စိတ်နဲ့မမီနိုင်သောအရပ်

Tuesday, September 29, 2009

စိတ်နဲ့မမီနိုင်သောအရပ်

တယ်လီဖုန်းမြည်သံတွေ…..အဆက်မပြတ်..
(လက်ခံမယ့်သူမရှိ)
စောင်းကြိုးပြတ်တဲ့အသံတွေလွင် …
တောင်စဉ်တွေအထပ်ထပ်ခြားခဲ့ပြီလား...

မေးထူးခေါ်ပြောတောင်လုပ်လို့မရတဲ့ကမ္ဘာ
အသံတွေကိုဆာလောင်မွတ်သိပ်လာတယ်
ဆက်သွယ်မှုဧရိယာရဲ့ပြင်ပမှာ
စာပို့သမားတွေလည်းမရှိကြဘူး။

စိတ်တွေကိုပို့လွှတ်လိုက်တဲ့အခါ
ပြန်လင်းတန်းတွေပျောက်ဆုံးလာခဲ့
လမ်းခုလပ်က နတ်ဆိုးများရဲ့ပွဲသဘင်မှာ
ပျော်ရွှင်စွာပျောက်ဆုံးခဲ့ကြပြီလား
စိတ်ကိုစိတ်ကခြားနေတယ်။

အဲဒီ ကမ္ဘာပတ်လမ်းက နဂါးကြီးကို
အိပ်မွေ့ချထားလိုက်စမ်းပါ ….မှော်ဆရာ
တစ်ခါတစ်ခါ ..သူအကြောဆန့်လိုက်တိုင်း
စိတ်ရဲ့အပိုင်းအစတွေဂျွမ်းထိုးမှောက်ခုန်
မရဏဗုံသံတွေသာ မြည်ဟည်းကျန်ခဲ့
ကမ္ဘာအထပ်ထပ်ခြားသွားခဲ့ရပြီ။

တရားနဲ့သာဖြေလိုက်ကြပါတော့
တိမ်မီးခိုးတွေကတော့လွင့်ပါးသွားခဲ့ကြပြီ
စိတ်နဲ့ဖမ်းယူရှိုက်သွင်းပစ်လိုက်ရင်း
ငါ့ တစ်ကိုယ်စာလက်ယက်တွင်းထဲမှာ
အနက်ရောင်တွေရွာချလာခဲ့တယ်။
မနော်ဟရီ


Zephyr's Comment

…အဆက်မပြတ်..
အသံတွေကိုဆာလောင်မွတ်သိပ်
တစာစာ အသံလေးကအစ တစွာစွာအသံလေးအဆုံး
ဆာလောင်မွတ်သိပ် ....
ဆက်သွယ်မှုဧရိယာရဲ့ပြင်ပ
မေး
ထူး
ခေါ်
ပြော
လုပ်လို့မရ
စာပို့သမားမဲ့ ကမ္ဘာ
ရှေ့မျက်နှာနောက်ထား
သဲရေကျရုံ ခဲနေရပြန် ....။ ။

စိတ်တွေကိုပို့လွှတ်လိုက်တဲ့အခါ
ပြန်လင်းတန်းတွေပျောက်ဆုံးလာခဲ့
စိတ်နဲ့စိတ် အဆက်အသွယ်ပြတ်လာခဲ့ ...
... စိတ်ပျက်စရာ စိတ်ပြတ်မှု
ခါးအီမွှေးမြစွာသော ကျိန်စာဆိုးသွမ်းတစ်ခုလို။

အဲဒီ ကမ္ဘာပတ်လမ်းက နဂါးကြီးကို
ကျောက်ရုပ်မန္တာန်နဲ့ ခဲပစ်လိုက်စမ်းပ….မှော်ဆရာ
သူအကြောဆန့်လိုက်တိုင်း
စိတ်ရဲ့အပိုင်းအစတွေဂျွမ်းထိုးမှောက်ခုန်ဖြစ်လွန်းလို့...။
မရဏဗုံသံတွေနဲ့
ကမ္ဘာအထပ်ထပ်ခြားသွားခဲ့ရပြီ။
အထပ်ထပ်ခြားနေတဲ့ကမ္ဘာ တွေမှာနေထိုင်ရင်း
မရဏဗုံသံတွေနဲ့ စိတ်က ရိုင်းစိုင်းညွတ်နူးနေခဲ့တယ် ...။

တရားနဲ့သာဖြေလိုက်ကြပါတော့
စိတ်နဲ့ဖမ်းယူရှိုက်သွင်းပစ်လိုက်ရင်း
ငါ့ တစ်ကိုယ်စာလက်ယက်တွင်းထဲမှာ
မာရ်နတ်အိမ်မက်တွေနဲ့ သီတင်းသုံးနေမိတော့တယ်....။

ကဗျာနဲ့ထပ်တူခံစားထားတဲ့ ကွန်မင့်လေးတွေကိုလည်း အမှတ်တရပြန်တင်ပေးလိုက်ပါတယ်။

အိန္ဒြာ said...

စိတ်တစ်ကမ်းမှာ....
စိတ်တမျှော်မှာ..
စိတ်ချည်းသက်သက်သွားပေမယ့်
စိတ်မရောက်နိုင်တဲ့..ခရီး ရှိနေတယ်...
ခဏလေး...ဖြစ်ဖြစ်...ပါကွယ်...
အဲဒီ့လို တောင့်တလွမ်းဆွတ်လာမှုက မီးတောက်မီးလျှံလိုပါပဲ.....
စိတ်ကို လာလာဟတ်နေတော့...
စိတ်ခမျာ..အညွန့်တလူလူမတက်နိုင်လောက်အောင်.
ညှိူးလျော်...နွမ်းယဲ့.......လို့


လင်းဒီပ said...

စိတ်ခြင်း အကွာအဝေးတူပါရက်
တစ်ယောက်ကိုတစ်ယောက် လှမ်းခေါ်မရတဲ့ နေ့စွဲတွေမှာ
ကိုယ့်အခန်းလေးထဲကိုယ်
အလွမ်းတွေပဲ တစ်ကြောင်းချင်း ချဆွဲနေဖြစ်ခဲ့တယ်။


Julian said...

စိတ်ကို စ်ိတ်ကပြန်သတ်တယ်
စိတ်နဲ့အသက်ရှင်သလို စိတ်နဲ့ဘဲအသက်ရှင်ခွင့်ဆုံးရတယ်
စိတ်နဲ့ခရီးသွားသလို စိတ်နဲ့ရပ်တယ်
စိတ်ချည်းသက်သက်ကမ္ဘာမှာ စိတ်နဲ့စိတ် ညီညွတ်ကွဲကွာကြတယ်
........စိတ်နဲ့မမှီတဲ့အရပ်တစ်ခုမှာ ကိုယ်တို့ကွေးညွတ်ပျော့ပြောင်းအနားယူကြမယ်


Mogok Thar said...

စိတ်နဲ့ စိတ်တွေကြား တောင်စဉ်တွေ အထပ်ထပ်ခြားထားပေမဲ့
နှလုံးသားကို စီးပြီးသွားတဲ့အခါ
နှလုံးသားတံခါးတွေ ဖွင့်ထားတဲ့အခါ
ဖြူလင်းတဲ့ စိတ်ဂီတသံတွေ ကြားရမယ်။

တုန့်ပြန်မှုမဲ့ ခေါ်သံတွေကြား
အလုပ်များတဲ့ စာပို့သမားဟာ
စာလွှာတွေပျောက်တာလဲ ရှိရဲ့၊ လိပ်စာမှား ရောက်တာတွေလဲ ရှိအုံးမယ်။

မှော်ဆရာရေ
တစ်ခါတစ်လေမှ တီးခတ်ပြတဲ့
ဝိဥာဉ်ခေါ်သံ ဗုံတေးသွားမှာ
အသံတွေ အ ခဲ့ရ၊ ကကြိုးတွေ မှောက်မှားကြ။

ကြိုးပြန်ညှိမရတဲ့ ဂီတ တလွဲမှာ
စိတ်ကို အခါခါ လွှဲပစ်ရင်း
အလင်းတွေမျှားဖို့ ၊ အသံတွေကို မြုံးထောင်ဖို့
တိတ်ဆိတ်ခြင်း ခင်တန်းမှာ
ငါ့ကိုယ်ငါ တရားပြနေမိတော့တယ်။


အိုင်လွယ်ပန် said...

