မနော်ဟရီအတု

Thursday, October 30, 2008

ကေ ..ကသူ့ဘလော့ခ်မှာ..နှစ်ကိုယ့်တစ်စိတ်ဆိုတဲ့ ပို့စ်လေးတင်တာကိုတွေ့တော့တွေးမိတယ်။
အင်း..သူကမှနှစ်ကိုယ့်တစ်စိတ်ပဲရှိသေးတယ်။ ငါသာဆိုဘယ်နှစ်စိတ်လောက်များရှိလဲလို့တွေး
မိတာလေ..။
အရင်ကတော့ မနော်ဟရီဆိုတာလူတစ်မျိုး…။ကိုယ်ပေါင်းချင်တဲ့သူမှပေါင်းတတ်တာ…ကိုယ်စိတ်
မပါတဲ့နေရာများဆိုခြေဦးတောင်မလှည့်ဘူး…ကိုယ်တိုင်ကစကားသိပ်မပြောပေမယ့် ရင်ဘတ်ချင်း
တူတဲ့သူတွေနဲ့ကျ..ဆူလို့ညံလို့..တမေ့တမောပြောတတ်တာ…။ကိုယ့်စိတ်နဲ့မတွေ့လို့ကတော့ဟန်
ဆောင်ပန်ဆောင်ပြုံးပြလိုက်ဖို့တောင်ဝန်လေးတတ်သူလေ..။
လူတွေများတဲ့နေရာတွေကိုရှောင်တတ်ပြီး ..ထိုင်နေတဲ့ဝိုင်းက လူငါးယောက်လောက်ထက်ပိုလာရင်
ထထွက်သွားချင်တတ်သေးတယ်။ သူတင်ကိုယ်တင်ပြောကြကြေးဆို ဝေါဟာရတွေများသလောက်
ပြန်ပြောဖို့တုံ့ဆိုင်းနေတတ်တဲ့အတွက်..သေချာပေါက်ခံခဲ့ရပြီးသားဆိုတဲ့ထဲက…။
အဲလိုလူကခုကျတော့…ခပ်တည်တည်နဲ့လူတွေကိုအသက်ပါပါမပါပါရယ်ပြတတ်နေပြီ..ချွင်းချက်က
တော့ကိုယ်တော်တော်ကြည့်မရလောက်အောင်ထော်လော်ကန့်လန့်တော့မဖြစ်ဖို့လိုတာပေါ့…။
စိတ်ထဲကပါပါမပါပါ..စကားတွေပြောတတ်နေပြီ…ဘယ်လိုလူဆိုဘယ်လိုစကားလောက်ပဲပြော..
ဆိုတာတွေလည်းအတော်နားလည်လာပြီ..အရင်ကဆိုဘာသာဗေဒမတူလို့ကတော့ တာ့တာ ပဲ.။
ခုဆို..ဒီလူကဖြင့် ရာသီဥတုအကြောင်းလောက်ပဲပြောလို့ရတဲ့သူ..ဒီလူကဖြင့်စာအကြောင်းပေအ
ကြောင်းဆိုရင်…ဘယ်နားလောက်ထိပဲပြောလို့ရတယ်..ဒီလူကဆိုဘယ်ထိပြောလို့ရတယ်..ဆိုတဲ့
ဒေတာတွေလည်းသိုမှီးလေ့လာထားပြီးသား…..။အဲဒီအချိန်မှာ..ကိုယ့်ကိုယ်ကိုပြန်မြင်နေရတာက
ကိုငှက်သီချင်းထဲကလို..ငါဟာငါမဟုတ်ဘူး..ဆိုတာမျိုးပေါ့…။အဲဒီမှာတင်…ကိုယ့်ကိုယ်ကို ဘယ်
ဟာကအတု ဘယ်ဟာကအစစ်ဆိုတာတွေမြင်လာပြီးဒီ ၀တ္ထုမျိုးရေးဖြစ်တော့တာပဲ..။

(ဒီစာမူက..ပြီးခဲ့တဲ့အောက်တိုဘာ..၂၀၀၈ ရတီ မဂ္ဂဇင်းမှာ အင်တာဗျူးနဲ့အတူ
ပါသွားခဲ့တဲ့စာမူပါ…။ တော်တော်လေးလည်းပြောခံလိုက်ရတဲ့ အင်တာဗျူးဖြစ်
ပါတယ်။ (ပါရမီကထူးတာကိုး ) ဖြေတာတွေကိုကြီးကြီးကျယ်ကျယ်..ဆောင့်
ကြွားကြွားတဲ့လေ…း) ပြီးတော့စာမူကနောက်ဆုံးစာပုဒ် စာကြွင်းလေးလည်း
ဖြုတ်ခံလိုက်ရသေးတယ်။ အယ်ဒီတာမင်းများလက်ချက်လား..ဘာလားတော့
ကိုသျှီ မှပဲသိမှာ..။)






