အလွမ်းနှင့်ရေးသောပြဇာတ်

Tuesday, November 4, 2008

၂၀၀၆ နှစ်ကုန်ကာနီးကရေးထားတဲ့ဝတ္ထုပါ..People Magazine (မြန်မာပြည်ကနော်) လူပန့်ငယ် တောင်းတာနဲ့ပေးလိုက်တယ်။
အဲဒီမှာပဲပါသွားတယ်ထင်တာပဲ ..(မှတ်ဥာဏ်တွေကတအားကိုကောင်းနေတော့တာ..)



အလွမ်းနှင့်ရေးသောပြဇာတ်

ယနေ့သည်ချစ်သူ့မွေးနေ့ဖြစ်သည်။သို့တိုင်လျက်..ကျွန်မက သေဆုံးရန် အသင့်ရှိမနေသေးသည့်အတွက်ခွင့်လွှတ်ပါချစ်သူ..။
တစ်နေကုန်တနေခမ်းစိုက်ပျိုးထားသောဖြူစင်ခြင်းပျိုးပင်များ၊ရိတ်သိမ်းသူမဲ့ဖြစ်နေသည်။ခွင့်လွှတ်ပါ..Christina Rosette..
သင့်“သီချင်း”အားကျွန်မကိုသီဆိုခွင့်ပြုပါ။
ယနေ့သည်ချစ်သူမွေးဖွားခဲ့သောနေ့တစ်နေ့ဖြစ်သည်။ကျွန်မထွက်ခွာသွားသည့်အခါ..နှင်းဆီပင်များ
မစိုက်ပျိုးရန်မှာခဲ့ချင်ပါသည်။ယနေ့သည်ချစ်သူ့မွေးနေ့ဖြစ်သည်။
ပြက္ခဒိန်တွင်အထင်ကရပါဝင်မနေသောနေ့တစ်နေ့လည်းဖြစ်ချင်ဖြစ်လ်ိမ့်မည်။ထို
နေ့သည်မိုးနေ့တစ်နေ့မဟုတ်ပါပဲလျက် စွတ်စိုနေခဲ့သည်ကိုတော့ကျွန်မတစ်ယောက်တည်းသိပါသည်။
နေရောင်ခြည်တချို့ကိုကြိုတင်ခူးဆွတ်သိမ်းဆည်းမထားမိသည့်အတွက်ခွင့်လွှတ်ပါချစ်သူ။
နံနက်ခင်းနေ့သစ်၏အစမှာပင် ကျွန်မထုဆစ်ရေးချယ်ထားခဲ့သောချစ်ခြင်း၏သင်္ကေတများ
လူးလာခေါက်တုံ့ နှင့်ရင်ခုန်လှုပ်ရှားနေခဲ့ကြသည်။
ခုခါမှတော့..သူတို့လည်းခြေကုန်လက်ပမ်းကျကာနားလည်ရခက်နေပေလိမ့်မည်။
ခန့်မှန်းတွက်ဆ၍မရသောအရာများထဲတွင် “ကံကြမ္မာ”ဟုနာမည်လှလှလေးတတ်ထားသောဇာတ်ညွှန်းများပါသည်။
ထိုဇာတ်ညွှန်းတွင်ကျွန်မသည်ဇာတ်ရံအဖြစ်လွမ်းရလိမ့်မည်ဟုဘုရားသခင်က
ချစ်ခြင်းအားဖြင့်ကြိုမပြောထားခဲ့ပေ။ထိုချစ်ခြင်းအားဖြင့်ပင်ကျွန်မအသက်ရှင်လျက်
ရှိနေသေးသည်။ Praise the Lord, Amen.
“မောရူးဆိုး”ရေးသားခဲ့သည့် “မွေးနေ့”ဆိုသည့်ကဗျာလေးတစ်ပုဒ်ကိုလက်ဆောင်အဖြစ်ပေးချင်နေမိသည်။
သို့သော်..နာရီလက်တံများက ကျွန်မကိုသစ္စာဖောက်သွားခဲ့ကြသည်။
ပျော်စရာမကောင်းသောအရောင်များပါဝင်သည့်ပန်းချီကားတစ်ချပ်ကိုစိတ်လို
လက်ရသီဆိုရေးစပ်ခွင့်သည်ကျွန်မနှင့်မှတိတိပပသက်ဆိုင်သည်တဲ့လား။
ချောက်ကမ်းပါးများကိုကပ်မလျှောက်ခဲ့ပါ..။
မတော်တဆလေးနက်သိမ်မွေ့သွားသောကံတရားသည်“ချစ်ခြင်း”ဖြစ်နေခဲ့သည်။
ယနေ့သည်ချစ်သူကိုမွေးဖွားခဲ့သောနေ့တစ်နေ့ဖြစ်သည်ဟုဆိုသည်။
လူတို့၏စိတ်ကူးစိတ်သန်းများနှင့်ယက်လုပ်ထားသောတာရှည်
ခံအိပ်မက်များသည်အဆိပ်သင့်နေကြောင်းကျွန်မကိုယ်ကျွန်မသတ်ိမပေးရသေးပါ။
