Posts
Friday, November 27, 2009
စိုင်းစိုင်းခမ်းလှိုင်၊စက္ကူငှက်နှင့်…………blah blah blah !!
လွန်ခဲ့တဲ့ သုံးလေးရက်လောက် (အဲထက်လည်းပိုရင်ပိုလိမ့်မယ်) ကတည်းက forward mail တစ်စောင်ရပါတယ်။ blogger တစ်ယောက်လည်းဖြစ် ကျွန်မတို့ UFL မှာ English Diploma အတူတူတက်ခဲ့တဲ့သူလည်းဖြစ်တဲ့ သူငယ်ချင်း ဆီကပါ။ ဖတ်ပြီးပြီးချင်း ကျွန်မ စိတ်နည်းနည်းတိုသွားလို့ သူ့ကိုတောင်ပြောမိသေးတယ်။ ဒီလိုစာမျိုးကို ဆက်ပြီး forward မလုပ်သင့်ဘူးထင်တာပဲလို့ .. အဓိကက မောင်စိုင်းကိုသိနေတဲ့ မောင်စိုင်းသူငယ်ချင်း တစ်ယောက်လည်းဖြစ်တဲ့ သူ့အနေနဲ့ပေါ့။ စာက စိုင်းစိုင်းရဲ့ စက္ကူငှက်ဟာ နာမည်ကျော် ရှမ်းစာရေးဆရာတစ်ယောက် ရေးထားခဲ့တဲ့ ၁၉၉၅ခုနှစ်က ထုတ်ခဲ့တဲ့ ဝတ္ထုတစ်အုပ်ကို မှီး ထားတာ ဆိုတဲ့ စာပါပဲ။ စာကိုဖော်ပြလိုက်ပါတယ်။
စက္ကူငှက်ရဲ.ပိုင်ရှင်ဘယ်သူလဲ
နာမည်ကျော် အဆိုတော် သရုပ်ဆောင် စာရေးဆရာ စိုင်းစိုင်းခမ်းလှိုင်ရဲ.
လူငယ်ထုကြားထဲမှာရေပန်းစားခဲ.တဲ.စက္ကူငှက်လုံးချင်းဝတ္ထုရဲ.
မူရင်းဇာတ်လမ်းပိုင်ရှင်ဟာ စိုင်းစိုင်းမဟုတ်ပါဘူးလို. သတင်းတွေကြားနေရပါတယ်။
အဲဒီသတင်းကို
ကျွန်တော်ကရှမ်းပြည်နယ်ဘက်ကသူငယ်ချင်းတစ်ယောက်ဆီကသိခဲ.ရတာဖြစ်ပြီးအဲဒီဝတ္ထုရဲ.မူရင်းစာရေးဆရာကရှမ်းလူမျိုး
စာရေးဆရာဟိန်းစိုင်ခိုင် လို.သိရပါတယ်။ စက္ကူငှက်ဝတ္ထုရဲ. ဇာတ်လမ်းကျောရုိုးက
စာရေးဆရာ
ဟိန်းစိုင်ခိုင်ရဲ.အချစ်ပျံလွှားငှက်ဆိုတဲ.၀တ္ထုရဲ.ကျောရိုးနဲ.တစ်ထပ်တည်းနီးပါးတူတယ်လို.ကျွန်တော်.သူငယ်ချင်းကပြောပါတယ်၊၊
အဲဒီအချစ်ပျံလွှားငှက်ဝတ္ထုကမြန်မာလိုရေးထားတဲ.၀တ္ထု
မဟုတ်ပါဘူး။ရှမ်းဘာသာနဲ.ရေးထားတဲ.၀တ္ထုလို.သိရပါတယ်။အဲဒီဝတ္ထုကိုစာရေးဆရာကရေးထား
ခဲ.တာနှစ်တွေကြာခဲ.ပြီဖြစ်ပြီးကျွန်တော်.သူငယ်ချင်းရဲ.ပြောပြချက်အရ 1996
ဝန်းကျင်လောက်ကဖြစ်မယ်ထင်တယ်လို.ဆိုပါတယ်။စာရေးဆရာဟိန်းစိုင်ခိုင်ကဒီအကြောင်းနဲ.ပတ်သတ်လို.ရှင်းလင်းတာတွေဘာတွေလုပ်မနေချင်တော.ပါဘူး။သူ.ကိုလဲဒီအကြောင်းတွေ
