းကျေးဇူးတင်ပါတယ်။ကျွန်တော့်ရဲ့ကဗျာများကို
မဂ္ဂဇင်းစာမျက်နှာများမှာဖော်ပြပေးခဲ့တဲ့ အယ်ဒီတာများကိုလည်းကျေးဇူးတင်ပါတယ်။ကျွန်တော့်ရဲ့ကဗျာများကိုဂရုတစိုက်ဖတ်
ပြီးကျွန်တော့်ရဲ့ကဗျာများကိုအသိအမှတ်ပြုသူများကို ကျေးဇူးတင်ပါတယ်။ကျွန်တော့်ရဲ့ကဗျာဆရာဘ၀အခက်အခဲများကို စာနာနားလည်စွာကူညီဖြေရှင်းပေးခဲ့တဲ့ သူငယ်ချင်းအပေါင်းအသင်းများကိုလည်းကျေးဇူးတင်ပါတယ်။ရေးချင်တာတွေပဲရေးပြီး
မရေးချင်တာတွေကိုမရေးတဲ့ကျွန်တော့်ကိုယ်ကျွန်တော်လည်းကျေးဇူးတင်ပါတယ်။
လက်ဖက်ရည်ဆိုင်ထိုင်ပြီးသူများအတင်းပြောရင်း မဂ္ဂဇင်းတွေထဲမှာဖော်ပြမခံရတဲ့ ကဗျာတွေကိုရေးနေမိတာ ကျွန်တော့်ဘ၀ရဲ့
လောလောဆယ်အဓိပ္ပါယ်ပါပဲ။
လှသန်း
“အတ္တမှတ်စုများ” မှကောက်နှုတ်ချက်


လက်မောင်းသွေးကိုဖောက်ကြည့်ခြင်း (၂)

ညနေစောင်းထိုင်ခုံပေါ်မှာ
သရုပ်ဆောင်ကောင်းတဲ့နားရွက်တစ်စုံနဲ့
ဝါရှင်တန်ကိုနားထောင်တယ်
လန်ဒန်ကိုနားထောင်တယ်
ရန်ကုန်ကိုနားထောင်တယ်

ခုံမင်စရာကောင်းတဲ့ကမ္ဘာကြီးပေါ်မှာ
ပြင်းထန်တဲ့ယုံကြည်ချက်တွေရှိနေရဲ့

ရေစီးကြောင်းတွေကို
ပြောင်းပြန်လှန်ကြည့်ရတာ
အရသာမတွေ့ဘူးလား
နှလုံးသားထဲက ပထ၀ီဝင်အတွက်
ဦးနှောက်ထဲကသမိုင်းအတွက်
လှိုင်းလုံးကြီးတွေတည်ဆောက်ကြည့်တယ်
မဟာတံတိုင်းကြီးးကိုလည်းခေါင်းနဲ့ပြေးဆောင့်မိတယ်

တစ်ခါကအဆောက်အဦသုတေသနဌာနမှာ
ငါဟာအလုပ်သမားတစ်ယောက်ဖြစ်ခဲ့ဖူးတယ်
အဆောက်အဦတွေရဲ့အတွင်းရေးကို
သိသင့်သလောက်တော့သိခဲ့ပါရဲ့

ခုတော့ငါဟာ လက်မရွံ့ကဗျာဆရာ
လူနာတွေမရှိပဲဆရာဝန်တွေရှိပါ့မလား
ဘဏ်တိုက်တွေမရှိပဲဘဏ်ဓါးပြတွေရှိပါ့မလား

ဟောဒီကျောက်နံရံထက်မှာ
ငါတို့မျိုးဆက်ရဲ့အသံကိုထွင်းထုလိုက်မယ်
တစ်ချိန်ချိန်မှာမတန်တဆအနစ်နာခံမှုတွေ
ကြီးမြတ်လှပစွာရှင်ပြန်ထမြောက်လာမယ်

ငါ့ကိုယ်ငါသရဏဂုံတင်ပြီးပြီ
ကိုဖော်ဝေးကိုသစ္စာခံဖို့
ခေတ်ပေါ်ကဗျာစေတီမှာထီးတော်သစ်တင်လှူပူစော်ဖို့
မြန်မာကဗျာတွေကိုပထမဆုံး သင်္ဂါယနာတင်ဖို့
ငါရောက်လာခဲ့တယ်။ ။
လှသန်း


လက်မောင်းသွေးကိုဖောက်ကြည့်ခြင်း (၃)


ဖြစ်နိုင်ရင်
အံသွားအသစ်လဲချင်တယ်
အဆုတ်အသစ်လဲချင်တယ်
ဦးနှောက်နဲ့အသည်းနှလုံးကိုဒီတိုင်းထားလိုက်ပါတော့
နှစ်နှစ်ခြိုက်ခြိုက်မှားခဲ့ပြီပဲ

အရသာခံတယ်
ကင်တာကီကြက်ကြော်ကိုအရသာခံတယ်
စကော့ခ်ျဝီစကီကိုအရသာခံတယ်
ဟောလီးဝုဒ်ရုပ်ရှင်တွေကိုအရသာခံတယ်
ပုံနှိပ်စာလုံးတွေကိုအရသာခံတယ်
ဆန့်ကျင်ဖက်လိင်ကိုအရသာခံတယ်
ငွေစက္ကူတွေကိုအရသာခံတယ်

အာသာမပြေဘူး
အင်းစတန့်အစားအစာတွေနဲ့အာသာမပြေဘူး
ခပ်ညံ့ညံ့ဘီယာတွေနဲ့အာသာမပြေဘူး
အပေါစားအိပ်ယာတွေနဲ့အာသာမပြေဘူး
သွေးပြန်ကြောထဲတိုက်ရိုက်မရောက်တဲ့အနုပညာနဲ့
အာသာမပြေဘူး
သံဆူးကြိုးပတ်ထားတဲ့ဖယောင်းတိုင်အလင်းနဲ့
အာသာမပြေဘူး
ကာကီရောင်မိုးဥတုနဲ့အာသာမပြေဘူး
အာသာမပြေဘူး
အာသာမပြေဘူး

သဘောင်္မြုပ်မှာကိုကြိုသိနေတဲ့ကြွက်တစ်ကောင်
စာရွက်တစ်ရွက်လိုဆုပ်ဖြဲခံရခြင်းများ
ရွဲ့စောင်းသွားတဲ့အာရုံမြင်လက်ရေး
လည်ချောင်းထဲနင်နေတဲ့အိပ်မက်
ထွေးထုတ်လို့မရတဲ့သက္ကရာဇ်
ရင်ဘတ်ပေါ်ပြုတ်ကျလာတဲ့ကြယ်တစ်ပွင့်
သော့တူတစ်ချောင်းလိုပရိယာယ်
ကွယ်လွန်သွားပြီဖြစ်သောလပြည့်ည
ဒါတွေဟာငါတွေ့ခဲ့တဲ့မီးခိုးလုံးတွေ

မိုးတိမ်တွေအရည်ဖျော် ခေါင်းလျှော်ပြီးပြီ
နားထင်ရောက်နေတဲ့သွေးနဲ့ခြေဆေးဖို့
ကမ္ဘာ့မြို့ကြီးအားလုံးကိုအကြောင်းကြားလိုက်ပါတယ်

မွေးမြူရေးငါးတစ်ကောင်မဟုတ်ခဲ့တာကို
ဂုဏ်ယူပါရစေ။ ။
လှသန်း



ကဗျာတစ်ပုဒ်ရဲ့နာရေး

သံမဏိ၊ကွန်ကရစ်
အီလက်ထရွန်းနစ်
ကွန်ပြူတာချစ်ပ်တွေနဲ့တည်ဆောက်ထားတဲ့
အမှည့်လွန်ကမ္ဘာကြီးထဲမှာ
သင့်ရဲ့အာသာငမ်းငမ်းစားသုံးမှုကဘာလဲ
သင့်ရဲ့အကြီးမားဆုံးတင်ပို့မှုကဘာလဲ

မေးခွန်းတွေကြောင့်ချော်လဲသွားနိုင်ရဲ့

ကျောင်းသား
အလုပ်သမား
နိုင်ငံရေးအကျဉ်းသား
အနုပညာစားသုံးသူ
ဘ၀ဇယားမှာအပြောင်းအလဲတွေအများကြီးရှိခဲ့ပြီ

ယုတ္တိရှိတဲ့အလဲအလှယ်တွေ
ကန့်သတ်အောင်ပွဲတွေ
စိတ်ပျက်လက်ပျက်အတည်ပြုချက်တွေ

အဂ္ဂါအယ်လင်ပိုးကနေပီမိုးနင်းအထိ
မြို့မငြိမ်းကနေကာ့တ်ကိုဘိန်းအထိ
ကိုရာဇန်အကွီနိုကနေ မီဂ၀တီဆူကာနိုအထိ
ဆက်သွယ်ကြည့်မိတဲ့မျဉ်းကြောင်းတွေ
အား… ! ညနေတောင်စောင်းသွားပြီ

ဘာမဆိုဈေးကြီးပေးဝယ်နေရတဲ့ခေတ်
နွံနစ်နေတဲ့လှည်းဘီး
ကြိုးဝိုင်းထဲပီယာနိုတီးသူ
စုံလုံးကန်းနေတဲ့ဒိုင်သူကြီးများ
ညနေစာကငါ့ကိုပြန်စားတဲ့ည
စော်ကားမှုဟာသိမ်မွေ့လွန်းတယ်

လရောင်မှာလိင်ဆွဲဆောင်မှုရှိပါသလား
တက္ကစီလှမ်းတားလိုက်လေ
စီးပွားရေးမဂ္ဂဇင်းတစ်အုပ်ထဲမှာ
“မွေ့ယာဆိုတာလည်းရင်းနှီးမြုပ်နှံမှုတစ်မျိုးပါပဲ” တဲ့

ဒါခပ်ညံ့ညံ့ရုပ်ရှင်တစ်ကားမဟုတ်ဘူး
မျက်နှာမသစ်ခင်ရောက်လာတဲ့မေးခွန်းတွေအတွက်
အပူတပြင်းရေးလိုက်တဲ့ကဗျာ
နာရေးကြော်ငြာတစ်ခုလည်းဖြစ်နိုင်ရဲ့။ ။
လှသန်း

နာမကျန်းသောနေ့ရက်များ
ပြန်ဖို့ရာအိမ်အဆင်သင့်
သွားဖို့ရာသံသရာအဆင်သင့်
နာဖို့ရာ ခန္ဓာကိုယ်ဆင်သင့်

နာခြင်းပင်လယ်ကိုရွက်လွှင့်ပြီးမှ
ပြန်လည်ရှင်သန်ခြင်းကမ်းခြေမှာ အပမ်းဖြေရမလား
ဒါမှမဟုတ်
သေခြင်းကျွန်းစုဆိုက်ကပ်မှာလား

လောလောဆယ်မှာ
စိတ်ဓါတ်ကဘယ်လိုရှိပါသလဲ

ရုပ်ကသာဆေးရုံပေါ်မှာ
စိတ်ကဘရော့ဒ်ဝေးဇာတ်ခုံပေါ်ရောက်နေ

ရုပ်ကသာလူနာကုတင်ပေါ်မှာ
စိတ်ကတိန်အန်မင်ရင်ပြင်ရောက်နေ

ရုပ်ကသာအိပ်ယာပေါ်မှာ
စိတ်က ကားလ်းပေါ့ပါး ရဲ့စာအုပ်ထဲမှာ

ရုပ်ကသာပြိုလဲကျနေ
စိတ်ကလွတ်လပ်ရေးကျောက်တိုင်လိုမားမားမတ်မတ်

ငုတ်တိုင်ကကြိုးမပြတ်သေးသ၍
ကျွန်တော့်မှာသတ္တိရှိပါတယ်။ ။
လှသန်း





နာမည္တစ္ခု၏စ်ာပန

(၁)
ကျွန်တော့်ကိုဘယ်သူမှသေသေချာချာမသိကြပါ
စာအုပ်တွေတစ်အုပ်ပြီးတစ်အုပ်ဖတ်နေမိတယ်
ကျွန်တော့်ကိုဘယ်သူမှသေသေချာချာမသိကြပါ
သီချင်းတွေတစ်ပုဒ်ပြီးတစ်ပုဒ်နားထောင်နေမိတယ်
ကျွန်တော့်ကိုဘယ်သူမှသေသေချာချာမသိကြပါ
ရုပ်ရှင်တွေတစ်ကားပြီးတစ်ကာကြည့်နေမိတယ်
ကျွန်တော့်ကိုဘယ်သူမှသေသေချာချာမသိကြပါ
မိန်းမတစ်ယောက်နဲ့မှားယွင်းငြိစွန်းမိတယ်
ကျွန်တော့်ကိုဘယ်သူမှသေသေချာချာမသိကြပါ
အနာဂတ်ကိုရိသဲ့သဲ့လုပ်နေမိတယ်။

(၂)
ကျွန်တော့်ကိုဘယ်သူမှသေသေချာချာမသိကြပါ
ပျားရည်နှင့်သွန်းလောင်းပြုလုပ်ထားသောသန္ဓေသား
ကျွန်တော့်ကိုဘယ်သူမှသေသေချာချာမသိကြပါ
အထိအတွေ့မှာမကြာခဏလူးလွန့်မိတဲ့မိန်းမပျိုလိုမြစ်
ကျွန်တော့်ကိုဘယ်သူမှသေသေချာချာမသိကြပါ
ဦးခေါင်းတွေထဲတိုးလျှိုပေါက်ဖြတ်စီးသွားမယ့်ခေတ်
ကျွန်တော့်ကိုဘယ်သူမှသေသေချာချာမသိကြပါ
နွေဦးကြိုတေးသွားကိုညည်းတွားနေတဲ့ကြေးဝါရွက်အိုများ
ကျွန်တော့်ကိုဘယ်သူမှသေသေချာချာမသိကြပါ
သတင်းကွန်ယက်ထဲမှာကိုယ့်ကိုယ်ကိုလက်သပ်မွေးနေသူ

(၃)
ကျွန်တော့်ကိုဘယ်သူမှသေသေချာချာမသိကြပါ
ကျွန်တော့်ကိုဘယ်သူမှသေသေချာချာမသိကြပါ
ကျွန်တော့်ကိုဘယ်သူမှသေသေချာချာမသိကြပါ
ကျွန်တော့်ကိုဘယ်သူမှသေသေချာချာမသိကြပါ
ကျွန်တော့်ကိုဘယ်သူမှသေသေချာချာမသိကြပါ။ ။
လှသန်း





နာမည်များနဲ့နေ့တစ်နေ့


မှောင်ရီပျိုးမိုးချုပ်တာနဲ့
ကိုယ့်ကိုယ်ကိုမေးခွန်းထုတ်မိတယ်
“ ဒီနေ့ကိုမိမိရရ ဆုပ်ကိုင်မိရဲ့လား” လို့

လက်ထဲကအရက်ခွက်ရေ
မင်းငါ့ကိုပြက်ရယ်ပြုနိုင်ပါတယ်
တကယ်တမ်းကျတော့လည်း
ပြောစရာစကားက မယ်မယ်ရရမရှိလှ
“ကူရိုဆာဝါ” တဲ့
“ကက်သရင်းဒင်းနျုဗ် ” တဲ့
“ ထရူးမင်းကပို့တ် ” တဲ့
“ အင်ဒီဝါးဟိုး” တဲ့

လွယ်လွယ်လေးမှားလိုက်ကြ
ပန်းချီဆရာကပြောတယ်
“မဲလ်ဂစ်ဘဆင်နဲ့ငါကအသက်တူတူ…”တဲ့

လွယ်လွယ်လေးမှားလိုက်ကြ
ချာတိတ်မကပြောတယ်
“ကျွန်မဖြစ်နေပြီ”တဲ့

လွယ်လွယ်လေးမှားလိုက်ကြ
မိတ်ဆွေကပြောတယ်
“ ကိုယ့်နံရိုးနဲ့ကိုယ်ပြန်ရိုက်ခံရတာလောက်
နာတာမရှိဘူး” တဲ့

မြစ်တွေဟာမဖြောင့်မတ်သလို
ကံကြမ္မာဆိုတာဒေါင့်ဖြတ်မျဉ်းတစ်မျိုးပ
ဆိုက်ဗေးရီးယားကျောရိုးမဟုတ်ပါဘူး

ဒဏ္ဍာရီဆန်ဆန်မာကျောမှုမျိုးကိုပြသ
ပင်ကိုယ်ဗီဇနဲ့စိတ်အားထက်သန်
သြော်..ဂျင်မော်ရစ်ဆန်လည်းသေခဲ့ပြီ
ခု..ကာ့တ်ကိုဘိန်းလည်းသေသွားပြန်ပြီ

ပျင်းပျင်းရှိတိုင်း
ရှုခင်းတွေပြတင်းပေါက်ထဲထည့်ဖျော်သောက်
ကြောက်ရွံ့နေမိတယ်

ခင်ဗျားအိပ်ယာထဲကို
ဆီလ်ဗီယာပလာ့သ်ရောက်ဖူးလား
မာရီလင်မွနရိုးရောက်ဖူးလား
(အဲဒီမိန်းမသုံးယောက်စလုံး)
ကိုယ့်ကိုယ်ကိုသတ်သေသွားတာ….