ခံနိုင်ရည်မရှိသောညများစွာကိုမွေးဖွားပေးသောဖန်ဆင်းရှင်သည် အဘယ်သူနည်း။
ကျွန်မသည်ကျွန်မနန်းတော်၏နောက်ဆုံးဘုရင်မဖြစ်သည်။နောက်ထပ်ပွင့်စရာပန်းမရှိတော့သလို
ဖြစ်ရန်စစ်ပွဲများလည်းမရှိတော့ပါ..။
ချစ်သူကိုမွေးဖွားခဲ့သည့်နေ့က စစ်ပွဲတစ်ပွဲတစ်လေများဖြစ်ပွားခဲ့ဘူးသလား။မသေချာပါ။
ထို့ကြောင့်မသေချာမှုများစွာကိုမှုတ်သိမ်းငြိမ်းသတ်ပစ်လိုက်ကာ..
သေချာသည့်“ချစ်ခြင်း”တစ်ခုတည်းကိုသာချန်ထားခဲ့လိုက်သည်။
ချစ်သူကိုပူစော်ပသရန်ဖြစ်သည်။
ဤမွေးနေ့မှသည်ချစ်သူ၏ရှေ့ဆက်အနာဂါတ်သည်ရှင်သန်လိုသောလမ်းကြောင်းများစွာနှင့်
မွှေးပျံ့နေခဲ့ပါစေ…။ခရမ်းရောင်သစ္စာပန်းတစ်ပွင့်၏အတ္ထုပ္ပတ္တိသည် အလွမ်း…ဖြစ်သည်။
တစ်ချိန်ကတော့ထိုအလွမ်းများကိုကျွန်မက မေ့လျော့နေခဲ့ဖူးသည်။
Haply I may remember, haply I may forget..
ဂန္ဓမာပန်းဝါ၀ါများစွေးစွေးတောက်ဖူးပွင့်ရာနေ့သည် ချစ်သူ့မွေးနေ့ဖြစ်သည်။
အပြာရောင်ဥဿဖယားပွင့်များနှင့်ခပ်ဆင်ဆင်တူသော ခံစားမှုများကိုဖြစ်တည်စေခဲ့သူ အရှင်…သခင်..။
သင့်အားဂန္ဓမာပွင့်များနှင့်ပူစော်ခွင့်ပေးပါ။နိုက်တင်းဂေးလ်ငှက်တစ်ကောင်
၏ငိုကြွေးပူဆွေးမှုကဗျာတစ်စကိုယူဆောင်သွားခဲ့သော CG Rosette သင့်အားကျွန်မကျေးဇူးမတင်ပါ။
ဒါဏ်ရာဒါဏ်ချက်များနှင့်ရုန်းထရန်ကြိုးစားနေသော မြက်ခင်းစိမ်းစိမ်းလေးတစ်ပွင့်..
ကျွန်မဦးခေါင်းထက်တွင်လန်းဆတ်စွာတည်ရှိနေခဲ့သည်။
“ချစ်ခြင်းတွေက..ဆိတ်သုဉ်းသွားခဲ့တာလား..? ”။
နဂိုတည်းကထင်ယောင်ထင်မှားတည်ရှိခဲ့တာလား..။
အသေစောခဲ့သော ဟိုက်ဇင်းဘတ်သာရှိခဲ့လျင်ဖြေရှင်းပေးနိုင်လိမ့်မည်လား…။
မသေချာပါ..။ခုတော့ကမ္ဘာကြီး၏အနာဂါတ်သည်ကျွန်မနှင့်အတူဘီးတပ်ကုလား
ထိုင်တစ်လုံးပေါ်ရောက်နေခဲ့ရသည်။ကျွန်မကရော…ငြင်းဆန်တတ်မှုတွေကိုခဲရာခဲဆစ်မွေးမြူရင်းသေဆုံးနေခဲ့ရသည်ပဲ..။
တဖြည်းဖြည်းနေမြင့်လာခြင်းနှင့်အတူ..ကျွန်မ၏ရူးသွပ်မှုများကလည်းလူမသိသူမသိမြင့်တက်လာခဲ့သည်။
မွေးနေ့လက်ဆောင်အဖြစ် နားရွက်တစ်ဖက်ဖြတ်ပေးလိုက်ရန် စိတ်ကူးမရှိပါပဲလျက်
ယဉ်ယဉ်လေးနှင့်ရူးသွပ်သွားခဲ့ရခြင်းဖြစ်သည်ကိုသိလျင်…..
သင်ရင်ထုမနာဖြစ်နေလိမ့်မည်ဟု…ကျွန်မ မထင်ပါ။အကြောင်းမှာ ကျွန်မသည်
အဘယ်သူနှင့်မှမသက်ဆိုင်သောသက်ရှိဖြစ်ပြီး
ကျွန်မသက်ဆိုင်ခဲ့သောတစ်ခုတည်းသောသက်ရှိသည်“ချစ်သူ”ဖြစ်သည်။
ယနေ့သည်ထိုတစ်ခုတည်းသောသက်ရှိချစ်သူ၏မွေးနေ့ဖြစ်သည်။
ကျိမ်စာသင့်ထားသူတစ်ယောက်အလားဆောင်းကန္တာရကို