ဆက်စပ်ယှက်ယှက်ပြောပြနေမှာမဟုတ်ပါဘူး။ွဘာလို.လဲဆိုတော.စာရေးဆရာကအခုဆိုရင်သာသနာ.ဘောင်မှာရဟန်းတစ်ပါးအဖြစ်နဲ.တရားအလုပ်တွေကိုလုပ်ကိုင်နေပြီလို.ကျွန်တော်.သူငယ်ချင်းကပြောပါတယ်။
သူ.ရဲ.၀တ္ထုတွေကိုရှမ်းလူငယ်တော်တော်များများကကြိုက်နှစ်သက်ကြပြီးသူတို.အနေနဲ.ဒီလိုမျိုးပုံတူကူးချတာကိုမခံချင်လို.တနည်းနည်းနဲ.ဖော်ထုတ်ပေးစေချင်လို.ကျွန်တော်.ကိုအကူအညီတောင်းတာလို.ဆိုပါတယ်။သူရဲ.၀တ္ထုကရေးခဲ.တာအချိန်တော်တော်ကြာခဲ.ပြီဖြစ်ပါတယ်။
ရှမ်းစာဖတ်ကြတဲ.ရှမ်းလူငယ်အသိုင်းအ၀န်းမှာတော.သူကနာမည်ရစာရေးဆရာတစ်ဦးလို.သိရပါတယ်။
နာမည်ကျော်ဟစ်ဟော.အဆိုတော်စိုင်းစိုင်းခမ်းလှိုင်ရဲ.စက္ကူငှက်ဝတ္ထုကလူငယ်ပရိသတ်ကြားထဲမှာအလွန်ရေပန်းစားခဲ.တဲ.၀တ္ထုတစ်ပုဒ်ဖြစ်ပြီးရုပ်ရှင်ရိုက်တဲ.နေရာမှာလည်းလူငယ်တွေကြိုက်နှစ်သက်ခဲ.တဲ.ပေါက်ကားတစ်ကားဖြစ်ခဲ.ပါတယ်။
သူရဲ.စက္ကူငှက်ဟာသူကိုယ်တိုင်ဖန်တီးခဲ.သလား။ဒါမှမဟုတ်
ပုံတူကူးချခဲ.သလားဆိုတာကတော.သူမှသိမှာပါပရိသတ်ကြီးရေ။
တခြားလူအတွက်တော့ မသိပါဘူး။ ဒီစာကို စရေးကတည်းက ဘေးကနေထိုင်ဖတ်၊ ကူညီဝေဖန်ပေးခဲ့တဲ့ ကျွန်မကတော့ ရယ်ချင်ပါတယ်။ ကျွန်မမျက်စိရှေ့မှာ နာရီများစွာ တစ်ခန်းပြီးတစ်ခန်း ဖျက်လိုက် ပြင်လိုက် ၊ ဖြုတ်လုပ်တပ်လိုက် ရွှေ့လိုက် ၊ နာမည်ကျော် စစ်တုရင်သမား အကွက်ရွှေ့သလို ရွှေ့နေခဲ့တဲ့ မောင်စိုင်းကို ကျွန်မ ပြန်မြင်ယောင်မိလို့ပါ။ တကယ်ဆို ဒီလို ပို့စ်မျိုးရေးတာ ကျွန်မ အလုပ်မဟုတ်ဘူးလို့ ကျွန်မ ထင်တယ်။ ဒါပေမယ့် ခုဟာက ကျွန်မနဲ့ စလယ်ဆုံးတူတူလောက် ဖန်တီးခဲ့တဲ့ စာအုပ်တစ်အုပ် ဖြစ်တဲ့အတွက် ကျွန်မမှာ ပြောရမယ့် တာဝန်ရှိလာသလို ခံစားရပါတယ်။ တခြားရှည်ရှည်ဝေးဝေး တွေ မပြောချင်ပါဘူး။ စက္ကူငှက်ရဲ့ အစအလယ်အဆုံးကိုပဲ ပြောကြရအောင်။