မနော်ဟရီအတု

ဇာတ်လမ်းကနေ့လည်ကစ တာပါ။
အဲဒါကထင်တာလည်းဖြစ်နိုင်တာပဲ။တကယ်တမ်းက ဘယ်တုန်းကတည်းကစနေမှန်းဘယ်သူမှသေချာသိမှာမဟုတ်ဘူး။
ဒါပေမယ့်….ဘာတတ်နိုင်လို့လဲ…။လောကကြီးကဒီတိုင်းပဲရှိနေခဲ့တာကြာပဲကြာလှပြီ။
ပြဿနာစချိန်မှာ ALLY ကCity FM ရဲ့ creator တစ်ယောက်ဖြစ်တဲ့ စာရေးဆရာ၊
ကဗျာဆရာ၊သီချင်းရေးဆရာ (လက်တောင်ညောင်းတယ်း( ) ဆရာကလေး ဧထက် က outdoor ထွက်ပြီးပြန်လာတယ်။ ကားက သူ့ကိုလမ်းထိပ်မှာပဲရပ်ပေးခဲ့ပုံပဲ။ ၃၆ လမ်းထဲကိုလမ်းလျှောက်ဝင်လာတယ်။ အဲဒီမှာတင်..လမ်းထိပ် လ္ဘက်ရည်ဆိုင်မှာ၊
ဆရာဦးဟိန်းလတ်တို့၊ကိုရန်မျိုးသိန်းတို့နဲ့ထိုင်စကားပြောနေတဲ့ မနော်ဟရီ ကိုတွေ့
တာပဲ..။ ဧထက် နဲ့ မနော်ဟရီက ကျောင်းမှာတည်းကသူငယ်ချင်း။ကဗျာစာအုပ်တွေ
အတူထုတ်ခဲ့ကြဖူးတယ်။ မနော်ဟရီ ရဲ့ “ပန်းလှေလမ်းခွဲ” ကဗျာစာအုပ်ကိုလည်း
ဧထက် ပဲလုပ်ပေးခဲ့တာ..။
“ မနော်..မတွေ့တာကြာပြီ”
“ အေး…ဟုတ်တယ်..မအားတာနဲ့မရောက်ဖြစ်တာ…လာလေ..လ္ဘက်ရည်သောက်ဦး”
“ ဟင့်အင်း..ကျွန်တော် ခုမှ Outdoor ကပြန်လာတာ..နောက်မှတွေ့မယ်..”
“ အေး..အေး..သွား..သွား..”
ဧထက် ဆက်လျှောက်လာတယ်။ ပေါ်ပြူလာရှေ့ကအဖြတ်မှာ..အထဲက ကိုသျှီသူ
အောင်
ကလှမ်းခေါ်တယ်။
“ကိုဧထက်..လာပါဦး”
ဧထက် အထဲကိုလှမ်းကြည့်တော့ မျက်လုံးပြူးသွားတယ်။
“ မနော်”
“ အေး..မနော်ရောက်နေတာနဲ့ လ္ဘက်ရည်ဆိုင်သွားမလားလို့လှမ်းခေါ်တာ”
ဧထက် မျက်မှောင်ကြုတ်သွားတယ်။ လမ်းထိပ်ကိုဖျတ်ကနဲ ပြန်ကနဲ ပြန်လှည့်ကြည့်မိ
တော့မလို့။
“ဟို..ခုနက..လမ်းထိပ်မှာတွေ့ခဲ့တာရော..”
“ဆရာ ဟိန်းလတ်လား ”
ကိုသျှီကမေးတယ်။ ဧထက်ခေါင်းကိုလိုတာထက်ပိုခါပြတယ်။
“မဟုတ်ဘူး..မနော် ..”
“ မနော်က..ဒီမှာလေ..”
“ ကျွန်တော့်ကိုကျော်လျှောက်သွားတာလား..ကျွန်တော့်ရှေ့ကသွားတာလား..ဟာ ..ဒါလည်းမဟုတ်သေးပါဘူး..”
ဧထက် စိတ်အတော်ညစ်သွားတာကိုကြည့်ပြီး ကိုသျှီက ဘာမှနားမလည်ဘူး။ ရုံးခန်း
ထဲမှာ ကိုသျှီဆီရောက်နေတဲ့ ကိုသျှီ အမျိုးသမီး မနီလာနဲ့ ထိုင်စကားပြောနေတဲ့
မနော်ဟရီ ကတော့ အေးအေး ဆေးဆေးပဲ။သူမဟုတ်သလိုပဲ..။
ပင်ပမ်းရတဲ့အထဲ..ဧထက် ဘာမှမပြောနိုင်တော့ဘူး..။ခေါင်းကို မသိမသာကုတ်ပြီး
ပြန်ထွက်လာခဲ့တယ်။ ALLY ထဲဝင်မလို့လုပ်တော့ ဘေးကကပ်လျက် လ္ဘက်ရည်ဆိုင်
ဖက်က လက်ခုပ်သံကြားလို့လှည့်ကြည့်မိတယ်..။မြတ်စွာဘုရား..။ဒီမှာလည်း မနော်
ဟရီ တစ်ယောက်..။ကိုလွမ်းဝေနိုင်နဲ့စကားတွေပြောနေကြတာ..။ထုံးစံအတိုင်းရန်
တွေဖြစ်လို့..။
“ လာဦးလေ..ဒီမှာ အဖွားကြီးရောက်နေတယ်”
ကိုလွမ်းဝေနိုင်ကိုခေါင်းပဲခါပြခဲ့သလား၊ချာကနဲပဲလှည့်ထွက်ခဲ့သလားတောင်မသိဘူး။
အင်း…ဧထက်လိုပါရမီထူးတဲ့လူမို့ပေါ့..။ မဟုတ်ရင် ကိုယ့်ကိုယ်ကိုရူးသွားပြီလို့တောင်
ထင်မိမှာ။ ကြည့်စမ်း…….မနော်ဟရီတွေနည်းနည်းနောနောလား..။သုံးယောက်တောင်
ဘယ်ဟာအစစ်လဲ….။တွေးရင်းကျောထဲကတောင်စိမ့်ချင်လာတယ်။
စိတ်ရှုပ်ရှုပ်နဲ့ ဖုန်းကိုကောက်ကိုင်ပြီး Idea တိုက်ကို ဖုန်းဆက်လိုက်တယ်။
“ မနော်ရှိလား ”
“ရှိပါတယ်..ဘယ်သူလို့ပြောပေးရမလဲ..”
မြတ်စွာဘုရား…။ရှိတယ်တဲ့…။
စိတ်ထဲကဘုရားတ နေတုန်းဖုန်းလာကိုင်တယ်။
“ ဧထက်ဆို…ပြော..၊ဘာစာအုပ်ရှာပေးရမလဲ၊ဘာလုပ်ပေးရမလဲ..” တဲ့။
လေသံကတော့ မနော်ဟရီ့လေသံပါပဲ။ထုံးစံအတိုင်းငေါ့တော့တော့နဲ့ ။အချိုးမပြေဘူး။
ခက်တာကဘယ်ဟာ မနော်ဟရီ အစစ်မှန်းမသိတဲ့အတွက် ပြောစရာစကားမရှိတော့
တာပါပဲ။ ဖုန်းကို“ဂွပ်”ကနဲနေအောင်ချပစ်လိုက်တယ်။
မကြာပါဘူး ။
တဆင့်စကားတဆင့်နားနဲ့ကြားရတော့တာပါပဲ..။
မနော်ဟရီတွေ…..မနော်ဟရီတွေ..။ပွစာတက်နေတဲ့အကြောင်း….။
Ginzapan မှာလည်းမနော်ဟရီ တစ်ယောက်..။မေဇော်တို့စုံတွဲရယ်၊ဆရာမာဂျေရယ်နဲ့
စကားပြောနေတယ်တဲ့…။ ၄၉လမ်းက Lucky Seven မှာလည်း မနော်ဟရီတစ်
ယောက်..။ခင်လိမ္မာ တို့ သီတာစိုးတို့နဲ့…။(ဘယ်လိုတွဲမိကြမှန်းမသိဘူး၊ဘာမှမဆိုင်တဲ့
သုံးယောက်လို့လူတွေကပြောကြတယ်တဲ့..)။ရွှေခရားကြီးမှာလည်းတစ်ယောက်….
ဝေမှူးသွင်၊အကြည်တော်၊လူပန့်ငယ်တို့နဲ့….။
“ဘုရား…ဘုရား ”ဆိုတဲ့အသံတွေပိုဆူလာတယ်။
ခေတ်နေလေးတော့ဒုက္ခပဲ..”