တစ်နေကုန် ဖြတ်ကူးလာခဲ့ရသည့်တိုင် ..ပန်းတိုင်ကမရှိ။
ကြုံရာအိုအေစစ်များကိုလည်းကျွန်မက အယုံအကြည်မရှိပြန်..။
ထို့ကြောင့်..လရောင်ဖြင့်ရောစပ်ထားသောဝိုင်တစ်ခွက်ကို မော့သောက်ပစ်လိုက်သည်။
သို့တိုင်လျက်…ကျွန်မက မူးယစ်မသွားပဲယစ်မူးကျန်နေခဲ့သည်ကအံ့သြစရာ..။
နေရောင်တချို့တိမ်းပပျောက်ကွယ်သွားတော့မည့်နေ့သည်ချစ်သူ့မွေးနေ့ဖြစ်သည်။
လာရောက်ရန်မဖိတ်ခေါ်ပါပဲလျက်မျှော်လင့်နေမိခြင်သည်..ရူးသွပ်မှုတစ်ခုမဟုတ်ပါ။
တိတ်ဆိတ်စွာနားလည်ခြင်းဖြစ်သည်။ပန်းနုရောင်ဆန်သောနှင်းဆီပွင့်တချို့၏
ဖျားယောင်းတတ်သောရနံ့သည်ကျွန်မအတွက်တော့သိပ်အသုံးအ၀င်လှပါ။
တဒင်္ဂဆိုသောအချိန်သည်သက္ကရာဇ်မည်မျှကြာညောင်းပါသနည်း။
ကမ္ဘာကြီး၏တစ်ဖက်ခြမ်းကလင်းချင်းနေချိန်တွင်တစ်ဖက်ခြမ်းကမှောင်နေခဲ့လိမ့်မည်။
ယခုကျွန်မ၏ကမ္ဘာခြမ်းအမှောင်လွှမ်းတော့မည်။ချစ်သူ၏နေ့ရက်များလင်းချင်းတောက်ပနေခဲ့ပါစေ။
ကျွန်မ မဟုတ်သောတစ်စုံတစ်ယောက်နှင့်ရွတ်ဆိုသစ္စာပြုခဲ့ကြသည့်
စကားသံများကျွန်မနှင့်ကမ္ဘာခြားနေခဲ့ပါစေ။ဘ၀အဆက်ဆက်သံသရာအဆက်ဆက်ဆိုသော
ကြိုးများအကြောင်း ကျွန်မကြိုးစားမေ့လျော့ထားလိုက်ပါမည်။
ကျွန်မကချည်နှောင်မှုများကိုမလိုလားခဲ့သူပါ။
သို့တိုင်လျက် အချည်ခံချင်သောကြိုးလေးတစ်စတော့
ရှိနေခဲ့သည်။ထိုကြိုးကလေး၏မွေးနေ့သည်ဒီနေ့ဖြစ်သည်။
မပြီးဆုံးသေးပါ။ And if thou wilt remember, and if thou wilt forget…
ငြိမ်းအေးခြင်း၏အစစ်အမှန်တရားသည်ချစ်ခြင်းဖြစ်စေချင်သည်။
ဖြူစင်လွန်းသောတိမ်လွှာလေးတစ်စတွင်လွှတ်တင်ပေးရင်း
စကြ၀ဠာ၏ဟိုမှာဘက်ကမ်းသို့ပစ်လွှတ်လိုက်ချင်သည်။
သို့သော်…နေရောင်တို့ကအိုကျလာခဲ့လေပြီ..။ကုန်ဆုံးတော့မည့်မွေးနေ့ဆုတောင်းတစ်စကို..
တစ်ဖဲ့ချင်းဖဲ့ချွေရင်းစမ်းရေတွင်မျှောပစ်လိုက်သည်။ချစ်သူကလက်မခံချင်၍ချစ်သူထံမရောက်ခဲ့သည့်
တိုင် ထိုဆုတောင်းများသည်စမ်းရေ၏ချစ်ခြင်းအားဖြင့်အေးမြနေခဲ့လိမ့်မည်။
တစ်စစနှင့်လောင်းကျွမ်းကုန်ဆုံးသွားသောချစ်သူ၏မွေးနေ့ကိုကြည့်ရင်း
လွဲချော်မှုတွေအကြောင်းစဉ်းစားနေမိသည်။ကံတရားကိုခေါင်းချင်းဆိုင်တိုက်ရန်
ကျွန်မတွင်လက်ကျန်အင်အားမရှိတော့ပါ။အရာရာသည်ကျွန်မအတွက်တော့
ရှုံးနိမ့်ကျဆုံးမှုများသာဖြစ်သည်။သို့တိုင်လျက်…ချစ်သူ၏မွေးနေ့တွင်ချစ်သူက
အခြားသောတစ်စုံတစ်ယောက်နှင့်ရှိနေနိုင်ခဲ့ပြီးကျွန်မက အခြား
သော တစ်စုံတစ်ယောက်နှင့်အတူရှိမနေခြင်းအတွက် ကျေနပ်ကြေကွဲနေမိပါတော့သည်။
မနော်ဟရီ