၂၀၀၆ နွေနံနက်ခင်းတစ်ခုမှာပါ။ ကျွန်မ ကိုကို့ကို summer school သွားပို့နေတုန်း မနက်စောစော ဖုန်းဝင်လာပါတယ်။ မနက် ရှစ်နာရီအရောက် ပို့ရတဲ့ကျောင်းကို ကျွန်မတို့ ၇နာရီခွဲကျော်တည်းက အိမ်ကထွက်ရပါတယ်။ အဲဒီလိုအချိန်မှာဝင်လာတဲ့ဖုန်းက ထူးထူး ဆန်းဆန်း မောင်စိုင်းဖုန်းဖြစ်နေလို့ ကျွန်မ တအံ့တသြနဲ့ မေးရပါတယ်။ စောစောစီးစီး ဘယ်လိုဖြစ်ရတာတုန်း ။ညတည်းက မအိပ်သေးတာလား မနက်စောစောနိုးတာလား ဆိုတော့ ထုံးစံအတိုင်း ညကတည်းက မအိပ်သေးတာပါ ..။ ကျွန်မကို ဘယ်ရောက်နေလဲ မေးပြီး ကိုကို့ကို ပို့ပြီးတာနဲ့ သူတို့ရှိတဲ့နေရာကိုလာဖို့ လှမ်းခေါ်ပါတယ်။ breakfast ကျွေး မလို့ဆိုပဲ။ (ထူးထွေတည့်အံ့ရာသော်ပါပဲ) ဒါပေမယ့် ကိစ္စမရှိပဲနဲ့အချိန်ကုန်ခံတတ်တဲ့ထဲ စိုင်းစိုင်းမပါဘူးဆိုတာ ကျွန်မသိပါတယ်။ အဲဒါနဲ့ လာခဲ့မယ်ပဲပြောပြီး ကျောင်းပို့ပြီးတာနဲ့ သူတို့ရှိတဲ့အင်းလျားက ရှမ်းအိုးစည် ဆိုင်ကိုရောက်ခဲ့ပါတယ်။
ဟိုကျတော့ သူနဲ့ဂျွန်နဲ့ နှစ်ယောက်၊ ဘုရားတောင် တက်ခဲ့ပြီးပြီ တဲ့။ တစ်ညလုံးမအိပ်ထား ပေမယ့် သူတို့ပုံက လန်းဆန်းလို့။ လူငယ်တွေကိုး ။ ကဲ ကိစ္စကိုပြော ဆိုတော့ တော်တော် လေးကို ခေါက်ချိုးထားလို့ ဖြန့်ချလို့တောင်မရတဲ့ ဗလာစာအုပ်တစ်အုပ်ကို ကျွန်မကို ကမ်းပေးပါတယ်။ ဘာလဲ လို့မေးတော့ ဂျွန်က အမေ စားပြီးမှ ဖတ်ပါ တဲ့ ။ ကျွန်တော့်လည်း သူ ကော်ဖီတိုက်ပြီးမှ ဖတ်ခိုင်းရတာ လို့ဆိုတဲ့အတွက် စာမူဆိုတာ သဘောပေါက်လိုက်ပါတယ်။ သူက ကျွန်မတို့ မဂ္ဂဇင်းမှာရော၊ သရဖူနဲ့ မြင်ကွင်းမှာပါ ကဗျာတွေ ဝတ္ထုတိုတွေ ရေးနေကျဆိုတော့ ကျွန်မကို ဝတ္ထုတိုတစ်ပုဒ်ပေးတယ်လို့ပဲ ကျွန်မ ထင်ခဲ့တယ်။ ဒါပေမယ့် ယူကြည့်လိုက်တော့ တစ်ရွက်နှစ်ရွက် လှန်လိုက်တာနဲ့ ဒါ အတိုတစ်ပုဒ်ရဲ့ အသွားအလာ မဟုတ်ဘူးဆိုတာ ကျွန်မ သိလိုက်ရတယ်။ လုံးချင်းလား လို့ ကျွန်မ တအံ့တသြမေးတော့ ဟုတ်တယ် လို့ဖြေပါတယ်။ မနက်စာမစားဖြစ်ပဲ ထိုင်ဖတ် လိုက်တာ သုံးလေးခန်းပဲပြီးသေးတာမို့ မကြာခင်မှာပဲ ပြီးသွားပါတယ်။ သူ့ကို ကဗျာတွေ အတိုတွေရေးတာ ဖတ်ဖူးပေမယ့် လုံးချင်းရေးလိမ့်မယ်လို့ ထင်မထားခဲ့ဖူးဘူး။ ရေးလိုက်တဲ့ အခါကျတော့လည်း continuity ရှိရှိရေးနိုင်တာကို တွေ့ရတယ်။
