ညနေတေးချင်း

Sunday, December 21, 2008

ဒီအက်ဆေးလေးကိုကျွန်မ ၂၀၀၀ခုနှစ်ကရေးဖြစ်ခဲ့တာပါ။ စိတ်ထဲမှာနင့်နေတဲ့စိတ်ခံစားမှုတစ်
ခုကို ၅နှစ်လောက်ကြာမှချရေးလိုက်ရပေမယ့် စိတ်တိုင်းတော့မကျဘူး။သေချာတာက ကျွန်မ
ဒိထက်ပိုပြီးတော့လည်းရေးလို့မရဘူး....။ကျွန်မဘာကိုရည်ရွယ်ရေးထားတယ်ဆိုတာကိုတချို့
ကတော့သိကြတယ်။ တချို့ကတော့မသိကြဘူး...။..ခုလည်းကျွန်မရဲ့သံစဉ်တွေကိုဘယ်
သူတွေကဘယ်လောက်များဖမ်းယူနိုင်မလဲသိချင်လိုက်တာ။မရခဲ့ရင်တော့ကျွန်မညံ့တာပေါ့....။
အဲဒါလေးက Fashion Image မဂ္ဂဇင်းမှာပါသွားခဲ့ပါတယ်။၂၀၀၁မှာထင်တာပဲ....။
အစက မဟေသီကိုပေးလိုက်တာပါ။ပျောက်သွားပုံကတိုက်ကိုတောင်မရောက်ပဲ ပျောက်သွား
သတဲ့..။အဲဒါနဲ့ နောက်တစ်တိုက်ကိုပေးလိုက်တာ။အဲဒီတုန်းက ၀ိုင်ချို အဲဒီမဂ္ဂဇင်းမှာလုပ်နေတဲ့
အချိန်ပေါ့....။


ညနေတေးချင်း
ကျွန်မရင်ထဲကနေခွဲဖြာထွက်သွားတဲ့ဖြူဝါ၀ါလမ်းဖုံဖုံလေးတွေကိုကျွန်မငေးကြည့်နေမိတယ်။
လမ်းကလေးတွေကလည်းကျွန်မကိုခပ်လှမ်းလှမ်းကရီဝေစွာကြည့်လို့။ဒီညနေခင်းမှာတော့
ကျွန်မတို့ဒါပဲတတ်နိုင်ခဲ့ကြပါတယ်။
အဲဒီလမ်းကလေးတွေဘယ်တော့များမှကျွန်မဆီပြန်လာနိုင်တော့မလဲမသိဘူး။လမ်းကလေး
တွေကိုကျွန်မတာဝန်မကျေနိုင်ခဲ့ဘူးလေ။သစ္စာမဲ့ခွင့်ကိုအလိုမတူပဲလက်ခံလိုက်ရတာပါလမ်း
ကလေးတွေရေ..ကျွန်မကိုဘယ်တော့မှခွင့်မလွှတ်လိုက်ပါနဲ့။
တကယ်တော့ကျွန်မဟာဘာဆိုဘာမှမတတ်နိုင်တော့တဲ့ရှေးဟောင်းနန်းရင်ပြင်လေးတစ်ခုပါ။
ကျားကန်ထားခြင်းတွေကလည်းယိုင်နဲ့စီးမျောထွက်ကုန်ကြပြီ။ခွဲဖြာထွက်သွားတဲ့လမ်းကလေး
တွေပေါ်မှာတော့အိပ်တန်းပြန်ရောင်ခြည်တွေ ရွှဲရွှဲစိုလို့။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

လမ်းကလေးတွေသယ်ဆောင်သွားကြတဲ့ရယ်သံလွင်မြမြလေးတွေကိုကျွန်မလွမ်းတယ်။သူတို့
ကိုယ်ပေါ်မှာအစီအရီပွင့်ခဲ့ဖူးတဲ့အဖြူရောင်ပွင့်ဖတ်လေးတွေကိုလည်းလွမ်းတယ်။ခုတော့၊ကျွန်မ
ရင်အုံပေါ်မှာအနီရောင်ပန်းပွင့်တွေကပဲစွေးစွေးလှုပ်လှုပ်အောင်ပွဲခံလို့။
ကျွန်မနာကျင်ခါးသက်စွာရယ်မောလိုက်မိတယ်။(လောလောဆယ်မှာတော့ဒါဟာ ကျွန်မအ
တွက်အကောင်းဆုံးဆေးတစ်ခွက်ပဲလေ)“မကြာခင်မှာအသားကျသွားမှာပါ၊အရာရာဟာအစ
တော့ဒီလိုပါပဲ” တဲ့။
ဟင့်အင်း၊ကျွန်မက လေညင်းတွေနဲ့အတူယောယိမ်းကမယ့်၊လေကြမ်းတွေနဲ့အတူလိုက်တေး
ဆိုမယ့်စိမ်းမြမြသစ်ရွက်တစ်ရွက်မှအဟုတ်တာ။ဒါပေမယ့်...နေရောင်ခြည်တွေကိုတော့လို
အပ်ချက်အတွက်မဟုတ်ပဲချစ်တယ်။ခုတော့.....
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