“ အင်းလေ..သူ့အမေအစစ်ကိုသူခွဲတတ်ပါတော့မလား”
“အေးနော်..”
“ခေတ်နေကတော့..အမေပဲ..ခွဲတတ်မှာပါ..”
“ သူက ကလေးပဲ..”
ဝေဖန်သံတွေကပိုဆူလာတယ်။ ဝေဖန်တာကပိုက်ဆံပေးပြီးမှတ်ပုံတင်ရတာမှမဟုတ်
တာ..။တချို့ကတော့ဒီလောက်ပွစာတက်နေတဲ့မနော်ဟရီတွေထဲမှာ..တစ်ယောက်က
တော့ အစစ်ဖြစ်မှာပဲလို့ယုံကြည်ကြတယ်။တစ်ယောက်မှ အစစ်မဖြစ်နိုင်ဘူး..အစစ်က
ပျောက်နေလောက်ပြီလို့ ယူဆတဲ့သူကယူဆတယ်။
“မနော်..တော့ဒုက္ခရောက်နေပြီလားမသိဘူး” လို့ ပါးစပ်ဖျားလေးနဲ့ ပူပင်ဟန်ပြပြီးဝမ်း
သာတဲ့သူက ကြိတ်ဝမ်းသာတယ်။သူထွက်ပြေးသွားတာနေမှာပါလို့ မစ တဲ့သူကမစ
တယ်။တခြားတစ်ယောက်ယောက်နဲ့ ရှိချင်ရှိနေမှာပေါ့လို့ အမနာပ ပြောတဲ့သူတွေက
ပြောတယ်။ ဇာတ်လမ်းလေးဆင်ပြီး သူများကိုမကောင်းပြောတတ်တဲ့သူတွေဆိုပိုဆိုး
သေး..။ထွက်လာလိုက်တဲ့ဇာတ်လမ်းမီးကျိုးမောင်းပျက်တွေ..။ သူတို့အရပ်နဲ့သူတို့
ဇာတ်ဟာ ဒီလိုပါလားဆိုတာကို ကျောချမိမှပဲသိရတော့တယ်။
အဲဒီမှာတင်…စာနယ်ဇင်းထဲက တချို့က..ငါတို့စာနယ်ဇင်းတွေ အရေးကြီးရင် ဘယ်
လောက်သွေးနီးတယ်ဆိုတာသိရအောင်တဲ့…။ Manorhary Operation ကိုစတင်ဖို့
လုပ်ကြတော့တယ်။
“ငါတို့စာနယ်ဇင်းတွေချည်းပဲလား…..တခြားရော”
“သူ့မိဘတွေ ဆွေမျိုးတွေလည်းခေါ်မှပေါ့”
“ သူ့မိသားစုက ဒီမှာမှမရှိတာ..”
“ သူ့သူငယ်ချင်းတွေရော..”
“ Idea တိုက်ကလူတွေလည်းခေါ်ရမယ်..”
ကိုမျိုးလာမှာပဲ..”
“ သူနဲ့သိသမျှလူတွေခေါ်ရမှာပဲ ”
“ အင်း…ဟုတ်တယ်..”
Operation အတွက်..Meeting လုပ်ဖို့လူစုတာတင်အတော်ကြာတယ်။
နေရာအကူအညီပေးတဲ့ကိုနေမျိုးဆေးကတော့ “ သိပ်ကြာလို့မဖြစ်ဘူးနော်”လို့သတိ
ပေးတယ်။ဟုတ်တယ်လေ…သူ့ Customer တွေရှိသေးတာကိုး..။
ဒီလိုလူစုနေတုန်းမှာတင်..မနော်ဟရီတွေက ဟိုတစ်ယောက်ဒီတစ်ယောက်…။အိမ်မှာ
မရှိတတ်တဲ့သူကအိမ်မှာလည်း Stand By ..။ရုံးမှာလည်းမမိတတ်တဲ့သူက ရုံးမှာ
Stand By ။ပွဲတွေတက်လေ့မရှိပဲနဲ့ ခုကျကာမှပွဲတိုင်းမှာတွေ့နေရသေးတယ်။ အချိန်
တိုက်နေတောင် နှစ်နေရာလုံးမှာ ရှိနေတတ်တယ်တဲ့..။
သူတို့ meeting စကြတယ်။
သဘာပတိကဆရာ ဦးဝင်းငြိမ်း နဲ့ ဦးမြတ်ခိုင်..။ အခမ်းမနားမှူးက ကိုမျိုး(ကြောင်နှစ်
ကောင်)
…သူကအခမ်းအနားမှူးလုပ်နေကျဆိုတော့…။
ဆရာဦးဝင်းငြိမ်းကတော့ပြောရှာတယ်။
“ ကျွန်တော်က သူ့ကိုသိပ်မသိဘူး…ဟိုတစ်ခါ..စာနယ်ဇင်းကာရာအိုကေပွဲမှာ ကိစ္စတစ်
ခုလာတိုင်မှ သေချာတွေ့ဖူးတာ….ပြောကြ..ပြောကြ..သိတဲ့သူတွေပြောကြ..”
…..ဆိုပြီးကျန်လူတွေပြောဖို့လမ်းဖွင့်ပေးတယ်။
ပထမဆုံးစပြောတာက ကိုကျော်သီဟ (ဟင်္သာတ)…
“ ကျွန်တော်သိတဲ့မနော်ဟရီက လူမှုဆက်ဆံရေးညံ့တယ်..” တဲ့။
ကိုလွမ်းဝေနိုင်ကခေါင်းခါတယ်။
“ဘယ်ကလာ…စွာတာ..စွာတာ..” ……လို့ဝင်ပြောတယ်။
ကိုသျှီကတော့မှတ်ချက်တစ်ခုကိုအားမနာပါးမနားချလေရဲ့။
“ အူတူတူနဲ့ပါ..” တဲ့။
ဇာတ်ညွှန်းဆရာကတော့ ကိုလွမ်းဝေနိုင်ကိုထောက်ခံတယ်။
“ ဟုတ်တယ်…မနော် အစစ်က စွာတယ်..”
သူတို့ပြောတာတွေက လိုရင်းမရောက်ဘူး။လူတစ်ယောက်ကိုရှာဖွေဖို့ လုံလောက်တဲ့
Character တွေမဟုတ်ဘူး..။ အဲဒါနဲ့ ဆရာဇော်ဇော်အောင် က စုံနံ့သာမြတ်သစ် ကို
ရှာတယ်။ စုံနံ့သာမြတ်သစ် ကဒီဝိုင်းထဲကိုမလာဘူး။ လာခွင့်မရဘူးထင်ပါရဲ့။ အဲဒါနဲ့
သူ့ mobile phone ကိုပဲလှမ်းဆက်ရတယ်။ ဒါပေမယ့် အဆင်မပြေပါဘူး။ သူ…လုံးဝ
(လုံးဝ)မအားလို့ ဒီအမှုကိုလက်မခံနိုင်ပါဘူးလို့ငြင်းတယ်။ ဒါ့အပြင် ….
“ မနော် နဲ့မတွေ့တာကြာလို့ …မြင်ရင်တောင် မှတ်မိပါ့မလားမသိဘူး ” လို့ပြောလို့
ဆရာဇော်တောင် စိတ်တွေတိုလို့…။
တချို့ကတော့ idea မှာလုပ်တာမို့ ကိုမျိုး(ကြောင်နှစ်ကောင်)ကိုအဓိကထားပြီးမေးကြ
တယ်။ကိုမျိုးကလည်းသိသလောက်ဖြေရှာပါတယ်။ ( မဖြေနိုင်လို့မကောင်းဘူးလေ..
သူက အခမ်းအနားမှူးကိုး…း) )
“ မနော်ဟရီ အစစ်က ခေါင်းမာတယ်..လုပ်ချင်ရာလုပ်တယ်..တဇွတ်ထိုး..ကျေးဇူးမသိ
တတ်ဘူး…သိချင်တဲ့နေရာကျသိပြီး..မသိချင်ရင်လည်းတုံးနေပြန်ရော…” တဲ့။
ဒါလည်းသိပ်ပြီးထိထိရောက်ရောက်မှမရှိတာ…။တချို့ကတော့ ခပ်တည်တည်နဲ့စာ
နယ်ဇင်းတွေထဲရောက်လာပြီးထိုင်နားထောင်နေတဲ့သူငယ်ချင်းတချို့ကိုပြောခိုင်းတယ်.