လက်ခံသူ မရှိတဲ့
တယ်လီဖုန်းခေါ်သံတွေ အဆက်မပြတ်
ကိုယ့်ကိုကိုယ် အဆုံးစီရင်လိုက်တဲ့
စောင်းကြိုးသံတွေ တစ်လွင်လွင်
တောင်စဉ်တွေ အထပ်ထပ် ခြားခဲ့ပြီလား ။

မေးမရ ထူးမရ ခေါ်မရ ပြောမရတဲ့ ကမ္ဘာထဲ
အသံတွေကို ရေ လို ငတ်မွတ် လာတယ်
ဆက်သွယ်မှုဧရိယာရဲ့ တစ်ခြားတစ်ဖက်ကမ်းမှာ
စာပို့သမားတွေကလည်း နတ္တိ ။

စိတ်တွေကို လွှတ်တင်လိုက်တဲ့အခါ
ပြန်လင်းတန်းတွေဆီက ပဲ့တင်သံ ပြန်မရဘူး
လမ်းခုလပ်မှာ နတ်ဆိုးတွေ ပွဲတော်စနေပြီလား
စိတ် ကို စိတ်က စည်းတစ်ချောင်း တားထားရဲ့ ။

အဲဒီ ကမ္ဘာပတ်လမ်းက နဂါးကြီးကို
တမေ့တမောစာ ညှို့ထားပေးပါ မှော်ဆရာ
တစ်ခါတစ်ခါ သူအကြောဆန့်လိုက်တိုင်း
စိတ်ရဲ့ အပိုင်းအစတွေ ဟိုဒီပျံဝဲ
မရဏ ဗုံသံတွေ သည်းသည်းလာခဲ့
ကမ္ဘာ အထပ်ထပ်ခြားသွားခဲ့ရပြီ။

တရားနဲ့သာ ဖြေလိုက်ကြပါတော့
တိမ်တွေက မိးခိုးဖြစ်တမ်း ကစားသွားကြပေါ့
စိတ်နဲ့ လှမ်းကိုင် ဆုပ်ယူ လိုက်ရင်း
ငါ့တစ်ကိုယ်စာ လက်ယက်တွင်းလေးထဲ
အလင်းတစ်စက်စာမှာတောင် အဘိဓာန် မဲ့ခဲ့ရတယ် ။ ။


မယ်ကိုး said...
နှစ်ခုသော စိတ်ကလေး
မချိတ်ဆက်မိတဲ့အခါ
စိတ်ကိုစိတ်ကခြားနေတယ် တဲ့လား။

ဟင့်အင်း။
မယုံဘူး။
လက်မခံနိုင်ဘူး။

ဘာတွေက တားနေခဲ့တာလဲ...
မရဏဗုံသံတွေ မြည်ဟည်းလို့ သူ မကြားခဲ့တာလား...

ကမ္ဘာအထပ်ထပ်ခြားပြီးသားမို့
တရားနဲ့ ဖြေချင်ပေမယ့်......................

နားမစွင့်တော့တဲ့ ချစ်ရသူလေး ... ချစ်ရသူလေးရေ...

ရင်ကွဲအောင် အော်ခေါ်မိလည်း ...
ထူးသံလေး မကြားရဘူးပဲ။

အသေအချာပေါ့
စိတ်နဲ့မမီနိုင်သောအရပ် မှာ
စိတ်က စိတ်ကို အခါခါသတ်တယ်။


ဖိုးစိန် said...

စိတ်တွေလွင့်မျောနေတယ်
တိမ်တွေလို ရောင်စဉ်အထပ်ထပ်
ပုံသဏ္ဍန်တွေ ကွဲလွဲ တဖြည်းဖြည်းနဲ့
ဝေးကွာမှေးမှိန်ပျောက်နေဆဲ…
စိတ်တွေကိုစုစည်းဖို့
ငါ့အတွေးလက်နှစ်ဖက်ကို ဆန့်
ဖမ်းဆုပ်ဖို့ကြိုးစားဆဲ….
စိတ်ရဲ့အတိတ်တွေက ဆန်းပြားပြီး
ပစ္စုပန်မှာရိုးသားနေပြန်တယ်…။

ကြယ်ဝေးရာသီ ခရမ်းပြာဂီတ လမ်းပျောက်ခဲ့တဲ့ညတွေ

Friday, September 25, 2009

ပြီးခဲ့တဲ့နှစ် ဒီလိုအချိန်က ဒီဘလော့ခ်လေးကို စတင်ခဲ့ပါတယ်။ ခုဆိုတစ်နှစ်ပြည့်ပါပြီ ။ ဒီဘလော့ခ်လေးအတွက် ကျေးဇူးတင်သင့်သူတချို့ကိုလည်းသတိရပါတယ်။ သူတို့ကတော့ ကျွန်မနာမည်နဲ့ ဘလော့ခ်ကို ကျွန်မ ဘလော့ခ်ရေးဖို့စိတ်ကူး မရှိခင်တည်းက ယူထားပေးခဲ့ပြီး စလုပ်ဖို့ပါ အစစကူညီခဲ့တဲ့ ညီလင်းဆက်၊ ဘလော့ခ်ရေးဖို့ မကြာခဏတိုက်တွန်းတဲ့ ကေ နဲ့ ရေးပါ လို့ဆိုခဲ့ဖူးတဲ့ မချောအိ ..သူတို့ကြောင့်သာမဟုတ်ရင် ကျွန်မ ဒီခရီးကိုစဖြစ်ခဲ့မှာ မဟုတ်ပါဘူး။ နောက် တစ်နှစ်သက်တမ်းအတွင်း ကျွန်မစာတွေကိုလာဖတ်တဲ့သူတွေအားလုံးနဲ့ ရေးဖော်ရေးဖက် ညီအစ်ကိုမောင်နှမအားလုံး ကိုလည်းကျေးဇူးတင်ပါတယ်။ သူတို့နဲ့အတူလျှောက်လှမ်းရတဲ့လမ်းဟာ ကျွန်မ အတွက်တော့ စိတ်ချမ်းမြေ့ဖွယ်အခြားသောလမ်းတစ်လမ်းဖြစ်ခွင့်ရခဲ့လို့ပါ။
ဒီလထဲမှာ တစ်နှစ်ပြည့်တဲ့သူတွေများပါတယ်။ လင်းဒီပ၊ နန်းညီ၊ မကြေးမုံ၊ Zephyr စသဖြင့်..။ ခြေလှမ်းတူစခဲ့ကြတဲ့သူတွေအားလုံး ရှေ့ဆက်ခြေလှမ်းတွေကိုလည်း တူတူလှမ်းနိုင်ကြလိမ့်မယ်လို့ မျှော်လင့်ပါတယ်။
(အထူးအနေနဲ့ ကျွန်မဒီအက်ဆေးလေးအတွက် ကဗျာကူရေးပေးတဲ့ ကျွန်မသား Zephyr ကိုကျေးဇူးတင်ပါတယ်။)

ကြယ်ဝေးရာသီ ခရမ်းပြာဂီတ လမ်းပျောက်ခဲ့တဲ့ညတွေ

အိပ်စက်ခြင်းက ကျွန်မဆီကနေ တရွေ့ရွေ့ ခရီးထွက်ခွာသွားတဲ့အချိန်မှာ ကြယ်တွေက ကျွန်မဆီ အုပ်ဖွဲ့ပျံသန်းလာခဲ့ကြတယ်။ ကျွန်မ ကောင်းကင်တစ်ခုလုံး ကြယ်တွေနဲ့ ပြည့်သွားတဲ့အချိန်မှာ.. တစ်စုံတစ်ရာဟာ သိပ်ကိုသေချာသွားခဲ့ရပြန်ရော..။ ဟုတ်တယ်။ သူတို့နဲ့ ကျွန်မ အဝေးးးးးးးးကြီးးးးးးးးပဲ…………..