စာရေးတာ အမျိုးမျိုးရှိပါတယ်။ ကဗျာသမားက စကားပြေမရေးနိုင်တဲ့သူတွေရှိသလို စကားပြေသမားကလည်း ကဗျာမရေးတတ်တာရှိပါတယ်။ နှစ်ခုလုံးရေးနိုင်တဲ့သူကတော့ တစ်မျိုးပေါ့။ စကားပြေ ဝတ္ထုတိုလည်းရေးနိုင် ကဗျာလည်းရေးနိုင်ပေမယ့် လုံးချင်းရေးနိုင်ဖို့ ကျပြန်တော့လည်း ခက်ပြန်ပါရော။ ဒါပေမယ့် မောင်စိုင်းကျတော့ အတိုကို အတိုလို ထိမိအောင်ရေးနိုင်သလို ၊ကဗျာကို လှလှပပဖွဲ့နိုင်သလို လုံးချင်းကိုလည်း သပ်သပ်ရပ်ရပ် ရေးနိုင်တာကို သတိထားမိလိုက်တယ်။
သူက ကျွန်မကို ဝေဖန်ပါဆိုတဲ့အချိန်မှာ ကျွန်မ အနေအထားတချို့ကို ဘယ်လိုလေးလုပ်ရင် ကောင်းမယ်ဆိုတဲ့အကြံကလွဲရင် ကျန်တာ ဘာမှမပြောခဲ့ပါဘူး။ ပြောစရာမလိုလည်းမလိုလို့ပါ။ သူ့ရိုးသားမှုနဲ့ သူ စာမူလေးက အဆင်ပြေနေပါတယ်။ အဲဒီမှာ ကျွန်မတို့ UFL အတူ တက်ခဲ့တဲ့ကာလနေ့ရက်တွေဆီက အဖြစ်အပျက်လေး တချို့လည်းပါပါတယ်။ ဆရာ ဆရာမတွေ လည်းပါပါတယ်။ ကျွန်မတို့ချင်းမှ သိနိုင်မယ့် အဖြစ်အပျက်လေးတွေကို ဇာတ်ဝင်ခန်းတစ်ခုသဖွယ်ရေးထားတာမျိုးပါ။ ဒါကို ရှမ်းစာရေး ဆရာကြီးဆီက ကူးချပါတယ်ဆိုတော့ တော်တော်လေး ကို စဉ်းစားစရာဖြစ်နေပါပြီ။
နောက်ပိုင်း café aroma မှာ၊စိမ်းလန်းစိုပြေမှာ ကျွန်မတို့ဆုံဖြစ်ကြရင် ဆက်ဆက်ရေးထား တဲ့ အခန်းတွေကို ဆက်ဖတ်ရပါတယ်။ သူ့လက်ရေးမူကိုဖတ်ရတာ ကျွန်မ တစ်ခုပဲ စိတ်ညစ်ပါတယ်။ မလိုချင်တဲ့ အပိုဒ်လိုက်ကို ခြစ်ချ လိုသလိုပြန်ထည့်ဖို့ စာမျက်နှာဘယ် လောက်သို့ .. ဆိုတာတွေ။ ဒီအခန်းက ဘယ်အခန်းနောက်ကို ဝင်မှာ ဆိုတာတွေစတဲ့ မြားတွေညွှန်ရာကို လိုက်ဖတ်ရလို့ပါပဲ။ အဖွင့်ခန်းဆိုရင် နောက်ဆုံးမှ ရေးတာပါ။ အဲဒီလို ကိုယ့်စာမူတစ်ပုဒ်ကို စလယ်ဆုံး ဂစ်တာကြိုးညှိသလို ညှိရေးခဲ့တာ မျက်မြင်ဖြစ်တာရော ပြောခဲ့သလို တချို့ ဇာတ်ကွက်တွေက ကျွန်မတို့ UFL အတူတက်ခဲ့စဉ်က အဖြစ်တချို့ ဖြစ်နေတာရော ကြောင့် သူများဝတ္ထုကို ကူးယူထားတာဆိုတဲ့အမနာပ စကားကို ကျွန်မ ဘယ်လိုမှ ခံစားလို့မရပါဘူး။