ကောင်းပြီ
ဟောဒီအမှောင်ထုထဲမှာ
ဘာမဆိုဖြစ်နိုင်တယ်
ဒါပေမယ့်…ချစ်နိုင်စွမ်းကိုမြှင့်တင်ကြ။ ။
လှသန်း


လက်မောင်းသွေးကိုဖောက်ကြည့်ခြင်း (၁)

လက်တစ်ကမ်းမှာ
အောင်မြင်မှု၊သေခြင်းတရားနဲ့
မှုန်ဝါးဝါးရာစုအသစ်တစ်ခုရှိရဲ့

မိန်းမတစ်ယောက်ကကျွန်တော့်ကိုစောင့်နေတာလား
ကျွန်တော်ကမိန်းမတစ်ယောက်ကိုစောင့်နေတာလား
ခြေလှမ်းတွေမှာအပြစ်မရှိ

သိပြီးသားကိစ္စတွေပါ
လိုအပ်နေတာ ခရက်ဒစ်ကတ်လဲမဟုတ်
ဇိမ်ခံကားလည်းမဟုတ်
ကွန်ဒိုမီနီယမ်လည်းမဟုတ်
ဒီနေ့လိုအပ်နေတာက
လွတ်လပ်မှုနဲ့ထိမ်းမြားလက်ထပ်ဖို့သာ
ဒါပေမယ့်စေ့စပ်ကြောင်းလမ်းခြင်းတောင်မအောင်မြင်

ခက်တာက
ဘုရားသခင်ကလည်းကိုယ့်ဘက်မှာမရှိ
ရာသီဥတုကလည်းကိုယ့်ဘက်မှာမရှိ
ဖြစ်နေပုံကမချိမဆန့်
ဒါပေမယ့်လိပ်ပြာသန့်ခဲ့တယ်

ရထားကဘူတာရုံကိုလိုက်ရှာနေတာလား
ဘူတာရုံကရထားကိုလိုက်ရှာနေတာလား
သံလမ်းတွေမှာခံစားချက်မရှိ
ပူပြင်းတဲ့ခေါင်းစဉ်ကိုသယ်ထမ်းရင်း
ဘယ်နှစ်ယောက်လောင်ကျွမ်းခဲ့ပြီလဲ
ကိန်းဂဏန်းအတိအကျ မဖော်ပြနိုင်
“ပြုတ်မကျစေနဲ့…
ပြုတ်မကျစေနဲ့….”တဲ့
ငါ့ကိုဆွဲမထားတဲ့အရာကဘာများပါလိမ့်

ငြီးငွေ့မှုတွေကစခဲ့တာလား
တပ်မက်မှုတွေကစခဲ့တာလား

ဒီဘ၀အတွက်မလေးရှားမှာကားရေဆေးတယ်
နောက်ဘ၀အတွက်ကဗျာရေးတယ်
ဒါဟာကျွန်တော်နဲ့လောကကြီးရဲ့ဆက်ဆံရေးပါပဲ

သွေးကြောထဲကကြေငြာချက်မှာ
လက်ရှိပွဲတော်တွေကိုငြင်းတယ်
လက်ရှိဆိုင်းဘုတ်တွေကိုငြင်းတယ်
လက်ရှိဦးထုပ်တွေကိုငြင်းတယ်

ရှင်းရှင်းလေးပါပဲ
အနာဂါတ်ကိုသင်မစဉ်းစားခဲ့ရင်
သင့်ကိုလည်း အနာဂါတ်ကစဉ်းစားမှာမဟုတ်ဘူး။ ။
လှသန်း

ကိုယ့်ဖိနပ်ဟာကိုယ့်ခံတပ်ပါပဲ

ကျန်းမာရေးမကောင်းလို့
ဝင်ငွေမကောင်းလို့
မိုးလေ၀သမကောင်းလို့

ခုလိုအခက်အခဲတွေထဲမှာ
ဖိနပ်သဲကြိုးကိုသတိထားနေရ
ခုံကလည်းလှုပ်လှုပ်
မြင်းကလည်းလှုပ်လှုပ်
ပြုတ်ကျသွားချင်လည်းသွား
ဒုက္ခဆိုတာသစ္စာတရား

ကျွန်တော့်ရဲ့မိုက်မဲမှုများ
လောကကြီးကအလိုက်သိပါ့မလား

ရေပြင်ရဲ့မာယာကိုမုန်းတယ်
ပိုက်ကွန်ထဲကငါးတွေကိုသနားတယ်
ထောင်ချောက်ကိုလိုက်ရှာနေတဲ့သားကောင်ဆိုတာရှိပါ့မလား
ပျော်ရွှင်မှုဆိုတာလှောင်အိမ်ထဲမှာမမွေးဖွားဘူး

ပြိုင်ကားတစ်စီးလိုဓါတ်ဆီဖြုန်းခဲ့ပြီးပြီ
လူနာတင်ယာဉ်တစ်စီးလိုအသုံးဝင်ချင်တယ်

ရော့ခ်အင်ရိုးတစ်ခေတ်လုံးကိုနားထောင်ခဲ့တယ်
ပွင့်လင်းတဲ့လူ့ဘောင်ကိုမျှော်လင့်မိတယ်
ကဗျာနဲ့ဘ၀ကိုချည်နှောင်ထားခဲတယ်

သူငယ်ချင်းရယ်ဒီဇာတ်လမ်းမှာ
လူဆိုးတွေတစ်ယောက်မှမသေသေးဘူးလား
လူကောင်းတွေဒုက္ခများလှပါပြီကွယ်

အသက်တစ်ချောင်းလုံးဆုံးရှုံ့းမယ်ဆိုရင်
နာမည်တစ်လုံးတော့အဖတ်တင်ချင်တယ်

ချောက်ကမ်းပါးစွန်းကလူကို
တွန်းအားတွေမပေးကြပါနဲ့
ပြေးစရာမြေမရှိတော့တဲ့အခါ
ကိုယ့်ဖိနပ်ဟာကိုယ့်ခံတပ်ပါပဲ။ ။
လှသန်း



ပိတ်ထားတဲ့နေ့

လမိုက်ည
ကောင်းကင်ကြီးကအမှောင်ထဲလွင့်မျောလို့ရယ်
ကြယ်တွေကမပွင့်တပွင့်
နံရံကမီးခလုတ်ကိုဖွင့်လိုက်တယ်
ဒါပေမယ့် နေ့ကပိတ်ထားဆဲ

အိမ်တံခါးတွေကိုဖွင့်လိုက်တယ်
နေရောင်ကမပွင့်တပွင့်
ပန်းတွေကပွင့်တချို့ကြွေတချို့
ဒါပေမယ့် နေ့ကပိတ်ထားဆဲ

သတင်းစာကိုဖွင့်ကြည့်တယ်
ရေဒီယိုကိုဖွင့်ကြည့်တယ်
ရုပ်မြင်သံကြားကိုဖွင့်ကြည့်တယ်
ကိုယ့်ရင်ဘတ်ကိုယ်တော့ဖွင့်ကြည့်လို့မရ
နေ့ကတော့ပိတ်ထားဆဲ

ဘယ်လိုလုပ်ကြမလဲ
နေ့တဓူဝ(နိစ္စဓူဝ) ဒေါသတွေအတွက်
ဘယ်လိုလုပ်ကြမလဲ
နေ့စဉ်နဲ့အမျှဆာလောင်မှုတွေအတွက်
ဘယ်လိုလုပ်ကြမလဲ
သားကြောဖြတ်ခံလိုက်ရတဲ့အနာဂါတ်အတွက်
ဘယ်လိုလုပ်ကြမလဲ
ဘယ်လိုလုပ်ကြမလဲ
နေ့ကတော့ပိတ်ထားဆဲ
ပိတ်ထားတဲ့နေ့ကိုဖွင့်ဖို့သော့တစ်ချောင်း
ဘယ်သူ့ဦးခေါင်းထဲမှာရှိသလဲ
ကျွန်တော်လိုက်ကြည့်နေမိတယ်။

ပိတ်ထားတဲ့နေ့ကိုဖွင့်မယ့်သော့တစ်ချောင်း
ကျွန်တော့်လက်မောင်းမဖြစ်နိုင်ဘူးလား။ ။
လှသန်း



လူသားဆန်ချင်တာတရားတယ်


မြစ်တစ်စင်းနဲ့အတူပူးချည်
စွန့်စွန့်စားစားစီးဆင်းခဲ့တယ်
တစ်ခါမှမမြင်ဘူးတဲ့နေ့တွေကိုမြင်ချင်လွန်းလို့ပါ။

မြေပုံမှာမပါတဲ့ကျွန်းတွေ
ပင်လယ်ထဲမှာအများကြီးရှိတယ်
ရေထဲကငါးကို
လေထဲမှာပျံနေတဲ့သိမ်းငှက်ကဖမ်းယူစားတယ်
ဒါသဘာဝပဲလား
နက်နက်ရှိုင်းရှိုင်းတိုးဝင်သွားရင်
ဘာတွေမြင်ရဦးမလဲ

ကမ္ဘာပေါ်မှာ
မနက်ဖြန်ကိုမြင်ရတဲ့နေရာတွေလည်းရှိ
မနက်ဖြန်ကိုမမြင်ရတဲ့နေရာတွေလည်းရှိ
ကိုယ်ရောက်နေတဲ့နေရာကို
ကိုယ့်ဟာကိုယ်သိဖို့အရေးကြီးရဲ့

မိတ်ဆွေတစ်ယောက်ပြောတာသတိရမိတယ်
အခန်းတစ်ခန်းလိုချင်တယ်တဲ့
အေးအေးဆေးဆေးဘုရားရှိခိုးဖို့
အမူးလွန်တဲ့အခါထိုးအန်ဖို့
အမျိုးသမီးတစ်ယောက်ကိုဧည့်ခံဖို့တဲ့
အိုး…လူသားဆန်လှချည်လား

ကျွန်တော်ကရောဘာထူးလို့လဲ
အာဇာနည်တွေကိုလေးစားမယ်
ကိုယ်ဟန်ပြမယ်တွေကိုပြစ်မှားမယ်
ထမင်း၀၀စားချင်တယ်
ဒါလည်းလူသားဆန်ခြင်းတစ်မျိုးဖြစ်နိုင်ရဲ့

ဒါပေမယ့်ရှေ့မှာ
ဂျူးလူမျိုး ခြောက်သန်းကျော်သေခဲ့ပြီးပြီ
ကမ္ဘောဒီယားပြည်သူတစ်သန်းကျော်သေခဲ့ပြီးပါပြီ
ဘ၀ပေါင်းများစွာကိုလျှောဖွပ်ဖို့
လွတ်လပ်မှုရှိမှဖြစ်မယ်

မျှော်လင့်ချက်တွေဟာလုပ်ကြံခံလိုက်ရတယ်
အနာဂါတ်ကတော့အသက်ငင်နေဆဲ
မကြာခင်ရှင်ပြန်ထမြောက်လေမလား

စိတ်ဓါတ်ကျစရာအကြောင်းမရှိ
နောင်တရစရာအကြောင်းမရှိ
ဟောဒီ့ညတစ်ညရဲ့လိုအပ်ချက်ဟာ
“မ” ဓါတ်ဖြစ်နေတာသေချာခဲ့ပြီပဲ..။ ။
လှသန်း



မ်ိမိကိုယ်ကိုအဓွန့်ရှည်ရေး

နာရီလက်တံက
ကျွန်တော့်ကိုရန်စနေတယ်
အချိန်သိပ်မကျန်တော့ဘူးတဲ့

ကျွန်တော်စီးထားတဲ့ဖိနပ်ပ့
ကျွန်တော့်လွတ်လပ်မှုကိုအဆုံးသတ်သွားစေရဲ့
မာရ်နတ်ခမျာ
ကျွန်တော့်ဓါတ်ခံကိုမသိရှာဘူး

တစ်ချိန်ချိန်မှာ
ကျွန်တော့်ရဲ့ဆုံးရှုံးမှုတွေဟာ
အမှတ်တရရုပ်တုတွေဖြစ်ချင်ဖြစ်လာမှာပေါ့

ခုတော့ကောင်းသောနေ့နှင့်တွေ့ခွင့်မရှိ
မိုးလေ၀သမှန်ကန်ဖို့သာ
အသံချဲ့စက်ကိုအသုံးပြုခဲ့ပါတယ်

နေ့စဉ်ဇယားမှာ
ထမင်းစားမကောင်းတဲ့အခါလည်းရှိ
ခေါင်းကိုက်တဲ့အခါလည်းရှိ
တစ်ခုခုကိုရိုက်ခွဲချင်တဲ့အခါမျိုးလည်းရှိတာပေါ့

မလျှော့သောဇွဲနဲ့
အသည်းကွဲလဲကွဲပစေ
ကိုယ့်စိတ်နဲ့ကိုယ်အတူမနေရတာ
ရင်နာဖို့ကောင်းတယ်

ကံကြမ္မာအလှည့်အပြောင်းမှာ
စုဆောင်းထားတဲ့သဲလွန်စတွေအတွက်
တရားခံပြသက်သေဖြစ်ချင်တယ်

ချစ်လှစွာသောဖေဖေနဲ့မေမေ
ကျွန်တော်အဓွန့်ရှည်ဖို့
ကျွန်တော်သေချာခဲ့ပါပြီ။ ။
လှသန်း



လူငယ်ဘ၀ကွယ်လွန်ခြင်း


ကျွန်တော်ရဲ့လူငယ်ဘ၀လေးမှာ
ဘာသာစကားပြောသင်တန်းတွေ
ကွန်ပျူတာသင်တန်းတွေ
အောင်လက်မှတ်တွေမရှိခဲ့ပါ

ကျွန်တော်ရဲ့လူငယ်ဘ၀လေးမှာ
ဗီဒီယိုဂိမ်းတွေ
ကာရာအိုကေတွေ
စိတ်ကြွဆေးပြားတွေလည်းမရှိခဲ့ပါ

ကျွန်တော့်ရဲ့လူငယ်ဘ၀လေးမှာ
ရေဒီယိုတစ်လုံး
ဂစ်တာတစ်လက်နဲ့
စာအုပ်သေတ္တာပဲရှိခဲ့ပါတယ်

ကျွန်တော့်ရဲ့လူငယ်ဘ၀လေးမှာ
ရုပ်ရှင်ရုံသည်သာအငြိမ်းချမ်းဆုံးနားခိုရာ
တစ်ခါတရံစိတ်ပြေပျောက်စရာ
အပြာရောင်စာအုပ်များနဲ့သာ

ကျွန်တော့်ရဲ့လူငယ်ဘ၀လေးမှာ
စက်ဘီးလေးတစ်စီးတောင်မရှိခဲ့သလို
ရည်းစားလည်းတစ်ယောက်မှမရှိခဲ့ပါ

ကျွန်တော့်ရဲ့လူငယ်ဘ၀လေးမှာ
ဘီယာဆိုင်တွေနိုက်ကလပ်တွေမရှိခဲ့ပါ
စာအုပ်ဆိုင်နဲ့လက်ဖက်ရည်ဆိုင်သာ
ကျွန်တော့်ရဲ့ကမ္ဘာ

ကျွန်တော့်ရဲ့လူငယ်ဘ၀လေးမှာ
ခပေါင်းစီးကရက်တစ်ဘူးနဲ့
မြို့ပတ်ရထားကိုမူးအောင်စီးခဲ့ဖူးပါတယ်

ကျွန်တော့်ရဲ့လူငယ်ဘ၀လေးမှာ
လူငယ့်ရေးရာညကျောင်းတစ်ကျောင်းရှိခဲ့သလို
ရန်ကုန်မြို့လည်ပလက်ဖောင်းဟာလဲ
သင်တန်းကျောင်းကြီးတစ်ကျောင်းပါပဲ

ကျွန်တော့်ရဲ့လူငယ်ဘ၀လေးမှာ
ဒိုင်ယာရီစာအုပ်လွယ်အိတ်ထဲထည့်လို့လျှောက်သွားခဲ့တာ
အသည်းကွဲသီချင်းတွေအော်ဆိုခဲ့တာ
အနာဂါတ်လွမ်းချင်းကဗျာတွေရေးသားခဲတာ

အခုတော့
ကျွန်တော့်ရဲ့လူငယ်ဘ၀လေးလည်း
ပျောက်ကွယ်ခဲ့ပါပြီ
တစ်တိုင်းပြည်လုံးကိုဖြတ်စီးသွားတဲ့
ကောက်ကောက်ကွေ့ကွေ့မြစ်ကြီးထဲမှာ
ကျွန်တော့်ရဲ့လူငယ်ဘ၀လေးဟာ
နစ်မြုပ်ပျောက်ကွယ်သွားခဲ့ပါပြီ။ ။
လှသန်း



ပြီးပြည့်စုံတဲ့ကမ္ဘာ


မှုန်နေတဲ့မျက်လုံးတွေအတွက်
မျက်မှန်အကောင်းစားတွေရှိခဲ့ပြီ

ပိတ်နေတဲ့နှာခေါင်းတွေအတွက်
ဟင်းခတ်အမွှေးအကြိုင်တွေရှိခဲ့ပြီ

လေးနေတဲ့နားတွေအတွက်
ဥသြဆွဲသံတွေရှိခဲ့ပြီ

အဆီပြန်မျက်နှာတွေအတွက်
ရေခဲစိမ်မျက်နှာသုတ်ပုဝါတွေရှိခဲ့ပြီ

နံစော်နေတဲ့ခန္ဓာကိုယ်တွေအတွက်
ကမ္ဘာကျော်ရေမွှေးတွေရှိခဲ့ပြီ

ညောင်းညာနာကျင်ကိုက်ခဲမှုတွေအတွက်
ပြည်တွင်းဖြစ်ဒါဏ်ကြေလိမ်းဆေးတွေရှိခဲ့ပြီ

မှိုတက်နေတဲ့သီချင်းတွေအတွက်
ဓါတ်ပြားအသစ်တွေရှိခဲ့ပြီ

လိမ်ညာနေတဲ့ကဗျာတွေ၊၀တ္ထုတွေအတွက်
မသမာတဲ့စာမျက်နှာတွေရှိခဲ့ပြီ

ဖုံတက်နေတဲ့သတင်းစာတွေအတွက်
လျှာထွက်နေတဲ့ချိန်ခွင်တွေရှိခဲ့ပြီ

အညောင်းမိနေတဲ့ဦးနှောက်တွေအတွက်
ဘက်လိုက်တတ်တဲ့ကွန်ပျူတာတွေရှိခဲ့ပြီ

စိတ်ကူးတွေထင်ရာစိုင်းးဖို့အတွက်
နောက်ခံသမိုင်းအချက်အလက်တွေရှိခဲ့ပြီ

ပုတ်သိုးတဲ့ခန္ဓာကိုယ်တွေအတွက်
လတ်ဆတ်တဲ့အစားအစာတွေရှိခဲ့ပြီ

မစင်ကြယ်တဲ့အာရုံတွေအတွက်
ဝိပဿနာတရားတွေရှိခဲ့ပြီ

မလွတ်မြောက်နိုင်တဲ့ဘ၀တွေအတွက်
မဂ္ဂင်ရှစ်ပါးရှိခဲ့ပြီ။ ။
လှသန်း



ကမ္ဘာကြီးနောက်ကိုလျှောက်မလိုက်နိုင်ဘူးမေမေ

ကမ္ဘာကြီးနောက်ကို
လျှောက်မလိုက်နိုင်ဘူးမေမေ
ကျွန်တော့်နောက်ကိုသာ
ကမ္ဘာကြီးလျှောက်လိုက်စေချင်တာ
အဲဒီအတွက်ဒါဏ်ရိုက်ခံရမယ်ဆိုရင်လည်းခံလိုက်မယ်

အင်တာနက်ခေတ်မှာ
အင်ဗာတာကောင်းကောင်းမသုံးနိုင်လို့
ဖယောင်းတိုင်နဲ့နေခဲ့ရတဲ့ညတွေလည်းများလှပါပြီ

ကမ္ဘာရွာကြီးထဲမှာ
တစ်နေ့တစ်ခြားတံငါတွေများများလာ
မုဆိုးတွေများများလာ
အဲဒီကြားထဲမှာ တံငါနားနီးတံငါ
မုဆိုးနားနီးမုဆိုး မဖြစ်ခဲ့တာကိုပဲဂုဏ်ယူပါရစေ

ဟိုဟာလမ်းညွှန်
ဒီဟာလမ်းညွန်
လမ်းညွှန်စာအုပ်တွေအလယ်မှာ
ကိုယ်သွားရမယ့်လမ်းကို
ကိုယ့်ဟာကိုယ်ပဲရှာဖွေရွေးချယ်ခဲပါတယ်

အိမ်ခန်းထဲပြန်လှည့်ကြည့်လိုက်တော့လည်း
ဇိမ်ခံပစ္စည်းဆိုလို့
နဲ့နေတဲ့ပက်လက်ကုလားထိုင်အိုတစ်လုံးရယ်
ဓါတ်ခဲရေဒီယိုလေးတစ်လုံးရယ်
ဆေးပေါ့လိပ်တိုတွေပဲရှိပါတယ်

ဈေးကွက်စီးပွားရေးခေတ်မှာ
ပဲပြုတ်နဲ့ဝေးခဲ့ရ
ပဲပင်ပေါက်နဲ့ဝေးခဲ့ရ
နောက်ဆုံးဈေးနဲ့တောင်ဝေးခဲ့ရပါပြီ

ဂလိုဘယ်လိုင်ဇေးရှင်းဆိုတာကြီးကို
မေမေ့ကိုကျွန်တော်ဘယ်လိုရှင်းပြရမလဲ

တစ်ခါတစ်လေနောက်ဘ၀ကိုမေ့နေသလို
အနာဂါတ်ကိုမေ့နေမိတယ်
ဒါပေမယ့်တတိယလှိုင်းဆိုတာကြီးက
ကျွန်တော်တို့ထမင်းဝိုင်းထဲဝင်လာခဲ့ပြီလေ