မင်းတို့အိမ်မက်ထဲမှာ
ငါမပါနိုင်တော့ဘူးကွယ် ..
မြေမှုန်စွန်းထင်းတဲ့ ခြေထောက်တွေ...
ကျိန်စာရသမှာ မိုးမိနေခဲ့တယ် ....
ငါ့ရဲ့အပြုံးကို အလင်းနှစ်တစ်သန်းမှာ လက်ခံပေးပါ ...။
ငါ့ရဲ့ နာကျင်မှုကို အိပ်ရာဝင်ပုံပြင်တစ်ပုဒ် လုပ်ပြီး ...
ငါတို့ရဲ့ဝေးကွာမှုကို ... သပ်သပ်ရပ်ရပ်ခေါက်သိမ်းထားလိုက်ပါကွယ် ....။

လွင့်ထွက်ခဲ့တဲ့အဝေးတွေနဲ့ ဆုတ်ခွာခဲ့တဲ့အဝေး..မတူညီသလို ကျန်ရစ်ခဲ့တဲ့အဝေးနဲ့ ငေးမျှော်ရတဲ့ အဝေးလည်း မတူပါဘူး။မတတ်နိုင်ခြင်းများစွာတွေကို လက်လျော့လိုက်ရတဲ့ အခါတိုင်းမှာ လူတွေဟာ ရှင်လျက်နဲ့ တစ်ဖန် သေကြရပြန်ပါတယ်။ အကြိမ်ကြိမ်သေဆုံးရမှုတွေထဲ အကြိမ်ကြိမ်နာကျင် အထီးကျန်ရင်း အကြိမ်ကြိမ် ဆွံ့အ ငြိမ်သက်သွားခဲ့ရပြန်ပါပေါ့။ တကြော့ပြီးတကြော့ ပြန်ပြန်လာနေ တဲ့ အဲဒီ တိတ်ဆိတ်ခြင်းဂီတသံက မှောက်မိုက်စိမ့်စိုနိုင်လွန်းလှချည့်။

အလွမ်းဆိုတာ
ထွက်ခွာသွားတဲ့သူနဲ့ ကျန်ရစ်သူကြားက
စိတ်အကွာအဝေးပါကွယ် ...။
Fade Out မဖြစ်နိုင်တဲ့ ဂီတအတွက် ...
နှလုံးသားတွေလည်းခါးလှပြီ ....
အလင်းခါးခါးတွေ သောက်သုံးထားတဲ့စိတ်မှာ
အကြားအလပ်မရှိတဲ့ သေဆုံးခြင်းကို နံနက်ခင်းတစ်ခင်းလို ...
သပ်သပ်ရပ်ရပ်စိုက်ပျိုးထားလိုက်ပါပြီ ...

တကယ်တော့ အဝေးကြီးတွေကို နီးနီးလေး ဆွဲရွှေ့ပစ်လိုက်ရတာ သိပ်ပင်ပမ်းပါတယ်။ စိတ်ခွန်အားတွေကို အားသွန်ခွန်စိုက် ပုံအောပစ်လိုက်ပြီးမှတော့ ဘယ်သူမဆို အရာရောက်ချင်ကြတာချည်းပါပဲ။ ကြယ်တွေကို တိတ်တဆိတ် စိတ်နဲ့ နီးပစ်လိုက်ရတာ ပင်ပမ်းလိုက်တာ….။ အကွာအဝေးတွေကို တိတ်တိတ်ကြိတ် ကျိန်ဆဲပစ်လိုက်ရင်း ခရီး ဆိုတဲ့သီချင်းကို သံစဉ်ဖျက်ပစ်လိုက်မိတယ်။ ကျိုးပဲ့ကျန်နေခဲ့တဲ့ စာသားချည်းသက်သက် ကမှ… သွေးပျက်ဖွယ်အတိ ဆိုတာနောက်ကျစွာသိခဲ့ရပြန်ပါရော။

အသိနောက်ကျခြင်းတွေမှာ ချစ်သူဟာ ကိုယ့်အခြမ်းမဟုတ်မှန်းသိခဲ့ရတယ် ... အမေဟာ သစ်ပင်ရဲ့ အမြစ်တွေလို စိတ်မှာစွဲပြီး အရိပ်တွေအမြဲပေးနေမယ်ဆိုတဲ့ အာမခံချက်ဟာ မရဏမင်းရဲ့ လက်မှတ်တစ်ချက်ထိုးရုံနဲ့ ပျက်ပြယ်တတ်မှန်းသိခဲ့ရတယ်...။ သူငယ်ချင်းတွေဆိုတာ .... ချုပ်ဆေးမသုံးထားတဲ့ အ၀တ်အထည်တွေလို အရောင်လွယ်လွယ်လွင့်တတ်မှန်းသိခဲ့တယ် ....။ မိတ်ဆွေလို့ ယူဆခဲ့သူတွေက နောက်ကွယ်မှာ ၀ှက်ထားတဲ့ သူစိမ်းအကြည့်တွေ ထုတ်ပြနိုင်တာသိခဲ့ရတယ် .....။ ကြယ်အဖွဲ့အစည်းမှာ ကြယ်တစ်စင်းစီရဲ့ တစ်ကိုယ်စာ လွတ်လပ်စွာလောင်ကျွမ်းမှုဟာ ကြယ်အဖွဲ့အစည်းရဲ့ လောင်ကျွမ်းမှုပါပဲ ...။ ကြယ်တစ်စင်းရဲ့သောကဟာ ကြယ်တာရာ အဖွဲ့ အစည်းရဲ့သောကပါပဲ .....။ ကြယ်ဥယျာဉ်ထဲမှာ ကြွေခြင်းကြွေ ငါ့စိတ်ထဲကြွေမယ့် ကြယ်ကလေးတစ်စင်းရှိနေမလားကွယ် ....။ အပြာလဲ့လွန်းတဲ့ လက်တံတွေဆန့်ထုတ် ... အဲဒီနှလုံးသားကို မှုတ်သိမ်းငြိမ်းသတ်လိုက်စမ်းပါ ကြယ်ကြွေလေးရယ် ......။ ကျိန်စာတရာ သင့်နေတဲ့ ကမ်းလင့်မှုထဲ ... ကြယ်ကြွေလေးကို မျှော်ရီသီငေးနေမိတယ် .... ။ သပ်သပ်ရပ်ရပ် လွမ်းဆွတ်ခြင်းတွေ ဆွတ်ဖြန်းထားတဲ့ ကမ်းလင့်မှုတစ်ခုပါကွယ် .....။

အလင်းနှစ်သန်းပေါင်းများစွာ ဝေးကွာနေခဲ့ပြီးကာမှ အကြည့်တွေနဲ့ချည်း ဖြေသိမ့်ကြေကွဲ နေကြရမှာတဲ့လား။ မျက်တောင်တွေတဖျတ်ဖျတ်ခတ်သလို မှိတ်တုတ်မှိတ်တုတ်နဲ့ အကြည့်တွေ အားနည်းမှိန်ဖျော့သွားမှာလည်း ကြောက်ပါရဲ့။ ကြည့်နေရင်း ရုတ်တရက် ပျောက်ဆုံး ပေါက်ကွဲ စကြဝဠာထဲ လွင့်စင်ကြေကွဲသွားမှာလည်း ကြောက်ပါရဲ့။ ဒါပေမယ့် ကွယ်…ကျွန်မတို့ ဘာတတ်နိုင်ခဲ့ကြလို့လဲ။

မတတ်နိုင်ခဲ့ပါဘူး
မနက်ဖြန်ကို သားရဲတွင်းက ကြိုနေမိတယ် ...
သွေးတွေကြားမှာ ပန်းပွင့်ကို ဆာလောင်တဲ့ ခြင်္သေ့တစ်ကောင်လို ...
ဘယ်နှစ်ကြိမ် အသက်လုတိုက်ခိုက်ပြီးမှ ...
သရဖူကို စွန့်ခွင့်ရမလဲလို့တွေးနေမိတယ် ....

