ကလေး...သို့

Monday, March 9, 2009

မီးပြတိုက်အလွန်ကဗျာစုထဲကပဲဖြစ်ပါတယ်။

ကလေး... သို့
ကလေးရေ...
မုန်တိုင်းတွေဟာမောပန်းလာတယ်
ဘယ်မှာလဲ... ခိုလှုံနားစက်ရာတဲ့
မနက်ဖြန်တွေဟာ
အိပ်ချင်ယောင်ဆောင်နေကြလေရဲ့။

ကလေးရေ
နှုတ်ခမ်းတွေကိုကြားရလား...
စကားလုံးများစွာက ခုန်ထွက်လာရဲ့
အသိသညာတွေဟာ... ကွန်ပျူတာတွေလိုပဲ
delete ခလုတ်တစ်ခု ပိုင်ဆိုင်ထားရမယ်... ။

ကလေးရေ...
မျက်ဝန်းတွေကိုဖတ်တတ်ပြီလား...
ယောင်မှားသံသယတွေသာရရှိခဲ့
ယုံကြည်မှုတွေဟာ... အိပ်ရာမထနိုင်ကြသေးဘူး
မူးယစ်နေတာမျိုးမဟုတ်ဘူးလေ... ။

ကလေးရေ...
နှလုံးသားတွေပျောက်နေတယ်
ဘယ်သူများခိုးယူသွားပါလိမ့်
တစ်ယောက်တည်းကလား...
အများကြီးကလား...
နှလုံးသားတွေကိုရှာဖွေဖို့
နှလုံးသားများစွာ ဖွင့်ရှာရတော့မှာ။

ကလေးရေ...
ပန်းတွေကိုခိုးခူးမထားနဲ့နော်
အပျော်ဆိုတာတခဏ...
ကြွေကျသွားတဲ့ပန်းပွင့်တွေလိုပဲ
ထာဝရမတည်မြဲဘူး
ဆူးစူးတတ်သေးတယ်... ။

ကလေးရေ...
အိပ်မက်တွေကိုတော့
ချိုးမကွေ့ခဲ့လိုက်ပါနဲ့
ပစ္စုပ္ပန်ရဲ့အရှိတရား
ခါးသက်လွန်းလှပါတယ်...
တွယ်ငြိနေတာလည်း မဟုတ်ပါဘဲ
ခွာချမရနိုင်ခဲ့...
ကိုယ်တို့ရဲ့အဆောင်အဖြစ်
အိပ်မက်တွေကိုပဲ ချစ်ရတော့မှာ... ။

ကလေးရေ...
ခန္တီစတရား... တဲ့
ပညာရှိစကားနဲ့သာဆိုခဲ့ရ
သက်သာရာရအောင်လေ...
အမှန်က... အားမတန်၊ မာန်ချ... တဲ့
အဲဒါတွေနဲ့ပဲ
ကိုယ့်ဘာသာကိုယ်လှည့်စားနေခဲ့ရ
တစ်ဘ၀စာမို့သာနော်... ။

ကလေးရေ...
သင်ခန်းစာတွေလေ...
သင်ခန်းစာတွေ...
ပျားရည်ဖွပ်ထားရသလိုပါပဲ
အရသာကတော့ချိုပါရဲ့...
ဒါပေမယ့်... ဒဏ်ရာတွေက နာကျင်လွန်းတယ်။


မနော်ဟရီ

အကန်းတွေမမြင်နိုင်သောအလင်းရောင်

Saturday, March 7, 2009

အကန်းတွေမမြင်ပေမယ့် အလင်းရောင်ကတော့အလင်းရောင်ပါပဲ..တဲ့။စကားပုံတစ်ခုရှိပါ
တယ်။အပြောရက်စက်သလိုရှိပေမယ့်မှန်လည်းမှန်တယ်။ အနုပညာတွေဘာတွေလာပြော
မနေနဲ့ဗျာ…ကျုပ်တို့ကမခံစားတတ်ဘူး…ဆိုတဲ့လူတွေနဲ့ကြုံရတဲ့အခါတိုင်း၊အဲဒီစကားပုံလေး
ကခေါင်းထဲရောက်လာပါတော့တယ်။သူမခံစားနိုင်တဲ့အတွက်၊ကျွန်တော်စိတ်မကောင်းပါဘူး။
သူမမြင်ပေမယ့်အနုပညာကတော့ ရှိနေပါတယ်။ ရသဟာ ရသမြောက်စွာရှိနေတာပါပဲ။
တာရာမင်းဝေ
ပြိုင်မြင်းတိုရဲ့ခွာသံ ၅

