MANORHARY RESTAURANT

Friday, January 30, 2009

ကျွန်မတို့နေထိုင်ကြီးပြင်းခဲ့တာကသူများတွေနဲ့သိပ်တူမယ်မထင်ဘူး။ဘာလို့လဲဆိုတော့
့ကျွန်မတို့ကစည်းတွေဘောင်တွေကြားမှာတင်မကဘူးဗိုင်းကောင်းကျောက်ဖိပါဖြစ်အောင်
လေ့ကျင့်သင်ကြားပေးတာခံခဲ့ရတာမို့ပါ။အသက်(၇)နှစ်လောက်မှာတစ်ချောင်းထိုး ထိုး
တတ်နေပြီ။အဲဒီတစ်ချောင်းထိုးနဲ့ပိုက်ဆံအိတ်ကလေးတွေ၊ဦးထုတ်လေးတွေထိုးတတ်နေ
ပြီ..။ဒါတင်လားဆိုတော့မဟုတ်ပါဘူး။ထမင်းလည်းချက်တတ်နေပါပြီ။ထမင်းချက်တာများ
ပလပ်ထိုးပြီးရေထည့်တတ်ရင်ရပြီလို့မတွေးလိုက်ပါနဲ့။ Rice cooker ဆိုတဲ့အရာကြီး
ကိုဘေးချပြီး ရေငှဲ့..ရေခမ်းချက်သင်ခဲ့ရတာပါ။ရေငှဲ့ဆိုရင်ထမင်းလုံးဘယ်လိုအနေအ
ထားမှာရေငှဲ့မယ်။ထမင်းအိုးကိုအနပ်ညီအောင်ဘယ်လိုလှည့်ပြီးနှပ်မယ်။လျှပ်စစ်မီးဖိုနဲ့ဆို
မီးကိုဘယ်လိုလျှော့။မီးသွေးနဲ့ဆိုလေပေါက်ကိုဘယ်လိုပိတ်။စသဖြင့်ပေါ့။နောက်တော့ရေခမ်း
ချက်ရင်ရေကဆန်အထက်မှာဘယ်လောက်လောက်ရှိရမယ်။အနေအထားဘယ်လောက်ဆို
နှပ်လို့ရပြီ။စသဖြင့်။အဲဒါလည် ၈နှစ်လားပဲရှိဦးမယ်။နောက်ပိုင်းကျတော့ဟင်းတွေပါချက်
တတ်လာတယ်။ဘဲဥပြုတ်တာကြော်တာကနေစပြီးတခြားဟင်းချက်နည်းတွေရောပေါ့..။
အမေရဲ့အဓိကရည်ရွယ်ချက်ကအားလုံးတတ်ထားရမယ်။မလုပ်ကာမှမလုပ်ရောပေါ့..သူများ
ကိုခိုင်းချင်ရင်တောင်ကိုယ်ကတတ်ထားမှခိုင်းလို့ရတာလို့အမြဲပြောတတ်တယ်။
ဒါပေမယ့်တကယ့်တကယ်ဝါသနာအလျောက်ချက်ဖြစ်သွားတာကကျွန်မတစ်
ယောက်ပါပဲ။အငယ်ဆုံးကတော့ယောက်ျားလေးမို့ထားပါတော့။ညီမကတော့ဟင်းချက်တာကို
ဝါသနာကိုမပါတာ။ဒါပေမယ့်ခုကျတော့သူက မုန့်တွေလုပ်နေလေရဲ့။ုမုန့်တွေအမျိုးမျိုးလုပ်
ကိတ်တွေဖုတ်နဲ့..။အနောက်တိုင်းအစားအစာတွေလည်းလုပ်တယ်။ကိုယ်နဲ့ကတစ်လမ်းစီပေါ့။
ကိုယ်က chesse ,chocolate, butter အသေမုန်းသူမို့သူ့မုန့်တွေကိုလုံးဝမှစိတ်
မ၀င်စားပါဘူး။ဒါပေမယ့် ကိုယ်ဒီရောက်ပြီဆိုတော့ကိုယ့်လက်ရာကိုတော့သူတို့စားချင်ကြတာ
မို့ဟင်းပြန်ချက်ဖြစ်တယ်။
ပြန်ချက်တယ်လို့ပြောလိုက်ရတာကမချက်တာကြာလို့ပါ။ရန်ကုန်မှာကျတော့မိုးလင်း
ကမိုးချုပ်အလုပ်နဲ့ဆိုတော့ချက်ဖို့နေနေသာသာတစ်ခါတစ်ခါစားဖို့တောင်မစားလိုက်ရတဲ့အခါ
တွေရှိတယ်။များသောအားဖြင့်ကမုန့်ဟင်းခါး၊ရှမ်းခေါက်ဆွဲစတာတွေနဲ့ကော်ဖီနဲ့ပြီးလိုက်ရတာပဲ။
သိပ်အခြေအနေကောင်းရင်အန်တီမြဆိုင်မှာထမင်းသွားစားတယ်။(ကြုံတုန်းကြော်ငြာထိုးရရင်
ကိုယ့်ဘာသာအကုန်ချက်တတ်နေတာမို့သူများတော်ရိလျော်ရိဟင်းတွေဆိုအသံစုံထွက်တတ်တဲ့
ကျွန်မက အန်တီမြဟင်းတွေကျတော့အရမ်းသဘောကျတယ်။စေတနာတွေထည့်ချက်ထားတဲ့
ဟင်းရံလေးတွေကအိမ်ဟင်းလေးတွေလိုပဲ။တကယ့်ကိုဖွယ်ဖွယ်ရာရာလေးတွေ။ကျွန်မတို့ဆို
အန်တီမြရဲ့အရံဟင်းတွေနဲ့ကိုထမင်းမြိန်နေတတ်တယ်။အဲဒီကိုခေါ်သွားပြတာကကျောင်းဆရာကို
မျိုးဆွေသန်းပါ။သူစားနေကျဆိုင်လေ။အဲဒီဆိုင်လေးကဆိပ်ကမ်းသာလမ်းအထက်မှာရှိပါတယ်။
မြသဇင် တဲ့။ဒါကစကားချပ်ပါ။)

အဲလိုနေလာရာကဒီလည်းရောက်ရောဟင်းချက်ခြင်းကိုပြန်စတင်ပါတော့တယ်။လက်
ရာတွေကိုကြည့်ပြီးကျွန်မကိုမောင်ငယ်ကဆိုင်ဖွင့်ပါလားဆိုလို့သားကလေးကတောင်အဟုတ်ထင်
ပြီး..ဘယ်တော့ဆိုင်ဖွင့်မှလဲပဲမေးနေတော့တာ။အမှန်ကကျွန်မက စားချင်တဲ့သူများရှိလို့ကတော့
ပင်ပမ်းထယ်မထင်ရအောင်ချက်ကျွေးတတ်သူပါ။ကျွန်မအတွက်ကတော့အနုပညာတစ်ခုကိုဖန်တီး
နေရသလိုပါပဲ။ဘလော့ခ်ရေးတော့လည်းသူများတွေဟင်းချက်တင်ရင်သိပ်အားကျတာပဲ။ကိုယ်လည်း
တစ်ခုခုချက်ပြီးရင်တင်ချင်စိတ်ရှိတတ်တယ်။ဒါပေမယ့်ထုတ်ဦးဟဲ့ကင်မရာ။ရိုက်ဦးဟဲ့။ကဒ်ကူးဦးဟဲ့
အရောင်ချိန်ဦး တင်ဦး နဲ့..ဟင်းချက်သာမပျင်းတာ။ဒါမျိုးကျပျင်းတယ်လေ..း)
ဒီနေ့တော့တိုက်တိုက်ဆိုင်ဆိုင်မနက်ဖြန်ဘုန်းကြီးဆွမ်းကပ်မယ်ဆိုလို့ဟင်းချက်နေတဲ့အ
ချိန်မှာမှကေကနှုတ်ဆက်ရင်းချိုသင်းဆီမှာကွန်မင့်ထားရင်းမနော်ကိုပါဆွဲထည့်ခဲ့တယ်ဆိုလို့အပြေးအ
လွှားသွားကြည့်တော့..ချိုသင်းရဲ့ကိုယ့်လက်ရာ ဆိုတာကိုတွေ့ပြီးဒီစာကိုရေးဖြစ်သွားတာပါပဲ။
တကယ်လို့များဘလော့ခ်မောင်နှမတွေစုနေတယ်ဆိုတဲ့ကိုအောင်သာငယ်ရဲ့စိတ်ကူးယဉ်
တဲ့ပို့စ်လေးထဲကလိုနေရာမျိုးသာရောက်ခဲ့မယ်ဆိုရင်ကျွန်မတော့ဆိုင်လေးတစ်ခုဖွင့်မယ်စိတ်ကူးတယ်။
မြန်မာအစားအစာလွမ်းတဲ့သူတွေကိုကျွန်မလက်ရာမြန်မာဟင်းကောင်းကောင်းတွေချက်ပြီးဈေးချိုချိုနဲ့
ရောင်းပေးမှာပေါ့။ မဇနိတို့မလုလုတို့မြရွက်ဝေတို့ကိုတော့မျက်နှာချိုလေးသွေးပြရမယ်ထင်တယ်။ဒါမှ
မဟုတ်ရင်ဆိုင်မှာလူမရှိပဲနေဦးမယ်။ သူ့ဘိုးတော်တစ်ယောက်ပဲကြိတ်ပြီးထမင်းချက်ကျွေးတတ်တဲ့ကေ့
ကိုလည်းအဖော်ခေါ်ရမယ်။ ချိုသင်းတို့အိမ်ကအလှူလုပ်မယ်ဆိုရင်လည်းအော်ဒါမှာလို့ရတဲ့အကြောင်း
အကြောင်းကြားထားရမယ်။ဟင်းစာရင်းနဲ့ရနိုင်တဲ့အစားအသောက်တွေလည်းကြိုပြီးကြေညာထားမှ..။
ဒါမှ..သူတို့စိတ်ဝင်စားမှာ။

Menu

ကြက်သားကာလသားချက်
ကြက်သား-မှို
ဝက်သားပုန်းရည်ကြီး
ဝက်သားမုန်ညင်ချဉ်
ဝက်နံရိုးနှင့်မြစ်ချဉ်
ဝက်သား(သုံးထပ်သား)နှင့်ကြံမဆိုင်
ငါးဖယ်အုန်းနို့ချက်
ပုဇွန်ချဉ်ပေါင်ကြော်
ငါးခူရွဲယိုရွက်
ငါးခူစင်းကော
ငါးခူကြော်နှပ်
ငါးကျည်းဆီပြန်
ဆိတ်သား၊ပဲ၊အာလူး
အမဲနှပ်
ငါးရံ့အူ
ငါးရံ့ခေါင်းနှင့်ဒန့်သလွန်
ပုဇွန်ထုတ်ဆီပြန်
ငါးပုဏ္ဏား
ငါးသလောက်ပေါင်း
ငါးသလောက်ဥကြော်
ပန်းငရုတ်အစာသွတ် (၀က်-ကြက်-ပုဇွန်)(ရာသီစာ)
ဘုံလုံသီးအစာသွတ်(၀က်-ကြက်-ပုဇွန်)(ရာသီစာ)


အရည်သောက်
ပဲကုလားဟင်း
သီးစုံချဉ်ရေ
ပဲကြီးဆူးပုပ်
ဘူးသီးကြာဇံဟင်းခါး
မုန်လာဥနှင့်ငါးချဉ်ရည်


အသုတ်

ငါးဖယ်သုတ်
မြင်းခွာရွက်သုတ်
ခရမ်းချဉ်သီးသုတ်
ဆေးဘဲဥသုတ်
လက်ဘက်သုတ်
ဂျင်းသုတ်
ပဲသီးသုတ်
ပဲပင်ပေါက်ပဲပြားသုတ်
ပုဇွန်ထုတ်မီးဖုတ်သုတ်
ပုဇွန်ချဉ်သုတ်
ငါးချဉ်သုတ်




အရံ
ပဲကြီးနှပ်
ခရမ်းချဉ်သီးပန်ထွေဖျော်
ဟင်းရွက်ကြော်
ငပိရည်တို့စရာ
ခရမ်းချဉ်သီးငါးပိချက်
ပြောင်းဖူးကြော်
မှိုကန်စွန်းရွက်ကြော်
ဘာလချောင်ကြော်
ငါးရံ့ခြောက်ဆီဆမ်း
ဆတ်သားခြောက်ဖုတ်ဆီဆမ်း
ကညွတ်(ရာသီစာ)
အင်ဥသုတ်(ရာသီစာ)

ဒီပို့စ်အတွက်ကျေးဇူးတင်ရမှာက ချိုသင်းရဲ့ပို့စ်..နောက်တိုက်တိုက်ဆိုင်ဆိုင်အကြောင်းကြားတဲ့
ကေ အသစ်မရေးလို့တစ်နေ့တစ်ပုဒ်တင်ရင်ကောင်းမှာပဲဆိုတဲ့ ဂျူ တို့ကိုကျေးဇူးတင်ရမယ်။
သူများတွေဘာရေးရမှန်းမသိတဲ့ချိန်မှာခုလိုဆားချက်လိုက်ရတဲ့တွက်လည်းကျေးဇူးတင်ပါကြောင်း။


ပျောက်ဆုံးနေသောရာဟုရက်စွဲ

Thursday, January 29, 2009

ဒီကောင့်ကိုဝတ္ထုလို့ပြောတော့တချို့ကလက်ခံတယ်။တချို့ကတော့မျက်မှောင်ကြီးကြုတ်လို့။
တချို့ကတော့ခပ်တည်တည်နဲ့မှတ်ချက်ပေးရဲတယ်။ဤအရာသည်ဝတ္ထုမဟုတ်ပါ..ဆိုပဲ..။
မှတ်မှတ်ရရဖြစ်နေတဲ့စာမူလေးမို့ပြန်ရှာပြီးတင်ပေးလိုက်တာပါ။
ဖြစ်ပုံကဒီလို...
ပြီးခဲ့တဲ့နှစ်နှစ်လောက်ကထင်တယ်။မဂ္ဂဇင်းအသစ်တစ်ခုထုတ်တယ်။လုပ်တဲ့သူတွေကသိနေ
ပေမယ့်မခင်တဲ့သူမျိုးတွေ။အဲဒီကနာယကကြီးနဲ့တော့ကိုတာရာမင်းဝေနဲ့ကတော်တော်ခင်တာ
သိထားတယ်။ကျွန်မကတော့မိတ္တဗလကောင်းသူပီပီ..း) ဘယ်သူနဲ့မှသိပ်မခင်ဘူး။ခုထိလည်း
ကိုယ့်ကိုယ်ကိုသိပ်အချိုးအပြေမှန်းသိပေမယ့်ပြင်လို့မရဘူး။
အဲဒီကနေစာမူတောင်းတယ်။လာတောင်းတာကကျွန်မနဲ့အရင်တည်းကခင်ခဲ့တဲ့သူပါ။သူနဲ့က
သူငယ်ငယ်တည်းကခင်ခဲ့တာ။အဲဒီမှာသူကနာမည်မခံပဲကူနေတာတဲ့။ဒါပေမယ့်တော်တော်ကြာ
သွားတဲ့ထိမပေးဖြစ်ဘူး။သူကတော့အဲဒီမဂ္ဂဇင်းကိုထုတ်တဲ့သူကိုယ်၌ကတောင်းခိုင်းတာပါလို့
ပြောတယ်။အမှန်က ကျွန်မကဈေးကိုင်ပြီးမပေးတာမဟုတ်ပါဘူး။ကျွန်မကိုယ်တိုင်ကအဲဒီတ
လောလေးမှာအတိုကိုများများစားစားမရေးဖြစ်တာမို့ပါ။ဒါပေမယ့်..တစ်ရက်ဝေမှူးသွင်ရောက်
လာပြီး..အဲဒီနာယကကြီးနာမည်ကိုပါပြောလို့..အမကလဲ..ဒီလူနဲ့ဒီလူမပေးလို့ရမလား..
ကျွန်တော်လည်းပေးမှာ..ဆိုတာနဲ့လာတောင်းတဲ့သူကိုပါမေးရတယ်။နင်တို့မဂ္ဂဇင်းရဲ့trend
ကဘယ်လိုသွားမှာလဲ။ငါ့ဆီမှာတော့မော်ဒန်ဆန်ဆန်ပဲရှိတယ်။ရလားဆိုတော့ရတယ်တဲ့...။
ဒါတောင်သေချာမှာလိုက်သေးတယ်။မကိုက်ရင်ပြန်လာလဲလို့...။
မကြာပါဘူး။သတင်းကရောက်လာတယ်။သယ်လာသူကကျွန်မကိုတရားချခဲ့သောမောင်ဝေမှူး
သွင်ပါပဲ။
အမကြားပြီးပြီလား..အမနဲ့ကျွန်တော့်စာမူတွေကိုဟိုစာပေရေးရာအယ်ဒီတာလို့ကိုယ့်ကိုယ်
ကိုနာမည်ပေးထားတဲ့သူကမှတ်ချက်တွေနဲ့ပယ်လိုက်တယ်..တဲ့
ကျွန်မ မသိပါဘူ။ဒါပေမယ့်ကျွန်မသိတာတစ်ခုကလိုချင်လွန်းလို့လိုက်တောင်းထားတဲ့စာမူတစ်
ပုဒ်ကိုအဲလိုလုပ်လို့မရဘူးဆိုတာပါပဲ။ဒါကို စာပေရောရာအယ်ဒီတာအဖြစ်ခံယူထားသူကမသိတာ
တော့လွန်တာပေါ့လို့တွေးမိတယ်။ပယ်တယ်ဆိုတာကရွေးပါဆိုပြီးပို့တဲ့စာမူကိုပဲပယ်လို့ရတာပါ။
နောက်မှပြန်စဉ်းစားကြည့်တော့မှသဘောပေါက်သွားတယ်။သူကကျွန်မတို့မဂ္ဂဇင်းကိုစာမူပို့တယ်။
တစ်ပုဒ်ကိုကျွန်မရွေးခဲ့ပြီးတစ်ပုဒ်ကိုပယ်လိုက်တယ်။ပယ်တယ်ဆိုကတည်းကသူ့စာမူဟာပို့စာမူ
ဆိုတာအားလုံးသဘောပေါက်ကြမှာပါ။ကျွန်မသူ့ဆီကလိုချင်လို့တောင်းထားတဲ့စာမူမှမဟုတ်တာ။
အမှန်ကကျွန်မရွေးလိုက်တဲ့သူ့စာမူမှာကိုကချွင်းချက်တွေရှိပါတယ်။အဲဒါကတော့အဲဒီစာမူ
ဟာရာသီစာဖြစ်နေတာ(သဘောတရားကခေါင်းစဉ်အရကိုဒီလဒီလမှာမထည့်လို့မရအောင်ကိုလုပ်
ထားတဲ့စာမူမျိုးဖြစ်နေတာပါ။အဲဒါမျိုးရာသီစာလုပ်စားတတ်တဲ့သူတော်တော်များများခုထိရှိနေပါ
သေးတယ်။)နောက်တစ်ချက်က ဘယ်သူ့ကို personal attack လုပ်ထားတဲ့စာမူဆိုတာ
သိနေတာပါပဲ။ဒါပေမယ့်ထူးထူခြားခြားလေးရှိပြီးအရေးအသားလည်းကောင်းတာမို့ကျွန်မရွေးလိုက်
တာပါ။အဲလိုအဲလိုတွေရှိကြောင်းကိုလည်းကျွန်မအယ်ဒီတာချုပ်ကိုရောအရေးခံထားရတဲ့ကျွန်မသူ
ငယ်ချင်းကိုရောအကြောင်းကြားလိုက်ပါတယ်။စာမူအနေနဲ့ပဲကြည့်ရွေးတာပါလို့ပြောတဲ့အတွက်
ကိုယ်တိုင်လည်းအယ်ဒီတာတစ်ယောက်ဖြစ်ပြီးမှတ်ကျောက်တင်ခံရတဲ့ရွေးစာမူတွေကနေတက်လာ
တဲ့စာရေးသူပီပီကျွန်မကိုနားလည်ပြီးကိစ္စမရှိဘူးသူငယ်ချင်း..စာကိုပဲကြည့်ပါဆိုလို့ရွေးခဲ့တာပါ။
နောက်တစ်ပုဒ်မရွေးတာကတော့ကျွန်မတို့အပိုင်းဖြစ်သွားပြီ...။
အဲဒါကိုမှတ်ထားပြီးဒီလိုပြန်လုပ်လို့မရပါဘူး။ကျွန်မကတော့..ကျွန်မ၀တ္ထုကိုဆရာဇော်ဇော်အောင်
လိုလူကအဲလိုမှတ်ချက်ချရင်တောင်ခံသာသေးတယ်လို့ပဲတွေးပါတယ်။နောက်ပိုင်းကျတော့ကျွန်မ
တို့နှစ်ယောက်ကိုဂျာနယ်တွေကအင်တာဗျူးလုပ်ကြ။ဖွကြနဲ့မို့ကျွန်မလည်းအဲဒီကိစ္စကိုရပ်ပစ်လိုက်
တယ်။
အဲဒီစာမူကိုသတင်းကြားပြီးပြီးချင်းကောက်ထည့်လိုက်တာကတော့ လျှပ်တစ်ပြက်ပါပဲ။အဲဒီတုန်းက
လျှပ်တစ်ပြက်မှာ ကိုမျိုးကိုမျိုး ရှိနေတော့သူကပေးပေး..ဆိုပြီးထည့်ပေးလိုက်ပါတယ်။အမှန်က
အဲဒီစာမူပေးရမှာတကယ်ကိုအားနာတာပါ။ပုံတွေကသူ့သင်္ကေတနဲ့သူမို့အရောင်မပေးလို့မရပါဘူး.
လေးရောင်ပေးမှကိုအဆင်ပြေမှာပါ။ မဂ္ဂဇင်းတွေမှာကလည်းအဖွင့်လောက်ပဲလေးရောင်ပေးချင်ပေး
မယ်။အကုန်တော့လေးရောင်မပေးတတ်ကြပါဘူး။အဲဒီအချိန်မှ လျှပ်တစ်ပြက် ကကျွန်မကိုလေး
ရောင်ပေးပြီးဖော်ပြပေးခဲ့ပါတယ်။ တစ်ခုပဲ..စာလုံးတွေမှားနေတာနဲ့အရောင်မမှန်တာလေးတစ်ခု
ပဲရှိတာပါ..း)
ခုအဲဒီစာမူလေကိုပြန်တင်ပေးလိုက်ပါတယ်။
ပုံတွေကိုကျွန်မကိုယ်တိုင် photoshop နဲ့ဆွဲထားတာပါ။





ပျောက်ဆုံးနေသောရာဟုရက်စွဲ


တနင်္လာ
ခရီးစဉ်မစဖြစ်သော..သက်ရင့်တောင်တန်းများ၏..ဂီတသံ..။
( a x b)+(က-င/ခ)ဃ
ကျားတစ်ကောင်၏နာကျင်နေသောနောင်တ..။





အင်္ဂါ
စိုးရိမ်ပူပန်မှုများ၏ဖြစ်ဖျားခံရာကောင်းကင်...။
{(d+e)-(ဈ + j)ဓ}ဠ
တောဘုရင်၏ကြင်နာမှုအတုများ....။





ဗုဒ္ဓဟူး

တရားခံမပေါ်သောအမြုတေရတနာများ.......။
(v-w)+(u x q /s)အ
တဟူးဟူးတိုက်ခတ်နေသောဆင်တစ်ကောင်၏နားရွက်..။




ကြာသာပတေး
စပျစ်သီးမှားသောမြေခွေးများ၏ပစ္စုပ္ပန်နေ့ရက်။
( m + n )- ( ယ + ရ ) x (r /ဗ)
ငါ့ဒိန်ခဲကိုဘယ်သူစားသွားသလဲ....။




သောကြာ
ကြောင်တစ်ကောင်၏မိုးစဲလင်းပွင့်ညနေခင်း..။
သ[ ( o3 - p4 ) x ( yx + zx ) ] ( ည x ဆ )
ချောက်ကမ်းပါးပေါ်ကပ်မလျှောက်နဲ့.......။





စနေ

ယမန်နေ့မဟုတ်သော စက်တင်ဘာအတိတ်သစ်တောစိမ်းများ၏တောချောက်သံ...။
( t / ထ )[ l/k - ဇ ] / (u + f)
နဂါးတစ်ကောင်၏အညောင်းဆန့်မှုကြောင့်လွဲခဲ့ရသောကမ္ဘာအထပ်ထပ်..။






တနင်္ဂနွေ
ခရစ်တော်၏သေတမ်းစာမဟုတ်သောစကားကြီး (၇)ခွန်း..။
ufo(ခဖတ)+ sos( ၀ရပ ) - rip ( နတဂ ) / pceခaရcလဇ




မနော်ဟရီ

မေ့သွားတယ်။ဆရာဦးမြတ်သစ်ရဲ့စကားအရ ..ဒီဝတ္ထုလေးဟာသင့်ကျန်းမာရေးကိုထိခိုက်နိုင်တယ်
ဆိုရင်တော့..............


ခုတလော...