စိမ်းလန်းတဲ့တောအုပ်လေးမှာ မိုးချုပ်ခွင့်ရချင်ပြီ ....
သွေးညှီနံ့ကြားမှာ ...
စံပယ်တွေပွင့်လာမယ့်နေ့ ....၊
ဝုန်းခနဲ သပ်သပ်ရပ်ရပ်ခုန်အုပ် ... ..... .......
ညာဘက်ရင်အုံမှာ လှံတစ်လက် စူးနင့်ဝင်ခဲ့တယ် .....။


မတတ်နိုင်ခြင်းအစစ်တွေကို လက်လျော့ထားခဲ့ရပြီး မတတ်နိုင်ခြင်းအတုတွေကို ဖြတ်ကျော်ခွင့်ပေးနေတဲ့ ကမ္ဘာ…။ လှည့်စားမှုအစစ်တွေနဲ့ဖမ်းစားထားခဲ့ပြီးကာမှ လှည့်စား မှုအတုတွေနဲ့ ရိုးသားပြနေတဲ့ကမ္ဘာ…။ တိုက်ပွဲစစ်စစ်တွေကိုတိုက်ခိုက်စေခဲ့ပြီးကာမှ အောင်ပွဲအတုတွေနဲ့ လှည့်စားခံထားရတဲ့ကမ္ဘာ။ ကမ္ဘာက ငါ့ကိုကျောခိုင်းမသွားသရွေ့ ငါက ကမ္ဘာကိုကျောခိုင်းဖို့ပဲကြိုးစားရတော့မှာပေါ့။

နားလည်မှုတစ်ခုပါ ....
ကမ္ဘာကြီးမှာ ရပ်နေခွင့်ပေးရင်
ကမ္ဘာကြီးကို တံထွေးနဲ့ထွေးတယ် ...
ငါက အဲဒီလို လူဆန်ဆန်လူပါ ...
ပန်းတွေပွင့်သွားတာအတွက် ကျေးဇူးဆပ်တဲ့အနေနဲ့
ဒီနေ့ပဲ .... ပေါင်းမြက်တွေ အကွက်ကျကျစိုက်ပျိုးပေးခဲ့တယ် ...
ငါရဲ့ လယ်ထွန်မင်္ဂလာ အချိန်မှာ မိုးခါးကြီးရွာဖို့ တိမ်ခါးတွေကို မှာထားခဲ့ပြီ ...။

အိပ်မပျော်တဲ့ညတွေဟာ နှစ်ကာလရှည်လျားစွာဖြတ်ကျော်ရတဲ့ အပူရောင်ကန္တာရတွေ နဲ့ ခပ်ဆင်ဆင်ပါပဲ။ သဲကန္တာကိုတွေ့နိုး .. ကန္တာရသဘောင်္ကြီးတွေကို စီးသွားခွင့်ရနိုးနဲ့ မျက်စိကိုစုံမှိတ်ထားခဲ့လိုက်တာ .. ရောင်ခြည်တွေသာ တစ်နေ့ပြိးတစ်နေ့ ခုန်ဆင်းချလာ တယ်။ အိပ်စက်ခြင်းကတော့ တစ်လက်မမှ ကျွန်မဆီ ပြန်ရွေ့မလာခဲ့ဘူး။

အတွေးများတဲ့သူက အိပ်ရခက်သတဲ့
အတွေးမရှိတဲ့တောင်တန်းတွေ
အတွေးမရှိတဲ့ ပင်လယ်တွေ
အတွေးမရှိတဲ့ ကျောက်တုံးနဲ့
အတွေးမရှိတဲ့ တိမ်တိုက်တွေ
ကဲ .. ပြောစမ်းပါ ... ဘယ်သူကရော အိပ်ပျော်ခဲ့ပါသလဲ ....

တကယ်တော့ အဝေးကြီးပါ။ သူတို့နဲ့ ကျွန်မ..။ တစ်စုံတစ်ရာ သိပ်ကိုသေချာသွားတဲ့အချိန် မှာ.. ကျွန်မကောင်းကင်မှာ ကြယ်တွေပြည့်လို့။ ကျွန်မဆီအုပ်ဖွဲ့ပျံသန်းလာနေတဲ့ ကြယ်တွေ ခရီးမပေါက်နိုင်သေးတာဘာကြောင့်လဲ။ ခုထိတော့ သူတို့လည်း ခရီးနှင်နေဆဲ ကျွန်မလည်း အိပ်စက်ခြင်းတွေကိုလိုက်လံရှာဖွေနေဆဲ…….။

ကြယ်တွေ စိတ်ထဲကို ကြွေမလာနိုင်တော့ရင်
စိတ်ကိုပဲ ကြယ်တွေဆီ ကြွေပစ်လိုက်ရမလား ...
သိမ်းထားတဲ့ ငယ်အိမ်မက် အစိမ်းရောင်ကို လှေကလေးလုပ်ပြီး ....
သူတို့ဆီကို မျှောလွှတ်လိုက်မိတယ် ....။
ဆက်သွယ်မှုဧရိယာပြင်ပကနေ ...
နှလုံးသားရဲ့ ဆယ့်ရှစ်ကိုက်စည်းအထိ
လှေကလေး သွားလမ်းသာပါစေလို့
သပ်သပ်ရပ်ရပ်ဆုတောင်းနေမိတယ် ....။

အမှောင်ကဝေကတော့ဖြင့် အိပ်စက်ခြင်းမရှိသူပီပီ သူလို မအိပ်စက်သူတွေအတွက် ပီတိ ဖြစ်နေရော့မယ်။ ခက်တာက ကျွန်မကလည်း သူနဲ့ မိတ်ဆွေမဖြစ်ချင်ဘူး ။ ကင်းစိမ်း ဝေးပြတ်စွာနေထိုင်ရင်းကကို သူနဲ့ တစ်လမ်းတည်းဖြစ်နေရတာကတော့ ရင်နာစရာပါပဲ။ တစ်လမ်းသွားလမ်းမကြီးတွေကို ငေးမောကြည့်ရင်း ယာဉ်ကြောနောက်ပြန်မောင်းချင်နေမိ သလိုမျိုး ခုလည်း အမှောင်နဲ့ခရီးဆက်ရင်း အိပ်စက်ခြင်းတွေဆီ ခရီးဆန့်ချင်နေမိတယ်။

သိုးကလေး တစ်သောင်းရှစ်ထောင့်ကိုးရာပြည့်သွားရင်
နံနက်ခင်းတစ်ခုရောက်လာလိမ့်မယ် ......
စိမ်းဖန့်နေတဲ့ ဖန်လုံးထဲမှာ ..
ကိုယ့်ဘ၀ဟာ အက်ရာတစ်ခုပေါ့ ....၊
လူသန်တွေမပြောဖြစ်တဲ့ ရာဇ၀င်ထဲမှာ ...
ကိုယ်ဟာ မီးကိုတွေ့ရှိသူမဟုတ်ခဲ့သလို ...
တွေ့ပြီးသားမီးကို ငြှိမ်းသတ်ခဲ့သူလည်းမဟုတ်ဘူး ...
အိပ်စက်ခြင်းနဲ့ ဓာတ်တူနာမ်တူမပြုနိုင်ခဲ့သူရဲ့
အိမ်မက်ကို နားမလည်ခြင်းမှာ
သံသာကမ်းရပ်ဆိုတဲ့ စကားတစ်လုံးဖြည့်စွက်ခွင့်ပြုပါ.....။

ခရီးတစ်ခုကိုစတင်ပြင်ဆင်လိုက်ချိန်မှာ ကျွန်မမှာအချိန်သိပ်မရှိတော့ပါဘူး။ အမှောင်ကို ကြည့်လိုက်တော့လည်း ကြယ်တွေကို အနိုင်မခံအရှုံးမပေး မိုက်မှောင်နေပုံက ကျောစိမ့် ချင်စရာ..။ တစ်ယောက်တည်း .. တိတ်ဆိတ်စွာ..တစ်လှမ်းချင်း..ခရီးတွေနှင်နေမိ .. ဦးတည်ရာက … ဟိုးခပ်ဝေးဝေးက အိပ်မက်မမက်ခဲ့ဖူးတဲ့ နန်းရင်ပြင်တစ်ခုဆီ…။


မုန်တိုင်းတွေချိတ်ဆွဲထားတဲ့ နှလုံးသားနဲ့
စိတ်ကို ကြယ်ပြန်လုပ်ပစ်နေတဲ့ပန်းလေးတစ်ပွင့် ....
ခရမ်းပြာ နန်းရင်ပြင်ဆီသို့ .. တရွေ့ရွေ့ ....။ ။