ပစ္စက္ခအချိန်တွေကိုကုန်ကြမ်းအဖြစ်အဓမ္မ၀ယ်ယူခဲ့ရပြီး အသုံးမ၀င်တဲ့အနာဂတ်အတုတွေကို
ထုတ်ပေးနေခဲ့တာကျွန်မရဲ့တတိယတန်းစားနှစ်ကောင်စောင့်ရင်ပြင်လေးပေါ့။အဲဒီရင်ပြငထက်
မှာရာသီစာပွဲတော်တွေခြိမ့်ခြိမ့်သဲသဲကျင်းပနေလိုက်တာတစပြင်အတိုင်းပဲ..။
အနက်ရောင်ဖဲကြိုးရှည်ကြီးတစ်ချောင်းနဲ့လှလှပပစည်းနှောင်ခံထားရတဲ့ ကျွန်မရဲ့ရင်ဝင်လမ်းမ
ဟာ ရောင်ခြည်တွေနည်းနေခဲ့ပြီ။
ပန်းပွင့်တွေကိုမမြင်ရတော့ဘူး။ရနံ့တစ်လူလူကိုဘယ်သူကန့်သတ်ချက်ပေးလိုက်တာလဲ။ တေး
သံတစ်ချွင်ချွင်တွေဘယ်နားကများလွန့်လူးသက်ဝင်လာလေမလဲရယ်လို့စိတ်စောမိတဲ့နေ့ရက်
တွေလည်း ဆယ်စုနှစ်တစ်ခုစာတောင်မကတော့ဘူး။
တံခါးမပိတ်ကြပါနဲ့ဦး။ အိမ်ကိုပြန်လာတဲ့လှိုင်းခေါင်းဖြူဖြူလေးတွေကိုမစောင့်တော့ဘူးလား။
ဟိုးအဝေးကြီးက ပျံသန်းလာတဲ့ဖန်ဆင်းရှင်တစ်ပါး။သူ....ကျွန်မဆီနေမ၀င်ခင်ရောက်ဖို့လို
တယ်။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

ဘုရားကျောင်းကလွင့်ကျလာတဲ့ခေါင်းလောင်းသံခပ်ဖျော့ဖျော့လေးတွေ၊ ခါးသက်စိမ်းမြတဲ့မြက်
ခင်းပြင်ပေါ်မှာလေးတိလေးကန်ကခုန်လို့။ ဘာအတွက်ခြွေချလိုက်တဲ့ခေါင်းလောင်းသံတွေပါ
လိမ့်။မင်္ဂလာရှိတဲ့အချိန်နာရီအတွက်လား။
ကြေကွဲစရာလမ်းခွဲနေ့ရက်တွေအတွက်လား။
ကျွန်မအတွက်ကတော့ တစ်ယောက်တည်းခြောက်ခြားနေတတ်တဲ့နွေတွေ ခပ်စိတ်စိတ်ရွာချ
လာနေပြီ...။ဘုရားသခင်...ရာသီသုံးမျိုးစလုံးမှာသူဟာပင်တိုင်အသုံးတော်ခံတော့မယ့်ဗီလိန်
ဇာတ်ကောင်များလား။အပူရောင်တွေကတော့ကျွန်မကိုယ်ပေါ်မှာ ခပ်ကျဲကျဲခြယ်သလို့။
လပ်ဟာနေတဲ့ကျွန်မရဲ့ဘယ်ဘက်ရင်ခွင်ထောင့်ကကွက်လပ်ကလေး...။ဘယ်တော့များမှတေး
သီရပါ့မလဲ။ငှက်ကလေးတွေရဲ့အိပ်တန်းပြန်သံနဲ့အတူ၊ အရိပ်အယောင်တချို့ကြေကွဲစွာနောက်
ဆုတ်လှည့်ပြန်သွားကြတယ်။တစ်ခါတစ်ခါတော့လည်းအချိန်ဆိုတာစောင့်ဆိုင်းရတတ်တဲ့အရာ
တစ်မျိုးပါပဲ။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