Tuesday, January 27, 2009

ခုတလော..ဘာတွေဖြစ်တယ်မသိဘူး။လူမျိုးစုံနဲ့တွေ့နေရတယ်။လူမျိုးစုံဆိုလို့သူရောက်နေတဲ့နေ
ရာက..တကယ့် Global Village လိုဖြစ်နေလို့ကိုးလို့မတွေးလိုက်ပါနဲ့..။စိတ်ဓါတ်မျိုးစုံနဲ့
လူမျိုးစုံကိုပြောတာပါ။ရယ်ရမလို၊ငိုရမလို၊သနားရမလို၊ဒေါသထွက်ရမလို၊ဘာမှန်းကိုမသိပါဘူး။
အဲဒါနဲ့ကွန်ပျူတာပိတ်ပြီး နှစ်ညနဲ့သုံးရက်လောက်အစ်မတစ်ယောက်အိမ်သွားနေလိုက်တယ်။
ဟိုမှာရှိတဲ့ကွန်ပျူတာကိုတော့သားတော်မောင်ကအပိုင်စားယူထားတာဆိုတော့ကိုယ့်ဘာသာ
ကိုယ်မေးလ်လေးစစ်တာကလွဲရင်ဘာမှကိုမလုပ်ဖြစ်ဘူး။
ကိုယ်ကိုယ်တိုင်ကကံကြမ္မာမကောင်းလို့လား၊ကိုယ့်ကိုလူတွေအေ့ကြာင်းဘာမှသိပ်မသိနားမလည်
်ဲပဲစာရေးဆရာလုပ်နေရှာတယ်လို့သနားလို့လားမသိဘူး..ဘုရားသခင်ကကိုယ့်ကိုအဲလိုလူတွေနဲ့
ဲ့တွေ့ပေးပုံပဲ။
ကျွန်မလွန်ခဲ့တဲ့နှစ်နှစ်လောက်ကတည်းက ကျွန်မစာအုပ်တွေရဲ့နောက်မှာကျွန်မ email နဲ့web
site ကိုထည့်ပေးလေ့ရှိတယ်။ကျွန်မပရိသတ်တွေဆီက feedback ရချင်လို့ပါ။တကယ်
လည်းရခဲ့ပါတယ်။ကျွန်မကaccount ထဲမှာ ကျွန်မသူငယ်ချင်း၊မိသားစုနဲ့ fansတွေက
လွဲရင်တခြားလူမရှိပါဘူး။ဒါပေမယ့်ကျွန်မကလည်းလာပြီးaddဖို့ requestလုပ်သူတိုင်း
ကိုကျွန်မfansအစစ်ဟုတ်မဟုတ်ခွဲခြားသိနိုင်တာမှမဟုတ်တာ။ငြင်းလိုက်မိလို့အဲဒီလူက
ကျွန်မပရိသတ်ဆိုရင်ကျွန်မအတွက်မကောင်းဘူး။အဲလိုနဲ့လက်ခံမိတဲ့တွဘာမှန်းမသိတာတွေ
ပါလာပြိးအဲလိုတွေတွေ့ရတော့တာပါပဲ.........။
ပထမဆုံးတစ်ယောက်ကတော့ကျွန်မဒီကိုရောက်ပြီးနောက်၂ရက်မှာတွေ့တာပါ။ကျွန်မက
statusကို ပူလိုက်တာလည်းရန်ကုန်အတိုင်းပဲ..လို့တင်ထားမိတယ်။တော်တော်များ
များကတော့ကျွန်မဘယ်ရောက်နေလဲဆိုတာသိကြပါတယ်။
ကျွန်မလည်းသေချာကြေညာပြီးမှထွက်ခဲ့တာပါ။အဲလိုကြေညာရတာကလည်းအကြောင်း
ရှိပါတယ်။မဟုတ်ရင်..၂၄နာရီမှာနာရီ၂၀လောက်အားနေသူတွေကသို့လောသို့လောတွေ
တွေးကြပြောကြမှာမို့သူတို့ပင်ပမ်းမှာစိုးလို့ပါ။း)
အဲဒီလိုမသိသူတွေဆိုရင်လည်း..ဘယ်ရောက်နေလို့လဲဟင်..ဘာညာမေးကြတယ်။
အဲဒီလူကတော့အဲလိုမဟုတ်ဘူး။မေးပုံကိုကြည့်...။
နင်ကပူတယ်ပြောရအောင်နင့်ကိုနင်ဘယ်ရောက်နေတယ်ထင်လို့လဲ.........တဲ့။
ကျွန်မဖြေဖို့မအားတာရောစိတ်ထဲလည်းတစ်မျိုးဖြစ်သွားတာရောကြောင့် မဖြေရခင်မှာပဲထပ်ပြောပုံ
က......
စင်ကာပူလောက်ရောက်နေပြီးနင့်ကိုယ်နင်သိပ်ဘ၀င်မြင့်မနေနဲ့.လူတွေများခက်တာကိုယ့်ကိုယ်
ကိုဘာမှန်းမသိဘူး...
.တဲ့။
အဲဒီအချိန်မှာကျွန်မလုပ်နိုင်တာတစ်ခုပဲရှိတယ်။BLOCKလုပ်လိုက်တာပါပဲ။
တကယ့်တကယ်ကကိုယ့်ကိုယ်ကိုဘာမှန်းမသိတာသူပါ။ကျွန်မကသူများREQUEST လုပ်ပြီး
ADD တာကိုပဲလက်ခံတာ..ကိုယ့်ဘာသာကိုယ်ကသူငယ်ချင်းတွေကိုတောင်စပြီး
INVITEလုပ်မိတာခပ်ရှားရှားရယ်။ဒီတော့ဒီလူတွေဟာကျွန်မ MAIL ACCOUNT ထဲ
သူတို့ဟာသူတို့ရောက်နေသူတွေဆိုတာသိပ်ကိုသေချာပါတယ်။သူတို့မသိလို့ADD လိုက်မိပြီ
ဆိုရင်လည်းအဲလိုတော့မရိုင်းသင့်ဘူးထင်တာပဲ။
နောက်တစ်ယောက်ကတော့..gtalkကိုတလွဲသုံးနေတဲ့သူတွေထဲကတစ်ယောက်ပါ။သူ
လာပြီးနှုတ်ဆက်..ပေါက်ကရတွေပြောဖို့ကြိုးစားနေကတည်းကကျွန်မသူ့ကိုငြင်းပါတယ်။
ကျွန်မကchatting၀ါသနာမပါပါဘူးလို့ယဉ်ယဉ်ကျေးကျေးကိုငြင်းတာပါ။ပြီးတော့
ကျွန်မကိုမသိသလိုနှုတ်ဆက်တဲ့သူတိုင်းကိုကျွန်မစမေးတာက Do you know me ??
မသိဘူးဆိုရင်ကျွန်မကသူတို့ကိုသေချာရှင်းပြလိုက်တယ်။ကျွန်မ chatting ၀ါသနာမပါဘူး။
ဒီaccountကသူငယ်ချင်း၊မိတ်ဆွေ၊မိသားစုနဲ့ကျွန်မရဲ့fansတွေအတွက်ပဲလို့ရှင်းပြလေ့ရှိတယ်
။အဲဒါဆိုတချို့လူတွေကနောက်ဆုတ်သွားကြပါတယ်။အဲဒီလူကတော့ကျွန်မလည်းအဲလိုပြောရော...
နင် fans ဆိုတဲ့အဓိပ္ပါယ်ကိုသိလို့လား၊နင့်ကိုနင်ဘာကောင်မထင်နေလို့နင့်မှာ fans clubတွေ
ဘာတွေရှိရမှာလဲ.
..တဲ့။
ကျွန်မတအံ့တသြဖြစ်နေဆဲမှာကျွန်မကိုဆက်ပြောပါသေးတယ်
နင်ကသီချင်းဆိုတာလား၊မော်ဒယ်လ်လား၊မင်းသမီးပေါက်စလား.........တဲ့။
ထုံးစံအတိုင်းကျွန်မလုပ်နိုင်တာကblockလုပ်လိုက်တာပဲပေါ့။
ကျွန်မကလည်းကိုယ့်ကိုယ်ကိုလူသိသိပ်များနေတဲ့သူလို့မထင်ပါဘူး။အဲလိုလည်းကိုယ့်ကိုယ်ကို
တစ်ခါမှတွေးတောင်မတွေးမိဘူး။ဘာလို့လဲဆိုတော့ ကျွန်မတို့ဆီမှာကစာဖတ်တဲ့သူဦးရေနဲ့
လူတန်းစားကသိပ်ကိုနည်းနေတာကျွန်မသိတာကိုး။အဲဒါကြောင့်လည်းsai sai fans club
ဆိုတာလောက်ကိုမြင်ဖူးပြီးဒီလိုလူတွေမှပဲfansဆိုတာရှိတယ်လို့တွေးထင်နေတာကိုလည်း
သနားပါတယ်။သူ့ခမျာသေချာမှမသိရှာတာ။ခက်တာက ကျွန်မကလည်းသိပ်ကောင်းတဲ့သူမ
ဟုတ်ပါဘူး။လူတစ်ယောက်ရဲ့အမှားကိုစိတ်ရှည်လက်ရှည်ထောက်ပြရှင်းလင်းမပြတတ်ဘူး။
သူ့မသိတရားကိုအသိတရားဖြစ်အောင်လုပ်ပေးချင်တဲ့စိတ်မရှိတာလား။
လုပ်ပေးနိုင်တဲ့အရည်အချင်းမရှိဘူးဆိုရင်ပိုမှန်မယ်ထင်ပါရဲ့.....။
ဒါကတော့မသိတဲ့သူတွေပါ။
သိတဲ့သူတွေကလည်းတစ်မျိုးတွေပါပဲ။
မနော်ဟရီ ဆိုပြီးလာဆက်သွယ်တယ်။ပြီးရင် သူတို့လိုချင်တာကိုတောင်းတယ်။တစ်ယောက်
်ကဆိုရင်နီကိုရဲ ရဲ့ email add တဲ့။နောက်...တခြားစာရေးဆရာတချို့လည်းပါသေး
တယ်။မြန်မာပြည်မှာကအင်တာနက်နဲ့အီးမေးလ်ကိုသေချာသုံးတဲ့စာရေးဆရာကနည်းပါတယ်။
လက်ချိူးရေလို့ရတယ်။အဲဒါ..ကိုရဲမှာမရှိပါဘူး။သူသုံးလည်းမသုံးပါဘူးဆိုတာပြောပြလည်း
မယုံပါဘူးဘာပြောလဲသိလား။
မနာလိုလို့မပေးချင်မပေးချင်ဘူးပေါ့...တဲ့
ဖြစ်ပုံများ...း)
ကျွန်မလည်းတစ်ခါမှအဲလိုမတွေးမိတော့ထိုင်ကိုရယ်နေမိတော့တာ။မနာလိုတာတဲ့။ကျွန်မတို့နဲ့
ကိုရဲဆိုတာတကယ့်မောင်နှမတွေလိုနေခဲ့တာ။သူမိန်းမစခိုးလာတော့လည်းကျွန်မအိမ်ကို
ပဲခိုးလာတာပဲ။သူ့အမျိုးသမီးလေးနဲ့ကျွန်မနဲ့လည်းတော်တော်ခင်တယ်။နောက်ပိုင်းမတွေ့တော့တဲ့
တိုင်သံယောဇဉ်တော့ရှိကြတယ်။ဒါကိုသူကအဲလိုပြောတော့ကျွန်မရယ်ချင်တာပေါ့။
လူတွေရဲ့မနာလိုစိတ်ဆိုတာကဘယ်အချိန်မှာပေါ်တတ်လဲ...ကျွန်မအထင်ကတော့သူတို့ထက်
သာတယ်လို့မကောင်းစိတ်နဲ့ခံစားလိုက်မိတဲ့တစ်ခဏမှာသာပါ။(ကျွန်မမှားချင်လည်းမှားမယ်။
ကျွန်မကသူတစ်ပါးကိုတစ်ခါမှမနာလိုမဖြစ်ဖူးဘူးကိုး)ကောင်းစိတ်ကလေးနဲ့
ခံစားမိရင်တောင်မုဒိတာပဲရှိမှာလေ။
နောက်တစ်ယောက်ကတော့ကျွန်မကိုလိုချင်တဲ့အရာတွေတောင်းပါတယ်။တာရာမင်းဝေကဗျာ၊
မောင်သိန်းဇော်ကဗျာ။စသဖြင့်...........။ဒီတစ်ခေါက်တော့ကျွန်မက ဆိုင်သွားဝယ်လိုက်
ပါလို့ပြောလိုက်မိတယ်။ဟုတ်တယ်လေ။ကျွန်မလည်းဘလော့ခ်နှစ်ခုနဲ့ကဗျာတော်တော်များများ
ကိုတင်ပေးနေတာပဲ။ရှားတဲ့ကဗျာလေးတွေလူတွေခုချိန်မှာဝယ်ရခက်မှာလေးတွေကိုပဲထင်ပေးတယ်။
ဝယ်လို့ရနေတာကျတော့ကျွန်မအချိန်ကုန်ခံစရာမလိုဘူးလေ။မောင်သိန်းဇော်ကဗျာကိုတကယ်
်ကြိုက်တယ်ဆိုရင် ရတဲ့နည်းနဲ့ဝယ်ရမှာပါ။
နှင်းရည်စက်လက် ဆိုတဲ့ကိုသိန်းဇော်ရဲ့ကဗျာစာအုပ်လေးကပြီးခဲ့တဲ့ကရ၀ိတ်စာအုပ်ဈေးပွဲတော်ထိရ
နေတုန်းပါ။မရလည်းပန်းဆိုးတန်းလောက်တော့သွားရှာပေါ့။ပြုံးနေတဲ့သံဆူးကြိုးလေး လိုစာအုပ်မျိုး
မှမဟုတ်တာ။ရနိုင်ပါတယ်။
အဲလိုလည်းကိုယ့်ဘာသာအားမထုတ်ပဲနဲ့ကျွန်မကနှင်းရည်စက်လက်ကိုတစ်အုပ်လုံးရိုက်ပို့ပေးရလောက်
အောင်အားမနေဘူးဆိုတာတော့သိသင့်တယ်ထင်တာပဲ။ကျွန်မက
ကျွန်မကိုအဲလောက်အားနေတယ်ထင်လို့လား...လို့မေးတော့
မနော်ဟရီ အစစ်ဟုတ်ပါတယ်နော်....တဲ့။
မနော်ဟရီအစစ်ကသူတို့လိုချင်တဲ့ကဗျာစာအုပ်တွေရိုက်ပို့ပေးမယ်လို့များအာမခံထားမိလို့လားမသိ။
ဆက်သာပြောမိရင် မနော်ဟရီဖြစ်ပြီးအသုံးမကျလိုက်တာ၊ဒါလေးတောင်မလုပ်ပေးနိုင်ဘူး။သူ့ကြည့်
ရတာမောင်သိန်းဇော်တောင်သိရဲ့လားမသိဘူးတွေဘာတွေဖြစ်လာနိုင်ပါတယ်။အဲဒါကြောင့်
ထုံးစံအတိုင်း.........။
နောက်ဆုံးတစ်ယောက်ကတော့ယဉ်သကိုပါ..။
စစချင်းမေးတာ
စာရေးဆရာမ..နော်....တဲ့
ဟုတ်ပါတယ်...ဆိုတော့
Epiphany ဆိုတာဘာလဲ ....တဲ့။
လင်းပွင့်ခြင်း..လို့ဖြေလိုက်ရင်ရတာပေါ့။သူ့ကိုသေချာနားလည်စေချင်တာနဲ့ ဆရာမြတ်သစ်ရေးတဲ့စာအုပ်ရှိ
တယ်။ လင်းပွင့်ခြင်း ။အဲဒါရှာဖတ်ပါဆိုတော့..ကျေးဇူးတင်ပါတယ်တဲ့။
ဒါဆိုဒုတိယမေးခွန်းကဘာဖြစ်မယ်လို့ထင်လဲ...။
postmodernism or Dadaism or Cubism တစ်ခုခုလို့ထင်ရင်မှားသွားလိမ့်မယ်။
အဲဒီမှာကျောင်းလာတက်ချင်လို့ (ဒီမှာကဘာညာပါသေးတယ်..)ကူညီနိုင်မလား...တဲ့။
ကျွန်မနဲ့သူကစောစောကမှ အွန်လိုင်းမှာတွေ့တဲ့ ကျွန်မကိုစာရေးဆရာမမှန်းတော့သိသေးတဲ့
(ကျွန်မပရိသတ်တောင်မဟုတ်လောက်သေးဘူးနော်)အဆင့်ပဲရှိသေးတာ။အဲလိုစကားမျိုးသူ
ပြောထွက်တယ်။ကျွန်မကတော့ကလေးနဲ့လူကြီးဖြစ်နေလောက်တယ်လို့တွေးတာရော။
စာရေးသူနဲ့စာဖတ်သူလို့တွေးတာရောကြောင့်တော်တော်ကိုစဉ်းစားပြီးသေချာပြောပြပါတယ်။
ဒီနိုင်ငံမှာကျောင်းလာတက်ဖို့ဆိုတာကမလွယ်တဲ့အကြောင်း။ငွေရေးကြေးရေးနဲ့အရည်အချင်း
ကိုခဏဖယ်ထားပြီးဗီဇာရဖို့တောင်ဘယ်လောက်ခက်ခဲတယ်ဆိုတာကိုပြောပြပါတယ်။အဲဒါကို
လိုရင်းကိုပြောပါ..ကူညီမလားမကူညီဘူးလားပဲပြောပါ.....တဲ့။
ကျွန်မလည်းသူ့ကိုသတိပေးတဲ့အနေနဲ့ မင်းနဲ့ငါကခုမှတွေ့တဲ့စာရေးသူနဲ့စာဖတ်သူလေလို့ပြော
လိုက်တော့ကျွန်မကိုဘာပြောတယ်မှတ်လဲ။
အလကား ငကြောက်ကြီး တဲ့။
ဖြစ်မှဖြစ်ရလေ...သူ့ status ကိုလည်းချက်ခြင်းပြောင်းလိုက်တယ်။ Don't be afraid!
ဆိုပဲ။
ဖြစ်ပုံက အကျိုးသင့်အကြောင်းသင့်မတွေးခေါ်တတ်လို့ဒီလိုမေးခဲ့ပြီပဲထားပါဦး။ကျွန်မကပြော
လိုက်ချိန်မှာတော့သူ့မှာအသိတရားရရမှာ။ခုတော့အဲလိုမဟုတ်ပဲကျွန်မကိုငကြောက်တဲ့။ကျွန်မ
ဖြင့်သူဘာလို့အဲလိုပြောမှန်းခုထိစဉ်းစားလို့မရဘူး။ကျွန်မသူ့ကိုမကူညီတာကြောက်လို့ဆိုရင်တော့
အင်း....ဟုတ်ပါတယ်။သူ့လိုဘယ်ကမှန်းမသိ။မစဉ်းမစားပြောတတ်သူကိုကြောက်တာတော့
သေချာပါတယ်။ကျွန်မက အဲဒါကိုသူငယ်ချင်းတစ်ယောက်ကိုပြောပြတော့သူငယ်ချင်းကတော့
ပြောတယ်။
ဟဲ့...အဲဒါကစဉ်းစားတတ်တာ။ခုခေတ်ကလေးတွေကအကျိုးအမြတ်တစ်ခုမရပဲနဲ့တော့နင့်
ကိုအချိန်ကုန်ခံပြီးမဆက်သွယ်ပါဘူး။သေချာတာက မရလည်းလေလေးရင်းရတာဆိုပြီးတွေးမှာပေ့ါ။
ဒါကြောင့်နင့်ကိုအဲလိုမေးရဲတာ...
.လို့ဆိုပါတယ်။
ကျွန်မလည်းမတွေးတတ်တော့ပါဘူး။
သေချာတာကတော့ခုတလောကျွန်မသိပ်ကံမကောင်းဘူး။ဘာတွေမှန်းမသိတဲ့သူတွေနဲ့ပဲတွေ့နေတယ်။
ကိုယ့်ကိုယ်ကိုဘာမှန်းမသိပဲစိတ္တဇရောဂါအနုစားရနေတဲ့သူတွေ၊ကိုယ့်ကိုယ်ကိုဖော်မသူတော်တွေနဲ့
ချည်းတွေ့နေတယ်။အင်း..ယတြာလေးဘာလေးရှိရင်ပြောကြပါဦး။အထက်မြန်မာပြည်ကိုဂန္ဓာရီခရီး
ထွက်မယ်ဆိုတဲ့ဆြာလေးနဲ့တော့ ဘာမှာမလဲဆိုလို့ ဇော်ဂျီဖိုဝင်သားလို့ပြောလိုက်တာပဲ။သူပြန်လာ
ရင်တော့..း)


အလိုက်အထိုက်ရွေ့လျားနေသောတိမ်တိုက်များ

Monday, January 26, 2009

ဒီဝတ္ထုလေးကို ၂၀၀၁ခုနှစ်ကရေးပါတယ်။ တော်တော်ကြီးမားတဲ့တိုက်ပွဲတစ်ခုဖြစ်အပြီးမှာဆိုပါတော့။
အဲဒီတုန်းက ကိုကိုကြီး (အကြည်တော်) ကကျွန်မတို့နဲ့အလုပ်အတူလုပ်နေရာကနေထွက်သွားပြီးသူ့
သူငယ်ချင်းတစ်ယောက်နဲ့အတူမဂ္ဂဇင်းတစ်ခုလုပ်ခဲ့ပါတယ်။အဲဒီမဂ္ဂဇင်းကိုပေးခဲ့တာပါ။
ခေတ်သစ်မဂ္ဂဇင်းတဲ့။ ၂၀၀၂ အစပိုင်းလမှာပါသွားခဲ့ပါတယ်။

အလိုက်အထိုက်ရွေ့လျားနေသောတိမ်တိုက်များ
“နိဒါန်း”
ကောင်းကင်ရနံ့လည်းမသင်း၊မြေကြီးနံ့လည်းမနံတဲ့..ငါ့မြို့ကလေး..“သိဟ်”ရာသီရဲ့နောက်ဆုံး
တေးသွားတွေနဲ့အတူပျက်ပြိုခဲ့ရတယ်။
အမှားအယွင်းတစ်ခုကြောင့်ပဲဆိုပါစို့။အဲဒီမှာ ..အမှားအယွင်းကိုပြောပါဆိုရင်..မိုးတွေရွာနေတဲ့
နေ့တစ်နေ့ကစ ရလိမ့်မယ်။တိမ်တွေကအလဲလဲအပြိုပြို..ရွက်ခြောက်တွေကညိုစိုလို့။ကံကြမ္မာ
ဆိုတာကလည်းမြင်ရတဲ့လှေကားတစ်စင်းမှမဟုတ်ပဲ။အနာဂတ်တွေကိုလူတွေအတွက်သနား
ဂရုဏာအပြည့်နဲ့..ပေးမသိခဲ့တဲ့..ဘုရားသခင်ကိုကျေးဇူးတင်ရမယ်။
Fortune Teller တွေနဲ့လည်းမရင်းနှီး…ပစ္စုပ္ပန်ဆိုတာကြီးကလည်းမယုံသင်္ကာဖြစ်စရာကောင်း
လောက်အောင်ရိုးသားပြနေခဲ့လေတော့ အမှားအယွင်းတွေကိုမေ့လျော့နေမိတာအဆန်းလား။
သနားစရာတော့သိပ်မကောင်းပါဘူး။သံဆူးကြိုးတွေအထပ်ထပ်ဖြတ်ခဲ့ပြီးကမှ..ကိုယ်ကဓားထိုး
ခံခဲ့ရတာကိုး။ဒါကိုပဲအပြင်းပြေကျောဆန့်သယောင် ဆောင်ခဲ့ရတာငါ့ရဲ့ပေါ့လျော့မှုတစ်ဝက်၊
မာရ်နတ်ရဲ့အောင်ပွဲတစ်ဝက်ကြောင့်ပဲဆိုကြပါစို့….။
တကယ်တော့လည်းသူတို့မှာအပြစ်သိပ်မရှိပါဘူး။မရိုးသားတာအသားကျလာတာကြာတော့အဲ
ဒါကိုပဲရိုးသားမှုလို့ထင်ပြီး သံခင်းတမန်ခင်းဝတ်ရုံတွေခြုံရုံဝတ်ဆင်လို့..။လူကြီးလူကောင်း
ယောင်ဆောင်ပြရတာပျင်းစရာမကောင်းဘူးလား။
တစ်ခါတစ်ခါမှာ ဒေးဗစ်ဘက်ခမ်းကိုသိချင်ယောင်ဆောင်ပြတယ်။(အမှန်က လမ်းထိပ်ကရေ
ထမ်းတဲ့ကရင်ကြီးလားမသိဘူးလောက်ပဲသိတာ)…မိုဒီလျာနီရဲ့ပန်းချီကားတွေအကြောင်းပြော
တယ်။(အမှန်က ဗချီလင်းဝဏ္ဏ ဆိုတာတောင်စာလုံးပေါင်းမှားတယ်ဆိုပြီး ပန်းချီလင်းဝဏ္ဏလို့
ပြင်ပေးချင်နေတဲ့သူ)…ဒီရတ်နဲ့ဟောကင်းအကြောင်းတွေပြောတယ်။(တကယ်က သူတို့ကိုရူပ
ဗေဒပညာရှင်လို့ကလေးတွေပြောလို့သိတာကလွဲရင်သူတို့ဘာတွေတွေ့ခဲ့လဲတောင်မသိဘူး)
စိန်ခြူးကြာညောင်…ဆိုတာကြောင်တွေကစခဲ့တာပါလို့ပြောလားပြောရဲ့။မှန်တွေအကြောင်းကို
တော့မေ့ချင်ယောင်ဆောင်ထားတတ်လေရဲ့။
စတေကာအနက်ရောင်တွေအပြည့်တတ်ထားတဲ့မှန်လုံသတ္တုဘီလူးလေး(ဒါကမင်းခိုက်စိုးစန်
စကားလုံးကိုယူသုံးတာ)ထဲကပန်းနုရောင်မီးမှိန်လဲ့လဲ့အောက်မှာမသေချာမှုတွေ၊အရည်
အသွေးမပြည့်မီမှုတွေနဲ့ယက်ဖောက်ထားတဲ့…လူယုတ်မာတချို့ရဲ့နုံနဲ့နဲ့အကြံဥာဏ်တွေရှိတယ်
မြို့ရိုးကလေးပြိုခဲ့ရတာကတော့ …ဟောဒီငါ့လက်တွေနဲ့ငါဖြိုခဲ့တာပါ။ငါ့ခံတပ်ကိုငါကျောပေးဖြို
ချပစ်လိုက်တာပါ…။ဘယ်လောက်များခန်းနားလိုက်သလဲဆိုရင်..ကျဲတောက်တောက်ရယ်သံ
တွေကတောင်အကန်းမျက်ရည်ဆန်လွန်းတဲ့အထိ။
ဒါ…အကြံအကုန်ပဲလား။မြန်မာပြည်မှာ..အပေါဆုံးအရာဟာဆားဆိုတာမေ့မထားနဲ့ဦး..။အမြဲ
စိမ်းသစ်တောတွေရဲ့အတွင်းဖက်က မခို့တရို့ရေတံခွန်တစ်ခုရဲ့နံဘေးမှာ နီစွေးလက်တောက်
..မှောက်လျက်လဲနေသူဟာ…စောလူးမင်းမှဟုတ်ပါလေစ..။(ဟား…ဟား…ဟား….ဆိုသော
စကားလုံးသုံးလုံးသည်ရယ်သံဖြစ်သည်။)

အိမ်ရှေ့မှခပ်တည်တည်ခုန်ဆင်းသွားပြီးနောက်ဖေးပေါက်မှချွတ်တွားတက်လာသောသူတစ်
ယောက်၏မိတ်ဆွေသည်….ဟိုပင်သည်ပင်ကူးချင်သောမျောက်တစ်ကောင်ဖြစ်၏။
ဒီစကားဟာသေချာမှုတစ်ခုဖြစ်မဖြစ်မသေချာသော်လည်း မသေချာတာတွေကိုဘာတစ်ခုမှ
အလကားမ၀ယ်ခဲ့ကြောင်းတော့သေသေချာချာပြောနိုင်ပါတယ်။
အကောင်းဆုံးစကားလုံးတွေနဲ့သစ္စာဖောက်ခံရတာမျိုမကျဘူး…။ဘာရနံ့မှမပါတဲ့နံနက်ခင်းရဲ့
၈ နာရီလေပြည်ဟာ အပြာရောင်ဆန်လွန်းပေမယ့်..မာယာသက်သက်သာဖြစ်တယ်။ညီမလေး
ရေ…သံသယတွေကိုခြုံယူဝတ်ဆင်တတ်တဲ့ငါ့အတွက် ရလာဒ်ဟာနောက်ကျောကဓားတစ်
ချောင်းတော့မဖြစ်သင့်ဘူးမဟုတ်လား။လုံလောက်ပါပြီ။ခြံရံစောင့်ကြပ်နေတဲ့ပွင့်ချပ်တွေနဲ့တင်
ငါစိမ်းလန်းလို့ရပါပြီ။
မြည်သံစွဲအလင်္ကာတစ်ခုကျန်းမာရေးချို့တဲ့နေတဲ့ညနေခင်းမှာ..သီချင်းတွေရဲ့အခင်းအကျင်းက
ကျဉ်းမြောင်းနိမ့်ကျလွန်းနေတယ်။ပန်းပွင့်တွေပွင့်တာခင်ဗျားနဲ့ဘာဆိုင်လို့လဲ….။နေရောင်တွေ
လျှပ်တိုက်ပြေးလွှားနေတာလည်းငါနဲ့ဘာမှမဆိုင်ပါဘူး။သေချာတာတစ်ခုကငါ…အဲဒီပန်းတစ်
ခင်းကိုလှည်းကျင်းရှင်းလင်းးပေးနိုင်ခဲ့တယ်ဆိုတာပဲ။ မသေချာတာကအဲဒီပန်းခင်းဟာ ပေါ်ပီ
(poppy)ပန်းခင်းလား…ခရမ်းရောင်(violet)တွေလားဆိုတာပါ။
အိပ်မက်တွေမှောက်ရက်လဲကျခဲ့ရတဲ့ညက..သမားရိုးကျဆန်လွန်းတဲ့သက္ကရာဇ်မိုင်တိုင်တစ်ချို့
အငွေ့ပျံကိုယ်ယောင်ဖျောက်သွားခဲ့ကြတယ်။ငါဟာသူရဲကောင်းမဟုတ်သလိုနောက်ဆုတ်
လှည့်ပြန်မယ့်လူတစ်ယောက်လည်းမဟုတ်ပါဘူး။ ဖောင် တွေပျက်မှအောင်ပွဲရှိတာမှမဟုတ်
တာ။အောက်မေ့ဖွယ်အခန်းအနားတစ်ခုရဲ့အလင်းရောင်သဲ့သဲ့အောက်မှာ..တစ်ခါတစ်ခါ.
လိမ္မော်နီရောင်တွေစွန်းထင်းပေနေတာတွေ့ရတတ်တယ်။
အဲဒီသိဟ်ရာသီရဲ့နောက်ဆုံးညနေခင်းကရှေးဆန်လွန်းအားကြိးနေတယ်။ရှည်မျောမျော
အနက်ရောင်အသံသေတ္တာထဲမှာပိတ်မိတေဲ့သီချင်းတစ်ပုဒ်ဟာ A Sound of Silence
များလား။တစ်ခါတစ်ခါတော့လည်းလောကကြီးကရယ်စရာကောင်းတဲ့အလွမ်းပြဇာတ်တစ်ပုဒ်လိုပါပဲ။
ဇာတ်တွေကနာ၊ဒါဏ်ရာတွေကတင်းကြမ်း၊..ခက်တာက…မျက်နှာပိုးကလည်းသပ်မရ…။
တကယ်တော့…Simon နဲ့ Garfunkal ကွဲကြတာဖြစ်ရိုးဖြစ်စဉ်တစ်ခုပါ။
တကယ်တော့ငါဟာ သခင်ယေရှုရဲ့နှုတ်ကပတ်တော်တွေကိုသာလိုက်လျောက်ဖို့ကြိုးစားခဲ့တာ..။
စေတန်ရဲ့ကျမ်းစာကိုကျတော့သိထားရအောင်တောင်ဖတ်ကြည့်ဖို့မကြိုးစားခဲ့ဘူး။ဘုရားသခင်လို
လူတစ်ယောက်နဲ့တောင်စကားလက်ဆုံကျ၊နောက်ဆုံးညစာစားရသေးတာပဲ။င့ါရာဇ၀င်မှာလည်း
ယုဒလိုလူသာမရှိခဲ့ရင်…ရိုးရိုးစင်းစင်းနဲ့ပျင်းစရာတောင်ကောင်းနေခဲ့ဦးမှာ…။

မြစ်ကမ်းပါးကိုသွားသွားထိုင်ပြီးခုန်မချခဲ့တဲ့အကြိမ်အရေအတွက်နဲ့အတူ သပွတ်အူ တွေစုပုံလာ
တာဟာ သရော်စာတစ်ပုဒ်ရဲ့ Introတစ်ပုဒ်နဲ့တူတယ်။ဒီရေတွေနဲ့အတူကောက်ကျစ်စဉ်းလဲတဲ့
သူတစ်ချို့စီးမျောမသွားတာကတော့ ရင်နာစရာကောင်းနေလေရဲ့ …။စဉ်းစားစရာကောင်းတာ
ကဒီရေတွေကသူတို့ကိုအလိုမရှိတာလား..သူတို့ကပဲဒီရေတွေနဲ့မထိုက်တန်တာလားဆိုတာပါ
ပဲ…………။
ကမ္ဘာမှာရိုးသားမှုပန်းတွေပွင့်ဖို့ မြေသြဇာကောင်းကောင်းလက်ကျန်ရှိသေးရင်ဈေးကောင်းပေး
ဝယ်ချင်ပါတယ်။

ကံ့ကော်နံ့သင်းနေတဲ့မာနတစ်ခုရဲ့အတ္ထုပ္ပတ္တိကိုကံ့ကော်နံ့ခံစားဖူးသူမှသာသီဆိုတတ်မှာပါ။
စက္ကူပန်တွေလောက်နဲ့တော့အဲဒီအကြောင်းရောနှောသောကောလာမဆွေးနွေးတာကောင်းပါ
တယ်။ခြင်္သေ့နှစ်ကောင်စောင့်တဲ့ရင်ပြင်ဟာရေစက်တွေဘောင်ဘင်မခတ်တဲ့တိုင်းပြည်လေးပဲ
ဖြစ်တယ်။ငါ့ရဲ့မြို့ကလေးကိုအဲဒီတိုင်းပြည်လေးထဲမှာပဲရှင်သန်စေချင်ခဲ့တာပါ။
ခုတော့လည်း…မလွမ်းတတ်တဲ့မြစ်တစ်စင်းလိုတိမ်တိုက်တွေနဲ့ကြေးမညှိချင်တော့ပါဘူး။ငါ့မှာ
တော့အသံမသာတဲ့နှင်းဆီပင်လေးတစ်ပင်ပဲကျန်ပါတော့တယ်။
လောင်းကြေးတဲ့လား…။ခင်ဗျားတို့အလကားရနေတဲ့မနက်ဖြန်တွေပုံအောပေးလိုက်ဖို့တောင်မ
ထိုက်တန်ကြပါဘူး။တစ်ခါတစ်ခါတော့လည်း အနာဂတ်တစ်ဖဲ့ဟာ..သချိုင်္င်းမြေဆန်လွန်းလှပါ
တယ်…။
ခုတော့…မတ်စောက်အိပ်မက်တွေ၊ဇောက်ထိုးသီချင်းတွေ၊မလတ်ဆတ်တော့တဲ့အောင်ပွဲအတု
တွေ၊ဖွာလန်ကျဲအနားသပ်စကားလုံးတွေ၊ချောက်ကမ်းပါးဆန်တဲ့နှုတ်ခမ်းတွေ…မြို့ကလေးရေ..
မင်းကို..အသစ်ပြန်တည်ဆောက်ပေးရမှာကိုပဲ…ငါ့မှာအားနာနေခဲ့တော့တယ်။

နိဂုံး
ကန်ရာသီရဲ့ နဂါးခေါင်းလှည့်တဲ့ဖက်မှာ…ဖြာကျနေတဲ့နေရောင်အောက်မှာ..ဆောက်လက်စမြို့
ပျက်ကလေးတစ်ခုရှိနေပါတယ်။

မနော်ဟရီ


နှလုံးသား၏မျက်လုံးတစ်စုံ

Thursday, January 22, 2009

ကျွန်မရာစုသစ်မြစ်ကျဉ်း (၁)မတင်ခင်က ပြောခဲ့ဖူးတဲ့ကဗျာစာအုပ်လေးတွေထဲက
နေဆူးသစ်ရဲ့ နှလုံးသား၏မျက်လုံးတစ်စုံ ကဗျာစာအုပ်လေးကိုကျွန်မချစ်သောကဗျာများ
မှာတင်ထားပါတယ်။


အသစ်

Wednesday, January 21, 2009

ဒီနေ့မအားတဲ့ကြားထဲကသတိတရနဲ့ ဘလော့ခ်ကိုပြင်တယ်။ဒီလိုပြင်ဖို့အားခဲထားတာကြာပါပြီ။
အရင်ကတော့ကွန်နက်ရှင်ကမကောင်း၊တန်းပလိတ်ကိုဒေါင်းလုတ်လုပ်ပြီးရင်ပြန်ပြီးအပ်ပလုတ်
လုပ်လို့မရတော့ပြန်ဘူး။အဲလိုမလုပ်ရင်လည်း page element ကိုမမြင်ရဘူး။
တစ်ခါသဘောကောင်းပြီးကွန်နက်ရှင်တအားကောင်းနေတုန်းဟိုထည့်ဒီထည့်ထည့်လိုက်တာ
အတော်ဟုတ်သွားတယ်။counterရော၊visitorစာရင်းကော၊ပြီးတော့
မှတစ်နေ့သားရှည်လျားပြီးတစ်ခုထည့်ဖို့ပြင်လိုက်တာမှားနှိပ်မိပြီးကုန်ပါရောလား။
မှားနှိပ်တုန်းကတော့တင်းခံမနေပဲလျောလျောရှုရှုကုန်သွားပြီးပြန်တင်တော့မှ
ဘာမှမတက်တော့တာကတော့လွန်တယ်ထင်တာပဲ။ပျက်အစဉ်ပြင်မရဆိုတာမျိုးကိုဖြစ်သွားတော့
အရပ်ကူပါလူဝိုင်းပါပေါ့။လင်းဆက်တစ်ယောက်ပဲအကူအညီတောင်းပြီးပြင်
ခိုင်းလိုက်တာ။ဒါတောင်တစ်ပတ်လောက်ကြာတယ်။အကုန်ပြန်မရဘူး။
ခုတော့ကွန်နက်ရှင်ကောင်းကောင်းနဲ့ကလိလိုက်တာပျော်စရာကြီး။ခပ်တည်တည်န
ဲ့ဘန်နာအသစ်လည်းလုပ်လိုက်သေးတယ်။ဘန်နာအသစ်မှာက အလယ်က
ငြိမ်းချမ်ဆု ပန်းချီကားပါ။{ကျွန်မကသူ့ပန်းချီကားတွေကိုအရမ်းသဘောကျတယ်။
မ၀ယ်နိုင်လို့။သူများဝယ်ထားတာတွေလိုက်ချောင်းနေတာ။ကျောင်းဆရာဆီကသူ့ပန်းချီကား
သေးသေးလေးတွေလည်းချောင်းတာပဲ။မရဘူး။ဝဏ္ဏအိမ်ဧည့်ခန်းကအစိမ်းရောင်
ပန်းချီကားကြီးကိုတော့ဓါတ်ပုံရိုက်ယူခဲ့လိုက်တယ်။ခုတော့ခပ်တည်တည်နဲ့
သူ့ဆိုဒ်ကနေဒေါင်းလုတ်လုပ်ပြီးဘန်နာလုပ်ပစ်လိုက်တယ်။တရားစွဲရင်တော့ခံယုံပေါ့..။း)}
ဘေးကတော့ကျွန်မကမ္ဘာပေါ်မှာအလှဆုံးလို့အမြဲပြောတတ်တဲ့ကျွန်မတို့မြန်မာပြည်မြေပုံပါ။
သေချာကြည့်ပါ။ကျွန်မတို့ရဲ့ဘိုးဘေးတွေဘယ်လိုများတိုက်ယူခဲ့လဲမသိဘူး။
ဒီလောက်လှအောင်လေ။ဘယ်တိုင်းပြည်ရဲ့မြေပုံမှဒီလောက်အချိုးအစားကျကျ
မလှဘူးဆိုတာမယုံရင် atlas စာအုပ်သာလှန်ရှာပေတော့။တွေ့မှာမဟုတ်ဘူး။
နောက်တစ်ခုက ကျွန်မရဲ့နာမည်လိုဂို။ ဒီလိုဂိုက ကျွန်မစာအုပ်တိုင်းမှာသုံးပါတယ်။
လိုဂိုကိုထုတ်ပေးခဲ့သူကတော့ကိုစိုးဝင်းငြိမ်း ပါ။
နောက်လည်းဆော့လို့ရသလိုဘန်နာတွေကိုကလိပြီးလဲသွားပါဦးမယ်။


တက်ဘုန်းကြီး နဲ့ ကျော်ငြိမ်း

Tuesday, January 20, 2009

(ဦး)သိန်းဖေမြင့်ရဲ့ နာမည်ကြီး တက်ဘုန်းကြီးကိုတတိယအကြိမ်မြောက်ဖတ်မှပဲဆုံးအောင်ဖတ်
နိုင်တော့တယ်။အရင့်အရင်တွေတုန်းကငယ်သေးတော့သိပ်ပြီးမခံစားနိုင်ဘူး။ဟုတ်ချင်မှဟုတ်မှာပါ
လေလို့လည်းတွေး၊တကယ့်ပစ္စက္ခကိုလည်းလက်မခံချင်တော့ဆက်ကိုမဖတ်တော့တာ။ ပထမဆုံး
အခေါက်ဖတ်တုန်းက ၈၈ကျောင်းပိတ်ရက်။နောက်တစ်ခေါက်ကျတော့၉၃။ခု ၂၀၀၉..သိပ်မကွာ
ဘူး။း)ခုလိုအသက်အရွယ်ရလာမှသေချာပြီးအောင်ဖတ်နိုင်တော့တယ်။
ဖတ်လည်းပြီးရော..သက်ပြင်းခပ်ကြီးကြီးကိုချရင်း..အရင်တည်းကဒီလိုတွေတကယ်ရှိခဲ့တာကိုး..
လို့တွေးပြီးအရင်ကလက်မခံချင်ခဲ့တာဘာလို့လဲလို့ကိုယ့်ကိုယ်ကိုပြန်မေးကြည့်တယ်။အဖြေလည်း
မထွက်ဘူး။မထွက်ချင်ယောင်ဆောင်နေတာလည်းဖြစ်နိုင်တယ်။း)
ခုခေတ်မှာလည်းကြားနေမြင်နေရတာပဲ။ ၉၃ တုန်းကဆုံးအောင်မဖတ်ပဲပြန်ချလိုက်ရတဲ့အကြောင်း
ကိုတော့သတိရနေတယ်။၁၉၉၀မှာ သထုံမြသပိတ်တောင်မှာအကြာကြီးနေခဲ့ဘူးတယ်။အဲဒီမှာ...
တက်ဘုန်းကြီးထဲကလိုဇာတ်လမ်းမျိုးကြီးကိုမျက်မြင်ကိုယ်တွေ့ကြီးတွေ့ ခဲ့ရတာ။ အစကတော့
ကိုယ်လည်းမဟုတ်လောက်ပါဘူးတွေတွေးပြီးမျက်စိစုံမှိတ်ငြင်းချင်သေးတာ။နောက်ကျတော့..
တကယ့်ကိုအတိအလင်းယူသွားကြလေသတည်းဆိုတော့မှ...ဘုရားတွေဘာတွေသူတို့ကိုယ်စား
တ'ပြီးမသိသလိုအဲဒါကြီးကိုမေ့ပစ်လိုက်ကာစမို့လေ....။
ခုတော့ မနေ့ကတစ်နေ့လုံးနေမကောင်းတဲ့ထဲကပြီးအောင်ဖတ်လိုက်တာ။ ကျော်ငြိမ်း လည်းဖတ်
ဖြစ်တယ်။ ကျွန်မဒီလာတော့ စာအုပ်တစ်ချို့ယူလာတယ်။(အလေးခံပြီးသယ်လာတာ၊စာအုပ်ကဒီမှာ
ဝယ်ဖတ်လို့မရဘူး၊ကျန်တာကအကုန်ဝယ်လို့ရတယ်လေ..)အဲဒီထဲမှာ သိန်းဖေမြင့်ကနှစ်အုပ်ပါ
တယ်။ နိုင်ဝင်းဆွေကနှစ်အုပ်ပါတယ်။ မဟူရာမေတ္တာက ပြန်ဖတ်ဖို့။ နောက်တစ်အုပ်..ဘ၀စာမျက်နှာများ ဆိုတာက အတိုပေါင်းစု၊မဖတ်ကိုမဖတ်ဘူးသေးတာ။
အဲဒီထဲမှာတော့နိုင်ဝင်းဆွေရဲ့ဘ၀ကိုမြင်သာတဲ့စာမျက်နှာတော်တော်များများပါတယ်။
နောက်နှစ်အုပ်က ငြိမ်းအေးအိမ်..။ကျန်တာက ကဗျာ
စာအုပ်တွေနဲ့ခေတ်ပြိုင်တို့ရဲ့သတို့သမီး နဲ့ ၂၀၀၆ မြန်မာဝတ္ထုတိုစုဆိုတဲ့ စာအုပ်ထူကြီးနှစ်အုပ်။
ကျွန်မရဲ့မကောင်းတဲ့အကျင့်ကစိတ်မရှည်တာပါ။စာဖတ်လည်းအမြန်ဖတ်တယ်။ပြီးရင်သေချာမမှတ်မိ
ချင်တော့နောက်တစ်ခေါက်ထပ်ဖတ်ဖြစ်ရော။များသောအားဖြင့်ကတော့ကိုယ့်ကိုပထမတစ်ခေါက်မှာ
တည်းကဆွဲဆောင်နိုင်တဲ့စာအုပ်မျိုးကိုပဲဒုတိယအကြိမ်ပြန်ဖတ်ဖြစ်တတ်တယ်။
ကျွန်မသိန်းဖေမြင့်ကိုစဖတ်ဘူးတာ အဏ္ဏ၀ါခရီးသည်..ပါ..။ငါးတန်းလောက်ပဲရှိဦးမယ်။အဲဒီတုန်းက
တည်းကကျွန်မရဲ့ထုံးစံအတိုင်း ရှိနေသေးတဲ့ တစ်ခုသောရွှေရတုသဘင် ကိုကျပစ်ထားပြီးမဖတ်မိပါ
ဘူး။နောက်နှစ်ပေါင်းများစွာတိုင်တဲ့ထိအဲဒီစာအုပ်ကိုအဖုံးပဲကြည့်ကြည့်နေလိုက်တာ။ ၁၉၉၈ကျတော့
မှပဲဖတ်ဖြစ်တော့တယ်။ ကွန်မြူနစ်တွေကစာရေးကောင်းတယ်လို့ပြောကြတာကြားဖူးတယ်။အဲဒါ..
ဘာကိုကြည့်ပြီးပြောလဲမသိပေမယ့်သေချာတာကတော့ သိန်းဖေမြင့်ဟာစာရေးအတော်ကောင်းပြီး
အတော်လည်းဝမ်းစာပြည့်စွာသူများကိုပြန်လည်ဝေငှနိုင်တဲ့သူတစ်ယောက်ပါ။
ထုံးစံအတိုင်းပြောချင်တာကနေလွဲကုန်ပြန်ပါပြီ။း)
ကျော်ငြိမ်းကိုဖတ်တော့ (ဦး)ကျော်ငြိမ်းနဲ့(ဦး)သိန်းဖေမြင့်တို့က သူငယ်ချင်းတွေဆိုပေမယ့်အယူ
အဆမတူသူတွေပါ။ဒါပေမယ့်သူတို့အယူအဆကိုသပ်သပ်ထားနိုင်ကြတယ်။ အဲဒီစာအုပ်ရဲ့ရှေ့မှာ
(ဦး)ကျော်ငြိမ်းကတောင်အမှာပြန်ရေးလိုက်သေးတယ်။တကယ့်ကိုကောင်းတဲ့စာအုပ်ပါ။အကြောင်းအရာ
တော်တော်များများကိုလည်းပြန်တွေ့ရပါလိမ့်မယ်...လို့ပြောချင်ပါတယ်။ဖတ်ဖြစ်အောင်လည်းဖတ်စေချင်
လို့ပါ။


အလွမ်းဖျား

ခုတလော..(နေမကောင်းခင်တည်းကပါ)စိတ်ထဲကရွတ်နေဖြစ်တဲ့ကဗျာလေးတစ်ပုဒ်ရှိတယ်
အဲဒါသူငယ်ချင်းစမ်းသီတာရေးတဲ့ကဗျာပဲ..အလွမ်းဖျား..တဲ့..အဲဒီကဗျာကိုသူ ၁၉၉၃မတိုင်
ခင်လောက်တည်းကရေးခဲ့တာပါ။မဂ္ဂဇင်းမှာလည်းပါတယ်။သူ့ကဗျာစာအုပ်လေး..(မိုးချိုသင်းက
ပုံဆွဲ၊သူကကဗျာရေးတဲ့စာအုပ်လေး)မှာလည်းပါတယ်။ခုကျွန်မတို့သုံးယောက်ပေါင်းထုတ်တဲ့
မြစ်ကျဉ်းသုံးခု မှာလည်းပါတယ်။
ဖတ်ကြည့်ပါဦး..။ဆားချက်တာတော့မဟုတ်ပါဘူး။တကယ့်ကိုစိတ်ထဲရှိနေတဲ့ကဗျာလေးမို့တင်
ပေးတာပါ။စာတွေလည်းအများကြီးရေးချင်နေလျက်နဲ့မရေးနိုင်သေးဘူး...ရေးဖြစ်တော့မယ်လို့
တော့ထင်ပါတယ်။

အလွမ်းဖျား

အလွမ်းဖျား
တအားခံခက်
အသက်မဲ့စွာနေလို
ရင်ကိုနှဲ့သလား
ဝေးသွားခြင်းဒါဏ်
နှလုံးသားကိုမှန်တယ်။
ရံဖန်ရံခါ
တမ်းတသံကိုယ်စား
နက်ရှိုင်းသွားတဲ့
ပင့်သက်များစွာ
သူ့အနားမှာကျန်နေချင်တယ်။
ပျားရည်တို့ခါးသက်သွား
ချိုသာတဲ့စကားများလည်း
နားဝင်မခံသာ
သူ့အသံမဟုတ်တော့။
ဖျော့တော့တော့
နှုတ်ခမ်းပေါ်ကအပြုံး
သူနဲ့ခွဲခွာတုန်းကတည်းက
ခန္ဓာကိုယ်ထဲပုန်းစေခဲ့တယ်။
နှင်းဆီပွင့်တွေရဲ့
ပျံ့သင်းတဲ့ရနံ့
ရှိုက်သွင်းမရပြန်ဘူး။
လွင့်မျောသော
လွမ်းမောခြင်းများ
ဆီးနှင်းလို
ရင်ကို
ပြင်းစွာရိုက်တယ်။
ခပ်စိပ်စိပ်လှမ်းလာတဲ့
(သူ့ကို)တမ်းတတဲ့စိတ်ဟာ
ဆိတ်ငြိမ်တဲ့ဆောင်းညမှာလို
စိတ္တဇဆန်နေလိုက်တာ။
လေထဲမှာပျံ့လွင့်လို့
သူ့စကားတချို့
သူ့အကြည့်တချို့
သူ့ပုံရိပ်တို့ဟာ
(သူနဲ့)
ဝေးကွာနေချိန်မှာ
အကြိမ်ကြိမ်နှိပ်စက်တယ်။
သတိရခြင်းအပါး
ငါ..ရပ်နားမိလို့
အလွမ်းဖျားဒါဏ်သင့်ရပြီ။ ။
စမ်းသီတာ


မှတ်တမ်းမှတ်ရာမဲ့နေ့စွဲများ

Thursday, January 15, 2009

ဒီကိုစရောက်တဲ့နေ့က အေးလိုက်တာ။ သူတို့နွေရာသီကလဲ...လို့တွေးနေတုန်းနောက်နေ့ကျနည်းနည်း
ပူလာပြီ။ ရောက်တဲ့နေ့တည်းက အမတစ်ယောက်ကပြောတယ်။ တစ်နေ့ကိုရာသီဥတုကသုံးမျိုးလောက်
ပြောင်းနေလို့ အ၀တ်သုံးခါလောက်လဲနေရတယ်တဲ့။ဟော...ရေးနေရင်းနဲ့ကိုနေပူပူကြီးနဲ့မိုးကြိုးတွေပစ်
နေပြန်ပြီ။ ဘာမှန်းကိုမသိဘူးလို့ပြောရအောင်ကလည်းသိနေတယ်။ ကမ္ဘာကြီးမှာရာသီဥတုတွေကဖောက်
ပြန်ကုန်ပြီကိုး။ လူတွေကလည်းဖောက်ပြန်တာကိုး..။ဥပဒေသတွေထိန်းသိမ်းရမှာတွေသိပ်မသိကြတော့
ဘူး။ကိုယ်လိုရာလမ်းကိုရောက်တဲ့နည်းနဲ့သွားတဲ့သူတွေများလာနေတယ်။
ဟော...မိုးတွေရွာချပြန်ပြီ။ မနေ့က မိုးတွေရွာနေတဲ့လမ်းကလေးတင် လိုက်လို့ထင်ပါရဲ့..........။
ကိုယ်လိုရာကိုယ်ဆွဲပြောကြည့်တာ. ..။တစ်ခါတစ်ခါတော့လည်းအဲလိုစိတ်လွတ်ကိုယ်လွတ်နေချင်သား။
အဲလိုမနေပဲနဲ့ လူတွေရဲ့ ဘောင်ထဲမှာနေပြီး လောကဓမ္မတွေနီတိတွေကိုလိုက်နာနေတာတောင်မှ အဆင်
မပြေဘူးဆိုတော့..ဘယ်ဟာကများအဆင်ပြေနိုင်မလဲမသိ...။
အမှန်တော့လူ့စိတ်ဆိုတာကလည် ရာသီဥတုလိုပါပဲ။ပြောင်းလဲတတ်တယ်။ မိုးအခါမှာ ပူရင်ပူမယ်။နွေဖြစ်
နေပါလျက်နဲ့အေးချင်အေးမယ် ။ဒါပေမယ့်သူ့ပင်ကိုယ်သရုပ်ကိုတော့သူကိုယ်ယောင်ဖျောက်မပစ်လိုက်နိုင်ပါ
ဘူး။ ဒီလိုပဲပေါ့...။လူတွေလည်း တစ်ခါတစ်ခါမှာ စိတ်ထဲသောကတွေများချင်များနေမယ်။ ငိုချင်ရင်ငိုပစ်
လိုက်မယ်။ အုံ့မှိုင်းမှိုင်းနဲ့ နေလို့ထိုင်လို့မရတဲ့ခါလည်းမရဘူး။ ဒါပေမယ့် သူ့မှာ သူ့ရဲ့ပင်မ ရာသီဥတုအခံ
ဆိုတာကရှိသေးတယ်။ မူလဇစ်မြစ်ကိုမသိပဲနဲ့တော့တစ်ရက်တစ်လေလောက်နဲ့ ..ဟင်း..နွေသာဆိုတယ်...အေးလိုက်တာ..အလကား..သစ္စာဖောက်နွေ...ရယ်လို့ ပိတောက်တွေ
လိုအပြောခံကြရမှာပဲ........။တစ်နေ့ကျရင်အမှန်တရားဆိုတာသိသွားကြမယ်လို့ဘယ်လိုပြောပြောအဲဒီ
စောင့်ဆိုင်းနာကျင်ရသောကာလကတော့ တော်တော်ခါးသီးမှာသေချာပါတယ်။
ပြီးတော့ ရာဇ၀င်ဇာတ်တော်လာအရကိုက ..(ဦးမြမြင့်မိုရ်ကဗျာထဲကလို) အမှန်တရားဆိုတာကလည်း
နောက်ကျပြီးမှရောက်တတ်တဲ့ဇာတ်လိုက်ကျော်ပဲ။
မိုးကတိတ်သွားပြန်ပြီ..မြန်လိုက်တာ။ လူတွေကတော့ အငိုတိတ်သွားသည့်တိုင်ကောင်းကင်ကြီးလိုချက်ခြင်း
ကြီးပြန်လည်ကြည်စင်မသွားနိုင်ဘူးနော်...။


မိုးတွေရွာနေတဲ့လမ်းကလေး

Wednesday, January 14, 2009

ဒီဝတ္ထုလေးကိုရေးထားခဲ့တာကြာပါပြီ။ မှတ်မှတ်ရရ ၂၀၀၂မှာပေါ့။ ရေးပြီးတော့ ရွှေမြင်သာ
ဂျာနယ်က ဦးဝင်းမောင်ညွန့်ကိုပေးလိုက်တာမှတ်မိတယ်။ နောက်ပိုင်းကျတော့မေ့မေ့လျော့
လျော့ပဲ။အဲဒီမဂ္ဂဇင်းထွက်တော့လည်းမရဘူးလေ...နောက်တော့ဒီဝတ္ထုက သရဖူမှာပါလာ
တယ်လို့ကြားရတယ်။ ယောင်တောင်တောင်နဲ့ ကျွန်မလည်းတအံတသြ..အရင်ခေတ်သရဖူ
ပြီးကတည်းက သရဖူဆိုတာ ကျွန်မတို့ကွင်းမှမဟုတ်တော့တာ။အံ့သြတာပေါ့။ နောက်မှသိရ
တာက အဲဒီမှာ ကိုယ်နဲ့ကပ်လျက်စာမူကဖြုတ်ခံရလို့ ကိုယ့်ပါဖြုတ်လိုက်တယ်ဆိုပဲ။ ဖြစ်ပုံက..
လက်လွှဲပေးလိုက်တာလည်းမသိရဘူး။အန်တီနန်းကလည်း စာမူခကိုပေါ်ပြူလာမှာပေးထားခဲ့
တယ်တဲ့။ အံမယ်အဲဒီခေတ်တည်းက သရဖူက စာမူခကို အများကြီးပေးတာ။ (ဒါက အန်တီ
နန်းတို့မချိုတို့အတွက်ကြော်ငြာ...း) )
တကယ့်တကယ်က အဲဒီဝတ္ထုထဲကလမ်းကလေးက ခုထိရှိနေသေးတယ်။ မိုးတွေလည်းသည်း
နေဆဲပဲ...ခုထိကိုတိတ်ဖို့အစီစဉ်မရှိသေးဘူး......ခုထိ..တကယ့်ကိုခုထိ.....
ဟောကြားလား...ခုတောင်မိုးတွေချုန်းလာနေပြီ..။ကောင်းကင်ကြီးလည်းမည်းမှောင်လို့....
မိုးမရွာခင် ဒါလေးဖတ်လိုက်ကြပါဦး...။



မိုးတွေရွာတဲ့လမ်းကလေး
လရောင်တွေကိုတိုးခွဲဖြတ်ပြန်လာတဲ့ညက..ကျွန်မရင်ခွင်တစ်ခြမ်းလုံးအလွမ်းတွေနဲ့ပြည့်လို့…။
မိုးတွေအမြဲတမ်းရွာနေတတ်တဲ့လမ်းကလေးကတော့ ကျွန်မမျက်ရည်တွေနဲ့အမြဲတမ်းစိမ်းလန်း
နေတတ်တယ်ချစ်သူ….။ဟိုး…ခပ်ဝေးဝေးကနေပြေးပြေးလာတတ်ပြီး..ကျွန်မနားရောက်ရင်
ပျောက်ပျက်သွားတတ်တဲ့၊ချစ်သူ့ခေါ်သံတွေကိုတော့၊ကျွန်မကအမြဲတမ်းယောင်ရမ်းဖမ်းဆုပ်
နေမိမြဲပါပဲ။
တိမ်တွေကိုခိုစီးပြီးလှည့်ပြန်လာတဲ့အတိတ်နေ့ရက်ပါးပါးလေးတွေကိုလွှမ်းခြုံကြည့်တဲ့အခါလမ်း
ကလေးမှာမိုးတွေကရွာလို့။ကျွန်မတို့လျှောက်လှမ်းခဲ့ဖူးတဲ့လမ်းကလေးမှာချစ်သူကပျောက်ကျ
ကျန်ခဲ့တဲ့စကားလုံးတစ်လုံးပမာ..အဓိပ္ပာယ်ဖော်ရခက်နေခဲ့တယ်။ပိတောက်တွေပွင့်နေပြီချစ်သူ
ပန်းမပန်တတ်တဲ့ကျွန်မရဲ့ဆံနွယ်ပေါ်မှာတိမ်မျှင်စတွေကခိုတွဲလို့..။ကြယ်ပွင့်ကြယ်ပျောက်တွေ
ကတော့တလက်လက်နဲ့ ကျွန်မ မျက်တောင်ဖျားမှာအသိရခက်စွာခိုနားနေခဲ့တယ်။တကယ်
တော့…ကျွန်မလိုချင်ခဲ့တာကလည်းသန့်စင်လန်းဆတ်လွန်းတဲ့မိုးတွေရွာနေတဲ့လမ်းကလေးပါ
ပဲ…။
အနက်ရောင်ဖဲကြိုးရှည်တစ်ချောင်းလိုလဲလျောင်းငြိမ်သက်နေတဲ့လမ်းကလေးရဲ့အဆုံးဆီကို…
မှန်းပြီးကျွန်မတို့လျှောက်ခဲ့ကြဖူးတယ်။အဲဒီတုန်းကတော့မိုးရေစက်တွေက ကျွန်မတို့နောက်ခပ်
ဖွဖွပြေးလိုက်လို့ပေါ့။မိုးစက်တွေကိုအသိရခက်စွာငေးမောရင်းသီချင်းတွေသာဆုံးသွားတယ်။
လမ်းကလေးကတော့မဆုံးခဲ့ရှာဘူး။ခုထိလည်းဒီလမ်းကိုဆက်မလျှောက်ဖြစ်သေးပါဘူး။လမ်း
ကလေးကအမြဲတမ်းမိုးတွေရွာနေတတ်တယ်လေ။
မိုးစက်တွေသဲသဲမဲမဲအညှိုးတကြီးရွာချလာတတ်တဲ့အခါမျိုးမှာဆိုရင်တော့ဘာကိုမှသဲသဲကွဲကွဲ
မတွေ့ရတော့ဘူး။လမ်းကလေးများမိုးရေတွေနဲ့စီးမျောလိုက်ပါသွားမလားလို့စိုးထိတ်ရင်းတစ်
ယောက်တည်းထီးတစ်လက်နဲ့မိုးစက်တွေကိုလှည့်ဖျားနေခဲ့ဖူးတယ်။ဒါပေမယ့်ကွယ်..ဘယ်လို
နေရောင်ခြည်မှလမ်းကလေးထဲကိုလမ်းမှားဝင်ရောက်လာမှာမျိုးကိုကျတော့လည်းကျွန်မလက်
မခံနိုင်ခဲ့ပြန်ပါဘူး။
အဖြူရောင်စပယ်ပွင့်ကြွေတွေကတဖွေးဖွေးတလှုပ်လှုပ်နဲ့ကျွန်မကိုလှမ်းကြည့်အဖြေထုတ်နေ
တတ်တဲ့အခါမျိုးမှာလမ်းကလေးကတော့ထုံးစံအတိုင်းမိုးတွေတစိမ့်စိမ့်ရွာလို့။အကြေကြေအ
ကွဲကွဲနဲ့လမ်းကလေးထဲဝင်ဝင်လာတတ်ပြီးအယိုင်ယိုင်အလဲလဲနဲ့ပြန်ပြန်လှည့်ထွက်သွားတတ်
တဲ့ကောင်မလေးဟာ ကျွန်မပါချစ်သူ။ဘယ်သူ့အကူအညီမှမပါပဲဒီလမ်းကလေးကိုဆုံးအောင်
လျှောက်နိုင်ပါလျက်နဲ့တစ်စုံတစ်ယောက်ကိုယုံယုံကြည်ကြည်နောင်တတွေနဲ့စောင့်နေတတ်
တာကျွန်မရဲ့ပင်ကိုသဘာဝမဟုတ်ခဲ့ဘူး။ဘယ်လိုအရာကများကျွန်မကိုပြောင်းလဲစေခဲ့တာပါ
လိမ့်။
တဖျောက်ဖျောက်စီးကျလာတဲ့မိုးစက်တွေကဂီတသံဆန်လွန်းနေတယ်ချစ်သူ…။ဒါပေမယ့်ခက်
တာကအဲဒီဂီတသံမှာအလွမ်းငွေ့တွေရေးရေးလေးစွန်းပေနေခဲ့တာပါပဲ။ဘယ်လိုနေရောင်ခြည်
ကမှခွာမချနိုင်တော့တဲ့အလွမ်းတွေဟာ ကျွန်မရင်ထဲမှာတော့ပရမ်းပတာကိုစိတ္တဇဆန်လို့……။
ကျွန်မတို့ဘာကိုမျှော်လင့်ခဲ့ကြဖူးတာပါလိမ့်။ တစိမ့်စိမ့်ရွာနေတတ်တဲ့မိုးစက်ဖြူဖြူတွေကိုလား။
ဘယ်တော့မှမတိတ်တော့မယ့်မျက်ရည်စက်တွေကိုလား။
မိုးစက်တွေကိုကျွန်မတို့ဖိတ်ခေါ်ခဲ့ကြဖူးသလား။ငြင်းပယ်ခဲ့ကြဖူးသလား။သိပ်မသေချာဘူး။ဒါဟာ

စာမျက်နှာစဉ်ရေးထိုးမထားတဲ့လျှို့ဝှက်အနာဂတ်စာမျက်နှာတွေကိုဖတ်ရသလိုပဲ။စိန်ခေါ်မှု
ဆန်လွန်းတယ်။တကယ်တော့ ကျွန်မမှားခဲ့တာဖြစ်ဖို့များပါတယ် ..ချစ်သူ။မှားယွင်းမှုတွေကို
စနစ်တကျရွေးချယ်တတ်ခဲ့လို့မဟုတ်ပါဘူး။အမှားတွေကိုကကျွန်မဆီကိုအုံလိုက်ကျင်းလိုက်
ပေါက်ရောက်လာကြတာပါ။
နားနဲ့ဆတ်ဆတ်မကြားရပါပဲရင်ထဲကိုထွင်းဖောက်လာတတ်တဲ့အသံဟာတစ်ချိန်ကချစ်သူ့
ရယ်သံတွေပါပဲ။စိမ်းစိုမက်မောခဲ့ဖူးတဲ့မြက်ခင်းပြင်ကျယ်ထဲမှာ၊စိတ်လွတ်လက်လွတ်ပြေးလွှားနေရ
သလိုချစ်သူ့ရယ်မောသံဟာစိမ်းမြပေါ့ပါးနေခဲ့ဖူးတယ်။(အဲဒီရယ်သံတွေထဲမှာ မှားယွင်းမှုနောင်
တတွေနဲ့အကျဉ်းကျနေသူကတော့ကျွန်မကိုယ်တိုင်ပါပဲ..)
တကယ်ဆိုရင်ဒါဟာငွေ့ရည်ဖွဲ့တိမ်တိုက်တွေပဲပေါ့ချစ်သူ။မတိတ်တမ်းရွာချတော့မယ်ဆိုတာ
သာသိခဲ့ရင် လမ်းကလေးကလည်းပြင်ဆင်ချက်တစ်ခုခုကိုရှာခဲ့မှာပဲ။ခုတော့ သက္ကရာဇ်များစွာ
ဝေးကွာသွားခဲ့ကြပြီ။
အဲဒီတုန်းက မတော်တဆလိုလိုနဲ့တိတ်တိတ်ကလေးရောက်ရောက်လာတတ်တဲ့ရင်ခုန်ခြင်း
တွေကို ကျွန်မက တမင်ပဲမသိချင်ယောင်ဆောင်နေခဲ့ဖူးတယ်။အသိစိတ်နဲ့ပက်ပင်းတိုးရင်ဆိုင်
လိုက်ရတဲ့အချိန်ကျတော့အဲဒီရင်ခုန်သံတွေက မိုးချိမ်းသံတွေဖြစ်နေနှင့်ခဲ့ပြီးပြီ။ဒါနဲ့တောင်မှမိုး
ရွာတဲ့ထိစောင့်နေခဲ့မိတာကျွန်မရဲ့ရွေးချယ်မှုပါပဲချစ်သူ..။
ပန်းချီကားတစ်ချပ်လိုသက်ဝင်ငြိမ်းအေးနေခဲ့ဖူးတဲ့..အကြည့်နွေးနွေးတွေကိုကျွန်မလွမ်းနေ
တတ်ပြန်တယ်။သံတူကြောင်းကွဲစကားလုံးတစ်ချို့လို တိတိပပသိဖို့ ကျွန်မက အဓိပ္ပာယ်ဖော်
ကြည့်နေစဉ်မှာပဲ..မိုးတွေရွာလာခဲ့တော့တာ။လွင့်ဖြာယှက်သန်းခဲ့ဖူးတဲ့နေရောင်ခြည်တွေကို
(တကယ်တမ်းကျ) ကျွန်မကအယုံအကြည်သိပ်မရှိလှပါဘူး။ ချစ်သူရယ်..ကံကြမ္မာ တွေဟာ
မကြေညာပဲစစ်ခင်းတတ်တဲ့ရန်သူတွေများလား။
တကယ်တော့ ကျွန်မဟာကျိန်စာသင့်နေတဲ့ပန်းတစ်ပွင့်ပါ။ကျွန်မမှာကြေကွဲခွင့်လည်းမရှိပါဘူး။
ကျွန်မနှလုံးသားတောင်ကုန်းလေးကတော့ ငိုကြွေးထစ်ချုန်းသံတွေနဲ့ရောင်ကိုင်းမို့မောက်လို့..။
အို…ကျွန်မကိုဘယ်သူကများတိတ်တိတ်ကလေးနားဆင်နေခဲ့တာလဲ။ချစ်သူရေ…အနာဂတ်
တွေမှာပါဝင်ခွင့်မရတဲ့မျှော်လင့်အိပ်မက်တွေနဲ့ အဆိပ်တက်နေတဲ့အာရုံတွေကန်းဆွံ့..ကျွန်မက
ကိုယ့်ကိုယ်ကိုမမှတ်မိနိုင်လောက်အောင်ကြောက်ရွံ့လို့…။
ဘယ်လိုကယ်တင်ခြင်းတွေနဲ့ကျွန်မဆီပြန်လှမ်းလာခဲ့မှာလဲ…ချစ်သူ..။တနင်္လာရောင်ဖြစ်တစ်
စင်းဘေးမှာ ကိုယ်တိုင်စီးဆင်းရင်းရပ်တံ့…ရင်နဲ့မဆန့်တော့တဲ့နာကျင်မှု..ကျွန်မဘ၀ကိုအတု
လုပ်လိုက်သူဟာ ကျွန်မကိုယ်တိုင်ပဲလား..။လူကြီးလူကောင်းဆန်ဆန်ရင့်ကျက်ပြလိုက်ရတာ
တကယ်တော့အရသာမဲ့လွန်းပါတယ်။တကယ်လို့များဘ၀ကိုအစကပြန်ရွေးချယ်ခွင့်ရခဲ့မယ်
ဆိုရင်..ကျွန်မဘာကိုရွေးမလဲ…။မိုးတွေရွာနေတဲ့လမ်းကလေးရဲ့အဆုံးကိုပဲရွေးချယ်ခဲ့မိလိမ့်
ထင်ရဲ့။ကျိန်စာတွေပါဝင်ပတ်သက်မနေဘူးဆိုရင်ပေါ့။
အခုတော့ တံခါးဖွင့်လိုက်ရင် အ၀မှာရွာမချရသေးတဲ့တိမ်တိုက်တွေကစွတ်စိုအုံ့ဆိုင်းလို့။မနက်
ဖြန်အသေတွေကလည်းပွစာကျဲ..။မျှော်လင့်ချက်မှိုနံ့တွေလည်းစွဲလို့..ပေါ့။မင်နီတားထားတဲ့စာ
ကြောင်းတွေလည်းဒိုင်ယာရီထဲမှာများများလာတယ်။ကိုယ့်ကိုကိုယ်သတိပေးရတာလောက်
ချောက်ကမ်းပါးဆန်တာရှိဦးမလား။ဘုရားသခင်ရဲ့ကျေးဇူးတော်နဲ့လမ်းကလေးကတော့မိုးတွေ
ရွာနေတုန်းပါပဲ။
တကယ်ဆိုရင်ကျွန်မတို့ရဲ့ရာသီဥတုကလေးဟာ လာဘ်ပေးလာဘ်ယူလုပ်မထားတဲ့ရာသီဥတု
ကလေးပါ။ဖြူစင်စွာလည်းရိုးသားခဲ့ကြဖူးတယ်။ဒါပေမယ့်ချစ်သူရယ်..ကျွန်မတို့ဘာလို့များလမ်း
မဆုံးခဲ့ကြတာလဲ။ဘာလို့များစွတ်စိုမှုန်ဝါးသွားခဲ့ကြတာလဲ။အမှားပြင်ဆင်ချက်စာမျက်နှာဆို
တာ ဘ၀မှာတကယ်ပါလာခဲ့မယ်ဆိုရင်..အဲဒီလမ်းကလေးကိုဆုံးအောင်အတူဆက်လျှောက်
ခွင့်ရခဲ့ချင်ပါတယ်။
ဘာလုပ်ရမှန်းမသိလို့ ထထထိုင်နေတတ်တဲ့ညတွေမှာ၊အလွမ်းတွေဟာကျွန်မရင်ထဲအပူ
တပြင်းခရီးဆန့်လာတတ်ကြတယ်။စာရွက်ပေါ်ရေးချလိုက်တဲ့တမ်းတခြင်းတွေမှာ နောင်တတွေ
ကရွှဲရွှဲစိုလို့…။တကယ်တော့စကားလုံးတွေဟာ ပျံသန်းထွင်းဖောက်သွားမယ့်စေတမာန် ငှက်
တစ်ကောင်မှမဟုတ်ခဲ့ဘဲကွယ်။ရိုးရိုးသားသားလမ်းမှားခဲ့ခြင်းမှာ မြို့ရွာတွေအထပ်ထပ်လွဲချော်
လို့…….။ကျွန်မတို့ဘာမှမတတ်နိုင်ခဲ့ကြပါဘူး။
အိပ်မက်တွေကနေယောင်ယမ်းနိုးထလာရတဲ့အခါတိုင်း လမ်းကလေးကမိုးတွေရွာလို့…။အချိန်
မဟုတ်အခါမဟုတ်အမြဲတမ်းမိုးတွေရွားနေတတ်တဲ့လမ်းကလေးကိုကျွန်မကအမြဲတမ်းစောင့်
ကြည့်လို့။မိုးသံတွေကြားကနေလှည့်ပြန်လာမယ့် ချစ်သူ့ခြေသံတွေကိုကြားရမယ့်နေ့ရက်အထိ
ပေါ့…။
အိပ်မက်တွေတောင်မိုးစက်တွေနဲ့ခိုက်ခိုက်တုန်နေကြပြီ..ချစ်သူ..။

မနော်ဟရီ
သရဖူမဂ္ဂဇင်း


နှုတ်ခွန်းဆက်

Sunday, January 11, 2009

အဝေးကနေအားလုံးကိုနှုတ်ဆက်ပါတယ်။
ခရီးရောက်မဆိုက် ဘလော့ခ်ကိုဖွင့်ပေမယ့် အဆင်မပြေဘူး။ ဖောင့်မှမရှိတာ။ဒီနေ့လည်း
ဇော်ဂျီတစ်ကောင်ကိုလိုက်ဖမ်းတာ ဖတ်ဖတ်ကိုမောလို့....။ကျေးဇူးရှင်က အင်စတောလ်
လုပ်ပြီးလည်းတက်မလာဘူး။တော်တော်ကြာမှဖတ်လို့ရတယ်။နောက်ထပ်ရိုက်နိုင်ဖို့ကြိုးစား
ရပြန်ရော...ဟော...ခုကျတော့လည်းရသွားပြန်ပြီ။ဒါပေမယ့် ရကောက်အတိုတွေဘာတွေ
ရိုက်လို့မရသေးဘူး။ကြိုးစားရဦးမယ်။ပြီးတော့ ခပ်တည်တည်နဲ့သာလုပ်နေတာ ...ဒါကကိုယ့်
ကွန်ပျူတာလည်းမဟုတ်သေးဘူး။ကိုယ့်ကွန်ပျူတာကျပြန်လုပ်ရဦးမယ်။လောလောဆယ်တော့
ဒီလောက်ရိုက်လို့ရနည်းလားပေါ့နော်.....
အသစ်မတက်တာကြာပြီဖြစ်တဲ့အတွက်(ဘယ်သူမှမမျှော်လည်းမျှော်နေသယောင်နဲ့..းp)
အသစ်တစ်ခုတင်လိုက်ရင်းနှုတ်ဆက်လိုက်ပါတယ်။ အဲဒီတက်ခ်ပို့စ်ကတော့ ၈ ရက်နေ့ကတည်း
ကရေးထားတာပါ..။


လောကီပညာ

Thursday, January 8, 2009

မနေ့ကမှစာအုပ်တွေရှင်းရင်းစာအုပ်တွေထဲမှာ လောကီပညာနဲ့ပတ်သက်တဲ့စာအုပ်တွေတော်တော်
များများရှိနေတာသတိထားလိုက်မိတယ်။ ညကျတော့ 5series က Bewitched ဆိုတဲ့ကား
လေးကြည့်လိုက်ရတယ်။ အမှန်က ကြည့်နေကျပါ။ စနေ၊တနင်္ဂနွေလာလည်းကြည့်တယ်။ အင်္ဂါ
လာလည်းကြည့်တယ်။ သားကသဘောကျတာကိုး။ အမှန်ဆိုရင် ကျွန်မကိုယ်၌က ဘယ်လိုဟာ
က witch ဘယ်လိုဟာက wizard ဘယ်လိုဟာက sorcerer ဘယ်လိုဟာက magician
ဆိုတာတောင်သိပ်မကွဲပြားချင်ပါဘူး။
ဒါပေမယ့် သူတို့ဟာသူတို့ဘာဖြစ်ဖြစ်...တစ်သက်နဲ့တစ်ကိုယ်စိတ်ကူးမယဉ်စဖူးယဉ်လိုက်မိတယ်။
ဒါကြောင့်..craton ဆိုတဲ့ကလေးတက်ခ်ထားတာကိုပါ အကြွေးဆပ်တဲ့အနေနဲ့ ကျွန်မတို့သား
အမိ..(သားကိုကိုပြောနေကျစကားနဲ့ဆိုရင်တော့ သားအမပေါ့..း) သားအဖ ဆိုရင် သားအမ
ပဲဖြစ်သင့်တယ်ဆိုပဲ..) စိတ်ကူးယဉ်မိတာလေးတွေကိုပြောပြချင်မိလို့ပါ။

* * * * * * * * * * * * * * * * *
“လေယာဉ်လက်မှတ်မ၀ယ်ခင်သာဒီပညာရလိုက်ရင် မေမေတောင်ပိုက်ဆံမကုန်တော့ဘူးနော်”
“အင်း...ဟုတ်ပ သားရယ်..ဒါပေမယ့် ..တစ်ခုတော့ကောင်းတာပေါ့...လေယာဉ်နဲ့သွားတဲ့အခါ
လည်းသွားတာပေါ့...”
“ နေ့လည်ကျောင်းတက်ရမယ့်အချိန်ဆို ကိုကိုကကျောင်းတက်မယ်။မေ.က ရုံးသွား..ပြီးရင်ပြန်လာ
ပြီးညကျရင် ဖီးဖီးတို့နဲ့လာပြန်အိပ်မှာပေါ့..”
“အင်း..ကောင်းတယ်။ ဒါပေမယ့်...”
“ အာ..ဘာဒါပေမယ့်ကပါလာပြန်တာလဲ..ဒီလောက်အဆင်ပြေနေတာကို”
“ မေ..တို့က သွားမယ်လို့ပြောထားပြီးပြီလေ..ပြီးတော ဒီပညာဆိုတာကလူသိခံရတာမဟုတ်ဘူး၊
လူတွေက witch တွေ wizard တွေဆို လူဆိုးတွေလို့ပဲထင်တတ်ကြတယ်လေ..”
“ အာ..မာမားကလဲ..စမန်သာလို ဟယ်ရီပေါ်တာ တို့လိုဆိုဘာပြောမလဲ”
“ အင်းလေ...ဒီမှာကျတော့..ဒီပညာကိုမကောင်းတဲ့စိတ်ရှိတဲ့သူတွေကသုံးမိတာများလို့လားမသိဘူး
ဘယ်သူမှလက်ခံချင်မှာမဟုတ်ဘူး”
“ အိုး..လက်ခံခံ မခံခံလေ..ကိုကိုတို့ နေ့တိုင်းမြန်မာပြည်ကိုပြန်လို့ရတယ်။သူငယ်ချင်းတွေကိုတွေ့
ချင်တဲ့အချိန်တွေ့လို့ရတယ်။မာမားလည်း အလုပ်ရှိရင်ပြန်လာလုပ်..ပြီးရင်ပြန်လာခဲ့..ဘယ်လောက်
ကောင်းလိုက်သလဲ”
“အင်းပါ သားရယ်..ကောင်းတယ်..လာသွားရအောင်”

* * * * * * * * * * * * *

အဲဒီလိုနဲ့ ကျွန်မတို့ ကဝေတို့တတ်အပ်သောပညာနဲ့ မိဘတွေနဲ့လည်းနေရ..သားကလေးလည်းကျောင်း
တက်မပျက် ၊ကျွန်မလည်းအလုပ်မပျက်နဲ့ တစ်နိုင်ငံနဲ့တစ်နိုင်ငံကို အဲဒီလို ကူးလူးသွားလာနေလိုက်တာ
ကျွန်မတို့မြန်မာပြည်ပြန်လာမှန်းလည်းဘယ်သူမှမသိလိုက်ဘူး။ ဟိုကနေ..ထွက်သွားလိုက်မှန်းလည်း
ဘယ်သူမှမသိလိုက်ဘူး။
ပြန်လာရင်လည်း..မုန့်ဟင်းခါးတွေ၊ပုန်းရည်ကြီးတွေ၊လက်ဘက်နဲ့အကြော်တွေ၊ပြည်မလိုင်တွေ၊မေမြို့ပဲပွ
ကြော်တွေ၊တင်တင်အေးထိုးမုန့်နဲ့ပဲလမုန့်တွေ သယ်လာလိုက်သေးတယ်။ ငါးရံ့ခြောက်နဲ့ ပုဇွန်ခြောက်
ငါးကျည်းကြပ်တိုက်နဲ့ ငါးသလဲထိုးတွေလည်း မကြာခဏသယ်လာလို့ရတယ်။ စားချင်တယ်ဆိုရင် ရာသီ
အလိုက်မှရတတ်တဲ့ အင်ဥတွေ၊မှိုတွေ၊ကိုင်းဥတွေ၊လည်းသယ်လာလို့ရသေးတယ်။
ဘာစာအုပ်ထွက်ထွက် အချိန်မဆိုင်းသွားဝယ်ပြီး ဘလော့ခ်မှာပြန်တင်ပေးလိုက်ရုံပဲ...။သီချင်းတွေဆို
လည်းဒီလိုပဲပေါ့။ ဟော..၁၃ရက်နေ့မှလုပ်မယ်ဆိုတဲ့ ငြိမ်းချမ်းဆု ရဲ့ပန်းချီပြပွဲကိုလည်းခပ်တည်တည်နဲ့
မယောင်မလည်လာကြည့်လို့ရသေးတာပဲ..။အဓိကရှောင်ရမှာက သွားတော့မှာမို့လို့အမှတ်တရဆိုပြီး သူ
စုထားတဲ့ ဦးသက်ညွန့် ပန်းချီကားတွေကိုစီးရီးလိုက်လက်ဆောင်ပေးလိုက်တဲ့ ကျောင်းဆရာ(မျိုးဆွေသန်း)
ပါပဲ..။ပြီးတော့ ခပ်တည်တည်နဲ့အခွေလေးတစ်ခွေလက်ဆောင်လာပေးပြီး တစ်နှစ်အတွင်းပြန်မလာခဲ့နဲ့
လို့ပြောတဲ့ ဝေမှူးသွင်..။သူတို့ကိုမတွေ့အောင်ရှောင်နိုင်ရင်ရပြီလေ။း)
လက်ဖျောက်လေးတစ်ချက်တီးလိုက်ရုံနဲ့လိုရာရောက်နိုင်တဲ့ပညာဆိုတာနည်းလား....။ပျင်းရင် အဘဟိုနဲ့
သွားတွေ့တယ်ဆိုတဲ့ မချောအိဆီသွားလည်လိုက်ဦးမလား...ရတယ်။ နေရတာတောင်နဲ့မြောက်လို့ပြော
တဲ့ ကေ့ဆီလည်းနေ့တိုင်းထမင်းသွားစားနိုင်တယ်။ ဒိထက်ပျင်းလာရင် အမေရိကန်ဖက်သွားပြီး ကလိုစေး
ထူးတို့ မိုးချိုသင်းတို့ ကိုအောင်သာငယ်တို့ဆီသွားနိုင်သေးတယ်။ တစ်ခါတစ်လေတော့လည်း ဂျပန်သွားပြီး
အူဒူခေါက်ဆွဲသွားမြည်းမှာပေါ့။ နောက်..မလေးရှားက တူတော်မောင်ဆီလည်းဝင်လည်မယ်။ စလုံးက
ပန်ဒိုရာတို့ SST တို့ တင်မင်းထက်တို့ ဆီလည်းသွားလို့ရတာပေါ့။
တစ်ခါတစ်လေတော့လည်း အောက်စဖို့လိုကျောင်းတော်ကြီးက အတန်းတစ်တန်းထဲမှာ လက်ချာသွားထိုင်
နားထောင်ချင်နားထောင်နေမယ်လေ။ဘယ်လောက်ကောင်းလဲ...။
သိပ်လွမ်းလာရင်တော့ မနက်စောစော မှာ ပုဂံလမ်းပေါ်လမ်းသွားလျှောက်မှာပေါ့။စစ်ကိုင်းလမ်းထောင့်
ရောက်တဲ့ထိလျှောက်ပြီးရင် မြကျွန်းသာ ကအန်တီဆီမှာ လက်ဘက်ရည်သွားသောက်မယ်။အကြော်စားမယ်။
နေ့လည်နေ့လည်မြန်မာထမင်းဟင်းစားချင်လာပြီဆိုရင်တော့ မြသဇင် ကအန်တီမြဆီထမင်းသွားတောင်းစား
မှာပေါ့။
သူတစ်ပါးကိုစချင်နောက်ချင်ရင် လေထန်ကုန်းဖက်ခပ်တည်တည်နဲ့လျှောက်သွားပြီးကိုယ်ယောင်ပြ..ပြီးမှ
ဖျတ်ကနဲကိုယ်ယောင်ဖျောက်ပြီးပြန်လာခဲ့....ဒါဆို သူတို့ဇဝေဇ၀ါနဲ့ကိုယ့်အတင်းတွေထိုင်ပြောနေကြလိမ့်
မယ်။
အဲ...နောက်တစ်ခုရှိသေးတယ်။ အဲဒါကတော့ အကောင်းဆုံးနေမှာ..အဝေးရောက်နေတဲ့ ကိုယ့်အစ်ကို
အစ်မတွေဆီသွားပြီးစကားစမြည်လေးခိုးပြော၊လိုတာလေးသွားပေးနိုင်မှာလေ...။
ကဲ....စိတ်ကူးယဉ်တာလည်းများသွားပြီ။
ဇော်ဂျီတစ်ကောင်ကိုလိုက်ဖမ်းရတာလူလည်းဖတ်ဖတ်ကိုမောသွားတာပဲ.....
မဟုတ်ရင်ဒီပို့စ်ကတင်နိုင်မှာမဟုတ်ဘူးလေ.......
craton တစ်ယောက်ကျေနပ်နိုင်လောက်ပါရဲ့...။