မနော်ဟရီ - Zephyr

လောင်းရိပ်မိနေတဲ့ကြယ်

Monday, September 21, 2009

မေမေ ... ကောင်းကင် ပြာပြာအောက်မှာငှက်တွေ အသည်းကွဲလားမေမေ ...။
ရနံ့တွေ အကြောင်း ပန်းတွေကို မပြောပြတော့အခါ ... သူတို့ဘယ်လိုသိမှာလဲ .. မေမေ ...။ ဆူးစူးထားတဲ့ စိတ်တစ်ခု လားရာအတိုင်းပြန်ဖို့ အိပ်တန်းကျန်သေးရဲ့လားမေမေ ...။ .. သစ်ပင်တွေအိပ်သွားတဲ့အခါ ... သစ်သီးတွေ ပျင်းရိလာတယ်တဲ့ ... သားမကြားဘူးတဲ့ ပုံပြင်တစ်ပုဒ်မှာ တိုင်းသူပြည်သားတွေကို ဘုရင်ကြီးက သိပ်ချစ်သတဲ့ ....။ ... မေမေ ... ဟိုးအဝေးမှာ သား အိပ်မပျော်ခဲ့တာ ကြာလုပါပြီ ....။

အိပ်မပျော်တဲ့သူကအိပ်မက်တွေပိုရှည်သတဲ့။ ကောင်းကင်ပြာအောက်မှာမှ ငှက်တွေမှ မဟုတ်ပါဘူးသားရယ်။ အခန့်မသင့်တဲ့အခါတိုင်း နှလုံးသားတွေကွဲကြေရတတ်တာပဲ။ ဆူးစူးနေတဲ့စိတ်တစ်ခု အတွက် အိပ်တန်းတက်စရာနေရာတစ်ခု ကောင်းကင်ဘုံမှာတော့ ရှိလိမ့်မယ်လို့ မေမေထင်တယ်။ ရနံ့တွေအကြောင်းမပြောပြဖြစ်ပေမယ့် ပန်းတွေကတော့ လောကကို အလှဆင်နေဥိးမှာပါပဲ။နှင်းဆီနီရဲ့ ရဲရင့်မှုက ချိုအီသင်းပျံ့တဲ့ ရနံ့တစ်ခုမှ မလိုပဲကွယ်။ အိပ်ရာဝင်ပုံပြင်တွေကို မပြောပြဖြစ်ခဲ့တဲ့နေ့ရက်တစ်ချို့အတွက် မေမေ့ကို ခွင့်မလွှတ်လိုက်ပါနဲ့။

သားကို အုပ်မိုးနေတဲ့ကောင်းကင်ကို အသစ်လဲပေးနိုင်မလား မေမေ ...၊ လူတွေရဲ့ အကြည့်တွေကို အရောင်ချွတ်ပေးပါ ....၊ မျက်နှာဖုံးတွေ နဲ့ ပြုံးမယ်ဆိုရင်တောင် တစ်ခါသုံးမျက်နှာဖုံးနဲ့ပဲပြုံးပြဖို့ တိုက်တွန်းပေးပါ .... စိတ်တွေနာဖျားနေတဲ့ သားအတွက် ... အကြည့်တစ်ချက်ကလည်း လေးပါတယ်မေမေ ...။ သားအိပ်မပျော်တဲ့ ညမှာ သိုးကျောင်းသား အိမ်မက်တစ်ခုကို ကောက်ရထားတယ် ....။ သိုးတွေမှာ သိုးစိတ်ရှိတဲ့ အတွက် သား သိုးမွှေးအင်္ကျီ ၀တ်တာပါမေမေ ....။ သူတို့အတွက် သားအနွေးထည်လေးပြန်ပေးခဲ့ပါတယ်...။ တစ်ခုသော ဆောင်းညမှာ သူတို့တွေ သိုးထိန်းရဲ့စိတ်ထဲက ဂီတကို ရှာတွေ့မှာပါမေမေ ....။

ကောင်းကင်ကို အသစ်လဲမပေးနိုင်ခဲ့သည့်တိုင် မေမေ့ချစ်ခြင်းတွေနဲ့ သားကို အုပ်မိုးပေး ထားမှာပေါ့။ လူတွေရဲ့ အကြည့်တစ်ချို့အတွက်တော့ ကိုယ့်စိတ်ကိုယ်ပဲ လျှော်ဖွတ်ပစ်ရ လိမ့်မယ်။ သိုးကလေးတွေနဲ့အတူ ဖြူဖြူစင်စင် လမ်းလျှောက်ထွက်ကြရအောင်သား။ သူတို့စွန့်ကျဲခဲ့တဲ့ ဖြူစင်မှုတွေကို ခြုံယူဝတ်ဆင်ပြီးမှတော့ သူတို့ရဲ့ဂီတကိုလည်း ပြန်လည် ဖွဲ့နွဲ့ပေးခဲ့ရလိမ့်မပေါ့ကွယ်။ အိပ်မရတဲ့ညတာရှည်တွေမှာ အိပ်မက်တွေကို သိုးတွေနဲ့အတူ လှည့်ကျောင်းထားလိုက်ကြရအောင်။ မျက်နှာဖုံးအတုတွေအကြောင်းသိဖို့တော့ သားသိပ်ငယ်နေပါသေးတယ်။ လောကရဲ့မာယာခပ်ကြီးကြီး တွေကို လေ့လာ တတ်မြောက် လာတဲ့ အခါ..နာဖျားနေတဲ့ စိတ်တွေအတွက် ဖြေသာရာ တစ်ခုခုကိုရလာပါလိမ့်မယ်။

မေမေ သားက အဖြောင့်အတိုင်းလျှောက်တဲ့ အခါ သင်္ချာပညာရှင်က ၃၆၀ ဒီဂရီကောက်နေတဲ့ ခြေလှမ်းလို့ပြောတယ်မေမေ ... သားက အလင်းဖြစ်ချင်တယ်ဆိုတော့ ရူပဗေဒပညာရှင်က အနည်ထနေတဲ့ တောက်ပမှုဖြစ်တော့ရော ဘာထူးမှာလဲတဲ့ ....။ မေမေ သားတို့စကားဝိုင်းမှာ ရင်ကွဲနာကျသူတွေအကြောင်းဆွေးနွေးတဲ့အခါ ဓာတုဗေဒ ပညာရှင်က ဓာတ်ပြောင်းလဲမှုတစ်ခုမျှသာတဲ့ ...မေမေ သားကန်ထုတ်လိုက်တဲ့ ကျောက်တုံးကရော ထောင့်ချုပ်ကျောက်တစ်လုံးပဲလား ...။ ဘုရားသခင်နဲ့တွေ့မှ မေးကြည့်တော့မယ်မေမေ ...။ ရိုးသားမှုတစ်ခုရဲ့တန်ရာတန်ကြေးကို ရှာဖွေတွေ့ရှိမှပဲ လူတွေလည်း ဒုတိယ မီးကို ရှာတွေ့တယ်လို့ ဂုဏ်ယူနိုင်တော့မယ်မေမေ ...။ အခုတော့ သား အိပ်မပျော်ခြင်းတွေကို ခင်မင်စွာပေါင်းဖော်ဖြစ်နေတယ်မေမေ ...၊ ဘုရားသခင်ကိုယ်တိုင်လည်း ညည အိပ်မပျော်တတ်တဲ့သူတစ်ယောက်များလားမေမေ .. ရွှေပုံသဏ္ဍာန်တော်နဲ့ အညီဖန်ဆင်းတော်မူတယ်လို့ ဆိုတယ်မဟုတ်လားမေမေ ...။

သံသရာရဲ့အရွေ့ကိုက ၃၆၀ ဒီဂရီရှိလေတော့ အဖြောင့်အတိုင်းခြေလှမ်းတွေရဲ့အရွေ့ဟာ ၃၆၀ ဒီဂရီကောက်နေခဲ့မှာပဲသား။ သံသရာတစ်ခုလုံးလျှောက်ခဲ့တဲ့ ခြေလှမ်းတွေက ဖြောင့် တန်းနေခဲ့ပါလျက် ကံတရားက ကွေ့ကောက်နေခဲ့တာကျ ဘယ်လိုပြောကြမလဲ။ မေတ္တာတရားရဲ့ အလင်းဓါတ်တွေအကြောင်းကို မေမေတို့ဘယ်သူနဲ့ဆွေးနွေးနိုင်ကြမှာလဲ။ စတီဖင်ဟောကင်းဟာ အနည်ထနေတဲ့ အလင်းတစ်မှုန်တော့ မဟုတ်နိုင်ဘူးထင်ပါတယ်။ ကောရိ န္တု သြ၀ါဒ ပထမစာစောင် အခန်း ၁၃ ကို ဘယ်လို ယူနစ်တွေနဲ့များ တိုင်းတာ တွက်ချက်လို့..အဖြေထုတ်နိုင်မှာမို့လဲ။ မဒမ်ကျူရီလည်း အသည်းကွဲခဲ့ဖူးမှာပါပဲ သား ရယ်။ ကျမ်းစာမှာတော့ပြောတယ်သား။ အိပ်ပျော်ရသောအခွင့်ကို ချစ်တော်မူသော သူအား အမှန်ပေးတော်မူ၏ .. တဲ့။ ဘုရားသခင်ကတော့ သူ့ရဲ့ချစ်ခြင်းအားဖြင့် သူ အိပ်စက်ခွင့် မရှိသူဖြစ်တယ်။ သူတစ်ပါးကိုပိုချစ်တဲ့သူဟာပိုပြီးအနစ်နာခံရတတ်သတဲ့။

