Sunday, October 26, 2008

ကျွန်ုပ်တို့ရင်ထဲမှ
သင်တို့၏ရင်ထဲသို့



(၁)

ကျနော်၏အသဲနှလုံးဘက်မှခုခံကာကွယ်
ပြောဆိုရန်အင်အားကျန်သေးသည့်အတွက်
ဂုဏ်ယူလိုက်မိပါသည်။

(ဖူးချစ်)



သူ့ရဲ့ “ကြိုးစင်ပေါ်ကမှတ်စု” တခါဖတ်ပြီးတိုင်းတခါတုန်လှုပ်ခဲ့ရပါတယ်။
အဲဒီမှတ်စုကို၊သူသေဆုံးတော့မယ်လို့သိနေချိန်၊သေဒါဏ်အမိန့်ကြားသိပြီးချိန်မှာ
ရေးခဲ့တာပါပဲ…။အံ့သြဖွယ်ရာသူ့မှတ်စုဟာ ရေးသားခဲ့တဲ့ကာလနဲ့မထိုက်တန်စွာ
“အချစ်စိတ်”တွေပြည့်လျှမ်းနေတယ်။ဤလူလောကအားသူ့အချစ်၊ဤလူသားတို့
အားသူ့အချစ်၊အနာဂါတ်ပျော်ရွှင်မှုအား သူ့အချစ်၊ “သင်တို့ကို ကျွန်ုပ် ချစ်ခဲ့ပေသည်”တဲ့။
တကယ်လို့သာကျနော်တို့ဟာ သေရတော့မှာမလွဲမသွေသိရှိနေတဲ့အချိန် ၊သေအံ့မူးမူး
အချိန်မှာရောက်ရှိနေလို့ဖြစ်ရင်၊သူ့လို သူ့ခေတ်ကို နူးညံ့ထက်ရှစွာ၊စိတ်လက်ရှည်စွာ၊
တည်ငြိမ်စွာ စီကာပတ်ကုံး ပြောပြရေးသားနိုင်ခဲ့ပါ့မလား။ ကျနော်တို့ဟာနောင်တ နဲ့
ငိုယိုနေသူတွေဖြစ်မလား။ဆဲရေးကျိမ်စာတိုက်နေသူတွေဖြစ်မလား။အဲသလို သံသယ
များနဲ့ အမှောင်ဆည်းဆာထဲမှာ ကျနော်တို့ဟာမိမိကိုယ်မိမိပျောက်ဆုံးနေခဲ့ကြတယ်။

(၂)

တကယ်တော့ကျနော်တို့တတွေဟာ အ၀ိဇ္ဇာဖိစီးမှုအောက်မှ“အမြိုက်ရေကြည်”
လေးတစ်ပေါက်လောက်နဲ့ခရီးဆက်နေရသူတွေပါပဲ။ခေတ်နဲ့ လောကဓံရဲ့  ရိုက်ပုတ်မှုကြောင့်
မြုတ်ချည်ပေါ်ချည်နဲ့ “ဘ၀အလွမ်း၊ဘ၀အမော”တွေသာ ရင်မဆန့်အောင်သယ်ဆောင်နေရ
တယ်..။လူငယ်ဘ၀ရဲ့ ခွန်အားနဲ့ပျော်ရွှင်မှုတွေဟာပြန်မတွေးရဲလောက်အောင်ပဲ ကုန်ခမ်းခဲ့ရ
ပါပြီ…။တခါတလေဘ၀ကိုငြီးငွေ့ မိတဲ့အထိ အနိဌာရုံတွေဟာနီးနီးကပ်ကပ်အော်ဟစ်နေကြ
လေရဲ့ ။နိုင်ငံရေး၊ အချစ်၊ဘ၀ ကိုချစ်တတ်လို့သာဘဲ။“ ဘ၀ကိုငြီးငွေ့ တာလောက်လူမဆန်
တာမရှိဘူး” လို့ပြောပြချင်ခဲ့ပါတယ်။ “လူသားဟာဒုက္ခ၊ဗျာပါဒရောက်ရှိချိန်မှာဆွံ့ အနေပေမဲ့
ငါ့မှာတော့ ၊ငါခံစားရတာတွေကိုဖော်ပြဘို့၊ဘုရားပေးပါရမီရှိတယ်” ဆိုတဲ့ ကဗျာလေးတပိုဒ်
ကိုသတိရနေခြင်းနဲ့ကျနော် တို့ “ဒီနေ့” ကိုရင်ဆိုင်ရဲခဲ့တယ်။