ဘာပဲဖြစ်ဖြစ်
ကမ္ဘာကြီးနောက်ကို
လျှောက်မလိုက်နိုင်ဘူးမေမေ
ကျွန်တော့်နောက်ကိုသာ
ကမ္ဘာကြီးကိုလျှောက်လိုက်စေချင်တာ
အဲဒီအတွက်ဒါဏ်ရိုက်ခံရတာတွေလည်းများလှပါပြီမေမေ။ ။
လှသန်း



လင်းနို့များ

ဟောဒီကဗျာ
လင်းနို့တို့ပျံသလိုအမှောင်မှာ
အတားအဆီးများရှောင်နိုင်ပါစေ

ကမ္ဘာကြီးလုံးတယ်ဆိုတာသေချာမှတော့
မျက်လုံးမျက်လုံးချင်း
ဖုန်းဆက်ဖို့လိုသေးလား
နားရွက်နားရွက်ချင်း
ကြိုးညှိဖို့လိုသေးလား
ပါးစပ်ပါးစပ်ချင်း
တံတားထိုးဖို့လိုသေးလား

ဆွေးနေတဲ့အသားစကို
ဘယ်လိုချုပ်ရိုးတွေနဲ့ဆက်စပ်ဦးမှာလဲ
ဆိုးဖော်မိုက်ဖက်သူငယ်ချင်းတို့ရေ
သေသူကသေရှင်သူကရှင်
ဝင်သူက၀င် ထွက်သူကထွက်နဲ့

မြောက်ဖက်အရပ်ကလေတွေတိုက်ရင်
တစ်ခုခုကိုနင်နေတဲ့လည်ချောင်းနဲ့
သီချင်းဟောင်းတွေကို
တစ်ပုဒ်ပြီးတစ်ပုဒ်ချွေချနေမိတယ်

တကယ်တော့ဂျင်းဘောင်းဘီဆိုတာ
ရွှေတူးသမားတွေကစ၀တ်တာပါ
ပုရစ်တွေအသက်စွန့်သွားတဲ့နိုဝင်ဘာမှာ
အောင်ပွဲခံကဗျာ ၂ပုဒ် ၃ပုဒ်နဲ့
ဒုက္ခစရိယာကျင့်နေမိတယ်

ခုတော့ငါ့ကဗျာ
လင်းနို့များလိုညရဲ့ကျောပြင်မှာ
ဘာမှန်းမသိတဲ့တစ်စုံတစ်ရာကိုလိုက်လံရှာဖွေဆဲ။ ။
လှသန်း



မတည်ဆောက်ရသေးတဲ့ကဗျာ

အာပူးရဲ့ကဗျာကိုကြည့်ခဲ့ပြီးပြီ
ခရစ္စတီနာရဲ့ကမ္ဘာကိုကြားခဲ့ပြီ
ဆူဇီဝေါင်းရဲ့ကမ္ဘာကိုမြင်ခဲ့ပြီ
ဆိုဖီရဲ့ကမ္ဘာကိုဖတ်ခဲ့ပြီ

ကျွန်တော်ရဲ့ကမ္ဘာကို
ဘယ်လိုအာကာသမှာတည်ဆောက်ရမှာလဲ

နူဘီယန်ကျွန်တစ်ယောက်လိုနေခဲ့တယ်
ဘိုဟီးမီးယန်းတစ်ယောက်လိုနေခဲ့တယ်
စတာလင်ခေတ်ကဗျာဆရာတစ်ယောက်လိုနေခဲ့တယ်

ကျွန်တော့်ရဲ့ကမ္ဘာကို
ဘယ်လိုအာကာသမှာတည်ဆောက်ရမှာလဲ

ဂျင်းနစ္စဂျိုပလင်ကိုသဘောပေါက်ခဲ့တယ်
ဖရက်ဒီမာကျူရီကိုသဘောပေါက်ခဲ့တယ်
တတိယလိင်ကိုသဘောပေါက်ခဲ့တယ်

ကျွန်တော့်ရဲ့ကမ္ဘာကို
ဘယ်လိုအာကာသမှာတည်ဆောက်ရမှာလဲ

သူတော်စင်တစ်ယောက်လိုအတောင်မပေါက်ခဲ့ဘူး
တစ်ခါမှလူ့လောကကြီးကိုသစ္စာမဖောက်ခဲ့ဘူး
လူပျိုပေါက်ကတည်းက အနုပညာနဲ့မှောက်မှားမိခဲ့တယ်

အို..အယ်လ်ဗင်တော်ဖလာ
ခင်ဗျား..သိပ်နောက်ကျသွားပါပြီ။ ။
လှသန်း


ကိုလှသန်းရဲ့ကဗျာတွေကဒီမှာပြီးပါပြီ။နောက်မှာ “ဂုဏ်ပြုကဗျာ”ဆိုတာ ၂ပုဒ်ပါပါသေးတယ်။


လှသန်းအတွက်သာမန်ကဗျာရိုးရိုးတစ်ပုဒ်

သူလာတယ်
မိုက်ကြွေးတင်အထပ်ထပ်တင်ဖို့
မှန်ဘီလူးလိုလောကကိုဇောက်ထိုးကြည့်ပြီး
ပုံရိပ်အတည့်ပြန်ဖော်ဖို့
နေ့ကိုညလုပ်ပြီး ညကိုနေ့လုပ်ဖို့
ပင်လယ်လောက်ဒုက္ခကြီးတွေကိုထမ်းပိုးဖို့

သူလာတယ်
ခါချဉ်ကောင်လိုမသန်တဲ့ခါးနဲ့
ပီဆာမျှော်စင်ကြီးစောင်းနေတာပြန်တည့်ဖို့
တံထွေးတပျစ်ပျစ်ထွေးလိုက်
နတ်စကားပြောလိုက်လုပ်ဖို့
ကိုယ့်ရုပ်မှကိုယ်အားမနာ
ရေသူမတွေနဲ့ရည်းစားထားဖို့

သူလာတယ်
စုန်းလိုတောက်တဲ့မျက်လုံးနဲ့
အချိုးမတည့်တာတွေစုပ်ယူပြီး
သူ့ကိုယ်ပိုင်မာကျောစတိုင်လ်နဲ့ရောမွှေကာ
လူတာရဲ့မျက်မုန်းကျိုးမှုကိုခံယူဖို့

သူလာတယ်
မြစ်ရဲ့အောက်ခြေမှာ
တီကောင်မပါတဲ့ငါးမျှားချိတ်နဲ့
ရွှေဒင်္ဂါးပြားတွေကိုမျှားဖို့
အသက်မပါခြောက်ကပ်ကပ်ရယ်သံနဲ့
ကလင်တန်ကိုဟားဖို့

သူလာတယ်
“ကဗျာတွေရှင်ချင်ရင်
ကဗျာဆရာတွေသေဖို့သာပြင်ပေတော့…” လို့
ကဗျာဆရာဆိုတဲ့လူတွေကိုတပ်လှန့်ဖို့
နိုဘယ်ဆုရတယ်လို့
အိပ်မက်လိုလို တကယ်လိုလို
ပါးစပ်အရသာခံဖို့

မအေပေး
ကဗျာတော့ တော်တော်အရေးကောင်းတဲ့ကောင်။ ။
ခင်အောင်အေး
၂၆-၁၁-၉၉


လက်မရွံ့ကဗျာဆရာတစ်ယောက်အကြောင်း

အပြင်မှာမှောင်မည်းနေတဲ့ည
အားနည်းတဲ့မီးရောင်အောက်က
အဖြူရောင်စာရွက်တွေပေါ်မှာ
သံမဏိရောင်ဘောလ်ပင်တစ်ချောင်း
သင်ဘာတွေရေးသားနေပါလိမ့်

ဟောဒီမိုးအုပ်နေတဲ့ကောင်းကင်
မီးခိုးရောင်အခန်းကျဉ်းထဲက
ခုတင်တစ်လုံးပေါ်မှာ
ရေဒီယိုကိုင်ရင်းအလုပ်ရှုပ်နေသူ
သင်ဘာတွေများနားထောင်နေပါလိမ့်

ကိုယ့်နာမည်ကိုယ်ချရေးဖို့
အကြွေးကျန်နေသောစာမျက်နှာများ
လက်မောင်းသွေးကိုဖောက်ခဲ့ပေမယ့်
လျော်ကြေးမရလိုက်တဲ့နစ်နာမှု
အစွန်းအထင်းများတဲ့ကိုယ်ရေးရာဇ၀င်နဲ့
သွားခေါခေါဆံပင်ရှည်ရှည်တစ်ယောက်ဟာ
ဝင်သွားတဲ့နေကိုဆယ်ယူဖို့
ပင်လယ်ကိုထွက်သွားပါပြီ။ ။
မင်းနိုင်သား


ဂျိုကာ

Sunday, September 25, 2011





ဂျိုကာ


ခင်းထားတဲ့ တံတားက အကြားနဲ့တင် မလုံလောက်တော့ဘူး

ကောင်းကင်တော်ဆီက အသံက .. အရောင်နည်းနည်းမှုန်တယ်

အတုန်တုန်အရီရီ ထိုးဆင်းစိုက်ကျလာတဲ့ မိုးစက်တွေကလည်း ကွဲ အက်လို့

တချို့ ငါ့ကို ရှတစေခဲ့ပြီ ….

ကြားဖူးနားဝ လမ်းတွေက မြေပုံထဲမှာ မပါဘူး

မြေပုံထဲက လမ်းတွေက တွေ့နေကျ မြင်နေကျ မဟုတ်ဘူး

စိတ်ရဲ့ အနေအထား အစုံအလင်ကို အရောင်တင်ထားခဲ့ပုံက

တဒင်္ဂ အခင်းအကျင်းတွေနဲ့ တနုံ့နုံ့လင်းလို့ ….

မြို့တော်အဟောင်းလည်း ဒါပဲ မြို့တော်အသစ်လည်း ဒါပဲ

အမှိုက် ခဲ သလဲ နဲ့ ဆဲဆိုပြစ်တင်သံ တွေ ကဲနေလိမ့်မယ် ..

ဘယ်ခေတ်မှာမှ ငါတို့ရှာဖွေလို့မရခဲ့တဲ့ မေတ္တာတရားအကြောင်း

အက္ခရာအသစ်တွေနဲ့ စာလုံးပေါင်းကြည့်ချင်ခဲ့ရုံ သက်သက်ပါ

အခင်းအကျင်းတွေက ကြောက်မက်ဖွယ် စွဲမက်စရာကောင်းလို့

ဇာတ်တော်လာ ဒဏ္ဍာရီတွေက ယုံချင်စရာ သွေးအလိမ်းလိမ်း

တိမ်းပါးကျန်ခဲ့တဲ့ စိတ္တဇနမ်တွေ အကြောင်းက ရင်နင့်စရာ ..

ကမ္ဘာမြေ ဆိုတာ ဒီလိုနေ့ရက်တွေနဲ့ သာ ဖွဲ့စည်းထားခဲ့ပါတယ်။

လက်တမ်းပုံပြင်တွေကတော့ အစုံအလင်ပါပဲ ..

ဖဲချပ်တွေကလည်း အစီအရီနဲ့ .. အပွင့်စုံနေခဲ့ပြီ

Run စဉ် တစ် run မှမပါပဲ ဝိုင်းသိမ်းပစ်လိုက်ဖို့အတွက်ကတော့

ရေမီးစုံတဲ့ ကံကြမ္မာဇာတ်ကောင်တစ်ကောင်လိုနေတယ်။

မနော်ဟရီ

၂၀၁၁၊ အောက်တိုဘာ၊ ရတီ မဂ္ဂဇင်း



ငါ့ကိုရေးတဲ့ တနင်္ဂနွေမိုးပြေးများ

Thursday, August 4, 2011









သောကြာစကားပင်

Sunday, July 31, 2011

ဘာရယ်မသိဘူး။ မနေ့ညက တင်မင်းထက်ရဲ့ စကားပင်ကိုဖတ်အပြီးမှာ စီးဝင်လာတဲ့ စကားလုံးတွေပဲ။သောကြာ စကားပင်လို့အမည်တပ်လိုက်တယ်။

သောကြာစကားပင်

ဘယ်လိုသောကြာနေ့မျိုးလဲ .. ..သူမက ခပ်တိုးတိုးလေး ရေရွတ်တယ်
တကယ်ဆိုရင် အကိုင်းအခက် မစုံလင်တော့တဲ့ သောကြာနေ့လေးတစ်နေ့ပေါ့
ဒါပေမယ့် ရေလောင်းပေါင်းသင်မှုတွေအကြောင်း သူမကို ကျွန်တော် မပြောဖြစ်လိုက်ဘူး

နာရီလက်တံတွေကို မော့ကြည့်တော့ သူတို့က အမောတကောနဲ့ ပြေးလွှားသွားတယ် ..
ဘယ်လိုအကြောင်းနဲ့မှ ဒီလို မဖြစ်သင့်ဘူးလို့ တားဆီးပေးလို့ရတဲ့ကိစ္စမှမဟုတ်ပဲ ..
သစ်ရွက်အကြွေတွေကိုပဲ ကျွန်တော် လိုက်ကောက်နေလိုက်တယ် . တချို့က စိမ်းမြနေတုန်းပဲ။

ဆွဲလက်စပန်းချီကားထဲက အရောင်တွေက နည်းနည်းခါးသက်သက်ဖြစ်နေတယ်
သူမ လက်တပြင်ပြင် ဖြစ်နေတဲ့ သကြားခွက်ကို ကျွန်တော် ဘယ်စိတ်နဲ့တားရမလဲ
လက်ပြန်တိုက်ပစ်လိုက်မိလို့ မှောက်သွားတဲ့ကော်ဖီခွက်ကတော့ ကြမ်းပြင်ပေါ်မှာ အတုံးအရုံး
တကယ်တော့ အရှုံးဆိုတာကလည်း ဘဝနေထိုင်နည်း တစ်မျိုးသက်သက်ပဲမဟုတ်လား ..
မပြောဖြစ်ကြတဲ့ စကားလုံးတွေက ပိုမို ကျယ်လောင်ပြင်းပြလွန်းနေခဲ့တယ် ..
ညနေခင်းနဲ့ သူမရဲ့ အသက်ရှူသံမွမွ သဟဇာတ မဖြစ်ခင်မှာပဲ နေက ညိုနေခဲ့ပြီ။

ဘယ်လိုညနေခင်းမျိုးလဲ ..ဆိုတဲ့ ဒုတိယမေးခွန်းက ကျွန်တော့်ဆီတည့်တည့် ပျံသန်းလာတယ်
ခြင်္သေ့နှစ်ကောင် စောင့်ကြပ်တဲ့ တံခါးဝမှာက မျှော်လင့်ချက်တချို့ အပြိုင်းအရိုင်းကြွေလို့ ..
ကျွန်တော်တို့ အသက်ရှူမှားခဲ့တဲ့ ရေတမာအစိမ်းကတော့ ချိန်းထားတဲ့ ရာသီတိုင်းရောက်လာခဲ့မြဲ
အလွဲလွဲအချော်ချော် ဖြစ်ရပ်တွေနဲ့ ခုထိ လပ်ဟာနေတဲ့ ညာဖက်ရင်အုံက ကွက်လပ်ကိုတော့
ကျွန်တော်ရော သူမရော စကားတပြောပြောနဲ့ မေ့ထားချင်ဟန်ဆောင်ခဲ့ကြရတယ် ..
ရောမသားတွေ ဘယ်လိုနေတယ် မသိပေမယ့် ကျွန်တော်တို့ အတွက်ကတော့
တကယ့်ကို မသက်သာခဲ့ကြပါဘူး ..

လမ်းဟောင်းကလေးအတိုင်း တစ်လှမ်းချင်း တစ်လှမ်းချင်း လျှောက်ပြန်ခဲ့ကြရတာပါပဲ ..
မတွေ့တော့တာကြာနေပြီဖြစ်တဲ့ စကားပင်လေးတစ်ပင် အကြောင်း စကားမစပ်ဖြစ်ကြဘူး
ကဗျာနံပါတ်စဉ် ၈၈/စစ်ကိုင်းလမ်း/ခြံနံပါတ်(၁) /ကိုနေဝင်း/ရထားဥသြသံ/ကံ့ကော်ပန်းတစ်ခက်
အဆက်အစပ်မဲ့နေတဲ့ စကားလုံးတွေနဲ့ ခပ်လှမ်းလှမ်း ဘုရားကျောင်းက ခေါင်းလောင်းသံ..
အခြေအနေအားလုံးကပုံမှန်အတိုင်းလို့ ထင်ချင်စရာကောင်းအောင် ပြောင်မြောက်နေခဲ့တယ် ..
ပုံမှန်မဟုတ်တာဆိုလို့ သူမ မမြင်အောင် ကျစ်ကျစ်ပါဆုပ်သိမ်းထားတဲ့ သောကြာအသေတွေရယ်
ပြောမပြဖြစ်တဲ့ ပုံပြင်တွေရယ်နဲ့ ကျွန်တော့်နှလုံးသားရယ်ပဲ ကျန်ပါတယ် ….

မနော်ဟရီ

30 Jul 2011



အလွမ်းကြောင့် ဖြစ်သော စစ်ပွဲများ၊ လွမ်းစရာ မကောင်းတဲ့ သီချင်း

Monday, June 27, 2011

အလွမ်းကြောင့် ဖြစ်သော စစ်ပွဲများ

စိတ်ကို စိတ်နဲ့တိုက်ရတာ ကြာလာတော့ အကျအဆုံးများလာတယ်

နာလံမထူနိုင်တဲ့ စိတ်နဲ့ စူစူးနစ်နစ်ကြည့်နေပုံက အော်ဂလီဆန်ချင်စရာ

ကိုယ့်ကိုယ်ကို ခြုံခို တိုက်ရဖန်များတော့ ဗျူဟာလည်း မမြောက်တော့ဘူး

လက်ဖြောင့် တပ်သားတွေကလည်း ငါ့အသံကို အနာခံ လွဲလာတယ် ...

ခံနိုင်ရည် ဘယ်လောက်ကျန်သေးလဲ ... ငါ့ကိုငါက မသိသလို ဟန်လုပ်မေးတယ်

ခြောက်သွေ့ပျက်စီးနေတဲ့ မြို့တော်ကြီးမှာ ဘာအသံမှ မကျန်တော့ဘူး ....။

မျှော်လင့်ချက်တွေနဲ့ မကြာခဏ ခလုတ်တိုက်နေမိတာကလည်း ဇဝေဇဝါ ဖြစ်ချင်စရာ

ဟော ဟိုနားက ထကွဲပြန်တဲ့ ရေမြုပ်ဗုံး တစ်လုံး ..............

ပိုက်စိတ်တိုက် ရှာဟန်ပြုတုန်းက ဘယ်မှာပုန်းနေလို့ ငါ အမိန့်ပေးထားခဲ့မိပါလိမ့် ...

စစ်ကူမရှိ မဟာမိတ်မရှိ .. စိတ်ကို စိတ်နဲ့ တိုက်မိနေသော စစ်ပွဲများ .. .... ..... ...

အမိန့်သံတွေ ပေါက်ကွဲ ဆူညံနေပြီး နာခံမှု မပါတော့သော နံနက်ခင်းများ ..