မေမေ ရှုံးနိမ့်မှုတွေက ထလာတဲ့သူတစ်ယောက်အတွက် စောင့်ကြိုနေတဲ့ နောက်ထပ်ရှုံးနိမ့်မှုတွေကရော စောစောထတဲ့ ငှက်တွေပဲလား ...။ သူတို့ကို ပျင်းရိခွင့်ပေးဖို့ အကြောင်းကြားပေးပါမေမေ ...။ ရေထဲမှာ ငါးတစ်ကောင်နစ်နိုင်တဲ့အကြောင်း ...၊ လေထဲမှာ ငှက်တစ်ကောင် အပျံမှားသွားနိုင်တဲ့အကြောင်း .... လမ်းလျှောက်နေတဲ့သူတစ်ယောက် ချော်လဲနိုင်တဲ့အကြောင်း ...။ စိတ်တစ်ခု အထားအသိုမှားပြီး Black Hole ဖြစ်လာနိုင်ကြောင်း သား တောင်စဉ်ရေမရပြောမိတဲ့အခါ ... မေမေနားလည်ပေးပါ။ အက်ရာတွေများတဲ့လောကထဲမှာ သား ... လောကနဲ့ အသားကျဖို့ စိတ်အက်အက်တစ်ခု တပ်ဆင်ထားလိုက်တယ်မေမေ ....။ လဲနေသူတစ်ယောက်ကို ထူမယ်ဆိုရင် အရင်ဆုံး ခါးကိုင်းပြီးမှ လက်ဆန့်ရသလိုပေါ့မေမေရယ် ....။ ..သား ... လဲနေတဲ့သူနဲ့ လှဲနေတဲ့သူမခွဲခြားတတ်ဘဲ ထူနေမိတယ်မေမေ ...။ သားမျက်လုံးတွေကို လှဲလှယ်ပေးပါမေမေ ... ဒါမှမဟုတ် သားရဲ့နှလုံးသားကို လဲလှယ်ပေးပါ ....။

ကိုယ့်ကိုယ်ကိုပဲပြင်ဆင်လို့ရတဲ့လောကကြီးထဲမှာ ကိုယ့်စိတ်ကိုယ်ပြင်ဆင်ဖို့ဆိုတာကလဲ အခက်ဆုံးတစ်ခုပဲသား။ ဒါပေမယ့် အဲဒါကိုက အောင်နိုင်မှုတစ်မျိုးပဲလေ။ ရှုံးနိမ့်မှုတွေကို ဆင့်ကဲလက်ခံရရှိလိုက်တယ်ဆိုတာကိုက ယှဉ်ပြိုင်ခွင့်ရှိနေသေးတယ်လို့ပဲ ကျေနပ်လိုက်ပါ တရားခြင်း မတရားခြင်းတွေကိုတော့ လောကပါလတရားက သူ့ဘာသာသူဆုံးဖြတ်ပါလိမ့် မယ်။ မမြင်ရတဲ့ ဝဋ်ကြွေးတွေအတွက် မေမေတို့မှာ တာဝန်မရှိပါဘူး။ သားရဲ့ တောင်စဉ်ရေမရ စကား လုံးတွေကို မေမေ့ မေတ္တာတရား နဲ့စဉ်ပေးလိုက်တဲ့အခါ အရာရာဟာ လင်းဝေနိုးထလာပါ လိမ့်မယ်။ အက်ကြောင်းတွေကို တော့ ခဏ မေ့ထားလိုက်ကြရအောင် သား ။ ကမ္ဘာမြေကြီးရဲ့ လှုပ်နိုးခံရမှုနဲ့အတူ လမ်းကြောင်းပြောင်းသွားတဲ့အခါ အရာရာဟာ ပကတိအတိုင်းဖြစ်ခွင့်ရသွားကြပါလိမ့်မယ်။ ဘုရားသခင်ပေးသနားတော်မူတဲ့ အဖြူရောင်နှလုံးသားကိုတော့ ဒီတိုင်းပဲထားကြရလိမ့် မယ်။ ထူခွင့်ရနေသေးတဲ့လက် ထူမချင်နေသေးတဲ့စိတ်တွေအတွက်ပဲ ကျေးဇူးတော် ချီးမွမ်းလိုက်ကြရအောင်။

တိတ်ဆိတ်နေတဲ့ တစ်ခြမ်းပဲ့လလေးကို သားလွမ်းတယ်မေမေ ....။ ကုမုဒြာကို ဖွင့်တဲ့သော့ကို လရောင်မှာ သားရှာနေမိတယ် ...။ လရောင်ဝါတွေညွတ်ကွေး နေတဲ့ ဂီတစာရွက်တစ်ရွက်ကို ငြိမ်းချမ်းတဲ့ တယောသမားတစ်ယောက် ကောက်ရပါစေလို့ သားဆုတောင်းပေးနေမိတယ် ...။ အရောင်ကန်းနေတဲ့သူအတွက်လည်း လရောင်ဟာ လင်းနေမှာပါမေမေ ...။ ခဲဖျက်မပါတဲ့အတွက် အမှားတွေမပြင်နိုင်တော့ဘူးပေါ့ ...။ ဘ၀ကို သိပ်နီမြန်းသွားမှာစိုးတယ်....။ ကြက်ခြေခတ်တွေက ပစ်မှတ်တစ်ခုလို ဘ၀ကို ချိန်ရွယ်ပစ်ခတ်ခဲ့တဲ့ သားရဲ့ ထိချက်အလွဲတွေပါမေမေ ...။ မေတ္တာဟာ အဖြူရောင်ဆိုတော့မေမေရယ် ... ဒီဘ၀မှာ သိပ်ရောင်းမကောင်းလှဘူးပေါ့ ....။ ဈေးခေါင်းကွဲတယ် မေမေရယ် ...။ အချစ်ဦးဆိုတာ မငြိမ်းသောမီးမဟုတ်လား ....။

တစ်ဘဝလုံးရေးခြစ်လာတဲ့စာမျက်နှာတွေအတွက် အားလုံးကို အမှန်ချည်းပဲလိုချင်လို့ တော့ ဘယ်ဖြစ်နိုင်ပါ့မလဲ။ အနီရောင်ကြက်ခြေခတ်တွေလည်း ခပ်ကျဲကျဲတော့ ပါနေလိမ့်မယ် ။အဲဒီအတွက် နောင်တရစရာမလိုဘူးသား။သင်ခန်းစာယူတတ်ဖို့ပဲလိုပါ တယ်။ သန့်စင်ကြည်လင်တဲ့ ချစ်ခြင်း တွေနဲ့ လွှမ်းခြုံထားတဲ့ ကမ္ဘာကိုတော့ လူတိုင်းတပ်မက်ကြလိမ့်မယ်လို့ထင်ရင် မှားသွားမှာ ပေါ့သား..။ တချို့လူတွေက မွေးဖွားလာကတည်းက အရောင်တစ်ရောင်တည်းနဲ့ မှောင်နေကြ သူတွေဖြစ်တယ်။ လရောင်ကတော့ အစဉ်အဆက်ဖြာကျနေမှာပါပဲ။ ဒါပေမယ့် ကုမုဒြာ တိုင်းကတော့ လရောင်နဲ့ပွင့်ချင်မှပွင့်ကြလိမ့်မယ်။ ဘယ်အရာမှပုံသေကားကျ တွက်ဆလို့ မရတဲ့ ကမ္ဘာမှာ မငြိမ်းဘူးထင်တဲ့ မီးတွေလည်း ငြိမ်းသွားကြလိမ့်ဦးမယ်။ ထိုက်တန်တဲ့ သူတွေအတွက် သားရဲ့ အဖြူရောင်မေတ္တာတွေကိုသိမ်းဆည်းထားလိုက်ပါ။