(၃)

လွန်ခဲ့တဲ့ “၁၀နှစ်”ကဆိုရင်ကျနော်တို့ဟာ ခလေးသာသာတွေပေါ့။ အဲသလိုနဲ့
၁၀နှစ်ကိုဖြတ်သန်းခဲ့ကြတော့ ကျနော်တို့ရှေ့ ကလူများရဲ့  အတွေ့အကြုံနဲ့မယဉ်ပါးခဲ့ရဘဲ၊
သူတို့မခံစားဘူးတဲ့နေ့ရက်တွေနဲ့ ခါးခါးသီးသီးထိတွေ့ခဲ့ရတယ်။
နုပျိုတဲ့ရင်ခုန်သံတွေဟာ အဆိပ်သင့်လို့ဘဲ စကားသံတွေဟာကြမ်းတမ်းနေတယ်။
ချစ်သူနဲ့ဆုံတဲ့အခါတောင် ဥပက္ခာစိတ်နဲ့ တ၀က်ပဲချစ်ရတယ်ဆိုသလိုပါဘဲ။ ပတ်ဝန်းကျင်မှာ
“လူ့ဆက်ဆံရေး”တွေဟာလဲဘဲ ကြောက်မက်ဖွယ် ရှုပ်ထွေးနက်ရှိုင်းစွာကွေ့ကောက်နေတော့
တယ်..။ဒီလိုဆိုတော့ ကျနော်တို့နှလုံးသား ၊ခင်ဗျားတို့နှလုံးသား၊သူတို့နှလုံးသားများရဲ့ ခေါ်ထူး
ပဲ့တင်မှု မပြုနိုင်တော့ဘူးလား။အတွင်းသားကိုရောမစူးစမ်းနှိင်တော့ဘူးလား ။မဟုတ်ပါရစေနဲ့ ၊
မဖြစ်ပါရစေနဲ့။မိမိဘ၀နဲ့ မိမိအတိုင်းအတာနဲ့ မိမိအသံနဲ့ ၊အားလုံးဟာဆောင်ရွက်ခဲ့ပါတယ်။
အခု “၇၄” အရိပ်တို့လည်းရှည်မျောခဲ့ပါပြီ..။ဘ၀တွေလဲပွန်းပဲ့ခဲ့ပါပြီ။အသံတွေလဲနာ
ခဲ့ပါပြီ။ကျနော်တို့ကောင်းကင်မှာဘယ်လိုကောင်းကင်ကြီးရှိပါသလဲ။ဘယ်လိုကောင်းကင်ကြီးရှိ
ပါသလဲ။
ကျနော်တို့ခေါင်းပေါ်မှာ ဘယ်လိုကောင်းကင်ကြီးရှိပါသလဲ။ “ဘ၀ဆိုတာတိုတောင်း
တယ်” လို့သိရှိပြီးတဲ့နောက် ။ ဒီကောင်းကင်ကြီးအောက်မှာ ဆက်လက်လမ်းလျှောက်ဖို့ “ခရီး”
အတွက် “ဖနပ်” ကိုရွေးချယ်ပြီး ဖြစ်ရပါတော့မယ်။ မိမိခရီးနဲ့မိမိဖနပ်အတွက် ၊လူ့သက်တမ်း
တ၀က်လောက်ကျနော်တို့ဟာရှာဖွေခဲ့ပြီးပြီမဟုတ်ပါလား။
ဒီကောင်းကင်ကြီးအောက်မှာ ကျနော်တို့ ကဗျာတွေရေးတယ်။ ကဗျာဆရာအဖြစ်
မိမိကိုယ်ကိုရှာဖွေတွေ့ ရှိခဲ့ပါတယ်။

(၄)

လူတိုင်းဟာ မိမိ “အလုပ်”ကိုလေးမြတ်သင့်ပါတယ်။ကျနော်တို့မိမိအလုပ်ကိုလေးမြတ်
ဖို့အတွက်အသက်ရှူနေပါတယ်။အချို့ ကိုလည်းထားခဲ့ပါတယ်။တချို့ကိုလည်းနှုတ်ဆက်ခဲ့ပါတယ်။
တချို့ကိုတော့လေးစားပါတယ်။