ထုံပေပေ မော့ကြည့်နေသော အရောင်မဲ့ မသိစိတ် .. အသိစိတ်များ

မဖြစ်နိုင်ခြင်းများစွာကို ထုဆစ်နေမိသော အဆိပ်မိထားသလို အသိဥာဏ်များ ..

နှစ်ကာလများစွာ ရှည်ကြာခဲ့သော သုံ့ပန်းဆန်ဆန် ခံစားမှုများ ....

နှစ်တစ်နှစ်ရဲ့ နှင်းကွဲစ မနက်ခင်း အလင်းရောင်အောက်မှာ ...

မှန်တစ်ချပ်ထဲ .. ... ပျက်စီးယိုယွင်းနေတဲ့ စစ်တလင်းလို မျက်နှာနဲ့

နှစ်ပေါင်းများစွာ ကျင့်သားရနေခဲ့လို့ အတုအစစ်ခွဲမရတော့တဲ့ အပြုံးတစ်ခုကိုသာ

ငါ ...စစ်လျော်ကြေးအဖြစ် ပြန်ရရှိခဲ့လိုက်ရဲ့ .... ....

မနော်ဟရီ



လွမ်းစရာ မကောင်းတဲ့ သီချင်း

Scene 1

စစ်ပွဲတစ်ခု အစပျိုးလာသလိုမျိုး .. ပျိုးလာတဲ့ အင်ထရိုပိုဒ်က နည်းနည်းတော့ မိုက်သလို ရှိသား

အပစ်အခတ်ရပ်စဲရေးစာချုပ်ပါ စကားလုံးတွေနဲ့ ငြိမ်းချမ်းရေးပတ်ပျိုးတွေလည်း ဝင်မလာသေးဘူး

အစဆိုတဲ့အတိုင်း .. ယဉ်သကိုနဲ့ ခြေဆင်းနဲ့ ညင်ညင်သာသာလေး .. ရက်စက်နေခဲ့ပုံ …

နည်းနည်းတော့ … ရင်ခုန်ချင်စရာ ကောင်းတယ် …

Scene 2

တရွှီရွှီပျံသန်းလာတဲ့ ကျည်ဆံသံတွေ၊ တရစပ်ပေါက်ကွဲနေတဲ့ဒုံးကျည်တွေ …

နာကျင်မှုရဲ့ တော်လဲသံတွေ … သွေးရဲရဲသံရဲရဲတွေနဲ့ ဒုတိယပိုဒ်က ဝိဘစ္ဆ ရသများလာပြီ ..

လက်တစ်ဖက်က လက်တစ်ဖက်ကို စွန့်ခွာလိုက်ရတဲ့ ဂီတ ..

ခြေတစ်ဖက်က ခြေတစ်ဖက်ကို လိုက်ရှာနေရတဲ့ စုံနံ့သာမြိုင် .. အတီးပိုဒ်ကအစ သိပ်မမြိုင်တော့ဘူး။

Scene 3

ဝိညာဉ်တွေငိုတယ် .. အသက်ရှိလျက်သေဆုံးသွားရသူတွေ ငိုတယ် .. မပြီးဆုံးသေးတဲ့ ဂီတအတွက် ငိုတယ်

တတိယမြောက် မြစ်လက်တက်မှာတော့ စီးဆင်းသံက နည်းနည်းပြောင်းသွားခဲ့ပြီ …

ဟင်နရီဒူးနန့်က ဒီစစ်ပွဲတွေကို ဘယ်လို စိတ်ထားနဲ့ဖြတ်ခဲ့တာလဲ ဆိုတာ သိလာတယ်

နိုက်တင်းဂေးလ်ရဲ့ မီးအိမ်တွေကို မျှော်လင့်တတ်လာတယ် …

ပျံသန်းလာမယ့် အနီရောင် ကြက်ခြေခတ်တွေကိုလည်း အိပ်မက်မက်တတ်လာတယ် .

Salvation army ဆိုတာ ဘဝတွေကို ကယ်တင်တဲ့တပ်တဲ့လား ….

ကယောင်ကတမ်းတွေလည်း ပါးစပ်က အလိုလို ရွတ်ဆိုနေမိတတ်လာတယ် …

Scene 4

ကိုယ်ပိုင်အတ္တကလေးတွေ နည်းနည်းစီ လျှော့ချပြစ်ဖို့ ညှိနှိုင်းတော့ အဲဒီသမိုင်းက ဆေးမမီတော့ဘူး

သံလွင်ခက်တွေ ချိုးငှက်ဖြူတွေကို ဘာလို့ စောင့်နေတာလဲ .. .. ရေက ခုထိမလွှမ်းသေးဘူး

လွှမ်းနေတာက သွေးစက်တွေ … ဝိညာဉ်အသေတွေ ..အနာဂါတ်အသေတွေ ..

ငါတို့ နောက်ဆုတ်ကြပါတော့လား ………ထုံးစံအတိုင်း ကိုယ့်ကိုယ်ကို နားချရတာ လက်အဝင်ဆုံးပဲ ..

စကားမှမဆုံးသေးဘူး .. လက်ကလေးကို ကွေးညွတ်လိုက်မိပြီ ဆိုသလို .. ဆိုသလို … ဆိုသလို..

စိတ်ကလေးတစ်ဆစ်စာ နောက်ဆုတ်လိုက်ဖို့ကိုပဲ စိတ်တွေ လေးလံ တုံ့ဆိုင်းနေခဲ့ …

အကျအဆုံးများသလို အပျက်အစီး အဆုံးအရှုံးလည်း များလွန်းတယ် (ဘာထပ်ဆုံးရှုံ့းခံဖို့ ကျန်သေးလို့လဲ ..)

Scene 5

နောက်ဆုံး ငြိမ်းသွားခဲ့တဲ့ မီးဟာ ဘာမီးလဲ …. တစ်ဖက်နဲ့ တစ်ဖက် မီးကုန်ယမ်းကုန် စိတ်ကုန် …

တလူလူကျန်ခဲ့တဲ့ စိတ်အခိုးအငွေ့တွေက မြင်မကောင်းဘူး …

မထူးတော့တဲ့ဇာတ်မှာ တယောသမားချည်းကျန်တော့သလို ဂီတက အိုင်ဖွဲ့ အီဆွဲလာခဲ့ …

ဆန့်ငင် ဆန့်ငင်ဖြစ်နေတဲ့ မီးခိုးတွေ ဘယ်ဆီသွားရမှန်းမသိသလိုဖြစ်နေပုံ ….

အယောင်ယောင် အနန ဘယ်လိုအဆုံးသပ်ရမှန်းမသိ အဆုံးသပ်သွားခဲ့ရပုံက …

တသသ အော်ဟစ်လွမ်းမောနေချင်စရာ တစ်စက်မှမကောင်းတာ သေချာတယ် …။

မနော်ဟရီ

၂၂.၂.၂၀၁၁

တကယ်က ဒီကဗျာက လွမ်းနေသောအကြည့်များ နဲ့ အတူတူ ရေးခဲ့တာပါ .. ခုကျ အလွမ်းကြောင့် ဖြစ်သော စစ်ပွဲများနဲ့ တွဲတင်လိုက်မိပြီး)


အဖြူရင့်ရင့်အလွမ်း

Sunday, June 26, 2011

အဖြူရင့်ရင့်အလွမ်း

ကောင်းကင် တောင်တန်းတစ်လျှောက်တွင် တရိပ်ရိပ် အုံ့ခိုရစ်ဖွဲ့လာသော အခြားသောသူများ၏ တိမ်တိုက်များကို မြင်ရသောအခါ ကျွန်မ၏ ရာသီဥတုကလေးကို ကျွန်မ လွမ်းဆွတ်နေမိပြန်တော့သည်။ ကံကြမ္မာ၏ လှည့်စား စေစားချက်များကြောင့် လွဲချော် ပြောင်းလဲသွားခဲ့ရသော မြောက်ပြန်လေလမ်းကြောင်းခရီးသည် ခုတော့ ကျွန်မရင်ကို ဟင်းလင်းပွင့်သွားသည်အထိ တိုက်စား ဖဲ့ခြွေနေခဲ့ပြီ။ အဘယ်သော တန်ခိုးရှင်သည် ကျွန်မကို ပြန်လည် စွတ်စိုစေနိုင်ပါမည်နည်း ။

ပွင့်ဖတ် ပွင့်ချပ်ကလေးများ နှင်းစား ပဲ့ကြွေသွားရသော နေ့ရက်များကို သိမှတ်မဲ့ ရှိုက်သွင်းမိသောအခါ ကျွန်မ ဆောင်းခိုငှက်တစ်ကောင်၏ သဘာဝကို လေ့လာမထားခဲ့မိသည့်အတွက် နောင်တရနေမိပြန်၏။ တကယ်တော့ ဂရုဏာ သက်စရာ မကောင်းလှပါ။ တစ်ခါဖူးမျှ စိတ်ကူး မယဉ်ခဲ့ဖူးသော ဆောင်းသည် တကယ့်တကယ်ကျ လက်လုပ်ကဗျာအပျက်တစ်ပုဒ်နှင့် ခပ်ဆင်ဆင် တူနေခဲ့သည်ကိုသာ ကြေကွဲဖွယ်ရာ တွေ့ခဲ့ရလေသည်။

တဖြည်းဖြည်းနှင့် ကျဉ်းမြောင်း ရှုံးန်ိမ့်ခဲ့ရသော ကျွန်မ၏ ရာသီဥတုကလေးသည် ၉၀ဒီဂရီ တိတိရှိသည်။ လောလောဆယ်မှာတော့ ကျွန်မသည် ကိုယ့်ကိုယ်ကို ၃၆၀ံလား ၀ံလား မသိနိုင်သေးသော ဧဒင်ဥယျာဉ်ထဲမှ ဧဝကို ဒုက္ခပေးခဲ့ဖူးသော သစ်သီးတစ်လုံးနှင့် အလား သဏ္ဍာန် တူနေလေမလားမသိ။ ဤသည်မှာလည်း ကြေကွဲခြင်း တိမ်တစ်စ မဟုတ်ခဲ့သေးပါ။ ကျွန်မ၏ ပျောက်ဆုံးနေခဲ့သော ငယ်ဘဝ ရာသီဥတု ကလေးတစ်ခု မိုးစိမ့်ခဲ့ဖူးတာကတော့ သေချာလွန်းလှသည်။

တစ်ရံတစ်ခါဆီတုန်းကတော့ ကံ့ကော်ပန်းများကလွဲလျင် မည်သည့်ရနံ့ကိုမျှ ဆေးဖော်ကျောဖက် မလုပ်ခဲ့ဖူးပါ။ ခုတော့လည်း နှင်းဆီရနံ့တု များမှအစ စိမ်းရွှေရွှေ သစ္စာပန်းများအလယ်၊ ရနံ့မဲ့သစ်ခွပန်းများအဆုံး အားလုံးကို ကျွန်မ သီကုံးနိုင်ခဲ့ပြီ။ သို့သော် .. ထိုရနံ့များသည်လည်း လောက၏ လူမသိ သူမသိ ထောင့်ချိုးတစ်ခုတွင် သွေ့ခြောက် အေးခဲ့ နေခဲ့လိမ့်မည် ထင်သည်။

ဝုန်းဒိုင်းကျဲ ခုန်ပေါက် သည်းထန်ခဲ့ဖူးသော အတိတ်နေ့ရက်များကို ကျွန်မက မုန်တိုင်းဆန်သည်ဟု မထင်မှတ်ခဲ့ပါ။ ရွှဲရွှဲ စိုခဲ့ဖူးသော ကံကောင်းခြင်း အေးစိမ့်စိမ့်လေးကို ခုနေခါမှာ ကျွန်မ လွမ်းဆွတ်နေမိသည်။ ဝါးရုံစိမ်းစိုစိုများကို ဖြတ်တိုက်လာသော ကန်ဖြတ်လေ တစ်စွန်းတစ်စတွင် ပဲ့တင်ထပ်ကျန်ခဲ့မည့် ကျွန်မ၏ ငယ်အိပ်မက် စိမ်းစိမ်းစိုစိုများကို သင် .. ကြားနာခဲ့ဖူးပါသလား ။

မဆိုစလောက်ကလေး နွေးထွေးနေသေးသည့် အသိအာရုံထဲတွင် နာကျင်စွာ တမ်းတခြင်းများ အုံ့ခို နေခဲ့သည်ကိုတော့ မည်သူ တစ်ဦး တစ်ယောက်မျှ သိနိုင်လိမ့်မည် မထင်ပါ။ နူးညံ့ စူးရှ ခါးသက် စွာ စီးဆင်းကျလာသော နှင်းစက်များသည် ကျွန်မ၏ အေးခဲနေသော မျက်ရည်စများနှင့် ခပ်ဆင်ဆင် တူနေခဲ့သည်ကတော့ အံ့သြစရာ ကောင်းလှ၏။ မည်သူမျှ နားလည် ခံစားနိုင်လိမ့်မည် မဟုတ်သော ထိုနှင်းစက်ခါးခါးများကို ကျွန်မက နွေဦးပေါက် ရာသီတစ်ခုသာ လက်ဆောင်ပေးလိုက်ချင်ပါသည်။

ခရမ်းရောင် သစ္စာပန်းများ မပွင့်သော၊ အောက်ချင်းငှက်များ တေးမသီနိုင်သော၊ ဇာတ်ညွှန်းပျက်သွားခဲ့သော ကိန္တွရီချောင်းခြား ပြဇာတ် (ထိုဇာတ်ညွှန်းအပျက်ထဲတွင် ခုနှစ်ရက် ခုနှစ်လီ မိုးရွာခြင်း မဟုတ်ပဲ ခုနှစ်နှစ်တာ နှင်းမုန်တိုင်း တိုက်ခဲ့ခြင်း ဖြစ်နေခဲ့သည်။) အတုလုပ် ထားသည့် ကသောင်းကနင်း ရာသီဥတု စသည့်အပျက်အစီးများ ထဲတွင် ကျွန်မသည် အလွမ်းတို့နှင့် စွတ်စို နေသော ရေခဲမြစ် တစ်စင်းသာ ဖြစ်သည်။ တကယ်တော့ နေရောင်ကို နှစ်သက်ခံစားရန် ခံစားမှုအာရုံများ ပါမလာသော ကျွန်မ၏ အဖြစ်ကသာ ခြောက်ခြား တုန်လှုပ်စရာကောင်းနေပေသည်။

တရွေ့ရွေ့ တငွေ့ငွေ့ စီးမျော ဝေးလွင့်သွားသော တိမ်တိုက်များ နောက်သို့ ကျွန်မ စိတ်ကူးနှင့် ခရီးထွက်ချင်နေမိ၏။ အလွမ်းတို့နှင့် ပိနေသော နာကျဉ်ဒဏ်ရာ တချို့အတွက် ယုံကြည်ခြင်း တစ်စက်တစ်လေများ ကျကျန်ခဲ့လိမ့်နိုးနှင့်ပေါ့။ နောက်ဖက်သို့ ပြန်လှ ည့် ကြည့်လိုက်သောအခါ လှေရုံနားဘေးတွင် ဆိတ်ဖလူးပွင့်ကြွေများ သီနေသော ကောင်မလေးတစ်ယောက်က ကျွန်မကို ပြုံးကြည့် နေသည်ကို တွေ့ရ၏။ သူမလေး၏ အပြုံးသည် စင်ကြယ်သန့်ရှင်းလွန်းသဖြင့် ကျွန်မတွင်ရင်ဆိုင်ရန် အားမရှိပါ။ ကျွန်မ မသိကျိုးကျွံ ပြုကာ လှည့်ထွက်ခဲ့ချိန်တွင် အရာရာသည် ကျွန်မ၏ လက်ထဲတွင် ဝေဝါး ပျောက်ဆုံးသွားခဲ့လေပြီ။

သထုံလမ်းဆီမှ ပျံ့လွင့်လာသည့် မိုးပိတောက်များ၏ ရနံ့သည် ကျွန်မ ရှူထုတ်လိုက်သော နာကျင်မှု ပြွန်းသည့် သက်ပြင်းမောများနှင့် အတူ ဒရောသောပါး လွင့်ပါးသွားခဲ့ကြသည်။ ဘဝတွင် တစ်ခါဘူးမှ ပြဌာန်းမထားခဲ့သော ..သံဝေဂများကို စိတ်မသက်သာစွာ ဖတ်ရှုရင်း ပြက္ခဒိန်လုပ်သည့် လက်များကို ရူးသွပ်စွာ ပိုင်ဆိုင်ချင်နေခဲ့သည်။ ဖြစ်နိုင်လျင်ပေါ့။

ဲကျွန်မထံမှ ခိုးယူခံခဲ့ရသော မိုးစက်များကို ဖြစ်နိုင်လျင် ကြေးကောင်းကောင်းပေး၍ ကျွန်မ ပြန်ဝယ်ယူလိုပါသည်။ ပြီးလျင် ထိုရာသီဥတုလေးကို သက္ကရာဇ်တစ်ခုထဲတွင် လုံခြုံစွာ ဝှက်သို သိမ်းဆည်း ထားလိုပါသည်။ ပြန်ဖတ်မိတိုင်း မလွမ်းတတ်အောင်လို့ပေါ့။

ခုတော့ ...

အရာရာသည် .............

သည်းထန်စွာ လွမ်းဆွတ်ဖွယ်ရာအတိ ဖြစ်နေတော့၏။

၃၊မေ၊၂၀၀၃

မနော်ဟရီ

ဘယ်မဂ္ဂဇင်းမှာ ပါခဲ့လဲ ဆိုတာတောင် ပြန်စဉ်းစားလို့ မမှတ်မိတော့ပါဘူး ..


လွမ်းနေသော အကြည့်များ နှင့်သေသပ်သောဓားချက်များ

Wednesday, June 22, 2011

လွမ်းနေသော အကြည့်များ

ကော်ဖီခွက်တွေကို မကြည့်ရဲတော့လို့ အဲဒီနာရီထဲက ပြေးထွက်ခဲ့လိုက်တယ်
အကြည့်နီနီနဲ့ နှင်းဆီပွင့်တွေကျပြန်တော့ အရဲကိုးလွန်းလို့ ကမ်းပျောက် လမ်းပျောက်နဲ့
စူးစူး ဆောင့်ဆောင့်နဲ့ ဖြောင့်ဖြောင့်တန်းတန်း ဝင်လာတဲ့ ရေမွှေးနံ့က ဝိဘစ္ဆ ရသမြောက်လွန်းနေသလိုလို ...
ခပ်ထွေထွေ ပြိုကျလာတဲ့ မြို့ပြရဲ့ ညနေကျပြန်တော့ ဘာသတင်းမှ ပြန်မပါလာခဲ့ဘူး .....ု
အသက်မဲ့နေသလိုလို ....

ထူးထူးခြားခြား တစ်ခုမှမရှိတဲ့ နေ့ရက်တွေက နည်းနည်းတော့ အနံ့ပျက်စပြုနေပြီ
ကိုယ့်ကိုယ်ကို ရီတီတီ ပြုစားဖို့ ကျတော့လည်း ပျင်းရိငြီးငွေ့စရာကောင်းနေခဲ့
နှလုံးသားချင်း တိတ်တဆိတ် မေးထူးခေါ်ပြောမှုမှာ ဘာအရာမှ မထင်ခဲ့လေတော့
သူ့အကြည့်တွေကို တမျှော်တခေါ် လှမ်းခေါ်မိတဲ့ ညနေမှာမှ မိုးတွေက ရွာချနေခဲ့တယ်
ကန်ရာသီ နက္ခတ်လိုလို ...