ကြုံခဲ့တာလေးတစ်ခုကိုလည်း သွားသတိရပါတယ်။ ကိုတာရာမင်းဝေ အရှေ့မြို့ရိုးက မိုးရေစက်များ ထွက်လာတုန်းကလို.. ဘာသာပြန်ကြီးပါ အဲဒီမူရင်း ငါဖတ်ဖူးတယ်။ ငါက ဘယ်လောက် နိုင်ငံတကာစာဖတ်တာနှံ့စပ်တာ ဆိုတဲ့သူတွေ၊ မှီးထားတာပါ ဘာစာအုပ်ကို မှီးတယ်ဆိုတာ ပြောလို့ရပါတယ်ဆိုတဲ့သူတွေ အများကြီးကြုံဖူးပါတယ်။ အဲဒီတုန်းက ကျွန်မက သူနှုတ်က ခေါ်တာကို လိုက်ရေးပေးခဲ့တဲ့သူ။ လိုအပ်တဲ့ ဒေတာတွေကို အတူရှာခဲ့တဲ့သူ။ အဲဒီလူကိုတောင် သူမှီးထားပြီးမှ နင့်ကိုခေါ်ပေးတာဆိုရင် လည်းရတာပဲ လို့ ပြောခံခဲ့ရဖူးတာလည်း မမေ့ပါဘူး။
ကိုတာရာမင်းဝေက ပြတ်ပါတယ်။ စာမျက်နှာပေါ်တက်လာခဲ့ပါ။ မှီးထားတယ်ဆိုတဲ့ စာအုပ်ကို သေချာချပြလိုက်ပါ ။တကယ်သာဆိုရင် လက်ဖြတ်ကြေးလောင်းတယ် စည်းစိမ်ပါ ပုံပေးလိုက်ဦးမယ် တစ်သက်လည်းစာရေးမစားတော့ဘူးလို့ ကြေညာလိုက်မှ ငြိမ်သွားကြပါတယ်။ ဒီနေ့ထိလည်း အသံဆက်မထွက်ရဲတော့ပါဘူ။
ဒါတွေကိုတွေ့လာတဲ့အခါမှာ ဆရာဝင်းစည်သူ မဆုံးခင်က ပြောနေကျ စကားတစ်ခုကို သွားသတိရပါတယ်။ မြန်မာလူမျိုးတွေက မစ္ဆိယ စိတ် သိပ်များတယ်ဆိုတဲ့စကားပါ။ လူမျိုးနဲ့တော့ ကျွန်မက ချီမပြောချင်ပါဘူး။ ဒါပေမယ့် ဒါက အမှန်ပါပဲ။ တော်တော်များများ က အဲဒိလိုကိုဖြစ်နေပါတယ်။ ကိုတာရာမင်းဝေ ကျွန်မကို ပြောသွားတဲ့စကားတစ်ခွန်း ရှိပါတယ်။ နင့်ဘာသာနင် သေအောင်လုပ် ဘယ်လောက်ကောင်းနေနေ ဘယ်သူမှတစ်ခွန်း လာမချီးကျူးဘူး ။ အဲ .. နည်းနည်းလျော့တာနဲ့ ဆဲဖို့ထိုင်စောင့်နေတဲ့ သူတွေကတော့ တပုံကြီးပဲ တဲ့။ အဲဒါ သိပ်မှန်ပါတယ်။ သူ့ဘဝမှာလည်း ဒီလိုပဲ တွေ့ခဲ့ရတာ အများကြီးကိုး။