အ၀ါရောင်မြို့ကလေး

Sunday, January 4, 2009

အ၀ါရောင်မြို့ကလေး

(က)
အင်မတန်ရိုးသားလှလွန်းလို့ကျွန်မချစ်ရတဲ့မြို့ကလေးကိုကျွန်မကအ၀ါရောင်ဖျော့ဖျော့လေး
ခြယ်ပေးလိုက်တယ်။မြို့ကလေးရဲ့ပင်ကိုယ်သိက္ခာအခံနဲ့ ၀ါရွှေရောင်လင်းတောက်သွားတဲ့အ
ချိန်မှာနေက၀င်သွားခဲ့ပြီ။ ဆိုဒီယမ်မီးလုံးအရောင်တွေနဲ့မြို့ကလေးဟာအရောင်ပြောင်းသွား
ခဲ့တယ်။ကျွန်မလိုချင်တဲ့အရောင်မျိုးတော့မဟုတ်ပါဘူး။မနက်ကျရင်တော့ မြို့ကလေးကိုအ
ရောင်ထပ်ပြောင်းပေးရဦးမယ်။
ဟိုး….အဝေးမိုးရေစက်တွေထဲကအော်သံတစ်ခုကိုကြားလိုက်ရတယ်။
“အ၀ါရောင်တွေရမယ်” တဲ့။
ဘုရားသခင်..ဒါဟာသူခိုးတွေမျက်စိကျတတ်တဲ့အရောင်များလား။
အဲဒါနဲ့နှင်းဆီပန်းဝါ၀ါ ၁၇ ပွင့်တိတိကို င၀န်မြစ်ရေထဲမျှောချပစ်လိုက်တယ်။မြစ်ရေတွေကအ
လျှင်အမြန်သယ်ဆောင်သွားလိုက်တာ။မှာလိုက်ဖို့မေ့သွားတယ်။ရေမုဆိုးတွေရဲ့ပိုက်ကွန်ကို
ကြည့်ရှောင်ဖို့။
အလွမ်းတွေနဲ့ပြန် ပြန်လာတတ်တဲ့ကျွန်မကိုမြို့ကလေးက ၀ါတာတာနဲ့လှမ်းလှမ်းကြည့်တတ်
တယ်။မေ့နေမိပြန်ပြီ။ကျွန်မသူ့ကိုအရောင်ပြောင်းပေးရဦးမယ်။ခက်တာက ကျွန်မကပန်းချီ
ဆရာမဟုတ်လေတော့ ပန်းချီဆရာတစ်ယောက်ရှာဖို့ခရီးထွက်ခဲ့မိတော့တယ်။

(ခ)

နက်မှောင်ရှည်လျားတဲ့ဆံနွယ်တွေကိုဖားလျားချလို့ ကောင်မလေးတစ်ယောက်ပန်းချီဆွဲနေ
တယ်။အို….သူဟာ ..အရောင်တွေကိုနားလည်တဲ့ပန်းချီဆရာများလား…။အနားကိုရောက်
သူ့ကင်းဗတ်(စ) စဟာနက်မှောင်လို့…။အဲဒီအပေါ်မှာ သူမက ဆေးအနက်ရောင်တွေကိုစုတ်
ချက်ကြမ်းကြမ်းနဲ့အထပ်ထပ်ခြယ်သနေလေရဲ့။မျက်နှာလှလှလေးကတော့ ဘေးတိုက်အနေ
အထားမှာတောင်မေးကြောကြီးတွေထောင်ထနေတဲ့အထိတင်းထန်လို့…။
ကျွန်မ အကြည့်လွှဲလိုက်ရတယ်။အို………..အဝေးကလွင့်မျောလာတဲ့မီးခိုးရင့်ရောင်တိမ်တိုက်
တွေကိုကြည့်ရင်း ကျွန်မငိုချင်လာတယ်။ မကြာခင်မိုးရေတွေတဝေါဝေါသွန်ချခံရတော့မယ်။
ကျွန်မချစ်တဲ့မြို့ကလေးအပေါ်မှာရော….မီးခိုးရင့်ရောင်မိုးစက်တွေပြိုကျလာမှာလား…။ဒါမှမ
ဟုတ်မိုးစက်တွေက အဲဒီအနက်ရောင်တွေကို တိုက်စားဖယ်ရှားပစ်လိုက်မှာလား။သူမရဲ့
အနက်ရောင်တွေထဲမှာရော မိုးစက်တွေလိုဖြူဖြူကြည်ကြည်လေးတွရှိနေမလား။
ဒါတွေကအရေးမကြီးပါဘူး။အရေးကြီးတာက မီးခိုးရင့်ရောင်နဲ့ အ၀ါရောင်ပေါင်းရင်ဘာအ
ရောင်ရလဲဆိုတာပဲ။ကောင်မလေး က ကျွန်မကိုကျောထဲစိမ့်သွားစေမယ့်အပြုံးနဲ့အဖြေပေး
တယ်။
“ အနက်ရောင်” တဲ့။
ဘ၀မှာအရောင်တစ်ရောင်တည်းရှိတဲ့ကောင်မလေးကိုထားခဲ့လိုက်ပါတယ်။

(ဂ)
နှင်းဆီပန်းနီနီတွေခင်းလုံးပြည့်နေတဲ့ခြံကျယ်ကြီးထဲမှာ ကောင်မလေးနီနီလေးတစ်ယောက်အ
လုပ်တွေရှုပ်နေတယ်။ခြံဝမှာချိတ်ဆွဲထားတဲ့ဆိုင်းဘုတ်လေးကိုက “နှင်းဆီနီနီ” တဲ့။ပန်းတွေပွင့်
နေပုံကဆန်းတယ်။သန်စွမ်းခိုင်မာလိုက်ကြတာ။ကျွန်မတောင်ပန်းခင်းထဲဝင်လိုက်တယ်ဆိုရင်ပဲ
ရဲရင့်တက်ကြွလာသလိုခံစားရတယ်။
နီနီလေးက ကျွန်မကိုနှင်းဆီတွေအများကြီးခူးလာပေးတယ်။အို…လှလိုက်တာ….။ဝမ်းသာအား
ရလှမ်းယူမိတဲ့ကျွန်မရဲ့လက်မှာ သွေးတွေဖြာဆင်းသွားတယ်။နှင်းဆီဟာသူ့ဆူးတွေကိုမေ့
လျော့စေဖို့ အရောင်နဲ့လှည့်စားထားခဲ့တာကိုး။ဆူးမရှိတဲ့ မာယာမဲ့မြို့ကလေးကို ကျွန်မ အနီရောင်ဆင်ပေးသင့်သလား။
“ နီ….အ၀ါနဲ့အနီပေါင်းရင်ဘာအရောင်ရသလဲ”
“ အိုး…အနီပဲပေါ့ရှင်..” တဲ့။
ကျွန်မချစ်တဲ့မြို့ကလေးကိုအနီရောင်တွေစွန်းပေမနေစေချင်ပါဘူး။ဒါကြောင့် ကျွန်မနှင်းဆီရနံ့
တွေကိုမသိကျိုးကျွံပြုပြီးလှည့်ထွက်ခဲ့လိုက်တယ်။

(ဃ)

Blue Haven လို့ချိတ်ဆွဲထားတဲ့ အပြာရောင်အိမ်လှလှလေးထဲမှာမိသားစုလေးတစ်စုနေထိုင်
ကြတယ်။အဖေရယ်၊အမေရယ်၊သမီးကြီးရယ်၊သမီးလတ်ရယ်၊သားငယ်ရယ်။ အပြာရောင်သစ်
ခွပန်းတွေကလည်းခြံလုံးပြည့်ပဲ။ရနံ့မဲ့၊ဆူးမဲ့တွေရဲ့ဆွဲဆောင်မှုကလည်း တစ်မျိုးတော့ထူးခြား
တာပါပဲ။ပြာလဲ့လဲ့ရေကန်လေးနံဘေးမှာ အပြာရောင်ကောင်မလေးတစ်ယောက် Jim Reeves
ရဲ့ Blue Sky ဆိုတဲ့သီချင်းကိုနားထောင်နေတယ်။
“ နာမည်ဘယ်လိုခေါ်လဲ”
“ နီလာ”
“ မင်းအစ်မနာမည်ကရော..”
“ ကြည်ပြာ”
“ မင်းမောင် ကရော..”
“ငြိမ်းချမ်း”
“ အပြာရောင်ကငြိမ်းချမ်းခြင်းလား”
“ ဟင့်အင်း..ဒါတင်မကဘူး…တည်ကြည်ခြင်းလည်းပါတယ်”
ကျွန်မသဘောကျသွားတယ်။
“ ကျွန်မမြို့ကလေးကိုအပြာရောင်ခြယ်ပေးရမယ်။ဒါနဲ့နီလာ..အပြာနဲ့အ၀ါရောလိုက်ရင်ဘယ်
လိုနေမလဲ”
နီလာမလေးမျက်မှောင်ကြုတ်သွားတယ်။ရုတ်တရက်အကြည့်စိမ်းတွေဖြာကျပြိုဆင်းလာရင်း
က….“အစိမ်း”လို့ခပ်ပြတ်ပြတ်ဖြေလေရဲ့။

(င)
တောင်ကုန်းညိုညို၊ကျောင်းသင်္ခန်းညိုညို၊ယောဂီညိုညိုနဲ့ကျောင်းဝန်းတစ်ခုလုံးညိုစိုနေတော့တယ်။
အေးချမ်းမှိုင်းညို့လိုက်တာ၊မြေမှာရှပ်တိုက်လွင်မြောနေတဲ့ရွက်ခြောက်ညိုညိုတွေကို
တော့လှည်းကျင်းပစ်တတ်ကြတယ်။ဆိတ်ငြိမ်ညိုမှိုင်းနေတဲ့ ယောဂီအိုကြီးကိုကြည့်ပြီးမေးမိ
တယ်။
“အညိုရောင်ရဲ့အဓိပ္ပါယ်ကဘာလဲ”
“ ငြိမ်သက်ခြင်း”
“ အ၀ါနဲ့အညိုဘယ်အရောင်ကပိုကောင်းပါသလဲ”
“ အကုန်လုံးကောင်းပါတယ်”
“ အဲဒီနှစ်ရောင်ပေါင်းရင်ရော..”
“ ၀ါညိုနေပါလိမ့်မယ်”
ဝါညိုညိုအတွေးတွေကိုကျောပိုးအိတ်နဲ့အပြည့်ထည့်ပြီးကျွန်မပြန်ခဲ့လိုက်တယ်။ခုထိ အရောင်
တွေကိုစိတ်တိုင်းမကျနိုင်သေးဘူး။

(စ)

မဆီမဆိုင်ဗေဒါတွေအုပ်ဖွဲ့စီးမျောနေတဲ့ချောင်းလေးနားကိုရောက်သွားတော့ကျွန်မအလိုလို
ဆွတ်ပျံ့လွမ်းမောလာတယ်။ခရမ်းပြာသစ်ခွပန်းတွေကလည်းဝေလို့။
“ ဒါဘယ်နေရာလဲ”
အနားမှာရှိတဲ့ဆိတ်ငြိမ်လူတစ်ယောက်ကိုနှောင့်ယှက်မိတယ်။သူက…
“ ခရမ်းရောင်လွင်ပြင်” တဲ့။
အိုး…မင်းသားကြီး G.Pack ရဲ့ခရမ်းရောင်လွင်ပြင်များလား။ဟိုး….ရေခဲတောင်တွေကြားက
ကျွန်မရဲ့အစ်ကိုတော် M.ဒီးရမ်ရဲ့ ခရမ်းရောင်လွင်ပြင်လား…။
“ အ၀ါရောင်ကိုဘယ်လိုမြင်လဲ” လို့မေးမိတော့…အဲဒီလူက..
“ ကျွန်တော်မပျော်တတ်ဘူး” တဲ့။
“ဘုရားသခင်…အ၀ါရောင်ဟာပျော်စရာကောင်းလို့လား”
“မသိဘူး…အလွမ်းကတော့ ခရမ်းရောင်း ပါပဲ”တဲ့။
ဟင့်အင်း။ကျွန်မ မြို့ကလေးကိုအလွမ်းတွေနဲ့သိုင်းဖွဲ့ရစ်ခြုံမထားခဲ့ချင်ပါဘူး။

(ဆ)

“အဖြူရောင်အခန်း”……..တဲ့။
ကြယ်ရောင်လရောင်တွေလိုဖြူဆွတ်လင်းတောက်နေတဲ့အခန်းလေးတစ်ခုထဲမှာ အဖြူရောင်
ကောင်မလေးတစ်ယောက်ရှိတယ်။အိပ်ယာခင်းဖြူဖြူ၊ခေါင်းအုံးဖြူဖြူ၊လိုက်ကာဖြူဖြူ၊စားပွဲခင်း
ဖြူဖြူ၊နံရံဖြူဖြူတွေနဲ့…။အိုး……ဖြူလင်းလှပလိုက်တာ။တကယ်တော့ အဖြူရောင်ဆိုတာဖြူစင်
ခြင်းပဲ။ရိုးဖြောင့်ခြင်းနဲ့ရောသက်ဆိုင်နေမလားမသိဘူး။
“ ဖြူ……အဖြူရောင်ရဲ့အဓိပ္ပါယ်…”
“အိုး…ဖြူစင်ခြင်းပေါ့”
“ ကျွန်မရဲ့မြို့ကလေး…”
ကျွန်မစကားမဆုံးလိုက်ဘူး။သူမက ကျွန်မကိုလက်ကာငြင်းတယ်။
“သွား….သွား….ကျွန်မအဖြူရောင်တွေစွန်းပေကုန်မယ်၊ရှင့်..ကျောပိုးအိတ်ထဲမှာက ၀ါညိုညို
တွေ၊ရှင့်လက်မှာက သွေးနီနီတွေ၊အို..မဖြစ်ပါဘူး…ရှင် ကျွန်မအခန်းထဲဝင်မလာပါနဲ့”
ကျွန်မခြေလှမ်းတွေ တုံ့ကနဲရပ်သွားတယ်။
အင်း…ဟုတ်တာပေါ့။ အဖြူရောင်ဆိုတာက ဘာမှအစွန်းအထင်းခံတာမဟုတ်ဘူး။အရမ်းဂရု
စိုက်ရတယ်။ကျွန်မသူ့ကိုအားနာလိုက်တာ။သူ …အရမ်းပင်ပမ်းမှာပဲ။
ဟင်း……ဒါဆို..မြို့ကလေးကို အဖြူရောင်ခြယ်ပေးလို့မဖြစ်ပြန်ဘူး။ကျွန်မကခရီးဝေးတွေသွား
သွားနေရတာလေ။

(ဇ)
အဲဒီလိုနဲ့ကျွန်မဟာ…ခရီးဝေးတွေသွားလိုက်ရင်း…အလွမ်းတွေတနင့်တပိုးနဲ့ပြန်လာလိုက်ရင်း။
မြို့ကလေးက၀ါတာတာနဲ့လှမ်းလှမ်းကြည့်တာကိုခံယူလိုက်ရင်း……………။အရောင်တွေကို…
ဖြတ်သန်းရင်း……….။အရောင်တွေကိုစိတ်တိုင်းမကျရင်း……..။မြို့ကလေးက၀ါတာတာနဲ့လှမ်း
လှမ်းကြည့်တာကိုစိတ်မလုံစွာခံယူရင်း…………။အရောင်တွေဆီခရီးထွက်လိုက်ရင်းနဲ့………..
သံသရာလည်နေပါတော့တယ်။
မြို့ကလေးကတော့…ခုထိ….
ကျွန်မကို……….
ဝါတာတာနဲ့………..
ကြည့်နေတုန်း……..။ ။
မနော်ဟရီ

(Fashion Image)မှာပါသွားခဲ့တာဖြစ်ပါတယ်။


မင်္ဂလာနှစ်သစ်ဖြစ်စေသား..

Thursday, January 1, 2009

၂၀၀၈ ကတော့ ကုန်ဆုံးလွန်မြောက်သွားခဲ့ပြီ..။ ၂၀၀၉ ဆိုတာကြီးက ခန့်ခန့်ထည်ထည်ကြီး
ထိုင်ပြီးလူတွေရဲ့မျှော်လင့်ချက်တွေကို ကြည့်နေတယ်။ သူဘာတွေပေးနိုင်မှာလဲ...။ကျွန်မတို့
ဘာတွေမျှော်လင့်နေကြလဲ....။ထုံးစံအတိုင်း ရေးထားပြီးသားစာမျက်နှာတွေကို ကျွန်မတို့ကြို
သိခွင့်မရသေးဘူး...။နေ့ရက်တွေကိုတစ်ရက်ချင်းဆွဲလှန်ဖွင့်ဖတ်သွားရဦးမှာ............
ဘာပဲပြောပြော ...ဒီလိုတစ်ချိန်လေးတော့ လူတွေပျော်ခွင့်၊မျှော်လင့်ချက်ထားခွင့်ရနေသေး
တယ်။အဲဒီအတွက်ပဲ ကျေးဇူးတင်ရဦးတော့မှာပဲ..........
ချစ်သော မိတ်ဆွေ၊သူငယ်ချင်း၊မိသားစု၊မောင်နှမ၊ဆရာသမားနဲ့ လုပ်ဖော်ကိုင်ဖက်တွေအားလုံး
ဒီနှစ်သစ်မှာ မျှော်လင့်သလောက် ဆန္ဒတွေပြည့်ဝ ပျော်ရွှင်နိုင်ကြပါစေလို့............။