မသန္တာကလည်းသူ့သူငယ်ချင်းအကြောင်းကိုကောင်းကောင်းသိထားသူပီပီ..ကိုမျိုးလေ
သံအတိုင်း….
“ဟုတ်တယ်..သူက..တဇွတ်ထိုး..တဇောက်ကန်း..ပေတယ်..”….လို့မညှာမတာပြောတယ်။ သူ့မောင်ရဲကျော်စွာကတော့..သူ့ထုံးစံအတိုင်းမျက်နှာသေလေးနဲ့…
“ သူ့ကို အာဖရိက ကလူရိုင်းမျိုးနွယ်စုတစ်စုက ..လူဝါနတ်ဘုရားမအဖြစ်ကိုးကွယ်ကြ
တယ်။အဲဒီများထွက်သွားသလားမသိပါဘူး..”
.လို့ပြောတော့ အားလုံးအုံ့အုံ့ကျက်ကျက် အူကြောင်ကြောင်တွေဖြစ်ကုန်ကြရတယ်။
ပြီးရင် ..ထုံးစံအတိုင်းရဲကျော်စွာတို့က တဖက်လှည့်ပြီးရယ်နေဦးမှာ။ ရဲကျော်စွာနားကို
ကက်ဆက်သေးသေးလေးတွေ အုံကျလာတယ်ဆိုရင်ပဲ အကြောင်းသိနေတဲ့ step ကဒီဇိုင်နာ မျက်မှန်ထူထူနဲ့မောင်မျိုးကျော်က သူ့သူငယ်ချင်း ရဲကျော်စွာကိုဆွဲထုတ်
သွားလေရဲ့။
မန္တလေးဆေးတက္ကသိုလ်က လက်ထောက်ကထိက ဒေါ်ခင်သီတာဝင်း ကတော့ ရှုံ့မဲ့
ပြီးပြောတယ်။
“ ဒီမိန်းမကဒေါသလည်းသိပ်ကြီးတာ၊စိတ်ကလည်းမြန်တယ်…ခုလည်းဘာတွေလုပ်နေ
တယ်မပြောတတ်ဘူး” တဲ့။ အဲဒီစကားကိုခပ်တည်တည်နဲ့ဝင်ထောက်ခံလိုက်တာက…
အကြည်တော် ပါ။
“ ဟုတ်တယ်၊သူကစိတ်သိပ်မြန်တာ..ဒေါသကလည်းကြီးသေး..ရောဂါကလည်းထူ
တယ်…စိတ်တိုရင်အော်ပြီးဖုန်းကိုပစ်ချတတ်တယ်..။နှလုံးရောဂါနဲ့သေပြီထင်တာပဲ..
ဒါတွေကသူ့ဝိညာဉ်ကိုယ်ပွားတွေသရဲခြောက်တယ်ထင်တာပဲ..ခက်တာကတစ်ခုပဲရှိ
တယ်..”
“ ဘာလဲ ”
“ သူသေလို့ကျွန်တော်ကရယ်နေမိရင်ဘယ်ကောင်းမလဲ”
အကြည်တော့်စကားမို့ရယ်ဖို့ပဲပြင်နေကြတဲ့သူတွေကရယ်ကြပါတယ်။
“ ဝေမှူးသွင်” ကတော့မှတ်ချက်တစ်ခုကိုကြွစောင်းစောင်း၊ဆောင့်ကြွားကြွားနဲ့ဝင်
ပေးတယ်။
“ မနော်ကမှတ်ဥာဏ်လည်းမကောင်ဘူး..ကျွန်တော့်ကောင်မလေးတွေကိုမှတ်မထား
ဘူး..မှားနှုတ်ဆက်မိရင်တာဝန်မယူဘူးနော်လို့ပြောတတ်တယ်..” တဲ့။
“ ဘလိုင်းကြီး”
“ အင်းလေ..ငကြွား ”
အဲလိုကြိတ်ပြီး သြဘာပေးသံတွေတောင်ထွက်လာတယ်။
လူပန့်ငယ်”ကတော့သူ့ဘေးမှာထိုင်နေတဲ့ “လင်းဆက်”ကိုလှည့်ပြောတယ်။
“ မနော်အစစ်က တော့ စကားနည်းတယ်၊အချစ်ဝတ္ထုလည်းကောင်းကောင်းမရေး
တတ်ဘူး…လူမှုရေးလည်းသိပ်မသိဘူး…”
လင်းဆက်က ခေါင်းတဆတ်ဆတ်ညိမ့်ရင်းထောက်ခံတယ်။
ကိုရဲ(သစ္စာနီ)ကတော့..
“ သူကမေ့တတ်တယ်…စာမူပေးမယ်ဆိုတဲ့ရက်မှာတောင်မေ့ပြီးလာမယူတတ်ဘူး ” ..တဲ့။
ကျောင်းဆရာ (ဒီဇိုင်းမျိုးဆွေသန်း)က၀င်ပြောတယ်။
“ လူနဲ့အပူနဲ့မမျှတာပါကိုရဲ ရာ…” တဲ့။
တစ်ယောက်တစ်ပေါက် အသံတွေကလည်းလိုရင်းသာမရောက်တာ..ထွက်နေတုန်းပဲ။
“ မနော်ဟရီ က..ပျော့ညံ့တယ်..စိတ်နုတယ်..”
“ ဘယ်ကလာ..စိတ်မာတာ..ပြတ်သားတာ..”
“ သူ့ကိုအားပေးနှစ်သိမ့်တာမျိုး မကြိုက်တတ်ဘူး”
“ ဝေဖန်တာလည်းမခံချင်တတ်ဘူး”
“ ဒါကလူတိုင်းပါပဲ”
“ ကော်ဖီကြိုက်တယ်”
“ ခေါင်းကိုက်တတ်တဲ့ရောဂါရှိတယ်”
ဒါက တင်မိုးဝေရဲ့ အဆိုတင်သွင်းမှုပါ…။ ဒါပေမယ့်..အထောက်အကူမရတဲ့အတွက်
သဘာပတိတွေကပယ်ချလိုက်ပါတယ်။ ထောင့်တစ်ထောင့်မှာ ငူငူငိုင်ငိုင်နဲ့ထိုင်နေတဲ့
မောင်သစ္စာ (သစ္စာပိုင်စိုး) ကတော့ သူ့ဘေးကမျက်မှောင်ကြီးကြုတ်ပြီး ထိုင်နေတဲ့
မျိုးကိုမျိုး ကိုပြောသလိုလိုနဲ့ခပ်တိုးတိုးရေရွတ်တယ်။
“ ကျွန်တော်နဲ့ကမတွေ့တာကြာလှပြီ”
ပဉ္စမံဒီရိုင်းကတော့လက်မြောက်အရှုံးပေးတဲ့လေသံနဲ့…
“ ကျွန်တော်နဲ့ကကျောင်းတုန်းကတည်းကသိတာ။ဒါပေမယ့်သူ့ကိုပုံမဖော်တတ်ဘူး”
…တဲ့။အေးရော..။
ခုမှ Mr Guitarထဲကိုပျာယိပျာယာနဲ့ဝင်လာတဲ့ကိုကြွက်နီ (သိမ်းတင်သား)ကတော့
အစမရှိအဆုံးမရှိနဲ့ပြောလေရဲ့။
“ သူကကျွန်တော့်ဆရာသမီးပါ..ကျွန်တော့်ဆရာသမီးပါ..”တဲ့။
ဒီ Information ကလည်းဘာမှသုံးလို့မရပြန်ပါဘူး။
နောက်ဆုံးကြံရာမရရင်တစ်နည်းနည်းနဲ့အားကိုးဖို့ခေါ်ထားတဲ့ကိုဇာဏီ(ဆရာစံ
ဇာဏီဘို)
ကိုဝိုင်းမေးကြရတော့တယ်။
“ ဒေါ်မနော်က ၁၄ဂဏန်းသမားဆိုတော့ temperance ပဲ..ဘယ်ပုံမဆိုချက်ချင်း
ပြောင်းလဲပစ်နိုင်တာမို့..သူ့မှာပုံသေ characterမရှိဘူး..ရှာရခက်လိမ့်မယ်..”
အဲလိုပြောပြီးတားရော့ကတ်တစ်ကတ်ဆွဲတော့..Magician ကတ်ထွက်လာတယ်။
ဗေဒင်က၀ိကြီးကခေါင်းခါတယ်။ဘာမှမပြောဘူး။ Tarot card မြင်တော့ တချို့က