စက္ကူငှက် ကို ချိုမီက ကွန်ပြူတာစာစီပြီး ကျွန်မဆီပို့ပါတယ်။ word file နဲ့ပါ။ အဲဒါကို ကျွန်မက ရုံးမှာ page maker ပြန်စီပြီး စီစစ်ရေးမတင်ခင် ကျွန်မ တစ်ခေါက်ထပ်ဖတ် ပါတယ်။ အဆင်ပြေပြီ ဆိုမှ ရုံးတင်လိုက်တာပါ။ နောက်ပိုင်း စာအုပ်ဖြစ်အောင် ဖန်တီးမှုတွေကတော့ ထားလိုက်ပါတော့။ ကျွန်မသိချင်တာက အဲဒီရှမ်းစာရေးဆရာကြိးရဲ့ စာအုပ်ထဲမှာလည်း ဒီခေတ်ကာလလိုပဲ စက္ကူငှက်ကလေးတွေ အကောင်ရေ တစ်ထောင် ခေါက်ပြီး ပေးတဲ့ အလေ့အထကို ထည့်ရေးထားသလားဆိုတာပါပဲ။ ဒါကို ဖယ်လိုက်လို့က နောက် UFL က အမှတ်တရနေ့ရက်တွေကို အခြေခံထားတာကို ဖယ်လိုက်လို့က ဒီဇာတ်ဟာ ဘာမှသိပ်ထူးဆန်းတဲ့ ဇာတ်ကွက်တစ်ကွက်မဟုတ်ပါဘူး။ ကောင်မလေး နှစ်ယောက် ကောင်လေးတစ်ယောက်ကိုကြိုက်တယ် ။ ဒါပါပဲ။ စက္ကူငှက်ကလေးတွေ ကြယ်စေ့လေးတွေ အရုပ်ကလေးတွေ ဆိုတာကလည်း မောင်စိုင်း ကျောင်းမှာ နေ့စဉ်နဲ့ အမျှ လက်ခံရရှိနေတတ်တဲ့ ပစ္စည်းလေးတွေပါပဲ။ သူမို့ ကျောင်းရောက်လာပြီဆို ကြယ်ပုလင်းလေးတွေ ၊စက္ကူငှက်ပုလင်းလေးတွေ အရုပ်ကလေးတွေ တစ်ခုမဟုတ် တစ်ခုတော့ ရောက်လာတတ်တာကိုး ။ ဒီလိုပဲ ဟိုခေတ် အခါကလည်း အဲဒီဆရာကြီး ရခဲ့ဖူးသလား သိချင်လာရပြန်ပါရော ..
လူတစ်ယောက်ကို နာမည်ဖျက်ဖို့ ဆိုတာက လွယ်ပါတယ်။ အဲဒီလူ နာမည်တကယ်ပျက် သွားဖို့ကတော့ လွယ်မယ်လို့ မထင်လိုက်ပါနဲ့။ အောင်မြင်လာတဲ့လူတစ်ယောက်စီတိုင်းမှာ ဘယ်လိုပဲ ဘယ်သူတွေ ဘယ်လောက်မုန်းမုန်း၊ ဘယ်လောက် မနာလိုလို သူ့မှာ ကိုယ်ပိုင် အရည်အချင်းတစ်ခုတော့မရှိပဲ သူဟာနေရာတစ်နေရာ မရလာပါဘူး။ အဲဒီအရည်အချင်းက သူ့ကို နာမည်မဖျက်နိုင်တဲ့ အဓိက အချက်ပါပဲ။ သိက္ခာချချင်လို့ အမနာပ လျှောက်ပြောရတာ forward mail တွေပို့ရတာ၊ post တင်ရတာ လွယ်ပါတယ်။ အဲဒီအတွက် တစ်ကိုယ်ရည် ပျော်ရွှင်နေတယ်ဆိုရင်လည်း ပျော်ရွှင်လိုက်ကြပါ။ တကယ် တော့ သူတို့ မျှော်လင့်ထားသလို ဖြစ်မသွားနိုင်ဘူးဆိုတာ သိဖို့တော့လိုလိမ့်မယ် ထင်ပါတယ်။ သူများတကာတွေ နေ့ရက်တွေကို လိပ်ပြာသန့်သန့် နဲ့ ဖြတ်သန်းနေတာကို လိပ်ပြာမသန့်စွာ ရှင်သန်သွားရမယ့်လမ်းကို ရွေးချယ်ပြီး ဒီလိုလုပ်တာကတော့ သူတို့ ရွေးချယ်မှုနဲ့ သူတို့ပါပဲ။
