အိမ်ပြေး

Thursday, April 16, 2009

ခုတလော..စိတ်တွေကအတော့်ကိုပင်ပမ်းလေးလံလွန်းတယ်။ကံကြမ္မာရဲ့အသွားအလာကျ
ပြန်တော့လည်း..ကျန်းမာရေးကအစ..ဓားကိုးလက်ကဒ်ကျလိုကျလို့..။တားရော့ကဒ်တွေကို
တော့အားလုံးသိကြမယ်ထင်ပါတယ်။ကံကြမ္မာကိုမယုံလို့မရအောင်ကျွန်မကိုလမ်းညွှန်ပြခဲ့
တတ်တဲ့ကဒ်ကလေးတွေပါ။
လူတစ်ယောက်မှာအားနည်းချက်တစ်မျိုးစီရှိတယ်ဆိုရင်..ကျွန်မရဲ့အားနည်းချက်ကသူတစ်
ပါးကို..အလေးဂရုထားတတ်၊အားနာတတ်၊သူတစ်ပါးထိခိုက်မှာကိုစိုးတတ်တဲ့စိတ်ကလေး
ပါပဲ..။အဲဒီစိတ်နဲ့ပဲ..သူများတွေက..သူတို့ကိုယ်တိုင်ကျူးလွန်ထားတဲ့အပြစ်တွေကိုသူတို့မပါ
သယောင်လုပ်ပြီး..ဥိးအောင်ဆော်ဆော်သွားတတ်တာကိုခံရတာပါ။
အမှန်တကယ်ဆိုရင်..ကျွန်မမှာ..လူတစ်ဖက်သားဘယ်လောက်မကောင်းနေမကောင်းနေ
အကောင်းဖက်ကနေကြည့်ပေးတတ်တဲ့.လက်ခံအားပေးတတ်တဲ့စိတ်ကလေးကဘုရားပေး
ထားလို့ရှိနေခဲ့တယ်။ဒါပေမယ့်..ကျွန်မနဲ့ပတ်သက်တဲ့သူတော်တော်များများကတော့အဲဒီ
စိတ်ကိုခုတုံးလုပ်လို့..ကျွန်မကိုတိုက်ခိုက်တတ်ကြတယ်။ကျွန်မကံတရားကိုက..အဲလိုခံရဖို့
ကျိန်စာတွေနဲ့များလားမှမသိတာလို့တွေးမိတိုင်းကျွန်မ..မတုံ့ပြန်တတ်ခဲ့ပါဘူး။အဲဒီအတွက်
ကျွန်မနာကျင်ခဲ့ရမှုတွေကသိပ်များပါတယ်။
အမြဲတမ်းနာကျင်နေတတ်တဲ့စိတ်တွေကဘယ်လိုပျော်ရွှင်မှုတွေသက်ဝင်တဲ့အနုပညာမျိုး
ကိုဖန်တီးနိုင်မှာတဲ့လဲ။ကော်မာရှယ်ဆိုတဲ့အရာတွေမှာတောင်..တစ်ခါတစ်လေရောပါသွား
တတ်သေးတယ်။
ခု..ဝတ္ထုတိုလေးကလည်းအက်ဆေးတော့ဆန်ပါတယ်။ကျွန်မ..၂၀၀၄အစပိုင်းမှာရေးခဲ့တာ
ပါ။ထပ်ပြောရရင်..အဲဒီအချိန်ဟာ..ကျွန်မအတွက်..မုန်တိုင်းတွေအမျိုးမျိုးကြုံနေရတဲ့အချိန်
ပေါ့..။ဒါပေမယ့်..ကျွန်မကိုတည့်မတ်အောင်ဘုရားသခင်ကထိန်းမတ်ပေးခဲ့တယ်။ဘေးနား
မှာလည်းသိပ်ချစ်စရာကောင်းတဲ့ညီအစ်ကိုမောင်နှမတွေမိတ်ဆွေတွေ..သားသမီးတွေကို
ပေးထားခဲ့သေးတယ်။ကျွန်မတို့အတူနာကျင်ခဲ့ဖူးတယ်။အဲဒီနာကျင်မှုတွေကိုတင်းခံပြီး…
စာမေးပွဲပေါင်းများစွာကိုအတူကျော်ဖြတ်ခဲ့ဖူးတယ်။အဲဒီအချိန်နဲ့တူတဲ့အချိန်တစ်ချိန်ကိုပြပါ
ဆိုရင်..ခုချိန်ပါပဲ။ကျွန်မ..ကျိန်စာသင့်နေ့ရက်တွေကိုထပ်ကြုံနေရပြီ။ဒီတစ်ခါတော့ကျွန်မ
နားမှာသားကလေးကလွဲရင်ဘယ်သူမှရှိမနေတော့ဘူး။ဒါဟာလည်း..ခံနိုင်ရည်တစ်ထစ်
တိုးဖို့ဘုရားသခင်က..ပြင်ဆင်ပေးတာလို့ပဲခံယူရတော့မယ်ထင်ပါရဲ့။
ကျွန်မကိုနည်းမျိုးစုံနဲ့စိတ်ဆင်းရဲကိုယ်ဆင်းရဲဖြစ်အောင်၊လုပ်ဇာတ်ပေါင်းမြောက်များစွာနဲ့
ပြင်ဆင်တိုက်ခိုက်သူတွေအားလုံး..ဒီနှစ်သစ်ကူးအခါသမယမှာချမ်းသာကိုယ်စိတ်မြဲပါစေ
လို့ဆုတောင်းပေးရုံးကလွဲလို့..ဘာတတ်နိုင်ဦးမှာလဲ။လောကပါလတရားဆိုတာ..တကယ်
ရှိတယ်လို့..ကျွန်မယုံပါတယ်။