ဆရာဟိန်းလတ်ဆီချဉ်းကပ်သွားကြပြန်တယ်။
“ ဒီကိစ္စကြီးက..”
“ဘယ်လိုကြီးလဲ…”
ဆရာဟိန်းလတ်ကဒ်တွေလည်းအလုပ်တွေရှုပ်ကုန်တယ်။အသံတွေကလည်းကျွက်စိ
ကျွက်စိနဲ့ပိုထူထပ်လာတယ်။ အဖြေကတော့ဟုတ္တိပတ္တိထွက်မလာဘူး။ကိုနေမျိုးဆေး
ကနာရီတကြည့်ကြည့်လုပ်နေပြီ။စာနယ်ဇင်းသမားတွေကလည်းသူတို့သိက္ခာကျမခံနိုင်
တဲ့အတွက်..အရှုံးပေးဘို့အစီအစဉ်ရှိပုံမပေါ်ဘူး။တစ်ခုခုတော့ဖြစ်အောင်လုပ်မှလို့တစ်
ယောက်ကိုတစ်ယောက်အကြည့်တွေနဲ့လှမ်းပြောနေတယ်။
မနေ့တနေ့ကမှဒီလောကထဲရောက်လာပြီး မေးခွန်းတစ်ခွန်းမေးလို့မှ ကိုယ်မေးတဲ့သူ
ဘယ်သူမှန်းရေရေရာရာမသိ၊သိတဲ့တိုင်ဘာ ၀မ်းစာမှမပိုင်ဆိုင်ထားကြတဲ့ so called သတင်းသမားတွေ၊အယ်ဒီတာတွေကလည်းကက်ဆက်တကိုင်ကိုင်နဲ့လူးလာခေါက်တုံ့
ပြေးလို့ကောင်းတုန်း။ဟိုလူ့နားကပ်သွားလိုက်ဒီလူ့နားကပ်သွားလိုက်..။ပျောက်နေတဲ့
မနော်ဟရီ တွေဆိုတာ..လူလား ဆန်လား ကိနရီလားတောင်ကွဲပုံမပေါ်ဘူး။
“ ကဲ..ကဲ..ကဲ”
အောင်မြင်ခန့်ညားတဲ့အခမ်းအနာမှူးရဲ့အသံကြောင့် အသံတွေငြိမ်ကျသွားတယ်။
အဖြေတစ်ခုရပြီလားဆိုတဲ့အတွေးနဲ့ လှည့်ကြည့်ကြတာလည်းပါမှာပေါ့။ ဒါပေမယ့်
အဲဒီငြိမ်သက်သွားတဲ့အခိုက်အတန့်မှာ စကားဝင်ပြောလိုက်သူက အခမ်းအနားမှူး
အဟုတ်ဘူး။သူဘယ်သူလဲဆိုတာကိုတစ်ယောက်ယောက်ကတော့သိချင်သိမှာပေါ့။
ဒါပေမယ့် ..လောလောဆယ်အခြေအနေမှာက သူဘယ်သူလဲဆိုတာကအရေးမကြီး
ဘူး..။သူ..ဘာပြောမလဲဆိုတာကအရေးကြီးတာလေ..။
“ ပြင်ပလက္ခဏာတွေ၊သိပ္ပံနည်းကျအချက်မလက်တွေအရ..ကျွန်တော်တို့ဘာမှမလုပ်
နိုင်ကြတော့ပါဘူး..”
” ဒါများ”
“ သူပြောမှလား”
ထုံးစံအတိုင်းဝေဖန်သံတချို့ကကြိတ်ထွက်လာတယ်။ သဘာပတိကြီးနှစ်ယောက်က
မျက်နှာထားနဲ့လှမ်းကြည့်ပြီး အခမ်းအနားမှူးကခုံကိုခေါက်လိုက်တော့မှ..ပြန်ငြိမ်သွား
တယ်။
“ သူပြောတာကျေးဇူးပြုပြီးနားထောင်လိုက်ပါဦး”
အခမ်းအနားမှူးရဲ့စကားအဆုံးမှာ ..အဲဒီလူကစကားကိုဆက်တယ်။
“ အဲလိုနည်းတွေနဲ့မရတော့ဘူးဆိုရင်..တစ်ခုပဲကျန်ပါတော့တယ်”
“ ကဲ..ပြောပါဦး”
ဆရာဦးဟိန်းလတ်ကစကားကိုဝင်ထောက်ပေးတယ်။
“နှလုံးသားနဲ့ရှာဖို့ပါ”
အုံးကနဲအသံတွေပြန်လျှံထွက်လာတယ်။
“ ငပေါ”
“အေးလေ..ဘာလဲဟ..နှလုံးသားနဲ့တဲ့”
“အရေးထဲမှ..”
“ဘာဝင်ရှုပ်တာလဲမသိဘူး…..”
“ဒါရုပ်ရှင်ရိုက်နေတာမဟုတ်ဘူး”
ဒီတစ်ခါခုံထုရသူက သဘာပတိကြီးတွေပါ။
“ ကဲ..ရှင်းအောင်ပြောပါစေဦး..”
အဲဒီလူကတော့အေးအေးဆေးဆေးပဲ..။သူပြောချင်တာကိုဆက်ပြောတယ်။
“အဲဒီမနော်ဟရီဆိုတာ..ကျွန်တော်မသိပါဘူး…ဒီတော့ကျွန်တော်တော့ရှာလို့မရ
နိုင်ဘူး..နှလုံးသားနဲ့ရှာဖို့ဆိုတာက်..မနော်ဟရီကို နှလုံးသားနဲ့သိဖို့လိုပါလိမ့်မယ်”
“ မဖြစ်နိုင်တာ”
“ဟုတ်ပ”
အသံတချို့ထွက်လာပေမယ့်..သူကဆက်ပြောပါတယ်။
“ အဲဒီအတွက်..အသိနိုင်ဆုံးလူက..ခုလောလောဆယ်မှာ တစ်ယောက်ရှိပါတယ်..
အဲဒါ..သူ့သား..ခေတ်နေ..ပါပဲ”
ဒီတော့မှ..အသံတိတ်သွားတော့တယ်။
ဆိတ်ဆိတ်နေခြင်းဟာဘာဆိုလား..။
“ ဒီလောက်အများကြီးဖြစ်နေတဲ့ မနော်ဟရီ အတုတွေထဲမှာ..အစစ်ကိုနှလုံးသားနဲ့
ရွေးနိုင်မှာသူပဲရှိနိုင်မယ်လေ..ကျန်တဲ့မိတ်ဆွေတွေတော့နောက်စာရင်းထဲတို့ထားရ
မှာပေါ့..။ကဲကဲ..ဒီနေ့အစည်းအဝေးကိုဒီလောက်နဲ့ရပ်ပြီး နောက်နေ့မှ ခေတ်နေလေး
ကိုခေါ်ရအောင်..ဟိုမှာ ဆိုင်ရှင်ကနာရီတကြည့်ကြည့်ဖြစ်နေပြီ..”
အခမ်းအနားမှူးကအဲဒီလိုပြောပြီး ဘယ်သူ့ထောက်ခံချက်မှမယူပဲ..ကိုနေမျိုးဆေးမျက်
နှာတစ်ခုတည်းနဲ့ အခမ်းအနားကိုရုပ်သိမ်းပစ်လိုက်တယ်။
နောက်နေ့ကျရင်တော့သူတို့ကလေးကိုခေါ်ပြီးပွစာတက်နေတဲ့မနော်ဟရီတွေကိုလိုက်
ပြမှာလား၊အဲဒီ မနော်ဟရီအတုတွေကိုစုစည်းခိုင်းထားပြီး ခေတ်နေကိုရွေးခိုင်းမှာလား။
ဘယ်သူမှသေချာမသိသေးဘူး။သူတို့ခေါ်တိုင်းရော..ခေါင်းကြောမာတဲ့ မနော်ဟရီ
တွေကလာမှာတဲ့လား..။ဇာတ်ကတော့အတော်ကြည့်လို့ကောင်းဦးမှာပါ။
အကောင်းဆုံးအပိုင်းကတော့..နှလုံးသားနဲ့ရွေးချယ်မယ့်အပိုင်းပေါ့။
အကယ်၍များ..လွဲခဲ့သည်ရှိသော်..။
မလွဲခဲ့သည့်တိုင်…မရွေးနိုင်ခဲ့သည်ရှိသော်…
……………………….
ဇာတ်ကဘယ်လိုသိမ်းမယ်မသိသေးဘူး..။ကြည့်ကြသေးတာပေါ့…။
မနော်ဟရီ