မနေ့ကစီဘောက်ထဲမှာ..လာထားသွားတဲ့စာတစ်ကြောင်းကိုတွေ့တွေ့ချင်းခေါင်းထဲရောက်လာ
တာအဲဒီစကားပုံလေးပါ။အမှန်ကတော့ပြိုင်မြင်းတို့ရဲ့ခွာသံဆိုတာကဘာ၊တာရာမင်းဝေဆိုတာ
ကဘာ…ပြန်ရှင်းနေရဦးမယ့်လူပိန်းတွေအတွက်ကတော့ ကျွန်မမှာတာဝန်မရှိပါဘူး။ကျွန်မတာ
ဝန်ရှိတာက ရသစာပေအတွက်ပါ။
သက္ကတအနုပညာမှာ.ရသ.ဟာ.လောကလွန်အကြောင်းအရာလို့ဆိုပါတယ်။လောကအကြောင်း
အရာတွေကိုအနုပညာနဲ့ယှက်ဖောက်ထုံမွှမ်းလိုက်ခြင်းအားဖြင့်ရရှိလာတဲ့ရသအကြောင်းအရာ
တွေဟာလောကအကြောင်းအရာတွေ မဟုတ်တော့ဘူး။လောကလွန်အကြောင်းအရာတွေဖြစ်
နေပြီ….လို့ဆိုထားတဲ့အတွက်…အနုပညာခံစားမှုပါရမီမပါတဲ့လူပိန်းတွေနားမလည်နိုင်တဲ့ကိစ္စ
ဖြစ်သွားပါပြီ။
လောကထဲမှာအသိလေးမျိုးရှိပါတယ်။ ဒါဟုတ်ပါတယ်….ဆိုတဲ့အပေါင်းလက္ခဏာ(+)အသိ၊
ဒါမဟုတ်ဘူး….ဆိုတဲ့ အနုတ်လက္ခဏာ(-)အသိ၊ ဒါဟာဒါနဲ့တော့တူတယ်…..ဆိုတဲ့ညီမျှခြင်း
(=)အသိ၊ ဒါဟာဟုတ်မှဟုတ်ရဲ့လား ဆိုတဲ့မေးခွန်းဝင်(?)…အသိဒီလေးမျိုးပါပဲ။အဲဒါတွေဟာ
လောကအသိဖြစ်ပါတယ်။လောကထဲကအရာတွေကို အသိလေးမျိုးနဲ့သိတာမျိုးပါ။ဒါပေမယ့်
ရသသိကတော့အဲလိုမဟုတ်ပါဘူးလို့နာယဒဿနဂိုဏ်းဝင်ပညာရှင်တစ်ဦးဖြစ်တဲ့သီရိသင်္ကုတ
ကဆိုခဲ့ပါတယ်။ရသသိဟာလောကလွန်တဲ့ လောကလွန်အသိဖြစ်ပါတယ်။
လောကထဲမှာအရာတစ်ခုကိုသိဖို့တစ်ခုခုနဲ့သက်သေပြပြီးမှသိလို့ရတယ်။အရာတစ်ခုရှိကြောင်း
ကိုအသိတစ်ခုနဲ့သက်သေပြမယ်ဆိုရင်အဲဒီအသိရှိထားကြောင်းကိုလည်း တခြားအသိတစ်ခုနဲ့
သက်သေပြရပါတယ်။မီးခိုးမဆုံးမိုးမဆုံးတွေလို့ ခွာသံထဲမှာ.....သူ....ရေးခဲ့ဖူးတာကိုမှတ်မိ
နေပါတယ်။လောကကိုတော့အဲလိုပဲသိရပါတယ်။ဒါပေမယ့်လောကလွန်သဘောမှာတော့အဲလို
မဟုတ်တော့ပါဘူး။
ပစ္စည်းတစ်ခုရှိကြောင်းအလင်းရှိမှမြင်ရမှာဖြစ်ပေမယ့်..အလင်းရှိနေကြောင်းကိုတော့သက်သေပြ
စရာမလိုပါဘူး။အလင်းဟာသူရှိကြောင်းသူကိုယ်တိုင်သက်သေပြနိုင်ပါတယ်။ရသ..ဆိုတာကလဲ
ဒီလိုပါပဲ။
အမှန်တကယ်က ကျွန်မ ဒါတွေကိုလိုက်ရှင်းမနေချင်ပါဘူး။အထူးသဖြင့်စာဖတ်မနာတဲ့ ရသစာ
ပေဆိုတာဘာမှန်းသေချာမသိတဲ့ ကူးယူဆက်စပ်မှုတွေနဲ့ရှင်သန်နေတဲ့ အင်တာနက်စာမျက်နှာ
ပေါ်ကစာဖတ်သူလို့သူတို့ကိုယ်သူတို့ခံယူထားတဲ့လူတန်းစားခပ်ညံ့ညံ့တချို့အတွက်ပိုပြီးမလိုအပ်
ပါဘူး။ ကျွန်မအတွက်လိုအပ်တာက အနုပညာဖန်တီးမှု နဲ့ အဲဒိအပေါ်မှာတာဝန်ယူမှုပါပဲ။
မနက်ကပဲ စိတ်အချဉ်ပေါက်လာလို့ ကိုကြွက်ရဲ့ အသံဗလံများဆိုတာကို တမင်ရိုက်တင်ပေးခဲ့
ပါတယ်။ ကျွဲပါးစောင်းတီးဆိုသလိုပါပဲ ။အဲဒါက ကျွဲတွေအတွက်အကြုံးဝင်ပုံမရပါဘူး။ ကားမှား
စီးမိတယ်ထင်ရင် ကျွန်မတို့ကလမ်းဆင်းလျှောက်ရုံပါပဲ။အဲ..ဆင်းလျှောက်တဲ့သူတွေနောက်လိုက်