(၅)

တချို့ကိုလည်းကျေးဇူးများစွာတင်ပါတယ်။ အခုမှစရမဲ့ကျနော်တို့အတွက်ပြန်ကြည့်စရာ
ကားချပ်များလိုအပ်လှပါတယ်။ သေဆုံးမှုအဖန်ဖန်၊မွေးဖွားမှုအဖန်ဖန်မှာ၊ ကျနော်တို့ ရဲ့အခုတခါ
မွေးဖွားမှုဟာ ဤကမ္ဘာထဲသို့မိမဲ့၊ဖမဲ့ အလိုအလျောက်ရောက်ရှိလာတယ်လို့ မတွေးထင်သင့်ပါ။
ကျနော်တို့ခရီးမှာ အခုထက်တိုင် စိမ်းစိုနေတဲ့ကားချပ်ကတော့ “စာပေသစ်”ပါပဲ။
“၇၀”အလွန်မှာမှတစစလှုပ်လွန့်ပြီးအရွယ်နဲ့မမျှအောင်ဆွဲချဖျက်ဆီးခံနေရတဲ့ “ခေတ်ပေါ်ကဗျာ”
ဟာ ၊လွန်ခဲ့တဲ့နှစ်သုံးလေးဆယ်က “ရွေးချယ်မှု” ရဲ့“စွန့်စားခန်း”ကို စာနာနိုင်ပါတယ်။ “လောက
အမွန်” “မတ်လတော်လှန်ရေး”နဲ့ “တဟီတီသွားရအောင်” ရဲ့ဆက်သွယ်မှုမှာ -ကျနော်တို့ဝင်စား
ခဲ့ပါတယ်။
ကျေးဇူးများစွာတင်ပါတယ်။

(၆)

ဗိုလ်ချုပ်လမ်း မုံ့တိုက်မှာဆုံကြတော့ - “နှင်းထူထူထဲထဲကျနေရင်”…ကို ဆင်ခြင်ရင်း
ငြိမ်သက်စွာထိုင်နေမိကြတယ်။ “ခနငယ်”များဖြတ်သန်းသွားနေသံဟာကြေကွဲစရာကောင်းလှပါ
တယ်။ ဒါဖြင့်….“ကျနော်တို့ ကဗျာကိုဖော်ပြချင်တယ်ဗျာ” တဲ့။ “ ကျနော်တို့ကဗျာ” တဲ့။ ဘယ်လို
ကဗျာပါလဲ။

(၇)