အတောင်ပံစစ်စစ်တွေနဲ့လွတ်လပ်စွာပျံသန်းသွားတဲ့ငှက်တစ်အုပ်နဲ့အတူကျွန်မရောလိုက်သွားချင်
လိုက်တာ။လမ်းကလေးတွေကိုတော့ ကျွန်မရွှေနဲ့လုပ်တဲ့အတောင်ပံအတုတွေလက်ဆောင်ပေး
လိုက်ခဲ့ဖူးတယ်။(သူတို့တကယ်ပျံသန်းနိုင်ကြမှာမဟုတ်ဘူး)မျှော်လင့်ချက်တွေဟာဘာလို့နေစောင်း
စောင်းသွားရတာတဲ့လဲ။လရောင်ဆိုတာအခါခပ်သိမ်းအလည်လာတတ်တဲ့ဧည့်သည်မဟုတ်ဘူးဆိုတာ
ကျွန်မမေ့နေခဲ့တယ်။
ကြယ်ပွင့်ကလေးတစ်ပွင့်တစ်လေနဲ့မိတ်ဖွဲ့ခွင့်ရမယ်ဆိုရင်ကျွန်မလမ်းကလေးတွေကိုကြယ်ရောင်က
လေးတွေနဲ့ခရီးဆက်ခိုင်းနိုင်မှာပါ။ နေ့သစ်တစ်ခုထိလေ။
ခေါင်းမော့ပြီးပင့်သက်အပူတွေကိုလူမသိအောင်ခိုးထုတ်ဖူးသလား။ကောင်းကင်မှာလျှပ်တစ်ပြက်မြင်
လိုက်ရတဲ့တိမ်တစ်စကိုရောဘယ်တုန်းကပြန်ခေါ်လို့ရခဲ့ဖူးလဲ။(ဆရာဝင်းဖေမြင့်ကတော့တိမ် ၁၀၀
ကိုအကျဉ်းချထားနိုင်ခဲ့တယ်။)
ညနေခင်းကောင်းကင်ကြီးကိုဒီအတိုင်းထိုင်ကြည့်နေခဲ့ရတာတစ်ထောင့်တစ်ညပုံပြင်ရှည်တွေတောင်
ခရီးလွန်နေခဲ့ပြီ...။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

ပဲ့တင်သံတွေကိုမုန်းတယ်။
ပဲ့တင်သံတွေကိုဖြစ်စေပြီး ကာဆီးထားတဲ့တောင်ကမ်းပါးရှည်ကြီးတွေကိုလည်းမုန်းတယ်။နားနှစ်ဖက်
ကိုကြေကွဲလုမတတ်ပိတ်ရင်းပဲ့တင်သံတွေကိုရိုက်ချိုးပစ်လိုက်တဲ့အခါ..ကျွန်မရင်ပြင်ဟာဘုရားသခင်
ချပေးတဲ့ ဖိတ်တစ်ဝက်စင်တစ်ဝက်(ကျွန်မရဲ့တုန်ယင်နေတဲ့လက်တွေကြောင့်ပဲဖြစ်မှာပါ..)ငြိမ်သက်
ခြင်းအနည်းငယ်နဲ့ တိတ်ဆိတ်လို့။
တိတ်ဆိတ်နေလိုက်တာ။
ပြန်လာပါဦးလမ်းကလေးတွေရေ...။ဘုရားသခင်ရှေ့မှာရှိတဲ့ဖလားထဲမှာ (ကျွန်မရဲ့အလျင်စလိုအ
လောတကြီးနိုင်မှုကြောင့်) ဖိတ်လျှံကျသွားရတဲ့ဆုတောင်းတချို့ရှိနေတယ်။
ကျွန်မရင်ပြင်လေးကတော့ခုထိတိတ်ဆိတ်နေဆဲပဲ။
ညနေခင်းကိုထိုင်ကြည့်ရင်းကျွန်မလည်းနေစောင်းစောင်းလာလိုက်တာ မကြာခင်သီချင်းတစ်ပုဒ်ကြား
ရတော့မယ်ထင်ရဲ့။သီဆိုသူရဲ့မေ့လျော့ခြင်းခံထားရတဲ့သီချင်းတစ်ပုဒ်လို..ကျွန်မငိုနေမိသလား....။
နှုတ်ဆက်ညနေခင်းလေးအတွက် ခေါက်သိမ်းထားတဲ့ရွှေရောင်ငွေရောင်တလက်လက်နဲ့ ကျွန်မရဲ့ပွဲ
တက်ဝတ်စုံတွေကိုသတိရနေမိတယ်။စိန်ရောင်လက်ခွင့်မရတာကလွဲရင်ပေါ့။ အကယ်တော့ အရောင်
မဲ့ဆိုတာ အဖြူရောင်မှအဟုတ်တာ...။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။

တစ်နှစ်တစ်ခါဆိုနေကျသက်တံတေးချင်းတွေလည်းရင့်ညိုကျလာနေပြီ..။မကြာခင်ကြွေကျထွက်ခွာ
သွားရတော့မယ့်သစ်ရွက်ခြောက်တွေလိုပဲ။ ဟိုးဝေးဝေးကနေစီးမျောလွင့်ခတ်လာတဲ့ဓမ္မတေးသံခြောက်
ခြောက်တွေကစိတ္တဇဆန်နေလိုက်တာ။နေ၀င်တော့မယ်...တဲ့။
နေ၀င်မှာစောလိုက်တာ။
နေ၀င်တာစောလိုက်တာ။
နေ၀င်စောလိုက်တာ။
................
......................
ရှည်လျားလှတဲ့အမှောင်ညတွေပြီးရင် ကျွန်မပြန်အာရုဏ်ကျင်းခွင့်ရဦးမှာလား။ဒါဆိုရင် ကျွန်မ အချိန်တွေ
အမိန့်တွေ၊တောင်းပန်တိုးလျိုးသံတွေကိုတွေကိုစောင့်မနေတော့ဘူး။ကိုယ့်ဘာသာဆည်းဆာအရောင်တွေ
နဲ့ရစ်ပတ်..အမှောင်တေးသွားကိုတီးခတ်လိုက်တော့မယ်။
တေးသွားဆုံးသွားခဲ့ရင်............
ကျွန်မ..............


မနော်ဟရီ


10 Comments:

pandora said...

သံစဉ်တွေထဲမှာ မျောပါခံစားသွားပါတယ်

Anonymous said...

အန်တီနော်ရေ.. မြင့်လိုက်တာ..လိုက်တွေးကြည့်ပါတယ်.. လိုက်မမှီဘူး.. ထင်တာပြောကြည့်မယ်.. သေဆုံးခါနီးလူတစ်ယောက်ရဲ့ဂယောက်ဂယက်စိတ္တဇအတွေးများလား၊
ထာဝရခွဲခွာသွားရတော့မယ့်သူရဲ့လွမ်းချင်းလား၊
ခရစ္စမတ်အချိန်မှာ အဝေးရောက်နေပြီး သူများတွေလို မပျော်မွေ့နိုင်သူလား၊
ဒါမှမဟုတ် စိတ်ပင်ပန်းအားငယ်နေသူရဲ့
ဖွင့်ဟခံစားချက်များလား။ မဟုတ်ခဲ့ရင် အန်တီညံ့တာမဟုတ်ပါဘူး။ သားလိုက်မမှီတာပါ။ အဖြေလေးကိုတော့ သိချင်ပါတယ်.. ပြီးတော့ လမ်းလေးတွေဆိုတာ
ဘာကိုရည်ညွှန်းတယ်ဆိုတာကိုရော။ ရှင်းပြပါနော်..။

ဆောင်းယွန်းလ said...