အိမ်ပြေး
လောကမှာ…ဘယ်သူမဆို..သပ်ရပ်နွေးထွေးတဲ့အိမ်ကလေးတစ်လုံးတော့ပိုင်ဆိုင်ချင်ကြ
မှာပဲ။အိမ်ကလေးရေ…မင်းကိုငါ..ပိုင်ဆိုင်ခွင့်ရခဲ့ဖူးပါတယ်။ဒါပေမယ့်ကိုယ်ကကံမကောင်း
ခဲ့ပါဘူးအိမ်ကလေးရယ်။ကိုယ်ဟာချစ်သူတွေနဲ့ဝေးဝေးနေရမယ့်ကျိန်စာနဲ့လူတစ်ယောက်
ထင်ပါရဲ့။ကိုယ်အိမ်ကလေးနဲ့ဝေးရာမှာပဲရေကုန်ရေခမ်းနေနေရတယ်။

အိမ်ကလေးရေ…မင်းကို..ကိုယ်..စိတ်ကြိုက်ပြုစုပျိုးထောင်ပေးခဲ့ဖူးပါတယ်။ခုခါကျမှ……
မင်းဟာကိုယ့်ရဲ့အမှားတစ်ခုအတွက်နဲ့မင်းကိုရေလောင်းပေါင်းသင်မပေးနိုင်တဲ့သူလက်ထဲ
ရက်ရက်စက်စက်ထားခဲ့ရတာ..ကိုယ်ဘယ်လိုမှစိတ်မကောင်းနိုင်တော့ပါဘူး။နာတာရှည်အ
လွမ်းတွေနဲ့…ထုံးစံအတိုင်းကိုယ်ဟာ..ဘုံးဘုံးလဲကျဆုံးလို့ပေါ့။

တစ်ချိန်တစ်ခါကတော့မင်းရင်ခွင်ထဲမှာကိုယ်လည်းပျော်ခဲ့ဖူးတာပဲ။မင်းက..ကိုယ်တို့ကိုဝါ
တာတာနဲ့နွေးနွေးထွေးထွေးငုံ့ကြည့်နေတတ်ခဲ့တယ်။မင်းရဲ့အဝါရောင်အကြည့်တွေရယ်၊
ကိုယ့်ရဲ့မျက်ခင်းစိမ်းစိမ်းတွေရယ်ပေါင်းလိုက်တော့ကိုယ်တို့မိသားစုလေးရဲ့..နားခိုရာ…ဆို
တာလေးဖြစ်ခဲ့တာပေါ့။

မိုးစက်မိုးပေါက်ကြမ်းကြမ်းတွေကိုခေါင်ငုံ့ကာကွယ်ပေးတတ်တဲ့၊အေးစိမ့်စူးရဲတဲ့..ဆောင်း
လက်သည်းတွေကနေခုခံတားဆီးပေးတတ်တဲ့၊နေတစ်ရာလိုပူပြင်းတဲ့နွေရဲ့မီးတောက်တွေ
ကနေဖယ်ခွာပေးတတ်တဲ့မင်းရင်ခွင်လေးကိုကိုယ်လွမ်းလှပါပြီ။ခုနေမှာတော့..ကိုယ်ဟာ…
အမိုးအကာမဲ့ခိုက်ခိုက်တုန်အားတင်းလို့ပေါ့။

အိမ်ကလေးရယ်..ကိုယ့်ရဲ့ကံကြမ္မာကိုဘယ်သူကများရေးချယ်ခဲ့တာပါလဲ။စိတ္တဇဆန်စွာညံ့
ဖျင်းလွန်းလှချည့်။ကိုယ့်ကံကြမ္မာကိုဝေဝေဝါးဝါးဖတ်ကြည့်ရင်း..သက်ပြင်းတွေချချနေရတာ
တကယ်တော့..လူညံ့တစ်ယောက်ရဲ့မစွမ်းဆောင်နိုင်မှုတစ်ခုပဲပေါ့။

မင်း..ဘယ်နေရာမှာရှိနေမလဲ..ကိုယ်သိနေလျက်က..ကိုယ်ဘယ်နေရာမှာရှိနေမလဲ..မင်း
သိနေလျက်က..ကိုယ်တို့ဆုံခွင့်ကျဲပါးနေခဲ့ကြတယ်။

အိမ်ပြန်ချင်တယ်ကွယ်။

ဒါဟာအိမ်ပြေးတစ်ယောက်ရဲ့ဆန္ဒဆိုရင်..အိမ်ခေါင်မိုးတံစက်မြိတ်ကကျလာတဲ့မိုးရည်စက်
တွေနဲ့အတူမင်းငိုနေမလားအိမ်ကလေးရေ…။မင်းရင်ထဲမှာအမြဲတမ်းတိုက်ခိုက်နေတတ်တဲ့
သွေးဆိုးမုန်တိုင်းတစ်စင်းကိုရော..မင်းခံနိုင်ရည်ရှိသေးရဲ့လား။

ဒါတွေဟာ..တကယ်တော့..ကိုယ့်ရဲ့အမှားတွေပါ။အမှားတွေကိုအမှားမှန်းမသိလောက်
အောင်ညံ့ဖျင်းခဲ့မိလို့လည်းကိုယ်ဟာ..အိမ်ကလေးနဲ့ဝေးရာရောက်ခဲ့ရတာပေါ့။တကယ်ဆို
ကိုယ့်ကို..မှော်ဆရာတစ်ယောက်ရဲ့မီးခိုးလုံးတွေကလှည့်စားသွားခဲ့တာပါ။တံလျပ်ကို..ရေ
ထင်ထင်တယ်ဆိုတဲ့စကားလုံးက..ရိုးစင်းလွန်းပါတယ်ကွယ်။ကိုယ်က..ကံကြမ္မာကိုမယုံပါပဲ
နဲ့ကို..အတ္တပင်လယ်ထဲရောက်ခဲ့ရတာ..။သတိရလို့လှည့်ကြည့်မိတော့..ကိုယ့်လှေကလေး
ကကယ်သူမဲ့လို့…။

ဘယ်သူမပြုမိမိမှုပါပဲ..အိမ်ကလေးရေ..။အိမ်ပြေးတစ်ယောက်ရဲ့ရင်ထဲကရက်စွဲအကျိုးအ
ပြတ်တွေကို..ဘယ်ပြက္ခဒိန်ကမှသိလိုက်မှာမဟုတ်ပါဘူး။ငယ်ငယ်ကဘာရယ်မဟုတ်ပဲဆို
ညည်းခဲ့ဖူးတဲ့…အိမ်ပြန်ချင်တယ်အလွမ်း..ဆိုတဲ့သီချင်းလေးကိုခုတော့လည်း..နာနာကျင်
ကျင်ဆိုနေဖြစ်ခဲ့ပြီ။သိဟ်ရာသီရဲ့နက္ခတ်ဟာ..ခြင်္သေ့ရိုင်းတစ်ကောင်များလား။

နေ့ခင်းအ်ိပ်မက်ထဲမှာအိမ်ပြန်ဖြစ်တဲ့နေ့တွေဆို..ကိုယ့်မျက်ဝန်းမှာမျက်ရည်တွေမှုန်မှိုင်းအုံ့
ခိုလို့။တလက်လက်နဲ့မှုန်ဝါးသွားတဲ့ကိုယ့်အနာဂါတ်ဟာ..စကားလုံးတွေ…သိပ်မပီပြင်ချင်
တော့ဘူး။ထွက်ပြေးပြီးရင်း..ထွက်ပြေးရင်းနဲ့….ခရီးမပေါက်နိုင်သေးတဲ့ခြေထောက်တွေကို
လည်း..ကိုယ်အပြစ်မတင်ချင်ပါဘူး။ရှည်လျားပြီးရင်းရှည်လျားလာတဲ့..လမ်းမတွေကိုပဲ…
သိမှတ်မှုမဲ့စွာငေးကြည့်နေမိတော့တယ်။

အိမ်ပြန်ချင်တယ်။

နေမျိုး..ရဲ့..သဘောင်္ကြီးတွေလို..ကမ္ဘာပတ်ရွက်လွှင့်နေရင်းကကို…အိမ်ပြန်ချင်လာတယ်။
ကမ်းကပ်ခွင့်ကံကြမ္မာ..ကိုယ့်အနာဂါတ်မှာပါသေးရဲ့လား..အိမ်ကလေးရေ။