5 Comments:

Anonymous said...

အမရေ.. အလွမ်းနဲ့ ရေးတဲ့ ပြဇာတ်ကို ဖတ်သွားတယ်ဗျ...။

Anonymous said...

"ချစ်သူ၏မွေးနေ့တွင်ချစ်သူက
အခြားသောတစ်စုံတစ်ယောက်နှင့်ရှိနေနိုင်ခဲ့ပြီးကျွန်မက အခြား
သော တစ်စုံတစ်ယောက်နှင့်အတူရှိမနေခြင်းအတွက် ကျေနပ်ကြေကွဲနေမိပါတော့သည်"

မသိဘူးတော်တော်သဘောကျတယ် အပေါ်ကအမရဲ့ ဝတ္တု အဆုံးသတ်စာကြောင်းလေးကို... တော်တော်လှတဲ့ဝတ္တုလေးနော်

pandora said...

ချစ်သူ၏မွေးနေ့တွင်ချစ်သူက
အခြားသောတစ်စုံတစ်ယောက်နှင့်ရှိနေနိုင်ခဲ့ပြီးကျွန်မက အခြား
သော တစ်စုံတစ်ယောက်နှင့်အတူရှိမနေခြင်းအတွက် ကျေနပ်ကြေကွဲနေမိပါတော့သည်။

ဒီစာကြောင်းကလေးက အဆုံးသတ်ကလေးကို လှသွားစေတယ်။ လှပခြင်းဆိုတာက ပျော်ရွှင်ခြင်းဆိုတာနဲ့ အမြဲတမ်း ထပ်တူမကျနိုင်တာကတော့

အလင်းစေတမန် said...

အဆုံးသတ်စာကြောင်းလေးကို သဘောကျတယ်ဗျာ။

April said...

လူတို့၏စိတ်ကူးစိတ်သန်းများနှင့်ယက်လုပ်ထားသောတာရှည်
ခံအိပ်မက်များသည်အဆိပ်သင့်နေကြောင်းကျွန်မကိုယ်ကျွန်မသတ်ိမပေးရသေးပါ။
အဲဒီစာသားလေးကို အရမ်းသဘောကျတယ်။