အနက်ရောင်ဖဲကြိုးရှည်ကြီးတစ်ချောင်းနဲ့လှလှပပစည်းနှောင်ခံထားရတဲ့ ကျွန်မရဲ့ရင်ဝင်လမ်းမ
ဟာ ရောင်ခြည်တွေနည်းနေခဲ့ပြီ။
ပန်းပွင့်တွေကိုမမြင်ရတော့ဘူး။ရနံ့တစ်လူလူကိုဘယ်သူကန့်သတ်ချက်ပေးလိုက်တာလဲ။ တေး
သံတစ်ချွင်ချွင်တွေဘယ်နားကများလွန့်လူးသက်ဝင်လာလေမလဲရယ်လို့စိတ်စောမိတဲ့နေ့ရက်
တွေလည်း ဆယ်စုနှစ်တစ်ခုစာတောင်မကတော့ဘူး။
တံခါးမပိတ်ကြပါနဲ့ဦး။ အိမ်ကိုပြန်လာတဲ့လှိုင်းခေါင်းဖြူဖြူလေးတွေကိုမစောင့်တော့ဘူးလား။
ဟိုးအဝေးကြီးက ပျံသန်းလာတဲ့ဖန်ဆင်းရှင်တစ်ပါး။သူ....ကျွန်မဆီနေမ၀င်ခင်ရောက်ဖို့လို
တယ်။
မကြာခင်နေ၀င်တော့မယ်။ညနေခင်းကတော့သူနဲ့ဘာမှမဆိုင်သလိုစိမ်းမြနေဆဲပဲ။
မနော်ရေ.သိပ်ကိုအဓိပ္ပာယ်လေးနက်ပါတယ်.အမရဲ့ခံစားချက်နဲ့ကျနော့်အဓိပ္ပာယ်ဖော်မှုတို့ကတစ်ထပ်တည်းကျချင်မှကျမယ်..ဒါပေမယ့်တစ်စုံတစ်ခုကိုတော့တွေ့လိုက်ရပါတယ်..
ခင်မင်လျက်

ATN said...

mosaic ပန်းချီတကားကို ကြည့်လိုက်ရသလိုပါပဲ...

လဲပြိုသွားတဲ့ အရောင်တွေကို
သူ့နေရာနဲ့သူ စီထည့်ပြီးတဲ့အခါ
အမည်ပေးစရာ ပုံတပုံ ပေါ်လာတာပါပဲ...

တခါတခါတော့လည်း
ပုံရိပ်တွေက တေးဆိုတတ်သေးတယ်...

စိမ်းမြ... သစ်ရွက်တို့ ကြွေနေဆဲ...

ဒါလည်း... နောက်ဆုံး အိပ်မက်ပဲ ဖြစ်ပါစေလေ...

Zephyr said...

မကြာခင်နေ၀င်တော့မယ်။
ညနေခင်းကတော့သူနဲ့ဘာမှမဆိုင်သလို
စိမ်းမြနေဆဲပဲ။

... တကယ်တော့ လောကဟာ ကိုယ့်အတွက်သက်သက် ဖန်ဆင်းထားတဲ့နေရာတစ်ခုမဟုတ်တော့ ခံစားရတာပေါ့ ...။

အဲဒီလူတစ်ယောက်ဟာ ဥပေက္ခာတရားနဲ့ အသားမကျ ... ဖြစ်သင့်တာတွေ မဖြစ်တိုင်းနာကျင်ကြေကွဲနေမိတယ် ...။

ယုံကြည်ချက်တွေတောင် အရောင်ဖျော့လာတယ် ..။
...
...

နေ၀င်မှာစောလိုက်တာ။
နေ၀င်တာစောလိုက်တာ။
နေ၀င်စောလိုက်တာ။ ...

သူ့ရဲ့ အတွေးတွေဟာလည်း နာကျင်မှုကြောင့် အစွန်းရောက်နေတယ် ...။
...
ရှည်လျားလှတဲ့အမှောင်ညတွေပြီးရင် ကျွန်မပြန်အာရုဏ်ကျင်းခွင့်ရဦးမှာလား။ဒါဆိုရင် ကျွန်မ အချိန်တွေ
အမိန့်တွေ၊တောင်းပန်တိုးလျိုးသံတွေကိုတွေကိုစောင့်မနေတော့ဘူး။
ကိုယ့်ဘာသာဆည်းဆာအရောင်တွေနဲ့ရစ်ပတ်..
အမှောင်တေးသွားကိုတီးခတ်လိုက်တော့မယ်။
တေးသွားဆုံးသွားခဲ့ရင်............
ကျွန်မ..............

(တော်တော်ကြောက်စရာကောင်းတဲ့ အတွေးပဲ ...။)

..................................

အစ်မရေ ... အသက်အရွယ်က ရင့်ကျက်မှုကို လက်ဆောင်ပေးတယ်လို့ ကြားဖူးတယ် ...။
အခုပြန်ဖတ်ကြည့်တော့ ပြုံးပြုံးလေးဖတ်နိုင်ပြီလား ဆိုတာသိချင်ပါတယ် ..။

April said...