ဟိုတုန်းကလို လျှောက်လမ်းတွေက ကပိုကရို ..တိတ်တခိုးကြွေကျ
နေဝင်ဖို့သတိမရတဲ့နာရီ .. အဲဒီပန်းချီကားက ဆေးရောင် နည်းနည်းတော့ ပျယ်နေပြီ
တစ်စုံတစ်ရာ ငွေ့ရည်ဖွဲ့နေခဲ့တယ်လို့ ထင်ခဲ့ဖူးတဲ့ အဲဒီအကြည့်တွေက
ခုတော့လည်း ဇာတ်ညွှန်းပြောင်းသွားတဲ့ အဆက်အစပ်မဲ့ စာမျက်နှာ ဆန်နေခဲ့ .. အသက်မဲ့စွာ
သရုပ်ဆောင်နေခဲ့သလိုလို ...

မလွမ်းရဲတော့လို့ ဒီဘဝထဲက ခုန်ထွက်ခဲ့လိုက်ပါတယ် .........။ ။

မနော်ဟရီ
ပိတောက်ပွင့်သစ် နှစ်၂၀ပြည့်(၁၉၉၁-၂၀၁၁)



သေသပ်သောဓားချက်များ၊

ခုန်ထွက်ခဲ့သော ဘ၀တစ်ခုစာ ဓားသွားတစ်လျှောက် စိတ်သည်ရုတ်ချည်းအလင်းရောင်မှိန်ဖျော့ကျလာ။
ဒဏ်ရာများထဲ ဒဏ်ရာထပ်ဆင့်ရနေသောဇာတ်လမ်းများသည်လည်းမှိန်ဖျော့ကျလာ။
ဘ၀သည်ဆက်တင်လွဲနေသေးသော အရောင်မှိန်မှိန်ပိတ်ကားလေးတစ်ခုမျှသာ။

စိတ်တစ်ခုယုတ်ကိုးဆယ်မှ တစ်ခုမကယုတ်လာ။
လျော့နည်းလာသောရှင်သန်ခြင်းတရား၊ ယှဉ်တွဲရှင်သန်ရခြင်းများ
ဆာမူရိုင်းတစ်ယောက် ဓားဆီကသင်ယူခဲ့သလို
မျက်ရည်များဆီမှသင်ယူခဲ့သောဂီတ၏ နူးညံ့မှုသည် မှိန်ဖျော့လာ။

တိကျသော အဓိပ္ပာယ်များ၏သွေးဆောင်မှုသို့ကောက်ကွေ့စွာစီးဆင်းလိုက်ပါခဲ့သောမြစ်တစ်စင်းသည်လည်းမှိန်ဖျော့လာ။
တစ်ယောက်ဒဏ်ရာမှ သွေးစက်များသည် တစ်ယောက်ဒဏ်ရာတွင်ဆက်လက်စီးဆင်းသွားနေ၊
မိမိအရိုးမိမိ စီးနင်းလိုက်ပါနေရသောနှစ်များသည်လည်းတွားသွားမျောပါ၊
သက်ပြင်းနှင့်သက်မတစ်လှည့်စီ ရှူသွင်းရှူထုတ်နေရသော ငြီးငွေ့ဖွယ်ထပ်တလဲလဲဖြစ်စဉ်သည် သံသရာပေါက်စလေးတစ်ခုသာဖြစ်ပါသည်။

ရပ်နေသောစိတ်မှ
သွားနေသောစိတ်သို့ အော်ဟစ်သံမဲ့ခေါ်ဆိုနေခြင်းများသည်လည်း အငွေ့ပျံသံထွက်နေပြန်။
ဘ၀သည် ဟောင်းလောင်းပေါက်ထဲ လေဟာနယ်အသစ်ခုထပ်မံတည်ဆောက်နေရသောဖြစ်စဉ်မျှသာ။
ချစ်ခြင်း၏အခြားတစ်ဖက်မှ
တိတ်ဆိတ်သော၊ ထက်မြသော ဓားဒဏ်ရာတစ်ခုထံမှ သွေးသံများမမျှော်လင့်ပါ။
နာကျင်ခြင်းကိုဖွင့်ဆိုသောအရာမှာမျက်ရည်များမဟုတ်ဘဲ၊
နာကျင်ခြင်းကိုဖွင့်ဆိုထားသော အကြည့်တစ်ခုမျှသာဖြစ်ပါသည်။

သံသရာသည်ထင်သလောက်မရှည်ကြာသော်လည်း
ဝေ့၀ဲကျရောက်လာသော
ဓားချက်သည် ရှိုက်သံတစ်ခုနှင့်ဆင်တူပါသည်။

လွင့်ဝဲကျလာသောဦးခေါင်းသည် အိပ်ပျက်ညများဆိုပါစို့၊
ချစ်ခဲ့သလောက်ကြေကွဲရမှုသည် မနက်ဖြန်အရောင်ခြယ်သ၍်
သင့်နေအိမ်ဝင်းတံခါးရှေ့ သနပ်ခါးပင်ပျိုလေးလို ရပ်တန့်နေစဉ်ခဏအတွင်း
ပြန်လည်ရှင်သန်ခွင့်သည် သင့်စိတ်မှလွတ်ကျ ကွဲအက်သွားသော
ယုံကြည်ခြင်းဖန်ခွက်ပါးလေးတစ်ခုသာဖြစ်နေ။ ။


Zephyr
(Prose improvised @ 22 Jun 2011, 11:07 pm)


၁၁ နှစ်သားကိုကို

Sunday, April 3, 2011

ဆယ့်တစ်နှစ်သား ကိုကို

၁၁နှစ်သား ကိုကို

၂၀၁၁ ..

ဘာလိုလိုနဲ့ ကိုကိုတောင် ဒီနေ့ ၁၁ နှစ်ပြည့်ခဲ့ပါပြီ။ ခရီးရောက်မဆိုက် ခရီးပမ်း လူပမ်း စိတ်ပမ်း ဖြစ်နေတာနဲ့ ပို့စ်ရေးဖို့တောင် သတိရပေမယ့် စိတ်က မလိုက်နိုင်ပါဘူး။ ဒါပေမယ့် သူ့အကိုတော် Z က သူ့အတွက် ပို့စ်လေး တစ်ခုရေးပေးပါတယ်။ အဲဒီမှာကို ကိုကို့အကြောင်းက တော်တော်ပြည့်ပြည့်စုံစုံကို ပါနေပါပြီ။

မွေးနေ့လက်ဆောင်

မနက်အစောကြီး အဘွားလုပ်တဲ့သူက မွေးနေ့ကဒ်လေး လာတင်ပေးထားပါတယ်။ ဒါပေမယ့် ကိုကို အိပ်ရာက ထတဲ့အချိန်က ကိုးနာရီခွဲနေပြီ။ မွေးနေ့ကဒ်ကို အိပ်မှုန်စုန်မွှားနဲ့ အတင်းဖောက်ခိုင်းပြီး ကြည့်ပါတယ်။ ပြီး ပြန်အိပ်ပါတယ်။ နောက် ရေဖြည့်ပေးထားတယ်။ ရေထချိုး .. အဒေါ်တွေ လာရင် birthday boy က ဒီလိုပုံနဲ့ ကြိုမလို့လား ဆိုမှ အိပ်ရာက ထပါတယ်။ ရေချိုးအဝတ်အစားလဲပြီး လန်းလာမှ သူ့မွေးနေ့ကဒ်ကို သူ သေချာကြည့်ပြီး သဘောကျသွားပါတယ်။ သူ့အဘွားကိုတောင် သူက ပြန်ချီးကျူးလိုက်သေးတယ်။ တော်တယ်တဲ့။ ခဏနေကျ သူ့အဒေါ်က မွေးနေ့ကိတ်တစ်လုံးနဲ့ ရောက်လာပါတယ်။ မှာပေးထားတာကတော့ အဘွားက မှာပေးတာပါ။ အဒေါ်က ဝင်ယူပေးတာ။ Donald Duck ပုံနဲ့ မွေးနေ့ကိတ်ကလေးက ချစ်စရာကောင်းတယ်။

မွေးနေ့ကိတ်
Koala Park

နေ့လည်မှာတော့ သူ့ကို အမှတ်တရအနေနဲ့ Koala Park ကို လိုက်ပို့ပါတယ်။ Koala Park ဆိုပေမယ့် Koala တွေချည်းပဲ ရှိတာ မဟုတ်ပါဘူး။ Kangaroos တွေ၊ Wallabies တွေ၊ Emu နဲ့ Casawari တွေလည်း ရှိပါတယ်။ သူ Shawn ဆိုတဲ့ Koala လေးနဲ့ ကပ်ပြီး ဓာတ်ပုံရိုက်လာသလို သားပိုက်ကောင်လေး တွေကိုလည်း အစာကျွေးချင်တယ်ဆိုလို့ အစာဝယ်ကျွေးပါတယ်။ အစာက တစ်ထုတ်ကို ၁ကျပ်ပြား၇၀တဲ့။ ဘာပါလိမ့်လို့ ကြည့်လိုက်တော့ အခြောက်ခံထားတဲ့မြက်တွေ။ ဖြစ်ပုံများ .. လက်တစ်ဆုပ်စာသာသာ အခြေက်ခံထားတဲ့ မြက်သုံးထုတ်ကို ၅ကျပ်ကျော်ပေးပြီး ကျွေးရတဲ့ဘဝ ..။ အလှူလို့ပဲ သဘောထားပြီး တန်တာ မတန်တာတွေ မတွေးလိုက်တော့ပါဘူး။ သူပျော်ရင်ပြီးတာပဲပေါ့။


အစာကျွေးနေတဲ့ ကိုကို
အိပ်ငိုက်ပြီး လူတွေက သိပ်ရှုပ်တာပဲ အိပ်ရေးပျက်လိုက်တာလို့ တွေးနေတဲ့ Shawn နဲ့ သားအမိနှစ်ယောက်
သားပိုက်ကောင်နဲ့ ကိုကို

ပြန်လာတော့ နောက်တစ်နေ့အတွက် အစီအစဉ်တွေ ဆွဲနေပါပြီ။ သူသွားချင်တဲ့ နေရာတွေက အများသားပဲ။ နောက် သူလိုချင်တဲ့ Emily Rodda ရဲ့ Deltora Quest စာအုပ်တွေကိုလည်း ရတော့မှာမို့ ပျော်နေပါတယ်။ ဘယ်မှာရှာရှာ မရတဲ့ စာအုပ်တွေ၊ ဒီက Borders မှာသွားဝယ်ရင် တစ်အုပ်ကို ၁၅ကျပ် ကျမှာမို့ ၈အုပ်တွဲကို ၁၂၀လောက်ကုန်မှာပါ။ ဒါပေမယ့် ခု ၈အုပ်လုံးယူရင် ၃၅ကျပ်ပဲ ကုန်မယ့် နေရာတစ်ခု တွေ့ထားပါပြီ။ အမေရိကားကနေ လှမ်းမှာရတာပါ။ သူ့အဒေါ်က မှာပေးပါတယ်။ နောက် နှစ်ပတ်ဆို ရပါပြီ။ သူက အဲဒီ စာအုပ်တွေအပြင် Anthony Horowitz ရဲ့ Alex Rider စီးရီးတွေကိုလည်း ကြိုက်ပါတယ်။ ကျွန်မ သူ့အရွယ်က စာအုပ်တွေကို အဲလို လိုက်ရှာမဖတ်တတ်သေးပါဘူး။ ခု သူက ရအောင် လိုက်ရှာပြီး ပူဆာ တတ်ပါတယ်။ ကျွန်မကလည်း စာအုပ်ဆိုရင် ဘယ်လောက်ဖြစ်ဖြစ် ဝယ်ပေးတတ်တာ သူသိတာကိုး။ အဓိကက စာဖတ်စေချင်တာမို့ပါ။ စာဖတ်နေတယ်ဆိုရင်ကို ကျေနပ်နေတာမို့ သူ့ကို စာအုပ်ဖိုး ဘယ်လောက်ကုန်ကုန် ဝယ်ပေးတတ်ပါတယ်။ ခက်တာက သူက စာအုပ်တိုင်း စာတိုင်းကို စိတ်မဝင်စားပါဘူး။ အထူးသဖြင့် ဗမာလိုရေးထားတာများ အဖေနဲ့အမေစာအုပ်တောင် အဖက်လုပ် ကိုင်မကြည့်ပါဘူး။ Anthony Horowitz စာအုပ်တွေလည်း သူလိုက်ရှာနေတာ တစ်အုပ်နှစ်အုပ်ပဲ ရပါသေးတယ်။ လောလောဆယ်တော့ သူလိုချင်တဲ့ အရာမှန်သမျှက ပြည့်စုံနေတာမို့ မနက်ကပဲ အမေနဲ့တောင် ပြောဖြစ်သေးတယ်။ သူ့ကုသိုလ်နဲ့ သူလာတာလို့။ သူ့အဖွား မနက်က သူ့ကို မုန့်ဖိုးပေးတဲ့ ပမာဏက ကျွန်မတို့ ငယ်ငယ်က တစ်ခါမှ အိပ်မက်တောင် မမက်ဘူးတဲ့ ပမာဏမို့ ပြောမိကြတာပါ။ လူဆိုတာ သူ့ကုသိုလ်နဲ့ သူလာတယ်ဆိုတာ ဖြစ်နိုင်ပါတယ်။ သူ့ကံပါမလာရင် ကျွန်မ ဘယ်လောက်ပဲ ကြိုးစားကြိုးစား အရာထင်လာမယ် မထင်ပါဘူး။

အမှန်က ပို့စ်က ဒီလောက်နဲ့တင် ပြီးပါပြီ။ ဒါပေမယ့် သူ့အကြောင်းရေးပါလို့ တောင်းဆို ထားကြတဲ့ သူတွေအတွက် အမှတ်ရစရာတချို့ကိုပါ အပိုဆောင်းပေးလိုက်ပါတယ်။

ကပ်သီးကပ်သပ် ကိုကို

သူ့အကို ရေးခဲ့သလိုပဲ မြန်မာစာကို အတော်လေး အဆင်မပြေပေမယ့် ပေါက်ကရတော့ အတော်ပြောပါတယ်။ သူ့ကို ILBC ကစာတွေအပြင် မြန်မာကျောင်းက မြန်မာစာနဲ့သချာင်္ကိုလည်း သပ်သပ် သင်ပါတယ်။ အဲဒီမှာ မေးခွန်းတစ်ခုက ကျောင်းသူကျောင်းသား ၄၀ အနက်မှ … ဆိုတဲ့ စာကြောင်း ပါလာပါတယ်။ ဒါကို ကိုကိုက သူ့ဆရာမကိုမေးတယ်။ ကျောင်းသူနဲ့ကျောင်းသား ဘာကွာလဲ တဲ့။ သူ့ဆရာမက ကျွန်မ သူငယ်ချင်းအရင်းကြီးဆိုတော့ လုပ်ပါဦး နင့်သားက ဘာကွာလဲ မေးနေတယ်တဲ့။ အဲဒါနဲ့ လာခဲ့ မေ ရှင်းပြမယ်ဆိုတော့ မလာရဲပါဘူး။ နောက်တော့မှ သိရတာက ကျောင်းသား ဆိုရင် ဘာလို့ ကျောင်းသမီးလို့ မပြောတာလဲတဲ့။ သူ့မြန်မာစာအဆရာမ ပက်လက်လန်ပါတော့တယ်။ ဒီတော့မှ ပြန်ပြီး မြို့သူ မြို့သား၊ သားနဲ့သမီး စတဲ့ စကားလုံးတွေရဲ့ အဓိပ္ပာယ်ကို ပြန်ရှင်းရပါတော့တယ်။ ကျောင်းသား ကျောင်းသမီး ကိစ္စ ပြေလည်သွားတော့ နောက်ထပ်မပြေလည်တာက အနက်မှ ဆိုတဲ့စကားလုံးပါ။ အနက်ရောင်ထဲက ဘာလို့ ကျောင်းသူကျောင်းသား ၄၀ … ဆိုပြီး သူစဉ်းစားပြန်ပါတယ်။ among 40 students ဆိုတော့မှ သူပြေလည်သွားပါတယ်။

ကပ်စေးနည်းကိုကို

သူတို့ ညီအစ်ကို ကပ်စေးနည်းတာတော့ သိပြီးလောက်ပါပြီ။ ခုလည်း လကုန်ခါနီး ဆရာမကို လခပေးရမယ့် အချိန်မှာ ကျွန်မက မေ့သွားပါတယ်။ နောက်တော့မှ သူသင်တန်းရှိလို့ မလာတော့ဘူးဆိုတာ သိရတယ်။ ကျွန်မတို့ကလည်း ခရီးထွက်မှာဆိုတော့ ဖုန်းဆက်ပြီး အဆင်ပြေတဲ့အချိန် လာယူခိုင်းမှ ဆိုတော့ နေပါစေ မပေးပါနဲ့တော့တဲ့။ ဟယ် ..ဆရာမက ဒီလခနဲ့စားနေတာလေ။ ဘာလို့ မပေးရမှာလဲ ဆိုတော့ ဆရာမက သူ့တစ်ယောက်တည်း သင်နေတာမှမဟုတ်တာ။ ဒီလ သူ့ဆိက မရလည်း တခြားသူတွေဆီက ရမှာပဲ တဲ့။ သူ့ဆရာမကို ရင်ကွဲပက်လက်ဖြစ်မှာစိုးလို့ မပြောရသေးပါဘူး။

၇.၅

တလောက သူကပြောတယ်။ သူတို့သူငယ်ချင်း၇ယောက်ကို forever 7 လို့ သူတို့ဘာသာ သူတို့ နာမည်ပေးထားတယ်တဲ့။ အဲဒါ ယောကျာ်းလေး ဘယ်နှစ်ယောက် မိန်းကလေး ဘယ်နှစ်ယောက်လဲ ဆိုတော့ ယောကျာ်းလေးချည်းပဲတဲ့။ no girls allow ဆိုပဲ။ ဒါနဲ့ သားတို့အခန်းထဲမှာ ယောကျာ်းလေးက ၇ယောက်လား ဆိုတော့ ဟင့်အင်း တဲ့။ 7.5 တဲ့။ ဘယ်လို ဘယ်လို လို့ ပြန်မေးတော့လည်း 7.5 လို့ပဲ ဖြေပါတယ်။ ဟဲ့ ဘယ်က ၀.၅ ကပါလာတာလဲ ဆိုတော့ သူရှင်းပါတော့တယ်။ သူတို့အခန်းထဲမှာ ယောကျာ်းလေး စစ်စစ်က ၇ယောက်ပဲရှိတယ်တဲ့။ ကျန်တဲ့ နှစ်ယောက်က ယောကျာ်းလို့ ပြောလို့မရဘူးတဲ့။ တစ်ယောက်ကို ၀.၂၅ စီပဲ ပါဝင်မှုနှုန်းရှိတဲ့အတွက် နှစ်ယောက်မှ ၀.၅ မို့ ၇.၅ တဲ့။

ဘယ်လိုပဲဖြစ်ဖြစ် ၁၁ နှစ်တာကာလတော့ ကျွန်မ ဖြတ်သန်းခဲ့ပြီးပါပြီ။ တစ်ယောက်တည်း ထမ်းနေရပေမယ့် လေးတယ်လို့ မထင်တာက မေတ္တာတရားကြောင့်လို့ မြင်ပါတယ်။ မေတ္တာတရား ရှိရင် တာဝန်ယူချင်စိတ်က အလိုလို ဖြစ်လာတာပါပဲ။ ကျွန်မ သားကလေးကိုလည်း မေတ္တာစိတ်ပြည့်ဝပြီး ဘယ်အရာမဆို တာဝန်ယူတတ်တဲ့ သူလေးတစ်ယောက်ဖြစ်စေချင်နေမိတာကတော့ ဒီနေ့သူ့မွေးနေ့မှာ ဖြစ်နေမိတဲ့ စိတ်ဆန္ဒပါပဲ လို့ …