လွမ်းတယ်ကွယ်။

နွေးထွေးမှုနဲ့..မှားယွင်းခဲ့တဲ့ဆင်ခြင်တုံတရားမဲ့ခဲ့မှုကို။အိမ်ကလေးရဲ့ရင်ခွင်လေးလေးနက်
နက်ကို..။နှလုံးသားထဲစိမ့်ဝင်အေးမြစေတဲ့..မေမေ့စကားလုံးဖြူဖြူတွေကို..သိုးမည်းတစ်
ကောင်လိုထင်ရာစိုင်းတဲ့ကိုယ့်ရင်ထဲမှာလည်း..ဘယ်သူမှမမြင်မသိနိုင်တဲ့..အရှိတရားတွေ
နဲ့ပါ။

ကြည့်စမ်း။

သတိရခြင်း..တွေကကိုယ့်အပေါ်လေးလံစွာပိကျနေလိုက်တာ။အလွမ်းတွေနဲ့တနင့်တမော
ငေးနေမိတဲ့အာရုံမှာ..အိမ်ကလေးရှိနေတယ်။လမ်းရှိလျက်နဲ့ပြန်ခွင့်မရတဲ့နေ့ရက်တွေ..အ
တွက်၊ကိုယ့်ကိုပဲ..နာကျည်းလိုက်ပါတော့အိမ်ကလေးရေ…။

အိမ်ကလေးရေ…
ကိုယ့်ရဲ့ဘယ်ဘက်ရင်အုံကစူးစူးရှရှနာကျင်လာတယ်။ဝိဘစ္ဆရာသီတစ္ဆေကြောင့်ထင်ပါရဲ့။
သမားတော်တွေရဲ့ဘယ်ဆေးစွမ်းကောင်းနဲ့မှ..ကိုယ့်ရဲ့ကံကြမ္မာကိုပြန်လည်တည့်မတ်ပေးနိုင်မှာမဟုတ်ပါဘူး။ကျိန်စာတွေပျက်ပျယ်လို့..လွတ်မြောက်ခွင့်ရချင်လှပါပြီ။ကိုယ်..အိမ်ပြန်
ချင်လှပြီလေ။အလွမ်းနင့်နင့်သီးသီးတွေနဲ့..အဝေးကြီးကိုထွက်ထွက်ပြေးနေရတာ..ပျော်လို့
မှမဟုတ်ပဲ။မုန်တိုင်းနီနီတွေအမြဲတမ်းတိုက်ခတ်နေတတ်တဲ့ကိုယ့်ကံကြမ္မာကိုယ်..ဘယ်လို
မှဆောက်တည်နိုင်စွမ်းမရှိတော့လို့ပါ။

ခြေထောက်တွေနှေးကွေးလေးလံ..အမိန့်ကိုမနာခံချင်ကြတော့ဘူး။နောက်ကြောင်းကို…
ဘယ်တော့မှပြန်လှည့်မကြည့်တတ်ချင်တဲ့သူက..ခုမှ..အလွမ်းတွေရဲ့ပဲ့ကိုင်ရာကို….နာခံ
ကြည့်နေချင်တယ်။

လောကမှာ..ဖြေရှင်းလို့မရတဲ့ပြဿနာတွေ..ဒီလောက်များသလား။
လှည့်စားခံရတဲ့ဒါဏ်ရာဒါဏ်ချက်တွေက..ဒီလောက်နာကျင်သလား။
အမှားတွေကဒီလောက်တောင်ပဲ..အုံနဲ့ကျင်းနဲ့နီမောင်းနေတတ်သလား။

ဆောက်ချက်မှားသွားတဲ့ပန်းပုဆရာတစ်ယောက်လို..အနာဂတ်ကိုပဲနာနာကျင်ကျင်ဖဲ့ထုတ်
ပြုပြင်လိုက်ရတော့မယ်ထင်ပါရဲ့။အိမ်ကလေးရေ..မတရားသောလမ်းတွေအတွက်..စီရင်
ချက်ဆိုတာမရှိတော့ဘူးတဲ့လား။ကံကြမ္မာရဲ့အမှတ်အသားတွေက..တကယ်ဆိုတိကျသင့်
ခဲ့ပါတယ်။

ဘုရားသခင်။
ကျေးဇူးပြုပြီး..အချိန်တွေကိုပြောင်းလဲပစ်ပေးလိုက်ပါ။
နှင်းစက်နှင်းငွေ့တွေနဲ့ဆွတ်ဆွတ်မှောင်ပေးလိုက်ပါ။
တစ်လောကလုံကိုအိပ်မွေ့ချ..ကိုယ်..ခဏတော့အိမ်ပြန်ခွင့်ရချင်ပါသေးတယ်။
မနော်ဟရီ
၂၀၀၄