စာကြွင်း။ ။ အမှန်က..အစစ်ကိုမတွေ့လို့လည်းးဘာမှမဖြစ်ပါဘူး။
သူမရှိလို့စာပေလောကကြီးဘာမှဖြစ်သွားမှာမှမဟုတ်တာ..။
(စာရေးသူ)


20 Comments:

kay said...

ကျမကတော့..ခေါင်းမာပေမဲ့..အသံနွဲ့နွဲ့ ..နူးညံ့တဲ့ ၀ိညဉ်နှလုံးသား နဲ့.. မနော်ဟရီ ကို.. ဟိုနားလေး မှာ တွေ့ခဲ့တယ်။

သူဘာလို့ ခေါင်းမာ တာလည်း ဆိုတော့..သူ့ခေါင်းထဲမှာ သိုမှီးထားတာတွေကို လုံလုံခြုံခြုံ ကာကွယ်ချင်လို့ လို့ဖြေတယ်။

ဒါဆို..ဘာလို့ ၀ိညဉ်က..နူးညံနေလည်းဆိုတော့.. ကိုယ်- စိတ်- နှလုံး သုံးပါးလုံး ကို..ညီညွတ်နေစေချင် လို့တဲ့။

Moe Cho Thinn said...

အခု ဘလော့ဂ်ရေးတဲ့ တယောက်ကတော့ အစစ် ပါနော်။ :))

Anonymous said...

အားလုံးခေါ်လာပြီးမှ စာကြွင်းကြောင့် ပိုကြွတယ် လို့ထင်တယ်၊ ဘာမှ မဟုတ်ဖူးဆိုတာ ဟုတ်ခဲ့လို့ ပဲပေါ့။ ၃၆လမ်းတို့ ရန်ကုန်မြို့ထဲကို အခါခါ ပြန်လွမ်းမိသွားသေး။

wai lin tun said...

သေချာတယ် နှလုံးသားနဲ့ရွေးလို့ကတော့ အတုနဲ့ မိမှာပဲ။ နှလုံးသားတွေ ဘာကြိုက်တယ်ဆိုတာ အတုတွေက ကောင်းကောင်းသိတယ်ဗျ နော့။

Anonymous said...