တကယ်လို့ သော့တစ်ခုပိတ်ခွင့်ရမယ်ဆိုရင် သားမနက်ဖြန်တွေကို ပိတ်ထားလိုက်ချင်တယ် ...။ ဒီနေ့အထိ နေထိုင်ခဲ့တဲ့လူတစ်ယောက်ဟာ ဒီနေ့မှာ ပြီးဆုံးပျောက်ကွယ်သွားသလိုပေါ့မေမေ ... မနက်ဖြန်မှာသူမပါတော့ဘူး .. ပန်းပွင့်ရဲ့ရနံ့ထဲမှာသူမပါတော့ဘူး ... လေညင်းရဲ့အေးမြမှုထဲမှာသူမပါတော့ဘူး။ သစ်ရွက်တစ်ရွက်ကြွေကျသံထဲမှာ သူမပါတော့ဘူး ..။ ဇာတ်နာအောင် ဗီလိန် တစ်ပြုံကြီးသုံးထားတဲ့ မြို့ပျက်ကြီးမှာ သူမပါတော့ဘူး ...။ သူ ... ခရမ်းရောင် အလံတစ်လက်ကို လွှင့်ထူရင်း ကျဆုံးသွားပါပြီမေမေ ....။

ခရမ်းရောင်တွေတဖျတ်ဖျတ်လွင့်ဝဲနေတယ်။ အလွမ်းဟာ အနည်းဆုံးတစ်ရာသီတော့ ခံလိမ့်မယ်သား..။ သူ့ရာသီကုန်ရင်တော့ သူလည်း သူ့အလံကိုသိမ်းရုတ် တပ်ဆုတ်သွားရပါလိမ့်မယ်။ ဒါဟာလည်း လောကရဲ့ဓမ္မတာပါပဲ သား။ ကံတရားရဲ့ စာမျက်နှာတွေကိုကျော်လွန်လို့ မနက်ဖြန်တွေကို ပြင်ဆင်ခွင့်မရှိသလို ကိုယ့်ကိုယ်ကို မှုတ်သိမ်းငြိမ်းသတ်ခွင့်လည်း မရှိပါဘူး။ နီစွေးစွာရဲရင့် တည်ငြိမ်စွာပြာလွင် လို့ ခရမ်းရောင်တွေကို ဖြိုခွဲပစ်ခဲ့လိုက်ရင်း နံနက်ခင်းအသစ်တွေနဲ့အတူ ကိုယ့်ကိုယ်ကို ထူမတ်ပစ်လိုက်စမ်းပါ။ မနက်ဖြန်ဟာ ရနံ့သစ် တွေနဲ့မွှေးမြကြည်လင်နေခဲ့ပါလိမ့်မယ်။ ။

မနော်ဟရီ၊Zephyr

စက်တင်ဘာ Vs စက်တင်ဘာတေးချင်း

Friday, September 11, 2009

စက်တင်ဘာ
တော်သလင်းနေ... တဲ့
ပုစွန်တွေသေကြတာပေါ့ ... ။
စွတ်စိုမှုရာသီရဲ့အစွန်းနား
မျက်ရည်တွေကို ကုန်စင်အောင်ခါချ
ဘာမှမသိသလို ရှေ့ကို ခရီးဆက်ဖို့တာစူ
နောက်ဆုံးပြာကျနေတဲ့ ဆည်းဆာရိပ်မှာ
ဆူးမဲ့နှင်းဆီတွေဟာရှင်သန်
ပြန်မလာတော့မယ့်
သူ့ရဲ့ရနံ့တွေအကြောင်း... သီချင်းဖွဲ့ဆို... ။
အလို...
ဟိုကလာနေတာ...
ငါ့ညီအစ်ကိုတော်တွေမဟုတ်လား
အင်္ကျီတွေပေါ်မှာ နှင်းစက်တွေရွှဲရွှဲစိုလို့
မငိုကြပါနဲ့
ငါ... ပြန်လာတဲ့အခါ...
ဝမ်းသာအားရ ကြိုမယ့်သူတွေ
တစ်တောလုံး တစ်တောင်လုံး
ရှိနေရဲ့ ။


မနော်ဟရီ
စာပေဂျာနယ် 96



စက်တင်ဘာတေးချင်း
နှင်းတွေ ...
မာယာတွေ ...
နွေကို ယက်ဖောက်ထွက်လာခဲ့တဲ့ ဆံနွယ်ပျော့ပျော့တွေ


သက်တူရွယ်တူလောကထဲမှာ ..
ငါ လူလားမြောက်ခဲ့တယ် …
“ချစ်ခြင်းမေတ္တာဟာ”… ဟာ
မှော်ဆရာတစ်ယောက်ရဲ့နိဂုံးလို
နောက်ဆုံးမှာ …
မီးခိုးလုံးများ ဖြစ်သွားရော့မလား…
ငါတွေးရင်းတောရင်း လူလားမြောက်ခဲ့တယ် …။


ရောက်ဖို့နောက်ကျနေတဲ့ တနင်္ဂနွေတွေ ...
ဘယ်သူကရော တနင်္ဂနွေနဲ့တိုင်းပြီး ၀တ်ရည်တစ်ကိုင်းချိုးပေးဦးမှာလဲ ....
အယုံအကြည်မဲ့နေမှန်းသေချာသွားတဲ့ အခါမှာ ..
တိမ်တွေသာပြိုဆင်းနိမ့်ကျွံလာတယ် ....။
တစ်နေ့ချင်းနောက်ကျလာလိုက်တာ ..
အကုန်လုံးစားသွားတဲ့ အင်္ဂါလည်း နောက်ကျပြီ ..


ခုနစ်သံချီကြေကွဲနေတဲ့ ရထား ပေါ်က ခုံနံပါတ် ၁၄ မှာ ကွက်လပ်တစ်ခုက ခုံနံပါတ် ၁၃ နဲ့ တွဲစီးသွားပါပြီ ...
သံယောဇဉ်ကိုမှ ခုတ်ထွင်ရှင်းလင်းတတ်တဲ့လယ်သူမဟာ ....
ဒီနစ်တော့ မိုးရေချိန်ကြဲပါးသော ရာသီဥတုအလွတ်တစ်ခု ကောက်ရခဲ့တယ် ...
ဟင်းလင်းပြင်ထဲမှာ ညပ်နေတဲ့သစ်သီးရဲ့ရနံ့ဟာ ..
သောက်ရေဖြူဖြူတွေအတွက်ပါ ...


ဟမ်းလော့ဒ်တွေဖြူနေအောင်ပွင့်မှ ..
ငါ့ရင်ခွင်ကို ဆွဲဖွင့်လိုက်ပါ ...
အလွမ်းတွေ တဝေေ၀ ခရေနှင်းစက်တွေ တဖားဖား
မျက်ရည်နဲ့တိုက်စားသွားတဲ့ညများစွာ ....
ကြယ်ကြွေလင်္ကာပေါင်းများစွာ ...
ရေးခွင့်မရခဲ့သော ပန်းပုရပိုဒ်များစွာ ..
နာဖျားကွဲအက်နေတဲ့ ခရမ်းရောင်ကျောက်ချပ်များစွာ ..
တရွေ့ရွေ့ဆုတ်ခွာသွားတဲ့ မြရာပင်ကြီးရဲ့ ၀ိညာဉ်လို ...
နှင်းရေ စိုစွတ်စွာ လောင်ကျွမ်းနေဆဲ ဗီဇနာများစွာ ...။


မြေကြီးဖြစ်မှတော့ ...
မိုးလွတ်ပါ့မလားလို့ တွေးမနေနဲ့တော့ တဲ့...
ငုံ့ကိုင်းရိုကျိုး ချစ်မြတ်နိုးခဲ့သော
စပါးပင်လေးတစ်ပင် ...