မနော်ဟရီ


အချစ် အကြောင်း ပြောရအောင်

Tuesday, March 22, 2011


အချစ် အကြောင်း ပြောရအောင် ...တဲ့။ တရားခံ အစစ်ကတော့ အမမေငြိမ်းပေါ့ .. ။ သူ့ရဲ့ သိပ်ကို အောင်မြင်ခဲ့တဲ့ စာအုပ်တစ်အုပ်လည်း ဖြစ်၊ ခုထိလည်း သတိတရဖြစ်ကျန်နေစေတဲ့ စာအုပ်တစ်အုပ်ဆိုလည်း မမှားပါဘူး။ ဒုတိယ တရားခံက မသက်ဝေ ...။ သူ့ခမျာ မနော်ဟရီ ဆိုလို့ နုနုလှလှတွေများ ဖတ်ရမလား ဆိုပြီး တက်ဂ်ပုံရပါတယ်။ ကိုယ်ကကျတော့လည်း အချစ် ဆိုတာကို ခုထိ အမြင်မကြည်လင်ချင်သေးပဲ စောင်ပေပေနဲ့ ကြည့်နေတဲ့ စာသူငယ်လိုလူ ဆိုတော့ .. အချစ် လို့ ဆိုလိုက်တာနဲ့ လက်တမ်းပုံပြင်ကိုပဲ ပြေးပြေးသတိရပါတယ်။ အချစ် လို့ ဆိုလိုက်တာနဲ့ လေတွေ ထန်နေတဲ့ ချောက်ကမ်းပါးကြီးရယ်၊ ဒေါင်းမလိုလိုနဲ့ တလက်လက်ပွင့်ပြနေပြီး ဂျိုကာတစ်ကောင် အမြဲလိုနေတတ်တဲ့ ဖဲချပ်တွေရယ် .. .. ခေါင်းတခါခါနဲ့ မသေချာပါဘူးလို့ ပြောနေတဲ့အသံတွေရယ် .. ဒါတွေပဲပြေးမြင်ကြားယောင် နေမိတတ်သူဆိုတော့ ... စိတ်မကောင်းပါဘူး ..လို့ ပြောရမလားပဲ။ ၂၀၀၉ လောက်ကလည်း ဝါဝါ တစ်ခါ tag ပါတယ်။ ဒီကဗျာကိုပဲ တင်ခဲ့မိတယ်။ ခုလည်း ဒီကဗျာလေးပဲ တင်မိပြန်ပါတယ်။ အင်း .. နောက်လည်း ဒီကဗျာပဲ တင်မိဖို့ များပါတယ်။း) ဘာပဲပြောပြော၊ ဖုန်တက်နေတဲ့ ဘလော့ခ်ကို ဖုန်ခါခွင့်ရတဲ့အတွက် ကျေးဇူးတင်ပါတယ်။



အစ... ဘုရားသခင်က ကြွေအံမကစားတော့ဘူးဆိုပြီး အံစာတုံးကိုကောက်အသိမ်း အိတ်ဝကနေ ချော်ကျလာတဲ့ အံစာတစ်တုံးဟာ ငါ့ရဲ့ ကံကြမ္မာဖြစ်တယ်။ ကြည့်လိုက်တော့ မျက်နှာပြင် ခြောက်ခုလုံး နဲ့ မသက်ဆိုင်တဲ့ အံစောင်းတစ်ခုဖြစ်နေခဲ့ရဲ့ ။ ဒါပါပဲ ။ နောက်ထပ် လက်တမ်းပုံပြင်အသစ်တစ်ပုဒ် ဘုရားသခင် ကိုယ်တိုင် နားဆင်ခွင့်ရသွားခဲ့တာပေါ့

လက်တမ်းပုံပြင်
ရင်ကိုတောက်စားတတ်တဲ့ဖဲပွင့်တွေအကြောင်းကစ ရအောင်
“ချစ်တယ်”ဆိုတာတကယ်တော့“သေဆုံးခြင်း”တဲ့..
နားလည်သူတွေရဲ့ ခေါင်းတညိတ် ကိုပဲ လက်ခံမှာပါ..
အနာဂါတ်ဟာ ဘာအကြောင်း အရာမှရေးထိုး မထားတဲ့ စာရွက်တစ်ရွက် မှ မဟုတ်ပဲ
ခဲဖျက် ဆိုတာကလည်း ငယ်တုန်းပဲ အသုံးဝင်တာ...
“မသေချာဘူး”ဆိုတဲ့ လူတွေကို ပြုံးကြည့်ရင်း
မျက်နှာကြော တွေ တောင် တင်းလာ လိုက်တာ
ကမ္ဘာဦးကျမ်းကြီး တောင် မြွေတစ်ကောင်နဲ့  အကြီးအကျယ် ပြဿနာတက်လို့ ..
“ငါတို့ နောက်ဆုတ် ကြပါတော့လား”
ကိုယ့်ကိုကိုယ် ပြောတာတောင် ကြားအောင် မပြောရဲတဲ့ နောက်
ချောက်ကမ်းပါး ဆိုတာလည်း ဂန္ထ၀င် ဂီတတစ်ပါး ပဲပေါ့
တစ်ခုပဲ…တစ်ခုပဲ…
ဒီနေ့ ထိ လူတွေ အယူလွဲနေတဲ့ “အချစ် အကြောင်း စစ်စစ်” ကို
ဘယ်လို လူကမှ သေချာမသိ လေတော့
လက်တမ်းပုံပြင် တွေ တလေတလွင့် ရေပန်းစားကျန်ခဲ့တာ… မဆန်းပါဘူး။
မနော်ဟရီ
၂၀၀၃
၂၀၀၃၊ ရွှေဖူးစာ မဂ္ဂဇင်း၊ အချစ်ဂျာနယ်


တစ်နေ့လုံး ပျောက်ဆုံးနေတယ် ငါ ..

Friday, February 18, 2011


တစ်နေ့လုံး ပျောက်ဆုံးနေတယ် ငါ ..

တစ်နေ့လုံး ရှူသွင်းနေတဲ့လေထဲမှာ အသက်ဓာတ်တစ်ချက်တလေမှ မပွင့်ဘူး
တစ်နေ့လုံး ခုန်နေတဲ့ နှလုံးသားထဲမှာ အခိုက်ဓာတ် တစ်ချက်တလေမှ မထိခတ်ခဲ့ဘူး
တစ်နေ့လုံး ပျောက်ဆုံးနေခဲ့တယ် ….နှစ်ဆယ့်လေးနာရီ ..

ကြားနေရတဲ့ မြင်ကွင်းတွေမှာက နရီစည်းချက်တွေ တစ်ရောင်မှ မပါဘူး
တဖောက်ဖောက် ကျဆင်းလာတဲ့ အသံတွေမှာက ငြိမ်းအေးမှု သံဝေဂတွေ တစ်စက်မှ မပါဘူး
တစ်ဘဝလုံး ပြုတ်ကျ ပျောက်ဆုံးနေခဲ့ရတယ် နှစ်ပရိစ္ဆေတများစွာ ….

တစ်နွေပြီးတစ်နွေ .. နေ့တာတွေကလည်း ရှည်ပြီးရင်း ရှည်နေခဲ့
ငါ .. မအိပ်စက်ရတာ ကြာနေခဲ့ပြီ …
မလိုလားအပ်မှုတွေနဲ့ပဲ နိစ္စဓူဝ မျက်နှာချင်းဆိုင် ..
ဘာကိုမှ အနိုင်မရနိုင်တော့တာ သေချာတဲ့အမှတ်တံဆိပ်က ငါ လား …

ငါ့ကိုယ်ငါက.. ပြန်မတွေ့တော့ဘူး … ငါ့ကိုယ်ငါကလည်း … ပြန်မလိုချင်တော့ဘူး …
ငါ့ကို ရုတ်သိမ်း ငြိမ်းမှုတ် ပစ်လိုက်ဖို့ တန်ခိုးရှင်တစ်ပါးပါးတော့ လိုနေခဲ့ပြီ
ကြည့်စမ်း.. ရေခဲမြစ်တွေ အေးခဲရှည်လျားနေလိုက်ကြတာ ..
ငါ .. ဘယ်တုန်းကတည်းက ငိုနေခဲ့မိပါလိမ့် ………..
မနော်ဟရီ


Just a test post !! ( the image is NCS's painting)


Love Gemstones

Tuesday, February 8, 2011

Love Gemstones

Let those love now who never loved before;

Let those who always loved, now love the more.

Thomas Pamell

(1679-1718)

ကမ္ဘာပေါ်မှာရှိတဲ့ ကျောက်မျက် ရတနာအကုန်လုံးဟာ တစ်မျိုးစီ သူ့ဟာနဲ့သူ ထူးခြားတဲ့ ဂုဏ်သတ္တိတွေ ရှိကြပါတယ်။ အဲဒီ ထူးခြားတဲ့ အစွမ်းသတ္တိတွေနဲ့ ကျောက်မျက်ရတနာတွေဟာ ပိုမို ကျန်းမာ၊ပျော်ရွှင်ပြီး ချစ်ခြင်းတွေနဲ့ ပြည့်စုံနေတဲ့ ဘဝတွေဆီကို သယ်ဆောင်သွားနိုင်ပါတယ်။ လောကမှာ ကျွန်တော်၊ ကျွန်မတို့ မမြင်နိုင်တဲ့ ထူးခြားတဲ့ အစွမ်းသတ္တိတွေ ဖြစ်ရပ်တွေ ရှိနေတယ်ဆိုတာ ယုံကြည်မယ် ဆိုရင်ပေါ့။ မမြင်ရတဲ့ ချစ်ခြင်း မေတ္တာ၊ ကိုင်တွယ်ဖမ်းဆုပ်လို့ မရတဲ့ သစ္စာတရား၊ ထိမှန်လိုက်တယ်လို့ မမြင်ရပါပဲ ထိချက်ပြင်းထန်တဲ့ အမုန်းတရား စတဲ့ စိတ္တဇနာမ်တွေကို ထိန်းချုပ်ထားနိုင်တဲ့ အစွမ်းသတ္တိလေးတွေလည်း သူတို့မှာ တကယ်ပဲ ရှိနေခဲ့ပါတယ်။

ဖူးစာရှင် ရှာမယ်

ကိုယ်နဲ့ တကယ်ပဲ ဖူးစာပါတဲ့သူကို တွေ့ဖို့ ဆိုတာ တကယ်ချစ်တဲ့သူကို တွေ့ဖို့ဆိုတာက လွယ်မယောင်နဲ့ ခက်ပါတယ်။ လိုချင်ဆန္ဒပြင်းပြမှုနဲ့ ဆုံးဖြတ်ချက်ခိုင်မာမှု တစ်ထပ်တည်းကျနေပေမယ့် ဘဝတကယ့် လိုအပ်ချက်တွေနဲ့ ယှဉ်လာတဲ့အခါ အဲဒီဆန္ဒတွေ အရောင်မှိန် အားနည်း သွားတတ်ပါတယ်။ ဒါပေမယ့် ကြားခဲ့ဖူးတဲ့ စကားတစ်ခုလိုပါပဲ။ တကယ်လိုချင်လာတဲ့ တပ်မက်စိတ်ဟာ ဆုံးဖြတ်ချက်ပါပဲ။

တကယ်ပဲ စစ်မှန်တဲ့ ချစ်ခြင်းကို ရှာဖွေနေတယ်ဆိုရင် သင်ဟာ ဆုံးဖြတ်ချက်တော့ ခိုင်မာရပါမယ်။ စိတ်ခံစားမှုနဲ့ ဦးနှောက်က လာတဲ့ ဆုံးဖြတ်ချက်တွေ အားကောင်းလာတဲ့အခါ လူတွေဟာ အောင်မြင်မှု ရတတ်ကြသလိုပါပဲ .. တကယ်စစ်မှန်တဲ့ ဖူးစာရှင် ကိုယ်တကယ်ချစ်တဲ့သူ ကိုယ့်ကို တကယ်ချစ်တဲ့သူ ဟုတ်မဟုတ်ဆိုတာက စိတ်ရဲ့ပြင်းအား၊ ခံစားမှု စတာတွေနဲ့ ဆက်စပ်နေပါတယ်။

ချစ်ခြင်းမေတ္တာကို လိုအပ်နေတယ်ဆိုတာကိုက စိတ်မလုံခြုံမှုကို ခံစားနေရတယ်လို့ ပြပါတယ်။ တစ်ချိန်က သူ့ဆီမှာ ချစ်ခြင်းနဲ့ပတ်သက်ဆက်နွယ်မှုတွေ ရှိကောင်း ရှိခဲ့ပါလိမ့်မယ်။ ဒါကြောင့် မေတ္တာတရားကို လိုပေမယ့် နာကျင်ခံစားရမှုတွေကို ကြောက်ရွံ့ စိုးထိတ်ပြီး ရှေ့က တံခါးတစ်ချပ်ကို ဖွင့်မပေးရဲတာမျိုး ကိုလည်း ကြုံတွေ့ဖူးကြမှာပါပဲ။ နောက် ကိုယ်လိုချင်တဲ့ အရည်အချင်းတွေ၊ လိုအပ်ချက်တွေနဲ့ ပြည့်စုံတဲ့ သူကို ရဖို့ဆိုတာ ကိုယ့်မှာ ဘယ်လိုအရည်အချင်းတွေ ရှိနေရမလဲ ဆိုတာကလည်း စကားပြောပါတယ်။ အထီးကျန်တဲ့ စိတ်ဆိုတာကတော့ လူတွေမှာ ရှိတတ်တာပါပဲ။ အဲဒီစိတ်နဲ့ တစ်စုံတစ်ယောက်ဟာဖြင့် သင့်အတွက်တော့ ထိုက်တန်စွာ ရှိနေမှာပဲ လို့ မမျှော်လင့်လိုက်ပါနဲ့။ မျှော်လင့်ခြင်းတွေရဲ့ လောင်ကျွမ်းမှုကို မခံလိုက်ပါနဲ့။ တစ်စုံတစ်ယောက်ရဲ့ ချစ်ခြင်းအတွက် ဆွဲဆောင်ယူရတယ် ဆိုကတည်းက စိတ်ကို ပင်ပမ်းစေပါတယ်။ အဲဒီ စိတ်ပင်ပမ်းမှုတွေက သင့်ရဲ့ ရည်မှန်းချက်နဲ့ ပန်းတိုင်တွေကို ဝေဝါးစေတတ်ပါတယ်။

ချစ်ခြင်းကို သယ်ဆောင်လာတယ်ဆိုတဲ့ ကျောက်မျက်ရတနာဟာ မျက်လှည့်ပြသလို သင့်အတွက် ချစ်သူ တစ်ယောက်ကို သယ်ဆောင်လာပေးမှာ မဟုတ်ပါဘူး။ ဒါပေမယ့် အဲဒီ ကျောက်မျက်က သင့်ရဲ့ စိတ်အနေအထားကို ကောင်းမွန်ကျန်းမာစေပြီး သင့်ကို ချစ်ခြင်းနဲ့ ပတ်သက်တဲ့ ဆုံးဖြတ်ချက်တွေ ခိုင်မာစေမှာ ဖြစ်ပါတယ်။ အဲဒီ ကျောက်မျက်က ထုတ်လွှတ်တဲ့ စွမ်းအင်ကြောင့် သင်ဟာ သင်ရှာဖွေနေတဲ့ ဖူးစာရှင်ဆီကို အဲဒီစွမ်းအင်နဲ့ အတူ ရောက်ရှိသွားစေနိုင်မှာ ဖြစ်ပါတယ်။

အဲဒီအတွက် အကောင်းဆုံး အဆောင်ကျောက်ကတော့ Rose Quartz (နှင်းဆီ သလင်း) ဖြစ်ပါတယ်။

ဒီကျောက်ကလူတွေရဲ့ စိတ်နှလုံးတံခါးပေါက်ကို ဖွင့်တဲ့ နေရာမှာ စွမ်းအင်ကြီးမားပါတယ်။ ဘယ်လောက်တောင်လဲဆိုရင် တစ်ခါတစ်ရံ အဲဒီစွမ်းအင်ကို ပြန်လည် လျှော့ချဖို့အတွက် ခရမ်းစွဲ ( amethyst) လိုကျောက်ကိုတောင် သုံးရတတ်တယ်လို့ ဆိုပါတယ်။

Rose Quartz ဟာ အနှိုင်းမဲ့ မေတ္တာတရားရဲ့ သင်္ကေတလည်း ဖြစ်ပါတယ်။ တည်ငြိမ်အေးချမ်းပြီး လုံခြုံမှုကို ပေးတဲ့ မေတ္တာမျိုးပါ။ စိတ်အာရုံတံခါးကို ဖွင့်ပေးနိုင်ပြီး နားလည်မှု စိတ်ကိုသိမှုတွေကို အားကောင်းစေပါတယ်။ ယုကြည်မှုနဲ့ စိတ်အတွင်း သမမျှတမှု တွေကို တည်ဆောက်ပေးနိုင်ပါတယ်။

တစ်ခါမှ ချစ်ခြင်းကို မတွေ့ဖူးတဲ့သူ ဆိုရင် သူက လမ်းကြောင်းတစ်ခုကို ဖွင့်ပေးပါလိမ့်မယ်။ ချစ်ခြင်းကို ဆုံးရှုံးခဲ့ဖူးသူဆိုရင် သူက နှစ်သိမ့်မှု နဲ့ သက်သာရာရမှုကို ပေးပါတယ်။ သင်က အတိတ်ဆိုးကြောင့် စိတ်နဲ့ ပတ်သက်တဲ့ အနာတရ အကြီးအကျယ် ရဖူးတဲ့သူ ဆိုရင် မကောင်းတဲ့ စိတ်ခံစားမှုတွေကို ဖယ်ရှားပေးပြီး ကိုယ့်ကိုယ်ကို ယုံကြည်မှု ထိုက်တန်မှု တွေကို ဆောင်ကျဉ်းပေးနိုင်စွမ်းပါတယ်။

Rose Quartz ကို သုံးနိုင်တဲ့ အခြေအနေ

+ Rose Quartz sphere ကို သင့်ပတ်ဝန်းကျင်မှာ ချစ်ခြင်း မေတ္တာအတွက် ထားနိုင်ပါတယ်။

+ Rose Quartz wand ကို ဖူးစာရှင်ကို ရွေးချယ်ရာမှာ သုံးနိုင်ပါတယ်။

+ Rose Quartz ကျောက်ကို ခေါင်းအုံးအောက်မှာ ထားအိပ်မယ်ဆိုရင် သင့်ကို နုပျိုနေစေပြီး သင်မျှော်လင့်နေတဲ့ ချစ်ခြင်းတွေကိုလည်း သယ်ဆောင်လာပေးပါလိမ့်မယ်။

+ အသည်းပုံ Rose Quartz ကတော့ အားကောင်းတဲ့ ချစ်ခြင်းမေတ္တာရဲ့ သင်္ကေတ ပါပဲ။

+ ကြက်ဥပုံသဏ္ဍန် Rose Quartz ကိုတော့ ချစ်ခြင်းမေတ္တာ ပိုမိုအားကောင်းလာဖို့ အသုံးပြုနိုင်ပါတယ်။