မ..ရေ...
မရဲ့ သံစဉ်တွေကို လိုရာဆွဲတွေးသွားတယ်။

ဘုရားကျောင်းကလွင့်ကျလာတဲ့ခေါင်းလောင်းသံ ခပ်ဖျော့ဖျော့လေးတွေ၊ ခါးသက်စိမ်းမြတဲ့မြက်
ခင်းပြင်ပေါ်မှာလေးတိလေးကန်ကခုန်လို့။ ဘာအတွက်ခြွေချလိုက်တဲ့ခေါင်းလောင်းသံတွေပါ
လိမ့်။မင်္ဂလာရှိတဲ့အချိန်နာရီအတွက်လား။
လပ်ဟာနေတဲ့ကျွန်မရဲ့ဘယ်ဘက်ရင်ခွင်ထောင့်က ကွက်လပ်ကလေး...။ ဘယ်တော့များမှတေး
သီရပါ့မလဲ။ငှက်ကလေးတွေရဲ့အိပ်တန်းပြန်သံနဲ့အတူ၊ အရိပ်အယောင်တချို့ကြေကွဲစွာနောက်
ဆုတ်လှည့်ပြန်သွားကြတယ်။ တစ်ခါတစ်ခါတော့လည်းအချိန်ဆိုတာ စောင့်ဆိုင်းရတတ်တဲ့အရာ
တစ်မျိုးပါပဲ။
မကြာခင်နေ၀င်တော့မယ်။ညနေခင်းကတော့ သူနဲ့ဘာမှမဆိုင်သလိုစိမ်းမြနေဆဲပဲ။

ချစ်ခင်လေးစားလျက်
မိုးနေ

MANORHARY said...

pandora: မျောပါခံစားပေးတဲ့အတွက်ကျေးဇူးပါ။
cratonး အီးမေးလ်လေးပေးပါနော်၊..ဒီမှာမပြောချင်
လို့ပါ။
ဆောင်းယွန်းလး ညနေတေးချင်းကိုနားဆင်သွားတဲ့
အတွက်ကျေးဇူးပါ။

ကိုအောင်သာငယ်း ဟုတ်တယ်။အဲဒါနောက်ဆုံးအိပ်မက်
ပဲ...စိမ်းမြသစ်ရွက်တွေကြွေနေဆဲ...ဒါပေမယ့်..
ဘယ်သူပြောလဲတစ်တောလုံးကြွေ...

Zephyr : ဒီခံစားချက်က ပုဂ္ဂလိကခံစားချက်မ
ဟုတ်တဲ့အတွက်ခုလည်းပြုံးပြီးပြန်မဖတ်နိုင်သေးပါ
ဘူးကွယ်။

မိုးနေး လိုရာဆွဲတွေးတာတော့စိတ်သက်သာ
တာပေါ့ကွယ်။

Anonymous said...

သိဘူး ............
ဘာပြောချင်တယ်ဆိုတာ..............
မသိတာဘဲကောင်းတယ်.............
သိနေရင် သိနေခဲ့ရင် သိပြီးသားဆိုရင်........
သိသွားခဲ့ရင် သိလိုက်ရရင်...........
ဘာဖြစ်နိုင်အုန်းမှာတဲ့လဲ.........ကဲ

အက်ဆေးဆိုတာ ဘာသာပြန်ရတဲ့ဟာမျိုးမှ........
မဟုတ်တာ.........

Anonymous said...

အန်တီနော်ရေ.. သား Profile မှာမေးလ်ရှိပါတယ်။ စောင့်နေပါ့မယ်။း)

Anonymous said...

ရင်ငွေ့နဲ့ ရေးတဲ့ တေးသွားတပုဒ်လို လာခံစားသွားတယ်၊ ဆရာဝင်းဖေမြင့်က တိမ်တရာ အကျဉ်းချထားတယ်တဲ့ အမှန်တော့ အသံမြည်တတ်တဲ့ အရာတွေပါ ရွှေပြည်ကြီးမှာ အကျဉ်းချလာနိုင်ကောင်းရဲ့။ စကားမစပ် မနော်...ရေ ...ဟေမာနွေလ ဘုရား ကျောင်းတက်ဖြစ်သေးလား? ဒီဇင်ဘာလမှာ Dawn Service တက်ခဲ့တာ၊ Mid-Night Service တက်ခဲ့တာ သတိရနေသေးတယ်၊ ဆရာပေါလ်ရော ကျန်းမာချမ်းသာ ပါရဲ့လားဗျာ! ခွဲခဲ့တာ ကြပြီဆိုတော့ ...?