လာပြီးကာမှ ဟိုဘက်လမ်းကပိုကောင်းတယ်ဆိုတာမျိုးကတော့ ခပ်ရိုင်းရိုင်းပြောရရင် ရသသိမ
ပြောနဲ့ လူလိုသိတဲ့စိတ်ကလေးတောင်မရှိဘူးလို့ပဲပြောစရာကျန်ပါတော့တယ်။
ပို့စ်တစ်ခုတင်ပြီးတိုင်း ကိုယ့်ပို့စ်ကိုယ်ပြန်ပြန်ရှင်းနေရတာ ဘလောခ့်ကာတွေအတွက်အလုပ်
တစ်ခုဖြစ်နေတာကိုကြည့်ပြီး ညည်းငွေ့နေတာကြာပါပြီ။ ဒါကြောင့်စဉ်းစားစရာအများကြီးနဲ့..
သိမ်းတင်သား ကိုရိုက်တင်ပေးလိုက်တာပါ။ ကဘောက်တိကဘောက်ချာဂေဇက် ဆိုတဲ့စာ
အုပ်မျိုးကိုယောင်မှားပြီးကိုင်မိရင် ရူးသွားနိုင်ကြောင်းကြိုတင်သတိပေးချင်တဲ့အနေနဲ့ဒီစာတစ်
ပုဒ်လောက်ကိုအမြည်းတင်ပေးတဲ့သဘောပါ။ဝမ်းစာပြည့်မှ စာဖတ်နာမှနားလည်နိုင်မယ့်စာ
မျိုးကို ဘာမှန်းမသိပါဘူးကွာလို့လူရှေ့သူရှေ့ပြောပြီးကိုယ့်ကိုယ်ကိုဖော်မသူတော်မလုပ်မိ
စေဖို့လူတစ်ချို့ကိုသတိပေးချင်တာလည်းပါပါတယ်။
ဆိုလိုချင်တာကကိုယ့်ဦးနှောက်နဲ့မနိုင်ရင်ဝင်မလုပ်ပါနဲ့။ကိုယ်မသိနိုင်နားမလည်နိုင်ဘူးထင်ရင်
အသာလေးကွေ့ရှောင်သွားပါ။ကိုယ့်ရဲ့ညံ့ဖျင်းမှုကန်းဆွံ့မှုတွေကိုလူသိအောင်မချန်ထားခဲ့ပါ
နဲ့။သူတစ်ပါးအတွက်အနှောက်အယှက်ဖြစ်စေသလို..ကျွန်မအတွက်လည်းအနှောက်အယှက်
ဖြစ်ပါတယ်။
ကျွန်မဘာလို့စာရေးနေလဲ။ဘလော့ခ်ပေါ်မှာတော့..ရေးချင်လို့ရေးနေတာလို့ပြောလို့ရပါတယ်။
အနုပညာဖန်တီးမှုတစ်ခုကို..ခံစားမှုတူတဲ့သူတွေအတွက်၊စာမျက်နှာနဲ့ဝေးနေရတဲ့သူတွေအတွက်
မျှဝေတဲ့အနေနဲ့ဖန်တီးတာပါ။အပြင်စာပေလောကမှာတော့...ကျွန်မ အနုပညာတာဝန်တစ်ခုအ
နေနဲ့ကိုယ်လုပ်တတ်တဲ့ပညာနဲ့ကိုယ်အလုပ်အကျွေးပြုနေသလို..ကိုယ့်အသက်မွေးဝမ်းကြောင်းမှု
အတွက်လည်း အနုပညာတွေကိုဖန်တီးပါတယ်။
ကျွန်မရပ်တည်မှုမှာ..တကယ်လက်ခံနေတဲ့၊ရင်ဘတ်တူတဲ့၊လောကကိုလွန်ပြီးသိနိုင်တဲ့၊ရသခံစား
သူတွေကိုကျေးဇူးတင်သလို၊ခုလို..ကိုယ့်ကိုယ်ကိုဖော်မသူတော်တွေကိုလည်း ခပ်ဝေးဝေးနေဖို့
သတိပေးချင်ပါတယ်။
မလာပါနဲ့….ဒီလောက်လွတ်လပ်မျှတတဲ့..အင်တာနက်စာမျက်နှာတွေမှာ၊ကိုယ်မလာချင်ရင်ကိုယ့်
အရည်အသွေးနဲ့မမီရင်မလာပဲနေလို့ရသားနဲ့၊လာလာပြီးအနှောက်အယှက်ပေး ကိုယ့်အရည်အ
သွေးကိုမရှက်မကြောက်လာဖော်ပြနေတာကတော့..တဆိတ်.အောက်တန်းကျညံ့ဖျင်းရာကျလွန်းပါ
တယ်။
အဲဒီလိုလူတွေအတွက်ရော…ပို့စ်တစ်ခုကိုဘာမှန်းမသိပဲ၊ပြောချင်ရာပြောကိုယ့်စာမျက်နှာလိုမျိုး
သဘောထားပြီး ကိုယ့်ကိုယ်ကိုဖော်မသူတော်လာလုပ်ဖူးတဲ့သူတွေအတွက်ရော..တစ်ခါတည်း
သတိပေးလိုက်ပါရစေ…အဆင်မပြေရင်မလာပါနဲ့….။ သင့်စိတ်ကျန်းမာရေးကိုထိခိုက်နိုင်စေမှာ
သေချာလို့ပါ….လို့။
(ကျွန်မအတွက်..စီဘောက်စထဲကနေလာပြန်ပြောပေး၊ကျွန်မကိုလာအားပေးတဲ့မိတ်ဆွေသူငယ်ချင်း
အားလုံးကိုကျေးဇူးတင်ပါတယ်လို့..ဒီနေရာကနေပြောပါရစေ..)

အသံဗလံများနဲ့သိမ်းတင်သား

အသံဗလံများ

စကားလုံးများကခုန်နေကြသည်။အယူဝါဒများကားငိုက်မြည်းလျက်။ဆွံ့အနေသည့်ပင်လယ်
သည်ဘာသာစကားအားလုံးကိုသိမ်းဆည်းထားလိုက်ပြီဖြစ်ကြောင်း၊ခိုင်လုံသော၊သတင်းရပ်
ကွက်ကဆို၏။စကားလုံးများအငြိမ်းစားရသွားပြီ။နံရံများမရှိတော့ပြီဖြစ်ရာ၊ကြယ်စုံသောည.
ပန်းချီကားကိုသင်လည်းအခမဲ့ကြည့်ရှုခွင့်ရပါပြီ။ပင်လယ်အော်သံသည်ကဗျာဆရာအောင်ဘ
ညို၏မူပိုင်စကားလုံးဖြစ်ပြီးအဆိုတော်လေးဖြူကစိတ်လျော်ကြေးဖြင့်သီချင်းလုပ်ပစ်လိုက်၏။
ပင်လယ်ရယ်သံကားမောင်မျိုးမင်း၏ရင်တွင်းဖြစ်ဟုသိရသလို၊နီကိုရဲ၏ဇာတ်လမ်းဖြစ်ကြောင်း၊
အမှန်ကပင်လယ်သည်ဆွံ့အနေသည်မှာကြာခဲ့ပြီ။အယူအဆမတူသူများကြမ်းတစ်ပြေးတည်း
မထိုင်လိုကြပါ။ကြမ်းကြားလေနှင့်ဗူးခါးရေသည်အလွန်ပင်အေးမြသည်ဟုအဆိုရှိရာ၊သင်လည်း
သုံးဆောင်ကြည့်စေလိုပါသည်။လေကိုသောက်ရင်းရေကိုဝတ်ဆင်ပါ။ကကြီးမှ..အထိသိရုံမျှဖြင့်
ဘဝင်မမြင့်သင့်ပါ။သရများသိရန်လိုပြီးသဒ္ဒါနည်းနည်းတတ်ရန်တော့လိုပါသည်။အယ်လ်ဖာ၊
ဘီတာ၊ဂမ်မာ၊လမ်ဗဒါ၊မြူ၊ဖိုင်တို့ကိုပင်လယ်ထဲသွားပို့ပေးပါ။..လိုအပ်သလောက်သာသိပြီး.
လွဲမှားစွာ..အသုံးချမိလျင်..အန္တရာယ်များလှပါ၏။သိပ္ပံမောင်ဝ၏ဇာတ်လိုက်၊မောင်လူအေးကို
အော်တိုရေးခိုင်းပါ။သူ့တွင်.အောင်သိန်းဆိုသည့်ကျောင်းသားတစ်ယောက်ကောက်ရထားသည်။
“လူတကာဒုက္ခရောက်လျင်..အောင်သိန်းကားမပျော်သည်မရှိ.. ”ဟု..ဆရာစောတောင်ရွံ့
ကြောက်ရသော..ကိုအောင်သိန်းတစ်ယောက်မာသေးရဲ့လား။ဆရာစော..တပည့်တစ်ယောက်
ဆရာဝန်ဖြစ်သွားသတဲ့.။ပြီးတော့..လူတကာကိုဆေးတစ်မျိုးတည်းပေးကာ.ဒေါက်တာပါရာဟု
..အနွတ္တညာ..မှည့်ထားသေး၏။ပါရာနေရာတွင်..အက်ဆီတိုင်အုပ်စုသွင်းထားသည့်ဆေးကို
..ထိုဆရာဝန်ကအမည်မှားပြီး..(ပါရာစီတမော)ဟုခေါ်နေ၏။ကိစ္စမရှိပါ။ပါအက်စီတမော..
ဟုမခေါ်လည်းကိစ္စမရှိပါ။ဆရာဝန်ဖြစ်ဖြစ်..ဘုန်းကြီးလူထွက်ဖြစ်ဖြစ်.ပါရာစီတမောသောက်နိုင်
ပါသည်။စာဖတ်ရင်းသောက်သောက်၊ခေါင်းမူးလို့သောက်သောက်၊ဒေါက်တာပါရာ(စိတ္တဇ)ထံမှ
အခမဲ့ယူနိုင်ပါသည်။ကလီရှေးသည်နစ်ရှေးနှင့်အမျိုးတော်ကြောင်းလျှောက်ပြောနေသည့်..
ဝေဖန်ရေးဆရာအညံ့စားတစ်ယောက်၊ဒေါက်တာပါရာထံပို့ကြပါ။အက်ဇရာပေါင်းသည်ကောက်
ညှင်းပေါင်းအလွန်ကြိုက်သောဒြပ်ပေါင်းတစ်ခုသာဖြစ်ပြီး၊မိုဆိုလီနီသည်ဆိုနီကာလာတီဗီကံစမ်း
မဲပေါက်သွားသဖြင့်..အလွန်ပျော်နေ၏။ဆရာသစ္စာနီတစ်ယောက်..ဆင်ဖိုးထွန်းထံသွားကာ.
.ဆင်ဖမ်းနည်းသင်နေ၏။လပြတ်ကျူရှင်တက်နေ၏။ဆင်တစ်ကောင်ဖမ်းပြီးဝေဖန်ရေးဆရာ
ဦးဗျစ်ထူများကိုလက်ဆောင်ပေးရန်ဟုယူဆရပေသည်။ပရမ်းပတာဟုထင်ရသည့်တချို့
ကိစ္စများသည်စနစ်တကျသင်ကြားခဲ့ရသောပရမ်းပတာများဖြစ်၏။
ဤတွင်..ဝတ္ထုတစ်ပုဒ်ပြီး၏။
ပရမ်းပတာတွေလုပ်နိုင်အောင်စနစ်တကျသင်ယူခဲ့ရသည်များးကိုမိတ်ဆွေတို့ရိပ်မိပါစေ..။

စာပေဝေဖန်ရေးဆရာတစ်ယောက်သာဒီစာတွေဖတ်မိရင်တော့တော်တော်အာရုံ
နောက်ပြီးအရွယ်ကျသွားမှာပဲဗျာ..။ပြီးတော့လည်း..ပွစိပွစိနဲ့..မြန်မာစာပေလော
ကတော့ဘာဖြစ်ပါပြီ..ညာဖြစ်ပါပြီ..လုပ်ဥိးတော့မှာအသေအချာပဲ။ဆရာတို့ခင်ဗျား…
ဖတ်မရရင်မဖတ်နဲ့ပေါ့ဗျာ..။ဇာတ်ကလေးတစ်ခုပြောပါရစေ။ထိုးဇာတ်ပေါ့ဗျာ။
တစ်ခါကလိုင်းကားတစ်စီးပေါ်မှာအရက်သောက်လာတဲ့လူတစ်ယောက်ပါသတဲ့။
အရက်သမားလို့မပြောဘူးနော်။အရက်သောက်ထားတယ်လို့ပဲပြောတာနော်....။
အရက်နံ့တော့ထွက်တာပေါ့ခင်ဗျာ။..ရမ်းကားဆဲဆိုခြင်းလည်း.....မလုပ်ပါဘူး။
အရက်သမား....(ဆိုပါစို့ရဲ့)......ဘက်ကကြည့်တော့လည်း ဘတ်စကားပဲဗျ။ .
ပိုက်ဆံပေးနိုင်ရင် တက်စီးလို့ရတာပေါ့။အရက်သမားးမစီးရ လို့စာကပ်ထား
တာမှ .မဟုတ်တာ။ ပြီးတော့..မူးပြီးရစ်တာ...ရိတာလည်းမဟုတ်။ မသကာ..
.အနံ့လေးထွက်ရုံပါ။....ဒါပေမယ့်မသောက်တတ်တဲ့....သူအဖို့..ကတော့..
ဘယ်လောက်ကောင်းတဲ့....အရက်ကိုပဲ..သောက်သောက်........အနံ့ကဆိုး
တာအသေအချာပဲ။ဒီမှာတင်............မခံမရပ်နိုင်တဲ့....အဖိုးကြီးတစ်ယောက်က..
“ ဟေ့..သူငယ်..မောင်ဘယ်သွားနေတယ်ဆိုတာသိသလား..”…
...................လို့မေးခွန်းမေးလိုက်ပါလေရော။အရက်သမားက..............
“ ကျွန်တော်..ကျွန်တော့်အိမ်ကိုပြန်နေတာဗျ..”
.............လို့ကောင်းကောင်းမွန်မွန်ပဲပြန်ဖြေပါတယ်။....ဒီမှာတင်..အဖိုးကြီးက.....
စိတ်ထွက်ထွက်နဲ့ငေါက်တော့တယ်။
“ငရဲသွားနေတာဟေ့……ငရဲကိုသွားနေတာ..”
............လို့..လူကြီးဆိုတော့..စိတ်တိုတိုနဲ့လုပ်ရော...............။
အရက်သမားကဘာမှပြန်မပြောပါဘူး။
“ ဗျို့..ကားဆရာ…ကျုပ်ကားမှားစီးလာလို့ပါ..ဆင်းပါရစေဗျာ..”
..............ဆိုပြီးဆင်းသွားပါလေရော..။ဒါပါပဲ..........။....ထိုးဇာတ်လေကဒါပါပဲ..။
မြန်မာစာပေခုံရုံးမှာ..တစ်နေ့ကျရင်..အပြစ်ခံရရင်........ကျုပ်တို့လည်းမကယ်နိုင်
တော့ဘူး။သမိုင်းကတရားစီရင်..ရင်ခံရမှာပဲ..။..တစ်ကိုယ်တော်လွတ်မြောက်ရေး
တွေဟာဖက်ဆစ်ဝါဒတွေကိုအသက်သွင်းးနေတာပဲ။အဆိပ်အတောက်တွေသွင်း
မလာပါနဲ့။ဘာနဲ့တဲ့..ပြောမနေပါနဲ့တော့ဆရာတို့ခင်ဗျာ.။
သိပ်လည်းကြောက်မနေပါနဲ့ဗျာ။ကျွန်တော်တို့ကတော့ဆရာတို့နဲ့အတူမလိုက်ချင်
တော့ဘူး။ကားမှားစီးမိတာကိုး..။ဆင်းသွားပြီဗျို့….။တာ့တာ..ဘိုင့်ဘိုင်.။
သိမ်းတင်သား


ဘာမှမဟုတ်ပါဘူး။
စိတ်ထဲမှာအစိုင်အခဲတွေ၊ရှုပ်ထွေးနေတာတွေကိုဘာနဲ့အန်ထုတ်ရမလဲစဉ်းစားနေတုန်းဒီစာ
လေးကိုဖတ်လိုက်မိတာပါ။ဒါ..၁၉၉၇..သရဖူ..အမှတ်စဉ်..၃၂..က..သိမ်းတင်သားရဲ့အသံဗလံ
များပါ။..အဲဒီခေတ်က..ကိုကြွက်သတင်းရေးတာကိုဖတ်ပြီး..ဒီနေ့ခေတ်သူတို့ကိုယ်သူတို့
သတင်းသမား၊ဂျာနယ်လစ်၊အယ်ဒီတာ၊ရီပိုတာဆိုတဲ့သူတွေကိုဂုတ်ကနေဆွဲခေါ်ပြချင်ပါတယ်။
ဒါ..သတင်းတစ်ခုရဲ့အစပဲရှိပါသေးတယ်။
သိပ္ပံမောင်ဝနှစ်တစ်ရာပွဲသွားပြီးတစ်ခါတည်းသိပ္ပံမောင်ဝပါအင်တာဗျူးလုပ်ခဲ့ရမလားဆိုတဲ့သူ
မျိုးတွေနဲ့..ကလီရှေးနဲ့နစ်ရှေးကိုဘာလဲစဉ်းစားနေမယ့်သူတွေ..ဆက်ဖတ်စရာမလိုတဲ့ပွဲပေါ့..။
ကျွန်မလည်းအဲဒါပြန်ဖတ်ပြီးဘတ်စကားပေါ်ကနေပျော်ပျော်ကြီးဆင်းခဲ့လိုက်တော့မှလူလည်း
နေသာထိုင်သာတွေရှိသွားတော့တာ။ကျေးဇူးတင်ပါတယ်..ကိုကြွက်..။ကိုကြွက်ဆရာကိုကား
ကောင်းကောင်းပေါ်တင်ပေးလိုက်ပြီးကျွန်မ..ကတော့လမ်းဆင်းလျှောက်ဖို့ဆုံးဖြတ်လိုက်တယ်
ဆိုတာလေးလည်း..ကိုကြွက်ဆီသတင်းပို့ပေးကြပါဥိး..။

မနော်ဟရီ

ချစ်သူ

Friday, March 6, 2009

ချစ်သူ


ချစ်သူဆိုတာ ငါ့အဘိဓာန်ထဲမှာ
အရာအားလုံးနဲ့ကင်းလွတ်တဲ့ ဝေါဟာရပါ...။

ပုံပြင်ထဲက မင်းသားလိုလဲ တင့်တယ်အပြစ်ကင်းတယ်
သံစဉ်ဖေါ့ဖေါ့လေးတွေနဲ့ငါ့ရဲ့နေ့သစ်တွေကို
အရောင်တင်ပေးတတ်သူလည်းဖြစ်တယ်....။

မှောင်မိုက်အတိပြီးတဲ့ ညတွေကို အခန်းဆက်စကားလုံးတွေနဲ့
လင်းချင်းစေနိုင်သူလည်းဖြစ်တယ်...။

ငါ့အပေါ်နူးနူးညံ့ညံ့ဖြာကျနေမယ့်
အဖြူရောင်လရောင်ခြည်လေးလည်းဖြစ်သေးတယ်...

ငါ့ရဲ့အနာဂတ်တွေကို ဖွဲ့နွဲ့ပေးသူလည်းဖြစ်တယ်
ပြီးတော့....အဲဒီအရာအားလုံးကို
ဖျက်ခြွေနိုင်သူလည်းဖြစ်သေးတယ်လေ...။ ။

မနော်ဟရီ

တာရာမင်းဝေ နှင့် ခင်ဇော်မြင့်

Thursday, March 5, 2009

ကိုတာရာမင်းဝေ နဲ့ ခင်ဇော်မြင့် ရဲ့ကဗျာတွေကို poemsilove မှာတင်
ထားပါတယ်။ ခင်ဇော်မြင့်ရဲ့ ကဗျာတွေက ၂၀၀၀ခုနှစ် ၀န်းကျင်ကကဗျာ
တွေဖြစ်ပြီး တာရာမင်းဝေ ကဗျာတွေကတော့ ချစ်သူသို့ ကဗျာများဖြစ်ပါ
တယ်။ဒီမှာ သွားဖတ်နိုင်ပါတယ်။

နှင်းစက်ရက်လွန်

Wednesday, March 4, 2009

တစ်ချိန်တုန်းကတော့အဲဒီလိုခံစားမှုတွေနဲ့ကျွန်မနာတာရှည်ခဲ့ဖူးတယ်။လောကမှာခံစားမှု
မျိုးစုံကိုခံစားတတ်အောင်ဘုရားသခင်ကပေးထားခဲ့လိုသာ..ကျွန်မဒီလိုအနုပညာတွေ
ဖန်တီးနေနိုင်တယ်လို့ယုံတယ်။ဒီကဗျာကိုကျွန်မရေးတုန်းက..၂၀၀၀ခုနှစ်ထင်တယ်။..
ပါသွားတာကတော့ရေဆင်းစိုက်ပျိုးရေးတက္ကသိုလ်နှစ်လည်မဂ္ဂဇင်းမှာပါ။သုသစ်တို့ကျွန်မ
တို့ဆီလာတောင်းသွားခဲ့တယ်လို့မှတ်မိနေတယ်။ဒီခေါင်းစဉ်လေးနဲ့ပဲကျွန်မ..လုံးချင်းတ
အုပ်ရေးထားသေးတယ်။အကြောင်းအရာကတော့မတူပါဘူး။ဒီခေါင်းစဉ်လေးကိုကြိုက်
လွန်းလို့ပေးဖြစ်သွားတာပါ။
နှင်းစက်ကလေးတွေရက်လွန်သွားတဲ့ခါ..ဘာဖြစ်သွားမယ်လို့..ရှင်တို့ထင်သလဲ...
ကျွန်မလည်း..အဲဒီကဗျာရေးစဉ်ကာလက..နှင်းစက်လေးတစ်စက်အဖြစ်ရက်တွေလွန်
နေခဲ့ဖူးတယ်။
နှင်းစက်ရက်လွန်

ရှုံးနိမ့်ခဲ့ရတဲ့ တောင်ကုန်းလေးရဲ့ခံတပ်စောင့်ဟာ... ငါပါ
ငါ့ရဲ့မြစ်ပြင်ကျယ်ကလေးကတော့... ဟိုးအဝေးမှာ
ဗေဒါတချို့ မြစ်ကျဉ်းတချို့နဲ့... ခပ်တိုးတိုးလေးစီးဆင်းလို့

တကယ်တော့...
လွင်ပြင်တွေဘယ်လောက်ပဲ ကာဆီးကာဆီး
ငါတို့ရဲ့ကောင်းကင်ပြာကတော့... တစ်ခုတည်းပါပဲ။
လရောင်ဖြာကျနေပုံကအစ အထီးကျန်ဆန်လှတဲ့ညတွေ
.......
အများကြီးပါ

တကယ်ဆိုရင်...
ပန်းရနံ့လေးပဲဖြစ်ဖြစ် သာသာယာယာကြားချင်မိတာပေါ့
အာရုံတွေကန်းနေတဲ့လူတစ်ယောက်ဖြစ်ခဲ့ရင်တော့ အကောင်းသား
ခုတော့လည်း...
လောကရဲ့ဆွံ့အမှုတွေကိုအဓိပ္ပာယ်ရှာ... သည်းခံတတ်ခဲ့ပါပြီ။

ငှက်ကလေးရေ...
နာကျင်နေတဲ့တေးတွေကို အလိုမကျစွာ သီဆိုနေတုန်းလား
သံစဉ်တစ်ခုရဲ့ ဂီတကို စည်းဝါးကျကျ မခံစားတတ်သူရယ်လို့ မရှိပါဘူး
တစ်ခါတစ်ခါတော့လည်း...
ကံကြမ္မာပတ်မသံဟာရင်ကွဲမတတ် ကျယ်လောင်လွန်းလှပါတယ်
ငါကတော့... ဆောင်းခိုငှက်ကလေးတစ်ကောင်ရဲ့ ဘ၀ဂီတကို
ဟိုအဝေးကနေစိတ်နဲ့
ကြားနာချင်နေမိတာတစ်ခုပါပဲ။

ပန်းချီကားတစ်ချပ်ရဲ့ သက်ဝင်မှုမျိုးလောက်နဲ့တော့
ငါ့ကိုမဖြားယောင်းပါနဲ့တော့...
ငြိမ်းအေးခြင်းတွေ ခုန်ဆင်းထွက်ကျမလာမယ့်အတူတူ
အဖြူရောင်တွေ အိပ်စက်နေပါစေလေ...
(မေမေ...အိပ်ရာဝင်ပုံပြင်တွေထဲက နတ်ဆိုးတစ်ပါးပါးများ
ခရီးထွက်ခဲ့သေးသလား... )

သံယောဇဉ် ဆိုတာ
တကယ်တော့ ရာသီဥတုလေးတစ်ခုသက်သက်ပါ
ဘုရားသခင်က တိတ်တဆိတ်ဖန်ဆင်းခဲ့တဲ့အရာပေါ့...
အရာရာအစစ မိုင်ပေါင်း(၅၀၀)မက ဝေးကွာသွားကြတဲ့အခါ
မရိတ်သိမ်းလိုက်ရတဲ့ ပျိုးခင်းဝါ၀ါတွေ...
ငါတို့ရဲ့တစ်ခုတည်း ကောင်းကင်ပြင်ကြီးအောက်မှာ...
ဒဏ္ဍာရီဂီတတွေနဲ့
ပင့်သက်လွင့်ဝေနေဦးမလား... ။

ညရေ...
အမှောင်ကဝေတွေ သေဆုံးသွားတော့မှာလား...
ဆောင်းညတွေရဲ့အမှားတွေ...
ငါ့ခံတပ်ကလေးမှာ... ကဗျာမဆန်စွာ... အတုံးအရုံးစုပုံလို့
ငါတို့...
ဘာလို့... နှင်းကျခဲ့ကြတာပါလိမ့်... ။


မနော်ဟရီ

သူယောင်နေ့များ

Tuesday, March 3, 2009

ရာစုသစ်မြစ်ကျဉ်း (၂)ထဲက ကဗျာလေးပါ။
ဒီရက်ပိုင်းတွေမှာ ကိုယ့်ကိုယ်ကိုလှည့်ဖျားဆုံးမရင်း...အဲဒီကဗျာလေးကိုပဲ
သတိရနေမိတာနဲ့ပြန်တင်လိုက်တာပါ။ ၁၉၉၄ ကနေ့ရက်တွေနဲ့ ခုနေ့ရက်တွေ
တူနေသေးတာကတော့ အံ့သြစရာလို့ပြောမလား....
ဒီလိုပါပဲ ကိုယ့်ကိုကြိုးပေးသတ်နိုင်မှန်းသိသိကြီးနဲ့မျှော်လင့်ချက်တွေနဲ့ကျွန်မ
တို့ရှင်သန်နေကြတာ...
ကျွန်မတို့ ဘာကိုမျှော်လင့်နေကြလဲ....အခွင့်အရေးတစ်ခုတစ်လေဆိုလို့
သိပ်ကြီးကြီးမားမားလို့ထင်သွားမှာစိုးလို့ပါ...သိပ်မများပါဘူး.
ချစ်ခြင်းမေတ္တာတွေနဲ့ရှင်သန်နေထိုင်သွားခွင့်...ပြီးတော့စိတ်၏ငြိမ်းချမ်းရာ
နေရာလေးတစ်ခုအေးငြိမ်းခွင့်...ဒီလောက်ပါပဲ...

သူယောင်နေ့များ

ဘာအာမခံချက်တွေမှပေးမထားတဲ့
မနက်ဖြန်တွေကိုပဲ ကျုပ်တို့မျှော်လင့်
အခွင့်အရေးတစ်ခုတလေများ
မျက်စိလည်လမ်းမှား... ပါလာလေမလားလို့... ။
မျှော်လင့်ချက်အသစ်စက်စက်တွေနဲ့
စိစိညက်ညက်ကြေနေတဲ့ရင်ခွင်
ဘ၀င်များတောင်မြင့်နေသေး
မရောက်လာသေးတဲ့မနက်ဖြန်ဟာ...
မဟာအခွင့်အရေးသစ်တွေကိုပဲ
ချစ်မြတ်ခွင့်ပေးတော့မယောင်နဲ့... ။
တည်းတည်းမျှင်မျှင်ကျန်နေတဲ့
ရှင်သန်နေထိုင်မှုကို
အင်မတန်ထုထည်ကြီးသယောင်ဖန်ဆင်း
ခပ်တင်းတင်းနဲ့...
မနက်ဖြန်တွေကို လိုက်လံခူးဆွတ်နေလိုက်တာ
အရူးအမူးပါပဲ။


မနော်ဟရီ
၂၁.၀၄.၁၉၉၄