+ Rose Quartz နဲ့ လုပ်ထားတဲ့ လက်ဝတ်ရတနာတွေကို ဝတ်ဆင်မယ်ဆိုရင် ချစ်ခြင်းမေတ္တာကို ရရှိနိုင်ပြီး ကိုယ့်ကိုယ်ကို ချစ်တဲ့ ချစ်ခြင်းကိုလည်း တိုးလာစေပါတယ်။

Rose Quartz နဲ့ တခြား love stones တွေ တွဲဖက်တဲ့အခါ

+ မတည်ငြိမ်တဲ့ ချစ်ခြင်းအတွက် ပြန်လည် တည်ငြိမ်မှု ရလာအောင် Rose Quartz နဲ့ Chrysocolla ကို တွဲထားနိုင်ပါတယ်။

+ သူတစ်ပါးရဲ့ မနာလိုမှု တွေကို ကျော်လွှားနိုင်ဖို့အတွက် Rose Quartz နဲ့ Chrysoprase ကိုတွဲထားပါ။

+ အတွေ့အကြုံအသစ် အတွက် သင့်စိတ်ကို ပြင်ဆင်ထားဖို့ ဆိုရင် Rose Quartz ကို Peridot (ပြောင်ခေါင်းစိမ်း) ဒါမှမဟုတ် Azurite (အပြာရင့်ရောင် ကျောက်တစ်မျိုး ) တို့နဲ့ တွဲဖက်သုံးနိုင်ပါတယ်

+ ကိုယ့်စိတ်ခံစားမှုထက် ပတ်ဝန်းကျင်နဲ့ သဟာဇာတဖြစ်ဖို့ ဆိုရင် Rose Quartz ကို Imperial Topaz (ဥဿဖယား အဝါ) ဒါမှမဟုတ် Citrine ( သလင်းဝါ) တို့နဲ့ တွဲသုံးပါ။

+ စိတ်နှလုံးနဲ့ သက်ဆိုင်တဲ့ စိုးရိမ်ကြောက်ရွံ့မှု တွေကို ကျော်လွှားဖို့ ဆိုရင် Rose Quartz ကို ဖရဲအူ ( watermelon tourmaline ) နဲ့ တွဲဖက် ထားနိုင်ပါတယ်။

အဲလိုတွဲထားရာမှာ လက်ဝတ်ရတနာ လုပ်ထားမှ မဟုတ်ပါဘူး။ ကျောက်မျက်ရတနာထားတဲ့ ကတ္တီပါအိတ်ထဲ ထည့်ထားနိုင်သလို၊ အလှဆင်ခွက်ထဲမှာလည်း အတူတွဲထားနိုင်ပါတယ်။ တရားထိုင်တဲ့အခါ လက်ထဲ ထည့်ပြီးထိုင်နိုင်သလို အဲဒီကျောက်ကနေ စွမ်းအင် လိုအပ်နေတယ်လို့ ခံစားရတဲ့ အခါမှာလည်း လက်နဲ့ထိတွေ့ ကိုင်တွယ် ထားနိုင်ပါတယ်။

တွယ်ငြိမှုကို ပြန်လည်စုစည်းခြင်း

သင်တို့ရဲ့ ချစ်ခြင်းမှာ တစ်ဦးနဲ့တစ်ဦး တွယ်ငြိတပ်မက်မှုတွေ လျော့နည်းလာပြီလို့ ခံစားနေရပါသလား။ သင်နဲ့ သင့်ချစ်သူတို့အတွက် စိတ်လှုပ်ရှားရတဲ့ အချိန်တွေ အရာတွေ လျော့နည်းလာနေပြီလို့ ခံစားနေရလား။ တစ်ယောက်နဲ့ တစ်ယောက် ချစ်တဲ့ ချစ်ခြင်းကို မနေ့တစ်နေ့ကမှ စတင်ခဲ့သလို အမြဲတမ်း အမြင့်ဆုံးမှာ ချစ်နေနိုင်ပေမယ့် တွယ်ငြိတပ်မက်မှုကိုကျ အဲလို မျှော်လင့်ထားလို့ မရပါဘူးလို့ တချို့ ဆိုရိုးတွေက ဆိုပါတယ်။

အချစ် ဆိုတာက ဘဝရဲ့ အစိပ်အပိုင်း တစ်ခုလို့ ဆိုကြသလိုပါပဲ ။ လူတွေမှာ တခြား စိတ်ဝင်စားစရာ ကိုယ်စီကိုယ်စီ အာရုံဝင်စားမှု၊ လုပ်ငန်းဆောင်တာနဲ့ ဝါသနာတွေကလည်း ရှိနေတတ်ပါတယ်။ အဲဒီ အရာအားလုံးဟာလည်း တွယ်ငြိမှုထဲ အကြုံးဝင်ပါတယ်။ ချစ်စခင်စ ကြင်နာစမှာတော့ အရာအားလုံးဟာ စိတ်ဝင်စားစရာ ချည်းပါပဲ။ သူ့လုပ်ငန်းကလည်း ကိုယ်စိတ်ဝင်စားချင်စရာ၊ သူ့ဝါသနာကလည်း ကိုယ့်ဝါသနာနဲ့ ဆင်သလိုလို၊ သူ့လုပ်ငန်းကလည်း ကိုယ်နဲ့ပဲ ဆက်စပ်နေသလိုလိုတွေ ဖြစ်တတ်ပါတယ်။ ဒါပေမယ့် အချိန်ရွေ့လျောသွားတာနဲ့အမျှ ဒါတွေက လျော့ကျလာပါတယ်။ စိတ်ထင်တော့ စစချင်း ချစ်တယ် ဆိုတာနဲ့အတူပါလာတဲ့ စိတ်ဝင်စားမှုတွေ တွယ်ငြိမှုတွေဟာ အစစ်မဟုတ်ဘူး။ ဘာလို့လဲဆိုတော့ ကာလ ရွေ့လျောမှုနဲ့အတူ ကွယ်ပျောက်သွားလို့ပါပဲ။

အဲဒီ တွယ်ငြိတတ်တဲ့ စိတ်တွေကို မြှင့်တင်ပေးဖို့အတွက် လကျောက် (moonstone) ကို ဆောင်နိုင်ပါတယ်။ လကျောက်ဟာ နူးညံ့တဲ့ချစ်ခြင်း မေတ္တာရဲ့ သင်္ကေတလည်း ဖြစ်ပါတယ်။ လကျောက်ဟာ ချစ်ခြင်းနဲ့ ပတ်သက်တဲ့ ရာဇဝင်တွေနဲ့ ကျောက်တစ်မျိုး ဖြစ်ပါတယ်။ ရောမတွေရဲ့ ရာဇဝင်မှာတော့ လကျောက်ဟာ လရောင်ကြောင့် ဖြစ်တယ်လို့ ဆိုပါတယ်။ ရှေးဟောင်း ဟိန္ဒူတွေကလည်း လရောင်တန်းနဲ့ ဖြစ်တည်လာတဲ့ ကျောက်လို့ ယုံကြည်ကြတယ်။ အိန္ဒိယမှာဆို လကျောက်ကို မြင့်မြတ်သန့်စင်တဲ့ ကျောက်အဖြစ် သူတို့က မြင့်မြတ်တဲ့ အရောင်လို့ သတ်မှတ်ထားတဲ့ အဝါရောင် ပိုးထည်ပေါ်မှာပဲ တင်ထားတတ်ကြပါတယ်။ ရောမတွေရဲ့ ဒဏ္ဍာရီထဲက ဒိုင်ယာနာ လနတ်သမီးနဲ့ ဆက်နွယ်နေတဲ့ ကျောက်ဖြစ်တဲ့အတွက် ပွားများခြင်း၊ သဘာဝတရား၊ နဲ့ လွတ်လပ်မှုတွေကို ကာကွယ်ပေးတယ်လို့လည်း ဆိုပါတယ်။

ချစ်သူချင်း ဒီကျောက်ကို လက်ဆောင်ပေးမယ် ဆိုရင်တော့ လကျောက်က တွယ်ငြိတပ်မက်မှုတွေကို အမြင့်ဆုံးထိ မြှင့်တင်ပေးနိုင်ပြီး ချစ်သူနှစ်ဦးရဲ့ ကံကြမ္မာ အကောင်းအဆိုးကိုလည်း မြင်နိုင်ခွင့် ပေးတယ်လို့ အယူရှိကြပါတယ်။ အာရုံသိစိတ်ကို ဖြစ်စေတာဟာ လကျောက်ရဲ့ စွမ်းအင်တစ်ခုပါပဲ။

လကျောက်ကို သုံးနိုင်တဲ့ အခြေအနေ

+ လကျောက်ကို လက်ဝတ်ရတနာ အဖြစ် ဝတ်ဆင်နိုင်ပါတယ်။

+ ချစ်သူကို လက်ဆောင်အဖြစ်ပေးပြီး ဘယ်သူမှ မထိနိုင်တဲ့ နေရာ၊ လုံခြုံတဲ့ နေရာမှာ ထားခိုင်းပါ

+ လပြည့်ညမှာ လကျောက်ကို လက်ထဲ ဆုပ်ကိုင်ပြီး ချစ်သူကို မြင်ယောင်ကြည့်မယ်ဆိုရင် ချစ်ခြင်းမေတ္တာ ပိုမိုလေးနက် ခိုင်မြဲ နိုင်ပါတယ်။

လကျောက်ကို တခြား love gem stones တွေနဲ့ တွဲဖက်တဲ့အခါ

+ ဆွဲဆောင်မှု အားကောင်းအောင် လကျောက် (moonstone) ကို နေကျောက် (sunstone) နဲ့ တွဲဖက် သုံးနိုင်ပါတယ်။

+ ဖန်တီးမှု စွမ်းအားတွေတိုးတက်ဖို့နဲ့ စဉ်ဆက်မပြတ် တိုးတက်နေဖို့ ဆိုရင် လကျောက်ကို Rhodochrosite နဲ့ တွဲထားနိုင်ပါတယ်။

+ စိတ်ခံစားမှု အနာတရတွေကို ဖြေဖျောက်ဖို့ နဲ့ ဆက်နွယ်မှု အသစ်ကို စတင်ဖို့ ဆိုရင် လကျောက်ကို Rhodonite နဲ့ တွဲထားပါ။

Rose Quartz တုန်းကလိုပဲ ဒီကျောက်တွေကို အိတ်ကလေး တစ်ခုထဲ တွဲထည့်ထားနိုင်သလို အလှဆင်ခွက်ထဲမှာလည်း ထည့်ထားနိုင်ပါတယ်။ တရားထိုင်စဉ်မှာ ဆုပ်ကိုင်ထားနိုင်ပြီး စွမ်းအင်ကို ရယူနိုင်သလို သူ့စွမ်းအင်ကို လိုအပ်တယ်လို့ ထင်တဲ့အခါတိုင်းမှာလည်း လက်ထဲ ဆုပ်ကိုင်ထားနိုင်ပါတယ်။

ကောင်းမွန်တဲ့ ဆက်ဆံရေး ကိုဖန်တီးဖို့အတွက် ကျောက်မျက်တွေနဲ့ သလင်းတွေကို ဘယ်လို အသုံးချမလဲ

ပျော်ရွှင် အောင်မြင်တဲ့ ဘဝတစ်ခုအတွက် အားကောင်းပြီး ကောင်းမွန်တဲ့ ပေါင်းသင်းဆက်ဆံရေးဟာ အဓိက လိုအပ်ပါတယ်။ ကျယ်ပြန့်လှတဲ့ လူ့စိတ်ခံစားမှု တွေကြောင့်ရယ်၊ တစ်ယောက်ချင်းစီရဲ့ ကိုယ်ပိုင် အယူတွေကြောင့်ရယ် ကောင်းမွန်တဲ့ ပေါင်းသင်းဆက်ဆံရေးဆိုတာ ထင်သလို မလွယ်ကူလှပါဘူး။ အဲဒီလို ဆက်ဆံရေးကို ရဖို့ဆိုတာ တခြားသူတွေရဲ့ ဆန္ဒနဲ့ စိတ်ခံစားချက်တွေကို ကိုယ့်စိတ်ထဲ ထည့်ထားဖို့ လိုအပ်ပါတယ်။ နောက် ကိုယ့်အပြုအမူတွေ နဲ့ စကားလုံးတွေက တစ်ဖက်သားကို ဘယ်လို ထိခိုက်စေလဲ၊ ဘယ်လို အကျိုးရှိစေလဲ ဆိုတာကိုလည်း အစဉ်သတိရှိနေရပါလိမ့်မယ်။

အဲဒီလို သတိထားပြီး နေရင်းကနေ အဲဒီမှာ ကိုယ့်အထဲက ကိုယ်တောင် မသိခဲ့တဲ့ အရည်အချင်းကို ကိုယ်တိုင်တွေ့သိ လာနိုင်ပါတယ်။ ဆက်ဆံရေးတွေ ပိုမို တိုးတက်ခိုင်မာ လာတာ၊ ပျော်ရွှင် မှုတွေ ကျန်းမာမှုတွေနဲ့ ကြံ့ခိုင်လာတာ တွေကိုလည်း တွေ့နိုင်ပါတယ်။ ကျောက်မျက်တွေနဲ့ သလင်းတွေကလည်း အဲဒီလို တိုးတက်လာဖို့အတွက် သူတို့မှာရှိတဲ့ စွမ်းအင်တွေနဲ့ အကူအညီ ပေးနိုင်ပါတယ်။ ကျောက်မျက်တွေရဲ့ စွမ်းအင်က ညီညွတ်မျှတတဲ့ ဆက်ဆံရေး၊ ပြည့်ဝတဲ့ ချစ်ခြင်း၊ တွေကို ဆောင်ကျဉ်းပေးနိုင်သလို အလုပ်မှာ တွေ့ကြုံရတဲ့ အတိုက်အခံတွေ၊ အပျက်သဘောဆောင်တဲ့ အရာတွေကို အပြုသဘောဖက် အကောင်းဖက်ကို ပို့ဆောင်ပေးနိုင်ပါသေးတယ်။

ဆက်ဆံရေး ဆိုရာမှာလည်း အမျိုးမျိုး ရှိပါတယ်။ သားသမီးနဲ့ မိဘကြားက ဆက်ဆံရေး၊ ချစ်သူနှစ်ဦး ကြားက ဆက်ဆံရေး၊ မိတ်ဆွေသူငယ်ချင်း ကြားက ဆက်ဆံရေး၊ အိမ်နီးနားချင်းနဲ့ ဆက်ဆံရေး၊ အလုပ်က လက်အောက်ငယ်သားတွေနဲ့ ဆက်ဆံရေး၊ အသင်းအဖွဲ့ထဲက လူတွေနဲ့ ဆက်ဆံရေး စသဖြင့်ပေါ့။ အားလုံးဟာ သင့်ရဲ့ ပျော်ရွှင်မှု၊ ကျန်းမာမှု၊ စိတ်ဓာတ်အင်အားတိုးတက်မှု တွေနဲ့ ဆက်စပ်နေပါတယ်။ အဆောင်ကျောက်မျက်တွေက ဒါတွေအားလုံးကို အထောက်အကူပြုပေးနိုင်ပါတယ်။

ပေါင်းသင်းဆက်ဆံခြင်းရဲ့ အဓိက အချက်ကတော့ ချစ်ခြင်းမေတ္တာပါပဲ

ကမ္ဘာကျော် Beatles တွေရဲ့ နောက်ဆုံး အယ်လ်ဘမ်ထဲက Paul McCartney ရဲ့ ကမ္ဘာကျော် စကားလိုပါပဲ။ And , in the end, the love you take is equal to the love you make ! တဲ့။ သင့်ဖက်က ပေးသလောက် မေတ္တာကို သင်ပြန်ရနိုင်ပါတယ်။ ချစ်ခြင်းမေတ္တာ ဆိုတာကိုက ဘဝတစ်ခုလုံး ( အမှန်က စကြဝဠာတစ်ခုလုံး) တည်ဆောက်ဖို့အတွက် လိုအပ်တဲ့ အခြေခံ အချက်ပါပဲ။

ချစ်ခြင်း တည်ရှိနေတဲ့ ဘယ်လို နေရာမှာမဆို …

+ အတိုက်အခိုက်တွေ ပြေပျောက်သွားတယ်

+ ကြွယ်ဝမှုနဲ့ ဖွံ့ဖြိုးမှုတွေ ဖြစ်တည်လာနိုင်တယ်

+ ကြောက်ရွံ့ စိုးထိတ်မှုတွေ ကွယ်ပျောက်သွားတယ်

+ စစ်မှန်တဲ့ စိတ်ဝိဥာဉ် သဘာဝတွေ ပေါ်ထွက်လာစေတယ်

+ ရောဂါဘယတွေကို ကင်းပျောက်သွားစေတယ်

+ စစ်မှန်တဲ့ ပျော်ရွှင်မှုတွေကို ရနိုင်တယ် …။

ပထမဆုံးအနေနဲ့ ကိုယ့်ကိုယ်ကို ချစ်တတ်အောင် သင်ယူပါ

ကိုယ့်ကိုယ်ကို ခွင့်လွှတ်တတ်အောင်၊ ကိုယ့်ကိုယ်ကို အရှိအတိုင်း လက်ခံနိုင်အောင် လေ့ကျင့်ပါ။ ကိုယ့်ကိုယ်ကို ချစ်တတ်လာတဲ့အခါ၊ သင့်ှနှလုံးသားက ချစ်ခြင်းကို နားလည်လက်ခံလာတာပါပဲ။ အဲဒီလို လက်ခံလိုက်ခြင်းနဲအတူ၊ သင့်ရဲ့ ဘဝလက်တွဲဖော်ကို တွေ့လာနိုင်တယ်၊ ပျက်ပျယ်ခဲ့ရတဲ့ ခင်မင်မှုတွေကို ပြန်လည် တည်ဆောက်နိုင်မယ်။ ဆက်ဆံရေးသစ်တွေကိုလည်း ထူထောင်နိုင်မယ်။ ပတ်ဝန်းကျင်မှာ ရှိတဲ့ လူတိုင်းနဲ့ ထိတွေ့ဆက်ဆံရတဲ့ သင့်အရည်အချင်းတွေပါ တိုးတက်လာလိမ့်မယ်။သင့်ဟာ သင့်ရဲ့ သဘာဝ အနေအထားမှာကို ပြိးပြည့်စုံလာတာကို တွေ့ရလိမ့်မယ်။

ဆက်ဆံရေးတစ်ခုကို တည်ဆောက်ဖို့ ဆိုတာက လိုအပ်တဲ့ ချစ်ခြင်းနဲ့ ပတ်သက်တဲ့ အရည်အသွေးတွေကို တိုးတက်စေမယ့် အချက်အလက်တွေ အများကြီးရှိပါတယ်။ အဲဒီထဲက တချို့ကတော့ နားလည်မှု၊ နွေးထွေးမှု၊ ချီးမွမ်းမှု၊ လက်ခံနိုင်မှု၊ စိတ်ရှည်မှု၊ ခွင့်လွှတ်မှု၊ သနားဂရုဏာသက်မှု၊ ရင်းနှီးမှု၊ ဂရုစိုက်မှု၊ ကြင်နာမှု၊ နူးညံ့မှု၊ စတာတွေပါပဲ။ အဲဒီအချက်အလက်တွေ အားလုံးကို သင့်ရဲ့ နေ့စဉ်ဘဝမှာ ကျင့်သုံးသွားဖို့ လိုပါတယ်။ ဘယ်အထိ ကျင့်သုံးရမလဲ ဆိုရင် ချစ်ခင်တဲ့ အမူအယာ အားလုံးဟာ သင့်သဘာဝဖြစ်လာတဲ့ထိ ပါပဲ။ အမှန်ကတော့ သဘာဝလောက် အခြေခံကျတာ ဘာမှမရှိဘူးမဟုတ်လား။

အနှိုင်းမဲ့ မေတ္တာတရားက ဆက်ဆံရေးကို ပျက်စီးစေနိုင်တဲ့ မကောင်းတဲ့ အရာတွေဖြစ်တဲ့ စိတ်တိုဒေါသထွက်မှု၊ မနာလိုမှု၊ ကြောက်ကန်ကန်မှု၊ အပြစ်ရှိသလို ခံစားရမှု၊ စိတ်ပျက်ညည်းငွေ့မှု၊ ရှက်ရွံ့မှုနဲ့ ဝမ်းနည်းမှုတွေကို ဖယ်ရှားပေးပါတယ်။ သင့်ကိုယ်သင်ရော တခြားသူတွေကိုရော အနှိုင်းမဲ့ မေတ္တာတရားနဲ့ ချစ်ခင်နိုင်ပြီဆိုရင်တော့ သင် ဘာ အဆောင်ကျောက်မှ မလိုအပ်တော့ပါဘူး။ ဒါပေမယ့် သင့်အတွက် အဆောင်ကျောက် စာရင်းလေးတော့ လိုအပ်ရင်သုံးဖို့ ဖော်ပြပေးလိုက်ပါတယ်။

အန္တိမ ချစ်ခြင်း အဆောင်ကျောက်များ

အန္တိမ ချစ်ခြင်း အဆောင်ကျောက် အိတ်ကလေးမှာ ပါဝင်တဲ့ ကျောက်တွေကတော့ ..