မေခရေ

ဟဲဟဲ ကိုယ့်ကိုမှလာမမေးတာ
လာမေးလို့ကတော့ ဖြေပေးလိုက်မယ်
သိတော့သိတယ် အဲဒီသိတာကို မသိဘူး
ဖြစ်နေတယ်လို့
အင်း ကိုယ့်သူငယ်ချင်းကိုလွမ်းလိုက်တာ
ရန်မဖြစ်ရတာကြာပြီ။
လဘက်ရည်ဆိုင် ကော်ဖီဆိုင်နဲ့
အထပ်၂၀ ၊ aroma မှာ သတင်းတွေမဖလှယ်
ရတာလဲကြာပြီ
ဆေးလိပ်လဲတို နေလဲပူပြီ (ဒီမှာပူတာကိုး)
ပြန်တွေ့ရင်သိမ်းထားသမျှဖလှယ်ချင်ပါသေးတယ်
ဘာသာစကားတူသေးရင်ပေါ့လေ

ဂျူ

ဆောင်းယွန်းလ said...

”မနော်ဟရီအတု”ကိုဖတ်ပြီးစဉ်းစားစရာတွေတော်တော်
များသွားတယ်ဗျာ..ရိုးရိုးလေးဘဲစဉ်းစားရင်တော့မနော်ဟရီဟာဘယ်လိုလူ
မျိုးလဲဆိုတာကိုရှာဖွေပုံဖော်ဖို့တင်ပြထားတဲ့ဝတ္ထုတစ်ပုဒ်လို့ထင်ရပေမယ့် ပိုပြီးလေးလေးနက်နက်စဉ်းစားမယ်ဆိုရင် လူတွေရဲ့တွေးခေါ်မှုတစ်ယောက်နဲ့
တစ်ယောက်ကွဲပြားခြားနားပုံတွေ မိခင်တစ်ယောက်ဟာသူမရဲ့သားသမီးတွေ
အပေါ်မှာပေးဆပ်နိူင်တဲ့မေတ္တာတရားကြောင့် သားသမီးတွေရဲ့နှလုံးသားအပေါ်
မှာဘယ်လောက်အထိလွှမ်းမိုးနေရာယူထားနိူင်တယ်ဆိုတာတွေကို သွယ်ဝိုက်တဲ့
နည်းနဲ့ရေးဖွဲ့ထားတဲ့ ဝတ္ထုတစ်ပုဒ်လို့လည်း ယူဆလို့ရနိူင်ပါတယ်။့  ခေတ်နေလေးကြီးပြင်းလာတဲ့တစ်နေ့ကျရင် သူ့ရဲ့နှလုံးသားနဲ့
မနော်ဟရီအစစ်ကိုရှာဖွေတွေ့ရှိနိူင်မှာပါ။
အမကိုတခါမျှမတွေ့ဖူးပေမယ့် မနော်ဟရီဟာ နှလုံးသားလှပြီး အပြန်အလှန်လေးစားမှုကိုအလွန်တန်ဘိုးထားတဲ့သူတစ်ယောက်လို့ ကျနော့်အနေနဲ့ယုံကြည်ပါတယ်အမရေ…
ရွှင်လန်းချမ်းမြေ့နိူင်ပါစေ….

ATN said...

အစစ်ကိုတော့ ဘယ်သူမှ ဘယ်တော့မှ တွေ့မှာ မဟုတ်ပါဘူးလေ

Anonymous said...

ဖတ်ပြီးမူးသွားတာတော့ အသေအချာပဲ.....
တုတုစစ်စစ်ကိုယ့်ကိုကိုယ်
သိနေရင်ပြီးတာပဲမဟုတ်လားအမ.....

MANORHARY said...

ကေရေ...အနားမှာအချိန်အတိုင်းအတာတစ်ခုလောက်ရှိ
ခဲ့ဖူးပေမယ့်ဒီလောက်ထိမှတ်မိနေပေးတဲ့တွက်..၀မ်းသာရ
တယ်....

ချိုသင်းရေ..ခုဘလော့ခ်ရေးနေတဲ့တစ်ယောက်ကလည်း..
အင်း..သိပါဘူးကွယ်..း)

ဒူကဘာ..လွမ်းအောင်လုပ်မိသလိုဖြစ်သွားရင်စိတ်မ
ကောင်းပါဘူး

ကိုဝေလင်း မှတ်ချက်လေးက ရင်ကိုထိလိုက်တာ..
နှလုံးသားတွေဘာကြိုက်တယ်ဆိုတာ..အတုတွေက
ကောင်းကောင်းသိတယ်တဲ့လား....

ဂျူရေ...ရှင်နဲ့ရှင့်အမသာပါရင်ဒိထက်တောင်မှဆိုးတဲ့
စကားလုံးတွေပါလာနိုင်တယ်နော်..ဟုတ်..း)

ဆောင်းယွန်းလရေ..သားကလေးကတော့ သူ့အမေရေးတဲ့ဝတ္ထုကိုပထမဆုံးအနေနဲ့စဖတ်တာဒီတစ်
ပုဒ်ပါပဲ...ပြီးတော့သူ့ကိုဘယ်လိုရွေးမလဲမေးတော့
ဇဝေဇ၀ါနဲ့ ၀တ္ထုထဲကလူတွေလိုပဲဖြေလေရဲ့..သူ့
အမေအစစ်က နှုတ်ခမ်းနီမဆိုးဘူး..တဲ့ ..း)

ကိုအောင်သာငယ်..အစစ်ကိုတွေ့နိုင်တယ်သူရှိသေး
တယ်လို့ကောအိပ်မက်လို့မရဘူးလားကွယ်..း)

မူးမသွားပါနဲ့ရှင်မင်းညိုရေ..
ကိုယ့်ကိုယ်ကိုလည်းသိပ်မသိချင်ပါဘူးညီမရယ်...း)

Anonymous said...

ဖတ်ကောင်းကောင်းနဲ့ ဖတ်သွားပါတယ်ဗျ...။ သူမရှိပေမယ့် စာပေလောကကြီး ဘာမှဖြစ်မသွားပေမယ့်..သူ့စာကိုချစ်တဲ့လူတွေရဲ့ ရင်ထဲမှာတော့ !!!!! အတိုင်းထက်လွန်ပါပဲဗျာ..။

Anonymous said...

ဟေး မေခ

ကိုယ်တစ်ယောက်တည်းဆိုတော်သေးတယ်
သက်သက်ညှာညှာဖြေပေးမှာ
မနော်ဟရီဆိုတာ ကိုဘယ်သူလဲလို့
ကိုယ့်အမဖြေပြီဆိုရင်တော့.........
ဟဲဟဲ..... ချက်ချင်းရှာတွေ့သွားစေမယ့်
အဖြေကိုပေးလိမ့်မယ်.......
သူက ထိထိမိမိပြောတတ်တာကိုး........
ပြောရင်းသူ့ကိုပါလွမ်းလာပြီ
အားရပါးရ ရယ်ချင်လိုက်တာ....