အခုတော့ ..
အခုတော့လည်း ....
ဆောင်းအိပ်မက်ကို ကျစ်ကျစ်ပါအောင် ထွေးရင်းပွေ့ရင်း....
မြင်းသည်တော်တွေမမီတော့မယ့် အရပ်ဆီကို ...
ပျံသန်းသွားခဲ့ပြီ.....


သိုးကျောင်းသားရဲ့ ခံနိုင်ရည်နဲ့
နတ်ဘီလူးတွေရဲ့ သတိရခြင်းမျိုးက
ငါ့ကို…ဆီးမိုးထားတယ်…။
မိုးရယ် ..
သိုးကျောင်းသားရဲ့ခံနိုင်ရည်နဲ့
နတ်ဘီလူးတွေရဲ့ သတိရခြင်းမျိုးက ငါ့ကို ဆီးမိုးထားတယ် …။

နှင်းမြားတစ်လက်ရဲ့ အဆိပ်နဲ့
နိမိတ်မကောင်းတဲ့ပုံပြင်
မမြင်ဘူးသော နေ့များ…ညများ
ပိတောက်ပိုင်းဖျားမှာ…၀ပ်တွားစုရုံး
ငါ့ကို…ချည်ထုံးခဲ့တာ…
(ခု…အချိန်တိုင်အောင်…)
အလင်းစိမ်းတန်းတွေ ရစ်ဖွာလို့ကွယ်။

ပြီးဆုံးသွားတာသေချာပါတယ်။
နှင်းခိုးတွေ
ပြီးတော့ ဒိုင်ယာရီချိုခါးတစ်ခွက်
ပြီးဆုံးသွားတာက သေချာပါတယ်။

အခုတော့ …
မိုးတွေကို တိုးတိုးကလေး ရွာရဦးမှာပေါ့လေ
မိုးတွေကို တိုးတိုးကလေး ရွာရဦးမှာပေါ့ …။
အရှင်လတ်လတ်လွမ်းလိုက်ရတာ
ဘာနဲ့မှကိုမတူတော့ဘူး
မပွင့်ဘဲဖူးခဲ့ရတဲ့ကောင်မို့
. .. .မှောင်တယ် …. စက်လက်မှောင်ကျသွားတယ် ….
အမှောင်ဆုံးအထိ …
တစ်ချိန်မှာ ငါလင်းမြခွင့်ရချင်တယ် …
ငါနောက်တစ်ကြိမ်ပြန်ပွင့်လာတဲ့အခါ ….
….
ငါ့ကို အလင်းနဲ့ကြိုပါ …
ငါ့ကို အလင်းနဲ့ကြိုပါ …. ။ ။

(ကဗျာက Collage လုပ်ထားတာပါ ... စက်တင်ဘာ ၁၃ မှာမွေးဖွားခဲ့တဲ့ မှော်ဆရာအတွက် Zephyr ရဲ့လက်ဆောင်ပါ ...။ တာရာမင်းဝေ နဲ့ မနော်ဟရီ တို့ရဲ့ကဗျာတွေနဲ့ collage လုပ်ထားပါတယ် ...။ စကားစပ်တွေနဲ့ စာတစ်ကြောင်းနှစ်ကြောင်းကလွဲပြီးဘာမှထပ်မဖြည့်ထားပါဘူး .. )
Zephyr

သိုက်စာ

Tuesday, September 8, 2009

သိုက်စာ
ထစ်ကနဲဆို
ပြိုမည်တကဲကဲဖြစ်နေသောတိမ်အုပ်များ
လေနှင်ရာလွင့်ပါးသွားခဲ့ကြပြီ။

အကြောင်းကြားစာနောက်ကျသွားသောအတိတ်တံခါးချပ်
ဖျတ်ကနဲပွင့်….
အနီရင့်ရင့်တွေသာ လန်းစွင့်လာခဲ့။

ခုလောက်ဆို….
တစ်နေရာရာမှာ ခြေကုန်လက်ပမ်းကျ
သူတို့ရွာချလိုက်ပြီးရောပေါ့…။ ။

မနော်ဟရီ
၁.၈.၂၀၀၉

အချစ်ဆိုသော လက်တမ်းပုံပြင်များအကြောင်း

Wednesday, September 2, 2009

ဝါဝါက တက်ဂ်ပါတယ်။ အချစ်အကြောင်းတဲ့..။ စည်းကမ်းချက်ကလည်းပါလိုက်သေးတယ်။ အမှန်က ထုံးစံအတိုင်း တက်ဂ်ပို့စ်တွေမှာ ကျွမ်းကျင်စွာညံ့တတ်တဲ့ ကျွန်မက ဝါဝါ့ဆီမှာ အကြွေးက သုံးခုပါ။ ဒီပို့်စ်လေးကိုတော့ထပ်ရှောင်လို့မကောင်းဘူးဆိုပြီး တစ်ခါကရေးဖူးခဲ့တဲ့ကဗျာလေးကို ပြန်တင်ပေး လိုက်ပါတယ်။ ရွှေဖူးစာ မဂ္ဂဇင်း၊ အချစ်ဂျာနယ် မျက်နှာဖုံးနဲ့ နောက်ထပ် စာမျက်နှာသုံးလေးခု လောက်မှာပါထားပြီးသားဖြစ်တဲ့အပြင် ဘလော့ခ်စလုပ်တုန်းကလည်း တင်ထားဖူးတာမို့ အဟောင်း လို့ပဲ ပြောကြရအောင်။ ဒါပေမယ့် မဖတ်ရသေးတဲ့သူတွေနဲ့ တက်ဂ်ထားတဲ့ ဝါဝါ့အတွက် အမှတ်တရပါ။

အစ... ဘုရားသခင်က ကြွေအံမကစားတော့ဘူးဆိုပြီး အံစာတုံးကိုကောက်အသိမ်း အိတ်ဝကနေ ချော်ကျလာတဲ့ အံစာတစ်တုံးဟာ ငါတို့ရဲ့ ကံကြမ္မာဖြစ်တယ်။ ကြည့်လိုက်တော့ မျက်နှာပြင် ခြောက်ခုလုံး နဲ့ မသက်ဆိုင်တဲ့ အံစောင်းတစ်ခုဖြစ်နေခဲ့တယ်။ ဒါပါပဲ ။ နောက်ထပ်လက်တမ်းပုံပြင်အသစ်တစ်ပုဒ် ဘုရားသခင် ကိုယ်တိုင် နားဆင်ခွင့်ရသွားခဲ့တာပေါ့

လက်တမ်းပုံပြင်
ရင်ကိုတောက်စားတတ်တဲ့ဖဲပွင့်တွေအကြောင်းကစ ရအောင်
“ချစ်တယ်”ဆိုတာတကယ်တော့“သေဆုံးခြင်း”တဲ့..
နားလည်သူတွေရဲ့ ခေါင်းတညိတ် ကိုပဲ လက်ခံမှာပါ..
အနာဂါတ်ဟာ ဘာအကြောင်း အရာမှရေးထိုး မထားတဲ့ စာရွက်တစ်ရွက် မှ မဟုတ်ပဲ
ခဲဖျက် ဆိုတာကလည်း ငယ်တုန်းပဲ အသုံးဝင်တာ...
“မသေချာဘူး”ဆိုတဲ့ လူတွေကို ပြုံးကြည့်ရင်း
မျက်နှာကြော တွေ တောင် တင်းလာ လိုက်တာ
ကမ္ဘာဦးကျမ်းကြီး တောင် မြွေတစ်ကောင်နဲ့  အကြီးအကျယ် ပြဿနာတက်လို့ ..
“ငါတို့ နောက်ဆုတ် ကြပါတော့လား”
ကိုယ့်ကိုကိုယ် ပြောတာတောင် ကြားအောင် မပြောရဲတဲ့ နောက်
ချောက်ကမ်းပါး ဆိုတာလည်း ဂန္ထ၀င် ဂီတတစ်ပါး ပဲပေါ့
တစ်ခုပဲ…တစ်ခုပဲ…
ဒီနေ့ ထိ လူတွေ အယူလွဲနေတဲ့ “အချစ် အကြောင်း စစ်စစ်” ကို
ဘယ်လို လူကမှ သေချာမသိ လေတော့
လက်တမ်းပုံပြင် တွေ တလေတလွင့် ရေပန်းစားကျန်ခဲ့တာ… မဆန်းပါဘူး။
မနော်ဟရီ
၂၀၀၃