+ Rose Quartz (ကိုယ့်ကိုယ်ကိုချစ်ခြင်း အတွက်)

+ Moonstone (သူတစ်ပါးရဲ့ စိတ်ခံစားမှုကိုသိခြင်းအတွက်)

+ Prehnite (ခွင့်လွှတ်ခြင်း အတွက်)

+ Charoite (အရှိတရားကို လက်ခံနိုင်ဖို့အတွက်)

+ Amazonite ( ယုံကြည်မှု အတွက်)

+ Chrysocolla ( စိတ်ရှည်မှု အတွက်)

+ Aventurine ( သနားဂရုဏာ အတွက်)

+ Jade (ပေးကမ်း စွန့်ကျဲမှု အတွက်)

+ Amber ( သစ္စာရှိမှု အတွက်)

စတဲ့ ကျောက်တွေပဲ ဖြစ်ပါတယ်။ ကတ္တီပါ အိတ်ကလေး တစ်ခုနဲ့ အတူစု ထည့်ထားနိုင်ပါတယ်။

Rose Quartz ကို ချစ်ခြင်းနဲ့ ဆက်နွယ်နေတဲ့ ကျောက်လို့ ဆိုခဲ့ပါပြီ။ တခြား ချစ်ခြင်းနဲ့ ပတ်သက်နေတဲ့ ကျောက်တွေလည်း ရှိပါသေးတယ်။

+ Agate ချစ်ခြင်းဖြစ်တည်လာဖို့ ဆွဲဆောင်ပေးပါတယ်။

+ Amber ရိုမန်တစ်ဖြစ်တဲ့ ချစ်ခြင်းကို ဆောင်ယူလာပေးနိုင်ပါတယ်။

+ Aventurine ကိုယ့်ကိုယ်ကို ချစ်ဖို့နဲ တစ်ပါးသူတွေကို ချစ်နိုင်ဖို့အားပေးပါတယ်။ ချစ်ခြင်းကို ( ရင့်ကျက်တည်ငြိမ်တဲ့ချစ်ခြင်း) ဖြစ်တည်စေပါတယ်

+ Chalcedony ချစ်ခြင်းကို ပိုမိုတိုးပွားစေပြီး အနှိုင်းမဲ့ မေတ္တာကို ဖြစ်စေပါတယ်။

+ Chrysocolla ချစ်ခြင်းရဲ့အားကို တိုးစေပါတယ်။

+ Emerald လက်ထပ်ပြီးတဲ့နောက် ချစ်ခြင်းကို မြှင့်တင်ပေးပါတယ်။

+ Red garnet စစ်မှန်တဲ့ ချစ်ခြင်းကို တွေ့ဖို့ အထောက်အကူပေးပါတယ်။

+ Jade ချစ်ခြင်းကို မြှင့်တင်ပေးပါတယ်။

+ Pink Kunzite ကိုယ့်ကိုယ်ကို ချစ်ပြီး အရှိအတိုင်း လက်ခံနိုင်စေတယ်။

+ Lapis Lazuli ချစ်ခြင်းကို မျှတစေတယ်။

+ Magnetite ချစ်ခြင်းကို ဖြစ်တည်စေတယ်.

+ Moonstone ချစ်သူတွေကြား ချစ်ခြင်းနဲ့ နူးညံ့မှုကို ဆောင်ကျဉ်းပေးတယ်။ သစ္စာတည်မြဲစေပြီး တာဝန်ယူတဲ့ ချစ်ခြင်းကို ဖြစ်စေတယ်။

+ Pink Tourmaline အချစ်၊ တွယ်ငြိမှုနဲ့ သစ္စာတရားကို မြှင့်တင်ပေးတယ်။

+ Rhodonite ချစ်ခြင်းကို ဖြစ်တည်စေတယ်။ ချစ်ခြင်းမှာ ရင့်ကျက်စေတယ်။ စစ်မှန်တဲ့ ချစ်ခြင်းလား အပျော်ချစ် လားဆိုတာ ခွဲခြားနိုင်ဖို့ အထောက်အကူပြုတယ်။

+ Ruby အနှိုင်းမဲ့ မေတ္တာတရား၊ လက်ထပ်ခြင်း၊ သစ္စာရှိစွာ ငြိတွယ်မှု စတာတွေကို မြှင့်တင်ပေးတယ်။

+ Blue sapphire တစ်ယောက်ကို တစ်ယောက် စောင့်သိရမယ့် သစ္စာတရား၊ တည်ဆောက်ရမယ့် ယုံကြည်မှု တွေကို မြှင့်တင်ပေးတယ်။

+ Topaz လူတစ်ယောက်ကို ဘယ်လိုချစ်ရမယ် ဆိုတာ သင်ကြားပေးပြီး ရိုမန်တစ်ဆန်တဲ့ ချစ်ခြင်းကို ဖြစ်တည်စေတယ်။

ဒါတွေတင်မကပါဘူး။ တခြားသော အကြောင်းအရာတွေအတွက် အထောက်အကူပြုနိုင်တဲ့ ကျောက်တွေ ရှိပါသေးတယ်။

+ လက်သင့်ခံနိုင်ခြင်းအတွက် .. charoite, moonstone (လကျောက်), prehnite

+ မျှခြေဖြစ်ခြင်းအတွက် diamond(စိန်), tabular quartz, watermelon tourmaline(ဖရဲအူ)

+ နှောင်ကြိုးမြဲဖို့အတွက် diamond(စိန်)၊ lapis lazuli (ပါလဒုတ္ထာ) ၊ prehnite

+ ဂရုစိုက်မှုအတွက် Jasper, pink tourmaline ( ပန်းရောင် ဖရဲအူ)

+ ဖွင့်ဟဝန်ခံမှုအတွက် black onyx (မဟူရာ)၊ sardonyx

+ဆက်သွယ်မှုအတွက် blue lace agate(အပြာရောင်ကျောက်)၊aquamarine( စိမ်းပြာရောင်ကျောက်)၊ Chrysocolla, clear quartz

+ သနားဂရုဏာအတွက် aventurine, red garnet (ကျောက်နီ)၊ malachite, prehnite, rhodochrosite, pink tourmaline

+ ပူးပေါင်းလုပ်ဆောင်မှု quartz cluster

+ စာနာ နားလည်မှု moonstone, pink tourmaline, turquoise

+ စိတ်ခံစားမှုအတွက် amazonite, aventurine, opal (ရွဲ)၊ rhodochrosite, pink tourmaline

+ ယုံကြည်မှု အတွက် lapis lazuli (ပါလဒုတ္ထာ)၊ opal ( ရွဲ)

+ မိသားစုအတွက် carnelian, citrine(သလင်းဝါ)၊ picture jasper ( မောင်နှမအတွက်)

+ ခွင့်လွှတ်ခြင်းတွက် prehnite, rhodochrosite, sugilite, topaz (ဥဿဖယား)

+ သဟဇာတဖြစ်မှု blue lace agate, chrysocolla, diamond, geode (အသိုင်းအဝိုင်းအတွက်)၊ jade, pyrite (သူတစ်ပါးနဲ့ အလုပ်လုပ်ရာမှာ)၊ quartz clusters, rhodochrosite , blue sapphire (နီလာ)

+ ရိုးသားမှုအတွက် blue lace agate, amazonite, aquamarine

+ ရင်းနှီးကျွမ်းဝင်မှု chrysocolla, red garnet, rhodochrosite, turquoise

+ကြင်နာတတ်မှုအတွက် blue lace agate, chalcedony, jade, rhodochrosite

+ သစ္စာတရားအတွက် amber (ပယင်း)၊ jade (ကျောက်စိမ်း)၊ blue sapphire (နီလာ)၊ turquoise

+ ပွင့်လင်းမှုအတွက် amazonite, moonstone

+ စိတ်ရှည်မှုအတွက် blue lace agate, amber , chalcedony, chrysocolla

+ စိတ်အခန့်မသင့်မှုများ agate (သူငယ်ချင်းတွေကြား)၊ aquamarine, ruby, sugilite (အုပ်စုများကြား)၊ watermelon tourmaline

+ လေးစားမှုအတွက် lapis lazuli (ပါလဒုတ္ထာ)

+ တာဝန်ယူမှုအတွက် aquamarine

+ တည်ငြိမ်မှုအတွက် malachite, opal

+ နားလည်မှုအတွက် turquoise

+ စည်းလုံးမှုအတွက် blue lace agate, carnelian ( မိသားစု)

+ အထောက်အပံ့အတွက် agate, ivory/bone

+ တစ်ကိုယ်ကောင်းမဆန်မှု moonstone, ruby

Valentine Day ကတော့ ရိုးရာအားဖြင့် နှလုံးသားပုံသဏ္ဍန် နဲ့ သင်္ကေတပြုကြပြီး၊ ကျောက်တွေအဖြစ် စိန် နဲ့ အနီရောင် ပတ္တမြားတို့ကို အသုံးပြုကြပ့ါတယ်။ တန်ဖိုးကြီးတဲ့ ကျောက်နဲ့ ပြုလုပ်ထားတဲ့ လက်ဝတ်ရတနာ တစ်ခုခုကို လက်ဆောင်ပေးတာ ခေတ်စားလာပါတယ်။ အချစ်ရဲ့သင်္ကေတအဖြစ် စိန်ကို ငွေ သို့မဟုတ် ရွှေ နဲ့ ပြုလုပ်ထားတဲ့ လက်ဝတ်ရတနာ တစ်ခုခုအပြင် ပေးတတ်ကြတာက အနီရောင်နဲ့ ပန်းရောင်ရှိတဲ့ ကျောက်မျက်တွေပါပဲ။ နောက်ပိုင်းမှာ Rose Quartz ဟာ သူ့ရဲ့ လှပတဲ့ ရိုမန်တစ်ဆန်တဲ့ အရောင်နဲ့ စွမ်းအင်တို့ကြောင့် လူသုံးပိုများလာပါတယ်။

စိန်

စိန်ကတော့ ချစ်ခြင်းနဲ့ သစ္စာစောင့်သိခြင်းတို့ရဲ့ သင်္ကေတ ဖြစ်ပါတယ်။ ဒါကြောင့် စေ့စပ်လက်စွပ်ကို စိန်နဲ့ ပြုလုပ်ကြတာ များပါတယ်။ ရရှိတဲ့ စေ့စပ်လက်စွပ်ပေါ်မူတည်ပြီး အမျိုးသမီး အများစုက သူတို့ကိုယ်သူတို့ တန်ဖိုးမြှင့်ကြတာလည်း တွေ့ရပါတယ်။ ဒါပေမယ့် စိန်ကို ချစ်ခြင်းနဲ့ ပတ်သက်တဲ့ ကျောက်မျက် (love gem stone) အဖြစ် သတ်မှတ်လိုက်တာ အချိန်သိပ်မကြာသေးပါဘူး။

စိန်က ချစ်သူနှစ်ဦးအတွက် တာရှည်တည်မြဲမှုနဲ့ ခိုင်မာမှုကို ကိုယ်စားပြုပါတယ်။ ဒါပေမယ့် အဲဒီလို ကိုယ်စားပြုတယ်ဆိုတာကို ဒီနေ့ခေတ် ငွေကြေးနဲ့ တိုင်းတာမှုထဲမှာ သိသူ သိပ်နည်းသွားကြပါပြီ။ ထုံးတမ်းစဉ်လာအရ၊ ဂုဏ်အရသာ လက်ထပ်လက်စွပ်၊စေ့စပ်လက်စွပ် တွေကို စိန်နဲ့ ပြုလုပ်နေကြသူတွေ လည်းရှိပါတယ်။

ခရမ်းစွဲ

နောက်ထပ် ထင်ရှားတဲ့ Valentine ကျောက်မျက် တစ်မျိုးကတော့ ခရမ်းစွဲကျောက်ပဲ ဖြစ်ပါတယ်။ ခရမ်းစွဲဟာ သဟဇာတဖြစ်မှု၊ ချစ်ခြင်း နဲ့ ဆက်စပ်နေတဲ့ သလင်းကျောက်တစ်မျိုး ဖြစ်ပါတယ်။ ခရမ်းစွဲဟာ သူ့ဟာနဲ့သူကို တင့်တယ်လွန်းပြီး တန်ဖိုးမြင့်တယ်လို့ ထင်ရတဲ့ ကျောက်လည်း ဖြစ်ပါတယ်။ ခရမ်းစွဲရဲ့ သင်္ကေတက ခွင့်လွှတ်ခြင်းလို့ တချို့က ဆိုပါတယ်။

ချစ်ခြင်း နှင့် ဆက်နွယ်ပတ်သက်နေသော ကျောက်များ နှင့်အဓိပ္ပာယ်

ခရမ်းစွဲ ခွင့်လွှတ်ခြင်း

မြ အမှန်တရား နှင့် ရိုးသားမှု

မယ်လခိုက် ခင်မင်မှု

ကျောက်နီ ဆန့်ကျင်ဖက်အား ဆွဲဆောင်နိုင်မှု

Hematite အင်အား

Kunzite အနှိုင်းမဲ့ မေတ္တာ

Larimar မိသားစု ဆက်နွယ်မှု

Mexican fire opal ရမ္မက်ပါသော ချစ်ခြင်း

မီးခိုးရောင်သလင်း မိမိကိုယ်ကိုချစ်ခြင်း

နှင်းဆီသလင်း မိမိကိုယ်ကိုချစ်ခြင်း၊ နူးညံ့သိမ်မွေ့ခြင်း

ပတ္တမြား ရမ္မက်

အနက်ရောင် ဖရဲအူ ကိုယ့်ကိုယ်ကို ရှာဖွေခြင်း

Rhodochrosite ကိုယ်ရေးကိုယ်တာ အဆောင်

Rhodonite ချိုမြိန်ခြင်း နှင့် မျှခြေ

Sugilite ကြောက်ရွံ့မှုမှ ချစ်ခြင်းသို့

တကယ်တော့ ကျောက်မျက်တွေရဲ့ အစွမ်းသတ္တိက ဘယ်လောက်ပဲ ကောင်းကောင်း၊ တကယ့် မေတ္တာတရား (အနှိုင်းမဲ့ မေတ္တာတရား) လောက် စွမ်းတာကတော့ လောကမှာ မရှိနိုင်တာ သေချာပါတယ်။ ဒါကြောင့် အချင်းချင်း မေတ္တာတရားစစ်စစ်နဲ့ ချစ်နိုင်ဖို့ပဲ ကြိုးစားကြပါလို့ တိုက်တွန်းလိုက်ချင်ပါတယ်။

.............


Amethyst : ခရမ်းစွဲ ..

Adventurine : သူက အစိမ်းရောင်၊အပြာရောင်၊ စိမ်းပြာရောင် အရောင်သုံးမျိုးလောက် တွေ့ရတတ်ပါတယ်။

Azurite : သူက မဲနယ်ပြာရောင် စိုလက်နေတဲ့ သိပ်လှတဲ့ ကျောက်တစ်မျိုးပါ။


Black Onyx : မဟူရာ

Black Tourmaline : အနက်ရောင် ဖရဲအူ

Blue Lace Agate : Agate အမျိုးအစားပါပဲ။ အပြာနုနုလေး ပါတယ်ဆိုရုံ ပါပဲ။

Charoite Sphere: ခရမ်းရောင် ကျောက်တစ်မျိုး ဖြစ်ပါတယ်။

Chrysocolla : အစိမ်းနဲ့ အပြာရောတွေ့ရတတ်တဲ့ ကျောက်တစ်မျိုး ဖြစ်ပါတယ်။

ဒါလည်း Chrysocolla ပါပဲ။


Heart-shaped Rose Quartz : အသည်းပုံ နှင်းဆီသလင်း

Hematite : ရေသံ


Kunzite : ပန်းနုရောင်သလင်း တစ်မျိုး ဖြစ်ပါတယ်။


Larima : အက်ကွာဖက်သန်းတဲ့ အပြာရောင်ကျောက်ပါ။

Love Gem Stones Kit : ချစ်ခြင်းမေတ္တာအတွက် အဆောင်ကျောက်များ


Malachite : မယ်လခိုက်က အစိမ်းရောင်ဖြစ်ပါတယ်။


Mexican fire opal : မက်ဆီကန် မီးရွဲ လို့ ခေါ်ပါတယ်။ လိမ္မော်ဖက်သန်းတဲ့ မီးတောက်ရောင်တွေ ဖြစ်ပါတယ်။


Moonstone : လရောင်နဲ့ ဖြစ်တည်တယ်ဆိုတဲ့ လကျောက်ပါ။

Pink Tourmaline : ပန်းရောင် ဖရဲအူ ဖြစ်ပါတယ်။

Prehnite : ကျောက်စိမ်းနဲ့ ခပ်ဆင်ဆင် အစိမ်းလေးတွေပါ။ တစ်ချို့ကတော့ အပြာဖက် သန်းပါတယ်။

Red Garnet : ကျောက်နီပါ။

Rhodochrosite : အနီရောင် သလင်းကျောက်တစ်မျိုး ဖြစ်ပါတယ်။


Rhodonite : သူလည်း အနီရောင် ကျောက်တစ်မျိုးပါပဲ။


Rose Pink Tourmaline : ပန်းနှင်းဆီ တိုမလင်း ဖြစ်ပါတယ်။


Rose Quartz Sphere: နှင်းဆီသလင်း


Sugilite : ခရမ်းရောင် ကျောက်တစ်မျိုးပါပဲ။


Watermelon Tourmaline :ဖရဲသီးလို ရောင်စဉ်ဖြာနေတဲ့ ဖရဲသီးရောင် ဖရဲအူ ဖြစ်ပါတယ်။

မနော်ဟရီ