ဂျူ

:P said...

ဆက်စောင့်ဖတ်နေမယ်...

လင်း said...

ဒါဖြင့် ဘယ်လိုလုပ်ကြမလဲ။ ဘလော့ကဓါတ်ပုံထဲမှာ နှုတ်ခမ်းနီဆိုးထားတယ်။

M.Y. said...

ဧထက် တွေ့ တဲ့မနော်ဟရီ တွေ နောက်ဆုံး အိုင်ဒီယာတိုက်ကိုဖုန်းဆက်တဲ့အထိ ၊ မနော်ဟရီ ၄ယောက်တွေ့ နေတာ ၊ အင်မတန်ဆွဲဆောင်သွားလိုက်တာ
ဟိုး meetingထိုင်တဲ့အထိ...

နောက်ပိုင်းစာနယ်ဇင်းက ရှိသမျှ လူနာမယ်တွေလိုက်ဖတ် လိုက်မှတ်နေ ရတာ ဇာတ်လမ်းတောင်မေ့သွားသလိုပဲ...မူးနောက်သွားတယ်
။ နာမည်တွေ မလိုအပ်ပဲဖောင်းပွပြီး tempo ကျသွားတယ် ထင်တာပဲ။

အစပိုင်း က ဧထက် နဲ့ မနော်ဟရီ လေးယောက်နဲ့ တင်လုံလောက်နေပီ။အဲဒိ စိတ်ကူးအဖွဲ့ ဟန်က အင်မတန် ဆန်းနေပြီ။ နောက်ပိုင်းမှာ ခေတ်နေ ကလေး ရဲ့ စိတ်ခံစားမှုနဲ့ မနော်ဟရီစိတ်ခွဲတွေ ဇောင်းပေးပြီး လှပစွာချိတ်ဆက်ပေးမယ်လို့ မျှော်လင့် ခဲ့လိုက် တာ...

မသူတော် said...

I know what happen to MANOHARY.
ငှဲ...ငှဲ...ငှဲ

ဆြာ လောက်ဖျား

Zephyr said...

ကျွန်တော်သိတဲ့ မနော်ဟရီ ကတော့ ... မိုးရေစက်တွေကိုတောင်ဆဲဆိုချင်နေတဲ့ ကဗျာဆရာတစ်ယောက် ... ပန်းလှေလမ်းခွဲကဗျာ ... တာရာမင်းဝေရဲ့ စာအုပ်မှာ ဖတ်လိုက်ရကတည်းက ပြတ်သားတဲ့တစ်ယောက် လို့ထင်တယ် ...။ သူ့ဝတ္ထုတွေက သူ့ရိုးသားမှုကို တွေ့ရတယ် ... ဇာတ်သိမ်းတွေက ရိုးနေတတ်တော့ .. သူက သိပ်ပြီး လှည့်စားတတ်ပုံ မရဘူးလို့ထင်ရတာပဲ .... ကျွန်တော် တူးဖော်ခဲ့သော မြေစိုင်မြေခဲများကို ... ဘာသာပြန်တဲ့တစ်ယောက် ကရော အတုပဲလား ... Master တက်တဲ့တစ်ယောက်လည်း ရှိသေးတယ် ထင်တယ် ... သေချာတာကတော့ သူရှိခဲ့ဘူးတယ် ...
...
......
........

မေငြိမ်း said...

ဖတ်ရင်းနဲ့ ခံစားရတာတခုတည်း.. တကယ်သာအဲလို Clone တွေ ပွားနိုင်ရင်ကောင်းမှာ..လို့ပေါ့။ ဒါမှ လုပ်ချင်တာတွေလုပ်ပြီး အမျိုးမျိုးလွှဲချလို့ရမှာ.. :P။ (ရည်ရွယ်တာလေးတော့ ရှာတွေ့ပါတယ်)။ တကယ့် မနော်ဟရီအစစ်ကလည်း မနော်ဟရီဆိုတာကို ခေတ်နေလေးဆီမှာပဲ ရှိစေချင်တယ်ထင်ပါရဲ့..။

MANORHARY said...

ကိုဟိန်းမောင်..ကျေးဇူးပါ..

လင်းရေ..ပုံထဲကလည်းမနော်ဟရီအစစ်လားမသေချာချင်
ပါဘူး...း)

ကိုမောင်ရင်ရေ..ခေါင်းတွေရှုပ်သွားရင် ဆောရီးပါ..ဒီနာမည်တွေကဇာတ်ကြောင်းထဲက ကျွန်မကိုဝေဖန်တဲ့စာသား
တွေအတွက်နောက်ကလိုက်ပေးရတဲ့ဇာတ်ရံသက်
သက်ပါ..မှတ်စရာမလိုပါဘူး..
သူတို့မပါပဲနဲ့လည်းဒီဝေဖန်မှုတွေကထွက်မလာနိုင်ဘူး
လေ....

zephyr .. မြေစိုင်မြေခဲကိုဘာသာပြန်တဲ့ မနော်ဟ
ရီကလည်းတစ်ယောက်.. ပန်းလှေလမ်းခွဲကို ရူးနေအောင်ရေးခဲ့တဲ့မနော်ဟရီကလည်းတစ်ယောက်..
မာစတာကိုစက္ကူပေါ်ကဘွဲ့လို့ဘယ်လိုပြောပြောလူပေါ်
တည်တယ်ဆိုပြီးမာနတခွဲသားနဲ့တက်ခဲ့တဲ့ မနော်ဟရီ
ကလည်းတစ်ယောက်...ခု..အနုပညာကိုလူတွေဆီ
ရသလောက် ကော်မာရှယ်တွေကြားကပစ်သွင်းနေတဲ့
သူကလည်းတစ်ယောက်ပါ... ;)

MANORHARY said...

ဟုတ်ပါတယ် အမမေငြိမ်းရေ..တကယ့်ခေတ်နေလေး
ဆီမှာတော့ မနော်ဟရီအစစ်က အမြဲရှိနေချင်သူပါ..

pandora said...

ဒီဝတ္ထုလေးကို တော်တော်သဘောကျတယ် မ, ရေ

စိတ်တွေခေါ်ဆောင်ရာ ဦးဏှောက်ကခိုင်းစေရာ နှလုံးသားရဲ့ညို့ငင်ရာ မနော်ဟရီတွေ အများကြီးဖြစ်နေမှာပေါ့။ ကျနော့်အတွက်တော့ အားလုံးဟာ အတုပဲ။ ပြီးတော့ အားလုံးဟာ သူ့နေရာနဲ့သူ အစစ်ပဲ။