ကျနော်တို့ခံစားနေရတာတွေကိုကျနော်တို့အသံနဲ့ ဖော်ပြတာဟာကဗျာဖြစ်လိမ့်မယ်
ထင်တာဘဲ။ ကျနော်တို့ကဗျာဆိုတာ ကနေ့ခေတ် လူငယ်သုံးဦးရဲ့အသံဘဲဖြစ်ပါတယ်။ ရှုပ်ထွေး
နက်ရှိုင်းကွေ့ကောက်သောဖြတ်သန်းမှုကိုဖော်ပြထားတာဘဲဖြစ်ပါတယ်.။
ဖော်ပြထားတယ်ဆိုပေမဲ့ “သရုပ်မှန်နည်း” ဟုတ်ချင်မှဟုတ်ပါလိမ့်မယ်။ သရုပ်မှန်နည်း
မှတဆင့် အာရုံတံခါးပေါက်အားလုံးကစိမ့်ဝင်လာတဲ့အိပ်မက် ၊လူ ၊ထုထည် ၊ အရောင်၊ရနံ့ ၊စစ် ၊
ငြိမ်းချမ်းရေး တို့တိုးတက်မှုရဲ့ “ဖြစ်ပေါ်မှု”များပါဘဲ။အိပ်မက်၊အိပ်မက်နဲ့ဘ၀ ၊ဘ၀နဲ့မျှော်လင့်ချက်၊
အနာဂတ်စသဖြင့်ရုပ်ပုံများစီးမျောမှုပါဘဲ။ ဖက်ဆစ်ဆန့်ကျင်သူ ပန်းချီဆရာကြီး “ ပီကာဆို” ရဲ့
“ကျူဘစ်အမြင်ထောင့်များ” ရဲ့ “ရွာယာနိကား” ပါဘဲ။ ဂုဏ်ရှိတဲ့ “လူရွှန်း” ရဲ့ “စိတ္တဇဒိုင်ယာရီ”
ပါဘဲ။ ပျိုနုဆဲ “ ဒဂုန်တာရာ” ရဲ့ “နှင်းခဲပန်း”ပါဘဲ။
“ဤမှာစ၍ဤမှာဆုံး၏” ဆိုတဲ့ကဗျာကို ကျနော်တို့မရေးတတ်လို့ “ဒုတိယရောဂါ”ကို
ရယ်မောပြီးတဲ့အခါ “ငါ့လိုထိတ်လန့်စရာကိုမတွေ့ကြုံပါရစေနဲ့” လို့ကဗျာဆရာ ရဲ့ရင်ခုန်သံကြား
စေချင်ပါတယ်။
ကြီးကြယ်တဲ့ဆိုင်းဘုတ်များဟာကြည့်ရင်းကြည့်ရင်းမှုံမွှားသွားပြီး အားကောင်းတဲ့
အစက်ကလေးတစက်ရဲ့အနုစိပ်ပီသမှုကြောင့် “အနူးညံ့ဆုံးအချစ်ဦးရဲ့ပါးပြင်ဟာလဲ မဲလို့ ”လို့
ပြောပြဖြစ်ပါတယ်။
ပါးစပ်မှစကားတခွန်းထွက်ပြီးတိုင်း ၊ရင်ထဲမှာ ကျန်ရစ်ခဲ့တဲ့“နာကျည်းမှု”ဟာ “မွဲကြန်
အောက်သိုးသောအနံ့အသက်များ၊သူမ ထားရက်နိုင်ခဲ့ပါပြီ” လို့စီးဝင်ပါတယ်။
ကျနော်တို့ဟာကျနော်တို့ရဲ့ကဗျာများကို ရိုးသားစွာရေးသားခဲ့ပါတယ်။ရင်ခုန်သံကိုဦး
စားပေးခဲ့ပါတယ်။ ဒါပေမဲ့ကာ ကျနော်တို့ကဗျာတွေအပေါ်ထစ်ငေါ့နိုင်ပါတယ်။ ဒီအတွက်တော့
“ခေတ်ပေါ်ကဗျာ”ရဲ့ “စာဖတ်သူများ”နဲ့ “ကောင်းမွန်တဲ့အချိန်”ကိုကျနော်တို့အားကိုးပါရစေ။


(၈)

“တစိမ်းတရံစာ၏အိမ်မှလှေကားသည်မတ်စောက်၏” ဆိုတဲ့ စကားရှိပါတယ်။ စာ
ဖတ်သူများနဲ့ စာချစ်သူများကိုကျနော်တို့ရင်းနှီးချစ်ခင်ပါတယ်။


(၉)

လူဟာ ကမ္ဘာထဲမှာနေထိုင်တဲ့အတွက် သူနေထိုင်တဲ့ကမ္ဘာကိုနေထိုင်ကောင်းအောင်
ပြုလုပ်ဖို့တာဝန်ရှိတယ်ဆိုတာကိုတော့၊ လိပ်ပြာလုံလုံယုံကြည်ကြဘို့လိုအပ်ပါတယ်။


(၁၀)

ကျနော်တို့ပြောပြနိုင်သလောက်ကိုပြောပြခြင်းဘဲဖြစ်ပါတယ်။ ကျနော်တို့ရဲ့“တင်ပြချက်”
များဟာ “နွေဦးပေါက်ရာသီဥတု” “လူသားတို့၏အချစ်” “လတ်ဆတ်သောသစ်သီး” နဲ့ “ သစ်ရွက်
အသေများပေါ်ကရက်စက်သောဂီတ” ရဲ့အရသာကိုမြီးစမ်းကြည့်ဘို့ “ကြောင်းလမ်းခြင်း”ကလွဲလို့.
….ဒိပြင်ကိစ္စတော့ အထူးထွေမရှိပါ..။

လေးစားစွာဖြင့်
အောင်ချိမ့်၊ဖော်ဝေး၊မောင်ချောနွယ်
၁၁၊ဂျူလိုင်၊၁၉၇၄ ၊ရန်ကုန်။


0 Comments: