တနင်္ဂနွေစီးချင်း

Saturday, July 31, 2010

တနင်္ဂနွေမှတ်တိုင်
အားလပ်ရက်ဆိုတော့
အလင်းတွေကိုပိတ်ချပစ်လိုက်တယ်
ပျော်ရွှင်မှုတွေ မှောင်ကျသွားတဲ့အခါ
အလင်းတုတွေ ဖြာကျလာခဲ့ရဲ့ ..

တနင်္ဂနွေမှတ်စု
နံနက်ခင်းကြယ်
နေ့လည်အိပ်မက်
အဆက်အစပ်မဲ့ညနေခင်း
အလင်းကျွံနေတဲ့ည …

တနင်္ဂနွေအသံ
အနှေးပြကွက်တွေ တစ်ချက်ချက်
ခပ်သွက်သွက်သွားနေရင်းက ပြတ်တောက်သွားခဲ့
အဲဒီအသံ .. အရောင်မမှန်စွာနောက်ကျိနေခဲ့ပေါ့ …

တနင်္ဂနွေပုလင်း
ကိုယ့်ကိုယ်ကို ပုလင်းထဲထည့်ပြီး မျောလိုက်မိတာ
ဘယ်သောအခါမှ ကမ်းပြန်ကပ်မလာခဲ့တော့ …..

တနင်္ဂနွေအရောင်
အမှောင်ထုက လင်းလွန်းနေတယ်
ပျော်ရွှင်ခြင်းတွေမကျရောက်တော့တဲ့နံရံဆီမှာ
ကံတရားက အရောင်တလက်လက် …


တနင်္ဂနွေရိုက်ကွင်း
အဖြူတစ်ခင်း အနက်တစ်ခင်း
ခွက်ထိုးခွက်လန် စိတ်ရင်းတွေ
ညနေခင်းမိုးစက်တွေထဲမှာ
အရိပ်တွေအကုန်ပါသွားပုံက …
ငါ့ပေါ်ငါ ပုံကျသွားတဲ့အထိ …

တနင်္ဂနွေချစ်သူ
အရိပ်
တိတ်တိတ်ကလေး
သွေးနွေးနေမှန်း မသိခဲ့သူ


တနင်္ဂနွေသီချင်း
စိတ်ရောလူရောအနားရထားတဲ့စက္ကန့်တွေက
စိတ်ဓာတ်ကျချင်စရာကောင်းနေတယ် ..
ဆွဲအီနေတဲ့ တယောသံ .. ဘယ်ဟာက ကီးအမှန်တဲ့လဲ …

တနင်္ဂနွေအသေ
နှစ်ပရိစ္ဆေတများစွာ ကြာမြင့်ခဲ့ပေါ့
ဆေးစိမ်ကြပ်စည်းထားခဲ့ရတဲ့ တနင်္ဂနွေမှာ
တစ်စုံတစ်ရာမှ မှာကြားခဲ့ခြင်းမရှိကြောင်း ….

တနင်္ဂနွေရုပ်ရှင်
ကိုယ့်ကိုယ်ကိုပြန်မြင်ရတဲ့ ဖန်သားပြင်မှာ ငါဟာရပ်တံ့နေမိ
သတိထားမိလိုက်တဲ့ ဇာတ်ညွှန်းက ညံ့လွန်းနေတယ်
ရုံထဲကထွက်လာတဲ့အခါ အော်စကာဆုတွေ တပွေ့တပိုက်နဲ့ …

တနင်္ဂနွေသင်္ကေတ
မှတ်သားမှတ်ရာမပါတဲ့ မြေပုံတစ်ခုရဲ့ နံနက်ခင်းက
အဓိပ္ပာယ်ဖော်ရခက်တဲ့ မျက်နှာပေးနဲ့ ..
တစ်ချက်လေးပဲ ပြုံးပြခဲ့လိုက်ပါ ..
ငါ သမ်းဝေလိုက်တဲ့အခါ အဝါဟာ သင်္ကေတ တစ်ခုဖြစ်လိမ့်မယ် ..

မနော်ဟရီ


ဆက်စပ်မဲ့ကာရံများနှင့် ... တိတိပပကြေကွဲကြည့်စရာ မည်မည်ရရမရှိသော တနင်္ဂနွေ စပ်ထည်များ...............။

အမျိုးအစား ...။ ။ အက်ဆေး (တပြားမှမလျှော့)

ရေးသူ ။ ။ Zephyr


ကျွန်တော့်ဘ၀ထဲက တစ်ခုခုကို ထုတ်ချင်သည်။ ................။
သင်သိနိုင်ပါ့မလား ....။ တစ်ခုခုကို ထုတ်ချင်သည်။
.... တော်ရုံတန်ရုံမဟုတ်သော စိတ်ဆန္ဒပြင်းပြမှုများဖြင့်ထုတ်ချင်သည်။
.... နှာခေါင်းခွဲစိတ်ထားသော မိန်းမပျိုလေးတစ်ယောက် မှန်ကြည့်တိုင်းနှာခေါင်းကိုကြည့်မိနေသည်ကို သင်နားလည်ပါလိမ့်မည်။ .....။ ခံစားချက်အသစ်များတပ်ဆင်ထားသော လူတစ်ယောက်သည်လည်း သူ့ခံစားချက်ကို သူကြည့်မိနေလိမ့်မည်။ .... ထို့ကြောင့်ဘ၀ထဲမှ တစ်ခုခုကိုထုတ်ချင်သည်။ ထို့ကြောင့်၊ သို့တည်းမဟုတ်၊ အကယ်၍ သို့သော်ငြားလည်း တစ်ခုခုကိုထုတ်ချင်သည်။ ..ဘ၀ထဲမှ ...........။ မနေ့တနေ့က ကျကွဲသွားတာမဟုတ်သောမှန်ချပ်များသည် ယမန်နေ့နှင့်အလားတူနေ့များတွင် လှဲကျင်းသန့်ရှင်းထားပြီးဖြစ်ကြောင်း သင်တို့ထောက်ခံချက်ကိုယူနေမည်မဟုတ်ပါ .....။သို့ရာတွင် ဘ၀ထဲမှ တစ်ခုခုကိုထုတ်ချင်သည်။

တိမ်ပြာပြာတနင်္ဂနွေကို သင်သိပါသလား .....။
ထိုနေ့တွင်မိုးသည်းထန်စွာရွာရန် ... သင်လိပ်ပြာသန့်ပါရဲ့လား ........
တနင်္ဂနွေကိုသာ အော်ဟစ်မေးမြန်းလိုသည် ..........။
ကံတရားနှင့်ဘူမာရင်းသည် ပစ်လိုက်သည့်အခါတိုင်း ပစ်သူထံကိုပြန်လာတတ်သည်။ သို့သော် ဘူမာရင်းသည် ဖမ်းရလွယ်ကူပြီး ကံတရားသည် အမြဲတမ်းချော်ထွက်ကျနေတတ်သည်။ အရိုးရှင်းဆုံးလွဲချော်မှုလေးများသာမရှိရင် သစ်ရွက်များကြွေကျခွင့်မရနိုင်တော့ပါ။ တနင်္ဂနွေများသည် သွေးမဲ့ဒဏ်ရာများကို ကျိန်းစပ်နာကျင်စေသောသဘာဝရှိသည်ဆိုလျှင် သင်နားလည်ပါ့မလား။ ... အသေးငယ်ဆုံးသော ဒြပ်မှုန်လေးများတိုက်မိလျှင်ပင်ထိခိုက်မိတိုင်းနာကျင်တတ်လျှင် ... အရောင်၊ အနံ့၊ အရသာ အပြင် .. အဆင်းနှင့်အလင်းပါ မရှိသော အငွေ့ပျံမျက်ရည်များကို သင်ခံစားသိရှိပါလိမ့်မည်။


သံသရာသည် ထင်သလောက်မရှည်သော်လည်း ကျွန်ုပ်တို့၏ သက်ပြင်းများသည် ထင်တာထက် ရှည်လျားနေတတ်သည်။ ......
လမ်းသွားရင်းကျပျောက်တတ်သော အလေ့အထများတွင် အလွမ်း၊ အချစ်၊ နှင့် သမုဒယ အသင့်အတင့် အရောင်ဆိုးထားသော သစ်သီးများမပါဝင်ခဲ့သည်ကို သင်ဝမ်းသာမိပါသလား ..........။ တနင်္ဂနွေကို နားနေရန်ဖန်ဆင်းသော ဘုရားသခင်သည် အတော်လေး ပျင်းရိသူမဟုတ်ဟု မဆိုနိုင်ပါ။ ကျွန်တော်သည်လည်း တနင်္ဂနွေနေ့တွင် လွမ်းဆွတ်ရန်ပျင်းရိပါသည် ......။

ဖဲကြိုးဝါများစည်းနှောင်သောအလေ့အထထွန်းကာရာတနင်္ဂနွေနေ့တွင် ....သစ္စာတရားများကို (ဖဲကြိုးမလုံလောက်သောကြောင့် )ခြံထောင့်တွင်စုပုံထားခဲ့ ရသည် .....။သစ်ရွက်အကြွေများလုံလောက်လျှင်နောက်နှစ်တနင်္ဂနွေတွင် စုပုံမီးရှို့ရန်ဖြစ်သည်။... ရက်စက်လွန်းသောပြဇာတ်တစ်ခုတွင် ဗီလိန်သည် အကယ်ဒမီမရတတ်ပါ .....။ တစ်သက်လုံးအသာစီးရထားသောအလေ့အထကို မုန်းတီးရာမှ ကောင်းကင်ကိုမော့မကြည့်သော လူတန်းစားတစ်ရပ်ပေါ်ပေါက်လာသည် ....။ တီကောင်အတွက် ကောင်းကင်သည် ကျစ်စာခဲများလောက်အရေးမကြီးလှပါ ....။ သိပ်အပန်းမကြီးဘူးဆိုလျှင် မိုးတိမ်တောင်များနောက်တွင်သာ ... သစ္စာတရားများကို စုပုံထားစေလိုပါသည် .....။မတော်တဆ သစ္စာတရားဖြင့်ရွာသောမိုးကြောင့် သင်ကျန်းမာရေးထိခိုက်နေလျှင် ... မိုးရာသီကို ကျွန်ုပ် ကျိန်စာတိုက်မိနိုင်သောကြောင့်ဖြစ်သည် ....။ အကယ်စင်စစ် ဖြစ်ပြီးမပျက်သေးသောအရာများမှာ ... မနေ့တနေ့ကအလွမ်းနှင့် မနက်ဖြန်တွင်ပွင့်မည့်ပန်းတစ်ပွင့်၏ ရနံ့မျှသာဖြစ်သည်။

သစ်ပင်တစ်ပင်လောက်သာစိမ်းလန်းကြည့်ချင်မိသည်။
သစ်သီးများသီးပွင့်မနေသည့်တိုင်အောင် ကောင်းကင်အောက်မှာ မြင့်မြင့်မားမား အသက်ရှူဝချင်သည်။
ငှက်ကလေးတစ်ကောင်အတွက် အိမ်ကလေးဖြစ်ချင်သည် ....။
ဆောင်းဦးရာသီအတွက် သစ်ရွက်များခြွေချပေးချင်သည်.................။
မနက်ခင်းဖြတ်သွားဖြတ်လာ ရဟန်းများ အရိပ်ရစေလိုသည် ......။ သံသယကင်းကင်းဖြင့် လက်တံများကို စွင့်ကားထားလိုသည် .....။ ရင်ခွင်ထဲတွင်လည်း ရေချမ်းစင်လေးရှိရမည် ........။
တနင်္ဂနွေနံနက်ခင်းတွင် ....စတင်ပေါက်ရောက်သော တနင်္ဂနွေပင်လေးဖြစ်ချင်သည်။ ... သစ်ရွက်များ၏ လေရှူပေါက်များတွင် ... သစ္စာတရားကိုသာဝင်ထွက်သွားလာခွင့်ပြုမည် .........။

မနက်ခင်းတွင် မေတ္တာပို့လိုက်တိုင်း စိတ်သည် တနင်္ဂနွေ အစွန်အထင်းများမှ လွတ်မြောက်လာသည် ......။
စနစ်တကျသိမ်းဆည်းထားသည့် အမှတ်တရများစွာကို စွန့်လွှတ်လိုက်တော့မည် .....။ ထို့အတွက် တနင်္ဂနွေက ကျွန်တော့်ကို သစ္စာဖောက်တစ်ယောက်လိုကြည့်ကောင်းကြည့်မည် ....။ ဆက်လက်ထိန်းသိမ်းထားသော ဥပါယာသ တနင်္ဂနွေကို အလုံခြုံဆုံးနေရာမှ ပြန်လည်တူးဖော်ပြီး သူသွားချင်ရာသို့သွားခွင့်ပေးလိုက်သည် .......။ တနင်္ဂနွေသည် ... မျက်ရည်ကျနေဦးမှာလား ....။ ပျော်ရွှင်နေဦးမှာလား ... ။ထိုအရာများသည် .... သေဆုံးသွားသောသူတစ်ယောက် ၀င်လေရှူရင်းသေသွားသလား၊ ထွက်လေထုတ်ရင်းသေသွားသလား ကိစ္စလို သိပ်အရေးမကြီးသော မတော်တဆ ကိစ္စလေးတစ်ခုမျှသာဖြစ်ခဲ့သည် .....။ စိတ်ထဲတွင်လောင်ကျွမ်းနေသော သီချင်းတစ်ပုဒ်မှာ... 21 Guns ဖြစ်သည် ......။ ထို့အတွက် ... .... ...... ကိုယ့်နှလုံးသားကိုယ်ကို အပြစ်မတင်တော့ပါ .....။ ရိုးသားစွာနာကျင်ခဲ့ခြင်းသည် ... မရိုးသားစွာဟန်ဆောင်ခြင်းထက်တော့ အကြည့်ရဆိုးပါသည်။ သို့သော်.... မရိုးသားသောသဘာဝများကို နောက်ထပ်တနင်္ဂနွေတစ်ခုအထိ သက်ဆိုးရှည်နေခွင့်မပေးနိုင်ပါ .....။ တနင်္ဂနွေချင်းသာနားလည်သော အိမ်မက်များခြောက်သွေ့သေဆုံးခန်းကို..... တနင်္ဂနွေတစ်ခုခုတွင် .... တနင်္ဂနွေသံပီသသော တယောတလက်က ပြန်ပြောနိုင်ပါလိမ့်မည် .....။ သို့သော် တနင်္ဂနွေနားများနှင့် တနင်္ဂနွေ နှလုံးသားများဆီသို့သာ ....တနင်္ဂနွေတေးသည် ပျံသန်းစီးဆင်းလာပါလိမ့်မည်.....။

တစ်ခုသောတနင်္ဂနွေတွင် ......
တစ်ခုသော တနင်္ဂနွေတွင် ......
တစ်ခုသော တနင်္ဂနွေတွင် .......
ဘ၀ထဲမှ တစ်ခုခုကို ထုတ်ခွင့်ရလျှင် .....................................။

ရှင်သန်ခြင်းကို တွယ်ဆက်ထားသော ကြိုးမျဉ်လေးတစ်စကို ခုတ်ဖြတ်လိုက်ရုံထက်မြသော တနင်္ဂနွေဓားတစ်လက်သည် .....
... ............ ........................ တနင်္ဂနွေ ....အလင်းတစ်ချက်ပြိုးပြက်ရုံ လင်းလက်စဉ်ခဏတွင် ..... တစ်ချိန်က တနင်္ဂနွေအပြုံးများကို သတိရနေခဲ့သေးသလား သိပ်တော့မသေချာခဲ့ပါ။ ။

Zephyr ...

Idea Special Issue, July

Wednesday, July 28, 2010

Idea Special Issue, July
9th Anniversary

(Fileden မှာ host လုပ်ထားတဲ့ flash တွေ တခြား hosting ရွှေ့နေပါတယ်။)

ငါ့ကိုရေးတဲ့ တနင်္ဂနွေမိုးပြေးများ

Saturday, July 24, 2010

.....................
တနင်္ဂနွေ သေတ္တာ

တစ်ယောက်တည်း ရှိမနေကြောင်းသေချာအောင် အဲဒီသေတ္တာကို ဖွင့်ပစ်လိုက်တယ်
မဟာဂီတ.. ပင်လယ်မှာ ညနေ ငါးနာရီ .. ကာဗလာ အနုပညာ … သင်မသေစေရ ..
ငါ မသေစေရ မှ မဟုတ်ပဲ .. ဒီစကားလုံးတွေက တော်တော်လေးမင်ရည်ကျဲတယ် …

နာနာဘာဝ မော်တော်ကား .. ရထား .. သစ္စာတရားကိုရှာဖို့ ငါမြင်းစီးထွက်မတဲ့ ..
ဒိုင်အိုးဂျီးနီးစ် နေ့လည်နေ့ခင်းကြီး မီးခွက်ထွန်းရှာနေသလိုများ ဖြစ်မလား …
သစ္စာတရားရဲ့ အမည်နာမခွဲ အမျိုးမျိုးစာရင်း သူ့ကို တင်သွင်းပေးရဥိးမယ် …

ဂျိန်းအဘိဓမ္မာ.. ဒလိုင်းလားမား .. ဇင်ဖလက်ရ်ှဇင်ဘုန်း.. သိဒတ္ထ ..
ပြီးတော့ ..သင်တို့က လူလိမ်လို့ဆိုတဲ့ အင်္ဂါသား လော့ဘ်ဆန်ရန်ပ …
တတိယမျက်လုံး … ဒါကရော ဘာ အသုံးအဝင်မယ်လို့ ခင်ဗျား ထင်သလဲ …


ပျောက်ဆုံးနေတဲ့ ၁၈နှစ်တာ … မဟာဂန္ဓာရီမှတ်တမ်း .. တစ်ကျွန်းစံ အပြန်လမ်း
ဘယ်လှိုင်းမှ မနမ်းရခင် ငါ့ကမ်းကတော့ ပြိုကျ ပျောက်ဆုံးသွားခဲ့ပြီးပြီ
စိတ္တဇပန်းချီ .. အရောင်တွေညီလာခံတဲ့ ညနေခင်း အဲဒီ အလင်းက သံစဉ်မဲ့လွန်းနေတယ်

ဒီမှာ ဒဏ္ဍာရီအသစ်တွေ ဖန်တီးနေတဲ့သူ.. ခင်ဗျားပျောက်ဆုံးနေတဲ့ သင်္ကေတဟာ ငါကိုယ်တိုင်ပါပဲ …
သေတ္တာတစ်ခုလုံး ကုန်ဆုံးသွားတဲ့ထိ ငါ တစ်ယောက်တည်းရှိနေတာ သေချာပြီးရင်း သေချာနေခဲ့
သေတ္တာထဲမှာတော့ ဘာဆို ဘာမှ မကျန်တော့ဘူး .. ငါ့ကိုယ်ငါ တူးဆွဖို့ပဲကျန်တော့တယ် ..

အဲဒီ တနင်္ဂနွေသေတ္တာကို ဆွဲဖွင့်လိုက်တဲ့အခါ
သင်တို့ အလိုမရှိတဲ့ ငါ့ကိုပဲ တွေ့ကြရပါလိမ့်မယ်။

နေဝင်သွားခဲ့ပြီဆိုပါစို့ .. သင့်ဆီ သေတ္တာတစ်လုံး မျောရွေ့လာခဲ့လိမ့်မယ် …
သင်ပျောက်ဆုံးနေတဲ့သင်္ကေတ .. သင်ပျောက်ဆုံးနေတဲ့နာရီ သင်ပျောက်ဆုံးနေတဲ့ချစ်ခြင်း
ဘယ်လိုအလင်းမှ အဲဒီသေတ္တာထဲပါလာခဲ့မှာမဟုတ်ပါဘူး ….။ ။
၁၉.၇.၂၀၁၀

တနင်္ဂနွေလှောင်အိမ်
တံခါးကလည်း ပွင့်လျက်ပဲ
ငါ့အတောင်ပံတွေကလည်း အကောင်းအတိုင်း
သူတို့ အပြိုင်းအယိုင်း ပျံသန်းနေတာလည်း ငါမြင်နေရတယ်
ငါကျတော့ ဘာလို့ငြိမ်သက်နေမိတာလဲ …။


တနင်္ဂနွေစာအုပ်
သမ္မာကျမ်းစာနည်းနည်း
နီတိ ခပ်ကျဲကျဲနဲ့
ကိုယ်ပိုင်အဘိဓမ္မာတွေလည်း အေးခဲနေခဲ့လိမ့်မယ်
ဒါပေမယ့် ကဗျာတွေတော့ပါတယ် …


တနင်္ဂနွေအာရုံ
တကယ်ဆို …
ဘုရားသခင်ရှေ့မှောက် ဦးခိုက်
အမိုက်ဇာတ်တွေကို သိမ်းခိုင်းလိုက်ရမှာ ..
ခုတော့ ..အာရုံတွေ မှားနေခဲ့ပြီ ……….


တနင်္ဂနွေသံမှို
တည့်တည့်မတ်မတ် စိုက်ဝင်နေခဲ့ပြီ
စူးရှချွန်ထက်သော စကားပွင့်များ
ချစ်ခြင်းအားဖြင့်သာ နစ်ဝင်ခွင့်ရခဲ့ကြတယ် ။။

တနင်္ဂနွေကော်ဖီ
သိမှတ်မဲ့ မော့ချပစ်လိုက်တဲ့ တိမ်တိုက်တွေက ကော်ဖီ ..
အခါးနည်းနည်းလျှော့ထားပါလျက်က.. ခါးသက်နေဆဲ
အမှောင်လည်း နည်းနည်းကဲ နေခဲ့တယ် ……။


မိတ်ဆွေ .. ဒီမိုးပြေးတွေကို တွေ့လိုက်ရချိန်မှာ ဒီတနင်္ဂနွေကဖြင့် မိုးနည်းနည်းခေါင်တဲ့ ရာသီတစ်ခု ဖြစ်နေခဲ့ပါလိမ့်မယ်။

လက်အံသေခြင်း

Monday, July 19, 2010

လက်အံသေခြင်း
ကံကြမ္မာဆိုးတွေကိုပဲချချရေးရင်း
သီချင်းတွေတစ်စက်စက် ကုန်သွားတာ
သတိမထားမိလိုက်ဘူး
အလွတ်ကျက်ထားပြီးမှ ဆိုဖို့မေ့မေ့နေတတ်တဲ့အထဲမှာ
ဘုရားစာလည်း ပါ ပါနေတယ် မခက်ဘူးလား
ဘုရားသိကြားမလို့ ငါတို့ရင်ဘတ်တွေကိုစည်တီး
ကောင်းချီးပေးခိုင်းရဦးမယ်။
ရန်သူတွေအကြောင်းကို မေ့မေ့နေတတ်တော့
နောက်ကျောမှာ အမာရွတ်တွေများ များလာတယ်။
လေဟာနယ်တွေဟာ ကျန်းမာရေးကိုထိခိုက်စေတာသေချာသလား
ကဗျာတစ်ပုဒ်ကို ခပ်တိုးတိုးရေရွတ်နေလိုက်ပါ
တစ်ခါတစ်ခါ ဓားတွေဟာရှေ့ကလည်း လာတတ်ပါတယ်
လေတိုးသံတောင် မကြားလိုက်ရတတ်ဘူး။
အနာဂတ်တွေကို ဖိဖိရေးရင်း
နှင်းတွေက တင်းကြမ်းကျလာလိုက်တာ
ကံကြမ္မာတွေတောင် ဖွေးဖွေးဖြူလို့
ကျွန်မ ဘယ်လိုရာသီဥတုနဲ့များ
လာဘ်ပေးလာဘ်ယူ လုပ်ထားရပါ့မလဲ
ခုထိ ဝေခွဲမရနိုင်သေးဘူး။
မနော်ဟရီ၊
၂၀၀၂



လက်အံသေခြင်း (ထပ်ဆင့်ခံစားထားပါသည်။) ...

အသက်ရှူသံတွေသာ တိုးငြိမ်တိတ်ဆိတ်လာခဲ့ ...
စိတ်ကောင်းဝင်ချိန်လေးတွေ
အိမ်ပြန်ချိန်ရှာမတွေ့သေးဘူး ...
.....

မေမေ ..
ကောင်းကင်တော်ဆီ ဆန့်မြှောက်ထားတဲ့လက်တွေ ..
လက်အံသေနေပြီ မေမေ ...။

ဘုရားသခင် အခွန်စည်းကြပ်ပိုင်ခွင့်မရှိတဲ့ နှလုံးသားထောင့်တစ်နေရာမှာ
နတ်ဆိုးရဲ့ရပိုင်ခွင့်
မြေမှုန့်တချို့တ၀က်ရှိတယ်တဲ့...

လက်အံသေနေပြီမေမေရယ် ...
ကိုယ့် ဂုဏ်သိက္ခာကို တစ်သက်လုံးဆွဲတင်မထားရတာ လက်အံသေနေပြီမေမေ ...
ချစ်တဲ့သူတွေရဲ့ နားမလည်မှုတွေကို မထားရတာလည်း လက်အံသေနေပြီမေမေ ...
ရယ်လိုက်တဲ့အခါ အတူလိုက်ရယ်သူတွေရှိမယ် ..
ငိုရင်တော့ တယောက်တည်း ငိုရမယ်တဲ့ ...
မေမေ ...
သားရဲ့စိတ်လည်း လက်အံသေနေပြီမေမေ ...
သားရဲ့ နှလုံးသားလည်း လက်အံသေနေပြီမေမေ ...။

မေမေ ...
အချိန်မီရောက်လာပါ ...
နာဖျား ချိနဲ့နေတဲ့လက်ကို
မေမေ့ရဲ့ ချစ်ခြင်းနဲ့ကုသပါ ...

မေမေ
အချိန်မီရောက်လာပါ ..
နွမ်းရိညှိုးငယ်သောစိတ်ကို
မေမေ့ရဲ့ ချစ်ခြင်းနဲ့ကုသပါ ...

မေမေ ..
သား ... သိပ်ချစ်တယ် ......................................................။ ။

Zephyr

တစ်နှစ်ပြီးတစ်နှစ် တစ်ရက်ပြီးတစ်ရက် တစ်ညပြီးတစ်ည

Friday, June 25, 2010

တစ်နှစ်ပြီးတစ်နှစ် တစ်ရက်ပြီးတစ်ရက် တစ်ညပြီးတစ်ည

ငါ ဘာတွေ လုပ်နေမိတာလဲ တစ်နေ့ပြီးတစ်နေ့
မနက်လင်းပြီဆို … ဘုရားရှိခိုးဖို့တော့ မေ့မေ့နေတတ်
ခလုတ်ကိုအရင်စမ်း ..ကမ္ဘာကြီးကိုပဲ ချောက် ကနဲ လှမ်းလှမ်းဖွင့်မိ
ကော်ဖီတစ်ခွက်ကိုဘေးချ နှပ်သားမကျတဲ့ နာရီတွေကိုချည်း မေ့သောက်နေမိ တမေ့ တမော ….
ရယ်စရာမောစရာတွေကို စကာနဲ့တိုက်ချရင်း မောစရာတွေချည်း စစ်ယူလိုက်မိတဲ့သူလို
သက်ပြင်းတွေရင့်အိုပြိုကျလာပြီ ဆိုရင်တော့ ငါ .. အဲဒီခလုတ်ကို အသာပိတ်
ငါ့အပြင်ဖက်ကို ငါ တိတ်တဆိတ် ထွက်ခဲ့လိုက်တတ်တယ်။

ငါ ဘယ်တွေ သွားနေမိတာလဲ တစ်နေ့ပြီးတစ်နေ့
ခြေထောက်က တစ်နေရာ စိတ်က တစ်နေရာ ဦးနှောက်က တစ်နေရာ နှလုံးသားက တစ်နေရာ
တစ်ခါတစ်ခါဆို .. သေပစ်လိုက်ဖို့ကိုပဲ သူတို့ ခဲရာခဲစစ် စစ်ဖြစ်နေကြပြန်တယ်
ဒါပေမယ့် … နေကွယ်ပြီဆိုပြန်တော့လည်း ..ခြေထောက်က ဦးလှည့်တဲ့အိမ်ဆီ
ရည်ရွယ်ချက်မပါ ဦးတည်ချက်မပါ မညီမညာ လိုက်ပြန်ခဲ့ကြပြန်ရော …

ငါ ဘာတွေ လုပ်နေမိတာလဲ တစ်ညပြီးတစ်ည
သတိရတတ်မှုတွေကို ထထပိတ်နေရလို့ မအိပ်ဖြစ်သေးတာ ဆိုရင်
ခင်ဗျားတို့ ရယ်ချင်ရယ်ကြလိမ့်မယ် …
ပရောက်စီတွေနဲ့ ကျော်ရလွှားရတာခက်ခဲတော့ အဲဒီ button က ပျောက်ပျောက်နေတတ်တယ်
ဒါကိုတော့ ချွင်းချက်အဖြစ် လျို့ဝှက်ထားလိုက်ကြတာပေါ့
ရွတ်ဆိုနေကျ အဖွင့်ဂါထာတွေကိုလည်းမေ့လျော့ အမှောင်ထုက ကြိုးလျော့လျော့လာတယ်
တစ်မိုင်တိုင်ပြီး တစ်မိုင်တိုင် …………

ငါ ဘယ်တွေ သွားနေမိတာလဲ တစ်နှစ်ပြီးတစ်နှစ်
ကိုယ့်လှေကိုယ်အလွဲလွဲအမှားမှားစိုင်းမိရင်း .. ကိုယ့်မြင်းကိုယ် အမှားမှားအလွဲလွဲထိုးမိရင်း
ဟိုလည်းမရောက် ဒီလည်းမရောက် ကမ်းပျောက် မြေပျောက် ရင်ခွင်ပျောက်နေသူလို
နေတွေဝင်လာလိုက် နေတွေထွက်သွားလိုက် အမှောင်+အလင်း
လရောင်လင်းလာလိုက် လရောင်မှောင်သွားလိုက် အမှောင်+အလင်း
ကြယ်တွေပွင့်လာလိုက် ကြယ်တွေမိုက်သွားလိုက် အမှောင်+သီချင်း
အမှိုက်တွေလှဲရင်း …………လှဲရင်း ………… ခရီးက မတွင်…………..

ငါ ဘာတွေလုပ်နေမိတာလဲ တစ်နှစ်ပြီးတစ်နှစ်
မချစ်လိုက်ဖို့ကြိုးစားစရာမလိုပဲ မချစ်ကို မချစ်ဖြစ်တော့တဲ့ အချစ်စစ်စစ်တွေအကြောင်း
စွန့်ပစ်ဖို့ကြိုးစားစရာမလိုလိုက်ပါပဲ မပစ်ကိုမပစ်ဖြစ်လိုက်တော့တဲ့ စွန့်ပစ်ခံစစ်စစ်တွေအကြောင်း
အစစ်ဖြစ်ဖို့ကြိုးစားစရာမလိုလိုက်ပါပဲ မစစ်ကိုမစစ်ချင်ကြတော့တဲ့ အစစ်တရားစစ်စစ်တွေအကြောင်း
အဟောင်းတွေချည်း ထပ်တလဲလဲ ကျင်လည်ရစ်ဝဲနေခဲ့ တစ်သက္ကရာဇ်ပြီး တစ်သက္ကရာဇ်
တစ်နှစ်ပြီး ……………တစ်နှစ်…………………

ငါ ဘာလို့ ရပ်နေမိပြန်တာလဲ တစ်နှစ်ပြီးတစ်နှစ် …………..

မနော်ဟရီ (၉၊၅၊၂၀၀၉)

ကကြီးခခွေးအိမ်ကိုပြေး…. အပြေးမတတ်…………

Friday, June 18, 2010

အမ မေငြိမ်းရဲ့ ကကြီး ခကွေး tagged post အတွက် တချိန်က ရေးခဲ့ဖူးတဲ့ ဒီဝတ္ထုလေးကိုပဲ ပြန်တင်လိုက်ပါတယ်။ အရင်က တင်ခဲ့ဖူးပါတယ်။ ဒီဝတ္ထုလေးက ၂၀၀၆ လောက်က ကိုကျော်သီဟ ရွှေသမင် မဂ္ဂဇင်းမှာ လုပ်နေတုန်း ပေးဖြစ်ခဲ့တဲ့ ဝတ္ထုလည်း ဖြစ်ပါတယ်။

ပုံကို ဒီနေရာက ယူပါတယ် ။

ကကြီးခခွေးအိမ်ကိုပြေး…. အပြေးမတတ်…………

ကချော်ကချွတ်နိုင်လှတဲ့ ကမ္ဘာထဲကို ကံအားလျော်စွာ ကစဥ့်ကလျားပြုတ်ကျခဲ့တာဟာ ကံဇာတ်ဆရာရဲ့ အလိုကျအတိုင်းများလား။ ဒီလောက်တောင် ကမောက်ကမနိုင်ခဲ့ရကောင်း လားလို့.. ကက်ကက်လန်ရန်တွေ့ဖို့ကျပြန်တော့လည်း ကျွန်မမှာက အဲဒီလိုနိမ့်ကျတဲ့ဗီဇက ဘုရားသခင်ရဲ့ ကောင်းချီးတစ်ခုအနေနဲ့ ပါမလာခဲ့ပြန်ဘူး။ ကျေးဇူးဆိုတာရှိမှကျေးစွပ်နိုင်တာ ပဲ။ ကြောက်စရာကောင်းတဲ့ ကတိက၀တ်တွေနဲ့ဆန့်ကျင်ပြီး တည့်တည့်ကြီး ထိုးခွင်းပျံသန်းလာတဲ့ ကျောဖက်က ဓါးတစ်ချောင်းဟာ “ကတညုတ”တရားနဲ့ ဘယ်လိုများ ပတ်သက်နိုင်မှာတဲ့လဲ။ ကိုယ်ကျိုးအတွက် ကစိန်းက၀ါးကြည့်တတ်တဲ့သူတွေကို ကျွန်မက သီးခံလို့မရတတ်ဘူး။ ကရကဋ်ရာသီရဲ့ တိမ်ထုကမှောင်လွန်းတယ်။ တချို့သူတွေရဲ့ လျို့ဝှက်လက်သည်းချွန်တွေလိုပဲ။

“ခန္တီစတရား”ဆိုတာ တကယ်တော့ပညာရှိတွေရဲ့ အလှစကားပါ။ အမှန်က အားမတန်လို့ မာန်ချလိုက်ရတာမျိုး။ အဖက်မတန်လို့ကော မဖြစ်နိုင်ဘူးလား။ ခွန်းကြီးခွန်းငယ်စကားများရတာကို သေမလောက် ကြောက်တတ်တဲ့စိတ်က ခံပြင်းစိတ်တွေကို လျော့ပါး အားပျော့သွားစေခဲ့တယ်။ ဘ၀မှာ ခိုက်ရန်ဒေါသဖြစ်ရမှာကို မကောင်းမှုကျူးလွန်ရသလို ကြောက်တတ်တဲ့ ကျွန်မက … မကြာခဏ ချောက်ကမ်းပါးတွေနား ကပ်လျှောက်နေခဲ့ရတယ်။ ခလောက်ဆန်နေရမှ နေသာတဲ့ လူတစ်ချို့ကို ခပ်ထတ်ထတ်လေး ပြောကြည့်ဖို့ ကြိုးစားပေမယ့် မအောင်မြင်ဘူး။ ၀န်တိုမစ္ဆရစိတ် များနေတဲ့လူတွေကို ကျကျနန လျှော်ဖွပ်ပေးဖို့ ခ၀ါသည် ကောင်းကောင်းလိုနေတယ်။ ခလုတ်တံသင်းနဲ့ တူတဲ့ အနှောက်အယှက်ဖြစ်နေတဲ့ အမှိုက်သရိုက်တွေကို စစ်ထုတ်ဖယ်ရှားပေးနေတဲ့ ခြင်းက ခြင်းကြားကြီး ဖြစ်နေခဲ့တာကတော့ ကမ္ဘာကြီးရဲ့ကံပေါ့။

ငြိုးသူရန်ဖက်တွေအတွက် ဂြိုဟ်ပြေနံပြေ ယတြာခြေပေးဖို့ လိုအပ်နေပုံပဲ။ ကိုယ့်ဂုဏ်ကိုယ်ဖော်မှ လူသိမယ်ထင်တဲ့ မသူတော်တွေကို ကျွန်မ မနေ့ကပဲ အကောင်းစားကြည့်မှန်တွေ လိုက်ဝေ ပေးလိုက်သေးတယ်။ တကယ်တော့ ရှုပ်ထွေးပွေလီပြီး မာယာများလှတဲ့ လောကနဲ့ လားလားမှ မအပ်စပ်တာက “ဃ”ပါ။ “ငါတကော”ကောနေတဲ့ သူတွေကိုကြည့်ပြီး သံဝေဂတွေရလို့။ ချောင်းကောမြောင်းကောတွေနဲ့ လူကောတွေ ဘယ်လိုကွာလဲသိချင်တယ်။ ရွှေတကောကတော့ လူတွေကိုဆီးကြိုနေလေရဲ့။ ငြင်းခုံအော်ဟစ်ရန် အဆိုတင်သွင်းခဲ့တာမဟုတ်ရပါဘူး။ ငါ့စကားနွားရ ပြောတတ်သူတွေကို အံ့သြလွန်းလို့ပါ။ တကယ်ဆို ကျွန်မက ငြိမ်သက်ငြိမ်း အေးတာကိုပဲ နှစ်သက်ပိုင်ဆိုင်ချင်တာပါ။

“စိုင်ကော်လို့ ချုံပေါ်ရောက်” ခဲ့တဲ့သူတွေကို ကြည့်ပြီး ထိုးကော်တင်ပေးမယ့် စိုင်တွေကို တောနင်းရှာနေကြတာကို စိတ်စနိုးစနောက်နဲ့ ထိုင်ကြည့်နေမယ့်အစား စနစ်တကျ စနည်းနာ လိုက်ပါလား။ စနစ်တကျနဲ့ ချုံပေါ်ရောက်ရေး planတွေကို တွေ့ရမှာပေါ့။ စပ်ဆုပ်စရာကောင်းတဲ့ စေတသိက်တွေ၊ စေတနာမပါတဲ့ မာယာစကားလုံးတွေ၊ အစွယ်ပုန်းတွေ၊ စိတ်ကိုဥပါဒ်ပေးမယ့် မိန်းမလိုမိန်းမရတိမ်တိုက်တွေ၊ မျိုးပွားရှင်သန်နေကြလေရဲ့။ဆင်ခြင်တုံတရားဆိုတဲ့ စကားလုံးကို လူတွေသုံးလာလိုက်တာ ဆွေခုနှစ်ဆက်မျိုးခုနှစ်ဆက်တောင် မကတော့ဘူး။ ဒီလိုနဲ့ ဘ၀တွေ ဆတ်ဆတ်ခါ နာခဲ့ရပေါင်းများပြီ။ ကိုယ့်ဆင်ခြင်တုံတရားနဲ့ သူတစ်ပါးရဲ့ဆင်ကြံကြံမှု ပက်ပင်းတိုးလာတဲ့အခါ..။ ဆင်သေကို ဆိတ်ရေနဲ့ဖုံးရလောက်အောင် မတုံးတော့တဲ့ လူတွေကိုလည်း တွေ့ဖူးလာတယ်။ သေပြီဆိုမှတော့ကွယ်။

ဇ၀က်သာနဲ့ ဇာတိပ္ဖိုလ်သီးကို ရောစပ်ထားတဲ့ ပရဆေးကိုမြင်ဖူးလား။ ဘယ်လိုအသုံးကျလဲ သိချင်ရင် ဇာတ်ကြောင်းသာ လှန်ကြည့်လိုက်ပေတော့။ ဇာတ်သာလန်သွားမယ် ဇစ်မြစ်မတွေ့ရတဲ့ ကိစ္စတွေလည်းရှိနေတာပါပဲ။ ကျွန်မကို ဇိကုတ်ပြီး နတ်ပြည်တင်ပေးမှတော့ ဇက်နာရုံပဲ ရှိတော့မှာပေါ့။ ဇာတ်ဆရာကတော့ ဇာတ်ကိုပြင်ပေးမှာ မဟုတ်ဘူး။ ဇဝေဇ၀ါနဲ့ ဇိုးဇိုးဇတ်ဇတ် ကောက်ယူလိုက်မိတဲ့ အရာဟာ ကျွန်မလက်ထဲမှာ ဇေ ပဲတဲ့။ Victory ဖြစ်ဖို့ တစ်ဘ၀စာ ခြားသွားခဲ့တာကလွဲရင်ပေါ့။

ဈာပနအခန်းအနားတစ်ခုရဲ့ နိဂုံးတစ်ခုဟာ စတင်မှုအသစ်တစ်ခုရဲ့ အစဖြစ်တယ်။ သိပ်တော့မကောင်းပါဘူး။ ကျွန်မလည်း လူကောင်းမှမဟုတ်တာ။ ကျွန်မရဲ့အားနည်းချက်ကိုက ငတုံးတွေကိုမုန်းတာ။ ဥာဏ်နုံနဲ့ရတဲ့အထဲ ဥာဉ်ကလည်းဆိုးသေး … ဆိုတဲ့သူတွေကလည်း ဒီလောကမှာ ဒုနဲ့ဒေး ။ ဒါပေမယ့် သူတို့ ရှင်သန် ပေါက်ရောက်နေကြတယ်။ ဥာဏ်မရှိပေမယ့် ကံရှိတယ်ဆိုလား…။ သံသရာရထားကြီးက ဆီကုန်နေတယ်။ ညစ်ပုတ်ကပ်ကျယ်နဲ့ လူတွင်ကျယ်လုပ်နေတဲ့ သူတွေ ကျန်းမာရေးကောင်းကြပါစေ။

ကြုံခဲ့ဆုံခဲ့သမျှ စိတ်ညစ်ညူးစရာတွေကိုသာ ဋိကာချဲ့ရရင် “ဋိကာကျော်ကျမ်း”ကတောင် ငိုသွားဦးမယ်။ ဌာန်ကရိုဏ်းကျကျ ရွတ်ဆိုရတဲ့ ဂါထာတွေ အကြောင်းပြောပြပါဦး။ တကယ်တမ်းကျတော့ တက္ကသိုလ်ဆိုတာ ဘွဲ့တွေချည်းပဲ ပေးလိုက်တဲ့ နေရာမဟုတ်ဘူး။ ဒါပေမယ့် တော်တော်များများက ဒါကိုပဲ တခုတ်တရယူခဲ့ကြတယ်။ တံငါနားနီးတံငါဆိုတာကိုး။ တစ်ခုလပ်တစ်ယောက်ကို တစေ့တစောင်းကြည့်ပြီး တခဲနက် တာဝန်မဲ့ ဝေဖန် အားပေးချင်သူတွေကလည်း အုံနဲ့ကျင်းနဲ့။ လူဆိုတာကလည်း လူတိုင်းကို ကိုယ့်စေတသိက်နဲ့ တွက်ကြတာကိုး..။“ငါသာဆိုရင်လည်းသူ့လို…”လို့ သူတို့မတွေးတာလား၊ တွေးနိုင်စွမ်းကို ပါမလာတာလား မသိဘူး။

တယောသံတွေက တအီအီနဲ့ တလိမ့်ခေါက်ကွေး ပြိုကျလာနေတယ်။ ပျင်းစရာကောင်းလိုက်တာ။ တစည်းတလုံးတည်း ရှင်သန်နေတဲ့ မ’တစ်ရာသားတွေကို တွေ့ဖူးလို့လား။ အားလုံးက ကိုယ်လှေကိုယ်ထိုးရင်း သူများလှေလှမ်းနှစ်ဖို့ ကြိုးစားနေကြသူတွေ များတယ်။ ကိုယ်နဲ့နှိုင်း မရိုင်းဆိုလား..။ အရေးကြီးတာက လူလည်ကျနိုင်မှုကို ဥာဏ်ကြီးမှုလို့ ထင်သွားမှာစိုးတာပါပဲ..။ ဒါကအန္တရာယ်ကြီးတယ်..။

ထီးချက်စောင့်နတ်သမီးတောင် လက်မှိုင်ချရတဲ့ထိ ကောက်ကျစ်ယုတ်မာတဲ့ ပုစ္ဆာတွေ လှိုင်းထနေခဲ့ကြပြီ။ ထောင့်မှန်တစ်ခုရဲ့အတွင်းထောင့်ဟာ ..၉၀ံ တိတိကျကျရှိနေပါလျက်နဲ့ “ထောင့်မကျိုးဘူး”လို့ အပြောခံရတာကလည်း ရင်နာစရာ။ ထုံထိုင်း ထွားကျိုင်းလာတဲ့သူတွေကို ထွေလီကာလီ ရှင်းပြမနေတော့ဘူး။ သူတို့တွေနဲ့ ထွေးရောယှက်တင် နေစရာအကြောင်းမှ မရှိတာ ကာကွယ်ဆေးရော ATD ရောထိုးထားသင့်တာပေါ့။ ဒလန်ဆိုတဲ့ စကားရဲ့ အဓိပ္ပာယ်ဟာ ကျွန်မနဲ့ စိမ်းဝေးလွန်းလှပါတယ်။ ကျွန်မက ဒီဇင်ဘာလမှာ မွေးခဲ့တာကိုး။ ဒီဇိုင်းလှတပတလေးတွေနဲ့ ယက်လုပ် ဖော်ကျူးထားတဲ့ အနုပညာဟာ ဒုံးဝေးလွန်းနေတယ်။ မြင်းစီးလာခဲ့ပါလား။ ခွာတော့မလိပ်စေနဲ့ပေါ့။ ဒေ၀ဒတ်တောင် နားမခံသာတဲ့ ဒိုက်သရောတွေ မျောပါလာနေတယ်။ ခုခံကာကွယ်ဖို့ ဒိုင်းလွှားတစ်ခုလောက် ပေးလိုက်ပါ။ စိတ်ရဲ့ဒါဏ်ရာဒါဏ်ချက်တွေနဲ့ ထွက်ပေါက်မဲ့နေခဲ့တဲ့ ဒိုင်ယာရီစာအုပ်ကလေးက သနားစရာ..။ ဓနုရာသီမှာ မွေးဖွားခဲ့တာကိုက စမှားတာထင်ပါရဲ့။ ဓူဝံကြယ်ကတော့ လမ်းပြပါရဲ့။ ခက်တာက ဓားစာခံသက်သက် ဖြစ်နေတာ။

နကျယ်ကောင်လို့ ဘာလို့ခေါ်ကြတာလဲ။ နားစွန်နားဖျားနဲ့ နားကြားများ လွဲရော့လေသလား။ နိမိတ်တွေကို ဖတ်ကြည့်တဲ့အခါ နိယာမတရားတွေက အတုတွေ..။ နက္ခတ်တွေက အလွဲလွဲ အချော်ချော်…။ နတ်သံနဲ့လာပစ်နေပုံက …နင်ပဲငဆနဲ့..။ လူလည်းနွမ်းလျလာခဲ့ရပြီ။ နှုတ်ကြမ်းလျှာကြမ်းနဲ့ နှုတ်တုံ့လှန်တတ်တဲ့သူတွေဟာ ဘယ်လိုကန္တာရတွေက ပေါက်ရောက် လာကြတာတဲ့လဲ…။နှိုင်းယှဉ်ကြည့်မယ်ဆိုရင်တော့………..။

တကယ့် “ပကတိ”တရားကို ပြပါဆိုရင် ဒါဟာ “ပညာ” ပါပဲ။ အဲဒီမှာ ပညတ်ချက်မပါဘူး။ ပစိပစပ်မများဘူး။ ပြန်ပြောင်းပြောဆိုမနေတော့ပါဘူး။ ပြဿဒါးရက်တွေက ပြဿနာတွေကို သယ်သယ်လာတတ်လွန်းလို့။ ဘ၀ဟာ ပုံသေကားကျတော့ မဟုတ်နိုင်ဘူး။ ပါချီပါချဲ့ ပညာလောက်နဲ့တော့ နားလိုက်တာ ကောင်းမှာပါ။ ပွဲလန့်တုန်း ဖျာခင်းချင်သူတွေက အများသား…။ အဲဒီလူတွေကို ဖယ်ကျဉ်ထားခဲ့ဖို့ ကောင်းပေမယ့် တချို့ကတော့ ဒါကိုပဲ. .မိုးရွာတုန်းရေခံတာ လို့မြင်နေတော့မခက်လား…။

ဖားကို ဖုတ်ကျည်းသဂြိုဟ်ထားတဲ့ ပုံနဲ့တော်တော်တူတာပဲ..။ ဖောက်ချည်နဲ့တိုင်ချည်ကလည်း လွဲနေသေးတယ်။ ဖက်ဆွတ်မိုးလေးရွာရုံနဲ့ ဖက်ယားပင်တွေ အပြိုင်းအယိုင်း ပေါက်လာတာတော့ လွန်လွန်းတယ်။ လောကထဲက ဖဲ့ထုတ်ဖို့ဆိုတာကလည်း ဖြတ်ထိုးဥာဏ်ကောင်းဦးမှ…။ ခုတော့ ဖျင်းလိုက်တာကလည်း ချာလို့။ ဖြစ်စဉ်တွေကို ပြန်ကြည့်တဲ့အခါ.. မင်းကလွဲရင်ဖွဲနဲ့စကွဲပါပဲ…တဲ့။ ဖွဲတွေကပြာသွားတာတော့ဆိုးတယ်။

အထဲမှာ ဘာမှမပါတဲ့ ဗလာစာအုပ်နဲ့တူတဲ့ လူတချို့ကို တွေ့ဖူးတယ်။ တချို့ကတော့ ဖြူစင်ရိုးအ တာပေါ့။ တချို့ကျတော့. .ဘာတွေမှန်းကို မသိတာ။ ဗလာကောင်တွေ..။ တချို့ကျတော့ ဗဟုသုတတွေ စီတန်းထည့်ပြီး လိုသလိုဆွဲဆွဲသုံးတတ်ကြတယ်။ သူတို့ကျတော့ဘယ်လိုခေါ်မလဲ ..ဗုံမဟုတ်ပတ်မဟုတ်နဲ့…။ ဗလစ်ဗလစ်နဲ့ ဗလောင်းဗလဲ ပြောတတ်တဲ့သူတစ်ယောက်ကို တွေ့ဖူးလား..။ ဟိုရှေ့နားက ဗွက်အိုင်ကိုကျော်ရင် သူ့ဆီရောက်ပြီ။ ဘူတာရုံတွေတောင် ချိတ်ပိတ်ထားရတဲ့ ရထားတစ်စင်းကိုလည်း ကျွန်မတွေ့ဖူးတာပဲ..။ ရေဆူမှတ်တောင်ရောက်နေပြီ။ ဘောင်ဘင်ခတ်သံတွေ ဆူညံလိုက်တာ နားမခံသာဘူး..။ ခုကျမှလည်း ဒီကစားပွဲကနေ ဘွာခတ်လို့ ရမှာမှမဟုတ်တာ။ ဘွဲ့ထူးဂုဏ်ထူးတွေ ပေးလို့ရရင်တောင် ပေးလိုက်ချင်ပါရဲ့။ ဘုံကြိုးပြတ်တဲ့ နတ်ဘီလူးမကြီးရယ်။

လူတွေများခက်တာ။ ဘာမှပြန်လှန်မပြောနိုင်တဲ့ ၀ိညာဉ်တွေကို ခေါ်ပုံက “မကောင်းဆိုးဝါး”တဲ့။ တညင်းသီးက ပြန်နံနေတာ မျိုးထင်ပါရဲ့။ မကြားဝံ့မနာသာ စကားတွေကို မချိသွားဖြဲလေးနဲ့ မချိမဆန့်ခံနေရတဲ့ လူတွေကိုတော့ ကိုယ်ချင်းစာပါတယ်။ မလုံမလဲနဲ့ ထွက်ကျလာတဲ့ မလှိမ့်တပတ်စကားတွေကို ဘယ်သူက မထီတရီ နားထောင်နိုင်မှာတဲ့လဲ။ မနုသီဟကမှ ဖင်နှစ်ခွထဲရှိတာ။ မြွေဟောက်ကလျှာနှစ်ခွနဲ့။ မှော်ဆရာရေ..အဲဒီမြို့ကလေးကို ဘယ်လိုမှ မကယ်တင်နိုင်တော့ဘူးလား။ မိုက်မိုက်မဲမဲနဲ့ မွန်မြတ်နေမိတဲ့ဘ၀ပါ။

ရှေ့မှာ ယီးတီးယားတား လာလုပ်နေပုံကိုက ကြည့်ရတာ ရင်ထဲမှာ ယားကျိကျိဖြစ်လာစေတယ်။ ယစ်ထုတ်တွေကတော့ ကမ္ဘာကြီးလည်လို့လည်နေမှန်းတောင် မသိကြဘူး။ ယောက်ယက်ခတ်နေတဲ့ ယောက်မတွေ မွှေနှောက်နေပုံက အော်ဂလီဆန်စရာ ကောင်းလိုက်တာ။ ယေရှုသခင် ကိုယ်တော်. .ကယ်တင်ပါ။ ယူကျုံးမရနေ့ရက်တွေကိုတော့ ထားခဲ့လိုက်ပါပြီ။ ဘယ်သူ့ဘယ်သူမှ ယိုးစွပ်မနေတော့ပါဘူး။ ရာဇဂုဏ်မောက်ဖို့ဆိုတာက လွယ်တာမှတ်လို့။ ရာသက်ပန်ရိုးမြေကျတဲ့..။ ရေစက်..တဲ့။ ရူးကြောင်ကြောင် စကားလုံးတွေ ရေရွတ်ပြနေတာ။ ခင်ဗျား. .ခုထိမရင့်ကျက်နိုင်သေးဘူးလား…။ လူကဖြင့် ရင့်ရော်နေခဲ့ပြီ။ တစ်ယောက်နဲ့တစ်ယောက် ရိုင်းပင်းပြီး တခြားသူတစ်ယောက်ကို ရိသဲ့သဲ့နဲ့ ရိုင်းပြရတာ အရသာလား..။ လောကနိတိအကောင်းစားတွေကိုတော့ ထားခဲ့လိုက်ပါတော့။ ကိုယ်ဖော်တဲ့ဆေး ကိုယ်မစားနိုင်ဖြစ်မှာစိုးရတယ်လေ။

လိုင်းတွေ ပူးနေတယ်။ ပန်းချီပြပွဲက ဂီတသံတွေ. ဂီတပဒေသာပွဲက အရောင်တွေ၊ စာမျက်နှာထက်က သံစဉ်တွေ၊ သံစဉ်တွေကြားက ကလောင်သွားတွေ၊ မူယာမာယာတွေနဲ့ ပြုလုပ်ထားတဲ့ စကားလုံးတွေ၊ စကားလုံးတွေနဲ့ ဖွဲ့စည်းထားတဲ့မာယာတွေ ။ကျွန်မ လွတ်ငြိမ်းအေးချမ်းခွင့် ရချင်ပါပြီ။ လွတ်မြောက်ငြိမ်သက်ခွင့် ရချင်ပါပြီ။ လွတ်လပ်နေပျော်ခွင့် ရချင်ပါပြီ။ လွတ်ကျွတ်ပျော်မောခွင့် ရချင်ပါပြီ။ လှည့်ပတ်ပြောနေရတာ မမောဘူးလား။ လက်ပမ်းကျနေရင်လည်း လက်မှတ်ဝယ်ပြီး လေယာဉ်ခရီးစဉ်ေ ပြာင်းကြည့်သင့်တယ်။ လမ်းခုလတ်ကျကာမှ လက်သည်မပေါ်မှာ မကြောက်ဘူးလား။

ဝါရမိတ္တူကြီးနေ့တဲ့၊ မဟာရက်ကြမ်းတဲ့၊ သမားညိုနေ့တဲ့။ ဘယ်မှာလဲ..ရက်ရာဇာ..။ ၀င်္ကပါတွေက တင်းကြမ်းနဲ့။ ၀ဋ်ကြွေးက ခုထိမပြေနိုင်ဘူး။ ဒီဝဲသြဃသံသရာကိုတော့ နောက်တစ်ခေါက် ပြန်မလည်ချင်ပါဘူး။ ၀င်္ကန္တဥာဏ်နည်းနည်းပေးပါ။ ၀ါသနာထုံလို့တော့မဟုတ်ပါဘူး။ ၀မရှိပဲ ၀ိလုပ်ကြည့်ချင်တာ သက်သက်ပါ။ သတင်းစကားတွေ ကြားနေရတယ်။ အရေးကြီးတာက အတင်းအဓမ္မလာမပြောဖို့ပါပဲ။ သမာသမတ်ကျကျ ဆုံးဖြတ်ပေးပါ့မယ်။ တစ်ထွာလောက်ရှိတဲ့ သမုဒ္ဒရာထဲ ခြေကုန်လက်ပမ်း ကျနေရတဲ့အထဲ….။ သမ္မာဒေ၀ နတ်ကောင်းနတ်မြတ်တွေကလည်း မကယ်နိုင်ပြန်ဘူး။ သံမဏိစကားလုံးတွေနဲ့ ရေးဖွဲ့ထားတဲ့ သေတမ်းစာကိုပဲ သူရဲဘောနည်းစွာ ရေးခဲ့ရတော့မှာပေါ့။ သိကြားမင်းနဲ့ သဟဇာတဖြစ်ခွင့်ရမယ်ဆိုရင်တော့၊ ကြေးဝါသော့လေး တစ်ချောင်းအပ်ခဲ့ချင်တယ်။ သူတော်ကောင်းတရားတွေ အတွက်ပါ။ သုညတ္တတရားကတော့ လွင့်ပါးသွားခဲ့ရပြီ။

ဟိတ်ဟန်ထုတ်နေတဲ့ ဟိရိသြတ္တပ္ပတရားတွေက ဟဿရသ မြောက်လွန်းတယ်။ မျှော်လင့်ချက်တွေကတော့ ဟုပ်ကနဲ ငြိမ်းသွားခဲ့ပြီ…။ ဟိမ၀န္တာချီးမွမ်းခန်းတွေ ဖွင့်မနေတော့ပါဘူး။ အပေါ်ကိုမော့ကြည့်ရင်း ဟပ်ထိုးလဲမှာ စိုးရသေးတယ်။ ဠင်းတလောက်တော့ ငှက်တိုင်းလှကြပါတယ်တဲ့။ ဒါဟာလည်း ရွှေပြည်အေးတရား တစ်မျိုးပဲပေါ့။ အခိုက်အတန့်ဆိုတဲ့ ခဏလေးမှာတောင် အမနာပတွေနဲ့ အကုသိုလ်ရှာချင်နေကြ..၊ အငြိုးထားချင်နေကြတာကို အံ့သြမိပါရဲ့။ အတုံ့အလှည့်ဆိုတာ ရှိပေမယ့် လှည့်မနေတော့တာ ကောင်းပါတယ်။ အမျှအတန်းဝေ ရေစက်ချလိုက်တာ ကောင်းတာပေါ့။ အတိတ်နိမိတ်တွေ အရကတော့ ကောင်းကင်မှာ နက္ခတ်တွေစုံလို့။ အတိအလင်း ကြေညာမထားတာကလွဲရင်ပေါ့..။ အာလာပသလ္လာပ စကားတွေကြားထဲ ညပ်ပါလာတဲ့ အလိမ်အကောက်တွေကို မြင်ရတော့… အဆင့်အတန်းဆိုတဲ့ ဝေါဟာရကို သတိရမိတယ်။ ဒီလိုနဲ့ပဲ…အတွင်းကြေ..ကြေခဲ့ရပေါ့……..။ ဥပါဒါန်ကြောင့် ဥပါဒ်ရောက်မှာ စိုးရင်းစိုးရင်းနဲ့ပဲ ..ဥမ္မတကောတွေနဲ့မျောခဲ့ရတာ…..။ တကယ်ဆို ဥပဓိရုပ်ကို ကြည့်မိသင့်တာပေါ့။ ခုတော့...ဤရွေ့ဤမျှသာ… လို့ပြောရုံကလွဲလို့ ဘာမှမတတ်နိုင်တော့တာ သေချာသွားခဲ့ပါပြီ။ ဤရွေ့ဤမျှသာ…။ ။

မနော်ဟရီ

ကမ္ဘာကြီးကို ချစ်ခဲ့ဖူးသော လူမိုက်တစ်ယောက်၏ မိတ်ဆွေတုမိတ်ဆွေယောင်များ

Thursday, June 10, 2010

ဒီဝတ္ထုအတွက် ကျွန်မရဲ့ စိတ်ကူးတွေကို ချပေးတဲ့အတိုင်း သရုပ်ဖော်ပေးခဲ့တဲ့ အိုင်ဒီယာဒီဇိုင်နာ သိုးထိန်းကို ကျေးဇူးတင်ပါတယ်။ ၂၀၀၉ မတ်လ အိုင်ဒီယာမှာ ပါသွားခဲ့တာပါ။ လိုချင်သလို ထွက်ဖို့ ကျွန်မတို့ ပုံတွေကို တော်တော်ရှာခဲ့ရသလို သိုးထိန်းကိုယ်တိုင်လည်း လိုတဲ့နေရာတွေ ဖြည့်ဆွဲပေးခဲ့ရပါတယ်။ ဒါတောင်သိပ် စိတ်တိုင်းအကျကြီး တော့ ဖြစ်မလာသေးပါဘူး။ သူရောကိုယ်ရော အားမလိုအားမရမှုတွေနဲ့ အခွင့်ရရင်ထပ်ဖန်တိးဖို့ ပြောခဲ့ကြဖူးပါတယ်။ 

ပုံတွေကို ကလစ်ခေါက်ပြီး ကြည့်ပေးပါ။